بحري طراوة... ويا ناس بحري .. قالوا بتحبوا يلا حبونا..

Quote: لو مابتحن مالك مضوق قلبي في دنياك مر يابهجة يالهفة مشاعر الناس ويا فرح العمر ********* قبال أشوفك كنت شوق من شوقه غرقان في بحر ديمه بيهاتي بكف ضراعه ولهفة ساعات السحر دنياه ليل لامن لقاك يا نور حياتي المنتظر ولقاك صباح كحل عيونه وصرت في الليلات بدر فيك انزرع أمال تعانق النجمة وتصافح القمر من روحه طرز ليك قلايد شوقه بانفاس زهر ومن دمه كان يروي الحروف يا غالي ويقول فيك شعر ********* مالك قسيت وانت الحنان والوجه النضر وانت عليك غنينا دوخنا الشموس بالحرقة بكينا القمر مالك قسيت خليتني بين أمرين بشوف أحلاها مر لاقلبي قادر يوم يسيب حبك ولايحمل صبر لاحتى بقدر يوم بفارقك أريته لو يوم في قدر عذبته شوق دوخته ريد خليته عايش في حذر والليلة جيت تشعل مواقد بعده بي نار تستعر يا أحلى حتى من الحياة يا أغلى حتى من النظر يا شوق موقد لي جبين أشواقي بي أندر درر مالك قسيت وانت الصباح للعين والليلات شعر خلتني حاضن الليل عذاب أمالي في كف القدر سارح أبث الليل شكاتي واحكي لعيون القمر خلتني بعدك زي يتيم بي يتمه مافي قليب شعر وحالي العلي ما بسر حبيب لو شفته كان دمعك طفر ولو شفته كان حنيت علي يا قاسي لو قلبك حجر