|
|
|
 Re: ود ابوسن، ودشيقوق، ود البوش، ود المنسي: انتو ناس سمحين (Re: وضاحة)
|
العزيزة والغالية وضاحة اللماحة
اولا الشكر لود المنسي الورانا مقال د. احمد التني الرائع عن شخصيتك الرائعة يا د.وضاحة
فانت بصراحة فخر لكل السودانيات...وربنا يحقق كل امنياتك الخاصة والعامة ..ويحقق امنيات
الشعب السوداني الصابر الذي لا يستحق ما يعانيه من ابتلاءات الا من باب كل ما لا يقتلني يقويني
...وبعدين يا وضاحة لازم يكون شوقك عام لكل الناس السمحين الذين يخففون عنا الام وماسي
الغربة القساية....وشيقوق طبعا من النلس السمحين ديل ...والله يا وضاحة حتى ابوي بقى مدمن
لونساتهم...والايام دي متابع قصص ود بلة الامين.....)طبعا يا وضاحة انا دقة قديمة ..وما بقول
باباي ..زى ناس بسمات ..ناس الموضة..ههههههههههههه)
والله يديك الصحة والعافية يا رائعة
| |
 
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
سلام يا اسمح السمحين .. والله شوقآ مردم .
لكن عقب النسلم علي اخوي العزيز يوسف ود عمي ابو سنينة
واااشري آآآحبيب كلامك فجعني في ابوك اللهم ارحمه ونور قبرو
واجعله روضة من رياض الجنة .. امييييين امييييين امييييييين
والله والله والله يطرشني يا خيي الا اسه في كتابتك ربنا يصبركم والبركة
فيك وفي اخوانك وان شاء الله شائلين اسم ابوكم ايها الابن البار ..
والله يا ابو سنينة كت ضربت ليك تلفون للعزاء لكن يشهد هو ماني عارفة
وتسلم يا اخونا وربنا يجعل البركة فيكم ..
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
يا أميرة لم اختصر كل جلستي في شندي في تلك الأخرف
لاني مازلت في شندي
بلد الحبايب
لو قعدت بس أحكي ليك عن التاج الفضل ما كفيت
مرة يا أميرة التاج كان جاي من الحج عن طريق البحر وركبوا القطر والدنا برد يقطع النخرة
وهو متفوجج لابس جلابية السكروتا والملفحا ومركوب النمر وفي محطة حان وقت صلاوة الصبح والتاج مكسّل من
الوضوء بي الموية الباردة
الناس المعا في القمرة قالوا يا شيخ أرح صلي بينا
قال نزلت بلا وضوء وصليت بهم وهم أربعة وقلت بشيل ذنبهم
قال لما قلت السلام عليكم لقيت ليك الصف حدو أخر القطر ولما سلمت على اليسار لقيتم ثلاثة صفوف
قلت ليهم شيتكم علي الله وديتوني في داهية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
يا أخوانا وين ود أبوسن
ليك علي ضربتين ياكلس
والعريس خبرو شنو
وبعدين المسنوح أبـ سبح ( الفاضلابي ) وينو
ويا أميرة بسمات كيف مع دراستها أبلغيها كثير أشواقنا وسلامنا من روع شندي
جنب عطبرة يعني شمامين نسايم عطبرة الحلوة
وضاحة يا شمس المشارق
الظاهر ضلفين الفار وكبدة الباعوض والضب الاعور والسحلية المكحلة جابت حقها
يا بت عمسيب الليلة الجمعة والقمر أفل ونحن نرعى في غنم أبليس
أمانة ما إتلومتي لوم اليابا فضيل
ما قلت ليك يا الأميرة
ما لقيت بَخّوت بت بلول ( صاحبة المثل إتلومتا لوم اليابا فضيل ورقصت معها في حفل في دارهم ههههههه )
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: خالد علي محجوب المنسي)
|
Quote: العزيزة والغالية وضاحة اللماحة
اولا الشكر لود المنسي الورانا مقال د. احمد التني الرائع عن شخصيتك الرائعة يا د.وضاحة
فانت بصراحة فخر لكل السودانيات...وربنا يحقق كل امنياتك الخاصة والعامة ..ويحقق امنيات
الشعب السوداني الصابر الذي لا يستحق ما يعانيه من ابتلاءات الا من باب كل ما لا يقتلني يقويني
...وبعدين يا وضاحة لازم يكون شوقك عام لكل الناس السمحين الذين يخففون عنا الام وماسي
الغربة القساية.... |
الغالية بت السيد
مشتاقين يا حبيبة
ود المنسي دا رجل جميل في زمن صعب ما بتلقي زيوا اتنين ابدا
تسلم البطن الجابتوا
الله يسعدك يا اميرة ويسعد حبيبنا دكتور احمد التني
و ربنا يقدرنا لمساعدة كل من يحتاج لي يد العون
وتبقي لينا زوادة فى الاخرة واجر وحسنة
الشعب السودانى انا زعلانة منو يا اميرة لانوا مستسلم للظلم والاهانة من الكيزان
والله العظيم كل يوم لما اصحى الصبح بصلي وبدعى ربنا يزيلن الكيزان ويسقيهم من كاس المر السقوا لينا
تحياتى
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: وضاحة)
|
ود شيقوق حبيبنا
ناس الحوش قالوا الإعداد لتجهيز إجتماعات هيئآت أسواق المال الآسيوية والخليجية " ماخداتنك مننا" وحبايبك هنا مشتاقين ليك ومنتظرين جيتك بفارق الصبر. أنا قلت ليهم أخوي الكاشف بعرف كيف أخليهو يجيكم راجع وبسراع كمان:
الشاعر الحاردلو و " مجيهة"
يحكى أن الشاعر الكبير الحاردلو حلً ضيفاً على أحد شيوخ البطانة ، ومن عادة أهل البطانة إستقبال الضيف وتقديم القهوة مع الترحيب الحار. أتت جارية جميلة جدا تحمل "الجبنة" في يدها ونسيت أن تحضر معها "الوقاية" التي توضع "الجبنة" عليها ، فسحبت حذاء "مركوب" الشاعر الحاردلو ومن ثم قامت بوضع "الجبنة" عليه . لم تكن المسكينة تعلم أنها في حضرة شاعر عظيم ، ولم تكن تعلم أن ما فعلته يعتبر إساءة بالغة وعدم تقدير لشاعر كبير. نظر الحاردلو إليها بازدراء وسألها عن اسمها، فأجابته بعنجهية وكبرياء ووجه مقطب "مصرور": " إسمي "مجيّهه" فرد عليها الحاردلو حالا :
سموك مجيهة
والجيهه ما استحقيتيها
ويا خسارة على الإسم
الأدوه لواحده سفيهه
ما طال الليل ودام النهار
تلقاها صارة وجيهه
وعاجبه الهضليم
الكابي فوق إضنيها
كان فلهمة " مجيهة" ورد الشاعر الفحل الحاردلو عليها ما جابنك" يانا القنعانين من جيتك مرة واحدة.
