واشنطن : معارضين فى ضيافة الامن ؟؟؟؟؟

Quote: سلامات اقبال و فرع واشنطون يسمعنا هنا ليه ؟ إن صح الخبر , علي الزملاء في فرع واشنطون يا اقبال إستدعاء الزملاء ديل و تكوين لجنة تحقيق للتحقيق معاهم حول ما ورد في سودانيزاونلاين من إتهام ( ده لو كان في قرار واضح داخل الحزب بعد نيفاشا و مشاركة الحزب في برلمان الانقاذ يمنع الإجتماع بدوائر الانقاذ المختلفة).إذن مكان الرد علي البوست ده موش هنا في سودانيزاونلاين لانو لو سودانزونلاين عندها قوة إستدعاء ناشطين و التحقيق معهم علي الهواء حقو تسقط لينا الانقاذ دي و تريحنا من الحرابة دي كلها , سودانيزاونلاين بمتلك اعضاءها قوة التشهير بخصومهم فقط. انا لا اتفق معك في ان يتم الرد علي البوست ده هنا الحزب عندو قنواتو االخاصة و المعروفة البتتابع بلاغات عامة زي دي. من ناحية تانية , دينق معروف لينا هنا في المنبر ده بوقوفو ضد الحزب الشيوعي (راجعي الارشيف) و عضويتو و عندو أجندتو الخاصة الضد الحزب. لاحظي انو دينق في الكوت الاخير لم يستبعد وجود اي تناقض في جلوس الحركة الشعبية مع ممثل جهاز الامن في الوكت الفيهو في ديسمبر الماضي إعترضت الحركة الشعبية علي قانون الامن الجديد و وصفو عرمان بأنو ضربة موجعة ضد التحول الديمقراطي . لانو دينق ما ملم بشكل جيد الاقل بما يحدث داخل السودان و لا داخل الحركة الشعبية و ده واضح من تحليلو اعلاه , لا يمكنني ان آخد مشاركتو القوية في البوست ده إلا بأنها تصفية حسابات مع زملاء في واشنطون. شاهدي ان اجتماعات زي دي في الخارج عادة بتم تمثيل التنظيمات السياسية بها بممثل واحد عادة , كيف تم تمثيل الحزب الشيوعي بأربعة؟ و باقي الاحزاب بعضو واحد؟ السم في الدسم يا زميلة.

Quote: عادل سلامات إتفق معك تماما , لكن انت ببوستك هذا تحاول عزل معظم القوي السياسية موش محمد سليمان , انت تحاول إلصاق تهمة التطبيع بهم دون حيثيات او ادلة إتهام واضحة (لا اريد ان اقول كذباَ) . عناصر الامن بتم عزلهم ببترهم من الجالية نفسها او منظمات العمل المدني عموما بي عمل دؤوب و منظم موش بالتشهير بأهل العمل العام نفسهم, العمل المعارض في الخارج إعتمادو علي ناشطي واشنطون كبير لانهم قريبين من مركز صناعة السياسة في العالم فياخي رجاءَ جيبو لينا كلام نجيض عشان ناخد فيهو موقف واضح.

Quote: سلامات إقبال تاني علي العكس خالص , حديثك عن العولمة بعضد موقفي , ما للحزب للحزب يا إقبال لو اتي في سودانيزونلاين ولو اتي من بلاغات عادية, دور سودانيزونلاين بنتهي هنا ده بعد نهاية البوست ما لم يأتي بلاغ عديل او إستفسار من اقبال بصدد 4 زملاء لبو دعوة عشاء مسؤل الامن في سفارة واشنطون محمد سليمان و حتي ذلك الحين ليس للحزب ما يفعله سوي ان يراقب مجريات البوست حتي نهايتو و يستخلص منه نهايات في حالة عدم رد عضويتو الاربعة (الحزب ما مسؤل عن خلافات او إحتقانات بين افراد في جاليات الخارج) لانو لو الحزب تابع الدرب ده معظم عضوية الخارج حا تتفصل بي بلاغات شبيهة تحت بند تصفية الخصومات. فيما يخص الدوائر المختلفة , راجعي رد الخردة كوستاوي , كلنا نعلم ان الانقاذ ناشطة خارجيا من خلال اجسام بديلة لتجميع او تحّييد السودانيين مع الانقاذ , الدوائر المختلفة دي بتبدأ من عضوية المجلس الوطني و بتنتهي بي الاجسام التي تخلقها السفارات بالخارج. ودي طبعا من ضمنها ما نحن بصددوا الان (تغلغل السفارة داخل جسم الجالية) كوستاوي و إقبال - انا هنا لست للدفاع عن جالية واشنطون , انا هنا لإستجلاء الحقيقة التي تهم حزبي فلا تسألوني عن لماذا لم يدافع المُشّهر بهم عن انفسهم هنا , تلك اظنها صراعات لا علم لي بأضابيرها.

Quote: عزيزنا القارئ اعتقد ان موقفي واضح من البوست و مكرر في ردي علي الخردة و الزميلة إقبال. انا لا اسكن واشنطون ولا علم لي بخبايا ما يحدث هناك من خلافات شخصية , ما يهمني في الامر قلته و اكرر انا ضد التطبيع مع الانقاذ لكني ايضا ضد تصفية الخلافات او الصراعات ذات الطابع الشخصي بمثل هذه الطريقة المُبتسرة, البوست تحول في المرحلة الاولي من إتهام الي نقل خبر و في التانية من نقل خبر الي تأكيد و في التالتة تحول البوست و وفق كلام سيف مصطفي الي وجود ادلة !!! الم تسأل نفسك عزيزي القارئ لم تم إخفاء الاسماء منذ بدء البوست إن لم يكن هذا هو الابتزاز بي شحمو و لحمو ؟؟؟؟؟؟

يا خردة
البوست ماشي كويس ياخي , و كلامي البقي حار ده اصلا بحصل من اول البوست ,لكن انا كنت متجاهلو و اسه رديت عليهو , دينق و عادل في المرحلة التالتة من البوست إجتهدوا عشان يحرجوني و يخارجوني من البوست بالاتهام تارة و بتقويلي كلام انا اصلا ما قلتو تارة اخري .اها طريقة توقع دينق للاخرين و خت كلامو ليهم في خشومهم دي ساهلة و كلنا في المنبر ده حرفاء عدييل فيها , البوست انتهي عندي من ناحية الوصول لنتائج لكن فيهو باقي تكنيك كمان ما ممكن اخلي دينق يستمتع بيهو براهو و صدقني بالنسبة لي مافي شي شخصي بيني و بينو و عرسو زاتو حاضرنو معاك.
بالنسبة لي عادل علي صالح , إتجاهلت تهكمو مرتين لكن التالتة واقعة يا صديقي زي ما عارف و الحشاش يملأ شبكتو. خلونا نقزقز يا خردة و خلي الحسادة بتاعتك دي.