|
Re: ترترة (Re: Deng)
|
وين يادينق يافنان تعال بي جاي وشوف الجبجبة والرقيص الصباحي مالك علينا عايز تخلي الحفلة لحدي الساعة 11 اسعدني مرورك جدا وافرحني خالص ونتمنى حضورك في الجرتك مودتي
| |
|
|
|
|
|
|
Re: ترترة (Re: خالد الأيوبي)
|
خالد الأيوبي كلام فيهونوع من الصاح المسألة لبها علاقة بالثقافة الحولك زمان الناس بتشوف رقص العروس جزء من العرس وطقوسه اليوم في ناس كتار قايدن الجمهور نحو العرس والرقص فيهو ما صاح وزي بقى في رأي أخر أثر على كتير من الناس وأصبح الرقص ما جزء من الهم اليومي بتاعهم فأصبحو فراجة نحن عايزين الناس كلها ترجع ترقص وكلها تكون مؤدية ولا ايه رايك ؟؟؟؟؟
| |
|
|
|
|
|
|
Re: ترترة (Re: محمد سنى دفع الله)
|
السني يا فنان يا جميل يا كبييييييير في كل شئ نضم وحجم وقلم ياخي انت رائع وسردك ده ذكرني ايام شعبطت الحيط والوقوف بي نص رجل في كرسي الحديد برفقة ستة وسبعة انفار ويدك في كتف واحد وحنكك في ضهر التاني ويد واحد في رقبتك .. والكل يتمنى مكان الراجل اب هلالاً في جبينو ومرة تعاين في العروس ومرة تسرق النظر بي طرف عين صوب الحاضرات علك تجد من تراها مكان المترترة في خيالك بي هلالك وتتمايل بدون ما تشعر وتقع وترمي المعاك ويصرخ احدهم ياخ بالغت ما لقيت ترمي الكرسي ده الا اسي ساعة العروس خلاااص دايرة تجيب قون .. وطبعا اذا القون جاء يحصل هرج ومرج (وتاخد راحتك في النظر ) والاصطفاء من بين الحاضرات وتذهب إلى فراشك وتهيم في احلام يقظة وتعيد المنظر مع اختلاف الأبطال فأنت البطل وهي (من اخترت) البطلة وتلقى الليل مشى وتنووووووووم مع امنية ان يتكرر الحلم في النوم ..
مودتي يا غالي .. وبالمناسبة في أمريكا والدول المتقدمة برقّصوا العروس كيف !!!
راجع ليك
| |
|
|
|
|
|
|
Re: ترترة (Re: امير عوض الجمري)
|
أمير عوض الجمري لك الشكر ووصفك ظريف ونقلتنا لي جو الفراجة وذكرتنا البجو انحلو ،ن والكوفونجية واللهاطين والبجو عشان اكسرو ركبة واصل معانا ياجميل وفي امريكا والدول المتقدمة برقصو العروس ،،كيف؟؟ ياخي معقول اكلمك قدام الناس ديل كلهم لالالالالا باخي !!!
