واشنطن : معارضين فى ضيافة الامن ؟؟؟؟؟

Quote: واضح جدا بأنه صاحب دعوة و يشرف على راحة الضيوف والرفاق وعلى نغمات السكسفونات الاثيوبية

التأكيد علي الدعوة لمربع واضح جدا انو صاحب دعوة
الحالة دي الفنان لسه ما مسك المايك



محجوب علي شكرا يا فنان
نقطتك قوية , حا ارد ليك عليها بتفصيل لاحقا رغم انو مفروض يردوا عليها دينق و عادل و كوستاوي و احمد
و لحدي الوكت داك راجع لي البوست ده شوف كم مرة انا سألت فيهو عن منو المستفيد من البوست ده؟

Quote: من حيث لا تدري فقد نصبت عقيد الامن، الذي يصادر جهازه حرية النشر بمصادرة الميدان وحرية الافراد باعتقال واذلال الاطباء، ناطق باسم القوي الوطنية في واشنطون!!!!! والسبب وراء ذلك ، ان الاخوة المعنيين بموضوع البوست ،امتنعوا عن التوضيح ترفعا او...او.... واختزلوا اهل واشنطون في ثلاثه افراد،ولم يمتثلوا لما ذكرته انت في اعلي البوست ان العمل العام لايخلط بين الشخصي والعام. بهذا فان في المرحلة المقبلة سوف يكون بمقدور عقيد الامن ان يتوسط بين فعاليات واشنطون وقواها الوطنية....دون حوجة لبيع او شراء ولك الود

Quote: ناطق باسم القوي الوطنية في واشنطون!!!!!

Quote: يا بكرى زولك دا منتظر منكم تعزفوا ليه النشيد الوطني و فرش أرضية سودانيزأونلاين بالبساط الأحمر.....عقيدنا هين ولا لين يا بكري!!!!

Quote: سلام وتحية الى كل اصدقائى و الاحباب بواشنطن الكبرى لما تقومون به من اجل سوداننا الحبيب و عبركم ارحب [B]بالاستاذ محمد سليمان عبد الله بطل هذا البوست فى المنبر....... و يا زول ادخل بكراعك اليمين البوست ده احتمال يديك دبورتين ..........وكرامة الدبورتين يا استاذ لازم يكون خروف كارب وتدعوا فيه كل خرد واشنطن ابطال هذا البوست ......... مرحب بيك استاذ محمد سليمان عبد الله مرة اخرى فى بيتك فنحن كقراء فى انتظار معرفة الحقيقة

Quote: و نعرف ما دار فى الاجتماع

Quote: قرأت سردك الدرامى الشفيف .. وتابعت تعليق الأستاذ الأخ محمد السنى .. وطريقة تعريفنا بالأخراج المسرحى .. الدراما فى حياة الشعب السودانى لم تنته أبداً .. هنا فى الوصلة التالية مشهد درامى أخر .. ألقيه فى جبة أستاذنا محمد السنى لعله يرفدنا بعناصر الدراما فيه .. أو كيفيه أخراجه .. واشنطن : معارضين فى ضيافة الامن ؟؟؟؟؟ وفى الحقيقة تلخبطت علىّ الأمور .. هل البطل هنا الأخ الأستاذ عادل على صالح أو العقيد أمن محمد سليمان؟ .. الأنجيرا تمثل ماذا؟ ست المطعم الحبشية معّزة أين موقعها من الدراما؟ الجماعة الذين أكلوا الأنجيرا من هم؟دا فلم وليس كل الأفلام .. بالضبط مثل فلم ول أبا عبدالرازق ... بريمة

