نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 ورشــة الـفــرح
|
ملتقى التشكيليين السودانيين
شهــــاب ديــــــاب
سليمــي عثمـــان
سلمــــي حســـن
الريــــح أمبــــــدي
تيسير عبد القــــادر
أ.عصام عبد الحفيظ
أبوبكــــر الشريـــف
تاريخ الورشة :::::::
الخميــــس 26 يونيــــــــــــــــــــو 2008 م
تستهدف منتسبي إصلاحية كوبر والجريف
أكتر من( 250 ) مشارك
من الساعة الحادية عشر صباحا وحتي الخامسة مساء
هدايا للمشاركين
وفواصل غنائية و فقرات كوميدية مع فرقة تيراب الكوميديا
:::::::::::::::::::::::::::::::::::::::::::::::::: :::::::::::::::::
دعوة لكل الاعضاء للمساهمة والمشاركة في تنظيم واقامة الورش ومن يرغب في
تفعيل ورشة على نطاق منطقته الرجـــاء التنسيق مـــــع الادارة او مع المجموعــة
::::::::::::::::::::: معاً لنشر الثقافة التشكيلية :::::::::::::::::::::
|
|
 
|
|
|
|
|
|
|
 Re: ورشــة الـفــرح (Re: محمد سنى دفع الله)
|
عصام عبد الحفيظ
الفنان عاشق الجمال
مع مجموعة من الفنانيين
الجماليين والشباب المتجاوز
اعدوا انفسهم لعمل اكبر ورشة فنية
لينشروا الثقافة التشكيلية
وقد نجحوا شاركونا هذه الفرحة
محاضره حيقدمها عصام عبد الحفيظ عن الورشه وعن المواضيع المسابقه
يبداء المشاركين بالرسم والتلوين
مشاركة فرقه كوميدي ونكات
توزيع هدايا عينيه لشباب الاصلاحية
المشاركين حوالي 225 مشارك جميعهم من سن 15 سنه فمافوق من شاب وشابه
وهم نزلاء اصلاحية كوبر وحيشاركهم برضو نزلاء اصلاحية الجريف
الدعوه لكل التشكيلين السودانين للمشاركه في الورشه بس بتمني انو اي زول عندو الرغبه في المشاركه يتصل اما بي او بي سلمي او بي شهاب او تيسير او الريح لانو المفروض نوضح الناس الحيدخلو ويشاركو في الباب لانو المكان ما مفتوح شديد وبتمني اي زول بيقدر يجي يشارك لانو المشاركين اعداد كبيره ومحتاجين لي مشرفين
كانت هذه الكلمة التي كتبتها سليمى عثمان بابكر الفنانة التشكيلية التي شاركت في معظم الورش التي
قدمت في العاصمى المثلثة..
| |
|
|
|
|
|
|
|
|
|
Re: ورشــة الـفــرح (Re: محمد سنى دفع الله)
|
غاندي الفنان
ملتقى التشكيليين السودانيين
تجمع ليه سنة واحدة ولكنه قدم اعمالا جليلة
في وقت وجيز
ويتفاعل مع الحركة الثقافية والإجتماعية
ليطورها فنيا ويزيل الكثير من الأمية الجمالية
فقدموا العديد من الورش وغرسوا حب العمل الطوعي في
العديد من الشباب ودفعوا بهم الى العمل الفني
بأقل التكاليف واي مواد
ولكن بالرغم من الشعار البسيط
تتدفق الينا مواد متنوعة وتتسهل التكاليف
ويبدع فريق العمل
من اجل الأنسان السوداني
ونواصل هذه الورشة الإستثنائية
ورشة الفرح
| |
|
|
|
|
|
|
|
|
|
Re: ورشــة الـفــرح (Re: محمد سنى دفع الله)
|
والله كانت ورشة رهيبة بالجد ..
ضبطنا صيوان فناااان و كبيييير .. لانو فعلا كان الحضور كبير
تعلييق الريح امبدى ( والله كان الزول يعمل عقد وعرس وينتهى )
يا نجوى عليك الله شوفى ليهوا لوحة
عصام و تيسير قعدوا يشرحوا لمجموعة مجموعة ..
