من اقوال الدكتورة مهيرة؟

Quote: اخوانى واخواتى الاعزاء ليرحم الله اهلنا فى السودان (الدعوة الان بين اذان واقامة)ولترفع عنهم البلاء ياكريم ونعوذ بك اللهم من ممنلا يخافك ولا يرحم كنت فى اجازة طويلة بالسودان --الوضع مأساوى ---كل المرافق منهارة --مستشفيات -مدارس جامعات -مصانع - كل هذا الانهيار تحت سمع وبصر حكومة الانقاذ --بل هى من خطط له لأنها بلا أخلاق--ولو كانت لهم ذرة من شهامة --لأقاموا مأتمالوطن يلفظ أنفاسه تحت ايديهم --وزبانيتهم يسوقون شبابه لمحرقة الحرب التى يسمونها مقدسة -كذبا وبهتانا -لكى يقيموا عرسا لهم -بأى اسم سموه لا يهم -اللهم اغفر لنا وارحمنا وتب علينا ياالله Re: ليرحم الله الشهيد احمد حاج نور الاعزاء تحياتى وكل سنة وانتوا طيبين اليومين دى كل ما تلاقينى واحدة من جاراتى السوريات او الفلسطينيات تقول لى الاتى:-قالوا السودان فيه شغل كتير،اقول ليها كيف؟ تقول لى واحد سودانى عرض لى جوزى مشاريع كتير فى السودان :مقاولات وطرق ووكبارى اجواز جاراتى ديل عندهم مكاتب وكدة يعنى اعمال حرة وكل المطلوب منهم انهم يقبلوا المشاريع السودانيةويدبروا ليهم تمويل اى كلام ويتوجهوا الخرطوم لتوقيع المشاريع والبدء فى العمل!!فى فى حظ اكتر من كدة المشاريع تجيهم لباب مكتبهم السؤال الذى يحيرنى هل بلغت استهانة الانقاذيين وسماسرتهم بهذا الوطن هذا الحد الذى يعرضون فيه مشاريع قومية وحساسة بهذه الصورة المشينة؟ أم ان هذه احدث النظريات الاقتصادية لشحدة رؤوس الاموال الاجنبية لاعمار السودان؟فأنا لا افهم فى الاقتصاد الحديث! أم ان الانقاذيين عايزين الحقوا السوق قبل الحكومة الانتقالية ما تشرف ؟والحشاش يملأ شبكته؟ ام ان الموظفين فى وزارة الاستثمار وغيرها وهم طبعا على اطلاع بكل المشاريع دى عاوزين يضربوا ضرباتهم زى ما الرئيس بضرب وبأكل فى اخوانه وناسه وبقية الوزراء؟ واذا كان رب البيت للدف ضاربا----فشيمة اهل البيت الرقص ولا دة بقولوا في فيه شنو يا اهلنا ؟؟؟افتونا بالمناسبة قبل فترة قريت اعلان فى جريدة الشرق الاوسط منزلاه وزارة من وزارات حكومة الخرطوم-لمناقصة بخصوص انشاء سد مروى وفى نهاية الاعلان ومن ضمن العناوين والتلفونات مكتوب رقم تلفون موبايل وقدر ما قريت اعلانات مناقصات لمشاريع حكومية لدول مختلفة فى الجريدة لم اجد دولة واحدة تكتب ارقام موبايلات ياربى لييييييه؟ آآآآآآآآآآآآآه عرفت ---عشان حكومة الانقاذ كانت الحكومة الوحيدة الاسلامية بين الدول دى وطبعا موظفيها شغالين 24 ساعة حتى لا تضيع مصالح الشعب انتوا المغتربين ليها شنو؟ كل زول يدبر ليه تمويل -ان شاء الله بالاقصاد-ان شاء الله صندوق ويلا نلحق المولد -قالوا جحا اولى بلحم توره.ما كدى يا بت قضيم؟؟ لكن هو التور فضل فيه شىء؟؟؟ما كله راح فى جضوم وكروش الجبهجية .استغفر الله واتوب اليه ولا شنو يا جماعة؟ آخر تقليعة---------فى السودان--من حكومة الكيزان]

(عدل بواسطة Elkhawad on 01-23-2003, 02:51 PM)