لقد جئتكم من الفرجونى بنبأ..الى عبد القادر محمد عبد القادر واميمة الفرجونى.البقية يمكن التصنت

Quote: الخبر الاكيد الليله صديق جابو قال الوادى سال واتقرنن تقابو ان سألونا قعادنا شن اسبابو لا مصروف ولا زولا بنتسلابو

Quote: ياله من مسكون بالجمال

Quote: العم العزيز صديق الموج جلاب الفرح.. شكرا ليك علي البوست والسلام والجمال. تسلم يا أصيل... لي عودة باذن المولى حتى لقاء لك خالص مودة وتقدير أميمة الفرجوني

Quote: NOSTALGIA!!!!!!!

Quote: الرائع / صديق الف تحية منسجميييييييييييييييين وساكتييييييييييييين , بس لازم تواصل التحية للفرجوني

Quote: ود الموج إزيك يا خال التحية لعمنا الفرجوني ولكافة آل البنا والله إنت بقت عليك: Quote: الخبر الاكيد الليله صديق جابو قال الوادى سال واتقرنن تقابو ان سألونا قعادنا شن اسبابو لا مصروف ولا زولا بنتسلابو المقعدكم شنو؟؟؟؟؟؟؟

Quote: ود الموج سلام يا زول انت كان ياهو داصدفك يا إمتن رجعتنا باكر دي وعقب الرهيفة التنقد ويا إمتن دفنتنا في جليد اليومين ديل تحياتنا ليك وللأستاذ الفرجوني وربنا يديكم العافية

Quote: ونواصل عبدالقادر

Quote: صديق الموج لك التحايا و التهاني بهذه الخبطة البوردية.. و يا له من حديث، حديث الفرجوني العذب، العميق الشاعري، الدقيق، و يا لها من فرحة فرحته حين "يعفر" أنفه برائحة البطانة، و كائنها.. تحياتي لأميمة الفرجوني و لأخي عبد القادر محمد عبد القادر.. سأقوم برفد هذا البوست بمقتطفات من مسدار البطانة،

Quote: لا بتسالم ولا بتجامل ولا بتزور إذا جاءت الملائكة ذهبت الشواطين ولا شنو ؟

Quote: يا صديق يا ظريف يا ود القبايل. انت وينك وين؟اخر لقاء كان منتدى رابطة ابناء الصحافه. حقيقه مشتاقين . ...........زتحياتى أخوك اسماعيل عباس

Quote: 3 بَعَدَّيِ نـْهَارِي مِتـْل النـَّاسْ ؤليْلِي لَجِيجْ(*) لجَّ عن الشيْ: حاد عنه كَارِسْ فـَمِّي لكِنْ قـَلْبِي كُـلـُُّهْ عَجِيِجْ(*) كرس: سكت،عجَّ، ألحَّ في التحنان ويْنْ ما اتـْخَيَّلْ البَرْقْ الْ بَدَالُو فـَجِيِجْ(*) فجَّ البرق الظلام:كشفه تَخُجْ العَبْرَةْ فِي وِرْدَانْ ضَمِيِرِي خَجِيِجْ

Quote: البل معقولة قدامنا شيعانة وتريانا..غنومنا يقصعن فى الجرة قصع دلع شبعانات يحمدن سيدن..ريحة البرم والعليف ماليه البكان..والدنيا حتراب شتاء..نسايم فوقنا يتحاتتن..يظهر جايباتلهن صقيط ..مافى عفرتا يقولو على الا بتوارن لى تخايات من بعيد..والنجم مدووش بيناتن يغطس ويقلع...

