|
كابو * مرزوق* اميره الشيخ *( امي نعمات محمود تعاني ) وتحبكم
|
بتلك التسلسليه امنا الحبيبه نعمات محمود ام (حمد النيل )نصر الدين ونهله ونجلاء خالد والغريق محمود ( الشفيع ) صغير وشالوا النيل لا تتخيلوا اني استجديكم ولكني اليوم فقط كنت اكلمها من غربتي وبكيت شالتني وشالتكم واحد وراء التاني .. انا معتصم ده لو قعدتا اكتب باقي عمري ده كلو ماحاقدر اوفيها حقها علي ... لمتنا جميعا ابناء الدفعة 17 قسم الدراما قصر الشباب والطفال ... عبد الخالق , ابراهيم كومك عليش ,, ومنعم محجوب ,,, وببو ود الدفعة من قسم الموسيقى وكل زول يجيها من طرفنا في بيتا في اي وقت تشيلوا فوق راسها من فوق ... احكي ليكم عنها ,,, انا معتصم سيد احمد صرعتني الملاريا وانا طالب في معهد الموسيقى خشيت في غيبوبة شالوني ودوني المستشفى ومن هناك لبيت خالــــــتي نعمات ( فجاءه جاتني غيبوبه من الحمى شالتني وجرت بي على مستشفى ام درمان الحوادث صحيت من الغيبوبه لقيتني راقد فوق كرعينا تهبب فيني بطرف توبا نظرتا الى عينيها وبكيت قالت : حمد امشي كلم اهلو معتصم ده ممكن يموت ,,, حمد ضاير دمعاتو وخرج وفي العصرية كان هناك سرير خالي جلسن عليه خالتي واخواتي وجميع العائلة وانا ما زلت على حجرها ( وقاموا علي حيلن جميعا وقالوا ليها وهي تهبب بطرف توبها ( ربنا يديهو العافية ) وبكيت انا ذلك المسكين ... ولذلك حمد ونصر ونهله ونجلاء وخالد والراحل محمود هم اخوتي من نفس الدم لا من ذلك النفس ... امي نعمات ... والله لو عدينا اولادك عددهم يفوق السته الى الستين وضيفي اليهم احفاد ولد حمد وبت نهله ,,, ومرهف معتصم وفاطمه بت منعم واختها والجاييييييييييييين انتي امهم مرزوق ارجوك ضع صورة امي نعمات محمود في هذا البوست واحكوا جميعا عنها ربما ذلك يطيل من عمرها بيننا ام حنينه ولا كل الامات
ابنك البحبك جدا معتصم سيد احمد
|
|
|
|
|
|
|
|
Re: كابو * مرزوق* اميره الشيخ *( امي نعمات محمود تعاني ) وتحبكم (Re: معتصم ود الجمام)
|
معتصم سيد احمد..
رفيق...البدايات الصعبة والمشاوير الحميمة..
للعنوان مليون دلالة عميقة وعميقة جدا... وليست بينها الاستجداء..
الحب هو ما يربط بينا ..وامى نعمات واحدة من امهات الزمن الجميل يا معتصم..
لكن يبدو ان رحيل محمود الباكر واخيرا العم خليفة ضاعفو وجعا..
لامى نعمات الصحة والعافية.. ونطلب منها العفو..
سوميتا ..
نهال ...
انا منتظراكم نمشى المشوار دا سوا .. اوكى؟...
احمد موسى
... ازيك وليك ملايين التحايا..
