|
|
 Re: ملكة جمال العالم( صور وحوارات). (Re: فضل الله خاطر)
|
| Quote: صاحبك أنس التوم المتيم بجسيكا وهي مليحة طبعا ولكن حسب مقاييسنا نحن الما عندها أي معايير |
العمدة فضل الله خاطر
تحياتي يا ريس
أنا كلامي خلي انت رايك شنو
يا عمدة التحكيم فاشل
المفروض لجنة التحكيم تمشي لي جسيكا لحدي عندها
لكن نقول شنو
| |
 
|
|
|
|
|
|
|
|
Re: ملكة جمال العالم( صور وحوارات). (Re: انس التوم احمد)
|
البوست دا يا دوب بدا
ونحن نتكلم عن الجمال كقيمة مطلقة وقيمة فنية وفي أذهاننا فيها ما فيها عن هذا وذاك.
وحسنا فعلت العوائق الفنية يا فاتح لتجاوز المرحلة الثانية حتى يظل هذا البوست يساير قيمه دون انتقاص من تلك المرحلة
التي هي ضرورية للمحكمين حتى تكتمل مراحل المسابقة والتنافس الشريف لنيل اللقب.
والجمال عند غير العارفين مثلنا صورة نراها في كل شيئ نحاول لمسها دون استطاعة
وعلى سبيل المثال قال أحدهم في امرأتين ضرائر وقد مر عليهن وهو عابر:
جيت الفريق لقيت الريل مقيّل ... وزنت جمال بنت أبوكديميل وجمال غزيّل
لقيت جمال غزيل شوية مميل (غزيل تصغير لغزال والريل معروف ومنها أريل صيدة الخلاء).
ولا ندري بأي مقياس وزن هذا العابر جماله.
وإذا قلنا: إنما ليلى عصا خيزرانة إذا قمزوها بالأكف تلين.
فذلك يعني أن هناك جمال لابد، وقلنا لابد حتى لا نقول ملبد لأن الجمال لا يلبد
كالغيوم وغيرها، وإنما هو قيمه ذاتية.
وإذا قسنا الجمال في مواضع أخرى فدونك قول الشاعر الذي نهديه لعشاق كردفان في الفيافي والوهاد والشتات:
نميت كردفان ونظمت فيها قوافي
ينبوع الحنان بحر الجمال الوافي
كملت الكلام القلت فيك ما كافي
فردوس الرمال في الدنيا مثلك مافي
نميت كردفان بس ما قدرت أوافي
بالنم والشعر بلدا جمالها خرافي
بحر الجمال الوافي والجمال الخرافي قيمتان مرسومتان في ذهن الشاعر
مثل قول صاحبك البحيراوي:
الديس مثل الخريف الما لقالو مكب أو في قول آخر
مثل الهضليم الكسر الكر (والهضليم هو ذكر النعام وكسر الكر إذا أرخى جناحيه تباهيا وتبخترا)
وإذا استمر بوستك دا يا الفاتح لقدام قطع شك بجيب ليهو مشاكل.
فتكم بعافيه
أخوكم
فضل الله خاطر
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: خطأ شنيع إسمها لجنة الحكم إذا بتريد على رأى اللبنانيين...
غايتو بوست افتتحه فايز القاضى وحبيب نورة
وطارق جبريل اكيد دهـ مدعاة لمزيد من الاوغاد ود الصايم
ومن لف لفه وانا منه براءة وهذا للعلم،،، |
سلام يا خال.
جننت الآكسنت بتاع لبنان والهلال الخصيب في رقبتو!
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: شيناااااااات ومشعكبات وضعااااااااااااف
دينا بالله بطلي غتاته
....................
قلت لي رجل الاعمال السوداني دا اسمو منو ؟ |
عزيزي نوفل عيدالرحيم حسن.
شكرا على المرور والتعليق
إسمو: محمد جعفر عثمان.