* ناس الزهور والورد كان ماعرفوا " الوقاية" يجدوا عند أخوي ود شيقوق عنده الخبر اليقين.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
| Quote: بت عمسيب دى - يا اللخو - فل اوبشن ومركبة مكنتين واحدة بندرية وواحدة ضهارية ات فاكرها ما بتعرف الوقاية ؟ ههههههههه |
ناس الفل اوبشن بستمتعوا بمثل قصة عمتي فاطنة ( الدنيا سمع وشوف) ولا مش كدا يابت عمسيب أختنا
الدنيا سمع وشوف – إسحاق بله الأمين
حاجة فاطمة امرأة شديدة المراس، حادة الطبع، يخافها الأطفال ويهابها الكبار. جاءها زائراً يوماً أحد أقاربها المغتربين، سلم عليها فقابلته بفتور. عرف قريبها سبب مقابلتها الفاترة: أنه طوال فترة اغترابه لم يقدم إليها هدية. أخذ القريب جلسته «قعدته» معها وعندما هم بالإنصراف أدخل يده في جيبه وأخرج مبلغاً من المال ودسه «غمته» في يدها. فسحبت «نتلت» حاجة فاطمة يدها بعنف وقالت: «القروش ما دايراهن، أنا دايره البشوفوه الناس». ضحك صاحبنا واعترف لها عن تقصيره ووعد بإهدائها ثوبا فاخرا في إجازته القادمة.
حضر صاحبنا في إجازته السنوية وأوفي بوعده وأحضر لحاجة فاطمة ثوباً سويسرياً فاخراً. لبست حاجة فاطمة ثوبها وبدأت تجوب شوارع القرية، وكلما قابلتها امرأة أخذت تثني على ثوبها الجميل وتسألها «عليك الله يا حاجة فاطمة التوب السمح دا الجابو ليك منو؟، فتشعر حاجة فاطمة بالفخر والإعتزاز وتقول: «عليك الله توبي عجبك؟ فتجيبها» عجبني وبس، أموت ليك كان ماوريتيني الجابو ليك منو؟، فتنتفش حاجة فاطمة وتجيب بزهو: «التوب دا جابو لي فلان ود فلان من السعودية، ربنا يحفظه ويطول عمره»، فتسمع من صاحبتها مدحاً وثناءً على فلان «أريتو ود السرور الـ عز حبوبتو وجاب ليها داك التوب الما خمج» فتقوم حاجة فاطمة بالدعاء له بنبرة تحس معها بعلامة الرضا والسرور «- إن شاء الله - ربنا إدّيهو ويملأ إيديهو والعملو لي - إن شاء الله - يعملوه ليهو أولاده».
يا لحكمة وسعة فهم جداتنا «حبوباتنا» الكبار: ترى حاجة فاطمة في إهدائها ثوباً فاخراً تقديراً واهتماماً بشخصها. أما الفلوس المدسوسة «المغموتة» في اليد فلا يعلم بها أحد إلا الله.
«وصحي الدنيا سمع وشوف زي ما بقول مثلنا الشعبي»
المصدر: صحيفة الجزيرة
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
ود الرجال الماصل ومفصل ود المنسى الماك هين ةلين
بنت العم بت عمسيب ( المراه بعشر رجال والراجل عد ما توقف ) ماك بتقصرى والفقد فقدك والاهل اوفوا وكفوا بزيادة
ود بلة الله طيب خاطرك حبيب وغالى وعزير وماك متعالى
بت السيد بت عمى على قول حبوباتى يوم شكرك ما يجى ان شاء الله ( الله يرضى العربيى شبتكة زى ابو اللصيق ان شبك فيك الا ترمى هدماتك نصحية لوجه الله )
وضاحة ( الزعل طاقنى منك ) لكن ما بقدر افرزك منهم
شـــــيقوق العربيى افقد اهلك ناس البردانة والانتخابات جات تانى يمكن يرضوك ويفوزك لكن والله سمع اضانى قولهم البركة المافوزوك كان حالك مبشتن ليومك دا ات ود عمى محمد ود وداعة الله واحد طفشتوا بالانتخابات والتانى حكم على الراجل باعدام طيروكم طيرة ابو ريش من الدريش وطلعت معاك ستاا وطابة ( حكاوى الفراش حق ابوى )
والمتداخلين جميعا
جزاكم الله خيرا كثيرا كانت اياما عصيبة ربنا ينسينا ليها ويجعل الجنة مسواه ويقدرنا على السير فى طريقوا بتوفيق الله وعونة
والله يا اهلى حالى ملخبطة وما قادر الم نفسى والزهج مقفل الطبلون غايتوا ان سمعتوا بى فى السودان بزهجتى نهائى اعتبروا الموضوع عادى
بس ات يا ود المنسى العربيى جديد عليك اتحمل واجرك على الله
وا حسبة مصيبة وربنا ابتلاك بيها ومالك زايد ماهيتوا هو كدا نحن عارفين نتكلم معاها يا اخى ادعو ليه ربنا يسلط عليه واحدة من بتاعت الضرائب حقات البشير تورية النجوم عز الضهر
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: Yousif A Abusinina)
|
Quote: والله يا اهلى حالى ملخبطة وما قادر الم نفسى والزهج مقفل الطبلون غايتوا ان سمعتوا بى فى السودان بزهجتى نهائى اعتبروا الموضوع عادى
|
ات يا ود ابو سنينة كان ما بدين ساي شن بوديك للغربة دي
ياخ الغربة دي لا بتشبهك ولا بتشبه المدام اطبق بت الناس اتلهم بيها عولها ساي
وحاة الله الميراث الخلوهو ليكم كان خمجتوا فيهو ليل ونهار ما يكمل
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: يا ود بلة خوي وانا كت دايرة اخلس شكلتي مع شقيق وود المنسي
الاتهاموني بفتلة الصالوت واقبل عليك ههههههه لكن اهو شقيقي جاب السيرة . علا بجيك راجعة .
مزاجي رايق طيلة ما جنبي الحبايب . |
بت عمسيب والله ووحات تور الجريف أبـ عنقريباً طار وركا عند باسبار العوني
بقيتي بقيتي زي زي الجعليين المكابراب وتسوي في الختا
إن مشينا منك بي بعيد تقولي ( مالي مجزّما بتمشوا مني بي ببعيد )
وإن جينا بي جنبك تقولي كتحتوني
أنا نشدتك لا جبت خبرك
أنا قلت الفتل البوست وخلا يمشي زي نعاج السيال السجم دا
لا جبتا سيرة زهور لا وردة يا زهرة في روض خميل
لقي لي التسالي طلع في المخ وبدوري تشنقي جلابتك وتخانقي ساكت
كدي أشربي ليك موية بردي لسانك البرطو ملح التسالي دا وأقري نضمي
سمح
حالي دا بدور أمشي وادفع فرق للتذكرة عشان أأخر سفري مك دا أبقى طالبك عشرة ضربات زي حق ابوسن
والمابحل الدين يقع في غضب الله والوالدين
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
Quote: جزاكم الله خيرا كثيرا كانت اياما عصيبة ربنا ينسينا ليها ويجعل الجنة مسواه ويقدرنا على السير فى طريقوا بتوفيق الله وعونة
|
الأخ الفاضل ابن الرجل الفاضل وكريم/ يوسف أبوسنينة
صدقني لم أعلم بوفاة والدك إلا من خلال مداخلتك في هذا البوست، ولو كنت أعلم لأتيتك باكيا معزيا ، فمثل الشيخ عبد الرحيم أبوسنينة تذرف لفقده الدموع الهواطل وتنظم فيه المراثي والمناحات، فقد كان بحق فارسا من فرسان الجزيرة ورجلا (فحلا) على حد قول صاحبه ورفيق دربه عمنا شيخ نور البشير، شيخ قرية فداسي الحليماب ، ومن شدة إعجابة بأبيك سمعته يقول: والله شيخ عبد الرحيم رجل فحل يستاهل أن يتزوج بأربع نساء ليملأن الدنيا فرسانا بواسلا. هؤلاء قوم حباهم الله بخصال وصفات قل أن نجدها في هذا الزمان، زمان الفتن والإقتتال والحروب. رحم الله الوالد فالموت مفتاح الجنان بإذن الله لأمثاله ، فقد خدموا أهلهم في الجزيرة وكافحوا وناضلوا من أجل انتزاع حقوقهم ورفاهيتهم وسعادتهم.