بعد داك الكل بدا يرسم .. والله بالجد فى ناس فيهم رسامين جدا..
طبعا بما اننا كنا فى اصلاحية اكيد حيكون فى ناس مشاغبين...
كنت لافه على الشباب بلاقى واحدين قاعين ساكيت اديهم الورق يقولوا ما
دايرين..
كلمت بكرى الكدروا الصغير .. مشا ليهم قال ليهم ما دايرين ترسموا طيب
ارح معايا لى هناك..
ألذ حاجة الشباب أفتكروا انوا حنوديهم للمدير علشان يعاقبهم..
قاموا نطوا من مكانهم وقالوا ادونا ورق نرسم نحنا من قبيل منتظرين الورق..
قلت لى بكرى انت كنت موديهم ويين .. قربت اموت من الضحك
لقيت طربيزة فيها 8 اولاد وعصام عبد الحفيظ قاعد معاهم .. وشغال بتونس مع
واحد واحد ونسه دقاق .. ويكلمهم عن الرسم واللون .. ويحببهم فى الشغلانا..
بصراحة يا عصام بحييك.. بالجد طريقة كلاموا مع الشباب كانت لذيذة..
بصراحة حسيتوا مش فنان .. بل دكتور نفسانى.. قدر يوصل لى نفسية كل واحد
وبالجد الاولاد الكانوا حولييه القاعدين فى طربيزة العقاب رسموا رسم مبالغة..
بعد داك بدت فرقة تيراب الناس كلها كانت مبسوطة ومفرفشة..
الذ شى حتى مدير الاصلاحية كان مبسووووط لمن قعد يضرب تلفونات ويعزم
منو ومنو..
كان يوم فعلا جمييييييييل
الفنانة سلمى مكي
مشاركة نشطة في الورشة
| |
|
|
|
|
|
|
|
|
|
Re: ورشــة الـفــرح (Re: عمر عبد الخالق سعيد)
|
يا صاحبي ياعمر الوراك في الصورة
شعار الهلال
ولا طائروراه هلال
محبتي ومودتي الصافية
الشباب والعجايز من الفنانيين عملوا حاجة كبيرة
ولازم كل الدنيا
تشوف الجمال الحق
معانا لي اخر المشوار
| |
|
|
|
|
|
|
|
|
|
Re: ورشــة الـفــرح (Re: محمد سنى دفع الله)
|
--------------------------------------------------------------------------------
* الأستاذ عصام عبد الحفيظ
* الأستاذة تيسير عبد القادر سالم
* سلمي حسن خضر مكي
*سليمي عثمان بابكر
*الريح أمبدي
*محمد رحمة
* أبوبكر مصطفي الشريف
* الاستاذ بابكر بلال
*خالد حسين
* شهاب دياب
كل التحايا
كل التقدير
كل الذي فعلتوه كان جميلا و رائعا ومتقنا و جيد و مفيد
ا حييكم>
| |
|
|
|
|
|
|
|
|
|
Re: ورشــة الـفــرح (Re: كمال علي الزين)
|
ملتقى التشكيليين السودانيين
عام من الأحلام
عام من المشاريع الفنية
التي تنشر الوعي الجمالي
هذه الورشةستكشف العديد من المواهب
المتفتحة في حديقة الأبداع
لكم الحب
محمد السني
| |
|
|
|
|
|
|
|
|
|
Re: ورشــة الـفــرح (Re: ممدوح أبارو)
|
ابارو
التحيات
والأماني الطيبات
انت جمعت اولاد عبد الحفيظ
منو يعني انعام وعصام ا
ربنا اديهم العافية
ودام صفانا
واديم الخوة
ليك المحبة
وتابع معانا
| |
|
|
|
|
|
|
|
|
|
Re: ورشــة الـفــرح (Re: عبد اللطيف بكري أحمد)
|
السني
والله فرحتا فرح لفرح الشباب ديل ولفرحك انت يا عظيم
ومن شدة الفرح لمين بكيت .. ونزلت دمعه حاره حاره شديد .. رغم اني كنت اظن ان الدموع حكرآ على الماسي والاحزان فقط
ولكن اتضح ان للدموع لغة ساحره .. بكيت, رغم اني كثيرآ اهزم الدموع.
