مواضيع توثقية متميزة

أغتيال دكتورة احلام حسب الرسول .

مرحبا Guest
اخر زيارك لك: 04-26-2024, 11:47 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مواضيع توثقية متميزة
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
08-13-2012, 07:36 PM

shaheen shaheen
<ashaheen shaheen
تاريخ التسجيل: 11-13-2005
مجموع المشاركات: 5039

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أغتيال دكتورة احلام حسب الرسول . (Re: Mujtaba Mahasi)

    7
    image75.jpg Hosting at Sudaneseonline.com

    3 حكايات احلام حسب الرسول (احلام الصول)

    اجلس فى عيادة (احلام تادرس) اتصفح عدداً قديماً من مجلة (حواء) المصرية .. كالعادة العيادة بسيطة وانيقة فى ذوق , مثل صاحبتها
    اول ما لفت نظرى فيها ايام معرفتنا الاولى فى الجامعة انها مسيحية .. لم اعرف قبطية قبلها , اعجبنى الصليب الذهبى الصغير , والتهذيب العالى , الانسانية التى تشع من العيون الوديعة , عرفنا بعد فترة من صداقتنا انها تنتمى الى اسرة غنية لديهم مصنع زجاج كبير
    ذات مرة فى تلك الايام البعيدة شاهدتها مصادفةً داخل سيارة (مرسيدس) فارهة , نادتنى فى تهليل وفرح حقيقى
    - ده بابا يا بت الصول .. دكتور تادرس ميخائيل .. دى صحبتى يا بابا فى الجامعة واحدة من الاحلامات الحكيت ليك عنهم .
    اخبرتنى بعدها
    - ما بحب زول يعرف انى من اسرة غنية .. عايزة اكون زيكم كده بالظبط بدون اى فرق .
    - ابوك دكتور ؟ .
    - لا .. ما طبيب .. عندو دكتوراه فى الجيولوجيا .. خلى التدريس فى جامعة الخرطوم واتفرغ للعمل الخاص .
    - عندك اخوان ؟ .
    - عندى اخت واحدة , طبيبة امراض نساء واخ اتوفى قبل ما ادخل الجامعة كان اسمو حنا .
    - وامك ؟ .
    - طبيبة اسنان .
    - ماشاء الله عليكم .. انتو اسرة راقية شديد .
    - لا .. عادى خالص , نحنا اسرة عادية جدا .
    متواضعة بشكل لا يصدق .. مثقفة
    - دى رواية فرنسية ؟ .
    البؤساء , بتاعت فيكتور هيجو .
    - بتعرفى فرنسى ؟ .
    - يعنى , شوية , شوية .. بحب اللغة الفرنسية من زمان .
    اتذكر الايام التى ماتت فيها شقيقتها (ماريا) , انقلبت بها السيارة وماتت بنزيف داخلى حاد فى المخ .. كان عندى شغف ان اراها , وعدتنى اكثر من مرة ان نذهب لها فى العيادة
    - اقول ليك سر يا بت الصول ؟ .
    - سرك فى بير يا بت يا عسل .
    - ماما ما بتحب مسلم يخش عندنا فى البيت .
    - معقول ؟ .. ليه كده ؟ .
    - ما عارفة , هى ما بتحب السودان , وما بتحب نصاحب المسلمين .
    عندما ماتت (ماريا) تغيرت هى كثيرا
    - انا يا بنات نويت امتحان تانى شهادة سودانية علمى .. واخش طب وامسك عيادة ماريا .
    (احلام السمحة) لا تحب الشخص الطموح
    - بالله يا بت الصول عاينى الاقباط ديل جبارين كيف , ما عايزة تفك عيادة اختها .
    - ده اسمو وفاء وطموح .
    قبل سنة جاءت تزورنى فى الجامعة
    - عارفة , انتى الزولة الوحيدة الشجعتينى امتحن تانى واخش طب .. ومتذكرة كويس يوم زغردتى لى عشان نجحتا .
    - يا بت ده كان زمان انتى لسه متذكرة ؟ .
    - فى حاجات ما بتتنسى يا بت الصول لو مرت مليون سنة .
    لمحت نظرة الامتنان واطياف دموع قادمة فى العيون المسيحية الطيبة .. عرفت كم هى وحيدة وفى حوجة لقلب قريب منها .. قررت ان ازورها بشكل منتظم كل اسبوع .. وها انا بعد سنة كاملة اجلس فى عيادتها .
    خرجت (احلام جلكنة) بجسدها الذى ترهل وخلفها كانت (احلام القبطية) وهما تضجان بالضحك
    - يا بت الصول شفتا قلة الادب بتاعت جلكنة .
    - حظك .
    - يا بنات ما تعملوا لى عقدة نفسية بلاش مسخرة فارغة معاكم .
    عنما ذهبت الى دورة المياه , تنهدت (احلام تادرس) بعمق
    - جلكنة عندها ورم فى الرحم لازم نعمل عملية ازالة للورم ونأخد عينة منه ونعمل ليها تحليل .
    - اتكلمتى معاها ؟ .
    - بعد برنامج بكرة عشان ما تدبرس .
    ونحن فى طريق العودة الى البيت , قالت (جلكنة)
    - احتمال كبير يكون عندى المرض الكعب ؟ .
    - المرض الكعب ده كمان شنو ؟ .
    - السرطان .
    - لا حول ولا قوة .. انتى بقيتى دكتورة واحنا ما عارفين ؟ .
    - لا بالجد شايفة وش بت تادرس اتغير وهى قاعدة تكشف على .
    - يا بت مافى سرطان بيتعرف بالكشف كده ساكت .. لازم الزول يعمل تحاليل وهيصة طويلة .
    - انا الحاسة السادسة عندى ما بتغلط .
    - عليك الله بطلى هبالة وجرسة .
    وضعت شريط (زيدان ابراهيم) على الة تسجيل العربة .. اندلع الصوت السكران يترنح مع نغمات العود .. اغمضت (جلكنة) عيناها واراحت راسها على حافة المقعد
    - حليلك يا زيدان وحليل ايامنا .
    كنت اقود سيارتى وانظر لها بطرف عينى .. وجهها الرجولى الاسود كان يلمع مع اضواء السيارات القادمة فى الاتجاه المعاكس .. قلت فى سرى
    - ربنا معاك يا احلام .. ربنا معاك , انتى احسن واحدة فينا .
    شاهين شاهين
                  