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
هنا ننقل عن بوست قديم كتبه بناديها يوم 29/5/2002 ، عن ملكة جمال ترينيداد وتوباغو التي قيل عنها
إنها سودانية الأصل حسب ما ورد وقتها،
Quote: ولأن الخبر منسوب إلى مراسل في جريدة الشرق الأوسط وليس إلى
وكالة صحفية..فالخبر ما داخل لي في رأسي..ملكة جمال سودانية؟
وكمان ملكة جمال الكون؟!!!بس كيف دا يكون؟ أنا ما عارف مواصفات ملكة الجمال شنو؟ بالنسبة لي الخبر هو جنسية ملكة جمال العالم
لندن:كمال قبيسي - جريدة الشرق الأوسط عدد اليوم
ثارت احتجاجات عبرت المحيطات ووصلت إلى البحر الكاريبي حيث
تقام هذا المساء مباراة لإختيار ملكة جمال الكون في مدينة سان خوان، عاصمة بورتريكو، المجاورة لجزر الباهاما بأميركا الوسطى، وسط أنباء
عن غضب مسلمي دولة مجاورة هي ترينيداد وتوباكو، لأن ملكة الجمال فيها، وهي مسلمة سودانية الأصل، مصممة على أرتداء البكيني في المسابقة التي تتنافس
فيها 76 مرشحة، بينهن 3 مسلمات غيرها: سالي شاهين من مصر، وملكتان من تركيا وسنغافورة
والسودانية الأصل هي نسمة محمد كامل ابراهيم، التي تشارك باسم نسمة محمد
وعمرها 23 سنة وتعمل حاليا متدربة في أحد البنوك بعد أن تخرجت
العام الماضي في الكيمياء من الجامعة الوحيدة في ترينيداد وتوباكو
قالت نسمة: أنا اصلي 5 مرات كل يوم وأصوم رمضان، وأنا محتشمةكل العام أيضا، ولا أذكر أنني أسات لشخص في حياتي، والبكيني لن
يغيرني إطلاقا..سأرتديه للحظات، ومن بعدها سأظل على حشمتي
وأخلاقي..سأحاول أن أوضح أنه من الجيد أن تكون المرأة جميلة وبصحة
جيدة، ولن أستطيع ذلك إلا بالبكيني |
يعني يا فاتح السماح مركوز في بناتنا من قديم، ولحدي ما نجيب ليك صورة نسمه السودانية.
أخوك
فضل الله خاطر
| |
|
|
|
|
|
|
|
|
|
Re: ملكة جمال العالم( صور وحوارات). (Re: Gaafar Ismail)
|
يا إخوانا أخوكم العبد الفقير لله خالي شغل الايامات دي
فممكن واحد يتوسط لينا عند ناس اللجنة ديل ويشغلونا ببطننا ساكت نوزع شاي قهوة ، ننضف الطرابيز، نعلق التيجان فوق الرؤؤس
نأخذ المقاسات و by the way أنا احرف واحد يمسك المتر ويأخذ المقاسات في الدنيا دي
اي شغله والسلام وبالمناسبة ما حا اكلفهم كتير أصلا أنا بصوم السبت والأحد والاثنين والثلاثاء والأربعاء وكمان الخميس والجمعة
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
الوجيه الفاتح .تانى جيتك صادى مع بت عمنا هالى بيرى
تعتبر هالي بيري أول ممثلة أمريكية من أصول افريقية تفوز بجائزة اوسكار أفضل ممثلة و ذلك
عام 2000 في فيلمها كرة الوحوش .
و فبما يخص الجمال هالى كانت ملكة جمال ال Teens في الولايات المتحدة عام 1985 و ملكة جمال أوهايو
و كانت الوصيفة الأولى في الولايات المتحدة الأمريكية (1986) ،
و في المرتبة 6 في مسابقة ملكة جمال العالم في نفس العام
...................ز
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
المتسابقة أبريل سترونج، ملكة جمال الولايات المتحدة( طالبة/ 19 سنة - 172).
قالت في حال فوزها باللقب ستقتفي أثر حاملات اللقب السابقات في نشاطاتهم الإجتماعية، وستقيم علاقة وثيقة مع رابطة الثقافة العالمية وصندوق One Love ومنظمة اليونسيف، كما ستكون غدوة للشباب من خلال حثهم للإستفادة من تجاربهم والسعي لتحقيق أحلامهم، مهما كانت العراقيل.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: العزيز فضل الله خاطر
تحياتي - صحيح الجمال سمة أزلية في الكون حيث أن الله جميل يحب الجمال . وكذلك الجمال لديه مدلولات وخلفيات ثقافية وحتى الإحساس به يكون مجردأً من كل شئ مكتسب إلا قيم البوح والتعبير التي تتنوع وتختلف من ثقافة وبيئة إلى أخرى فنجد جمال المكان لدية تباين من مكان لآخر وكذا جمال العمر والتعبير عنه وكذا الثقافة الخلفية للناظر للجمال تلعب دوراً في التعبير عنه من كلا جانبية من يحمل سمات الجمال ومن يعبر عن ذاك الجمال.
وأذكر مره كنت في مطار سيول متجهأً للشرق الأوسط ورأيت جلبة في المطار تقودها مجموعة من الفتيات المراهقات بتعابير هستيرية وصراخ ملأ أرجاء المطار . وكان كل الموضوع أن هناك مرشح المراهقين الكوريين المشاركون في مسابقة جمال المراهقين باليابان ( ما عارف دي وقفت يا الفاتح ولا شغاله) وبالطبع فقد خضع ذلك الفتي المراهق لمنافسة كبيرة من قبل أقرانه الكوريين فنال اللقب الأول . وعندما تعدينا الجوازات وجدته بإحدي صالات المغادرة لكنه لم يكن بتلك الدرجة من الوسامة التي تجعل البنات يصرخن عليه كل ذلك الصراخ. فقلت إنها صناعة ولست بجمال .. ما عارف رأيك شنو يا فضل الله ؟
بحيراوي |
عزيزي البحيراوي: اتفق معك فيما ذهبت إليه في توصيف الجمال.