نعم إن الموت حق، لكن صدقني يا يوسف "غيبنة "مشروع الجزيرة عجلّت برحيل الوالد، لأن حبهم لهذا المشروع العملاق كحبهم لأبنائهم بل أشد، فقد أفنوا زهرة شبابهم في خدمته والعمل على تطويره وتحقيق الرفاه لمزارعيه وظلوا هكذا إلى أن إختارهم الله إلى جواره، مخلفين ذكرا لا ينسى وسيرة طيبة لا تنقطع ،تفوح رائحة طيبة كما يضوع العطر الأصيل.
"خربانة أم بناين قش" وقد تيتمت الجزيرة ومشروعها المجني عليه.
اللهم اغفر له وارحمه واسكنه فسيح الجنان واجعل اللهم البركة في ذريته. تعازينا للأهل كافة.
إنا لله وإنا إليه راجعون
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
لأخ الفاضل ابن الرجل الفاضل وكريم/ يوسف أبوسنينة
صدقني لم أعلم بوفاة والدك إلا من خلال مداخلتك في هذا البوست، ولو كنت أعلم لأتيتك باكيا معزيا ، فمثل الشيخ عبد الرحيم أبوسنينة تذرف لفقده الدموع الهواطل وتنظم فيه المراثي والمناحات، فقد كان بحق فارسا من فرسان الجزيرة ورجلا (فحلا) على حد قول صاحبه ورفيق دربه عمنا شيخ نور البشير، شيخ قرية فداسي الحليماب ، ومن شدة إعجابة بأبيك سمعته يقول: والله شيخ عبد الرحيم رجل فحل يستاهل أن يتزوج بأربع نساء ليملأن الدنيا فرسانا بواسلا. هؤلاء قوم حباهم الله بخصال وصفات قل أن نجدها في هذا الزمان، زمان الفتن والإقتتال والحروب. رحم الله الوالد فالموت مفتاح الجنان بإذن الله لأمثاله ، فقد خدموا أهلهم في الجزيرة وكافحوا وناضلوا من أجل انتزاع حقوقهم ورفاهيتهم وسعادتهم.
نعم إن الموت حق، لكن صدقني يا يوسف "غيبنة "مشروع الجزيرة عجلّت برحيل الوالد، لأن حبهم لهذا المشروع العملاق كحبهم لأبنائهم بل أشد، فقد أفنوا زهرة شبابهم في خدمته والعمل على تطويره وتحقيق الرفاه لمزارعيه وظلوا هكذا إلى أن إختارهم الله إلى جواره، مخلفين ذكرا لا ينسى وسيرة طيبة لا تنقطع ،تفوح رائحة طيبة كما يضوع العطر الأصيل.
"خربانة أم بناين قش" وقد تيتمت الجزيرة ومشروعها المجني عليه.
اللهم اغفر له وارحمه واسكنه فسيح الجنان واجعل اللهم البركة في ذريته. تعازينا للأهل كافة.
إنا لله وإنا إليه راجعون
يا ود بله الفقد فقد الكل واهلك يحفظهم الله خير من يحفظ العهود والجميل صدقنى فداسى باكملها كانت معنا وحا ضرة وقفة رجل واحد وتتعدد زيارتهم لنا ويشهد الله عندما لوفاه زوجة بشير دفع الله بكاء معنا الرجال كان الموت كن فى تلك اللحظة لم تتوقف دموعهم حتى غادرنا فداسى
رحمهم الله جميعا وجعل مسواهم الجنة مع الصدقيين والشهداء
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: Yousif A Abusinina)
|
Quote: لأخ الفاضل ابن الرجل الفاضل وكريم/ يوسف أبوسنينة
صدقني لم أعلم بوفاة والدك إلا من خلال مداخلتك في هذا البوست، ولو كنت أعلم لأتيتك باكيا معزيا ، فمثل الشيخ عبد الرحيم أبوسنينة تذرف لفقده الدموع الهواطل وتنظم فيه المراثي والمناحات، فقد كان بحق فارسا من فرسان الجزيرة ورجلا (فحلا) على حد قول صاحبه ورفيق دربه عمنا شيخ نور البشير، شيخ قرية فداسي الحليماب ، ومن شدة إعجابة بأبيك سمعته يقول: والله شيخ عبد الرحيم رجل فحل يستاهل أن يتزوج بأربع نساء ليملأن الدنيا فرسانا بواسلا. هؤلاء قوم حباهم الله بخصال وصفات قل أن نجدها في هذا الزمان، زمان الفتن والإقتتال والحروب. رحم الله الوالد فالموت مفتاح الجنان بإذن الله لأمثاله ، فقد خدموا أهلهم في الجزيرة وكافحوا وناضلوا من أجل انتزاع حقوقهم ورفاهيتهم وسعادتهم.
نعم إن الموت حق، لكن صدقني يا يوسف "غيبنة "مشروع الجزيرة عجلّت برحيل الوالد، لأن حبهم لهذا المشروع العملاق كحبهم لأبنائهم بل أشد، فقد أفنوا زهرة شبابهم في خدمته والعمل على تطويره وتحقيق الرفاه لمزارعيه وظلوا هكذا إلى أن إختارهم الله إلى جواره، مخلفين ذكرا لا ينسى وسيرة طيبة لا تنقطع ،تفوح رائحة طيبة كما يضوع العطر الأصيل.
"خربانة أم بناين قش" وقد تيتمت الجزيرة ومشروعها المجني عليه.
اللهم اغفر له وارحمه واسكنه فسيح الجنان واجعل اللهم البركة في ذريته. تعازينا للأهل كافة.
