|
Re: دكشنري شوايقة (Re: عبد اللطيف بكري أحمد)
|
اخ/ طارق جبريل خالص التحايا.. بوست موفق..يسهم في تبادل المعرفة بلهجات وثقافات بعضنا البعض.. . هناك كلمات كثيرة تحمل عند المسيرية نفس المعنى مثل السلبه واللدايات (او اللدايا ) وهم ويشتركون معكم في اماله او كسر الحرف الاخير من الكلمات( مثل غنمايي ، حماري) مع اختلاف طفيف .. اورد احد المتداخلين كلمة الجُغُب وهي تعني عند اهلنا المسيرية المكان الضيق او المستخبي وايضا يطلق عليه الكركور .. واعتقد انه قصد نفس المعنى.. هناك كلمات اخرى لم اعرفها ولم يخطر معناها على بالي..ربما لارتباطها بالبيئة او رجوع اصلها للنوبيه..
اعجبني شرح كلمة الكركعوب ( حصي الدوم) ويادوب عرفت اصل ومعنى عبارة (عربية كركعوبة) .. واديك العافية.
| |
|
|
|
|
|
|
Re: دكشنري شوايقة (Re: حسن محمود)
|
Quote: اخ/ طارق جبريل خالص التحايا.. بوست موفق..يسهم في تبادل المعرفة بلهجات وثقافات بعضنا البعض.. . هناك كلمات كثيرة تحمل عند المسيرية نفس المعنى مثل السلبه واللدايات (او اللدايا ) وهم ويشتركون معكم في اماله او كسر الحرف الاخير من الكلمات( مثل غنمايي ، حماري) مع اختلاف طفيف .. اورد احد المتداخلين كلمة الجُغُب وهي تعني عند اهلنا المسيرية المكان الضيق او المستخبي وايضا يطلق عليه الكركور .. واعتقد انه قصد نفس المعنى.. هناك كلمات اخرى لم اعرفها ولم يخطر معناها على بالي..ربما لارتباطها بالبيئة او رجوع اصلها للنوبيه..
اعجبني شرح كلمة الكركعوب ( حصي الدوم) ويادوب عرفت اصل ومعنى عبارة (عربية كركعوبة) .. واديك العافية. |
حسن كيفنك تعرف من خلال الجامعة واللقاءات مع مجموعة من السودانيين من مناطق مختلفة اكتشفت انه في كتير من الكلمات تكاد تكون متطابقة فقط الاختلاف في طريقة النطق من منطة لي اخرى..نحن غايتو ناس جرجير كلام يا حبيب يدك معانا نوثق لي لهجاتنا دي قبل ما تضيع مع الرندوك دة
| |
|
|
|
|
|
|
Re: دكشنري شوايقة (Re: طارق جبريل)
|
ود جبرين نعلك طيب اخوي في البلد ديك اصلو قالو فيها هيد يصن الاضنين الله يستر عليكم منو. غايتو نحن كل ما يكتر الصقت معاانا كويس قالو التمر جبد خلاص بقي علي القفوزه. وشكرا علي فكرة البوست دا اهو الواحد لقالو نفاج بي جاي يجي يتفشي فيهو . كل ما انضم لي كلمتين فوق بعض لازم اسمع تعليق زماان زمن الجامعه مشينا رحلة البحر واحد من وليدات الخرتوم المابنقدرو ديل توش طمس في المويي وبعد شوي بقي يغتس ويطلع زول لحقو مافي علا معانا شايقي من الزومة قال كدي جبد الولد مرقو. بعد اخدت هجمتي سمح قعدت اتوهطت قتلهم هوي يا عوين وااله انا تاني لا باب الجامعه ما ابرالي واحد علا يكون كادن الجدول وقلب اللبقة وقرن الفجرواي الناس صاقعلي قولي بسم الله بترطني مالك . ولي عوده تقبل مودتي
| |
|
|
|
|
|
|
Re: دكشنري شوايقة (Re: Mohamed E. Seliaman)
|
ما عرفتها
برضو
هي قمة الشيء زي مقدمة الباص وكدهـ
حليب ملايقنه بي ويكة ويؤكل باللقمة او الكسرة
يا حجاب ، يا رباط الغنم اتلخبطت
الفواصل المرتفعة بين الحيضان (الزراعة)
4من 6 أظنه باص يا ود سليمان وفي انتظار راعي الدكشنري للتصحيح
| |
|
|
|
|
|
|
|