أما ظاهرة الصراخ والتعابير الهستيرية فهذه ظاهرة عادية في بلاد مثل كوريا وتقريبا اليابان،
لأن جمهور النجوم هنا جمهور مهووس حد الدهشة بالنجوم سواء كانوا نجوم سينما أو نجوم غناء أو كرة قدم
بيسبول، تنس ، سباحة ، غولف ، رقص إيقاعي وغيره نظرا لوضعهم في المجتمع ومكانتهم السامية،
وبالتالي ظاهرة الصراخ الهستيري والهوس بالنجم المفضل ظاهرة شديدة الوضوح في شمال شرق آسيا،
خاصة إذا علمنا أن هذه الظاهرة - إن جازت التسمية- ارتبطت بحب الوطن وتمجيد نجومها فضلا عن تشجيع الدولة وتحفيزها الدائم لمن يرتقي
هذا السلم في كافة المجالات.
والنجومية في هذه البلاد هي مدخل لثراء واسع والترقي في مجتمع شديد المنافسة. والكلام في هذا يطول ويحتاج إلى بوستات منفصلة
ولكن نرجع نقول شكرا للفاتح على هذا البوست الرائع عن الجمال وإن خرجنا قليلا عن النص لنعود إليه مرة أخرى بإذن الله.
أخوكم
فضل الله خاطر
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: حبيبنا الفاتح وضيوفه الكرام
الوجيه محمد جعفر عثمان ، أحد السودانيين القلائل ، الذين وصلوا إلى اليابان ، ولم يكن يملك رأس مال سوى ذكاءه المتوقد وجهده الخارق . وفي فترة وجيزة حقق نجاحا كبيرا في مجال المال والأعمال وأصبح وجها مشرقا للسودان في هذه البلاد بمشاركاته الخيرية كان آخرها التبرع السخي لضحايا كارثة زلزال وتسونامي 11 مارس الماضي 2011 .
التحية له ولأمثاله من أبناء السودان الذين يمثلون وطنهم خير تمثيل في شتى المجالات .
مودتي |
عزيز اليابان / عم جعفر
صباحاتك ندية ومساءاتك فراشات.
موضوع التبرع لضحايا الزلزال والتسونامي، كان لفتة جميلة حقا.
مشكور يا سيدي على الإضاءة.
محبتي وتحياتي للأسرة الكريمة.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
" أنا ما بقطف زهورك".
Quote: تحياتي الأخ الفاتح وعبرك للصديق فضل الله خاطر
لدي تعليق بسيط علي أخونا السوداني المكمل السودنة حيث ظهر بعمامته وجلبابه ولا أدري معاها مركوب نمر ولا أصله !!
بس يبدو أنه قد فوزها تب ويعلم الله دي غايتو كان ما فازت زولنا دا غايتو نحن بنحزن معاه.
بحيراوي |
سلام يا بحيراوي
الحقيقة ما إنتبهت لملاحظتك دي إلا هسع لمن شفت الصورة.
فعلا صاحبنا جاري نور في" النور الفي حليهو رافل".!
وفي رواية أخرى لسان حالو بيقول " أنا ما بقطف زهورك".
المهم:" شرط الحاكم يبقى عادل!.
| Quote: بس يبدو أنه قد فوزها تب ويعلم الله دي غايتو كان ما فازت زولنا دا غايتو نحن بنحزن معاه. |
.عارفك أخو أخوان.
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
ملكة جمال اليابان/هيساكو شيراتا.
قالت في خطابها"شهدنا هذا العام زلزالا كبيرا،وحتى الآن هناك كثير من الناس يعيشون في اوضاع صعبة للغاية، كما وأن هناك من يعيشون في اوضاع مزرية في انحاء متفرقة من العالم، بسبب الحروب والجوع والفقر والمرض.علينا أن ندرك هذه الحقائق وأن نتفاعل مع هذه الآلام والمآسي.وإن قيض لي أن أفوز باللقب، فأنا على إستعداد للقيام بأى عمل تطوعي من شأنه أن يخفف من هذا الواقع ودعم اولئك الناس".
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
قالت، لا فض فوها: " إن أحرزت اللقب،فإنني سوف أتحلى بالتواضع، وسأعمل جاهدة كي يعم السلام كوكب الارض، وسوف أبذل كل جهد لزيارة المناطق التي دمرتها الحروب وإنتهشها الفقر، وسوف أعمل على إعطاء المهمشين والمحرومين الإحساس بالامل".
( I will give the less privileged the feeling of hope)
.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: ملكة جمال اليونان، ديسبوينا فلباكي( طالبة/22 سنة- 179 سم/ الهواية القراء والإطلاع)
جاءت من قلب أثينا، تحديدا الأذين الأيسر.
خرجت من ارحام الأساطير القديمة
وآلهة اليونان العظيمة.
