|
|
 يا جماعة صورتي الشالها منو؟
|
فوجئت صباح اليوم بأني مافي وبكان صورتي في علامة × ... يعني انا فقدت وشي ولا شنو ولا شالوه في التخطيط؟
انا اتأرشفت يعني يا بكري؟ وضعتوني في ياتو مكتبة؟
الشال صورتي يجيبها راجع تاني لانو وشي ده غالي علي وبيذكرني بأبوي الله يرحمه وورثتو منه ..
شوكرن
|
|
 
|
|
|
|
|
|
|
 Re: يا جماعة صورتي الشالها منو؟ (Re: عزاز شامي)
|
صورتك
شلتها
انا
عمك
منها شلت لون
قلت
ازين
لوحة
حاولت ارسم
من حلفا لى اقصى بلاد النوبة
لوحة
اتخيلت
لوحة العشاء الاخير لدافنشى
واتخيلتك يا عزاز
انك
وما من حولك
بين ثقافة عالية
فيها تماضر الانسانة
وبي
احساس دونى
بين الفنان البحلم
وهو يردد صورتك
وبين وردى
يردد
توعدنا وتبخل بالصورة
الصورة
يا عزاز
منوحتة فى الذاكرة
| |
|
|
|
|
|
|
|
|
|
Re: يا جماعة صورتي الشالها منو؟ (Re: حمزاوي)
|
عزاز
بطلي كياشة يا كيشة ..
تكوني دوستي ليك حاجه بالغلط وانتي في زهج ال( answer machine ) بتاعك داك قمتي لحقتي صورتك أمات طه ..
بعدين ياتو صورة ؟ الأبيض واسود وللا الفيها العيون ( بث ) وللا التانية ديك البتشبهي فيها الخواجات ؟؟؟؟؟
وضح .. أبن .. أفصح
| |
|
|
|
|
|
|
|
|
 Re: يا جماعة صورتي الشالها منو؟ (Re: Emad Abdulla)
|
شرلوك هولمز عماد عبدالله ...
البحث كان عن ذاتي الموضحة أعلاه على اليمين ...
Quote: بعدين ياتو صورة ؟ الأبيض واسود وللا الفيها العيون ( بث ) وللا التانية ديك البتشبهي فيها الخواجات ؟؟؟؟؟
|
ما شاء الله! ما انت مذاكر كويس اهو!
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
عزاز يا عزاز ..
حوّل ..
هل لميتم في المفقود .. ؟.. حول.
ما زلنا نبحث عنها .. حول
كل البورداب متهمين حتى يثبت العكس .. حول
توصية هولمزية :
غيري الصورة دي عشان تاني ما نخش في حيص بيص .. حول
عامله عيونك السمحة دي .. حول
| |
|
|
|
|
|
|
|
|
|
Re: يا جماعة صورتي الشالها منو؟ (Re: Emad Abdulla)
|
الأخ عماد عبدالله
نزف إليكم البشرى بعثورنا على المفقودة في حالة جيدة ...
ادلت المفقودة بشهادتها بأن أحدهم حاول اختطافها واحتجزها في سيرفر yahoo مقررا الهروب بها من الوطن السايبيري إلى ملفات الصور الخاصة به وقد أدلت العائدة بأوصاف المختطفين وكل من ساعدهم.
تقرر تحويل صورتي إلى العلاج النفسي لعلاجها مما لاقته من أهوال...
شكرا لكل من آزرنا ووقف بجانبنا في هذا البوست ...
طالبيني كلكم مداخلتين في أوقات متفرقة...
| |
|
|
|
|
|
|
|
|
|
Re: يا جماعة صورتي الشالها منو؟ (Re: nashaat elemam)
|
Quote: فيها راحه
فيها واحه
كلما يتعب يزوره
|
أخوي نشئت الامام...
المواصفات الفوق دي لا تنطبق على المفقودة العائدة ...
المفقودة عبارة عن صورة 6×6 وليست منتزه…
| Quote: غايتو انا جبت ليك العذر للزول الشال صورتك |
هل تربطك علاقة من قريب أو من بعيد باللذين اختطفوا صورتي ؟؟؟؟
اعترف!
