|
|
 نفيسي دسترت في الحج
|
- الرسول آآآآحبوبتي الحج سمح
- والله يا حبيب قساي سمحا لامن يخلي الزول يدستر ضُمة ضُمة
- حبوبتي انت باقيلي جنيتي كمان الحج فيهو دستير انت قايلاهو زار كمان
- وحات الله الراجل الفي بلدنا أليل الزار ذاتو يا ولدي ان بقى وديناهو هناك علي يدستر
- هههههههه الله يقلعك بتبوظي حجتك
- والله يا ولدي انا من جنب شدرة ود جبارة بديت اسوي في لُوبيك اللهم لُوبيك
- الله لا تكسبك يا حبوبتي اسمها لبيك اللهم لبيك.. نان الشي اصلو عند الشدرة..
انت اصلو ما قالولك متين تبدي الاحرام ومتين تبدي تهللي وتدعي..
- يا ولدي انا شن عرفني اخوك ابراهيم قالي السنة دي تحجي ان شاء الله يمة
- عاد دة الوحيد البيقولك يمة
- نان ما ياني الربيتو انا.. قايل رباهو ابوك
- اها واصلك من بير وشدرة ود جبارة دي بقيتي تهللي
- يا ولدي والله ماني فارزالي شي
- اها وسافرتي كيفن
- والله يا ولدي ابراهيم جاء ساقني من البلد بالطيارة
ولامن وصلت المطار أليل مروي اصلي بقيت ازغرد ضُمة ضُمة
واقولهم نادولي بت عريبي وبت بلولة اليشوفني راكبي الطيارة
- باقيلي فضحتينا فيها
- والله يا طارق ولدي ابراهيم اخوك دة بقى يزح ضُمة ضُمة من الضحك
- باقيلي سويتيلك نصايب
- شالني يا ولدي وطلعبي سلالم كدي علي حُجار برج ود درقي
- اي ديل سلالم الطيارة يا حبوبتي
- ايي يا ولدي وهطني في كرسي جنبه وجابلو حُبالا كدي فيهن حدايد
وهجرني بيهن في حجري وقالي فشان ما تتهوززي وانا صاقعالو:
هوزيز شنو كمان في الطيارة يا ابراهيم اصلها هي حمارة ود تميم دايما عايري
- هههههههههه والله ماك نصيحي.. نان طيارة الجن دي ان بقت اتكت كدي ولا كدي
ما لازم تكوني مربوطي فشان ما تقعي يا خرابة
- والله يا ولدي اخوك غمتني بالحبال ديل شويتين جات ويحيدتا كدي
ليها (شطور) مبنقرات علي المنقايي قلب التور وكتين يلولح فيها الهبوب
- انت قايلاهن زي ألاتك العلي السعن ديل.. انت الوداك تشوفي فيها شنو ههههههههههه
- نان يا ولدي جات براها تشوف في حبال الجن ديل وسالتني بي شي كدي
ما فرزتو علي اخوك نجدني واتكلم معاهاوانا بقيت احمرلها خفتها تشبك فيهو
- نان انت هسي ما قلت سميحة و(شطورها) يتهوززن
- يا ولدي كبيري عليهو ومجلبطالا شيتا احمر في شلاليفها
وعيونها فيها شيتن ناطي منهن كدي علي شوك الكتر بس اسود
- يا خرابة كتلتيها ديل الرموش
- يا ولدي رموش شنو القدر ديل وعلي شرا القناديل كدي
- اها ووصلتوو الخرتوم
- ايي يا ولدي لكن الخوفي الدخلت فيني اصلها ما مرقت مني لليلي
- كيفن
- يا ولدي انا ما قايلي الخرابة اليقولولا الطيارة دي قاعدي
توجوج كدي وتتراجف علي الجريد وكتين تكون شايلاهو زيفي
- هههههههه نان انت اصلك قايلاها شنو
- انا قلت تبقى اسرع شوووييي من عربية رابح عمك
- هههههههههه اها
- الساعة القالت كدي جرت وبقت توجوج علي المرة الدايري تلد
- ههههههه اها الله يفضحك
- والله يا ولدي عضعضت لسناتي وبقيت ابيبي واسكلب:
وووووووب علي يا ابراهيم الحج طاير داير تكتلني في النصيبي دي
وبقيت اتبن في جلابيتي وسروالي والتوب
- لي شنو تتبني فيهن
- قايلي نفسي يا ولدي بُول ضُمة ضُمة