بدى شعرها مفرودا مجعَدا وكأنه قد داعبته أنامل المصفف الأسطوري، مارتن ماكسي ، ونسجته أنوال دودة القز، تجانست خطوط فستانها مع الورد، والاقراط مع لونها وبعض تصاميم الفستان ، فبدت لوحة تمشي على قدمين، وعندما إلتفتت لتحية الجمهور أثناء العرض، (الكاميرات خمدت خمدة) ، وخيًم على القاعة صمت إلا من همهمات بدت وكأنها بعض تسابيح في محراب قداس، موجهة لقوى غير أرضية، بديعة في تجلياتها!.
- عفوا إن خرجت من عدم الإنحياز إلى حلف الناتو، بجوار اليونان، وخرجت معي بعض الأناشيد القديمة!!.
" أثينا يا أخت بلادي يا شقيقة" |
تداعي عجيب
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: شيخ القانونيين الضليع يحي عبدالكريم.
البركة بالشوفة في بوستات الفاتح البتجيبك.
زمان بيقولو الفقرا بيعرفوا بعض، وهسع بقت أهل القانون بعرفوا بعض!
شاهدنا لقاءتك في قناة العربية وسعدنا بالشوفة وإستمتعنا بالطرح القانوني الرفيع. وإستعدنا ذكريات مدينة الابيض التي فقدت خيرة عصافيرها
بالهجرة: أستاذنا عبدالمنعم خليفة( متعه الله بالصحة) وطارق النور و د. أحمد القرشي و ابراهيم باخت وإسماعيل حسن ويحي عبدالكريم وإيهاب محمد
نور وعمر بانقا وعبداللطيف بكري وعصام دهب والرشيد شلال والفاتح ميرغني و مازن عادل النور و القائمة تطول.
شوقي ومعزتي |
أجر مناولة.
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: " كل ذرات هذه الأرض كانت
أوجهاً كالشموس ذات بهاء
أجل عن وجهك الغبار برفق
فهو خد لكاعب حسناء."
(رباعيات عمر الخيام)
أخي الأكرم : الفاتح ميرغني
لك قدرة باهرة في صناعة الأفراح ..
ألف شكر لك .. |
عزيزنا ، الفنان سائق الترماي الفكري، عبدالله الشقليني.
فرحي بمرورك مستدام.
"يا فرح فنان ودافئ".
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: محمد المرتضى حامد)
|
Quote: الأخ الفاتح , مع كل الجمال ]I مفروض تؤكد أن صاحب البوست غير مسؤول عن أى خراب بيت
(العفش داخل البوست على مسؤولية صاحبه) |
سلام يا دكتو حمدي
مشكور يا سيدي على التنبيه.
تصدق يا مؤمن،ما إنتبهت لموضوع المسؤليةالإسفيرية ده خالص. انا إعتبرت الموضوع ده رحلة زي رحلات ناس الكاشف لمن إكتشفوا الطيارة من غير طيار( Drone) قبل الامريكان، وغنوا " يا حبيبي قلبي حاب رحلة بين طيات السحاب، أنت وأنا" وبس. اها رحلة زي دي طبعا ما بكون فيها اي عفش او زوادة غير " زاد أزاى يا صاحي" وده طبعا كلام انا ما ممكن أتحمل مسؤليتو سوى داخل البوست او خارجه، وحتى أسال اللورد يحي عبدالكريم!
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
ملكة جمال فنزويلا، Venessa Perette( طالبة/ 21 سنة-178 سم).
من ذوات الإحتياجات الخاصة ( تعاني من عوارض في النطق) ، يطلقون عليها ذات اللون الخمري. إرتدت فساتانا كبريتي اللون ، وكلاهما مثير للإشتعال و قابل له.!
جسًد لونها الخمري بعضا من " إله فني " وبعضا من " كليوباترا" . كما جسًد فستانها الكبريتي، معنى السمو والفرح!
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
"أسمر اللون كالخمر في النور المذاب".
(من قصيدة كليوباترا التي صدح بها البلبلان الكابلي ومحمد عبدالوهاب وهي من كلمات،علي محمود طه).
قالت في كلمتها، التي القتها بلغة ذوات الإحتياجات الخاصة، وترجمتها الخبيرة بلغة الصم والبكم، السيدة مشيمورا " أنها ستسعى للترويج للتواصل وإشاعة المحبة والسلام بين الإنسانية جمعاء". فبدى أن الحضور قد فهم الرسالة دون حاجة إلى ترجمان!
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: عبد الحميد المقابل)
|
" دويتو" ملكة جمال تنزانيا جميلة ميونيسي ( طالبة/ 20 سنة-175 سم) وملكة جمال تايوان زو وي هونج (طالبة /24 سنة- 168 سم)
إرتدت جميلة فساتانا " كبدي كالبنزين قادحاه كبريتة" فبدت سمحة وسمرية ، وإرتدت Tzu فستانا متعدد الالوان طغى عليها الاسود والقاني دم" الغزال الفوق في السلم"..
