يا سيدي صادق المهـدي....لن تحصدوا ابو النوم في الانتخابات القادمة!!

Quote: يا عادل امين تحياتى واقول ليك ان السودان ما محتاج لثورة بنفسجية ولكن لثورة حمراء .. بس ما تقول حمراء دى يعنى شيوعية ولكن ثورة دموية للقضاء على كل الفساد وكل الدول الاوروبية التى تتمتع بالديمقراطية الان مرت بهذه الثورات الحمراء وبعد ذلك تقدمت بلادهم ودخلوا الثورة الصناعية واصبحت من الدول المتقدمة النمو بينما نحن ما زلنا فى محلك سر ولا ندرى الى متى ؟؟

نحن في العالم اليوم في القرن الحادي والعشرين...واكثر من 50 دولة انتقلت من انظمة شمولية الي انظمة ديموقراطية عبر خارطة طريق محددة دون راقة قطر دم واحدة
وارجع ذاكر شوية في
1- كيف تحولت هذه الدول من النظام الشمولي الي الديمقراطي وبجيك صاد
تنزانيا ،السنغال ،انجولا ، جيبوتي ، كينيا وهذا على مستوى افريقيا
اما ثورة الالوان الدستورية فحدث ولا حرج الاتحاد السوفيتي سابقا ودول شرق اوروب وامريكا اللاتينية وكلها انظمة طاووس غاية في البشاعة تصالحت مع نفسها ومع شعوبها وارتضت التحول الديموقراطي السلمي...هذه هي لغة النظام العالمي الجديد ولا تسقط مرحلة على مرحلة والامر

ود هباني العزيز

واضح من صورة بروفايلك وجيفارا العظيم انت اظنك مارق من سنةسبعين وبالتاكيد يتكون لابس بنطلون ترفيرا وقميص تحرمني منك وعامل تفة وسايق تكسيك ده في ام ريكا,,امريكا القاعد انت فيها دي وين انا خايف تكون قرية جمب ام جر في النيل الابيض..او الحشرو عباس في الجزيرة
السودان الان ولمدة ستة سنوات شباك وبابين
اما تبقي(تتحالف )مع المؤتمر الوطني
او الحركة الشعبية
ونيفاشا خارطة الطريق الوحيدة للدولة المدنية الفدرالية الديموقراطية...وناسك ديل ما قابلين للتحالف مع اي حد

وانت لو متحدينا في سباق المسافات الطويلة قبلنا التحدي..ونشوف اخرتا..واتفق معاك في ايجاد (جبهة ديموقراطية متحدة) ليس الامر زعامات او احزاب..ونحن قدمناها هنا منذ ارشيف 2002 يا اخوي

رايكم شنو بعد عملية التجميل دي وازالة اثار جرائم الحرب ضد هباني

(عدل بواسطة adil amin on 11-30-2006, 06:13 AM)