- جملة الايمان ماك نصيحي تب
- غايتو يا ولدي الطياري كلها تضحك فيني لامن وصلت الحج
- وهناك شن سويتي
- ترانا وصلنا ولقيت امة محمد دي كلها هناك
انا باقيلي مافي زولا قاعد في بيتو والخلايق دي كلها
جات تحج بس ما شفتلي زولا شايلو كُشر أليل باب
- ههههههههههه بت بغداد انت باقيلي خرفتي
كُشر الباب يشيلوه لي شنو كمان في الحج
- نان يا ولدي امة محمد دي كلها جات وخلت بيوتها
- كلهم زيك كدي.. انت موش خليتي عمي الطيب في البيت
اها كلهم برضو مخلين اولادهم ولا اخوانهم في البيت
- والله يا ولد الحج اماني ماهو سمح.. والعجب وكتين تسمع في الخلايق
كلها صاقعي: لُوبيك اللهم لُوبيك.. وواحدين يتباكو وواحدين يدعوا لي
وليداتهم وواحد نضميهم كُتور ضُمة ضُمة
- المسلمين ماهن كتار
- ايي.. علي يا ولدي في واحدين حجهم كعب
- كيفن
- واحدين كدي من بُكان يقولوا انجيريا(نيجيريا).. ديل يا ولدي
بس يدافروا في الناس ويرطنوا ووكتين يصلوا الحرم دة
ينبطحوا في الواطة وتسمع فيهم يعوعوا
- لا تبقي اتشكالتيلك مع واحدا فيهم
- واحدا فيهم دفر عمك حسن قمت انا شلت برطوشي ومشيت عليه
وقلتلو يا ود الغلفاء تاني تجي علي ولدي دة علي ألتخك بي برطوشي دة
عمك حسن وود عمك علي جوا ينجاروا حصلوني
- والله يا حبوتي باقيلي حجتك دي ماها قايمي من شبا دي
- نان يا ولدي اخليهو يكتل عمك الخرابة غليد علي شوال الكاويق
- دعيتيلنا معاك يا حبوبتي
- والله كلكم دعيتلكم... لكن النصيحي لي الله دعيت لي ابراهيم كتير خلاص
وابوك دعيتلو باقي انا بريدو فشان قاعد يغمتلي القروش العُراض
ويرسلي السُكر والشاي من الخرتوم في لواري اولاد البركل.. ودعيت لي الطيب عمك
الله يتوب عليه من الجغمي أليل العرقي... وأصلي وكتين مشينا نفلع في شيطان الجن داك
قدر ما فتشتلي دُرابي فشان اكفتو بيها ما لقيتها
- لي شنو دُرابي حصايايي ما كفاية
- يا ولدي كل يوم يجي يوسوس لي عمك الطيب ويوديهو مكان الجغمي أليل العرقي
- ههههههههه باقيلي تعبتوا شديد
- والله يا ولدي تعبنالنا جنس تعب.. واصلو عمك حسن دة لسناتو بقن مدلدلات
علي الكون شبر.. وشايلو شيتا اصفر كدي يشرب فيهو علي شيط الشُفع (عصير منقة)
واصلي وكتين مشيت علي عرفة دي.. جاتين خمة نفس وبقيت ادعي الله دة يرجعني لي اهلي
والدنيي يا ولدي سموما كافري.. واصلي بقيت ادعي واضرب في اوراكي.. زي دستور الزار
وكل دقيقة اسأل في عمك حسن: انت يا الحسن عرفة الجن دي ما انتهت نرجع لي بلدنا
- ههههههههه اندردرتوا.. لكن بختك المهم حجيتي
- أيي احمد ربي والله يدي ابراهيم اخوك العافي التخصه في المصارين
- اها ان بقى قالك السنة الجاي داير تاني يوديك الحج تمشي
- والله يا ولدي ان بقى جنب الكرقة ألت عمك الطيب دي ماني ماشي
- هههههههههههه الله لا كسبك
رحمها الله نفيسي بت بغداد
|
|
 
|
|
|
|
|
| العنوان |
الكاتب |
Date |
| نفيسي دسترت في الحج | طارق جبريل | 01-19-10, 11:15 PM |
| Re: نفيسي دسترت في الحج | سلمى الشيخ سلامة | 01-20-10, 00:31 AM |
| Re: نفيسي دسترت في الحج | omar arbab | 01-20-10, 00:52 AM |
| Re: نفيسي دسترت في الحج | خالد العبيد | 01-20-10, 01:02 AM |