شرلوووووك محمد عبدالله ، الحق! لقينا متهم !
| |
|
|
|
|
|
|
|
|
|
Re: يا جماعة صورتي الشالها منو؟ (Re: حمزاوي)
|
ياحمزاوي
سكرين معناتا سكر + سكر = سكرين
سيرفر = خدمات
يعني خدمات السكرين
فهمتا ولا راقد ليك فوق راي ؟؟
ماتقول لي الكلام ده علاقتو شنو بي الموضوع ؟؟
هنا في ناس بتاعين تحاريش هسع يحرشو علّى البنية تقوم التلفونات تطاقش..
| |
|
|
|
|
|
|
|
|
|
Re: يا جماعة صورتي الشالها منو؟ (Re: طارق عبد اللطيف نقد)
|
اخوي طارق ,,,
اللي احلى منها دي انا يا ها زاتها قبل تأميم السويس وقبل ما الدنيا تكرمنا بالحقيقة ...
اما فيما يخص سؤالك، فيؤلمني أن اخبرك بأني لم أكن مدعوة بأي صورة من الصور لاسباب جندرية بحته ...
بكرة لما اكبر واعرس ببقى اجي مناسبات البورداب 
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
بعدين تعالي هنا ...
شايفك في بوست ما ... اندحتى مع الرممممممة خضر حسين ..
اوعك تقولى لي صاحبي ...
طوالي حمسح المشاركة الفوق ..
لانو زول ... معصعص .. ومتشعوط وغياااظ ..
ولو صاحبك .. اكيد حتكونى على شاكلتو .. وحقيف منك بعيد واستخدم الساتر ..
وللا تكونى رطانية ... نوبية وانا ماجايب خبر  ...
وكمان تطلعي لينا قريبتو .. عييييييييييييييك ...الضحك شرطنا .
هوي .. غشيتك ..
هو بالجد .. غياظ .. بس لذيذ زيك كدة ... وبريدو والله ..
وسلميلي علي عيونك.
| |
|
|
|
|
|
|
|
|
|
Re: يا جماعة صورتي الشالها منو؟ (Re: samo)
|
أنا قلت ليك ..
لكن
الايامات دي كلام الناس الطوال ما بتسمع
ياعزاز انا رايح مني انــا ذاتي .. ولي قريب شهر بفتش لي .. وحات خوتك مافي زول دلاني علي ..
انا تاني كان رحت .. بفتح لي بوست وبجي بربطو مع البوست بتاعك ده
وبدفع ليك .. بدل ناس يفتشوني معاي 
عليك بالكمون الاسود من امازون دوت كوم .. وبالعدم جيبي ليك طوبة
| |
|
|
|
|
|
|
|
|
|
Re: يا جماعة صورتي الشالها منو؟ (Re: tmbis)
|
بعدين أول مرة في حياتي اشوف لي صورة مية واربعطاشر × مية وواحد وخمسين بيكسل بتفتش عليها جحافل المارينز المنطلقة من البوارج القابعة بالاطلنطي ..
دي اصلها صورة .. والا ( الفلوجة )
| |
|
|
|
|
|
|
|
|
|
Re: يا جماعة صورتي الشالها منو؟ (Re: tmbis)
|
تمبس ..
ياخي انحنا عايزين نفتش .. إنت مالك و مالنا ؟؟؟؟؟
( ما تقطع عيشنا ) التحريات الزمن ده شغااااااااله وبتدخل كويس ( قالوا بقى في الخرطوم زي خرطومية شركة security )
.........
بيكسل ؟
مية واربعطاشر ؟؟
عزاز .. دي معلومات جديدة لنج ح تغير مجرى التحقيق
( تمبس .. إنت قصدك عدد السور ؟.. هسه الدخل ده في ده شنو ؟ )
ملحوظة :
ــــــــــــ
يا عزاز ما معانا خرخرة وحاجة إسمها يا خواننا خلاص لقيتا وما عارف شنو ..
ح نفتش يعني ح نفتش .. وعاش نضال الـ ( فتاشه )
| |
|
|
|
|
|
|
|
|
|
Re: يا جماعة صورتي الشالها منو؟ (Re: tmbis)
|
يا تمبوس ..
يا ود النقاش إنت ..
غايتو البكسلات دي ما أدونا ليها لمن قرونا درس العصر بتاع التصميم ..
لكن كان داير تبكسلني زيادة فوق البكسلة الفيني دي .. فما عندك تعطيل لكن حجم فايلي بيزيد .. ( هو أنا ناقص ؟ )
أها .. أفتش االإيميدج ولا البكسلات ؟
ولا عزاز زاتا ؟؟؟
حوّل ..
| |
|
|
|
|
|
|
|
|
|
Re: يا جماعة صورتي الشالها منو؟ (Re: Emad Abdulla)
|
ياعمدة..
لالا عزاز خلاص .. جمعت
ناس حلف الناتو لقوهــا. ومفترض يكونوا رفعو التمام خمسة صباحا بتوقيت رومــا
..
