|
|
 Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Dr. Moiz Bakhiet)
|
الاخ معز
كيف الحال والاحوال ممكن نسال انفسنا ليه الخرطوم اصبحت اوسخ عاصمة فى الدنيا وممكن نجيب بكل سهولة ان السبب هو الاهمال وعقلية ونوعية االاداريين لا اكثر ولا اقل ..
اذ انعدمت المسؤولية ولو حاولت تنتقد او تكشف تلك الحقيقة فانت متهم باشانة سمعة نظام الانقاذ ..
وساقتنى قدماى الى معمل استاك ذلك المكان الذى كان عنوانا للنظافة فى ولاية الخرطوم واليوم اصبح مقلبا للزبالة والاوساخ والقاذورات ..
لم اصدق عينى وانا اتجول داخل معمل استاك بين تلك الكميات الهائلة من الاوساخ والعفونة التى تشق انفك وانت تتجول بالداخل فى مكاتب كئيبة متسخة واثاث قديم عفى عليه الزمن ..
والمحير اكثر ان ادارة هذا المرفق الصحى الهام لا تحس بمدى قذارة المكان المتواجدين فيه وقلت ربما لاننى قادم من خارج الوطن ارى كل شىء بمنظار المكان الذى اتيت منه ولكن كيف العلاج وكيف نعيد للخرطوم سيرنها الاولى والاماكن الصحية عافيتها لتكون صحية ونظيفة هذا هو السؤال ..؟
ولدى حلول هى اعادة تاهيل هؤلاء وابتعاثهم لخارج البلاد ليروا كيف يعيش البشر هناك والبيئة التى توفرها لهم حكوماتهم لان الذى يعيش فى بيئة متسخة لا يرى انه فى مكان قذر لانه تعود على بيئته وتكيف معها وهذا حال ادارات جديدة اتت بها الحكومة كانت السبب وهى التى اوجدت نفسها وسط هذه البيئة المتسخة وقس على ذلك خارج هذا المبنى الى فناء الخرطوم الفسيح فى عاصمة من اقذر عواصم العالم الان للاسف ..نتواصل
| |
 
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Dr. Moiz Bakhiet)
|
لك التحية والتقدير د./ المعز
مؤسف جدا ان تكون الصحة قد وصلت لهذا الحد الخطير وهى من الخدمات الضرورية ويتبعها التعليم ولكن نرى الان اهمالا كاملا لهما ، وتحديدا اصبح العلاج يمثل هاجسا للجميع بسبب ارتفاع تكاليفه وانعدام العناية وارى ان معظم الاطباء يعملون على التحصيل المادى صارفين النظر عن الاتجاه الانسانى لهذه المهنة ولقد كان للدولة دورا اساسى فى هذا الجانب عندما لم تعطى الطبيب مايستحقه .
ان وصول المستشفيات لهذا المستوى المخيف لاتشفع له الشوارع المسفلتة ولا البنايات الفارهة ولاحتى التطور الكمالى الذى نراه والذى تحس انك مغصوب عليه وانت تفتقر الى العلاج والتعليم اللهم الا اذا كنت تمتلك المال مما يعنى ان القصور اصاب اهم الخدمات ( التعليم والعلاج) والتى كان يجب ان يصرف عليه قبل كل شئ ولكن حصل العكس لان منظر المدارس العامة والتحصيل فيها مخيف لحد بعيد وبالتالى اتجه الاستاذة للتعليم الخاص وهم فئة قد ظلمت كثيرا ايضا .
كل الود واكيد الاحترام
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Dr. Moiz Bakhiet)
|
الدكتــور معـز
حياك الله
العزيز الفاضل ود بخيت العوض الحمدلله هناك صورة مشرقة للحقل الصحي في السودان وذا حضور عالميا ودوليا، فالاجدي الان نعكس صور صغيرة جانبية ونهاجم شخص بعينه ومظهره وانت تعلم يادكتور اهمية المظهر في رحاب العولمة ، والدكتورة تابيتا من المخلصات الغيورات علي السودان ونالت استحسان الجميع بمجهوداتها الرائعة في كل مجالات الصحة في ركب من الكوادر الطبية المؤهلة ولا تنسي قطاع الصيدلة الذي قفز الي الافاق بطاقم ينظر الي افاق الثريا ، وكان الاجدي بك يا دكتور معز ان تنادي بانشاء مستشفيات تخصصية في منطقة كبوشية ، وان تشد همتك لذلك ودع الصور وشانها فانت لك مكانتك العظيمة في السودان قلب الوطن الواحد ، وحول نظرك الي ارض الخلاوي ومهد الاجداد
( كبـــوشية ) . فهي تحتاج اليك ...
عزالدين عباس الفحل
ابـــــوظبــبي
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Dr. Moiz Bakhiet)
|
أعادتني هذه الصور لمنتصف التسعينيات ونحن أطباء مقبلين علي حياة مهنية ممتلئين بروح العطاء و مفعمين بالأمل في تخفيف آلام و أمراض المسحوقين من أبناء شعبنا الكريم. كنا بمستشفي الأبيض التعليمي أو 'التأليمي' كما كان يسمى تهكما، وقد تمكن 'الإنقاذ الصحي' وقتها من تجفيف كل موارد وزارة الصحة المركزية و الولائية و أصبحت مستشفيات الدولة من وقتها هشيما تذروه الرياح.
كنا في شعبة الجراحة آنذاك و قد وصل تنصل الدولة من مسئوليتها الأخلاقية و الدستورية تجاه مواطنيها إلي منتهاه، كنا نطلب من المرضى و الألم و الحرج يملؤنا توفير الشاش و الأدوية و المحاليل الوريدية قبل بدء العملية الجراحية!! بل وصل الحال أن ذوي المرضي كان عليهم توفير الخيوط الجراحية و المشارط في أحايين كثيرة. كانت العنابر في حالة مزرية وقد خلت كثير من الإسرة من المراتب و الوسائد و الملايات رغم تبرعات الكثير من خيّري الأبيض و كردفان ورغم إجتهادات المدير الطبي أنذاك د.عوض الكريم علي عوض الكريم الذي كان يحاول جل جهده لتوفير ما يمكن لتقوم المستشفي بدورها المنوط بها مهنيا و أخلاقيا.
في ظل كل هذه الظروف المأساوية و في وقت وصلت فيه الخدمات الصحية وغيرها إلي الحضيض في عهد الوالي حينذاك سيد الحسيني عبد الكريم صالح، ولم تكن أفضل حالا في عهد خلفه محمد حسن الأمين. في ظل كل تلك الظروف تم تخصيص مبلغ ثمانية مليون جنيه سوداني لبناء بوابة جديدة لمستشفي الأبيض التعليمي بمناسبة زيارة مرتقبة لرئيس الجمهورية!! ، و كان مبلغا فلكيا وقتها إذا علم أن مرتبنا كأطباء عمومين لم يكن يتجاوز الثمانية آلاف جنيه، أي مجموع مرتبات ألف طبيب سوداني تم تخصيصها لبناء بوابة لم تكن المستشفى في حوجة إليها.
هكذا تأتي أولويات الصرف كما يبدو و كما تتنزل إلي الواقع المرئي الذي لا يكذب و المتمثل في الصور التي إلتقطها على عجل الزميل د. المعز عمر بخيت، وهذا غيض من فيض.
الحديث يطول عن ما آلت إليه صحة الإنسان و الحيوان و البيئة عبر السنين الأخيرة ولم يعد غريبا أن يكون الداخل إلي المستشفيات السودانية مفقود و الخارج منها مولود و الحكايات المحزنة و الوفيات الغير مبررة لا نهاية لها...و...و...و...
المأمون أبوسن
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: abubakr)
|
اولا نشكر د.معز للتنبيه والقاء الضوء علي حقيقة لا ينكرها الا مكابر ومن خلال " شاهد اثبات دامغ " وهي الصورة وامل ان تتدافع الخطي لكشف هذا الواقع المبكي بكثير من مثل هذه الصور كما اشار مالك الجاك في مداخلة اخري .. ولقد استقطبت صور الكوارث كثير من اهتمامات المنتديين الاسفيريين من قبل : احتراق طائرة سودانيير العام الماضي وكوارث الامطار هذا العام .. ثانيا ان تواجدا اسفيريا مثل هذا لقطاعات من الشعب السوداني بمختلف مشاربها يجب ان يتجاوز الا جتماعيات والاهتمامات الجد شخصية الي اضعف الايمان وهو مشاركة بلسان في تعرية ورفض ما يحدث في بلادنا ولاهلنا بسبب فساد استشري وسوء ادارة غالبة ... بلاد ساستها مشغوليين بمصالحهم الخاصة وصراعاتهم من اجل سلطة ويكتنزون السلطة والمال ويعيشون في ابراج عاجية ةتكثر الطفيليات التي تعيش علي موائدهم فتركب سيارات الهمر وغالب الشعب يكابد لان يجد ما يسد رمقه ويموت علي اباب مستشفيات هالكة ... في زمن توفرت فيه الكاميرا لكل من يحمل هاتفا خليويا و كثرت كاميرات رقمية باسعار زهيدة فان امر حملات لكشف عيوب ما يحدث في بلادنا وتعرية القائميين علي امر البلاد والعباد واجب شخصي ..