إنا لله وإنا إليه راجعون
يا ود بله الفقد فقد الكل واهلك يحفظهم الله خير من يحفظ العهود والجميل صدقنى فداسى باكملها كانت معنا وحا ضرة وقفة رجل واحد وتتعدد زيارتهم لنا ويشهد الله عندما لوفاه زوجة بشير دفع الله بكاء معنا الرجال كان الموت كن فى تلك اللحظة لم تتوقف دموعهم حتى غادرنا فداسى
رحمهم الله جميعا وجعل مسواهم الجنة مع الصدقيين والشهداء |
لوالدكم الرحمة والقبول الحسن
ولكم أخي يوسف العزاء والصبر ، ففقد أمثال والدكم "رزية" لكل القري والريف والنجوع
بارك الله فيكم فأنتم من روحه ونفله وجبر الله كسركم
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: عبيد الطيب)
|
الاخ عبي الطيب جزاك الله خيرا كثيرا
اختى الفاضلة اميرة والمتداخلين الكرام
اعتذر لاقتحامى بوستك الجميل باخوة اعزائى على وكانى اعرفهم منذ ان ولدت جمعتنى معهم صلات طيبة فى بوستات اخرى وفى السودان فصاروا اهلى وعشيرتى
امنياتى لك وللمتداخلين الكرام ولمشاعرهم النبيلة الصادقة كل تقدير واحترام وهم اهلا لذلك
واصلوا واستمتعوا بتلك المناكفات الحلوه والبرئية حتى اعود اليكم مرة اخرى .
وتوصية خاصة لحبيبى ود المنسى العريبى لا يقوم لالالالالا فوق اهجروا كويس لالالا تحت هههههههههههههههههه
اسال ان يجعل ايامكم كلها افراح ومسرات
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: Yousif A Abusinina)
|
اعتذر لاقتحامى بوستك الجميل باخوة اعزائى على وكانى اعرفهم منذ ان ولدت جمعتنى معهم صلات طيبة فى بوستات اخرى وفى السودان فصاروا اهلى وعشيرتى
.......,,,,,,,,,,,,,,,,,................,,,,,,,,,,,,,,,,,,,,,,,,,,,,,.....................,,,,,,,,,,,,,,,,,,,,,,,
عزيزي يوسف ود ابو سنينة
ولا اقتحام ولا حاجة .. بل انت شرفت البوست شرف كبير وانا شايفة عندك معزة خاصة ليك ولأهلك ناس الجزيرة من كل اعضاء الحوش..
وكل هؤلاء الذين تقرأ لهم هنا في هذا الحوش الكبير لم اعرفهم من قبل إلا من خلال هذا الفضاء الاسفيري وصاروا وكأنهم اهلي وعشيرتي
كما تققول انت.. لأنهم قعلا ازاحوا عن كاهلنا متاعب الغربة القاسية..
وبالمناسبة انا كتبت في بوست سابق بأن لي صديقة من فداسي - بالقرب من مدينة مدني - وقد زرت اهلها في اجازتي الصغيرة الماضية..ووجدت عندهم الكرم الفياض المو خمج.. ولو كنا
عارفين خبر العزاء كنا وصلناك للتعزية.. وان شاء الله يكون آخر الأحزان..
والله يديك الصحة والعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
| Quote: وبالمناسبة انا كتبت في بوست سابق بأن لي صديقة من فداسي - بالقرب من مدينة مدني - وقد زرت اهلها في اجازتي الصغيرة الماضية..ووجدت عندهم الكرم الفياض المو خمج |
أها يا أختنا بت عمسيب طلعنا أهل ما دام عندك صديقة في فداسي
فداسي قريتي ومحط مهدي
فداسي آية لله عندي
عشقت ساقيتي وجرفي والنخيلا
ونيلا حفها عرضا وطولا
شكرا جزيلا على كلامك الطيب عن أهلي وأهلك في فداسي، والكرم يا بت عمسيب أنتم أهله وموطنه
لمزيد من المعرفة عن فداسي هاك هذا الرابط الخاص بمنتديات فداسي:
http://www.fadasionline.com/vb/http://www.fadasionline.com/vb/
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: إسحاق بله الأمين)
|
لكن يا ود بله الكتبت الكلام ده ما الغالية بت عمسيب لكني انا العندي صديقة في فداسي ...وهسع الإجازة القصيرة الفاتت كنت بهناك
واكيد بت عمسيب تكزن عندها صديقات هناك لأنها بتزور السودان أكثر مني .. وخاصة وان تذكرة الطيارة من بلجيكا للسودان
بتكون ملاليم.. لكن التذكرة من امريكا للسودان إلا نخش ليها صندوق ...
والله يديك الصحة والعافية..
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
| Quote: كن يا ود بله الكتبت الكلام ده ما الغالية بت عمسيب لكني انا العندي صديقة في فداسي ...وهسع الإجازة القصيرة الفاتت كنت بهناك |
كلكم واحد يا أهل الحوش، وأخوك مع زحمة العمل من الصباح وحتى الآن والساعة الآن حوالي السابعة مساء أصبح التركيز قليل والغلط كثير يا بت السيد. معذرة يا أختي ولك العتبى حتى ترضين
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: إسحاق بله الأمين)
|
لفظ فداسي : كلمة نوبية قديمة بمعنى الأرض الطيبة ، وقرينة ذلك تسمّى القريتين المتجاورتين بذلك أي فداسي الحليماب وفداسي العامراب( نسبة إلى قبيلة العامراب السودانية المعروفة ويشكّل العامراب أغلب سكانها إلى جنب البصيلية واولاد الريف ) ، فكلاهما أرض طيبة وإنما نسبت الحليماب للجد محمد أبي حليمة بن الشيخ حمد أبي حليمة بن الفقيه قش بن الفقية الركابي وهو أحد مشاهير أشياخ الصوفية الواردة ترجمتهم في طبقات ود ضيف الله وهو من السادة الركابية الذين ينتهي نسبهم بالسودان للجد غلام الله بن عائد الزيلعي وهو من أشراف منطقة الحليلة باليمن ، وقدم للسودان ضمن موجات هجرات العرب لاسيما آل البيت واستقر بمنطقة امنتجو بناحية دنقلا وقبره ظاهر يزار بالغدار، وعقد بها مجالس العلم والذكر وأوقد نار القرآن ، وتزوج إمرأة محسية ولدت له إبنيه رباط وركاب ومن رباط جاء سليم ثم عون ثم جابر أب أولاد جابر الأربعة المشهورين عبد الرحمن وعبد الرحيم وابراهيم البولاد واسماعيل ومنهم إنتشر العلم في السودان بشكل اساسي . ومن ركاب إلى اربعة جاء جدنا محمد ابي حليمة .وقد جاء محمد ابي حليمة واخوه احمد البدوي من قرية ود أب حليمة المعروفة شمال الكدرو مهد آبائهم وذلك أيام الفوضى الإجتماعية التي أحدثها جهادية الخليفة عبد الله بالسافل وغيره ، وتخيّروا منطقة فداسي وكانت بلدة صغيرة قديمة يرجع عمرها إلى نحو ثلاثمائة عام ، فأناخوا بها رحلهم واداروا فيها نظامهم بإيقاد نار القرآن وإرشاد الناس وتعليمهم علوم الإسلام والعربية فتخّرج عليهم وعلى أبنائهم من بعدهم قراء وعلماء واسسوا لتاريخ فداسي الحديث وسبقها المعرفي والعلمي . واشتهرت بعدهم ثلاث خلاوى بفداسي على نطاق السودان يقصدها الطلاب من كل مكان . وتركيبة البلد السكانية سوادها الأعظم ركابية بنسبة نحو 80% وتوزعت البلدة إلى حيشان أعمدتها أبناء السيدين محمد أبي حليمة – ومنهم حوش المسجد العتيق آل الدرديري ، عبد الحي ، التوم وغيرهم وآل أحمد البدوي –
>>>>>>>>>>>>
lمشيت يا د بلة الأمين ووجدت هذا المعلومة عن فداسي ,, وعرفت الآن باننا اهل فعلا .. لأنك اذا قريت في السطر الرابع حتلقى ان جدكم الكبير غلام الله بن عائد الزيلعي عندما جاء إلى فداسي تزوج امرأة محسية..
