|
|
|
 Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: ولياب)
|
اخي ولياب متعك الله بالصحة والعافية (يعني يطول عمرك مع العافي)
حمى الليلة السبت كان اجمل فيلم استعراضي في ذلك الزمن وكان الفتى جون ترافولتا
حديث العالم ومعبود الشباب بايقاعه السريع في الرقص.
وقد كانت هذه الاغنية من الاغاني المحببة لينا كموظفي الفندق وكنا نشغل الشريط
بصوت هادي يسمعه كل من دخل بهو الفندق ومن جلس صالة الطعام وحتى من جلس في ذلك
البار الانيق ذو الاستول الاحمر الدوار واللوحة الجميلة المثبتة على الحائط.
وعن المسلمين في البارات كان ممنوعا بامر الحكومة الا في الفنادق ولكن كان قريب يعمل في محل للبيع المشروبات الروحية لونه يشبه الناس الحمر فكان يقول لي يا ود اخوي الناس ديل لو عرفوني مسلم بعملوا لي مشكلة.
| |
 
|
|
|
|
|
|
|
 Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: Dr. Abdalla Siddig)
|
وسانت جيمس كان اسمه بلاي بوي وكنا نخاف الدخول فيه
لمان كنا طلبه
ولكن بعدما اشتغلت في اكسلسيور
كنا دائما نمشي نشرب في سانت جيمس الوايت ليبل ونقعد في الاستول ونعاين ونشرب
يا حليل السانت جيمس.
غردون ميوزيك هول ... كان ارقى مكان يستورد الفنانين والراقصين من بلاد برا
وكان يواجه مسجد الملك فاروق ولا يسمع له صوت لانه كان يبدأ العمل بعد السعاعة12 ليلا
حتى الصباح..
وين يا حليل الزمن ولى وراح
كنت دائما اجلس في الطابق العاشر في اكسلسيور واتفرج على افلام المعهد الثقافي الفرنسي
وطبعا الواجهة مقبلة علينا وطبعا كانوا بعرضوا الفيلم على الحائط وانا اتفرج بس ولا اسممع لانو كان بعيد شوية ومرات كنت استعمل المنظار الذي نسيه احد النزلاء الاوروبيين وقد تملكته بالتمام والكمال لانو الزبائن كانوا ترانزيت..
يا حليل الترانزيت ..تتصوروا ان الخرطوم كان نقطة ترانزيت الطائرات الاوروبية لمواصلة الرحلة لافريقيا.. الله يخرب بيتك يا نميري...
| |
|
|
|
|
|
|
|
|
 Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: محمد زمراوي عبدالعزيز)
|
حمزاوي وزمراوي ودكتور عبدالله ياخي انتو عجايز خلاص .. انا كنته قايل نفسي اعجز زول في سودانيز اون لان... غايتو لقينا دفعه قدامنا.. يعني نحن زمن ما اشتغل فندق صحاري وغنو فيهو ناس نادر خضر...... وفندق السودان والهبي لاند والقرين فليتش.. والسكه حديد...... ناس العقارب والبلو استارز...اخ ... نسيت.. وكازينو النيل الازرق.. استغفر الله استغفره الله ايام الجاهليه... فتايل الكرفوازير وبس...... فتايل مش ال جي اند بي ابو يد بتاع اللترين بتاع السوق الحره بتاعت الزمن داك 
| |
|
|
|
|
|
|
|
|
|
Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: Kostawi)
|
| Quote: حمزاوي وزمراوي ودكتور عبدالله ياخي انتو عجايز خلاص .. انا كنته قايل نفسي اعجز زول في سودانيز اون لان... غايتو لقينا دفعه قدامنا.. يعني نحن زمن ما اشتغل فندق صحاري وغنو فيهو ناس نادر خضر...... وفندق السودان والهبي لاند والقرين فليتش.. والسكه حديد...... ناس العقارب والبلو استارز...اخ ... نسيت.. وكازينو النيل الازرق.. استغفر الله استغفره الله ايام الجاهليه... فتايل الكرفوازير وبس...... فتايل مش ال جي اند بي ابو يد بتاع اللترين بتاع السوق الحره بتاعت الزمن داك |
نادر خدر شنو يا زول في الوكد داك يمكن ابوه الكان بغني (المرضي والد فوزي)
يا سلام والله الواحد بعد يخلص من الدوام الساعة 12 بالليل كنا بنمشي سانت جيمس وناخد لينا كام فتيل كدا ونلخبتوا مع البيرة يعني هم كانوا بقفلوا الساعة واحدة ونص .
وبعد داكا نتحرك للبلو نايل وكمال كيلا والجينار... بالله دا بسموه الجاهلية...