هذه الصور هنا والتي سبقتها من كوارث اخري توضح الخلل في اكثر من ناحية فالوزراء كونهم اولي الامر يتحملون مسئولية الذي يحدث ومن لم يستطع فليستقل فامر العباد اهم من صراعات سياسية وسفسطة فارغة والمهنيين مسئوليين فامر النظافة واداء العمل مهما كان الاجر طالما تواجدو علي راس اعمالهم فليؤدوه علي احسن وجه فالنظافة امر ذاتي وارواح البشر مسئولية جسيمة فمن لا يقدر فليترك ذاك العمل ...في خضم نفرة مئات الملايين من الشعب السوداني الي ملاجئ في يوغندا وكينيا قبل نيفاشا قراءت ان ملجا لهم كبير في كينيا قد نال جائزة او تقديرا بانه الانظف واكثر ترتيبا (شوارع وخيم وووو) .. الفقر وقلة الامكانات لا تعني وسخا وعدم نظافة وترتيب ...العامل الذي لا يهتم بالنظافة والترتيب لا يجب ان يكون متواجدا في مستشفي مهما كان السبب... لم يكن اهل السودان اغنياء حين كانت عنابر نفس المستشفي مرتبة ونظيفة واطباؤها جند مجندة لتاكييد ذلك فعلا ...
لو كنت مكان الوزيرة تابيتا وطاقمها من مساعديين لاستقلت ....
ارجو مواصلة كشف عيوبنا( فالساسة وولاة الامر اتو طوعا ام قسرا هم من رحم هذا الشعب ) بشهود اثبات دامغة كهذه عل من يلك منا ضميرا حيا وتطغي انسانيته علي جشعه وفوضي اصابته بان ينتبه ويصلح ما افسد
| |
|
|
|
|
|
|
|
|
صدقت والله يا شاعرنا الجميل
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Dr. Moiz Bakhiet)
|
Quote:
Quote: سؤال في محلو يا هشام
لأن تلك القاذورات تجلب المرض
|
د.معز تحياتي
حقيقة المسالة كانت shocking بالنسبة ليي رغم التردي المعروف سلفا عن
اوضاع المستشفيات والمرافق الصحية لكني لم اتصور يد البلي والاهمال قد طالت
واحدة من اكبر مستشفيات البلاد لهذه الدرجة المزرية خصوصا انو لدي معرفة
جيدة بهذا المستشفي وقضيت به جزء من فترة الامتياز في 2002-2003 وحينها كان
الحال لايقارن البته بالوضع الراهن.غايتو لانملك الا ان نسال الله السلامةلاهلنا
في هذا البلد المحزون وان يجعل لهم مخرج صدق من ازماتهم المتوارثه
مودتي
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Hisham Osman)
|
تحياتي لك يابروف وتمنياتي بدوام الصحه
والتقدم في المهنه والابحاث..
حقيقي حال الصحه في البلدعموما
هو عنوان لاذلال المواطن المسكين..
احكي هذه الواقعه وانا انزف الما..
عم زوجتي ذهب لمستشفي العيون لاجراء عمليه
مويه بيضاء ولوضع عدسه جديده..الرجل سلم
الطبيب الاوراق الخاصه بالعمليه والعدسه..
بعد ثلاثه ايام كانت له مقابله مع طبيبه
وهو طبيب آخر غير الذي اجري العمليه..فذكر له
هذا الطبيب ان العدسه لم تركب فذهب للجراح
وساله.. الجراح قال له كيف ياخي اهي دي العدسه
راكبه واحضر زميل له ليكشف عليه واكد الزميل
ان العدسه موجوده..ذهب هذا الرجل الى مستشفي
اخر بعد عدة ايام لانه العين التهبت فذكر له الطبيب
انه لاتوجد عدسه..فذهب مره اخري للطبيب الذي اجري
العمليه وحدثه بما كان..تخيل يابروف ان هذا الطبيب
وبكل برود قال له فعلا انا ماركبت العدسه وبدون ان
يبرر ذلك وقال له تعمل مواعيد عشان نعمل ليك عمليه
تانيه نركب العدسه كده ببساطه والرجل مغلوب
على امره وافق وسكت على ذلك وهو في انتظار العمليه
الثانيه بعد العيد..وياهو ده السودان
ولكم مودتي
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عزالدين محمد عثمان)
|
Quote: احكي هذه الواقعه وانا انزف الما..
عم زوجتي ذهب لمستشفي العيون لاجراء عمليه
مويه بيضاء ولوضع عدسه جديده..الرجل سلم
الطبيب الاوراق الخاصه بالعمليه والعدسه..
بعد ثلاثه ايام كانت له مقابله مع طبيبه
وهو طبيب آخر غير الذي اجري العمليه..فذكر له
هذا الطبيب ان العدسه لم تركب فذهب للجراح
وساله.. الجراح قال له كيف ياخي اهي دي العدسه
راكبه واحضر زميل له ليكشف عليه واكد الزميل
ان العدسه موجوده..ذهب هذا الرجل الى مستشفي
اخر بعد عدة ايام لانه العين التهبت فذكر له الطبيب
انه لاتوجد عدسه..فذهب مره اخري للطبيب الذي اجري
العمليه وحدثه بما كان..تخيل يابروف ان هذا الطبيب
وبكل برود قال له فعلا انا ماركبت العدسه |
العزيز عزالدين سلام..
قمة الحزن والإلم أشعر بهما لهذه المأساة بسبب هذا الاستهتار وقمة الإهمال..
نسأل الله العافية..
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Hisham Osman)
|
تحياتي لك يابروف وتمنياتي بدوام الصحه
والتقدم في المهنه والابحاث..
حقيقي حال الصحه في البلدعموما
هو عنوان لاذلال المواطن المسكين..
احكي هذه الواقعه وانا انزف الما..
عم زوجتي ذهب لمستشفي العيون لاجراء عمليه
مويه بيضاء ولوضع عدسه جديده..الرجل سلم
الطبيب الاوراق الخاصه بالعمليه والعدسه..
بعد ثلاثه ايام كانت له مقابله مع طبيبه
وهو طبيب آخر غير الذي اجري العمليه..فذكر له
هذا الطبيب ان العدسه لم تركب فذهب للجراح
وساله.. الجراح قال له كيف ياخي اهي دي العدسه
راكبه واحضر زميل له ليكشف عليه واكد الزميل
ان العدسه موجوده..ذهب هذا الرجل الى مستشفي
اخر بعد عدة ايام لانه العين التهبت فذكر له الطبيب
انه لاتوجد عدسه..فذهب مره اخري للطبيب الذي اجري
العمليه وحدثه بما كان..تخيل يابروف ان هذا الطبيب
وبكل برود قال له فعلا انا ماركبت العدسه وبدون ان
يبرر ذلك وقال له تعمل مواعيد عشان نعمل ليك عمليه
تانيه نركب العدسه كده ببساطه والرجل مغلوب
على امره وافق وسكت على ذلك وهو في انتظار العمليه
الثانيه بعد العيد..وياهو ده السودان
ولكم مودتي
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عزالدين محمد عثمان)
|
أها .. وبعدين ؟؟
حسي يعني الأعمى شايل المكسر إتلمينا هنا وهاكـ يا ولولة وبكاء ..
ما ياهو حال بلدنا من عشرات السنين ..
لا تعليم ، لا مستشفيات ، لا كرامة ، لا حياة ولا (حياء ) ..
لافتات وهتافات ومزيد من الخيابات والإهانات ...!!
من زمن نميري ياهو ده حال البلد ..
لا صلحتو ديمقراطيات ، ولا عنتريات ...
ونحن ماشاء الله علينا ، نومنا في حدائق المستشفى إلا أن يخرج مريضنا ..
نتمخط ونتغوط وننام ونأكل إلا أن يخرج مريضنا وإلا فاللوم راكبنــا ..
ياهو القرف قرفنا .. وما الحكومة وعمالها إلا قرف مرتبط بقرفنا .. ثقافة النظافة .. وثقافة عدم إحترام العمل الما بكفي راتبو ..
وهاكـ يا هتاف وعناوين ( شيلو البنغالة ) وبلاش عمالة أجنبية ..
مستشفيات المملكة نظيفة بفضل البنغالة ، رغم ثقافة النظافة التشبه حقتنا عند معظم بدو السعودية ..
نفس الملامح والشبه لكنهم مستأجرين عمالة أجنبية راتبها 300 ريال تنضف البلد ..
جيبوا بنغالة تنضف البلد وخلونا من الوهم العايشين فيهو ده ..
شنو العندنــا نضيف عشان نزعل من وسخ المستشفيات ..