Quote: الاخ بكـــــرى سلام ( 1 )عبرى ارفض رفضا قاطعا ان ترحب بهذا ( الـصـق ) فى المنبر .. ( 2 ) انه ( الصـق ) العقيد امن محمد سليمان عبدالله ... و ليست ( بالاستاذ ) او ( بطل ).. (3 ) خــرد واشنطن ابطال هذا البوســت ( لا يمكن شـرائهم ) بخروف او خلافه.. هذا ( الصق ) يعرف جيدا من هم الذين يمكن ان يقدم لهم الدعــوة ؟؟؟!!!.... (4 ) سودانيز اون لاين كانت ( وطن من لا وطن له ) فتحولت الى ( بيت ) هذا الصق .. ومعنى ذلك سوف تتحول الى مكان طارد ... بوجودهم الكريه ورائحتهم النتنه ... ولا يشاركهم المكان الا من به فاقه...فالنعوذ بالله من وجوده فى هذا المكان فى المقام الاول .. ونخرج بالشمال ؟؟؟ ( 5 ) سوف يطول انتظارك للحقيقة ... لانها اغتيلت بواسطه زبانية جهاز الامن والمخابرات بعد ان اغتصبت بليل ومثل بجثتها ... واضحت فى عداد المفقودين؟؟؟ فلها الرحمة ... يا بكرى ( عناوين ) المنبر الحر ... كتبت ومازالت بدماء ضحايا الشرفاء من ابناء وبنات السودان بواسطة القتله العاملين فى جهاز الامن ... وتسيل دمائهم كل يوم فى معتقلات هذا الحهاز وتقتل الكلمة بمصادرة الصحف وارهاب الصحفيين ... يعتقل الاطباء وتجرى دمائهم فى الشوارع بحثا عن العدالة ...؟؟ بعد كل هذا تاتى لترحب ( عبرنا ) بهذا الصـق ... انها والله اساءة صريحة ...فارجوا ان (تزحنى ) من هذا المكان ... الذى اختلط فيه دم الضحايا .. بسخرية هذا ( الصــق) ونكرانه التام بعدم وجود ( التعذيب ) وضحاياه فى ضــل تمثال الحرية.. ويعلن انه اتى ليشتري ويفسـد المعارضين ؟؟ ويطرب بعضنا لدرجة انتظار ( الغنا من خشــم ســيدو ).. فسيد الحقيقة عندهم هذا الصــق اى زمان نعيش فيه؟؟؟ لا ممثلى جهاز الامن فى سودانيزاولاين... لا لهذا الصــق بين الشرفاء .. (عدل بواسطة Adil A. Salih on 07-06-2010, 08:21 م)

عادل علي صالح و العقيد امن محمد سليمان حضورا بندوة دكتور دالي


يا عادل
في ندوة د دالي , ليه ما خليت المكان لمنسوب الامن في سفارة واشنطون ؟
ليه قبلت انك تقعد معاهو في مكان واحد و اسه بقي ليك صعب تقعد معاهو في سودانيزاونلاين ؟
الفيديو مصدر الصورة
يا عادل الشجاعة الحقيقية انو نتوحد لهزيمة منسوب السفارة هنا بالحجة و المنطق , نحاصرو بالاسئلة و بسجل الانقاذ المُخزي فيما يتعلق بحقوق الانسان . عندنا تجربة هنا في سودانيزونلاين مع المشّرف رئيس إتحاد الخرطوم الاسبق و نجحنا في حصارو و طردو من منبر سودانيزاونلاين بتوحدنا كمعارضة. الشجاعة الحقيقية انو نطور اساليب و ادوات عملنا حتي تحسب لنا الانقاذ الف حساب قبل الدخول في اماكن عملنا العام لا ان نحترب في بعضنا لتصفية خلافات هشة تؤخر و تعوق مسيرتنا قبل ان تخدم مصالح الشعب الذي نتبجح بالحديث نيابة عنو. مسلسل الحردان ده حدو وين ؟ حردت للانقاذ السودان و عاوز تحرد ليها المنبر اسه لمجرد انها جاتك في المنبر , طيب عاوز تهزمها كيف ؟اقعد يا عادل و خلينا نسمع كلام الفنان حول اتهاماتكم لزملائنا و زملائكم و بعد شهادتو عندنا كلام كتير , اشرف ليك تكون حاضرو.

Quote: الاستاذ عادل على صالح سلام وتحية وشكرا لوجه نظرك لكن بما اننى كنت اسكن واشنطن لمدة 10 سنوات يهمنى ان اعرف ما دار فى الاجتماع ومن كان فيه ....امكن صاحبى هناى كان فيهم............... ثانيا كواحد مهتم بتوثيق الاحداث اليومية عن السودان يهمنى ان اعرف ما دار فى الاجتماع ........... و كقارى برضو يهمنى ان اعرف....... فيا اخى مثلا اذا فرضنا انو ناشطى واشنطن الاجتمعوا مع المسئول الحكومى محمد سليمان عبد الله كان بغرض بيع كنيسة فى الحلفاية للمليونير من الشعبية اسمه عادل على صالح مثلا يهمنى ان اوثق لهذا الحدث لانو ما حا تعرف بكرة حا يحصل شنو.............. امكن واحد من الجماعة الاجتمعوا مع مسئول الحكومة يبقى رئيس للسودان او يجى يترشح فى دائرة الحلفاية ......................... على كل حال شكرا ليك لاهتمامك بقضايا الوطن...و السودانيين فى المهجر واتمنى من الاستاذ محمد سليمان ان يطلعنا ما دار فى الاجتماع

Quote: * أتمني أن يكون (بعض الرفاق وأصدقاء الحزب) الذين تداخلوا في بداية هذا الخيط باعتقاد أن أهدافه (وطنية خالصة وتهم العمل المعارض العام) قد تيقنوا الآن من (أهداف البوست الحقيقية) ....وأنهم قد أفرطوا في حُسن النوايا بأكثر مما يجب ............... أتمني ذلك !