Quote: عَايَنـْتْ في النـِّجُومْ لاحَتْ لِيِ نـَارْ(التـَّايَة) غـَمَّضْتْ العِيُوُنْ شُفـْتَ الرِّشُومْ ضَوَّايَة يا(عِتـْمَانْ)اخُوُكْ في شوقـُو بَالْغ الغـَايَةْ وَاسْألْ مِنّـِّي هَا اللّيلْ الْ مَعَاكْ ؤمْعَايَا(*) ها الليل: هذا الليل 5 غـَمَّضْتْ العِيُونْ لاحَتْ لِي نـَارْ نـَاسْ خيْرْ وَالنـَّاسْ والبِيُوتْ حَتـَّي الشَّدَرْ وَالطّيرْ قـَلْبْ الزّوْلْ بَلا مَعَشُوقـُو مَا بْشُوفْ غيـْرْ وَالايَّامْ تـَرَاهِنْ بالعَبِدْ في سيـرْ 6 قـُلْتْ لـ نـَفـْسِيِ مَالِكْ نـَفـْسِي مَابْيَة تـْرُوقِي قـَالِتْ لِيِ البِرُوقْ يَاهِنْ سَبَايِبْ شـوْقِـِي(*) سبايب: أسباب بَمْسِي مَعَ الخِلُوقْ سَاتـْرْ العـَلَيْ بـ طـوْقـِي(*) بـ طوقي: علي قدر إمكاني نـُصْ اللّيلْ تـَبـُقْ نيْـرَانْ جَهَنـَّمْ فوقِـِي 7 نـَادَانِـِي الجَبَلْ ها(وَدْ قـِديْرْ) صَايَحْ لِيِ(*) ود قدير: جبل في البطانة حِسُّو سْمِعْتـُو في اللّيلْ وَالبَرِقْ لايِحْ لِيِ(*) حسو: صوته جِيِتـُو قـَلَدْتـُّو حَنـَّالِي وْرَزَمْ رَايَحْ لِيِ(*) حنالي: الحنين صوت الإبل العطشانة ؤشَدَرْ (الخَاسَة) مِنـُّوالْ فـَضَّلْ إتـْمَايَحْ لِيِ(*) الخاسة مكان، تمايح الغصن: تمايل 8 وَادِي (الخَاسَة) يا سَمْحَة البِِرُوقْ وَالَنـُّو(*) الموالاة: المداومة وَالفـَيْ كـُلـُّهْ بـ فـَضْلْ العَزِِيِزْ كَالَنـُّو(*) الفي: البراح، كالنو: كال الشيء ملأه مِنِْ سَجْعْ القـَمَارِي وْقـوْلْهِـن قـَالَنـُّو(*) السجع: الغناء قـَلْبِيِ ال مو نَصِيحْ مِنـِّي الطِّيُورْ شالنو

Quote: الاصيل ابو حيدر سلام عندما تعود يعود للبورد القه الجميل اتمنى ان تواصل هذا الابداع كما ارجو ان تمدنابموبايل المبدع الفرجونى للتواصل تحياتى للجميع

Quote: الأخ الحبوب صديق الموج عظيم حبى و بالله عليك ودي امانه في عنقك تبلغ حبى و تقدير للشاعر الفحل ابن الفحل الفرجوني وقول ليه الصادق ود خليفة ودادم ود قوي الدويحي من بحر ابيض بسلم عليك وبقول ليك ترا مكانة محفورة في الجوف و القلب يا اخو الاخوان و مرثيتك في اخوه محمد خليفة الدويحي بتدمع القلب وبتحرق الجوف

Quote: أخى صديق .. سيد ألمسادير سلام شديد ألاديب ألجميل ألفرجونى خلع أوتاد بيت ألشعر من نيويورك وفلادلفيا كش ألكلا ب أليانكى وعبر ألمحيط ألاطلسى. ألى البطانة ألتقيته فى نيويورك قلبه يخفق بحب ألسودان.حتى ظهر فى التلفزيون السودانى ردنا ألله جميعا ياأخى موج سلام, عثمان عبدالرحيم موس

Quote: واصل ايها الجميل انت والاخ المرهف عبدالقادر..ونحن هنا وقوف حتى تاذن لنا بالجلوس وترضى ..

Quote: ود الموج تحياتي .. وشكرا علي هذا البوست الرائع المشحون برائحة الدعاش ونسمات البوادي وأريج البلد يبدو جليا أن....... الخبر الاكيد قالوا البطانه اترشت وسارية تبقبق للصباح ما اتفشت هاج فحل ام صريصر والمنايح بشت وبت ام ساق علي عتب البيوت اتعشت الفرجوني ظهر مساء الخميس علي القنة السودانية وكان رائعا ومسكونا بحب الغناء كعادته