بعدين خامتك كويسه .. ويا حلات البكسلة فيك
عزاز .. البوستده عايزاهو .. والا نعمل شيرن انا وعماد ونبدل ليك بيهو ( صحانة وترابيز ) لزوم عيد الضحية.. ( أخوك اليومين دي حاس انو بقى يتكلم كتير )
| |
|
|
|
|
|
|
|
|
|
Re: يا جماعة صورتي الشالها منو؟ (Re: tmbis)
|
| Quote: عزاز .. البوستده عايزاهو .. |
آآآآآي مغروضة فيهوالأيام دي لزوم ارشفة المواقف ...
| Quote: والا نعمل شيرن انا وعماد ونبدل ليك بيهو ( صحانة وترابيز ) لزوم عيد الضحية |
بديهو ليك يوم 1-يناير-2006م الساعة ستة العصر مقابل:
- عدد واحد صحن طلس للقراصة
- عدد اثنين ترابيزة للقهوة جانبية
- عدد واحد (عتوت) صغير ...
وحتى يحين موعد التلسيم بامكانك تعتبر البوست بوستيك ولا أعز منه ....
| |
|
|
|
|
|
|
|
|
|
Re: يا جماعة صورتي الشالها منو؟ (Re: tmbis)
|
Quote: بعدين أول مرة في حياتي اشوف لي صورة مية واربعطاشر × مية وواحد وخمسين بيكسل بتفتش عليها جحافل المارينز المنطلقة من البوارج القابعة بالاطلنطي ..
دي اصلها صورة .. والا ( الفلوجة ) |
ايه نظام القر ده بقى؟؟؟؟؟؟؟؟؟؟
انت بتحسد الاعمى على كبر عيونه؟ مش كفاية انو صورتي اتخطفت!؟
| |
|
|
|
|
|
|
|
|
|
Re: يا جماعة صورتي الشالها منو؟ (Re: tmbis)
|
تمبس ...
انت مافي؟
طب ده منو؟
ذاتك دي لما خرجت من البيت كانت لابسة شنو؟
اصحابها منو؟
بتمشي وين عادة؟
انا ممكن أوصي ليك شرلوك هولمز بتاع البورد يجيب ليك زاتك من تحت الارض ...
اما فيما يخص صورتي التي تعاني في استرداد عافيتها النفسية، فأتعقد أنو اسلم حل ليها انو اسافر بيها من هنا لمكان آخر لا يذكرها بما عانته من مر الخطف والاعتقال ... الطوبة لم تعد تكفي يا تمبس، كان هذا في زمن مضى حيث للطوبة دلالة معنوية... الطوبة حسي مجرد طوبة!
| |
|
|
|
|
|
|
|
|
|
Re: يا جماعة صورتي الشالها منو؟ (Re: ود المايقوما)
|
ود المايقوما ...
الحيثيات كلها تدل على انك انت المتهم الأول في قضية الاختطاف!
لميت صوري في كل الحالات متين؟
للأمانة ولإخلاء الذمة، الصورة الأخيرة دي أنا كنت متسلبطة فيها ساي لانو بت صاحبتي قالت لي انا بشبهها، الاعتراف ده ادلت بيهو الطفلة بعد ما فسحتها واكلتها ايس كريم شعله ..
وطبعا الكلام لاقى صدى في نفسي الامارة بالسوء والتمني ....
و طبعا انا ما كدبتش خبر!
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
ود المايقومااااااااااااااا ........
والله انت عينك قووووووية يا فردة ...
شكلك مقيل ليهم يوم كامل الصور دي عشان تلمهم يا جيييرصة انت ..
انت ماخايف مني ولا شنوووووو
كدي تعال بي جاي النسعلك ..
انت بالجد الصور التلات ديل حقات الزولة دي ؟؟
والله كان الكلام ده صح .. ناس شيكاغو الضحك شرطم..
بس خليك وليد عاقل وماتطلع الحكي من حوش بكري دة .. عشان ما نفتو قرض ..
واالله الوقت داك مايفرزونا الا بالفنايل الحمالي ..
عامل لي ولدك الغياظ دة ..
| |
|
|
|
|
|
|
|
|
|
Re: يا جماعة صورتي الشالها منو؟ (Re: Manar Mahsoub)
|
شفتي يا منار يا قريبتي البقى علي؟
افقد وشي تحت سمع وبصر العالم اجمع؟
بس الحمدلله، وشي رجع بالسلامة، ولكني ما زلت اقتفي
أثر من اختطفوه في غفلة من البورد
وسأصل إليهم بتكاتف كل القوى الشريفة وكل من له وش يخاف عليه....
