|
الاستاذة / شامة ميرغني في إطلالة مهداة لطلاب الصنوبر
|
الصنوبر شامة ميرغني عبد الكريم مهداة لطلا بي وطالباتي مدرسةالصنوبر جدة اغسطس2001
مشلهت في المهاجر000 ومودرفي الدروب طريقك مزالق000 خطر فرحت بيك00 خوفا عليك شلتك في مراكب نوح أديتك من عصير الروح ختيتك في مناهج شوق ************* ضاريه الكلام الني بكرة الطيور ترجع وتبقي أنت الضي ومن جديد تفرح ******** لكن طارالخبر!! سمعت صقور الجو سدت مسار الضو وجات الغيوم شايلة الهموم والامل ترنح في دوائر النو ليه يا غربة ليه ليه العذاب والكي وين ياعزة وين وين السمح والسي وين يا شهرزاد ليه السكات لسه ما طل الصباح والريش مشتت في الخلا والصي *********** من حزني العليك ؟؟؟ اتكيت في الجراح نشدت الثبات غلبني البكا المكشوف كتمت الحرقة جوه الجوف شربت من البحر.. الطين بنيت جواي مدن تهد الحزن والخوف ما بخاف؟ أنا واكبت المطر ا أتعودت السفر فارده الجناح في نار الحروب في عز الرياح في كل الظروف علمني الشجر معني الصبر شلتك من محن الصنوبر دسيتك في مسارب الروح وسدتك قليب مجروح وسويتلك منو توب و وشاح عشان ما بيه تتوشح وخليتك تبقي الدليل قنديل يضوي عزالليل وجبت من خصل الشمس نول طرزت وجيه النيل مليتو غنا ومواويل وسقيتك من مويتو محاية واديتك من عشق الوطن آية شان يقوي جناحك وتغرد وعدت من قبل الاستاذة شامة ميرغني فأوفت اليوم وتعتذر عن التأخير وتنتظر اقلام النقاد ونعد بأخرى لها في مجموعة قصص قصيرة ... التحية من هنا للأستاذة شامة المساهمة بفاعلية في المشهد الثقافي في جدة والتى ما بخلت ولا إستكانت يوماً لرهق الغربة المتمدد أبداً ... ولي عودة.
|
|
|
|
|
|
|
|
Re: الاستاذة / شامة ميرغني في إطلالة مهداة لطلاب الصنوبر (Re: عبد الدائم سيد أحمد)
|
أخى الرفاعى .. لك التحية والتقدير
من منا لايعرف الاخت ( شامة) تلك الشخصية النادرة فى هذا المجتمع شاعرة مرهفه صاحبة حديث ذو شجون كاتبه ممتازه تبحر مع كلماتها وكأنك تخاطبها وجها لوجه وليس حبرا على الورق .. فأنا أعلم أخى الرفاعى بأننى ولوبحثت فى كل قواميسس اللغة العربية العربية لكى أجد حرفا أو كلمة تليق بمكانة هذه الشخصية لما وجدت ذلك .. لانها أكبر بكثير من الكلمات التى تقال والحروف التى تسطر .. فلك التحية أختى شامه مثنى وثلاث ورباع وللاخ الرفاعى كل الحب والتقدير على هذه المبادرة النادرة .. ودمتم ..
| |
|
|
|
|
|
|
|