| |
|
|
|
|
|
|
Re: ترترة (Re: محمد سنى دفع الله)
|
السنى الجميل ازيك مشتاقة ليك على نحو خاص ، شكرا لك لانك لمست امرا كنت بصدده مع السيدة الجليلة الفنانة حواء الطقطاقة ( زرتها يا صديقى بغرض التوثيق لها لاننى بصدد ذلك الامر فى كتاب احلم ان يخرج قبل ان توافينى المنية التى ارجو ان تمهلنى حتى اكمل الكتاب ، حملت اذن مسجلى ومشيت الى بيتها الكائن فى امدرمان حى الضباط بيتها فى مدخله سارية نصبتها عليها علم السودان القديم مرفرفا ، كنت احلم برؤيتها سالمة غانمة ، لكنها كانت حزينة لرحيل محمد الازهرى ، مع ذلك ادخلتنى فى ثناياها سريعا وامتطينا صهوة الذكريات معا منذ ما قبل الاستقلال الى هذا الوقت المثير للشفقة ، حقيقة حين حكت لى كيف ان الكاشف استضافهم فى بيته هى وعائشة الفلاتية وفاطنة الحاج ، ومهلة العبادية كادت ان تنزلق على خدى الدموع ، تحاشيتها ، لانهن كن مطرودات ، حليقات الراس ، لا احد يستمع اليهن من الاهل ، لانهن ( غنايات ) المهم يا صديقى حكت لى عن طقس الزواج ، وكيف انها غنت فى فرح احد السادة يومها منحها ما قيمته خمسمية جنيه فى العام 1947 وكان كما ذكرت سعر اللورى جديد من الورقة خمسين جنيه ، لكم اسعدتنى تلك اللحظات ولكم اشجانى صوتها وهى المولودة عام 1936 لكنها ما تزال طازجة كما الهواء النقى ،عفية تمنيت ان لو كان معى فيديو لكن ضيق ذات اليد انت تعرفه ، مع ذلك صورتها واحتفظت لها بقلبى نقيا كيما تستريح الى ضفافه ، غنت لى غناء عذبا وماهلا ماتحا من الفيحاء او يعلو ، يا لها يا سنى وحكت لى عن غربتها وهى طغلة ولكم يفرحها ان اهلها الان فخورين بها فهى اول امراة تدخل المعتقل ايام الاستعمار وهى اول امراة تلف العلم السودانى ( سويتو توب ولبستو يوم رفع الزعيم الازهرى العلم )فخورة بى يا سنى لاننى ما ترددت فى المضى الى تلك السيدة رغم كل النواقص التى شابت التسجيل لكننى سعيدة بها ، وسعيدة لاننى ساقوم بالتسجيل ايضا لثنائى النغم وام بلينة السنوسى وعدد من النساء الاتى صنعن التاريخ الجليل لبلادنا سواء كانوا مغنيات او سياسيات وبالمناسبة السيدة حواء غاضبة من الاغنيات الجديد ( حلو حلا راجل المرة ، وكلام يا عوض دكام ، ما لسبب الا للاسفاف , هى التى كان يصحح لها الكاشف سلالمها ومخارجها اليس لها حق فى غضبها ذلك ؟لك الحب ايها الشفيف
| |
|
|
|
|
|
|
Re: ترترة (Re: سلمى الشيخ سلامة)
|
سلمى العسل بتاع المثقفين مبروك التوثيق وحاجة مهمة جدا جدا واصلي معانا انا بكتب بسرعة عشان ماشي بكرة مصر اقصد الصباح دعواتك وبتابع معاكم من هناك المحروسة جاك بلا وسلام
| |
|
|
|
|
|
|
Re: ترترة (Re: محمد سنى دفع الله)
|
Quote: لكن يا منى منال ماشاء الله..العريس زاتو مستغرب..خلينا نحن... |
العزيزة تماضر.
بتفق معاك في دي, وتحياتي للأخت منى.
الاخ السنى.
والله أنا بتمنى أكون دائما معاكم بي جاي. لكن زي ما عارف, عندنا مهمة تانية في البورد ده.
دينق.
| |
|
|
|
|
|
|
Re: ترترة (Re: Deng)
|
دينق العزيز شكرا وماقصرت وكل ما تزهج من المداولات وتقفل معاك تلقانا نحن في رجاك ومرة ثانية نحن سعداء بمرورك واتاحة فرصة جميلة لنعرفك اكثر ومحبتي
| |
|
|
|
|
|
|
Re: ترترة (Re: عصام عبد الحفيظ)
|