اسع احنا تايبين من الحاجات دي .. لكن اكان رجعوه تاني امانة في ناس كتيرة حترتد..
لا انسى ابيل ألير اللي كان دائما بنزل الفندق عندنا والبقشيش بتاعوا بكون اكثر من ثمن البيرة هنكين الاخدر..
الزمن داك عصير الليموت في السوق العربي بقرشين ولكن في الفندق كان ب 22 قرش ومع كدا حبايبنا الاريتريين كانوا بحبذوا يشربوا (اثير ليمون) في الفندق.
.... ونعاود....
| |
|
|
|
|
|
|
|
|
 Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: محمد زمراوي عبدالعزيز)
|
الـحـبيـب الـحـبوب،
زمـراوي،
مـسـكاقـمـي،
في بعض المواضيع في "المنبر العام" لما اطالعها تأتيني رغبة التعليق عنها من وجهه نظر تاريخية، وموضوعك ده لمس شغاف جوارحي وذكرني ايام " القراند هوتيل " البناه اللـه يرحمه يـحسن اليه عـمنا الجنرال "كتشـنر" وكان هذا الفندق هـو "شيـخ" فنادق السودان ومش " اكسلسيور" زي ماإنت قلت.
فندق "القراند هوتيل" كانت وحتي نهـاية 1979 وتسير اداريآ وتنظيميآ علي نفس النظام الانجـليزي السابق ، ولكن وبعد تأميمه وتولي ادارته شـقيق زوجه
الرئيس السابق نميـري مهام الاشراف عليه وسعيه لتطوير الهـوتيل بنهـج يخالف النظام المعمول به منذ عام 1911 ضاعت هـيبه الفندق وافلس بعـدمـدة.
"اكسلسيور" وفنـدق "صـحــاري" ومعـاهـما "الأرز" وفنادق " كيشـو "
و" الـميرديـان " لكل منهم تاريخ خـاص به لايعرفه الامـن عاصـر تاريخ الأحـداث في الخرطوم. احـد فنادق الخـرطوم وفي اعوام الستينيات كانت له شـهره بإنه مـلتقي " الـجـواسـيس " ورجـال مخــابرات العالـم!!!!!وكانت الحـكومة تعـرف هـؤلاء الجــواسـيس والذين اغـلبهـم من عــتاه رجــال المخـابرات
الأثيـــوبيـة ولكـن هــذه الـحكومـة كانت تعــاملهـم كـضيـوف واجـانب
مـحـترميــن!!!!! يسكنون فـي فنــدق راقـي ويـدفعـون الـحـساب!!!! والبقشـيش!!!!!.
| |
|
|
|
|
|
|
|
|
|
Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: بكري الصايغ)
|
Quote: وكان هذا الفندق هـو "شيـخ" فنادق السودان ومش " اكسلسيور" زي ماإنت قلت.
فندق "القراند هوتيل" كانت وحتي نهـاية 1979 وتسير اداريآ وتنظيميآ علي نفس النظام الانجـليزي السابق ، ولكن وبعد تأميمه وتولي ادارته شـقيق زوجه
الرئيس السابق نميـري مهام الاشراف عليه وسعيه لتطوير الهـوتيل بنهـج يخالف النظام المعمول به منذ عام 1911 ضاعت هـيبه الفندق وافلس بعـدمـدة.
"اكسلسيور" وفنـدق "صـحــاري" ومعـاهـما "الأرز" وفنادق " كيشـو "
و" الـميرديـان " |
اخي الحبيب بكري الصايغ
عندما تتحدث القامات امثالكم نقف اجلالا واحتراما ليس لكبر سنكم عنا ولكن لما تملكونه من ملكات الكلام الرزين.
فانا عندما ذكرته ان فندق اكسلسيور كان شيخ فنادق السودان لانني عندما التحقت به في 1977 مع بداية اجازة المدارس ونحن انتهينا امتحانات الشهادة العليا في الطريق الى الجامعة عند اسمع من موظفيه الكبار ان القندق كان يسمى شيخ الفنادق ولست انا الذي اضع ترتيب الفنادق. ربما كان الموظفون القدامي يفتخرون به وبامجاده وربما الفندق مبني من عهد الانكليز ولم تطاله التحديثات حتى في وقتنا ذاك. وكان من بين التدريب في الفندق ان علمونا عن اسماء الفنادق القديمة والمتنزهات حتى الاندية الليلية ومن عجائب الزمن الجميل ان فندق اكسلسيور كان الفندق الوحيد الذي تتعاقد معه شركات الطيران الاجنبية للترانزيت لكافة الدول الافريقية عندما كان السودان يمثل القلب النابض لآفريقيا اما الكباتن فكانوا يسكنون في فندق الواحة الذي يمتلك ايضا قرنفلي صاحب فندق اكسلسيور.
