واشنطن : معارضين فى ضيافة الامن ؟؟؟؟؟

Quote: الاستاذ باريك الاصدقاء جدا محجوب و محمد يسن تبريركم لما حدث و شرح تفاصيل التفاصيل في معرض دفاعكم عن الدبل أستاندر بتاع عادل و دينق , ذكري قصة (هند بت عمي) لمن كنا اطفال في عطبرة . طبعا الاهل في سياق التنشئة السليمة آنذاك بنبهونا بقوة لي انو لمن نمشي نلعب مع اطفال الجيران و يجي وكت الاكل مفروض نرجع حالا البيت و ممنوع منعا باتا الاكل عند الجيران بدون إذن مُسبق. ( هند) كانت لمن يجي الغداء بتقعد تلهط عاااادي و لمن ترجع البيت و خالاتنا و عماتنا يزرزروها , برضو كانت بتنكر عااااادي لحدي ما في يوم جات (هند) كالعادة متأخرة بعد وكت الغداء و سألتها امها الماكرة الام : يا بت اكلت عند ناس خالتك (عاجبة) هند : لا الام : طيب غداهم كان بي شنو !! هند : ( دون وعي ) خدرة و بامية فيا اصدقاء , بالنسبة لي يكفي تماما انو العقيد - امن - سفارة واشنطون - محمد سليمان كان هناك بدعوة من المنبر الديمقراطي و لمن سألتو انا في البوست ده مُلاح ناس المنبر الديمقراطي كان شنو قال لي عزموني خدرة و بامية. إذن انا ما بقارن يا محجوب .. و لست صاحب ثأر ببوستي هذا انا سألت عن حقيقة وجود الامنجي في الندوة بدعوة من المنبر الديمقراطي و الاجابة كانت خدرة و بامية و حتي دينق نفسو اكد ده في بوستو Fullstop am so fine with that بعد داك يا محمد ياسين ( محمد سليمان ربط تِكتو ولا عملها فيونكة) لا يهمني كثيرا ان اعرف . كان يكفيني إذا كان طردتوهو موش قدمتو ليهو دعوة . ولاذلت احتفي بالصديق احمد النعمان ان اعلنها داوية علي رؤوس الاشهاد اننا لا نريد تبرعك يا محمد سليمان . فهل فعلتم ما فعله النعمان ؟؟؟