بس خلالالالالالالالالالالالالالالاس ده كلام يا عصام انا فاكرك جبت لي صورة جبجبة ولا صورة عروس في سيرة ولا صورة عريس انطط في نص الدايرة ولا صورة ام العروس وهي بدخل الضيوف لي جوة جايني وكاميرتك فاضية عصام خصمتك توصل السلام لي طــــلال عفيفي انا الايام دي في مصر وتوقع صور وكلام كتير عن تفاصيل الترترة من الخبيرة ســـــــــتـونـا وحتى اشوف صورك مودتي
| |
|
|
|
|
|
|
Re: ترترة (Re: معتصم دفع الله)
|
معتصم أخوي لك المحبة والمودة البوست مفتوح لمثل هذا الإبداع ولك الحب كله لم اواصل في البوست نسبة لاني في رحلة بالقاهرة ولكن واصلت البحث في القاهرة مع الأستاذة سمية الطيب فنانة العرائس ومصمة الأزياء وهي تعمل في ماينر عن الحكايات الشعبية وأثرها على المسرح في السودان كما أسجل مع المغنية ستونة العديد من التفاصيل الصغيرة عن العقود من السوميته الى سبحة اليسر معتصم أخوي لك الشكر وتابع معنا تكملة الترترة وسوفننزل الصور للتفاصيل قريبا لكم مودتي
| |
|
|
|
|
|
|
Re: ترترة (Re: محمد سنى دفع الله)
|
يا سلمى الشيخ يا فنانة الفن كلو خصمتك بالرسول تشدي ليك كاميرا فيديو ولا تشوفي العيال المسنوحين ديل يساعدوك في هذا المشروع الخطر ولا أقول ليك ما تشوفي يوسف سعد؟؟ ياخي الفيديو مهم في الشغلة دي والكتاب خليهو هارد وسوفت كوبي يعني توثيق صورة وصوت أحي لو كنت قاعدة في الخرطوم اليومين ديل كنت اجتهدت معاك بالشورة ما ذاتي يدي اقصر منك
استمري يا سيدتي ِ
| |
|
|
|
|
|
|
Re: ترترة (Re: محمد سنى دفع الله)
|
يا شادية اتمنيت لو كنتي معايا ؟؟؟ لكين ساحول المستحيل ممكنا ,لافي لكم بوعدي ، هذه الايام اوقفت التسجيل لانني اعمل في ورشة لتطوير الدراما في التلفزيون ، تعرفي كلما تجي تهبشي حاجة تلاقي المشاكل كوم ، لكين وحات ابو ادريس بسويها وما صعبة بس دايرة انكرابة شوية مني ، شكرا ليك يا جميله ، وخلي شباك الود فاتخ عشان يخش الهمبريب .
| |
|
|
|
|
|
|
Re: ترترة (Re: سلمى الشيخ سلامة)
|
[B]ترترة تترترالعروس ، وتزيدفي الترترة .مع الإيقاع المترتر من الدلوكة ، وياخذها الحماس لتنوع في الحركات الإستعراضية الصعبة وتتلوىوتسوح وتموح محاكية الغصن اللدن الذي يطرب لوشوشةا الريح وهي تتجول في مرورها العادي بين الأشجار . فتنتشي الأغصان وتسكر من الطرب وتسلم نفسها للنسيم ليميلها كما يشاء .. ياعروس موحي ياعروس سووحي وزيدي في الدوران وتدور العروس في حركة رشيقة ، وترترمبتعدة عن العريس الذي ضرب لخمة من الحركة السريعة وخاطفةوقبل ان يتحرك لعروسه ،تتقدم اليه مع الإيقاع الذي اختلف بهدوء خادع كأنها تريد انهاء الرقصة وقبل ان تختم المغنية أغنية السوحان تنـزل العروس للأرض محاولة تسجيل هدف علىالعريس ولكنه كان اسرع ،،أمسك بها وأوقفها وسط الدائرة..وتعالى الصراخ من الشباب ،والشابات أطلقن زغاريد الفرح والنساء الناضجات والحبوبات الجميلات زي بنات بناتن يضحكن على العريس الذي مازال واقفا وهو يحتضن حمامته لا يريد ان يعيدها للتحليق مع الأنغام .. ( عريس شي فت )) العريس نارو حيه ووب وبين عليا العريس نارو حيه بعد ان قطع العريس الرحط ، يظهر دور المعلمة (( العلامة البتعلم العروس الرقيص )) فتقدم العروس فاصلا منغردا من الرقص الساحر وتظهر فيه مجموعة من الحركات البديعة والتي أتقنتها من خلال التمارين المتواصلة اليوميةوالتي يتحول فيها