Quote: محجوب معليش يا صاحب نسيت اسألك سؤال محرج شوية تفتكر شنو اصعب عليك , سؤال كادر الامن ولا القبول بما ورد بالبوست من أشانة سمعة لزملائك ديل ؟

Quote: المستفيدون الوحيدون من هذا البوست هم : - العقيد أمن محمد سليمان - جهاز الأمن والمؤتمر الوطني وبالتالي كامل النظام. * والآن فقط يمكنهم القول (مع خلف الأرجل).... بأن تكتيكاتهم قد أتت أُكلها كما خطط لها .

(عدل بواسطة عاطف مكاوى on 06-08-2010, 05:30 PM)
(عدل بواسطة عاطف مكاوى on 06-08-2010, 05:33 PM)

Quote: وين غُناكم ؟؟ وين ؟ خلّهم فى وحلهم خلى الميادين تدّهم خلى الغباء يركن يوصّل حدهم ماكلهم عارفين عطية الجبهه ليهم صفعه أُخرى .... و بيتفهم نوع النضال الفيهو مرمطو إسمهم متأكدين إنو البقيف فى خندقهم ضد كل وطنى غيور جسور بقى منهم متحمسين لى حاره بى إسم التراب معروف مداها وإحتمالا مادين اياديهم الى تلك القذاره "همتك يامُحمد أحمد همتك" إيدك مع إيد قتلتك تبنى وتهد ترسم ملامح للبلد لوحات عميقة من الدماء ناس معتمين جدران خراب وبلاد صقيعه من الدمار "يامحمد أحمد همتك" إيدك مع إيد قتلتك تسكت تهد يامحمد احمد همتك نفضح نضال الواهمين نفسح مجال لى ناس حقيقه وناس رُجال حارين كما هُم ماختو إيد فى إيد عدوهم لسه ماملوا النضال واقفين ألف أحمر عديل يامحمد أحمد خلّهم العرفة قسمه الحكمة ترزح تحت ظلم الأنظمة يامحمد احمد مابتقصر لما ن يفرتك شملهم لما ينكشف الخداع الدنيا كيف بتلمهم؟ بس خلّهم معروف نضالهم بالهزال موعود زمانهم بى زوال تشهد لهم كل المنابر فى المنافى إنو غيرهم أصلو مافى وإنو سر اللعبة يكمن فى التمترس خلف ماضى خلف فكره إتناثرت بين المواقف "وينكم إنتو" " الكنتو إنتو" وين غناكم .... وين زغاريد عزه وين النيل ووينن ملايين القصايد؟؟ لما نفس الشعب هداها المشانق لما كنت محمد أحمد جد حقيقه بهرب السجان وبمرق وبتمرق الناس الشوارع ترجع الغنيات تعبّر عن مواجدنا وتدافع تنتصر لى كل من جاع أو تشرد وتنتقم من كلّ من صافح وأيّد لما كنت محمد أحمد جد حقيقه لما تقضى الليل مُطارد بين ندوه وإجتماع سرى ومؤكد بين مكتب أمن بيت أشباح مُهدد يامحمد أحمد همتك الليل طويل الموقف أصبح جد هزيل الناس تمش من غير دليل إيدك على إيدى أحسن من تكون فى أيدى من سفكو الدماء يامحمد احمد ماكنت قايل إنو فى يوم تبقى ديل وتبقى واحد بس عميل... إبنعوف يونيو- شهر الخراب 2007[/B

Quote: فالبوست سليم في جوهره الداعي لمقاومة و فضح نشاط العناصرالامنية

Quote: ثانيا ليس وارد علي الاطلاق ان اطرح تساولا او استوضح موقفا يتعلق بافراد، التزمت بالعمل العام، من كادر امني يتبجح بامكانية شراء البشر. فهل يصبح عقيد الامن الخصم والحكم؟ باالله لو جاء العقيد وقال ( تدارسنا في العشاء امكانية التنسيق والعمل معا لخدمة القضايا (الوطنية) ) دي ماتبقي كارثة؟ عشان كدي ياخدر ابعدوا زول الامن دا بعيد ،لانسالوا لايسالنا والله ياخدر تهمة الرفاق ولا تبرئة عقيد الامن