ما ياهاهو ده حالة من يوم بنوها ..
الجديد شنو ؟؟؟؟؟؟؟؟؟؟؟؟؟؟ظ
| |
|
|
|
|
|
|
|
|
 Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عبد الرحيم حسب الرسول)
|
هلا دكتور المعز ورمضان كريم
عند الحديث عن المرافق الصحية يجب مخاطبة الولاة
الوزير الاتحادى ، اى وزير اتحادى ، لابيحل لا بيربط
وليس له من السلطات غير الاشراف وتشريف المناسبات السعيدة
نظام الحكم نزل الصلاحيات للولاة ، والمفروض نسألهم : واضعين كم لميزانية الصحة والتعليم مقارنة بميزانية المهرجانات السياسية ؟؟
مشاكل المرافق الصحية والتعليمية والخدمات عموما مابتتحل الا حين يختار المواطن واليه طوعا ويسقطه اختيارا ...!!
أى مسؤول بيحس بانو ممكن يتشال فى اى لحظة بيهتم بهموم الناس ..
لكن المسؤول الحاسي بانه خالد فيه ابدا ياهو بيمغص الناس بالشكل ده ..
مودتى
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عبد الرحيم حسب الرسول)
|
@
@
لا أحد يموت هنا ... ليس بنا حاجة الي مشفي او الطبيب هنا ...
و الشفخانة بداله النقطة ...
الصحة مسئولية الجميع .. بداية بالكبير مروراًُ بالوزير و العبد الفقير ثم الغفير ...
و الصحة تاج علي رؤوس الاصحاء لا تراها الا امام محاسب المشفي الحكومي/الخاص...
ابسط حقوق الانسان هو العيش بكرامة و الموت بكرامة كلام في الصميم / الزبالة ...
و كل عام و البروف و الجميع بخير
@
شيكي شكي بابا... عيني عيني يابا
احنا في دنيا ... و لا دي غابة !!
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عبد الرحيم حسب الرسول)
|
احبتي اطباء المهجر
ولاسباب تخصكم هجرتواالوطن واثرتم العمل في بلاد غير
بلادكم ... مهنتكم اخلاقية قبل ان تكون ايرادية لكن من
واجب الدولة توفير العيش الكريم لكم... لا ننكر انكم فقد
جلل لمهنة الطب في بلادي وخسارة ايما خسارة للمواطن المسكين
الذي اقتطع جزء من قوت يومه ليؤهلكم به املا في تلقي خدمة
طبية مميزة من ابنائه... الان وانتم تبذلون الغالي والنفيس
لجلب الراحة لمستخدميكم بالخارج بعد ان وفر لكم البيئة المريحة
للعمل... وها قد وقفتم بانفسكم غلى حال مستشفيات بلادكم التي
يرتادها قطعا الاخ والاب والام والاهل من ذويكم... ونعلم انكم الوف
مؤلفة... وبعيدا عن السياسة... هل من امل لاصلاح ما افسده الدهر
بتسخير خبراتكم وامكانياتكم وعلاقاتكم ... ردوا بعضا من الجميل
واكرر بعيدا عن المصالح السياسية ستجدوا الامة هنا اذنا صاغية
ستكسبوا الشعب كله... ماذا نريد غير بيئة صحية متعافية فيها الطبيب
والممرض بالنسبة للمريض كانهما الاسرة من حوله وغرفة نظيفة
تفوح منها رائحة العافية ...
مجرد خاطرة
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: بلدى يا حبوب)
|
يا بروف يا عزيز ..
كل عام وأنت والأسرة الكريمة بخير وعافية ..
الوزراء لأبعد من هندمهم ..
وهذه الزيارات الميدانية الموسمية للمرضي بالمستشفيات إنما هي تكملة لذلك الهندام الفارغة ..
ليس هناك أي نظام للمعايير والمواصفات تدار بها المستشفيات .. والعمل اجتهاد بغير هدى يخطيء ويصيب ..
وقد توفي في مستشفى مدني مريض بسبب أن الممرضة وضعت على أنفه كمامة الغاز لإنعاش المريض بعد الجراحة وكانت الأمبوبة فارغة ولم تنتبه الممرضة لذلك حتى فارق المريض الحياة .. ولا حساب ولا عقاب ..
تحياتي ،،،
جاد
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عبدالحافظ عثمان)
|
قاعدين انا ومعاى أحد رفقاء خندق الغربة ....
ملاحظتنا الأولى عن سلة الزبالة هذه .... أن محتوياتها تعبّر عن التغيير الكبير فى اسلوب حياة المواطن السودانى ....
فهى تحتوى على بقايا طعام .... وندر فى عهدنا بالسودانيين إلقاء الطعام فى الزبالة .... وتحتوى على عبوات طعام ومياه شرب فارغة .... بدلاً عن الجرايد التى تلف السندويتشات .. وتحتوى على بقايا مناديل ورقية وما إلى ذلك من مواد التعبئة المرتحلة ... والتى لاتصلح للإستخدام لأكثر من مرة واحدة ....
هذا لعمرى إغراق فى الرأسمالية فى نظام الحياة .... بدأت دول كبرى مثل أمريكا هنا الهروب من هذا النوع من نظام الحياة الإستهلاكى المسيء لأستخدام البيئة ....
يفشل السودانيين عادةً فى قراءة واقعهم والمتغيرات المستجدة عليهم ... من أين أتت ... وإلى أين نتجه؟
وعادةً هنالك خلط كبير بين الحد الأدنى للمعايير الإنسانية .... والمعتاد والمعمم فى سوق تسليع أسلوب الحياة العصرية.
مثلاً ... هل على الدولة توفير أفضل ما تستطيع حتى ولو كان ذلك دون المستوى المعيارى للمستشفيات التى خدم بها د. معتز؟
أم عليها الإلتزام بكيفية المستوى حتى ولو كان ذلك على حساب كم المواطنين الذين يتلقون الخدمة؟
يعنى مثلاً الراجل الراقد فى الممر دا - ويبدو لى أنه مرافق لمريض من خارج المدينة فى قيلولة نهارية - هل سيكون من الأفضل حرمانه من المستشفى نفسها ... لاستخدام ميزانيتها لتحسين مستشفى آخر؟
السؤال المهم ...
على من تقع مسؤولية التغيير نحو الأفضل؟ (إذا لم تكن على عاتق د. معتز!) وهل هذا النقد - توجد صور - له أى أثر إيجابى؟
هل الموقف الهتافى من ازمة الخدمات الصحية يتشابه مع الموقف الهتافى من قانون جلد النسوان؟
ما هو تاريخ ازمة الخدمات الصحية؟ وماهو دور د. تابيتا بطرس ومساهماتها؟ وما هو دور د. معتز العوض ومساهماته؟ (ما بلحقا)
أهم ركن من أركان الممارسة الطبية ... نظام تأمين الأخطاء المهنية للأطباء .... أدخلته د. تابيتا بطرس على الممارسة الطبية فى السودان .... فى غمرة انهماك د. معتز فى اكتشافه الفقّاعة .... وذلك على سبيل المثال لا الحصر .....
فلتبقى تابيتا بطرس فى أحلى مظهر .... ولتبقى إسهاماتها من أجل خدمات صحية أفضل .... وليبقى د. معتز فى ما هو فيه (أيّاً كان ذلك) ....
وليبقى الهتّيفة .... حماةً للوطن .... شرفاء ... إلى الأبد ....
... المهم ....
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عبدالحافظ عثمان)
|
الاخ البروف
بالمناسبة الناس جارية طوالي للحكومة والعيب الواقعة فيها، والحقيقة الحكومة ما شغالة بزول، لكن انا الحقيقي البيوجع قلبي وبيحرقني شديد الاهمال الطبي وعدم المبالاة حتي في المستشفيات الخاصة، يعني بصراحة يا بروف المعز زملائك الاطباء ذاتهم في السودان فضيحة كبيرة وحاجة تخجل لانهم بقوا زيهم زي الصنايعية والمكانيكية الواحد يقوم يقول ليك عندهم كلي واليوم التاني يقول عندهم التهاب في المصران وفي الحالتين انت دافع من قروشهم وصحتهم، يعني بالصراحة المشكلة ما بس الحكومة وتابيتا بطرس لكن الطبيب داخل فيها، والحكومة والمواطن البيوسخ اي شي وما عندي اهتمام وادارات المستشفيات الضاربة القروش حوافز وما دايرين يصلحوا ليهم شي يعني انتو يا اطباء بالمناسبة حتي في عياداتكم الخاصة عندكم شنو يعني غير سماعتكم وجهاز الضغط اها ده برضو ما عيب عليكم يعني الواحد لما يلم قروش كثيرة مش مفروض بدل ما يشتري ليهو دكان في السوق الشعبي مش احسن يشتري ليهو جهاز رسم قلب او جهاز موجات صوتية واهو برضو بيكسب قروش وبيرقي في خدمتها ولا شنو
اضاءات
بالمناسبة انا عندي تجربة مع المستشفيات في الفترة الفائتة يعني اقسام الطواري في المستشفيات الكبيرة حاجة تفرح وتسر العين.. واهتمام واجهزة وكلوا تمام تتخيل الشي الوحيد الكان مزعج دكتورة جديدة اخلاقهافي نخرتها وبتشاكل في ضلها يعني برضو رجعت ليك للطبيب.