منزل العروس الى موقع خاص بالنســـاء ، عالم سري جميل .. المهم أخر الأمر ان تقدم العروس رقصة مبهرة، تبهر بها الجميع لنسمع جمهور النساء المحتشدات في فناء الدار ،، يرددن مع كل حركةانيقة،، زيـــنـــــــة ســـــمــحـــة ســـــــــــى وحينما تتقن الخطوة وتبدع فيها والعيون المنتابعة تتشحط عليها تصيح المعلمة بأعلى صوتها وحـــــــــدو لااله الا الله والعروس راضية بما وصلت اليه من خلال التدريبات وتمنح المعلمة ابتسامة شكر وتقدير لتصيح المعلمة مرة ثانية ،قولوا ماشـــاء الله وتعلو الدلوكة في فرح جنوني ما ماشـــاء الله[/شـــاء الله ماشـــاء اللهpurple]
| |
|
|
|
|
|
|
Re: ترترة (Re: عصام علي أحمد)
|
حبيب نورة محبتي ومودتي وتابع الترترة واشرب القهوة وتني معانا يوم فطور العريس شكرا لمرورك واشوفك في السيرة محبة ومودة
| |
|
|
|
|
|
|
Re: ترترة (Re: محمد سنى دفع الله)
|
عصام على أحمد انت فاكر العريس وصل كيف لي هنا؟؟؟؟ مافي حنة وقيدومة وسيرة صغيرة وسيرة كبيرة مافي فطور عريس ؟؟ كلو ده في، بس انت تابع معانا ترترة لك المحبة والمودة
| |
|
|
|
|
|
|
Re: ترترة (Re: محمد سنى دفع الله)
|
وينك يا السني .. عامل شنو مع البلد.. والترترة مدورة..يا ترتار انت عارف القصة فعلا قلبت لانو الحنة الاساسية (بقت) حنة العروس وهي الحنة الكبيرة وبعملوا ليها (شنة ورنة) والقصة بكون فيها فنان وعزومة ليها ضل.. اما العريس فراح شمار في مرقة...
| |
|
|
|
|
|
|
Re: ترترة (Re: عبدالكريم الامين احمد)
|
ياجماعة النجدة شايل كمية من الصور شئ حنه وشئ زفة وماعارف كيف نحمل الصور عايزين موقع للتحميل أيها الخبراء تمبس ؟؟؟ عصام عبد الحفيظ عندو عطل فني في الجهاز الخاص به !!! أقع وين ؟؟؟؟؟
| |
|
|
|
|
|
|
Re: ترترة (Re: ضحيه ابراهيم)
|
محمد السني يا رايع وينك .. مالك مخلي الحفله دي زي الفرتقوها ناس النظام العام.. انا عارف انك مستمتع بالترترات الجدجد في السودان لكن في انتظار عودتك بالسلامه والترتره لي قدام
| |
|
|
|
|
|
|
Re: ترترة (Re: Aymen Tabir)
|
العزيز أيمن شكري الجزيل ومودتي ياخي معاي السيرة والحنة والشموع ومعلومات وصور بس بنظم في جدولي جاي ومعاي الدهشة زاتة .. تحياتي ومودتي وتابع ترترة
| |
|
|
|
|
|
|
Re: ترترة (Re: محمد سنى دفع الله)
|
يا علب الفرته و لع لي نحرقوا ومن يومك الفته و لع لي نحرقوا قصدك قصدك مشتاقين ما لقوا مالقوا و لع لي نحرقواااااا
حرموك من الرقيص و د..... شرط القميص يازينه و الذمان لاذم يعود حرموك من ود عمك و العذاب اسبابو امك يازينا الذملن باكر يعود
طبعا القماشة الخرطوم باليل و الدانتيل احمر و الرحط حلد شرائح مدخنة و دهن الكركار ووووو و الشنو شنو و كان السوداني متصالح ماعندو الانفصام الاجتماعي و شايف نفسه في سطح النيل و عاجباه نفس كدهههههههه
ياسني ياجميل و حمد الله التقيتك و الاخوة هناك و روحي معكم
| |
|
|
|
|
|
|
Re: ترترة (Re: shahto)
|
ده كلام شنو يا شـــــــــاتو انت لسه الظاهر عليك ما سمعت الأغنية الضاربة في الخرطوم الأيام دي البتقول راجل المرة حلو حلا... وكده مودة ومحبة
| |
|
|
|
|
|
|
Re: ترترة (Re: محمد سنى دفع الله)
|
معليش يا جميل يا حلو انا ما كومر قديم د ما غنا سنة ستين و كانت العزبة هي الحلوة
