|
|
 بناتي والقراصة والخدرة الفرك
|
لست من المثابرين على البلدي كما يسمى في مطاعم النخيل المنتشرة في الرياض
وعلاقة حرمنا المصون بقراصة الدناقلة كعلاقتي باللغة الصينية . الجمعة مرت كيوم عادي حتي بعد الصلاة ونحن نتجهز للغداء كما اعتدنا
يقرع جرس الباب، تدخل جارتنا وشايلة معاها (فطور العريس) قالت عاملة خدرة فرك وقراصة وحبت تشركنا معها في متعة البلدي
وفرشنا ارضا ... واتينا بالقراصة الماخمج .. وسكبنا فوقها الملاح الاخضر .. وكانت اول تجربة لبناتي التوام .. وكنت مستمتعا بمطاردتهم للقراصة وهي تتزلق بين اصابعهم الصغيرة ... ونحن غارقين في الشطة الى الاذنين لم انتبه لحال البنات وفجاة الاحظ
اليدين ملوخية
الوش ملوخية
الرجلين ملوخية
فاطلقت عليهم تسمية التوأم الاخضر
اما احرمنا المصون فمسكت فوطة
وهاك يا دعك
وهاك يا امسح
احسن من احرف بنغلاديشي متمركز امام اسواق الرياض يمسح العربات
وهكذا دخا قاموسنا لون جديد من الوان الاطباق السودانية بعد الملاح البرتقالي
ودقي يا مزيكة
|
|
 
|
|
|
|
|
|
|
 Re: بناتي والقراصة والخدرة الفرك (Re: د.محمد حسن)
|
| Quote: وفرشنا ارضا ... واتينا بالقراصة الماخمج .. وسكبنا فوقها الملاح الاخضر |
يا حبيب
كل الملحات توضع ومن ثم تغطى بالقراصة ما عدا الدمعة و السمن و السكر يوضعان فوق القراصة و ما تسألني لييه.
لنا
| |
|
|
|
|
|
|
|
|
|
Re: بناتي والقراصة والخدرة الفرك (Re: د.محمد حسن)
|
Quote: لنا يا خطيرة
قلتي لي كل الملحات؟
طيب والمنزلها الشايقي دي شنو كاتش اب |
يا د. محمد
الشايقي كدي انسألو تاني يا الشايقي القراصة و الملاح ديل مكبوبين صاح؟..يمكن الشوايقة بياكلوها كدي لكن نحنا لا
Quote: انت زاتك اظنك زي بناتي بتعرفي الملحات بالالوان
مودتي |
بري و الله
الوالد عنده ثقافة قراصية ممتازة و بيحبها شديد
أنا أولوياتي الكسرة فالعصيدة و القراصة بتجي الطيش و دة بيزعلو شديد
وطبعاً لو معانا ضيف لازم يختبروهو اختبار الجدارة القراصية:الملاح نكبو ونخت عليهو القراصة وللا العكس؟
| |
|
|
|
|
|
|
|
|
|
Re: بناتي والقراصة والخدرة الفرك (Re: الزبير صالح الزبير)
|
دكتورنا
| Quote: تدخل جارتنا وشايلة معاها (فطور العريس) قالت عاملة خدرة فرك وقراصة وحبت تشركنا معها في متعة البلدي |
عريس بالجد ؟
عريس شنو دة العاوز يتزحلق بالخدرة في يوم صباحيتو دة ؟
بالمناسبة يا دكتور .. لو قلعت جلابيتك في أوضة النوم .. و قفلت الباب بالمفتاح و طلعت أكلت الخدرة بالعراقي و السروال .. و غسلت إيدك بالصابون أبو ريحة .. ثم دخلت غرفتك ستجد أن الجلابية البريئة برضو قد لحقتها آثار الخدرة ..
كيف ؟ لا أدري و ما تسألني ليه و كيف .. فللخدرة قوة مغناطيسية تنساب إلى أي شيء أبيض ..
