|
صورتك يا أمي.......(قصيدة)
|
واقف براي..
صورتك معاي..
شايلك
معزة...
وعزة...
وصحبة..
في الغربة الوهم
وأسرح في المسافات
والعدم...!
وأكتب ليك أفراحي
وأحزاني..
و الألم و الهم
يا أمي
يا نور العيون
يا زاد رحالي
في السفر الندم
واقف براي ..
وصوتك ينادي
أقول يا نعم..!
أعاين ليك أفتش
بين الزمن...
وآهات القلم
يا أمي مشتاق ليك
شان أشكي ليك الناس العجم...
وكلام سجم....
و خلق تجم....
ياأمي دعواتك معاي
تبرد حشاي...
و صورتك محفورة
قاعدة في جواي
علم....!
أبوس جبينك
أنوم في حضنك
أريت أفهم..!
وحشاي يصرخ ...!
متين أشوفك ...!
متين أزورك....!
متين منايا يتم.
SOUBHI
|
|
|
|
|
|
|
|
|