هاها و الله د بوست مريح و ناسو فنانين و انا روحي معكم و ووو
| |
|
|
|
|
|
|
Re: ترترة (Re: shahto)
|
شـــــــاتو كومر ، القريب ده انت لازم تسمع اخر اغنية توب في الخرطوم ( راجل المره ،، حلو حلا )) تخيل ياشاتو شوف الناس بقت تشوت كيف ؟؟ ده شوت ضفاري عديل عشان كده ترترة بترجع الناس للغناء الظريف والطقس اللطيف مودتي
| |
|
|
|
|
|
|
Re: ترترة (Re: محمد سنى دفع الله)
|
السيرة الأولى الحارة هادئة لا نسمع فيها سـوى صـياح الديوك وهي تســتقبل الملائكة نازلة على العريس ، والأصحاب تحلقوا حوله وهو سعيد ضاحك يمازحهم بمودة ، في هذه الأثناء يدخل من حوش النسوان أحد أعمام العريس .سايقاهو الهاشمية ، يصيح ابشر ياعريس ، لحظتها ترتفع كل الأبدي في حركة تلقائية بفرح صادق : ابشر بالخير .. ويحضن العم العريس بحنان أبوي ويضمه إليه يلا يا جماعة السيرة مرقت.. وتتعالى الضحكات التي ولدت من ابتسامات الأصحاب وهم يرمون نكاتهم السرية للعريس عن الذي ينتظره .. وصلت لمة الأصحاب عند النساء المجتمعات أمام البيت الكبير ، وأول ما رأت الجدة حفيدها قادم إليها مثل الملاك .صاحت بصوتها الحنين وبمودة حميمة : النقدة النقدة وتعالت الزغاريد محلقة للسماء ، مارة بسرب من الحمام حط على سقف البيت المقابل في استرخاء ن لكن الزغاريد جعلته يفقد مزاجه ، فطار بعيدا عنها تاركا لها مساحة لتصعد للسحاب الذي خضب أطرافه بحناء ضوء الأصيل يلا ياعريس خلي السيرة تتحرك اليله سار ياعشايا عديله ليه هذه هي السيره الأولى يوم القديومه يوم حنة العريس الأولى ،كانت تتحرك في اتجاه( البحر) النيل ، وكلمة نيل في اللغة الكوشية القديمة تعني الإله الذي يشرب لهذا كان الناس في الزمن القديم يسيرون للنيل للتبرك وتغيرت العادة وأصبح الناس يسيرون للنيل للفأل وأضافوا له رموزا جديدة جريد النخل وغصن الليمون ..ما علينا العريس يقود زفة الفرح والبهجة في سيرة الأصحاب والأطفال والنساء الجميلات ، والدلاليك ..لا يحسون بالتعب ولا يملون من الغناء .والمرأ ة التي تحمل الدلوكة على كتفها تسير بمهل ممايتيح للمغنية الضرب على الدلوكة والغناء بسهولة لينتظم سير السيرة على إيقاع الأغنيات الشجية عريسنا سار البحر ياعديلة وقطع جرايد النخل ياعديلة الأطفال وحدهم من يعطي السيرة رونق وبهجة ينطط ون ويقلدون الكبار ويغنوا الأغاني على كيفهم .. إلا أن يصلوا البحر ، وياخدوا وقفتهم وهاك يالهرجي والمظارفه والغناء والعرضه والرقص الخفيف والتقيل ويغسل العريس وجهه للمرة الأخيرة ، ياعديله يابيضا ياملايكة سيري معا الليله شويم بي قدرة الله ويعود الموكب الصغير تاركين ضحكاتهم وباقي الأغنيات على الضفة ، أما أفراحهم فقد حملها النيل الى القرى المجاورة .فإذا نظرت الى الضفة الثانية وجدت مزارعا بين جروفه وصله صوت الزيطة والزغاريد فأخذ يرقص وينطط وحده ويصيح ابشروا بالخير بصوت نقي مثل النيل .. فيردون عليه كأنه منهم وبينهم أبشر بالخير ...
| |
|
|
|
|
|
|
Re: ترترة (Re: shahto)
|
شــــاتو تحياتي ولك المودة عوير الحلة والسكارى والمشوكشين والشعراء والغنايين والبفرتقوا الحفلة كلهم راجين السيرة الكبيرة والجرتك
| |
|
|
|
|
|
|
Re: ترترة (Re: محمد سنى دفع الله)
|
البوست باكمله عبارة عن
توثيق مهم لأشياء ربما بدأت فى الإندثار
... ...
