|
|
|
 Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه جمال س (Re: بكرى ابوبكر)
|
لا حولالالالالالالالالالا سوزى
خرجنا من السودان مجموعة كبيرة من المسرحيين للمشاركة فى مهرجان اجمل العروض فى الوطن العربى شهر 5 عام 90 مشاركين بمسرحية مأساة يرول اخراج السمانى لوال
كنا قرنى ويحيى فضل الله
والرشيد احمد عيسى وعبد الله الشماسى
اميرة والسمانى وتهانى عبد الله
سوزى وصالح قنقروش وعبد الحكيم عامر
قسم الاله حمدنا الله وعبد المجيد حسن
ياسر عبد اللطيف وماجدة فوتى
والناقد احمد طه امفريب
والفنان صديق حسن
تجاورنا الغرف بفندق دار المشاه مرض سوزى
اثناء العروض شفقنا كلنا
خرجنا انا وصالح وتهانى واشترينا فول وفحل بصل
وقال الجميع علاج سوزى فى البصل
اكل سوزى الفول وقرقش البصل ونزل لصالة
الفندق وقال ليهم شوفو البياكل ليكم تانى
المربة والافاشكيرى انتو ما بتعرفو البصل وين؟
بعد انتهاء العروض ودعنا سوزى وذهب معة الشباب الى محطة التكاسى متجها الى ليبيا
وعاد الجميع فى حالة بكاء شديد ولم يتزوق صالح الاكل ليومين
كان اخر لقاء لنا بجمال سوزى ومن ليبيا ذهب الى فرنسا ثم تشاد واظن الان
يعمل فى تشاد ومتزوج اخر شخص رأى سوزى هو السمانى لوال فى مهرجان عالمى
كان السمانى مع فرقتة كواتو وجاء سوزى بفرقة من تشاد
رجعتنا لى حنين قديم وفنان صديق نحبة كثيرا
اتمنى ان يكون سوزى بخير
| |
 
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه جمال س (Re: بكرى ابوبكر)
|
| Quote: تعرفت عليه بواسطه زميلى فى الجامعه " موسى اسحق عبده ابيض" من ابناء الفاشر يقيم الان بامريكا وكان سوزى لصلته بموسى يرتاد داخليات البركس |
تحياتي يا بكري واحمد
وبحضور سيرة موسي اسحق هنا لابد من تحيته اولا فهو رجل عالي الجمال ومن الزمن الجميل
وجمال سوزي ده برضو انا شفته في داخليات البركس واعتقد يا احمد ابان سكنكم في داخلية بركة
الغرفة الطرفانية من الطابق الارضي ..ونفس الملامح وذات التمرد والالق
له كل التحايا ولموسي اسحق الود و الشوق الكبير لقد كان اخا اكبر دون شك...
| |
|
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه .... (Re: بكرى ابوبكر)
|
سوزى
وبكرى
يا سوزى ازيك
سلام ليهو عشرات السنين
وشوق بحر
متذكرة اى لحظة عشناها سوا من وفى المعهد
اول شى جماعة سوزى
ودى جماعة سواها الزول الجميل سوزى
وكانت مختصة بتجهيزات المسرح للخريجين
لايهم من المتخرج المهم ان يكون الديكور جاهز
وكان سوزى
يصحو لوقت متاخر من الليل متابعا كل صغيرة وكبيرة
كنا معه لكننا ننام باكرا (واحدة صباحا فى سطوح المعهد لما كان فى العمارات)
لمن جينا لامتحان نهاية السنه سوزى (حرن ) قال ما ماشى سنه تانية وابى يدخل الامتحان بدعوى ان اللغة عنده ما تمام
اخر مرة اتلاقينا كان فى السودان لما كان هو وحاتم محمد صالح بدرسوا اللغة الفرنسية فى المركز الفرنسى
وسافر حاتم لليبيا وسافر سوزى لتشاد
احى يا سوزى هيجت علينا الضرس
وبعد داك ما اتلاقينا الا فى التلفون السنه الفاتت مع الصديق الحميم ديرك اويا الفريد ومجدى النور عليه الرحمة
سوزى محل ما كنت قاعد بحبك ياخ
وتانى بجيك لانه الكلام معاك عنده طعم خاص
| |
|
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه .... (Re: Hadia Mohamed)
|
| Quote: Merci mon frere BAKRI message recu |
Cher frere Djamal Souzi
Salut et bonne fete de Ramadan.
J'espere que vous allez bien.
Malgres votre nationalite Soudanaise, il parait que vous etes N'djamenois selon les freres disent.
Comment va le Tchad, et le peuple Tchadien?
Ca fais une annee que je suis hailleure.
Je suis presque le seule Tchadien ici, et c'est pourquoi les sujets concernant le Tchad sont peux.
Avec votre presence j'espere qu'on peux presenter le Tchad d'une meilleure facon et profond.
Vous trouvez sur mon profile mon e-mail, plus le messagerie intern.
Enchante, et je suis vraiment ravi de faire votre connaissence.
