بحري طراوة... ويا ناس بحري .. قالوا بتحبوا يلا حبونا..

Quote: وما أجمل مساءك عندما يبشر بالخير يا ابو محمد فؤاد وانت من اهل الخير يعني خلاص استلمت الدفه الى عودة الاستاذ كمال كرار مكرٍ بالسلامة ان شاء الله وبس ما تقوم تعسكر وتخيم هنا وتنسانا بهناك . انت قريبك طارق ميرغني قلنا خلاص بعد فطور العريس برجع ولكن يظهر عايز يقعد في طراوة بحري الى حين يحضر سماية البكاري وسط الاجواء الممطره الجميلة بس وصيهو ما يعصر على ام فتفت شديد . ياخي نحن بنسأل عن جُمعة عماد عثمان وليه حرمنا منها وياريت لو يوثق للاخ (عبده الشيخ ) في المره القادمة لان صراحة في يوم من الايام ضمتنا جلسة جميلة في منزلي بجدة ثلاثتنا وصراحة ادهش عبده الشيخ من كلام موثق بحري (عماد عثمان ) لما يذكره من احداث ورد علية ياخي انت خطير ومن وين بتجيب الكلام ده وياريت عمده يكرر نفس الكلام حتى الناس تستمتع من طريقة سرد عماد للاحداث وضحك عبده الشيخ عندما قال له عماد عثمان كيفك (يارفيرا ) لان هذا اللقب اطلقة علية الاديب حاج حسن عثمان في الصحف في تلك الايام . طبعا يا ابومحمد فؤاد كما تعلم عبده راجل بحب الضحك مع انه شديد الحساسية في الملعب فواحد من اصحابنا الجلوس كابتن ( احمد عجة ) قال (لعبده الشيخ ) ياخي بتلعب من زمن ابيض واسود فضحكنا لكي نثير غضبة ولكن ضحك الى ان كسر السرير وهكذا هو حبيبنا ابن بحري عبده الشيخ . ياعمده دي فاتحة شهية عشان توثق له وكما ن عشان استاذ كيمو كرار لما يرجع بالسلامة يجدنا عملنا حاجة فيها فائده واضافة . ودمتم ............ وليد بحري