الحمد لله عرفنا كده عشان ما نعرس كلفتة ساى
... ...
السنى صباحك او مساء أبيض
وتسلم على الموضوع
| |
|
|
|
|
|
|
Re: ترترة (Re: الملك)
|
منو البخليك تعرس كلفته ياملك العرس ده الأحتفال الوحيد العايز نفس طويل وتحضيرات وخطة محكمة عشان ما اطرشق وبعدين عرسك عرس ملوك يعني عرس حتكون التكلفة فيهو عالية جدا ليه وانت شوية انت ملك ونحن الرعية وقررت الرعية ان تكون على أهبة الإستعداد لي عرس الملك متى ما أمر بذلك بس انت حدد العروس ( الملكة ) وخلي مسألة التنصيب علينا وليك علي نعمل كل الطقوص النستة الناس الدايشة ورا شنو ما عارف !! وبعدين ناسك الكتار ديل لو ما كفيناهم تعال طلعني من هنا شكرا لك يايها الملك وصورك العجيبة يوم الإحتفال سوف تصلك من خلال بريد الشوق مودتي
| |
|
|
|
|
|
|
Re: ترترة (Re: محمد سنى دفع الله)
|
الاستاذ الكريم السني دفع الله
تحياتي لك ولفنك ولابداعك ولمشوارك الفني الرائع .....ولقد حضرت لك مسرحية كوميدية ذات يوم للأسف خانتني الذاكرة في استرجاعهاوكانت في مسرح صالة غوردون للموسيقى بالخرطوم وبالقرب من جامع فاروق حيث يقطن والدي حسن عباس صبحي. أضحك الله سنك ياالسني....بس الله يستر ما تخلي الناس في البورد يفكروا يعرسوا تاني بعد الوصف القريته ده....والله يهدي النفوس
وياعديله يابيضاء......
سلمى صبحي
| |
|
|
|
|
|
|
Re: ترترة (Re: salma subhi)
|
سلمى صبحي يايتها الفتاة الجميلة ايتها الصبية النيلية القمحية المشاعر البيضاء الفؤاد ماذا فعلتي بي ليعود لذاكرتي كل هذا الحزن النبيل وكل هذا الدمع المالح أتذكرك صغيرة وبهية فوالدك هو استاذي لمادة تاريخ المسرح والدرسات النقدية وكان يترجم لنا شكسبير مباشرة سلمى صبحي الصغيرة التي لاتستقر ضفائرها المسرحية كانت ( نقابة المنتحرين) تأليف النعمان حسن واخراج عادل حربي تحياتي للأسرة ولكي مودتي صحيتي الأيام الجميلةوحب لأستاذ قل ان يجود الزمان بمثله لك الشكر وأسفي لودلفت بك للأحزان
| |
|
|
|
|
|
|
Re: ترترة (Re: salma subhi)
|
سلمى صبحي يايتها الفتاة الجميلة ايتها الصبية النيلية القمحية المشاعر البيضاء الفؤاد ماذا فعلتي بي ليعود لذاكرتي كل هذا الحزن النبيل وكل هذا الدمع المالح أتذكرك صغيرة وبهية فوالدك هو استاذي لمادة تاريخ المسرح والدرسات النقدية وكان يترجم لنا شكسبير مباشرة سلمى صبحي الصغيرة التي لاتستقر ضفائرها المسرحية كانت ( نقابة المنتحرين) تأليف النعمان حسن واخراج عادل حربي تحياتي للأسرة ولكي مودتي صحيتي الأيام الجميلةوحب لأستاذ قل ان يجود الزمان بمثله لك الشكر وأسفي لودلفت بك للأحزان
| |
|
|
|
|
|
|
Re: ترترة (Re: salma subhi)
|
عصفت بك الرياح ايتها العصفورة تصفو لك الدنيا وتبتهجي كوني سمندلا يتوهج ويحلق في سماء الابداع فرحتي بلقباك لاحدود لها كل المنى ولأهلك كل التحايا وتابعي معنا ترترة
| |
|
|
|
|
|
|
Re: ترترة (Re: Emad Abdulla)
|
