|
الحمام والكركار
|
زمان كان عندنا برج أليل حمام في البيت.. أها يا الحبيبين قبل الفطور نقوم نطلقو ونفتحله الباب فشان يمشي ياكلو شي ويجي راجع لي زغاليلو فشان يزغدن ..... أها بعد الحمام ياخد حوامته ويرجع ولامن الضكور ألاتو يبغبغن زييييين ويرتاحن فوق الصفايح والاناتي ينتهن من زغيد الزغاليل.. نقوم يا الحبان نطلع علي البرج انا وود عمي ونشوف رجلينو إن بقى فيهن صوف بالله من الصوفاي تعرف الحمامة كانت غاتسي في حوش ياتو بت في الحلة وحات نضري من كركارها تعرفها... كنا نجيضين ياخ.. أها نقول كدي نمسكن حماماييي حماماييي وأصلها الماها جايبالا صوفا في رجليها دي نقول كدي نفقه رُقاب زغاليلا وننزلن ناكلن.. متل التكنو حمامة ماها جاسوسا كويس ههههع الذ شي كنا نتونس مع الحمامايي.. وكتين تلقي السبيبي الناعمي ديك وغليدي وطوييييلي نقعد نقولها: وااااااااااااااااااااحلاتك يا دقلوشي انت كنتي عند ناس فلانة.. الرسول شوفتيها ماشي من التُكل للاوضة وتفدع في اليدين علي سبيطة التمر... الرسول فيكي لابسي الفستان اللحمر داك وليهو زيقا في النص... الرسول ما شدتلها حلاوااايي في علبة النيدو في الكانون الفي ضهر التُكل.. الرسول ما جابتلها موس التمساح وقالت لي اختها واسيلي حواجبيني.. الرسول ما شالتلها حيمورة ألت طوب وحكت كعبينا.. واااااامغستنا منها يا الحماماييي... وان بقت السبيبي الرقيقي وملولوة ديك وقِصووويري نقولها: مشيتي عند أم «آفرو» ديك عاملي سقاديمها علي عتوت ام الحسن الله ياذاها تقطع الخميري من البيت.. اصلك ما لقيتي غير ام رجلين مكعوجات دي واصبعا كبير ملوي علي منفلة القلاب.. الله ياذاك ان كان دايما جايبالنا اخبار ام وش مليان حبوب دي علي طربيزة اللحام.. وأصلو إن بقى لي ود عمي وكتين الحمامة تجي من الحتي الفيها جكسيهو يقولي: ادني اللحضنها الحماماييي دي خلني النبل شوقي يا الحبيب.. ويشيل كدي يبوس فيها ويغمتها علي صدره لامن تقرب تفطس... ووكتين ما تجي من الجهة ديك يقولي الحمامة الفقر اضبحها ماها نافعي في الزغاليل تتجيبلها فاد واحد.. هههههههههه وحات نضري نحن في زمنا ان كان في فيسبوك وواتساب كان خربنا الدنيي ههههههههههه
|
|
|
|
|
|
|
العنوان |
الكاتب |
Date |
الحمام والكركار | طارق جبريل | 01-06-14, 07:21 PM |
Re: الحمام والكركار | عمران حسن صالح | 01-06-14, 07:28 PM |
Re: الحمام والكركار | طارق جبريل | 01-06-14, 08:18 PM |
Re: الحمام والكركار | طارق جبريل | 01-07-14, 10:42 AM |
Re: الحمام والكركار | عبدالحفيظ ابوسن | 01-07-14, 11:36 AM |
Re: الحمام والكركار | طارق جبريل | 01-07-14, 10:08 PM |
Re: الحمام والكركار | أيمن محمود | 01-07-14, 10:17 PM |
Re: الحمام والكركار | almulaomar | 01-08-14, 10:04 AM |
Re: الحمام والكركار | الطيب شيقوق | 01-08-14, 10:24 AM |
Re: الحمام والكركار | ابو جهينة | 01-08-14, 11:23 AM |
Re: الحمام والكركار | طارق جبريل | 01-08-14, 05:57 PM |
Re: الحمام والكركار | kamal omer | 01-08-14, 11:23 AM |
Re: الحمام والكركار | الطيب شيقوق | 01-08-14, 11:42 AM |
Re: الحمام والكركار | kamal omer | 01-08-14, 11:50 AM |
Re: الحمام والكركار | طارق جبريل | 01-08-14, 05:59 PM |
Re: الحمام والكركار | طارق جبريل | 01-08-14, 05:54 PM |
Re: الحمام والكركار | طارق جبريل | 01-08-14, 05:52 PM |
Re: الحمام والكركار | طارق جبريل | 01-08-14, 05:40 PM |
Re: الحمام والكركار | الطيب شيقوق | 01-09-14, 05:31 AM |
Re: الحمام والكركار | ست البنات | 01-09-14, 07:40 AM |
Re: الحمام والكركار | طارق جبريل | 01-10-14, 02:39 PM |
Re: الحمام والكركار | وضاحة | 01-10-14, 03:31 PM |
|
|
|