| |
|
|
|
|
|
|
|
|
 Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Mohamed Salih Dafalla)
|
الاخ البروف
بالمناسبة الناس جارية طوالي للحكومة والعيب الواقعة فيها، والحقيقة الحكومة ما شغالة بزول، لكن انا الحقيقي البيوجع قلبي وبيحرقني شديد الاهمال الطبي وعدم المبالاة حتي في المستشفيات الخاصة، يعني بصراحة يا بروف المعز زملائك الاطباء ذاتهم في السودان فضيحة كبيرة وحاجة تخجل لانهم بقوا زيهم زي الصنايعية والمكانيكية الواحد يقوم يقول ليك عندهم كلي واليوم التاني يقول عندهم التهاب في المصران وفي الحالتين انت دافع من قروشهم وصحتهم، يعني بالصراحة المشكلة ما بس الحكومة وتابيتا بطرس لكن الطبيب داخل فيها،
المشكلة ما بس الحكومة وتابيتا بطرس لكن الطبيب داخل فيها،
المشكلة ما بس الحكومة وتابيتا بطرس لكن الطبيب داخل فيها،
المشكلة ما بس الحكومة وتابيتا بطرس لكن الطبيب داخل فيها،
المشكلة ما بس الحكومة وتابيتا بطرس لكن الطبيب داخل فيها،
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Hatim Elmaki)
|
الاخ حاتم سلامات
تحية واحترام
لاخ البروف
بالمناسبة الناس جارية طوالي للحكومة والعيب الواقعة فيها، والحقيقة الحكومة ما شغالة بزول، لكن انا الحقيقي البيوجع قلبي وبيحرقني شديد الاهمال الطبي وعدم المبالاة حتي في المستشفيات الخاصة، يعني بصراحة يا بروف المعز زملائك الاطباء ذاتهم في السودان فضيحة كبيرة وحاجة تخجل لانهم بقوا زيهم زي الصنايعية والمكانيكية الواحد يقوم يقول ليك عندهم كلي واليوم التاني يقول عندهم التهاب في المصران وفي الحالتين انت دافع من قروشهم وصحتهم، يعني بالصراحة المشكلة ما بس الحكومة وتابيتا بطرس لكن الطبيب داخل فيها،
مداخلة جميلة يحق ان نشير اليها
نوضح بعض الجوانب لماذا حتي الطبيب كما تفضلت انو جزء منها
تعرف حتي النقطة دي هي جزء من عملية تعليمية كبيرة تبدا من الجامعة وتستمر لحدي المعاش
يعني انا كاداري ومراقب للمهنة مش مهمتي اني اوفر حيطة بس لا حتي التدريب المستمر بتاع
انك كيف تتعامل مع المريض والمرافقين هو عملية تعليمية كل يوم بتضاف ليها خبرة وطرق واسلوب جديد
يعني هس لو جيتني انت في اي مستشفي وانا مؤهل مش ح اكون ولد دكتور كابي العلم بس وجايب نتيجة سمحة لا المفروض انا كل يوم الوزارة تجي وتعلم الدكتور
الصغير والكبير كيف يتعامل مع المريض لانو حتي السلوك والاهمال دا كلوا يوم في بروتوكول بتعالج بيهو القصور كان خاص ولا عام
يعني مثلا الاهمال الطبي مراحل وثقافتةا كبيرة علم عديل كبير فيها 1 2 3 الي اخره مفروض نشوف كيف نتعامل معاه في ورش عمل وسمنارات
ودا كلوا تقصير ادارات يعني انت هس لو لا قدرالله قصر معاك زول وبتفتكر انك اتعرض ليك قريب لاهمال طبي لو مشيت ما
ما ح تلقي الزول البفهمك ويسمع ليك شكوتك او يكون في التصور التاني عندك قريبك وينفعل و يقوم يقيف بصورة غلط معاك في حاجة ممكن كان توضح ليك
بكل بساطة بانوا مافي اهمال في حالتك دي والحاجة الحصلت ليك دي هي واحدة مثلا من الاثار الجانبية بتاعت تدخل طبي معين الخ
وتبقي الشكوي بتاعتك كدرس يستفيد منوا الناس لقدام لكن البحصل اما انت زول مسكين ما عندك وجيع وح تظلم او عندك وجيع ويظلم طبيب في غلط اصلا هو ما غلط
وديل الاتنين النمازج الموجودات ،،،،
ودا قصور اداري حتي في العيادات الخاصة مفروض في ادارة في الوزارة بتابع شكاوي المواطنين وتراقب العمل الخاص
لكن المسيطرين علي العمل الخاص هم ناس الحكومة زاتهم وبالذات الحاجات والاسامي الوهمية الكبيرة من المستشفيات الخاصة المرصوصة دي
تلقاها مواجهة لمستشفيات حكومية وهي تم ليها التصديق من منوا؟؟؟ والاجابة من القاعدين في الوزارة ،،، ود تابيتا دي معليش للكلمة
بس هي صورة قاعدة ما بتحل مع فطاحلة الكيزان الموجودين هو صقور الحكومة دي منو ؟؟ ما كلهم كيزان الاطباء
الناس ما منتبهة للحكاية دي لكن تدهور المستشفيات الحكومية بصب في مصلحة الموسسات الصحية الخاصة والهي صناعة كيزانية بحتة
مع التثبيت بانوا في قصور علي المستوي الشخصي لكن زي ما ذكرت ليك انو المسعولين ( كلام عجايز ) هم المفروض يحلوه قبل ما المواطن يروح فيها
الفاتح ،،،،
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Dr. Moiz Bakhiet)
|
دكتور المعز تحية طيبة
يا استاذنا معليش كان مسكت في البوست دا شوية اصلوا الواحد في البداية بكون زي ما قال واحد صاحبنا نكتنجي قال يدوك باسويرد تبقي زي الديك البلع البتاعة ديك وبقي يكورك
النكتة المشفرة ديك حصريا ما واحد يفك الشفرة يقوموا يقلعوا الباسويرد بتاعتو ......
الكلام بتاع تدهور الصحة دا ونظام العمل من قولة تيت حق الجماعة الكيزان ديل براهم ما في زول شريك فوقوا حتي تدهور اخلاق المهنة والزمالة شاركوا وصنعوه كيزان كبار
من الاطباء من السياسيين لحد الهس ماسكين في الشغلة ولهف شديد ، الفساد المالي في زمنهم وصل انهم هم زاتهم يفتحوا قضايا صورية زي بتاعت القمسيون الطبي والوصل الاختلاس
فيها قريب المليار ،،،، قصة امكن في ناس ملمة بتفاصيلها اكتر وما في داعي نخش نلخبت بيها البوست ..
من هنا ولقدام اول حاجة البوست دا ارفعوا وديهو الربع الاخير
اخوك فاضي للشغل دا وجاييك ببلاوي الكيزان والمسعولين زي ما بقولوا اهلنا الكبار ،،،،، من الجردل بتاع النفايات لحدي التدريب بتاع الكوادر وخراب الهيكل الوظيفي
واللافتات المركبة غلط بتاعت ناس محسوبين علي الموتمر الوطني واصحاب مواقع قوية الواحد فيهم يمسك مدير وتلقاهو كاتب ليك اخصائي ما عارف ايه والقسطرة و الايه ما عارف
وو مشي لكورس تسعة شهور ما ياهلك لانك تركب كانيولا لانك عديت الزمن كلوا شغل سمسرة وتجارة لكن هملة البلد والمواطن المسكين ما عارف ويدفع دم قلبوا عشان
يتعالج يلقي المزلة في عيادات ناس غير انسانيين ،،،،،
الزملاء الاطباء هم اول الضحايا للفئة القليلة دي ، لانهم بموتوا وما بلقوا حتي ابسط حاجة الاعتناء بسبب نظام ظالم حتي لابناء المهنة (رغم مرارات الحكاية دي لكن عشان
نوري انو الاطباء واسرهم من الشرفاء متساوين في المعاناة ( طبيب يصاب بالتهاب الكبد الفيروسي واخر لا يستطيع دفع تكاليف علاج اورام حمانا الله جميعا منها
واخر يشرد ويحرم من حقوقه المالية وبلطجة من نقابة كيزانية تستدعي الامن ليحقق مع الاطباء في مطالبهم بحقوقهم من مالية وتدريب وغيروا )))))))
اعلام كيزاني يشوه صورة الاطباء عندما يطالبوا بحقوق المواطن من مجانية العلاج او حقوقهم ويرفع من من صورة انجازات وهمية تخدر عقل المواطن البسيط
ومزاجية في ادارات الوزارة وتعالي وغرور وصلف يواجه به صاحب كل طلب او مهمة يحضر الي الوزارة ،،،،،
الفاتح ...