احييكم وهنيئا لكم ولنا هذا النجاح لفلذات كبد هذا الوطن الجريح.
فليتواصل هذا الحلم
عميق اعزازي
| |
|
|
|
|
|
|
|
|
|
Re: ورشــة الـفــرح (Re: اسيا ربيع)
|
الفنان الجميل السني أفرحك الله كما افرحتنا
نقلتنا لعالم ملئي بالمحبة والشجون , ساورني
شعور كأني معكم في هذه الورشة ويا ليتني كنت
اجيد فن الرسم حتى اشارك معكم .
مرة أخري الشكر ليك يا جميل
| |
|
|
|
|
|
|
|
|
|
Re: ورشــة الـفــرح (Re: اسيا ربيع)
|
ابكي يا صاحبة القلب الحنين
وانثري كل الفرح هنا من اجل اطفال وشباب يتعلمون عن طريف الفنون
وكوني معا ودايما من اجل نشر ثقافة الفنون والجمال
لك الود النقي
| |
|
|
|
|
|
|
|
|
|
Re: ورشــة الـفــرح (Re: محمد سنى دفع الله)
|
Quote: تستهدف منتسبي إصلاحية كوبر والجريف
|
في حضرة جمالك يطيب الوقوف
كم أنت رائع
لكن الصدمات الحضارية ما حتقتلنا
احنا لسّاع ما فقنا من صدمة الشماشة
تجينا بي دي كمان
يا رائع
التحية لك ولهؤلاء الأشاوس
يا مسرحنا انت يا رائع
مع إني عارفك مشغول وشايل هم الدنيا كلها
إلا عندي نداء جاييك بي ميكرفون
بالله ما تتأخر علي
ولا تبخل بالسيناريو والمؤثرات الصوتية
سمح؟
دا حجز بي تذاكر مدفوعة مقدّماً
| |
|
|
|
|
|
|
|
|
|
Re: ورشــة الـفــرح (Re: عبدالفتاح أبوشيمة)
|
ورشة الفرح اسم جميل و معبر
ضحكات تهم الفوق دى يا سنى بالدنيا
يوم من ايام الله العاديه اتحول لي مهرجان
فكره ضحكه ولون .. حاجه تمام
شكرا ً يا فنانه وفنان .. صار لليوم معنى
..
.
| |
|
|
|
|
|
|
|
|
|
Re: ورشــة الـفــرح (Re: محمد سنى دفع الله)
|
السنى ليك وحشة وكمان شديدة
وشكرا لانك نقلت احداث
ذلك اليوم الجميل
وللحقيقة اقول
ان مجموعة شباب التشكييلين وبقيادة
استاذنا المعلم بكرى بلال
تفاعلوا مع الشباب واعطوهم
تجاربهم وخبرتهم بسخاء
وشكرا لمنتدى التشكييلين ( اصحاب الفكرة )
وهذه الورشة لها مثيلات فى مختلف انحاء
فى نيروبى والسعودية وقطر واتمنى
ان تستمر بجهد الحادبين
وحتى تصبح منارة ئقافية
معافاة من الالام السياسة
التى تقشم فى السودان كيفما اتفق
ودائما فيعلو صوت الفن
| |
|
|
|
|
|
|
|
|
|
Re: ورشــة الـفــرح (Re: عصام عبد الحفيظ)
|
عصام الفنان الجميل
الشوق زايد وجايين مع الخريف
وشيل شيلتك للمسرحية التي سوف اقدمها
في معرض الخريف
السنوغرافيا عايزين نحقق فيها ابداع
وانتو قدرو
ليك المودة وفعلا الشباب انصهروا مع خبرة الشيوخ
وابدعوا لينا ورشة للفرح والأبداع والتفرد
| |
|
|
|
|
|
|
| |
محمد سنى دفع الله
sumah
ميسرة غاندي
عمر عبد الخالق سعيد
كمال علي الزين
محمد عبدالرحمن
ممدوح أبارو
اسيا ربيع
هاشم أحمد خلف الله
Mohamed Abdelgaleel
عبدالفتاح أبوشيمة
khatab
Abuelgassim Gor
عصام عبد الحفيظ
فيس بوك
تويتر
انستقرام
يوتيوب
بنتيريست