العنوان الكاتب Date
أغتيال دكتورة احلام حسب الرسول . shaheen shaheen08-02-12, 07:57 PM
  Re: أغتيال دكتورة احلام حسب الرسول . shaheen shaheen08-02-12, 08:06 PM
    Re: أغتيال دكتورة احلام حسب الرسول . shaheen shaheen08-02-12, 08:19 PM
    Re: أغتيال دكتورة احلام حسب الرسول . عوض محمد احمد08-02-12, 08:24 PM
  Re: أغتيال دكتورة احلام حسب الرسول . هشام هباني08-02-12, 08:07 PM
    Re: أغتيال دكتورة احلام حسب الرسول . shaheen shaheen08-02-12, 08:33 PM
    Re: أغتيال دكتورة احلام حسب الرسول . الرفاعي عبدالعاطي حجر08-02-12, 08:33 PM
      Re: أغتيال دكتورة احلام حسب الرسول . shaheen shaheen08-02-12, 09:01 PM
        Re: أغتيال دكتورة احلام حسب الرسول . shaheen shaheen08-02-12, 09:17 PM
        Re: أغتيال دكتورة احلام حسب الرسول . عبدالله احيمر08-02-12, 10:00 PM
          Re: أغتيال دكتورة احلام حسب الرسول . shaheen shaheen08-02-12, 10:15 PM
            Re: أغتيال دكتورة احلام حسب الرسول . shaheen shaheen08-04-12, 09:15 PM
              Re: أغتيال دكتورة احلام حسب الرسول . shaheen shaheen08-04-12, 09:17 PM
                Re: أغتيال دكتورة احلام حسب الرسول . rani08-05-12, 00:19 AM
                  Re: أغتيال دكتورة احلام حسب الرسول . فتحي الصديق08-05-12, 00:41 AM
                    Re: أغتيال دكتورة احلام حسب الرسول . shaheen shaheen08-05-12, 06:15 PM
                      Re: أغتيال دكتورة احلام حسب الرسول . shaheen shaheen08-05-12, 09:49 PM
                        Re: أغتيال دكتورة احلام حسب الرسول . وائل فاروق08-07-12, 10:07 PM
                          Re: أغتيال دكتورة احلام حسب الرسول . وائل فاروق08-07-12, 10:08 PM
                            Re: أغتيال دكتورة احلام حسب الرسول . shaheen shaheen08-09-12, 10:05 PM
                              Re: أغتيال دكتورة احلام حسب الرسول . shaheen shaheen08-13-12, 12:10 PM
                                Re: أغتيال دكتورة احلام حسب الرسول . Mujtaba Mahasi08-13-12, 01:15 PM
                                  Re: أغتيال دكتورة احلام حسب الرسول . shaheen shaheen08-13-12, 07:36 PM
                                    Re: أغتيال دكتورة احلام حسب الرسول . shaheen shaheen08-16-12, 06:04 PM
                                      Re: أغتيال دكتورة احلام حسب الرسول . shaheen shaheen08-16-12, 06:37 PM
                                        Re: أغتيال دكتورة احلام حسب الرسول . shaheen shaheen08-20-12, 06:39 AM
  Re: أغتيال دكتورة احلام حسب الرسول . ناصر البطل08-20-12, 09:41 AM
    Re: أغتيال دكتورة احلام حسب الرسول . shaheen shaheen08-23-12, 06:10 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de