هنا ح اكتب طبيب ،،،، عشان الكلام من جوة الحوش بكون مرات اسهل ،،،،،
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Mohamed Salih Dafalla)
|
سلام مرة تانية
مع الأمنيات بتعديل الوضع إلي طبيعته،
ولكن كيف يمكن أن يتم التعديل نحو الأفضل؟؟
من هو المتسبب في تدهور الخدمات الطبية؟؟
هل هنالك أطراف ساعدت علي هذا التدهور؟؟
متي بدأ التدهور مقارنة مع الوضع السابق لهذا الحكم؟؟
ثم لنعرج لزميلي دكتور المعز عمر بخيت::
كلنا درسنا منذ المدرسة الإبتدائية وإلي ما بعد الجامعية
علي حساب حمد أحمد ود عبد الدافع!!!
أليس كذلك؟؟؟
الدراسة مجان
الداخلية والإعاشة مجان
بل كانت هنالك البيرسري وبدل الملابس،
ثم الإبتعاث لنيل المؤهل الأعلي وصولا لقمة الدرجات،
أيضا كان علي حساب حمد أحمد ود عبد الدافع،
ظل المواطن يدفع ويدفع مقتطعا ذلك من
لقمة جيعان و كراس طالب وكسوة عريان و ولبن رضيع
وغطاء معدم،
نعم ظل الشعب السوداني يدفع بسخاء حتي نال من نال الدرجات العليا،
فماذا كان رد الجميل لهذا الشعب المعطاء؟؟؟
هل نقول إنه هروب من تحمل المسئولية؟؟؟
هل نقول إنه نكران للجميل؟؟؟
هل نقول أن ضمير الوطنية قد سقط في البتروولار ؟؟؟
نعم كثر زملائنا والذين تخرجوا وذهبوا للتخصص علي
حساب الشعب السوداني ،
ولكنهم بدل أن يعودا لإرض الوطن ليثروه بعطائهم وخبرتهم
وتجاربهم ويشاركوا في التغيير نحو الأفضل والأمثل،
آثروا الإغتراب!!!!!!
نعم هذا حق مكفول لأي مواطن مهما كان،،،،
ولكن أليس هنالك ضريبة واجبة السداد
علي أعناق من هاجروا بعد نيل الدرجات العليا
علي حساب الشعب السوداني؟؟؟؟
الأخ دكتور معز، أليس أنت من هؤلاء هاجرت بعد بعثة السويد؟؟؟
كيف يمكن لنا التغيير وأمثالكم يملكون الخبرات
ولكنهم بخيلين جدا علي وطنهم كرماء علي الغير؟؟؟؟
نعم تدهورت الخدمات الطبية في السودان ولكن هل السبب هو حكومة الجبهة؟؟؟؟
نحن معشر الأطباء من أقصي اليمين إلي أقصي اليسار
أليس لنا دور في هذا التدهور؟؟؟
أين نقابة الأطباء؟؟؟
تلك النقابة التي كان لها شرف إكتوبر64
وإنتفاضة رجب أبريل 86 ،،،
أخي دكتور المعز نعم الصورة قاتمه من وجهة نظر واحدة ،
ولكن لماذا لاننظر لها من الجانب الآخر ؟؟؟
الآن توجد نهضة وعمل دؤوب من أجل ترقية الخدمات الطبية في كل السودان،
ولكن الميل يبدأ بخطوة ، ولإستمرارية هذه النهضة وصولا لإهدافها
فإن مشاركتكم الفعلية هي جزء من إكمال المسيرة ،
ونستميحكم عذرا ، الكاميرا أبدت بعض المساويء،
ولكن أليس لها عين تري بها جزء من النهضة التي تحدث الآن
بمستشفي الخرطوم؟؟؟
مستشفي الخرطوم وعدد أسرتها في حدود الألف
ولكن عدد المترددين عليها يوميا يفوق ال30000 ألف مواطن،
وهم بمختلف ثقافاتهم وطبائعهم وعيادتهم للمرضي،
يتركون الفضلات كيفما شاء في ذلك الركن القصي ،
نعم ثقافة المرافق والزائر وحتي المريض لها أثر كبير جدا
في مستوي نظافة المستشفي،
وهنا يأتي دور منظمات المجتمع المدني في التوعية والنصح والإرشاد،
بل يأتي دور الإعلام المقروء والمسموع والمرئي ،
وقبل ذلك يأتي دور الطبيب مقدم الخدمة للمواطن الغلبان،،،
للحديث بقية ونأسف لإنقطاعه للإفطار
يديكم دوام الصحة والعافية
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: Mohamed Salih Dafalla)
|
((الاخ الفاتح
أوافقك الراي
واتمني ان يجد الدكاترة السودانين الفرصة للتدريب، ولكن هناك مشكلة في طريقة تعاملهم مع المرضي، وحقيقي يحتاجون للكثير، ففي المستشفيات الخاصة حيث من المفترض ان تجد الرعاية والاهتمام لانك تدفع لهذه الاشياء تجدهم يتماطلون ويتعاملون باسلوب السوق المادي البحت.)))
الاخ محمد تحية طيبة
الليلة انا لو عندي زول عيان وانا مافيش برة بكلم ناس البيت انهم يمشوا الي مستشفي الله اكبر دي
لانو الواحد عارف شنو بحصل في الخاص
الحكم هناك سيد القرش وسيد القرش دا لو كنا دكتور او جلابي سوق ساكت هم الاتنين ما عندهم شغلة فيك
الاخلاق والتعامل لو ما بقن جزء مننا في مستشفيات الحكومة صدقني بهناك في الخاص ما ح تلقاهم ولو لقيتهم انت الح تصر وشك لانو
لمن تخش الفواتير جماعتك ولا برحموا مريض ولا اهله تدفع يعني تدفع ،،،
ياخي نحن في بلد اكتر من 95 فقر ممكن مواطن بسيط عشان يلقا رعاية بسيطة يمشي الخاص لجرح لولدوا مفتكر انو العنايا افضل ،
والله هناك يبدو ليك من الغرزة بكم والفراشة بكم وتركيبها بكم جاي لجاي الشغلة تحصل ليها مية جنيه ((مية الف))
وانت تدفع عشان طفلك.