يعني اتزوج واحدة قريبتنا من المحس... واخبرتني صديقتي الفداسية ان فداسي العامراب فيهم ناس كتيرين اصولهم من المحس على الرغم من انهم لا يتكلمون اللغة النوبية...والمرة الجاية لمن نمشي بهناك حأشيل الصفحة
دي معاي عشان نوريهم القرابة بشهادة ابنائهم....
ضربت لبسمات تلفون وفلت ليها .ز انتي عندك قريب في الحوش وهو الفاضلابي . وانا كمان عندي قريب في الحوش من فداسي...البنية ضحكت لامن شرقت..
والله يديك الصحة والعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
كتب زميل المنبر الأخ الهادي محمد الأمين - مشكورا - موضوعا عن الراحل عبد الرحيم أبو سنينة والد زميلنا يوسف قائلا :
لا أدري في أي فصل دراسي كنّا حينما جاء الاستاذ (أحمد عكاشة) وامرنا بالخروج بعد أن قطع علينا إحدي الحصص بممارسة هوايتنا في القراءة والاطلاع والمذاكرة وكتابة الواجب وقال لنا بلهجة حاسمة وقوية (يلا أطلعوا بره يا أولاد) كان النهار وقتها غائظا والشمس ترسل ألسنتها الملتهبة وأشعتها اللاسعة تقع علي أجسادنا النحيفة كالسياط ورؤوسنا مغطاة بالورق والكراسات تفاديا وتلافيا لحرارة الجو الساخن واللافح وما أذكره أن أعمارنا كانت صغيرة في تلك الفترة التي التحقنا فيها بمدرسة صافية الابتدائية وتضم صافية وكتفية بين جنباتها عددا من أعرق المدارس البنين والبنات (إبتدائي) والبنين والبنات (المتوسط) وقبلها كانت تسمي الثانوي العام ومما سمعناه من سلفنا أن هناك مدارس كانت تسمي الوسطي والكتّاب وفي العهد الحالي حدث تحولات في مرحلة حكم الانقاذ قضت بإجراء تعديلات وتغييرات في السلم الدراسي وتحويل المرحلة الإبتدائية إلي الأساس مع إضافة ودمج سنتين في السلم التعليمي لتصبح جملته (8) سنوات دراسية بعد أن كانت (6) وإلغاء الابتدائي والمتوسط (3) سنوات والاستعاضة عنهما بالمرحلة الثانوية ومع مدارس صافية وكتفية العتيقة كان هناك النادي العريق من أقدم الاندية الرياضية والثقافية والاجتماعية بالمنطقة ثم (استراحات الاساتذة) و (الشفخانة) وتحولت الان إلي مستشفي أو إن أردنا الدّقة نطلق عليها (مركزا صحيا) بعد ان كانت قديما (نقطة غيار) ومن المواقع القديمة والأثيرة في كتفية (مقابر الترك) التي تقع غرب مدرسة البنات المتوسطة وجنوب ميدان الكورة القديم الذي انتقل قبل سنوات عديدة في اتجاه الشرق بالقرب من المسجد الجديد والمسافة بين (مقابر الترك) ومقابر (كتفية) عدة أمتار تفصل بين الموقعين ...
وعودا علي بدء فعندما كنا في الفصل في تلك الايام والازمنة أمرنا الاستاذ (أحمد عكاشة) وهو من قرية ودبترو بالخروج من الفصل وتلاقت كافة الفصول (الستة) الأخري مع طلاب المدرسة المتوسطة بنين ثم حدث تجمع مع طالبات البنات في المرحلتين الابتدائي والمتوسط بجانب الاساتذة ومواطني القري الثلاثة (السنية -صافية - كتفية) وكان الحشد كبيرا وبلغة اليوم (جماهيري حاشد) تدافع نحوه المئات رجالا ونساء شيبا وشبابا صغارا وكبار جاءوا من كل فج عميق (وحدب وصوب) هذا إذا استصحبنا ان المدارس تضم أبناء وبنات عدد من القري المجاورة مثل قوز عبد السلام - ودبترو - توبة - انجضو - استرحنا - ود اللمين - اولاد يوسف - جاد العين) وغيرها كل ما عرفناه أن وفدا رسميا بمستوي عال في طريقه للمنطقة لزيارة القري ميدانيا وللوقوف علي أوضاع المواطنين ومعرفة مطالب السكان واحتياجاتهم وقال لنا الاساتذة قولوا بصوت عال ومرتفع (يا ابو سنينية نوّر لينا) ويا (محجوب النور مطلوب) والاشارة هنا لاسماع صوت أهل القري للمسؤولين القادمين من رئاسة حكومة الاقليم الاوسط (مدني) بضرورة توصيل خدمة التيار والامداد الكهربائي بعد أن كانت غالبية قرانا تعيش حالة (إظلام كامل)وتقع في حزام ظلام دامس وتحتكم في لياليها للسواد الحالك الذي يطرده ضوء (الجنريتر) و (الدينمو) الصادر من النادي أو نور (الرتاين) النابع من فصول المدارس حين تكون هناك مذاكرة إجبارية ليلية غير ذلك فان (حبوبة ونسيني) و(لمبات الجاز) و (الفوت) هي سيدة الموقف في كافة المنازل والبيوت وما يهم وصل الوفد الذي يقوده (عبد الرحيم أبو سنينة) ومعه آخرين بجانب رموز إتحاد المزاعين وهو (حكومة بي ذاتو) لا تقل في رمزيتها ومواقفها وفاعليتها قوة من رمزية ومواقف وفاعلية الحكومة الحقيقية فاتحاد المزارعين كان هو الحامي والراعي للأسر في مشروع الجزيرة التي كانت تعتمد كليا في حياتها ومعيشتها علي الزراعة ومنتجاتها وبجانب الشق النقابي في حفظ حقوق المزارعين وحماية الحواشات وأصحابها كانت هناك القشارات ومطاحن الغلال ومصانع الصداقة للغزل والنسيج والمحالج وكان الاستقبال حارا والترحيب بالضيوف قويا وأصواتنا عالية وداوية وزغاريد النساء تملأ ساحة الاحتفال والهتافات تنتقل من الفسحة الكبيرة بالقرب من منزل عمنا الراحل (إدريس عبد القادر) وحتي أشجار حديقة الروضة شمال بيوت عمنا الراحل (البشير ود أبسيرة) وفي موقع ملاصق لمدرسة البنات الابتدائية انتقلت الفعالية بعدها إلي صحن النادي الذي فاضت مساحته وضاقت جنباته بالحضور رغم سعته وامتداد الفسحة التي تنتهي عند المسرح في الاتجاه الشمالي وبالمناسبة تزامن مع تلك المرحلة حضور (حيدر قضامة) ولا أدري حتي الان هل هو ساحر أم مصارع أم ملاكم ؟ لكنه كان شخصا مخيفا ومرعبا وتستثيره استفزازات الحضور الذين كانوا يتهيبون الاقتراب منه حينما يقولون (يا ييا همبرسي) فيتهيج الرجل الذي كانت توضع علي صدره المسامير دون أن تؤثر في جسده ويقوم بتوقيف السيارة البوكس ويجرها للخلف بالحبل (السلبة) في مشهد مدهش وغريب كما أن النادي كان وباستمرار يستضيف (الحواة) الذين تستهوينا خدعهم البصرية عبر سحر الأعين وإيهام الحضور بأكل الامواس والمسامير والابر وووو وغيرها من القصص والحكاوي الفكاهية ..
