مغامرات السيد مبارك الفاضل

Quote: ما ممكن نقارن اقتصادنا اليوم بحكومة الصادق أو حتى حكومة نميري الكانوا بعتمدوا على الاعانات والديون. حكومة الانقاذ اعتمدت على نفسها حتى قبل البترول. مافي حكومة او نظام بدون سلبيات وممكن نذكر السلبيات دي كلها من مشروع الجزيرة زي ما ذكرتو لحدي السوق العربي المجاريهو طافحة الصباح دا. لكن نحن بنتكلم عن حكومة معتمدة على نفسها حكومة استلمت البلد وخزينتو فاضية وكلو ديون وكان عليها تخش حرب طويلة وحصار من كل الدول وعداوة حتى من الجيران. وبرضو انجزت وانجازها ما كلام ساكت ممكن ننفيهو بكلمتين في بورد في الانترنت. انجازها حقيقة وحتى سكان المدن (وخلينا نتكلم عن الخرطوم الانا عايشة فيها) قارن دخلهم وحياتهم البسيطة الكانو عايشنها زمان وهسي. يا ناس احمدو الله عشان يزيدكم والله النعمة الهسي انتو فيها تتسخط. أي زول هسي داير يركب عربية وداير بيت ملك وداير يقري اولادو في مدارس خاصة والناس هسي بتصرف في مناسبة واحدة بتاعت زواج قدر الكان بصرفو في سنين عشان ياكلو. الفقر موجود وكتير كمان بس نحن ما بنتكلم عن تنمية تمت وانتهت نحن بنتكلم عن سنين بسيطة من البلد بدت تتنفس وبرضو بحصارها ومشاكلها ودارفور ما المشكلة الوحيدة. السودان ماشي لقدام وفي ناس شغالة بتعمر في البلد. وأخونا محمد هارون بارك الله فيه ماذكر الا البسيط وممكن نطلع موضوع كامل نشوف الانجازات دي بس انا متأكدة انو الناس عارفاها كويس بس البقول الحقيقة منو؟!!!

وما يزال العبد يكذب و يتحرى الكذب حتى يكتب عند الله كذابا )