Quote: (1) - بالأمس القريب كان (صلاح قوش) ساكنا بشكل شبه رسمي قبيل الانتخابات بجوبا (لاقناع قادة الحركة الشعبية وعلي رأسهم سلفاكير) حتي يتم سحب ترشيح (عرمان)....... طبعا تبادل قوش الأدوار مع علي عثمان وقيادات كيزانية أخرى..... ولكن كان (قوش) صاحب المرات الأكثر في (ضيافة الحركة الشعبية)..... وليس (حكومة الجنوب) ... اذ أن الأمر حينها كان مختلفا ...... وحتي أستبق الأخ دينق في ترديد قوله بأن الحوارات السياسية تختلف ....... أقول أما كان من الممكن أن تطلب الحركة الشعبية مفاوضون خارج (العناصر التي عملت (بجهاز الأمن القمعي بحجة أنهم لا يرغبون في الجلوس وتناول أى وجبة مع هؤلاء.... هذا من حقهم بالطبع وكانوا سيرضخون له لا محالة ........... ...... كما أنه هل تمت كل هذه المداولات دون (ضيافة) وملح وملاح بينهم. (2) - ثم من هو (نائب رئيس جهاز الأمن؟) ألم يتناول وجبات غداء أو عشاء مع رئيسه أومرؤوسيه ؟ ... (هذا باعتبار أن نائب رئيس الجهاز التابع للحركة الشعبية لا تشوبه شائبة !)....... أم أن (جلود) هؤلاء تختلف باختلاف الأماكن وبالتالي يتم التعامل وتناول الوجبات معهم حسب المواقف المعينة ..... والغريب أن المواقف متشابهة وكلها سياسية ف(خيانةالعشاء العظمي) التي تمت بواشنطون كانت عقب لقاء سياسي ....... واللجنة التنفيذية للجالية هي الجهة الوحيدة التي من حقها تبرير موقفها هذا أو نقد أنفسهم نقدا ذاتيا باعتبارها صاحبة هذا (التقليد)...... بالطبع نتمني أن نقرأ لهم . لا أُجرم الحركة الشعبية أو غيرها ....... فالعمل السياسي يختلف تماما عن العلاقات الاجتماعية .... ولكني أردت أن أقول أن أهداف هذا البوست واضحة منذ البداية ...... (3) - بُعيد مهزلة الانتخابات وقبيل اعلان النتيجة النهائية ...... من هو قائد التيم الكيزاني الذى زار دور كل الأحزاب السودانية لاقناعهم بتقبل النتيجة علي علاتها وعدم الخروج الي الشارع مقابل عدم احتفال المؤتمر بالفوز المتوقع....... ألم يكن هو (نافع علي نافع) الذى أنشأ ولأول مرة في تأريخ السودان (بيوت الأشباح) سيئة الصيت والسمعة والتي أُغتيل بداخلها الكثيرون من المناضلين .... فهل تمت هذه المقابلات دون (ملح وملاح وبارد وشاى)؟ * يُترك كل هذا ..... وتُسلخ جلود رفاق (درب المعارضة) في المجال .... دون تخيل أن مثل هذا الفعل قد لا تندمل جراحه بسهولة وهذا ما لا نتمناه بالطبع .......... وربنا يجيب العواقب سليمة. وهل سيواصل هؤلاء المناضلون صمتهم اذا استمر هذا التجريم؟ .....................لا أعتقد ! * لذلك كنا قد نبهناالمشاركون هنا بأن يكونوا أكثر موضوعية في نقدهم وذكرتهم بالمثل الشعبي (بيوت الزجاج.....) .... وكان من الممكن ياعزيزى وكما ذكرت أنت أن يتم التحاور معهم بعيدا عن هذا التجريح والتشهير حتي تنجلي الأمور تماما بعدها ليتخذوا من القرارات ما يرونه مناسبا ........ واضعين في الاعتبار بأن المتضررين سوف لن يصمتوا كثيرا خاصة في حالة الاحساس بالظلم ولك أن تتخيل يا صديقي عواقب مثل هكذا أفعال............ والمتضرر في نهاية الأمر هم جماهير الجالية والشعب السوداني ككل والرابح الأول والآخير كما ذكرت من قبل هو عقيد الأمن وكل جهاز المؤتمر اللاوطني ........ ولا أعتقد بأن قراء هذا البوست ستنطلي عليهم أقوال مثل (أن أهداف هذا البوست هي تنبيه قوى المعارضة لعدم التعامل اجتماعيا مع القتلة) ...... الأهداف واضحة لكل ذى بصيرة مهما كانت درجتها. [/QUOTE