والله يا جماعة الاخوة الجنوبيين ديل فيهم نا س طيبين شديد وفيهم ناس حنينين شديد

Quote: والله يا جماعة الاخوة الجنوبيين ديل فيهم نا س طيبين شديد وفيهم ناس حنينين شديد

Quote: دى الخوه النحنا دايرنها وربنا يديما، لك التحيا يا دوت مجاك ومن ديك وعيك يا صاحبى ولا شنو والله يا جماعة الاخوة الجنوبيين ديل فيهم نا س طيبين شديد وفيهم ناس حنينين شديد ربنا يخلى لينا السودان

Quote: يا دينق خليك ايجابى شويه وقول الكاتب كلامو صاح و ده حقيقه قديمه انا والله لى صديق لا انساه ما عشت وهوالاخ الغالى اتر جميس شلكون تحياتى الغاليه له اذا كان على هذه الارض

Quote: الزول ده خانو التعبير كل اصدقائي من ابناء مدينة يرول مافيهم زول كعب ولا زول قاسي القلب لذلك لم اتعرف في حياتي علي جنوبي كعب لذا ثقتي مفرطة في الجنوبيين ممكن تسال الاخ ادوار لينو منها

Quote: غايتو يا دينق انت حكاك حك .. لكن تعرف .. انا بقى بقيف في حاجة اغرب من دي .. انا بتوسوس بي كلمة "اخوانا الجنوبيين " .. بحسها نفاق بنمارسوا لتقريب الاخر .. زي لمن نجي ننتقد مصر بنقول " اخوانا المصريين ". لكن لو عاوز اتكلم في الشايقية بقول الشوايقة ديل غتيتين .. رغم اني ما شايقي لكن ما بقول اخوانا الشوايقا .. م بعتذر باخوانا الشايقة او اهلنا الشوايقة .. بشوت عادي. اما الجنوبيين فلا يمكن ان اجيب سريتم الا بـ " اخوانا الجنوبيين " .. خير شر . و لو قلت فلان ده "جنوبي " من غير ما تقول " من اخوانا الجنوبيين " الناس تعاين ليك باستغراب .. رغم انك قبلها تكون قلت فلان الحلفاوي. الموضوع ده فيو حساسية غريبة شديد. مشيها يا دينق .. التعامل و الحياة المدنية بتقرب البعيد .. حتى اخوانا الخواجات.

Quote: الأخ الزميل دينق أكن مودة شديدة ومحبة عميقة لأهلنا في الجنوب ولن أنسى ماحييت صديق الوالد عم جون فهو من أطيب وأرق من قابلت في حياتي . أمنياتي الصادقة لأهلنا في الجنوب بالخير العميم سواء في ظل السودان الموحد أو في حالة إختيارهم للإنفصال . تحياتي وتقديري

Quote: هسة يادينق انا ود عمى جنوبى من أمه .. أها دا جنوبى ولا جلابى؟

Quote: Quote: والله يا جماعة الاخوة الجنوبيين ديل فيهم نا س طيبين شديد وفيهم ناس حنينين شديد عزيزي دينق: الاعلام المركزي و منذ استقلال السودان سعى بشكل او اخر الي اظهار ابناء الجنوب و الهامش السوداني بشكل عام اناس غير طيبين -ثقافاتهم غير جديرة بالاحترام- و انهم حاقدين على اخوتهم في الشمال النيلي و الوسط. هذا اظهار للضحية في ثوب المجرم و استغفال لشقيق الضحية في الخرطوم و ما جاورها من القرى بأن اخاه الذي ولد في الجنوب او الغرب يحقد عليه وجوده على ظهر الارض فيصدق الاخير. انها مأساة الشعوب السودانية مع العقلية الاستعمارية و مصيبتها انها وطنية Quote: شوفو ذي جنس الكلام ده ؟ بتقال بعفوية شديدة . وكاتبه لا يدري حقا ما يقول . وهذا هي أحدا مشاكل السودان الحقيقية . الامر لا يتوقف عند هذا الحد انما تجد طغيان الغباء في قول البعض (جنوبي فاهم او غرباوي فاهم) بإفتراض عدم الفهم هو الاصل حامد

Quote: يبقى الإنسان إنسان سواء في كايا أو الحصاحيصا هذه المفاهيم المتعثرة ستظل تحبو إلى أن يظلنا وطن متعافي وديمقراطي

Quote: والله أنا شايفة الكلام عفوى لكين العفوية أصلا بتعكس ما بداخلنا . أنا عندى حساسية تجاه الكثير من الكلمات والممارسات ونحنا كجيل ما عندناذنب دى تربية وغرس أجداد بس دورنا نحنا تجاه الأجيال القادمة أنا عن تجربتى فى تربية أولادى بفتكر انها كانت ايجابية جدا عمرى ما قلت لاطفالى كلمة عنصرية كان جنوبى كان جعلى كان شايقى لكبن دا ما منع الشارع أقول ليهم الأنا حافظت على عدم قوله بس تابعت بالتصحيح للأسف الشديد لمن كبروا لقيتم ليك مفرزين انهم نوبييت وأول ما دخلو الجامعات عديل على رابطة النوبة من الكلمات الما عندها اى معنى غير الفرز الغير ايجابى زى ما قال حمور أخوانا الجنوبيين ولا واحد اقول ليك ثلاثة رجال وجنوبى وحتى فى المجتمع المدنى اقول ليك جو زى كم منظمة كدا ومعاهم منظمات حقت جنوبيات ووحدين من منظمات ناس دارفور ولا ومنظمات حقت النوبة ياخ دا مجتمع عجيب ياريت نغير كل الحاصل ما بس عشان الوحدة عشان حتى لو لا قدر الله حصل انفصال لازم نكون نظرتنا للبنى آدم أحسن من كدا مش كدا برضو الجنوبيين أقولو جلابى ولا مندكرو ولا حتى الاخوة الشماليين يا ريت دا كلو انتهى