| |
|
|
|
|
|
|
Re: كابو * مرزوق* اميره الشيخ *( امي نعمات محمود تعاني ) وتحبكم (Re: خضر حسين خليل)
|
اميره بت الشيخ مرزوق خدر الاخدر جور السنين انهك جسد الخاله الام نعمات ولكنه لم يستطع مع ضحكتا مع صوتا العذب وهي تشاغل فينا عندما نأتيها انصاص الليالي تضاير لينا اهل بيتا عشان ننوم ونصحى الصباح تدينا شاي لبن مع رغيق ومحنه تكفينا سنين وسنين ... اميره بت الشيخ اظنك لمستي وجع امنا نعمات ( رحيل صغيرها محمود غريقا ) وهي كانت قد سمته على جده والدها محمود ربنا يديه الجنه ويديها هي الصبر ورحيل العم خليفه كان وجعا اخر ... امي نعمات نحبك
| |
|
|
|
|
|
|
Re: كابو * مرزوق* اميره الشيخ *( امي نعمات محمود تعاني ) وتحبكم (Re: معتصم ود الجمام)
|
الوالدة الحنينة نعمات أراهن ان كل من دخل بيتها وقابلها أحبها مثل أمه دخلت بيتها وأنا أشعر بحرج شديد بسبب الوقت الذي ذهبت فيه كانت الساعة 12 بعد منتصف الليل كنت طالبة من سكان الداخليات محرومة من حضور الحفلات والمناسبات بعد التاسعة بسبب الليت في إحدى حفلات عقد الجلاد كنت أرغب بشدة في الحضور وذهبت إلى الحفل وأقنعني أصدقائي بالجلوس لنهاية الحفل والذهاب مع الصديق حمد النيل للمبيت مع أسرته وطبعا كأي بت سودانية كنت محرجة من الدخول على أسرته في ذلك الوقت المتأخر وذهبت وأنا في غاية الحرج ولكن دهشت حال دخولي بالاستقبال الجميل والشعور كانهم كانو في انتظارك والونسة والعشاء والاحساس كانك في بيتك أوكانك أحد افراد الاسرة الام الحبيبة نعمات وبناتها نهلة ونجلاء أعزاء على قلبي دائما وأبدا فهي الام التي لم تنجبنا ولكن لانملك إلا ان نحبها كامهاتنا فلها كل الحب والتمنيات بالعافية وطول العمر أريـــــــــــــج الحاج
| |
|
|
|
|
|
|
Re: كابو * مرزوق* اميره الشيخ *( امي نعمات محمود تعاني ) وتحبكم (Re: قصي مجدي سليم)
|
صديقي معتصم كيف حالك ومرهف واروجا... وكل سنة وانت طيب
ونعمات محمود ربنا يديها العافية وطول العمر بقدر ما اعطتنا رغم ما اخذ منها الزمن ابنها وزوجها وصحتها الا انها تعطي بلا عد ولا من ولا تفارق الابتسامة شفتها روحها الحلوة وكرمها الغامر يسبقان الامها الشخصية كل سنة وانت طيب الفوق دي مناسبتها بلغت جمامنا اربعتاشر سنة اول امس 17 يوليو فيها عدد من السنوات الخالية من النشاط وما فتئ الجريفاوي يوصيني بالجمام حتا ظننته سيورثها... كل سنة والجمام بخير كل يوم امنا نعمات بخير وعشرات من ابنائها يرفعون اكفهم بالدعاء لها وقلوبهم رضعت من عطاءها اللانهائي شكرا يا صاحب كابو او حنفي مودتي
| |
|
|
|
|
|
|
Re: كابو * مرزوق* اميره الشيخ *( امي نعمات محمود تعاني ) وتحبكم (Re: قصي مجدي سليم)
|
كابو حبيبي لن نستطيع وحدنا ان نقف معها نحن اولاد الفقر كابو تعالو نحشد الدنيا والعالمين عشان يقيفوا مع امنا نعمات ولا اقول ليك تعالوا نموت عشان تعيش هي صاح كابو رايـــــــــــــــــــــــــك شنو يا صديقي نعمات محتاجانا وبكره بدق عليك ولا بعد شويه استنى مني تلفون الجميل قصي ابدا لم ننساك انت واحد مننا ولكن كبرنا يا حبيبي اميره بت الشيخ احبــــــــــــــــــــك قصي الجمام اتكونت 1993 اخصما من الواقع حتلقانا كبرنا جدا معتصــــــــــــــــــــــــــــم
| |
|
|
|
|
|
|
|