تحياتي للمدام و التوأم الأخضر أخوات أكتوبر
| |
|
|
|
|
|
|
|
|
|
Re: بناتي والقراصة والخدرة الفرك (Re: ابو جهينة)
|
أنايادكتور بحب القراصة والعصيدة كمان ،،،
وممكن آكلهم بأى ملاح ،،،
ألا القراصة بالخدرة الفرك ،، والعصيدة بالويكاب ،،،
لأنو يستحيل أضوق طعم الملاح مع هتين العجنتين ،،،
ألا أقرض وأجغم ،،،
وليها حق أم العيال تعدى اليوم كله مسح وفرك ،،،
إنشاء الله بالهنا،،،
وعقبال المره الجاية معاها فطائر ومشبك عشان تبقى صينية عريس بصحيح ،،،
| |
|
|
|
|
|
|
|
|
|
Re: بناتي والقراصة والخدرة الفرك (Re: د.محمد حسن)
|
طبعا يا دكتور القراصة (الصبة) بتاعت الدناقلة والمحس والشوايقة دي ما بتظبط معانا نحن الحلفاويين ... قراصتنا حنكوشة وما بتزعل المعدة وما بتصدمك وفوق ده كلو بتكون (well done) مش زي قراصتكم جوة تلقاها عجين!! لكن والحق يقال الملوحة (التركين) بكون عندو طعم غير مع قراصتكم ..
إنشاء الله ربنا يجعل أيامكم كلها قراصة  ويحفظ ليك بناتك التومات.
أمير
| |
|
|
|
|
|
|
|
|
|
Re: بناتي والقراصة والخدرة الفرك (Re: lana mahdi)
|
Quote: وكذلك مُلاح
ام تكشو وهي الملوخية الناشفة ومااجمل البامية الفرك , تحياتي لتوماتك |
د محمد الحسن خلي لينا نهي دي كام اسبوع
ام تكشو القال عليها هاشم دي زاته ح تبقي بريمو فيها
قصرنا معاك
تحياتنا لي نهي وبناته
| |
|
|
|
|
|
|
|
|
|
Re: بناتي والقراصة والخدرة الفرك (Re: lana mahdi)
|
Quote: بتين كانت قراصة الدناقلة صبة؟شوف زيس!!!
قراصتنا كاللقيمات رهافة و خفة
والتركين أصلاً لو بالقراريص العجيبة الكم طابق ديك بيكون شي بشع خاصة التركين الني أبو بصلة وشطة خضراء محشوشين |
والله يا لنا(انتي أسمك ده ذاتو قراصة شنو العليك!!)قراصتكم مش صبة دي كوم من لهب بالله الواحد يدخل أصابعه يصاب بي حريق من الدرجة الثالثة لكن لو بس الواحد ما بلبس غلوفز . وبعدين ياخي التركين الني ده ياااااع !! الدنيا صباح!
وبعدين الدناقلة ديل بطينيين كدة ليه والله أنا قبل كدة قعدوا معاي في البيت 3 أخوان دناقلة 24 ساعة في المطبخ وقدرة الفول تلقيها مريلة وووو
أمير
| |
|
|
|
|
|
|
|
|
|
Re: بناتي والقراصة والخدرة الفرك (Re: Ammir Mohamed)
|
Quote: وبعدين الدناقلة ديل بطينيين كدة ليه والله أنا قبل كدة قعدوا معاي في البيت 3 أخوان دناقلة 24 ساعة في المطبخ وقدرة الفول تلقيها مريلة وووو
أمير |
كدي يا أمير قبل أرد عليك حأنادي تيسير عووضة معاي..مسألة الدناقلة دي بتاخدها بمنتهى الجدية..بس عشان نشاكلك الاتنين بدل ما أشاكلك براي
| |
|
|
|
|
|
|
| |
د.محمد حسن
lana mahdi
ادريس خليفة علم الهدي
Al-Shaygi
الزبير صالح الزبير
ابو جهينة
الفاتح الجنيد
salma subhi
هاشم أحمد خلف الله
عفاف أبو حريرة
فيس بوك
تويتر
انستقرام
يوتيوب
بنتيريست