|
|
 اخيرًا ... عزت الماهري ( الابنوس ) عريسا اهداء (السنبلاية)
|
السنبلايه
لّما عرفتك اخترتك سعيد البال..
وختّ شبابى متيقن
عليك آمال
لا جيتك قبيله..
ولا رجيتك مال
ولا مسحور
ويوم ما كنت في عينىّ..
أجمل من بنات الحور
جيتك عاشق اتعّلم
من الأيام
ومن سأم الليالى البور
ومن أسر الوِلِف كتّال
لقيتك فى طشاشى دليل..
وفى حرّ الهجيره مقيل
ركزت على ضاكِ عصاى
لقيتك فى حياتى جذور
بنيّه اتلفّحت بالنور
مهجّنه من غنا الأطفال..
ومن سعف النخيل والنيل
ومن وهج الشمس موّال
*
وان اخترتينى إنساناً..
عزيزَ النفس بتمنّى..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكه..
ورحيق الشاى
وطعم الخبز والسُتْره..
ومساء النور
وعمق الإلفه..
بين النهر
والنخله
وغنا الطمبور
وصدق العُشْره بين الأرضِ..
والإنسان
وبيني وبينك الفكره..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
*
وتزعلى يوم..
وازعل
وننفعل مرات
تقبّلى منّى..
واتوسّد ضُراعى سكات
وفينا حنينه
تتشابك موده..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
* وتتكى سنبلايه على ضراعى..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل
( شاعر الشعب محجوب شريف )
2/اغسطس /2007 زواج ميمون وبيت مال وعيال
محمد ادريس
|
|
 
|
|
|
|
|
| |
hanouf56
خضر حسين خليل
مهيرة
ابراهيم بقال سراج
بكرى ابوبكر
Mustafa Mahmoud
Alsa7afa_30
kamalabas
نصار
فضيلي جماع
Elmoiz Abunura
sultan
Aymen Tabir
Abomihyar
خالد العبيد
elsharief
Khalid Kodi
Tragie Mustafa
Abdel Aati
اميرة الحبر ادريس
Yasir Elsharif
أنور أدم
طلعت الطيب
معتصم دفع الله
osama elkhawad
خطاب حسن احمد
BAKTASH
محمد النعمان
Abuobaida Elmahi
د. بشار صقر
ابنوس
محمد حلا
هاشم نوريت
معتز تروتسكى
محمدين محمد اسحق
فيس بوك
تويتر
انستقرام
يوتيوب
بنتيريست