ما يهمنا أن اللقاء الذي كان علي قيادته (عبد الرحيم أبو سنينة) كان لقاء حارا كحرارة شمس ذاك اليوم ولا أدري هل عملية توصيل الشبكة الكهربائية لقرانا قبل سنوات خلت كانت بسبب توصيات ومجهودات (عبد الرحيم أو سنينة) أم عبر تحركات مجموعة أخري ساهمت في وصول خدمة الإمداد الكهربائي لتك القري فيما بعد وتحول ليلها بفعل أسلاك الكهرباء - عبر الانارة - إلي نهار وغطت الشبكة غالبية قري المنطقة ..
ما كان لي إيراد هذه الحكاوي أو شريط الذكريات برواية متقطعة وغير محبوكة لولا أنني سمعت قبل أيام عن وفاة (عبد الرحيم ابو سنينة) ولم أكن أعلم أن الرجل حيّا ولم يفض إلي ربه بعد فقد حسبته ميتا ذلك لأنه غاب عن الساحة وانسحب بهدوء عن المسرح السياسي والنقابي وغاب عن المشهد بالكلية ولم نعد نسمع عنه شيئا منذ عهد الحكم الإقليمي وسطوة إتحاد مزارعي الجزيرة والمناقل وسبحان الحي الدائم فقد مات مشروع الجزيرة وتبعه موتا إتحاد مزارعي المشروع ثم أخيرا أبو سنينة واسمه بالكامل عبد الرحيم محمد أحمد و (أبو سنينة) هي قريته التابعة للمدينة عرب بمحلية المناقل وهو ينتمي للحزب الاتحادي الديمقراطي حيث ينقسم الولاء في منطقة الوسط في تلك الحقب علي ثلاثة ولاءات حزبية (الأنصار) وواجهتم السياسية حزب الامة و (الختمية) وذراعهم السياسي الحزب الاتحادي الديمقراطي وقوي اليسار ممثلة في الحزب الشيوعي السوداني في وقت ندر فيه الولاء للأخوان المسلمين الذين كانوا يعدون علي أصابع اليد الواحدة وتوزع العمل السياسي العام بين الحراك السياسي المباشر والحركة النقابية التي تظهر في خطط هذه التيارات للسيطرة علي إتحاد مزارعي الجزيرة والمناقل وكانت المنافسة علي أشدها بين هذه القوائم التي كان يتصدرها عدد من المخضرمين بالمنطقة أمثال (أحمد عبد الدافع إمام - الأمين محمد الامين - عبد القادر دكين - عبد الله عبد الله عديل - عبد الله محمد الامين برقاوي - إبراهيم الشيخ الطيب بدر - صديق أحمد البشير - يوسف أحمد المصطفي - الأمين أحمد الفكي - أحمد الطيب حماد - الطيب يوسف - داؤود عبد الجليل - حامد بلول وغيرهم كثير) وأنا أعمل علي تدوين هذا المقال الذي قصدت أن يكون عبارة عن خطبة وداع ورثاء للراحل (أبو سنينة) بعد رحيله عن دنيانا الفانية سمعت أن فنان الطنبور (جعفر السقيد) سيحل ضيفا علي قريتي صافية وكتفية لإقامة حفل ساهر بنادي صافية ربما تكون أول زيارة لفنان يعزف بالدليب والطنبور مع صفقة الكورس المعروفة في أغنيات أهالي الشمال الأقصي والصفقة الجماعية المميزة هي في الأصل تقليد نوبي يخص قبائل الحلفاويين والمحس والسكوت والدناقلة ثم انتقل للشمال الأدني في مناطق الشايقية والبديرية ومن خالطوهم من الهواوير ورغم أن بضاعتي مزجاة في المجال الفني بحكم موقفي من قضايا الموسيقي ومقاطعتي في سماع آلات الطرب ومخاصمتي لإيقاعاتها بكافة ضروبها وأشكالها وقوالبها بجانب ضعف ثقافتي بكل ما هو مرتبط بالفن والغناء والتمثيل وليس لي فيه نصيب وافر لكنني أري أن استقدام (جعفر السقيد) يحمل مؤشرات من بينها دخول عنصر جديد ولونية أخري في مجال السماع في قرانا التي ارتبطت آذانها في الإستماع إلي أغاني الحقيبة المعتقة بالاضافة إلي فن الغناء الشعبي عبر الكورس (الشيالين) مع اصطحاب آلة الرق أو الطار والبنقز ثم الحديث المموسق أو الاروكسترا الجماعية ورغم وجود (الغناء الشايقي) الذي كان يخترق الوجدان من خلال جهازي الإذاعة والتلفزيون والحضور المنتظم لفناني الطنبور من عهد النعام آدم - عثمان اليمني - عبد الرحمن بلاص - إدريس إبراهيم - صديق أحمد - محمد كرم الله - محمد جبارة مرورا بعبد الرحيم أرقي – وثنائي العامراب وانتهاء بمحمد النصري وجعفر السقيد الذي استضافه نادي صافية وكتفية مؤخرا فأهالي وسكان المنطقة كانوا كثيري الإحتفاء بمطربيهم أمثال الكروان بادي محمد الطيب - عبد الله محمد - وعوض الكريم عبد الله واذكر حينما كنا صغارا ظهر فنان الولي (أحمد يوسف) ومن ود المنسي (محمد عبد الله) كانا يمثلان (نجوم الفن) وقتها علي المستوي المحلي ثم الذي جعل الساحة مشبعة بروح الفن أن المعلمين والاساتذة الذين كانوا يدرسوننا لهم هويات وبعضهم كان موهوبا في (ميادين الفن) وآخرين في ميادين (كرة القدم) فمن لم يغازل المايك (صدحا وشدوا) كان يغازل المستديرة (لعبا ولهوا) كما شكّل وجود أغاني السباتة والسيرة في حفلات الأعراس ومناسبات الزواج عاصما من الوقوع تحت ثورة الفن الداعي للمجون أو الخلاعة لكن بدا لي أن التذوق في الآونة الأخيرة أصبح ميالا للتصالح مع الموضة والصيحة الوافدة وتقمص النيولوك وأصبح الجيل الحديث تستهويه لونيات جديدة جزء منها وافد من خارج الحدود بكسر حاجز الجغرافيا عبر التطور الهائل في تقانة الميديا وثورة الإتصالات باستلطاف فنون الهند ودراما الأتراك والسوريين وقبلهم بقليل الفن المصري ثم موسيقي الروك من الغرب والجاز الصاخب القادم من بعض البلدان الإفريقية وفي داخل حدود السودان سيطرت علي الوجدان والسماع مخرجات برامج (نجوم الغد) و (أغاني وأغاني) وانقسم المراقب في توصيف الحالة أو الظاهرة بين ما يطلق عليه بالفن الهابط أو الغناء الشبابي لكن ما يهمنا أننا وقعنا أسيرين للونية جديدة فرضت نفسها وثقافتها علينا شئنا أم أبينا وقدم هذا الواقع بتغيراته وتحولاته الراهنة والحديثة جعفر السقيد علي خشبة مسرح نادي صافية وكتفية بترتيب وتنسيق قامت به رابطة أبناء صافية وكتفية بالجامعات والمعاهد العليا في منطقة غنية بالتراث وبقعة تلاقحت فيها الثقافات وقدمت منتوجا غزيرا في هذا المجال يحتاج لسنوات طوال لتوثيقه أو لملمته من الافواه والصدور بل يصعب علي شعراء العهد القديم والحديث مثلا كتابة شعرا مجيدا مثل قصيدة (بتريد اللطام أسد الكزاز الزام شقيت البلد من اليمن للشام) فاتحة القصيدة وبدايتها يندر مجاراتها أو تقديم (نموذج) وإنتاج شعري يماثلها مهما علت لغة الاخرين واتسعت قريحتهم وتفتحت مدارك أفهامهم أن يقدموا مثل هذا الابداع الخلاق الذي يتحدي الزمن ويرفض ان يموت بالتقادم في بيئة تتقاذفها حاليا ثقافات وتتقاطع معها عادات وتقاليد تكاد تمسح الماضي أو تردمه بالتراب ...