دي جزارات من مستشفيات
وفي المقابل وما عشان زملانا لكن ونحن شهود علي ذلك بانو في مئات الحالات البكون فيها الدكتور في الامتياز ومعاه زملانو بجمعوا يومي في شيرنغ لعلاج مريض ودي ما بتقيف
ولا يوم ، والله الناس الحالهم مستور حبة بيدفع مرتبهم في 10 حقن سامكسون لمريض عشان يعالجوه
وياما دكاترة من صغار لكبار عملوا مشاكل وتمت مضايقات ليهم عشان الرسوم الكتيرة علي المرضي
ياخي في مدني حتي الطبيب قبل كدا قطعوه معاهو ناشف من انو يرقد في غرفة بس لمدة 48 ساعة بعد عملية زايدة
وكان كالمعتاد مهندس الحكاية كوز كبير مدير المستشفي ، وهم ملوك القسوة في قصة الرسوم ،
ادارة المستشفيات والعمل علم اتخيل يمشي مدير مستشفي لكورس في بريطانيا وهو بعد شهور نازل معاش
والله نحن نعمل شنو ما عارفين ( حاجات تضحك بدل ما يمشي دكتور شباب عشان يفيد الناس ))
صراعات داخل السجادات بتاعت الكيزان في الوزارت واخر لهف
دي العهد الوحيد الاتسجلت فيه حالات اختلاسات وسط ادارت الاطباء كانوا هم المتهمين الاوائل يعني ما محاسبين
وعادي يشيلوا من هنا يودوه وكيل او وزير في حتة تانية
العلاج ومجانية العلاج سياسة
والرفع مجانية العلاج وبستعملها هس للدعم الانتخابي هو نفس الكوز الوقفها قبل كدا
نحن لو ما بقينا واضحين في الحاجات دي ما بنعالج القصور ،،،
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: الفاتح سليمان)
|
سلامات بروف المعز ،
معليش سؤال مباشر لشخصكم الكريم:
ماهي مساهماتكم الشخصية في ترقية
الخدمة الطبية في السودان ؟؟؟
متي يمكن لكم رد الجميل؟؟
دعونا من كلام الحكومة والجبهجية والكيزان
وحزب الأمة والشيوعيين والحركة الشعبية وناس حق
والإتحادي الديمقراطي وغيرهم::
الكلام عن الوطن والوطنية والتضحية
وفوق ذلك رد الجميل لهذا الشعب ،
العبرة بالعمل وفي أقسي الظروف،
ما بين السرف ولبدو والجكو وفشلا وحسكنيته
والفاشر وبورتسودان والمحيريبا وكاب الجداد
وكثر معسكرات تحتاج للأطباء ،
وكثر مرضي داخل الخرطوم يحتاجون للأطباء ،
ومع ذلك فشريحة كبيرة جدا من الأطباء
آثرت أن تعمل في صمت وصمت رهيب ،
ليس من أجل دهاقنة السياسة وتجار الدين
ولكن ردا لجميل طوق أعناقهم وهم طلاب طب في سنون خلت،
أو طلاب درجات عليا ما بين السويد ولندن وأيرلندا،
نعم علينا أن نضحي من أجل هذا الوطن كل في مجال مهنته ورسالته
وفي نفس الوقت علينا أن نعمل من أجل إنتشال هذا الوطن
من براثن الحزبية الديكتاتورية العقائدية بتوعية الشعب
وتبصيره بحقوقه وواجباته وقيادته للنضال من أجل التغيير
يديكم دوام الصحة والعافية
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: د.السيد قنات)
|
Quote: سلامات بروف المعز ،
معليش سؤال مباشر لشخصكم الكريم:
ماهي مساهماتكم الشخصية في ترقية
الخدمة الطبية في السودان ؟؟؟
متي يمكن لكم رد الجميل؟؟
دعونا من كلام الحكومة والجبهجية والكيزان
وحزب الأمة والشيوعيين والحركة الشعبية وناس حق
والإتحادي الديمقراطي وغيرهم::
الكلام عن الوطن والوطنية والتضحية
وفوق ذلك رد الجميل لهذا الشعب ،
العبرة بالعمل وفي أقسي الظروف،
ما بين السرف ولبدو والجكو وفشلا وحسكنيته
والفاشر وبورتسودان والمحيريبا وكاب الجداد
وكثر معسكرات تحتاج للأطباء ،
وكثر مرضي داخل الخرطوم يحتاجون للأطباء ،
ومع ذلك فشريحة كبيرة جدا من الأطباء
آثرت أن تعمل في صمت وصمت رهيب ،
ليس من أجل دهاقنة السياسة وتجار الدين
ولكن ردا لجميل طوق أعناقهم وهم طلاب طب في سنون خلت،
أو طلاب درجات عليا ما بين السويد ولندن وأيرلندا،
نعم علينا أن نضحي من أجل هذا الوطن كل في مجال مهنته ورسالته
وفي نفس الوقت علينا أن نعمل من أجل إنتشال هذا الوطن
من براثن الحزبية الديكتاتورية العقائدية بتوعية الشعب
وتبصيره بحقوقه وواجباته وقيادته للنضال من أجل التغيير
يديكم دوام الصحة والعافية |
الاخ المقدر د: السيد قنات العمل في الصحة والتشريعات والقوانين هي من اولويات السياسيين شرد كثير من الاطباء وهم كانوا يقدمون الخدمة للمواطن الكريم لكن ظلت حكومة الجبهة تطاردهم وهنا يجب ان نفرز جيد ا من فرض نفسه بقوة السلاح وعمل في تصنيف الاطباء علي حسب لونياتهم السياسية الجبهة الاسلامية وكوادرها لهم نصيب الاسد في دخول ثقافة التفريغ بين الاطباء حسب الولاء في السابق تعلم كل الاطباء ووجدوا فرصهم بالتساوي لكن الان تجد ان التعيينات في الادارات والبعثات تتم علي حساب كفاءات اعرف عشرات الاطباء قرروا العودة للعمل وفي تخصصات نادرة لكن كانت العراقيل من قبل كيزان الاطباء نعم هم وحدهم يتحملون تشريد هولاء التلاعب بمصير الكثيرين والاستفزازات التي تتم كل يوم وبصورة يوميا من اطباء حديثي التخرج في كل مكان من ادارات التدريب الي الخدمة الوطنية هم سبب نفور الاطباء . بل قطع كثيرين منهم التدريب ليذهبوا الي هجرة مؤلمة المجالس المتخصصة يتم فيها الترشيح حسب الولاء الوزارات بها ولاول مرة تسجل حوادث تجاوزات مالية تسجل ضد اطباء وهذا هو زمن الانقاذ سماسرة الاطباء الان يساهمون في جلب ارخص المعدات واقلها جودة لتجدها بعد اسابيع في مكبات القمامة وتكون تكلفتها ملايين الدولارات نفقد بذلك الكثير العراقيل التي توضع بصورة مستفذة بالقادمين من دول خارجية مثل بريطانيا وايرلندا وغيرها بصورة تعجيزية لمباشرة عملهم هنا راجع ما حدث مع د كمال ابو سن عندما حاربه من الاطباء الكيزان من قام هو بنفسه بتدريبهم في زراعة الكلي ونحن شهود علي ادق التفاصيل في تلك الصراعات عاد احد الاطباء من بريطانيا لتقديم عمله هنا ومعه من الخبرات والاطباء المميزين علي مستوي بريطانيا لو شهدت الاستفزازات التي وجدها وهو في مكتب الخدمة الوطنية لنصحته بان يعود من حيث اتي يا عزيز هولاء قوم لا يكرمون عالم بل يكيلون عليه الصعاب ذهبنا للعمل في كل مكان في القري والجنوب والغرب لكن تواجه ادارات لا تجيد الا خلق المضايقات وتظل تقاتل وتصارع من اجل حقوق ابجدية لتهدد بواسطة كلاب الامن يا عزيزي تقطع المياه والكهرباء من ميزات الاطباء تعلم ان في مدني كان بائعوا الورنيش وستات الشاي يخاطبون عمال الكهرباء والمياه وترجوهم بعدم قطع المياه عن الميزات مواقف تتذكرها تبكي علي حالنا سنواصل في في فضح القصور الذي تسبب فيه بعض القائمون علي امر الصحة والكذب والدجل اصبح في زمنهم تزوير حتي الكوليرا بواسطة السياسيين الي اسهال مائي حاد
الفاتح
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: د.السيد قنات)
|
الاستاذ د.السيد قنات
احييك واحييى الطرح البناء
ولو رجعت الى فوق فى البوست ده تقريبا تلقانى
انا كتبت لى بروف المعز نفس كلامك..
ويا ب. المعز عاوزين اسهاماتك الملموسه فى تطوير الخدمات الطبيه بالبلد......
ويا ب.المعز الوضع حقيقه صعب لكن ما بيصلح بنشر صور القاذورات بالنت!!!!
لكن يابروف المعز تعال وحبابك الف والنيورولوجيست الفى كلهم اثنين ولا تلاته ولا 4 بس!!
تعال حتى ولو فى القطاع الخاصصصصصصصصصصصصصصصصصصصصصصصص!!!بس تعال !!!
*******
وكل عام وانت طيب
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: شرفى عبدالقادر)
|
Quote: الاستاذ د.السيد قنات
احييك واحييى الطرح البناء
ولو رجعت الى فوق فى البوست ده تقريبا تلقانى
انا كتبت لى بروف المعز نفس كلامك..
ويا ب. المعز عاوزين اسهاماتك الملموسه فى تطوير الخدمات الطبيه بالبلد......
ويا ب.المعز الوضع حقيقه صعب لكن ما بيصلح بنشر صور القاذورات بالنت!!!!
لكن يابروف المعز تعال وحبابك الف والنيورولوجيست الفى كلهم اثنين ولا تلاته ولا 4 بس!!
تعال حتى ولو فى القطاع الخاصصصصصصصصصصصصصصصصصصصصصصصص!!!بس تعال !!!
*******
وكل عام وانت طيب |
الاخ د :شرفي عبد القادر
تحية طيبة وكل سنة وانت طيب
الواحد ح يسرد واقعة حديثة جدا لاحد المتميزين من اطباء القلب في المملكة العربية السعودية من ابناء مدني حضر وكانت له رغبة قوية في العمل في مركز القلب الذي يوجد مبناه الان في مدني لو ذهبت هناك يمكنك ان تستفسر من صراعات الادارة التي تدور فيه قبل بداية العمل قبل ان يضع قدمه بدت امور التكبر والتعالي عليه وهي صفة تلازم القائمين علي الادارة في العمل الصحي تخيل زول تخصص قلب وزول بتاع باطنية عمل تسعة شهور بس في القلب ترجح كفة الاخير لانه يجيد اللعبة السياسية ثق تمام ان المعز اذا اراد العودة سوف يتصدي له بغاث الطير لتقييم كل اعماله وشهاداته التي نالها ولا استبعد ان تحاك له في اقرب المطبات الموامرات وقد اكتوي بها الكثيرين من شرفاء الاطباء يمكنك الاستفسار عن الاحداث المذكور ولنا كل تفاصيلها وصراعات العقارب كما يمكن ان نسميه لا ينصلح الحال بعودة طبيب واحد لكن ينصلح باتاحة الفرصة للسودانيين الموهلين في امور التخطيط من اجل الصحة وليس المقربين اصحاب الشركات التي تحتكر استيراد المعدات الضاربة.