شكرا لبكري على إضافة شخص آخر إلى المنبر من تلك الديار
Ton frere/ Mahamat Nour
| |
|
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه .... (Re: بكرى ابوبكر)
|
أو شئ مرحب بالفنان جمال سوزي .. ودايماً بكري بيجمع المبدعين والجميلين ...
أسمحوا لي أخرم شوية من البوست:
| Quote: بالأمس كنا بدارنا ببري نتكلم عن المسرح |
أحمد موسى يا زول حدد لينا إنت من وين في البراري؟ معليش لأني ما عرفت الإسم.
| Quote: مشوار يقطع القلب ، انا مسافتى كانت اقرب شوية كنت بمشى من برى المحس كدارى |
ترهاقا كمان جابا لي في عبّي ... يا زول ترهاقا دي "نيك نيم" والا إسمك؟ أنا قايل نفسي بعرف كل أهالي بري المحس.
مرحب تاني بالأخ سوزي ... وشكراً بكري
| |
|
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه .... (Re: بكرى ابوبكر)
|
Quote:
أسمحوا لي أخرم شوية من البوست:
Quote: بالأمس كنا بدارنا ببري نتكلم عن المسرح
أحمد موسى يا زول حدد لينا إنت من وين في البراري؟ معليش لأني ما عرفت الإسم.
Quote: مشوار يقطع القلب ، انا مسافتى كانت اقرب شوية كنت بمشى من برى المحس كدارى
|
أبوالعزائم كل عام وانت بخير والله من ترهاقا قال بري المحس الفيني كملت وقلت أخرم لكن قلت ده بوست سيد الحوش والـ يو تيرن يمكن يكون ممنوع , أها وكت التخريمة جات منك والبقت بقت أقوللك أنا من بري من إمتدادها بالذات ودفعتي من بري المحس البذكرهم سامي حريز من جماعة مسرح القديمة ودرست حبة مسرح في قصر الشباب ومعهد الموسيقى مع هادية الفوق دي وسوزي وسلمي وناس قرني وحاتم محمد محمد صالح ديل أساتذتنا عدييل كده لكن هادية بتجيب أسماءهم كده بالراحة عشان ناسبتهم في يحي فضل الله
| |
|
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه .... (Re: Ahmed musa)
|
سعدت كتير باني لقيت
حاتم محمد صالح
بعد زمن في الموقع ده
وبسأل عن سيزوي
اقولو لي في تشاد ومرة اقول لي في الكاميرون
مرة واحد قال الزول شغال في شاد وساكن في الكاميرون ولا افريقيا الوسطى
قلت ليهو سيزوي بعملة
اصلو متعود غلى المسي كداري من الثورة لي المعهد في الخرطوم
وينك جمال دموعي سالت من الفرح
وبين الدموع طلت ضحكتي الأولى للفرنساوي الطالع منك
يااخوي ما عندك كي بورد عربي
ادينا العنوان
والباقي على
احبك دنيا واخرة
وال ـ د القدام اسمك مبروك ليها
تقطعة بي عرق الحرووف
وقدرها وتستاهله
محبتي ومودتي
ــــــ
توقع عنواني على الماسنجر !
| |
|
|
|
|
|
|
|
|
|
Re: صورة لرجل من الزمن الجميل كان ياتى لمعهد الموسيقى و المسرح كدارى من الثورة.......انه .... (Re: Abd Alla Elhabib)
|
| Quote: ترهاقا كمان جابا لي في عبّي ... يا زول ترهاقا دي "نيك نيم" والا إسمك؟ أنا قايل نفسي بعرف كل أهالي بري المحس |
اولاد برى سلام (محمد ابو العزائم واحمد موسى)
برى عندها عندى معزة عظيمة ففى فترة معاينات المعهد كنت نازل مع خالى (عم عثمان) زى ما بينادوهو
ناس برى وكنت بقد الخلا داك لحد معهد الموسيقى فى شارع 59
توطدت علاقاتى مع الحريزاب وقضيت معظم وقتى بمنزل صديقى الدكتور عبدالرحمن حريز وفى زواج الاخ جلال
حريز الزواج الاول جاء مجاملة لى كل من الفنانين محمد الامين وزيدان ابراهيم والمرحوم خوجلى وعلى السقيد
وليلة العرس فى نادى الضباط الصديق الكابلى والاخ الصديق ابو عركى والحاضر الغايب خليل اسماعيل .
علاقتى ايضا كانت وطيدة باولاد العزة معاوية والمرحوم مامون
اخى الاصغر اسعد لعب فترة من الفترات كمهاجم فى فريق برى
أها كدة قربت ليكم المسافة شوية
| |
|
|
|
|
|
|
| |
بكرى ابوبكر
ترهاقا
Abuelgassim Gor
احمد الامين احمد
Ahmed musa
عبدالكريم الامين احمد
سلمى الشيخ سلامة
محمد نور أحمد
Elbagir Osman
محمد أبوالعزائم أبوالريش
salma subhi
محمد سنى دفع الله
حسن طه محمد
Abd Alla Elhabib
فيس بوك
تويتر
انستقرام
يوتيوب
بنتيريست