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
حظي الكعب ده ما خلاني أشوف الصورة ام عيونا كاتلة الناس ..أصلوا انا ديمة بجي متأخر
لكن ولا يهمك يا عزاز
أنا بعد عرفت كيف افتح الايميل واقفلوا
اتعلمت كمان كيف اقدر اشارك في المنتدى
يعني ماشي كالسهم ..
كلها كم سنة كده وتلقيني من كبار الهكرزجية
وساعتها حجيب ليك قرار الصورة بتاعتك دي
من حسع اعتبريني مسؤول عن منطقة شمال افريقيا
ايه رايك . قصرت معاكي
| |
|
|
|
|
|
|
|
|
|
Re: يا جماعة صورتي الشالها منو؟ (Re: samo)
|
Quote: معلوماتك الكاااملة .. تحتيها لينا هنا بكامل ارادتك,, وللا نتصل بمصادرنا المنتشرة؟؟
|
وعلى ايه ...
الاسم: عزاز شامي
الحالة الاجتماعية: آاااااااانسه
العمر: 48 سنة بناءً على آخر شهادة تسنين
التعليم: خياطة وتفصيل
الوظيفة: متابعة قنوات الديجتال
الهوايات: طرقعة الأصابع والشمار
الأكلات المفضلة: أي حاجة جاهزة المهم ما اطبخها
الطموحات: لا يوجد
Quote: شايفك في بوست ما ... اندحتى مع الرممممممة خضر حسين ..
اوعك تقولى لي صاحبي ...
ولو صاحبك .. اكيد حتكونى على شاكلتو .. وحقيف منك بعيد واستخدم الساتر ..
|
سبق وحذرتني أنو لو خضر صديقي انت حتزح بعيد ,,,
معناها زح بعييييييييييييييييييييييييييييييييد وغادر كوكب الأرض ...
لأنو...
خضر أخوي وقريبي، بس انا بصلي وهو لأ !!
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
عزاز
أذيك ياقريبة
أتعاملي مع دكين ده كمشهد عابر ( مثلاً) فلم هندي حضرتيهوا ناس البطل مابموت ديلالاك
دكين ده بالمناسبة يزكرني بأيات الله في خلقه ولد مشحتف وفلسان وعلي العليهو عتر لي كتير في مدن الاسمنت .
أها صورتك لقيتيها ولا لسة ...
الامنيات لك ولدكين الوغد المحبة ( وحبة قروش)
خضر
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
عزاز
أذيك ياقريبة
أتعاملي مع دكين ده كمشهد عابر ( مثلاً) فلم هندي حضرتيهوا ناس البطل مابموت ديلالاك
دكين ده بالمناسبة يزكرني بأيات الله في خلقه ولد مشحتف وفلسان وعلي العليهو عتر لي كتير في مدن الاسمنت .
أها صورتك لقيتيها ولا لسة ...
الامنيات لك ولدكين الوغد المحبة ( وحبة قروش)
خضر
| |
|
|
|
|
|
|
|
|
|
Re: يا جماعة صورتي الشالها منو؟ (Re: خضر حسين خليل)
|
قريبي الراحل لمدن الطين ...
عارف دكين ده أعمق من فيلم هندي وابسط من فيلم وثائقي عن نشأة المفردة ....
لسبب ما، الكائن البشري ده بيسيب أثر في كل مكان،
لن نناقش نوع الأثر لأنه موضوع نسبي يخضع للسان صاحبنا موضوع النقاش..
براااه بيشيل ايده وبيطبز عينه ...
هنا ...
حاول البعض و أول حرف من اسمهم (حمزاوي) اتهامه،
حاولت الدفاع عنه ..
ولكنه،
أبى إلا أن يعترف بفعلته!
اعمل ليهو شنو وريني؟
في النهاية،
قررنانحن، اللي هم أنا، أن نتركه ليفعل ما تأمره نفسه العامرة بكل الطيبات ...
**كومة توصيات:
-أمانة يا خضر تمشي بيتنا في البلد وتشيل مفتاح المندرة من تحت الزير وتجيب لي راديو بابا البني ...
-وصيهم يعرشوا المزيرة القبلية، يمكن في يوم تجيبنا الموجة راجعين ونبل ريقنا ...
وما تنسى توصي أقرب حبوبة ترسل لي بلح ناشف في كيس مخيط بعناية وتلفه في توب قديم ...
-ما دايره جوابات، دايرة شرايط كاسيت مليانة باصوات الناس وهمهمات العجايز ...