Quote: الأخ دينق سلامات أنت بنفسك قلت الزول قال الكلام دا بى عفوية... دى مهمة جدا لأنها بتورى صدقه.. دا مقابل الكلام الكتير اللى بنسمعه كل يوم وبعجبنا وما عارفين مدى صدقه.. عشان كدى أى كلام عفوى أيجابى مفروض نعتبرو دليل عافية..بغض النظر عن الكم... والعافية زى مابيقولوا درجات... وفى ناس كتيرين فى السودان دا معلوماتهم عن بعض ما حا تتصحح فى معزل عن تعايش حقيقى فى ظل مؤسسات أحد أولوياتها محاربة السلبى المتراكم فى لاوعى الجميع بما فيهم أهل الجنوب والغرب تحديدا... وحتى ذلك الحين وفى ظل الظروف الحالية والبؤس الحاصل، فمفروض نلقط الأيجابى تلاقيط.. وما نفتش ال Politically Correct مقابل العفوى.. تسلم سيف

Quote: Nina Jablonski breaks the illusion of skin color Nina Jablonski says that differing skin colors are simply our bodies' adaptation to varied climates and levels of UV exposure. Charles Darwin disagreed with this theory, but she explains, that's because he did not have access to NASA. http://www.ted.com/talks/nina_jablonski_breaks_the_illu...n_of_skin_color.html

Quote: يا أخي والله أنا محتار فيك ؟ إنت سوداني- أمريكي لكن بكل أسف مركب مكنة عنصرية، وبعض الحرية العشتها في أمريكا تنقلها للسودان مقلوبة ومشحونة بلغة الكراهية. يا أخي والله كرهتونا السودان ذاتو. تعرف أنا بقرأ كل مواضيعك وأحمد لك الرأي الصواب ولكن لما أجد لك رأي مشاتر بزعل منك زعل حقيقي، ببساطة لأني عشت بالجنوب واعتبر نفسي جزء منك ولو بالجوار وتعرفت على إنسان الجنوب عن قرب، بغض النظر عن تعليمه، قبيلته، ديانته، وتكونت لدي قناعات منها أن جعلت إبني الذي أحرز أكثر من 90% يدرس بجامعة ملكال. يا أخي خذ الوجه الحسن من قول الكاتب وأترك السرائر لباريها. وأنت يا دينق يمكن أن تكون رمز محبة وسلام بتتبعك لخير الكلام بينما يمكنك أن تكون قاتلا عديل بتتبعك لعفو الكلام. نحن أمه حتى اليوم لا نفرق بين كلمتي شنطة وشمطة، وكل كلامنا عفو الخاطر.

Quote: راحة على المغيرة .. دا ود صغير لسع .. لا قدرك لا لحم سدرك ..!!

Quote: الاعلام المركزي و منذ استقلال السودان سعى بشكل او اخر الي اظهار ابناء الجنوب و الهامش السوداني بشكل عام اناس غير طيبين -ثقافاتهم غير جديرة بالاحترام- و انهم حاقدين على اخوتهم في الشمال النيلي و الوسط. هذا اظهار للضحية في ثوب المجرم و استغفال لشقيق الضحية في الخرطوم و ما جاورها من القرى بأن اخاه الذي ولد في الجنوب او الغرب يحقد عليه وجوده على ظهر الارض فيصدق الاخير. انها مأساة الشعوب السودانية مع العقلية الاستعمارية و مصيبتها انها وطنية

Quote: انا اعتقد انو كلام الاخ دا قد جاء بعفويه شديده والله اعلم ..

Quote: الصورة الموجودة والثقافة التي يحملها هؤلاء عن الآخر سواء أكان جنوبيا أو من بقية الهامش.. أنه لا يفهم.. قاسي.. عنيف... وعندما يتعامل مع فرد منهم فيقول هذا استثناء للقاعدة الثقافية السائدة..

Quote: دينق سلام والله الاقتباس ده لفت نظرى من اول ما قريتو وقلت يا رب تعدى على خير وخطر لى نفس الخاطر انو اقال بشكل عفوى جدا لن اجرم الاخ المغيرة ولا احكم عليه بأنه عنصرى ولكن اتفق معاك انو كلامو يحمل الكتير وممكن نقولهى محاولة عفوية لرجم الذهنية السائده (على الاقل من وجهة نظرو) فكأنى به يريد ان يقول يا جماعة انسو قصة الجنوبيين ديل عبيد وانسو القصص المتداوله عن انهم عنيفين و غيرو والله الناس ديل زينا واحد و فيهم ناس طيبين و حنيين و اتفق معك انه أن الاوان لهذه اللغة ان تزول الله يقدرنا و يقدركم يااااخ اول مره اشارك فى بوست عنصرية :):):)

Quote: فى البداية يا استاذ دينق قوم شيل النص كامل وبعد كدا نتكلم انا وانت وفى الحقيقة انا ما عاوز اخش معاك فى نقاش لانو نوعك ده بخلى الناس تفهم فهمك العنصرى ده وانا بتعامل مع حبايبنا فى جنوب السودان والقلة التى قابلتها لم تعاملنى بمثل ما عملتنى انت فقد كانو بمنتهى اللطف والتعامل الراقى الا انت اعوز بالله منك ولذالك فساكتبك من النوع الاخر ((المعقديييين))