.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
تحدثتا عن طموحاتهما في حال إحراز اللقب فقالت جميلة أنها ستسعى من أجل ينعم الأطفال بمستوى لائق من التعليم لأنهم عماد المستقبل، فيما قالت زو أنها سوف تسعى كي يعم السلام والمحبة في ارجاء العالم بحيث لا يعود هناك حروبا ومآسي ( No more wars & No more sorrow)
.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الفاتح ميرغني
تحية واشواق
المرة دي قتلتنا عديل
والمعلومات ذاتها جديد علي
يعني القصة ما فنكهة ساكت
لكن في كليات وعلم جمال وكلية جمال
والذي منه |
صديقي الجميل مبارك جادين
الشوق والريد.
يا باراك انا ذاتي كنت فاكر الشغلانة دي فكك بسيط لقيتها كسر مركب، ياخ دي حاجة غريقة زي ما بيقولوا. Aesthetics و Cosmetology وشنو كده أولوجي، وجيوش من الخبراء( الأجانب) في مجال ترطيب البشرة والعناية بالأظافر والتصفيف وتلوين الشعر وضبط المكياج والرموش العكسن إعتدالي.
Quote: على اللحمة انا فاكر حسب خلفية الايدولجية
ان مسابقة ملكة جمال العالم
جزء من الامبريالية
والاستعمار القديم والجديد
لكن الليلة ما وريتنا حاجة |
غايتو البعد الإمبريالي ده ما عارفو لكن السمعتو إنو الناس ديل بتوقعوا بحلول عام 2020 إنو يتضاعف عدد مشاهدي الفعالية دى من 60 مليون حاليا إلى 120 مليون، وإنو حجم الاصول المتداولة فيها حيتضاعف من 250 مليون دولار تقريباإلى 500 مليون دولار.وده طبعا داخله فيهو شركات التامين ( نحو مليون دولار( Life insurance) لكل متسابقة قابلة للإرتفاع في حال فوزها باللقب يعني الفعالية دي صدق عليها المثل البقول" مال وجمال".Quote: اما عن الملكات فانا عارف اي تعليق
ناس زهير الزناتي ومن لف لفهم سينقلوه
بالضبانة للمدام
واخوك كبر على الضرب بالبرطوش
مودتي الدائمة |
يا باراك ليك علي أنشر ليك بإسم مستعار بس إنت أكتب لي!
تعال ياخ تعال فًرح ليالينا.
محبتي المعلومة
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
 Quote: عزيزنا الفاتح
مشكور ياخ على هذا البوست التوثيقي والتثقيفي.عودتنا دايما على الدهشة المستحبة.
بالمناسبة جيسكا اورتيز دي شاركت في عرض ازياء هنا في سيول وكانت إبتسامتها مسار تعليق حتى إنو الصحف وصفتها بالموناليزا.
البنت دي لمن تعاين ليها مش بتشعر بنوع من الالم الحميد؟
تحياتي
أخوك أنس التوم
سيول |
يا أنس أنا الالم، زي ما قال الراحل خليل إسماعيل، في قلبي أصبح شيء طبيعي، عشان كده الواحد بقى ما بقدر يفرق بين الالم الحميد وخلافو!.
اما الإبتسام وجمال الفم فده ناسنا كانو بيقيسوهو بمعيار خلف الله حمد اللهو رغم محليتو ممكن يصلح مقياسا لكل الأزمنة: " أقيس الفم بودعة والقى الودع واسع". لكن طبعا أهلك الكوريين ديل مسلطين والواحد ممكن يتوقع منهم أي حاجة يعني ممكن يصنعوا " ودع ديجيتال" عديل كدة!.
قلت لي سموها " أمونة ليزا"؟
محبتي المستدامة.
| |
|
|
|
|
|
|
|
|
|
Re: ملكة جمال العالم( صور وحوارات). (Re: فضل الله خاطر)
|
| Quote: اما الإبتسام وجمال الفم فده ناسنا كانو بيقيسوهو بمعيار خلف الله حمد اللهو رغم محليتو ممكن يصلح مقياسا لكل الأزمنة: " أقيس الفم بودعة والقى الودع واسع". |
باقي لي السي دي بتاع اغاني الحقيبة غير في لونية كتاباتك .
تعال علىك النبي المرة الجاية جيب لينا الطابق البوخة القام نداهو يهتّف
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الفاتح كيفنك..؟
ياخي دا انت الجمال زاااااااااااااتو |
Quote: السنغالية دي...........
ممكن نلاقيها وين؟؟؟ |
كريمو يا راستا
ياخ ما إنت براك المودر ناس كتاااار زيك وبعدين في ناس كده ممكن في الدنيا دي تلاقيهم أو تشوفهم مرة واحدة بس.
غايتو أملا عينك في الصورة دي وردد مع حيدر بورتسودان:
"سحرني وسباني - ساحر أسمراني"
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الطيب شيقوق)
|
Quote: بالمناسبة ديل بتسوكو بسقنل تو وللا ابو صفقة الصيني
ياخ اسنان زي الاسنان.... سنيناااااات بشكل, اني امنت بالله |
حبيبنا الخير بريدو.
ياخي تعبير " سنيناااااات " ده أوسكار.
ما عارف نوع المعجون لكن في بنات كدة تلقى الواحدة فيهن محتفظة بأسنان اللبن حتى بعد بلوغها سن الرشد،
ولمن تبتسم ليك تجهرك!