وربما تنازل القراند اوتيل عن شياخة الفنادق لاكسلسيور للتعديلات والتحسينات التي ادخلت فيه حيث تغير ملامحه.. والله اعلم.
شكرا مرة اخرى احي الصايغ وحتى نلتقي مرة اخرى بعد ان نستصحب بعض من عملوا في الفندق قبلي.
| |
|
|
|
|
|
|
|
|
|
Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: محمد زمراوي عبدالعزيز)
|
| Quote: have u ever being hearing this music that time? |
انا شخصيا ود السبعينات!!!!!!
لكن سمعتها بد داك كتير فى الافلام
والتلفزيون لحد وقت متأخر فى كم وثمانين
زمن التلفزيون بعرض الجميل قبل ما يتقلب كومر ..!!!!!
فندق اكسلسيور
... داما يثير فضولى.... ارى لافتته على شارع الجمهورية.. وأتساءل لماذا اغلق وسببه؟؟؟؟
خاصة موقعه المميز بالسوق الأفرنجى!!!!!
وصارت الخرطوم مدينة خواء.... نحبها لسيرتها فقط وليس للحسن فيها!!!!!
| |
|
|
|
|
|
|
|
|
|
Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: AmroKamal)
|
زمراوي الحبيب
اتيت علي زكر الاطلال..وجمال الخرطوم باليل
آه ...يازمن
كانت الخرطوم ...قبلة و منارة..وليس كما هي الآن..
ابدأ لك من شارع كترينة وشارع 15 و شارع واحد ..وكلٍ يحكي روعته
وتروي فيه القصص وتفرد اليه الصفحات
ونعرج علي حديقة القرشي ..والتي حينها لايضاهيها حدائق الميرلاند في القاهرة
حين كان يأتيك الويتر في قمة اناقتةوهندامه..وانت تجلس حول النافورة المضاءة
بالوان زاهية...تجلس والاسرة حيث لايضرسك لا كلم نابه و لامنظر خارج عن اللياقة
ويازمراوي ... لنا عودة للزمن الجميل
معتصم العربي
| |
|
|
|
|
|
|
|
|
|
Re: فندق اكسلسيور والزمن الجميل وهاك اسمع وعش لحظات سبعينات القرن الماضي (Re: محمد زمراوي عبدالعزيز)
|
....
درجـت بـعـض الأسـر الـميسـورة الـحـال وان تلقي مـساء كـل اول خـميس
مـن الشهـر ويـقضـون سـهـرة خـاصـة مـقفوله عليهـم وبفـرقة " جـاز "
ولايستطيـع احـدآ مـن الـمتطـفلييـن ودخـول " الروف " العـلوي وازعـاج
صـفو ومـزاجات هـذه الأسـر. شاء حـظي وبعـد قـدومـي مـن موسـكـو عام 1971
ان وجـه لـي زمـيلي الـمحـامـي كـمال خـليل دعـوة لـحـضور سـهـرة
بالفندق تـحـييها فـرقة" جـاز" كان يشـرف هو ومـجـموعـة مـن اصـدقاءه
عـليهـا، ورغـم مـرور اكثـر مــن سـتة وثـلاثـون عـامآ عـلي هـذه
السـهـرة الرائـعـة شـكـلآ وتنظـيـمـآ فانهـا مازالت فـي ذاكـرتي حـتـي
اليوم لانـها كـانت اول سهـرة احـضـرهـا في الـخـرطوم بـعـد غـياب سـتـة
اعـوام عنهـا.
وجـاءت نـهاية الابتـهاجـات بالـهـوتيـلات في السودان مـع بـداية تـطبيق
" شـريعـة نمـيـري " واجـبار السواح عـلي تناول " الكـركـدي " بـدلآ عن
الـبيـرة " ابوجـمـل " و " الشـعيـر " بـديلآ عـن الويسكـي " جـوني
ووكـر "!!!. وتـدنت الـخـدمات في فنـدق " صـحـاري " و " اكـسليسيور "
بسـبب الرقابـة الصارمـه مـن رجـال الأمـن والتعـديات علي حـريات الـسواح.
| |
|
|
|
|
|
|
| |
محمد زمراوي عبدالعزيز
الطاهر ساتي
Abdelmuhsin Said
ولياب
willeim andrea
Kostawi
ترهاقا
Abdulbagi Mohammed
AmroKamal
معتصم عبدالرحيم
فيس بوك
تويتر
انستقرام
يوتيوب
بنتيريست