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
الراحل عبد الرحيم أبو سنينة كان رئيسا لاتحاد مزارعي الجزيرة والمناقل بعد ان تعاقب سودانيون لراسة ذلك الاتحاد بعد سودنة مشروع الجزيرة
بعد عام 1955م أصبح مشروع الجزيرة خالياً من البريطانيين الذين غادروا الوظائف الإدارية والإشرافية بالإدارة أو الغيط. وبعد استقالة المستر جيتسكل وتركه العمل بالمشروع، ففي موسم 54/1955م صار السيد مكي عباس – مديراً تنفيذياً للمشروع وكان السيد مكي عباس قبل انضمامه للعمل بالمشروع يعمل معلماً حيث عمل بمصلحة المعارف وكان مدرسا بمعهد التربية ببخت الرضا مع الرواد الأوائل المستر قريفث والأستاذ عبد الرحمن علي طه. وقد اظهر الأستاذ المعلم مكي عباس مقدرة إدارية فائقة كما كان يتمتع بحس وطني متميز وكان أول من كشف للمزارعين مال الاحتياطي الذي كانت تحيطه الحكومة والشركة بالسرية التامة، ذلك المال الذي فجر ثورة المزارعين وقاد إلى أول إضراب للمزارعين أدي في النهاية إلى تدخل المثقفين ومساندة المزارعين ومن ثم قادت الأمور لتصل إلى تأميم المشروع وإقصاء الشركة.
ومع ذلك جاءت النتيجة مبشرة بمحصول وافر وضبط في التعامل والتنظيم الإدارة وتعاون تام وانسجام بين الإدارة السودانية (مفتشي الغيط) والمزارعين واستطاعوا أن يتخطوا كل العقبات ومعالجة السلبيات والقصور بحنكة وحكمة بالغتين وهذا ما يؤكد نوعية المختارين لشغل وظائف مفتشي الغيط من السودانيين والذين كانوا يتمتعون بخبرات إدارية وصفات أخلاقية حميدة وقوة في الشخصية جعلتهم قريبين من المزارعين دون تفريط أو مجاملة وإذا عدنا إلى لجنة الجمعية التشريعية في أمر التنظيم والإدارة وكانت اللجنة قد استعانت بآراء الخبراء والمختصين للنظر في مستقبل المشروع فكان رأي جيتسكل (مدير المشروع) أن مستقبل المشروع يتطلب إنشاء سلطة مركزية تنفيذية بالإضافة إلى مجلس للتخطيط وذلك من اجل بناء مشروع تعاوني للمزارعين لهدف مستقبلي.
أما المزارعون فقد كان اهتمامهم أكثر بالعائد السريع لرفع وتحسين مستواهم المعيشي وليس بالهياكل والتنظيمات والتخطيط المالي أو الإداري وكان النقاش يدور حول نقطة جوهرية هامة وهي أن طيلة تاريخ المشروع كانت سنوات الضائقة أكثر من سنوات الرخاء كذلك كان اهتمامهم أكثر بتمويل جزء علي الأقل من أعبائهم لجهة أو جهات أخرى.
واللجنة في النهاية لم تأخذ برأي جيتسكل ولا برأي المزارعين وجاءت توصياتهم مشابهة لرأي الحكومة في ذلك (1949م) وصدر قانون عام (1950م) مؤمناً علي نفس النسب القديمة (40%) للحكومة (40%) للمزارعين (20%) لمجلس الإدارة والزم مجلس الإدارة بصرف مبلغ من المال علي الأبحاث والزراعية و (2%) من العائد للخدمات الاجتماعية بشرط أن لا يقل الدخل عن (60 ألف جنيه) كحد ادني وألا يزيد عن نصف مليون جنيه كحد أقصي.
قدمت الحكومة للشركة تعويضاً بلغ (2.6 مليون جنيه إسترليني) بالنسبة المال الاحتياطي واتفقت علي تحويل الفائض من دخل مجلس الإدارة إلى حساب مال الاحتياطي وان يستمر الدفع بهذه الصورة حتى يبلغ الحساب ثلاثة مليون جنيه، بعدها أي زيادة تقسم مناصفة بين الحكومة والمزارعين بالتساوي.
( 14)
تنظيمات المزارعين:-
لم يكن للمشروع أي تنظيم نقابي وحتى الإضراب الأول الذي حدث في عام 1913م للشركة الزراعية قد تم بطريقة عفوية ودون تنظيم مسبق ولكنه كان يمثل بداية الوعي بالحقوق والمطالب وحدث بعد ذلك إضراب عام 1946م ذلك الإضراب الذي هز المشروع وكشف عن تضامن المزارعين ووعيهم وحسهم الوطني والسند الذي وجدوه من المثقفين الوطنين ومن أعضاء المؤتمر علي وجه خاص ولذلك تنبهت الحكومة بعد ذلك إلى أهمية أخذ زمام المبادرة بتكوين كيان للمزارعين يخرج من عباءتها قبل أن يفرض عليها من الخارج ويصعب السيطرة عليه وبادرت إدارة المشروع في عمل ترتيبات لاختيار ممثلين بأن يختار المزارعون في كل صمودية (وحدة القرية) واحداً منهم إلى مجموعة التفتيش الانتخابية والتي تقوم بدورها باختيار عضو واحد إلى الهيئة.