"سنّك برّاقه يسوى بق "!!
بالمناسبة الكلام ده كان قبل إكتشاف التبييض بالضوء المَركز والدليل الشامل لتبييض الاسنان!
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
ملكة جمال مصر مادونا خالد(طالبة/ 22 سنة- 174 سم/ تهوى الموسيقى والقراءة والغناء)
قالت انها لو فازت باللقب، فإنها سوف تعمل على نشر الوعي بمخاطر تشغيل القٌصًر والاطفال وسوف تدشن في هذا الصدد حملات ليس في مصر فحسب وإنما في كافة بقاع الارض".
| |
|
|
|
|
|
|
|
|
|
Re: ملكة جمال العالم( صور وحوارات). (Re: Yahia Abd El Kareem)
|
Quote: إختارت فستانا اسود اللون أنيق التصميم ،فشارفت الكمال ذوقا وحسنا، بدت كإحدى ملكات الفراعنة ،فهي لم تكن تمشي وإنما تختال،وفي رواية أخرى "تغتال"، جمعت بين خيلاء وحسن كليوباترا، صاحبة أشهر انف في التاريخ بحسب بعض الروايات، وهو الأنف الذي تسبب في إنهيار إمبراطوريتين ومصارع اباطرة!
|
ياسلاااام
فجاءة اتزكرت هذه القصيدة
قلت, والنشوة تسري في لساني: هاجت الذكرى , فأين الهرمان
أين وادي السحر صداح المغاني؟ أين ماء النيل ؟ أين الضفتان
آه لو كنت معي نختال عبره
بشراع تسبح الأنجم اثره
حيث يروي الموج في أرخم نبره
حلم ليل من ليالي كليوبتره
أين من عيني هاتيك المجالي يا عروس البحر , ياحلم الخيال
ايها الملاح قف بين الجسور فتنة الدنيا وأحلام الدهور
صفق الموج لولدان وحور يغرقون الليل في ينبوع نور
ماترى الاغيد وضاء الاسره؟
دق بالساق وقد اسلم صدره
لمحب لف بالساعد خصره؟
ليت هذا الليل لا يطلع فجره
أين من عيني هاتيك المجالي ياعروس البحر , ياحلم الخيال
رقص الجندول كالنجم الوضي فاشد ياملاح بالصوت الشجي
وترنم بالنشيد الوثني هذه الليلة حلم العبقري
شاعت الفرحة فيها والمسره
وجلا الحب على العشاق سره
يمنة مل بي على الماء ويسره
ان للجندول تحت الليل سحره
| |
|
|
|
|
|
|
|
|
|
Re: ملكة جمال العالم( صور وحوارات). (Re: باسط المكي)
|
Quote: دكتور المقابل
سلام
نور وعمر بانقا وعبداللطيف بكري وعصام دهب والرشيد شلال والفاتح ميرغني و مازن عادل النور و القائمة تطول.
هل هو مولانا الرشيد الشلالي المقيم معنا في مسقط ؟
ودي |
سلام يا شيقا
ياهو ذاتو صديقنا الرشيد شلال المقيم معاكم في مسقط.
بالمناسبة حاولت أقتبس الخط الإنت كتبتا بيهو مداخلتك دى لكن أبى لي.
لاني لاحظت فيه إهتزازات زلزالية واضحة.
إنت بتكتب معانا من فوكوشيما ولا رجفة كي بوردك دي سببا شنو؟
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الطيب شيقوق)
|
جونيلا اديوبر، ملكة جمال Aruba(طالبة/19 سنة - 175 سم/ تهوى الرقص وعرض الازياء).
حازت على لقب ملكة جمال الزي.
وتخوض غمار منافسة " ملكة جمال الصداقة" و"ملكة جمال العالم" بفستان إستوحت الوانه من طبيعة جزر الأنتيل الساحرة.
.
| |
|
|
|
|
|
|
|
|
|
Re: ملكة جمال العالم( صور وحوارات). (Re: باسط المكي)
|
الفاتح
البوست ده يا سيدي أنا قاعد أتجنبو خير شر؛ وإنت سادر في عظمتك وفي بهاك
وكان تعب منك جناح في السرعة زيد
فأنت لا تري إلا مكامن الجمال كعهدي بك .. دائماً ما تأتينا أنيقاً مهندما وهذا السر المطلسم في أعماقنا إن كتمناه لفضحتهُ النقرات التي تقدِل في مواضيعك الشيقة .
أما بعد
فهو الحب وحده والجمال من جعلني أتحاشي العبور بهذه المنطقة الموبوءة بالسماحة .
وقل لي لماذا !
فأنت لا تعلم أنني من أصحاب القلوب الرهيفة الذين يجب أن يمتنعون من ولوج البكانات الفرايحي
حسب صديقتي الشايقية وزميلة المنبر ست البنات .
لا أجد سبباً واحداً يجعلني أتجاسر علي دخول هذه البقعة الطيبة .