| Re: نفيسي دسترت في الحج | طارق جبريل | 01-20-10, 09:22 AM |
| Re: نفيسي دسترت في الحج | طارق جبريل | 01-20-10, 09:20 AM |
| Re: نفيسي دسترت في الحج | طارق جبريل | 01-20-10, 09:19 AM |
| Re: نفيسي دسترت في الحج | omer osman | 01-20-10, 09:30 AM |
| Re: نفيسي دسترت في الحج | طارق جبريل | 01-20-10, 10:02 AM |
| Re: نفيسي دسترت في الحج | اميمة مصطفى سند | 01-20-10, 09:33 AM |
| Re: نفيسي دسترت في الحج | طارق جبريل | 01-20-10, 10:03 AM |
| Re: نفيسي دسترت في الحج | هاشم محمد الحسن عبدالله | 01-20-10, 09:41 AM |
| Re: نفيسي دسترت في الحج | سجيمان | 01-20-10, 10:06 AM |
| Re: نفيسي دسترت في الحج | عفاف الصادق بابكر | 01-20-10, 10:23 AM |
| Re: نفيسي دسترت في الحج | صلاح أبودية | 01-20-10, 10:43 AM |
| Re: نفيسي دسترت في الحج | طارق جبريل | 01-20-10, 05:48 PM |
| Re: نفيسي دسترت في الحج | طارق جبريل | 01-20-10, 01:14 PM |
| Re: نفيسي دسترت في الحج | طارق جبريل | 01-20-10, 01:12 PM |
| Re: نفيسي دسترت في الحج | طارق جبريل | 01-20-10, 01:11 PM |
| Re: نفيسي دسترت في الحج | noon | 01-20-10, 01:56 PM |
| Re: نفيسي دسترت في الحج | طارق جبريل | 01-20-10, 09:29 PM |
| Re: نفيسي دسترت في الحج | خالد درق | 01-20-10, 09:46 PM |
 Re: نفيسي دسترت في الحج | حبيب نورة | 01-21-10, 03:17 AM |
| Re: نفيسي دسترت في الحج | كمال الشادي | 01-21-10, 07:33 AM |
| Re: نفيسي دسترت في الحج | طارق جبريل | 01-21-10, 11:16 AM |
| Re: نفيسي دسترت في الحج | طارق جبريل | 01-21-10, 11:15 AM |
| Re: نفيسي دسترت في الحج | طارق جبريل | 01-21-10, 09:58 AM |
| Re: نفيسي دسترت في الحج | عبدالمجيد الكونت | 01-21-10, 09:15 AM |
 Re: نفيسي دسترت في الحج | شول اشوانق دينق | 01-21-10, 10:50 AM |
| Re: نفيسي دسترت في الحج | طارق جبريل | 01-21-10, 11:17 AM |
| Re: نفيسي دسترت في الحج | محمد ابراهيم قرض | 01-21-10, 11:00 AM |
| Re: نفيسي دسترت في الحج | طارق جبريل | 01-22-10, 05:37 PM |
| Re: نفيسي دسترت في الحج | طارق جبريل | 01-21-10, 11:17 AM |
| Re: نفيسي دسترت في الحج | معاوية المدير | 01-21-10, 12:46 PM |
| Re: نفيسي دسترت في الحج | سيف اليزل برعي البدوي | 01-21-10, 07:33 PM |
| Re: نفيسي دسترت في الحج | Tabaldina | 01-21-10, 07:55 PM |
| Re: نفيسي دسترت في الحج | عزيز عيسى | 01-21-10, 09:07 PM |
| Re: نفيسي دسترت في الحج | طارق جبريل | 01-22-10, 05:56 PM |
| Re: نفيسي دسترت في الحج | طارق جبريل | 01-22-10, 05:46 PM |
| Re: نفيسي دسترت في الحج | طارق جبريل | 01-22-10, 05:42 PM |
| Re: نفيسي دسترت في الحج | طارق جبريل | 01-22-10, 05:40 PM |
| Re: نفيسي دسترت في الحج | باسط المكي | 01-23-10, 05:02 AM |
| Re: نفيسي دسترت في الحج | طارق جبريل | 01-23-10, 02:36 PM |
| Re: نفيسي دسترت في الحج | طارق جبريل | 01-27-10, 11:47 PM |
|
| |
طارق جبريل
فيس بوك
تويتر
انستقرام
يوتيوب
بنتيريست