عــــــــمــــــــاد مشيت مصر وتجولنا فيها ليلا وشربنا الشاي والقهوة مع الصبيات الجميلات ودقينا الونسة مع لفيف من الأصدقاء لمن اتلفو في حبال الذاكرة والونسة كانت بترجع بيتها وهي تالفة الأعصاب من الدق ..ونزلنا اسوان وبتنا في حلفا واتكتحنا بالتراب في قطر السودان ونزلنا عطبرة ولم نجد الحديد ولا النار ، نيل دافر والأتبراوي داقش والبلد مليانة مويةولسة بنمارس في قطع الأحزمة الشجرية وشوارعنا اتملت بالعواميدالمكهربة عكس عواميد الجرايد الباردة بدون تلج .بي ده كلو مره مره بتذكرك تخيل الباقي خليه لي بوست رحلتي بتذكرك تخيل عــــــــــــــــــــــــــــــــمــــــــــــــــــــــــــادـ
| |
|
|
|
|
|
|
Re: ترترة (Re: محمد سنى دفع الله)
|
Quote: عــــــــمــــــــاد مشيت مصر وتجولنا فيها ليلا وشربنا الشاي والقهوة مع الصبيات الجميلات ودقينا الونسة مع لفيف من الأصدقاء لمن اتلفو في حبال الذاكرة والونسة كانت بترجع بيتها وهي تالفة الأعصاب من الدق ..ونزلنا اسوان وبتنا في حلفا واتكتحنا بالتراب في قطر السودان ونزلنا عطبرة ولم نجد الحديد ولا النار ، نيل دافر والأتبراوي داقش والبلد مليانة مويةولسة بنمارس في قطع الأحزمة الشجرية وشوارعنا اتملت بالعواميدالمكهربة عكس عواميد الجرايد الباردة بدون تلج .بي ده كلو مره مره بتذكرك تخيل الباقي خليه لي بوست رحلتي بتذكرك تخيل عــــــــــــــــــــــــــــــــمــــــــــــــــــــــــــادـ |
.. بتذكرك .. كرك .. كرك .. ( صوت أُكرة باب جواني ) .. فتحتو ليك .. أمرق مني . مرقت ؟؟ يللا نبشر و ناخد الشبال .. نرجع ورا الصيوان .. رجعنا ؟؟ أمسك ده .. أجغم بسرعة .. ONE GO عندي ليك شوق .. و ..
يا ســــــــــــــــــــــني .
| |
|
|
|
|
|
|
Re: ترترة (Re: محمد سنى دفع الله)
|
استاذنا السني أشكرك على كلماتك اللطيفة التى كان لها صدى طيب على النفس، وكونك ذاكراً لي ولوالدي فهذا من نبل الأخلاق. سنبقى معك في ..........ترترة لكن!!!! العروس ياأستاذ اذا ترترت من غير ما تعاين أو تفتح عينها شويه ياها الوقعت.
وبالمناسبة أنا نشرت مواضيع عن بابا منها قصيدة ماذا يكون حبيبتي التي تغنى بها كابلي وبدأت بنشر قصائده من ديوان طائر الليل وسأواصل
salma Subhi
| |
|
|
|
|
|
|
Re: ترترة (Re: عصام عبد الحفيظ)
|
عصام عبد الحفيظ صديقي العزيز اجمل مارايت في رحـلتي الأخيرة انك عرفتني على طلال عفيفي وعرفت جمال الخوة الصادقة وروح الألفة ولكن عارف روح الفنان فيكم ومدى الإحباط الذي لازمكم خلال اليام الفائتة مدىالألم والحزن مدى الحيرة ولكن رغم هذا محبتي لكم ومودتي وشوقي الدائم طلال وعصام [/purple]
| |
|
|
|
|
|
|
Re: ترترة (Re: نادر السوداني)
|
نادر السوداني التحية والمحبة ان منتظر ست التعليمة وجايب ليك التعليمة بالتفاصيل الدقيقة والثواني الرهيبة وبعد داك بنمشي سوا للجرتك وليلة الدخلة اها بعد داك بجيك نغني ام دور اتظرني ودوزن الأنغام على قلوبنا[purple]
| |
|
|
|
|
|
|
|