وبناءاً عليه فعلتُ ما فعلت
المهم
غايتو الله يديك العافية دنيا وآخرة
إنت زول سمح وزايد سماح
شكرن كتيرن !
| |
|
|
|
|
|
|
|
|
 Re: ملكة جمال العالم( صور وحوارات). (Re: حبيب نورة)
|
لصديقٍ لي أبتلاه الله بحب الحسان وحور الجنان؛ تقنية غريبة يجابه بها أهوال هذه الفتنة
فقد كان يطلق سيقانه للريح ما أن يشاهد أحداهن من ذواتِ الجسم والإسم والوش المبتسم؛ لذا يجب أن لا تندهش عندما قلت لك أنني فررت من هذا البوست .
ليس هذا فحسب؛ فقد كانت لديه " لازمة " يرددها قبل أن يمعن في الهرب؛ كان يقول موجهاً همهمة سرية للفتاة؛ لن تسمعها بطبيعة الحال " الله يازاكي ويازا يومك " .
فدعوتي عليك بالأذي؛ لن تجد من الله أذناً صاغية؛ فقد حجبناك مسبقاً من عين الحسود ومن عين الفتا أم شراً واطـة .
والآن سأطلق سيقاني للريح وأستريح .
الله يازاك ويازا يومك
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الت في حال فوزها باللقب "أنها ستكرس جهدها من أجل أن يعم السلام وتنحسر الحروب وتشيع قيم المحبة والتفاهم المشترك بين الشعوب.!
لم يكن ما قالته مدهشا بالنسبة لي: فللآرمن تاريخ محزن مع الحروب وتداعياتها.وخير شاهد على ذلك ما حدث لهم في تركيا، حيث تشتتوا بين الدول في هجرات أشبه بـ " الجلوة الكبرى" وإستقروا في لبنان وسوريا والعراق( الشام التاريخي) ومصر والسودان.كان عدد منهم قد قطن في مدينة الابيض ولعل أشهرهم أسرة الراحل كرياكو، صاحب الآبار الشهيرة بالقرب من منطقة التركز الصوفي التي تضم:زاوية الطريقة البرهانية والطريقة التجانية والطريقة القادرية والطريقة الشاذلية والطريقة الاحمدية. كما كان الراحل كرياكو متعهدا بالأغذية لمدرسة خور طقت التي كانت بمثابة " سانت هيرتس" كردفان.
وفي لبنان لعب الآرمن ادوارا مؤثرة في صناعة الصحافة، إن لم يكن قد أرسوا لبناتها. أما في مصر فلعبوا ادوارا في السياسة وأدوارا هامة في صناعة السينما( صناعة وتمثيلا) فأهدوا لعشاقها دلوعة الشاشة الفضية"نيلي" وخفيفة الروح "لبلبة" والفنانة "إيمان" والفنانة "أنوشكا".
والشاهد أن إندماجهم في هذه الاوطان البديلة كان إندماجا صادقا رغم إحتفاظهم ببعض الخصوصية الثقافية والحنين الجارف إلى آرمينيا حتى سرت بينهم مقولة: أن آرمينيا هي الأم التي أنجبت ولم تربي وأن مصر هي الأم التي ربت ولم تنجب.! |
العزيز الرائع الفاتح ميرغني
كل سنة وانت بالف خير
انت عارف يا الفاتح الكلام ده مفروض يكون وثيقة تعويض للارمن الماتوا في الحرب
بعدين يا الفاتح البت دي الزول لمن يتمعن فيها بجيوه طشاش عديل كده
تحياتي
انس التوم
| |
|
|
|
|
|
|
|
|
|
Re: ملكة جمال العالم( صور وحوارات). (Re: انس التوم احمد)
|
Leonela Paniagua ملكة جمال كوستاريكا ( طالبة/ 22 سنة – 175 سم/ تهوي الصداقة ورياضة الركض والرقص).
تكررت في كلمتها عبارة " أميغو وأمستاد(La Amistadｙ los Amigos ) أربع مرات. ففهمت، من خلال الترجمة المصاحبة، أنها ستسعى- في حال إحرازها اللقب - لتعزيز أواصر " الصداقة" بين الشعوب وجمع "الاصدقاء " ، والعمل سويا من أجل خدمة المسنيين وإشاعة الوئام والمحبة بين الناس، ذلك أن الكون بدون محبة يصبح غير صالح للحياة، على حد تعبيرها.
.
| |
|
|
|
|
|
|
|
|
|
Re: ملكة جمال العالم( صور وحوارات). (Re: مازن عادل النور)
|
| Quote: بوست يشبه سيدو,,,, سلامات يالفاتح ,,,, ناس النخجي شايفهم كلهم حايمين,’,,, بس الله يكفيك شر العنكوليب. |
سيف الدولة كامل الاوصاف
كل سنة وأنت طيب يا حبوب.
طبعا بالنسبة لناس النخجي ديل قالوا بكا الجماعة فرح ولا شنو كده ما عارف.اما العنكوليب وناسو ديل شر لابد منه( يعني شر مستحب).