بالنسبة لناس النيورولوجي الموجودين سوف يكونوا اول المتعنتين في عودة مثل المعز عمر بخيت يا اخوانا المعز بيعمل في مركز ابحاث ما ممكن نقول ليه تعال ادفن روحك في وزارة صحة وعمل تكذب فيه حتي الامراض الوبائية نكتة يوجد في الميناء البري بالخرطوم لافتة كتب فيها :
اخي المواطن القادم من مدينة كسلا علامات الاسهال المائي الحاد هي اسهال ولونه مثل ماء الرز لا يكون مصحوب بالم الخ من اوصاف يعرف حتي طالب المرحلة الابتدائية بانها اعراض الكوليرا ،
عملت باحدي المنظمات التي قامت بالتغطية هناك في فترة سابقة وكانت كل التحاليل توكد انها كوليرا فهل هذه وزارة تزور الامراض يمكن ان نفتح معها مراكز بحوث يجب ان تكون الامانة اساس العمل فيها
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: شرفى عبدالقادر)
|
Quote: و الله يا الفاتح حقيقة الوضع سئ من كل النواحى ....بس الحمدلله
و الصرف على الصحه هامشى جدا .والتدريب اصبح ضعيف شديد. |
تعرف يا مستر الاطباء هم القاعدين يعانوا ومحبطين جدا لكن للاسف ما في حل
غير انهم هم يلعبوا دور في التحرك لحل المشاكل دي والمحزن انهم عندهم الامكانية بس دايرين الناس تطلع من
الفكرة بتاعت الانا والحلول الفردية دي
الواحد يعاين لحالنا في الميزات يحزن
لحالنا في اماكن العمل يحزن والسبب بسيط لانو مع العولمة الاحتكاك حصل وبقت المقاييس ما الزمان والهس لا بقت اقرب الدول لينا هي المقارنة وبتلقا فيها سيستم
نحن ما عندنا بروتكول موحد حتي لابسط الامراض وقصة الدكتور الشاطر دي الناس بقت ما شغالة بيها بقت انك اما تتبع البروتكولات او تجيب اثبات لطريقة
علاجك ببحث والاخيرة ما موجودة خالص او ضعيفة
الليلة نحن فقدنا مضاد حيوي زي الامبسلين من سنة تسعين تقريبا وانت تعلم بانوا شغال واستجابة جيدة في دارفور تستخدمه المنظمات وليها فوايل واحصائيات
والوزارة سامحة بيهو هناك طيب مش ابسط الحاجات الوزارة تطالب انها تجيها فيدباك من العلاج دا وكلهم كانوا مستعدين يمدوها بيها
لكن جماعتنا ناس السياسة ما همهم غير يلقطوا عربات المنظمات ويخلوا الامصال تبوظ لانهم ما تابعوا الكولد جين بتاعتها
والله مغايس تقتل
عديل
لازم الناس تتلمة مع بعض كمهنة ما كاي حاجة تانية وتعيد ترتيب البيت وتفرض علي اي سياسي بوحدتها قراراتها علي اساس علمي والناس قادرة من التدريب لحدي كيف نستفيد من الكوادر البرة
السودان عشان ما يتعرضوا لمضايقات ونضمن انو المواطن يستفيد منهم واجبنا نحمي زميلنا البجينا من برة من الاستخفاف بموهلاته وتسهيل الاقامة ليهو ومده بالمعينات عشان ما ندس المحافير بتاعت
دفن
المعاناة علي المواطن
الفاتح
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: الفاتح سليمان)
|
Quote:
كنت أقلت كل المسئولين في المستشفى
ووكيل الوزارة قبلهم
ثم استقلت..
كي نصبح عبرة للقادمين الجدد فيتحملون مسئوليتهم الكاملة
|
الأخ /بروف معز
ما هي الآليّة التي حددها الله سبحانه وتعالى وصدقها الواقع وعلم الاجتماع والفلسفة لمنع الفساد؟
أليست هي الدفع بقوة مساوية ؟ ألم يقل بأن غير ذلك ستفسد الأرض ؟ لماذا ؟ لأن لنا نفوساً أمّارة
بالسوء وهي تحب المال والنساء والخيل المسوّمة أي القوة والسلطة ,فكلنا في هذا اِلأمر متساوين
فإن أردنا الخير لأهلنا علينا أن نعلمهم عدم الإيمان بالرجال وأن نعلمهم الإيمان بالنظام المؤسس على
توزيع القوة بطريقة تجعل الضعيف قويّاً حتى يأخذ حقه ,وتجعل القوي ضعيفاً حتى يرد الحق لأصحابه.
ألم يتفق علماء الاجتماع على أن الأخلاق تشكلها الظروف!؟ فلو أني كنت وزيراً في نظام الإنقاذ لما
كنت أفضل من أسوئهم, فمن أراد التغيير فعليه أن يغير ظروف الناس حتى يعطوه مردوداً أخلاقيّاً
أفضل ,فالذي يأتي إلى السلطة بالرماح لا بد أن يحافظ عليها بالرماح ولكي يفعل ذلك لا بد له من
كثير من التجاوزات والخروقات وهذه كلها تكون ناتجاً للظرف الذي وضع نفسه فيه بأخذ الملك عنوةً .
على فكرة يا بروف أنا سنة 1978 كنت في مستشفى الخرطوم مرافقاً لشقيقتي التي توفيت بها وقلت نفس كلماتك أعلاه وبالحرف عن مدير المستشفى علماً أن في ذلك الوقت كانت الرواتب مجزية وتغطي نفقات الأسرة, وعمال وعاملات النظافة عينتهم الوزارة وتؤتهم أجورهم غير أن السيد مدير المستشفي لا يدفعهم ولا يحرص على أن يؤدوا واجبهم لأنه هو الآخر لا يجد من يدفعه إذا كان الوزير أو رئيس الوزراء الذين لا يجدون أيضاً وعياً وإستنارةً عند شعبهم تدفهم وكل ذلك لغياب السستم الذي يقوم بتوزيع القوة ويضبطها .
أتمنى أن يكون رأيي خفيفاً عليك ويضيف إليك .
Quote: الكلام عن الوطن والوطنية والتضحية
وفوق ذلك رد الجميل لهذا الشعب ،
|
أما ما قاله الأخ/ د.قنات فتعليقي عليه كما يلي :
يقول فرانسيس فوكوياما( أن الأخلاق الممارسة في الواقع هي الناتج من توافقات توازن القوى)
وكل ماعدا ذلك هو ميثولوجيا لا وجود لها فليس هنالك شئ إسمه الوطنية بدون مردود أو مصلحة فالوطن يمثل لي الأمن من غائلات الدهر الاقتصادية وسلامة البدن والروح والأهل والعزة فإن إفتقدتهم
فلا فرق بين أرض السودان وكينيا أو السعودية,وإذا توفرت لي ولم أجد ما يدفعني لعمل الصواب لأهلي وبني وطني فسأفسد لا محالة , فهل يعقل أن يكون كل الذين مرّوا على السودان من طينة غير طينتنا؟ وأنهم لا يتمتعون بالغيرة على أهلهم! أم أن هناك أمرا آخر وقف حائلاً بينهم وبين ما نتوقعه منهم؟ .إخوتي أجعلوا إيمانكم بالنظام وأتركوا إيمانكم بضمير الفرد وقدراته فإن ذلك أمره محسوم .
أبو حمــــــــــد
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: عثمان عبدالقادر)
|
سلام للجميع
ربما نختلف في بعض الأفكار ونلتقي في غيرها،،
نعم رد الجميل لشعب دفع في سخاء لإجيال خلت
ما بين الطبيب والمهندس والزراعي والصيدلي ،
وكلهم جميعا يتساوون في ذلك،،
نعم أليس لهذا الوطن حقا علينا أن نرد الجميل ،
ليس عبر المقالات النتيه،
ولكن عبر المشاركة الفاعلة في رفع الظلم عن هذا الوطن ،
كل في مجال عمله ومهنته وتخصصه،
وعن قبيلة الأطباء::
نعم هنالك ظلم وإجحاف،
وهنالك غبن وإذلال في بعض الحالات ،،
ولكن كيف لقبيلة الأطباء بالتغيير؟؟؟
هل بالمقالات النتيه؟؟
هل يعجز الأطباء عن تشكيل جسم يدافع عن المواطن
وعن الوطن وعن مهنتهم؟؟؟
أليس لنا عبرة في نقابة أطباء السودان
ما بين ثورة إكتوبر 64، وثورة رجب أبريل 86،
بل وحتي في عهد إنقلاب 30/6/89 وإضراب الأطباء الشهير
والحكم بإعدام د.مامون ود.سيد ؟؟؟
أين نحن منهم؟؟؟
نعم أجيال من الأطباء حملت مهجها في أيديها
من أجل الوطن والمواطن!!!!!