هيئة ممثلو المزارعين:-
]وتمت أول انتخابات لممثلي المزارعين بطريقة سرية لانتخاب رئيس الهيئة ونوابه ومساعديه فوقع الاختيار على: الشيخ أحمد بابكر الازيرق المزارع بتفتيش درويش ليكون رئيساً للهيئة ومعه السادة: - أبو الحسن عبد المحمود – موسى النعيم – محمد الطيب عمر- العبيد احمد – حمد النيل محمد حسن- يوسف احمد آدم وعقد أول اجتماع في مكتب مدير المديرية بمدني في يوم 8مايو 1947م وحضر الاجتماع كل الأعضاء وكان عددهم أربعين عضواً بجانب جيتسكل مدير المشروع والمستر بيكن باشمفتش زراعة المديرية وترأس الاجتماع مدير المديرية المستر بريدن.
هيئة مزارعي الجزيرة:
واستمرت هيئة ممثلي المزارعين حتى منتصف عام 1952م وتغير الاسم بعد ذلك إلى ( هيئة مزارعي الجزيرة ) كما تغيرت طريقة الانتخابات علي أن يكون مبنياً علي عدد المزارعين في كل تفتيش.
وبتاريخ 17 مايو 1952م ثم انتخاب الرئيس الجديد للهيئة ففاز الشيخ الازيرق لقيادة المزارعين مع بعضا من مساعديه وزملائه القدامى.
اتحاد مزارعي الجزيرة والمناقل:
طالب المزارعون بقيام اتحاد بدلاً عن الهيئة أسوة بالنقابات العاملة بالسودان وأخيرا وافقت الحكومة علي طلبهم وصدر قانون اتحاد مزارعي الجزيرة والمناقل لسنة 1954م وأجريت الانتخابات بإشراف لجنة محايدة وشارك في تلك الانتخابات تسعة وعشرون ألف وأربعمائة مزارع. وتم بعد ذلك انتخاب الضباط الثلاثة فجاء الآتية أسمائهم:
الشيخ الأمين محمد الأمين للرئاسة والشيخ يوسف احمد المصطفي للسكرتارية والشيخ عباس دفع الله لأمانة المال.
وشهدت تلك الفترة صراعات حزبية وتكتلات كبيرة بين قيادات الاتحاد والمعارضين من الأحزاب والتنظيمات السياسية رغم المكاسب التي تحققت للمزارعين في بعض المجلات.
وأجريت انتخابات ثانية في مايو 1956م واختيرت لجنة مكونة من تسعة وخمسين عضوا وفاز الشيخ جابر عثمان برئاسة الاتحاد والشيخ محمد عبد الرحمن نائب للرئيس والشيخ محجوب الأمين سكرتيراً والشيخ بابكر دكين أميناً للمال. وفي عام 1957م أجريت انتخابات وكانت المنافسة حادة بين جابر عثمان والشيخ بابكر الازيرق.. وفي فترات متعاقبة بعد ذلك تقلد رئاسة الاتحاد الشيخ النور النعيم ولفترة أخرى أيضا ثم انتخاب الشيخ عبد الرحيم أبو سنينة كما تقلد الشيخ الطيب العبيد ود بدر رئاسة الاتحاد لعدة فترات كما تعاقب علي السكرتارية كل من المشايخ: محمد عبد الله الوالى – حسن مصطفي- عبد الجليل حسن عبد الجليل – الأمين احمد الفكي. وعاد للرئاسة مرة أخرى الشيخ الأمين محمد الأمين والذي اختير وزيراً للصحة عقب ثورة أكتوبر في عام 1964م ممثلاً للمزارعين في حكومة أكتوبر.
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: مني عمسيب)
|
العزيزة بت عمسيب
نحن ما ارشفنا نفسنا..والارشفة جاية براها بعد شوية ..والباشمهندس هسع خلاص
سل سكاكينه وحيبدا ضبح في البوستات..
وطبعا نسمات ..بسمات..ارشفت نفسها من زمان ..والايام دي نحن عايشين مع الاجواء
الملكية في نيويورك عشان الامير وليام وزوجته في زيارة هنا ومتابعين حياته في القنوات
التلفزيونية خطوة بخطوة ..والتلفزيونات هنا نا عندها غير السيرة. ..والامريكان فرحانين
فرحة شديدة بهذه الزيارة الملكية....
وشكرا على هذه الوردة الرائعة....وان شاء الله حياتك كلها تكون مفرةشة بالزهور والورود
والله يديك الصحة والعافية
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: اميرة السيد)
|
أتقي الله في الأمانة لما تكتب يا ود شيقوق
ماتقولني قولاً ما قلتو
هذا الاقتباس يمكن ان تحاسب به
وهذا سعي لخراب ذات البين
يا اخوانا الزول دا زعل جد جد
لكن والله يا الاميرة ويا بت عمسيب الكلام دا كتبتو انا من راسي ساي برة في صقيعة الكمبيوتر وجيت برااااااااااااحة وهطو في مداخلتي وكش عملتو اقتباس وقلت ليكم دا كلام الككو الفجغ الطين
اها دا اعتراف خلوا إسحاق ود البلة يجي يعقد محكمتو وحكمو كان بغرامة او كان سجن او بالعقوبتين معا على العين والراس
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
هيع مرقتو حق ود البلة بندق في بحر
بت السيد دي ما بتنفع قاضي تب . قلبها حنين
الكتابة عندكم هنا صعبة رغم بساطتها وعدم تكلفها . ولكنها تحتاج لي روقة البال لأنها تبع من القلب والقلب مشغول وما جعل الله لرجل من قلبين في جوف واحد .
بالجد مرة اضحك ومرة ابسم وتغلبني الكتابة
عندي حكاوي ابت تمرق لي لكن بعافرا بعد نخلص من المحكمة الشعبية دي
| |
|
|
|
|
|
|
|
|
|
Re: ود ابوسن، ودشيقوق، ود البوش، ود المنسي: انتو ناس سمحين (Re: الطيب شيقوق)
|
هيع مرقتو حق ود البلة بندق في بحر
بت السيد دي ما بتنفع قاضي تب . قلبها حنين
الكتابة عندكم هنا صعبة رغم بساطتها وعدم تكلفها . ولكنها تحتاج لي روقة البال لأنها تبع من القلب والقلب مشغول وما جعل الله لرجل من قلبين في جوف واحد .
بالجد مرة اضحك ومرة ابسم وتغلبني الكتابة
عندي حكاوي ابت تمرق لي لكن بعافرا بعد نخلص من المحكمة الشعبية دي
| |
|
|
|
|
|
|
| |
وضاحة
مني عمسيب
خالد علي محجوب المنسي
إسحاق بله الأمين
الطيب شيقوق
Yousif A Abusinina
عبدالحفيظ ابوسن
عبيد الطيب
فيس بوك
تويتر
انستقرام
يوتيوب
بنتيريست