بعدين هو اليومين ديل( رافع لينا القزاز التلفون ما بيرفعو) في قمة التجليات، يعني ملك الدهشة في المنبر بلا منازع.
إحترافية عالية في كتابة السناريوهات وافلام الآكشن لدرجة بكري بفكر يفرض رسوم على بوستاته.
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
- متعوب فيها زي السجَاد الفارسي.!
- حواجبها تغنيك عن أي مرصد فلكي لتحري الرؤية أو إنتظار قرار لجنة الإفتاء!
- رموشها تنتمي لذات الفصيلة التي عكست إعتدال ود القرشي، عليه شآبيب الرحمة.
- عيونها تنتمي لذات الفصيلة الفتَاكة التي جهرت وسهَرت ابوصلاح، ألف رحمة تنزل عليه.
.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
"الشعراء نسجوا لك شبكة
من خيوط الأخيلة الذهبية
والرسامون أعطوا دومًا
لهيئتك خلودًا جديدًا
والبحر يقدم اليك لؤلؤه
والمناجم ذهبها
وبساتين الصيف تمنحك زهورها
لكي توشيك وتكسوك
وتجعلك على الدوام
ثمينة غالية
وشوق قلوب الرجال
بسط مجده
على شبابك
فصرت نصف امرأة
ونصف حلم"
--
من قصيدة " اورباشي " لبندرانات طاغور، شاعر البنغال العظيم والملقب بـ " الصوفي الحزين".
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
عزيزي ALazhary2
تحياتي
زمان كان عندنا استاذ بيقول إنو أي أنثى تملك مسحة من الجمال تخاطب رجل معين فتشبع فيه الإحساس بالجمال/ حسب إدراكه. ويمكن الكلام ده لو فسرنا نصل لحتة النسبية او تباين الاذواق الإنت عبرت عنها بمقولة " مخير الله الناس أذواق" . وده بيأكد مسألة " نسبية" الجمال وكذلك الحال بالنسبة للاخلاق.
محبتي
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: ُEsha Gupta ملكة جمال الهند( عارضة/ 21 سنة-171 سم/ تهوى القراءة والرسم والسباحة بجانب الرقص الهندي التقليدي).
بدت وكأنها قصيدة خرجت للتو من ديوان بندرانات طاغور" قربان الأغاني" !.
. |
الأخ الفاتح , من المعروف أن معظم كلمات الأغانى الهندية من أشعار طاغور و معروف كذلك انه حاز على
جائزة نوبل لكن المبهم هو لقبه ( الصوفى الحزين ) و هو كما هو معلوم هندوسى , هل هناك تصوف هندوسى
ولا هو تصوفنا البنعرفو ده ؟
.....................
| |
|
|
|
|
|
|
|
|
|
Re: ملكة جمال العالم( صور وحوارات). (Re: عبد الحميد المقابل)
|
url=http://www.0zz0.com] [/url]
Quote: متعوب فيها زي السجَاد الفارسي.!
- حواجبها تغنيك عن أي مرصد فلكي لتحري الرؤية أو إنتظار قرار لجنة الإفتاء!
- رموشها تنتمي لذات الفصيلة التي عكست إعتدال ود القرشي، عليه شآبيب الرحمة.
- عيونها تنتمي لذات الفصيلة الفتَاكة التي جهرت وسهَرت ابوصلاح، ألف رحمة تنزل عليه. |
الأخ الفاتح
تحياتي
أنت تعرف حب السودانيين للحبشة وحب من سكن الديار، والحبشة حضارة قديمة وسلوك الأثيوبيين الهين السلس
يدل على هذا الأثر المتراكم.
اما صاحبة الصورة فقد طبتك المراصد والفصائل عن الجيد المراقب.
وكما يقال فإنها امرأة بعيدة مهوى القرط، ريلة صيدة خلا ، وحتى فصوص الطوق من جيدها انفصل.
-----------------------
ولقرائنا الكرام: الطب عندنا السحر.
| |
|
|
|
|
|
|
|
|
|
Re: ملكة جمال العالم( صور وحوارات). (Re: الفاتح ميرغني)
|
Quote: الشعراء نسجوا لك شبكة
من خيوط الأخيلة الذهبية
والرسامون أعطوا دومًا
لهيئتك خلودًا جديدًا
والبحر يقدم اليك لؤلؤه
والمناجم ذهبها
وبساتين الصيف تمنحك زهورها
لكي توشيك وتكسوك
وتجعلك على الدوام
ثمينة غالية
|
الفاتح سلامات
ابهجت صبااااحي يعلم الله
بخيط من الجمال النادر وقادر الله
المبدع المصور
| |
|
|
|
|
|
|
| |
انس التوم احمد
البحيراوي
الفاتح ميرغني
خالد عبد الله محمود
الزبير صالح الزبير
محمد الكامل عبد الحليم
عبد الحميد المقابل
محمد المرتضى حامد
الطيب شيقوق
باسط المكي
حبيب نورة
مازن عادل النور
فيصل محمد خليل
فيس بوك
تويتر
انستقرام
يوتيوب
بنتيريست