- نخلاتي ابقوا عشرة عليهم وقسموهم بالعدل بين من أورثتهم قليل متاعي ....
| |
|
|
|
|
|
|
|
|
|
Re: يا جماعة صورتي الشالها منو؟ (Re: DKEEN)
|
مشكلتك يا دكين يا ولدي انو انت بتخاف من التوج
والخوف هو ما يوردك التهلكة ...
أرى أن التوج متربص بلكل مداخلة يخطها كي بوردك ...
ويقودك حرصك على خاطر الغاليين لعلب الاعتراف و تكلفك شوية
وشويات من الريالات لتفسر عبر الأثير عن نيتك الطيبة،
وغالبا ما ينتهي بك المطاف مفلسا حتى عن اللحاق
بركب وداع صديقك، والتوج ما زال مغاضبا متمنعا ....
لو عدلت لأمنت يا دكين ...
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
Quote: كومة توصيات:
-أمانة يا خضر تمشي بيتنا في البلد وتشيل مفتاح المندرة من تحت الزير وتجيب لي راديو بابا البني ...
-وصيهم يعرشوا المزيرة القبلية، يمكن في يوم تجيبنا الموجة راجعين ونبل ريقنا ...
وما تنسى توصي أقرب حبوبة ترسل لي بلح ناشف في كيس مخيط بعناية وتلفه في توب قديم ...
-ما دايره جوابات، دايرة شرايط كاسيت مليانة باصوات الناس وهمهمات العجايز ...
- نخلاتي ابقوا عشرة عليهم وقسموهم بالعدل بين من أورثتهم قليل متاعي |
لو بتعرفي قدر شنو أختي عزاز هزّتني هذه التوصيات ،وخلت كمية من الصور الجميلة تنطط قدام عيوني ...ياااااااااااااااااه
أقول ليكي حاجة .. ان شاء الله ما تلقي صورتك دي كلو كلو عشان نفضل نستتمتع بتعبيراتك البسيطة في مفرداتها والعميقةجدا في معانيها ودلالاتها دي ..
سلمت يا اختاه وسلم يراعك " كيبوردك "
| |
|
|
|
|
|
|
|
|
|
Re: يا جماعة صورتي الشالها منو؟ (Re: عزاز شامي)
|
بت ابوالشام يا رايقة ..
في التول بار بتاع كمبيوترك قريت الاتي:- وانا بصراحة زول ما فاضي وده معناتا قعدتا ليكي مخصوص:-
اولا مافي قبة ميسنجر ظاهرة..معناتا ما عندك زول مهم في ماسنجرك ..
تانيا عندك ريل بلير شغال معناتا بتسمعي في غنية نوبية حلوة ..عايزين نسمعها معاك..
تالتا عندك صفحة وورد مفتوحة معناتا بتكبي في الورد وبتعمل يبيست اند كوبي في سودانيز اون لاين ..معناتا ما بتحبي تكوني في المتواجدون حاليا كتير..
رابعا الساعة عاملة عندك في التول بار 11:53 دقيقة معناتا قاعدة تخشي من الشغل وكده ..
معناتا الواحد ممكن يجي يشرب معاكي قهوة بعد الساعة 12 لانو شكلك فاضية والشغل بكون انتهى ..
خامسا عندك برنامج ايقونته صفراء مربعة غلبني اعرفو برنامج شنو ..لكن داير انزلو عندي برضو..
اخيرا الوندوز بتاعك عربي ليه ؟؟
مداخلتك يوم 20 /12/ يوم التلات وكده .. معناتا يا كنتي ماخدة اجازة مرضية وداخلة من جهاز البيت ياكمان جهاز المكتب معرب..
لو الاولى الف لاباس عليك وربنا يواليك بالعافية ويكتب سلامتك ..
ولو التانية .. معناتا ناسك ديل لغتهم العربية مية مية .. ياكمان انتي ما شغالة بيهم الشغلة ومافي زولا مالي عينك..
ده كلو كوم ..
والشكلةالراجياني كوم تاني عشان التنظير ده ..
الله المستعان ..
دعواتك يا فردة
دي المداخلة التالتة ونحنا السقف الائتماني بتاعنابغطي لحدي مداخلتين بس مع الناس اللذاذ ولطاف..
وانت مرة كاتب كيف الدبار وصبرنا بعدك قل يا بدر التمام طلينا كان بس طلة
| |
|
|
|
|
|
|
| |
Tumadir
sharnobi
Muna Khugali
Emad Abdulla
saadeldin abdelrahman
ترهاقا
nashaat elemam
معتصم الطاهر
طارق عبد اللطيف نقد
Deng
Adil Osman
Kostawi
samo
tmbis
خضر حسين خليل
فيس بوك
تويتر
انستقرام
يوتيوب
بنتيريست