ألايمكن أن نسمي هذا وطنية وردا للجميل؟؟؟
أنظروا للأستاذ محجوب شريف ،
وما وجده من صنوف العذاب والكبت والحرمان ،،
ولكن وطنيته ونكران الذات وتضحيته
كانت فوق المساومات ،
ورد الجميل لهذا الشعب كان أمله والذي
ظل يسهر من أجل تحقيقه،،،
إخوتي الأطباء
دعونا ننظر بعين فاحصة ،
ووطنية صادقة ،
وقلب مفعم بالأمل من أجل خدمات طبية متكاملة
لبسعد بها متلقيها من من يحتاجها من الشعب،،،
نعم الوطن والمواطن يؤمل الكثير علي الأطباء،
فلا تحرموهم من هذا الأمل،،
التغيير لابد آت ،،
وهذه هي سنة الله في أرضه،،
وإن دلفنا إلي ماذكر عن فساد بعض الأطباء وموات ضميرهم
فهذه لاينكرها إلا من عنده رمد ،،
(سنأتيكم لاحقا بالأدلة وكلهم من قبيلة الجبهجية)
ولكن هل نحكم علي قبيلة الأطباء كلها جميعا
بأنهم مفسدون ؟؟ كلا وألف كلا
نعم الإستثناء لاحكم له، أليس كذلك؟؟؟
بل الغالبية العظمي من الأطباء يتوهجون مثل الشمس منتصف النهار،
قيم ومثل وأخلاق وعلم ومهنية،،
نعم هم صمام الأمان لهذه المهنة الرسالية في وطننا السودان،
لايمكن حصرهم وعدهم فهم يسدون عين الشمس،،
ومع ذلك فإن نصيب السياسيين وإن كانوا أطباء ،
لهم القدح المعلي في الفساد والإفساد،
وهذا كله بسبب تجارة الدين ودهاقنة السياسة
وليس بسبب الأطباء وقبيلتهم.
وإن كانت شهادتي سالبة في د.عبد الله سيد أحمد الوكيل السابق (التوطين وفساده)،
ولكن أقول بكل الفخر والإعتزاز إن الوكيل الحالي
د.كمال عبد القادرهو مفخرة لقبيلة الأطباء،،
ثم لنأتي لإخوة لنا يمارسون هذه الرسالة اليوم في السودان::
هل نعطي الوقت الكافي للمريض كما تعلمنا من أجيال سبقتنا؟؟
نعم حنثنا بالقسم قبل أن تسرق الإنقاذ السلطة بليل بهيم!!!
عندما تكون للأطباء نقابة حرة نزيه منتخبة ديمقراطيا،
ستتبدل الأحوال قطعا نحو الأمثل والأفضل،
ولكن هذه النقابة لابد أن تتشكل من الأطباء بالداخل
وليس المهاجر،،،
للحديث بقية،
مع أمنياتنا لكل الشعب السوداني بالتقدم والنمو والإزدهار
يديكم دوام الصحة والعافية
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: د.السيد قنات)
|
تحية طيبة د :السيد قنات هو خيط يبداء هنا طرقه الكثيرين
النقابة هي التي تقود لوضع افضل
لكل لونه السياسي والنقابة للجميع تحية عبر هذا الخيط لكل الاجيال التي ذكرتها هنا
منهم من استشهد من موقعه وكان عضوا في النقابة (الشهيد د علي فضل ).
ومنهم من هم بيننا كما ذكرت صدرت في حقهم عقوبات الاعدام
د مامون يا ليته يكون مثال يحتزي لنا جميعا
وحدة الاطباء في الداخل هي صمام امان لعودة النقابة
اطباء المهجر لهم دور ايضا
الدعم والوقوف مع الاطباء في كل مكان
..
هنا في هذا المنبر مجموعة من الاطباء كلهم يتفقون فيما ذكرت فلنجعلها كوة عبرها وعبر منابر اخري في ترتيب علي الاقل خط اعلامي علي نطاق ضيق
لكنه مؤثر وسط الاطباء فعدد كبير منهم يتابعون ما تخطه الاقلام هنا سلبا او ايجابا
لك خالص التحايا واجزلها وكل سنة وانت طيب
حتي نري العام القادم نقابة حقيقية تقود لتطوير الصحة وتحفظ حقوق الاطباء
الفاتح
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: شرفى عبدالقادر)
|
سلام أخ الفاتح
سلام أخ شرفي
سلام بقية المتداخلون
نعم لايغير الله ما بقوم حتي يغيروا ما بأنفسهم ،
ولكن نحن قبيلة الأطباء اليوم أبعد من التغيير
وذلك بسبب لامبالاة أغلبيتنا ذات القوة في التغيير،
وهذه اللامبالاة تعود أسبابها أولا وأخيرا
إلي عدم مبالاة المواطن أينما كان بحقوقه،
بل صار الصمت والهمس هو ديدن الجميع،
وهذا يعود إلي الكبت والإرهاب والتعنت من السلطة ضد كل من
أفتي بوجهة نظر مخالفة وإن كانت تصب في مصلحة المواطن والوطن،
فهو مرتزقة وطابور خامس وجاسوس وكافر إلي غيرها من تلك النعوت المتعارف عليها،،،،
نعم الخدمات الطبية اليوم سيئة،
ولكن من وجهة نظري أعتقد أن هنالك تحسنا ملحوظا بعد أن صار
دكتور كمال عبد القادر وكيلا للصحة القومية،،،
نعم تطوير وتحديث وتنمية تقديم الخدمات الطبية يحتاج للمال،
ولكن المال هو في يد وزارة المالية، وهي لجد شحيحة تجاه الخدمات الصحية وتطويرها،
نعم مشكلتنا تكمن في الإعتمادات المالية ،
ومن قبل ذلك في عدم وجود جسم نقابي ديمقراطي يدافع عن الخدمات الطبية،،،
متي ما جلس الأطباء ووحدوا كلمتهم خلف نقابة حرة ديمقراطية،
فإن المردود الأول هو تطوير وتنمية وتقدم الخدمات الصحية بجميع أفرعها،،،
يديكم دوام الصحة والعافية
| |
|
|
|
|
|
|
|
|
|
Re: تابيتا بطرس في أحلى مظهر ومستشفى الخرطوم في أقذر وأخطر مظهر (صور بشعة).. (Re: الامين موسى البشاري)
|
الاخ الكريم امين موسى
المشكله هى مشكلة عدم الاهتمام السائد هذه الايام هنا
مر على الاسواق الكل يرمى المخلفات فى الاسواق وخاصه من الباعه المتجولين وحتى صناديق المهملات التى توفرها البلديه .
تجدها شبه خاليه والاغلب يرمى المخلفات على بعد قدم من السله.
تلك هى الثقافه السائده.
تذكرت حادثه حدثة لصديق ايام الدراسه باليونان . قام بزياره السويد وكان يتجول فى وسط العاصمه فاخرج صندوق سجائره الفاخر واخذ من اخر سجاره ورمى بالصندوق الخالى ارضا.
فاذا بطفل عند السابع- الثامنه يهم بالصعود فى بص مدرسته فينزل ويثحدث معه بكل الاحترام بان هذا الصندوق له
يرد عليه صديقى بالقول بانه ليس فى حوجه لذلك الصندوق.
يرد عليه طفل السابع ايضا بلادى ليس فى حوجه الى صندوقك.
ويركب بصه.
وقد تعلم الدرس الذى غير سلوك حياته والى الا بد بعد تلك الحادثه.
هلى يمكن ان نعلم ابناءناحتى يكون هذا هو الاحساس فيهم.
مع الكبار صعب الا ما ندر.
على الاقل البدايه تكون فى الاتى للمستقبل.
اخى امين حاولت ولمده ساعه تحميل صوره من(المعركه) لحال الشوارع امام المستوصفات بام درمان .
حيث انى ومتذ حضورى الى السودان اخذ الكميرا بعد الفجر واتجول واصور الاسواق قبل ان تفتح والشوارع.
سوف احاول ان انزل الصور فى الاسبوع القادم عندم اعودواذا كما وعد المعز بان البوست سوف يستمر.
والاخ بكرى ما وداه الخور . لان الخيران ما ناقصه.
لك وله كل الود
| |
|
|
|
|
|
|
|
الكيك
Dr. Moiz Bakhiet
الرشيد شلال
عزالدين عباس الفحل
عبدالله السفاح
المأمون أبوسن
اسعد الريفى
نيازي مصطفى
فاروق أبوحوه
Osman Musa
abubakr
Muna Khugali
Safa Fagiri
Hisham Osman
عزالدين محمد عثمان
Azhari Nurelhuda
فتح الرحمن عثمان
عمران حسن صالح
بلدى يا حبوب
ASHRAF MUSTAFA
عبد الرحيم حسب الرسول
الطاهر ساتي
Dr. Haitham Mekkawi
Mamoun Ahmed
د.السيد قنات
JAD
شرفى عبدالقادر
تبارك شيخ الدين جبريل
Hatim Elmaki
الطيب رحمه قريمان
الفاتح سليمان
عثمان عبدالقادر
معاوية الأرباب
الامين موسى البشاري
فيس بوك
تويتر
انستقرام
يوتيوب
بنتيريست