|
Re: بحرى طراوة (Re: حسن طه محمد)
|
Quote: عبد الكريم شفت الغربة والاغتراب عملوا فينا شنو!! |
** ودالبوب ** إنشاء الله لقيت ليك تلاته أنفار بيعرفوك بالشعبيه ,, خلى بحرى..
Quote: نحن زمان مشينا الوطن الحبيب ودفعنا الجبايات من ضرائب وزكاة وغيرهاوهي تزيد عن ما كان من الممكن انفاقه لو سافرت لاي بلد آخر. |
** قلت لى :- دفعت المعلوم مُكره أخاك لابطل ,, هو لو ماالشديد القوى الوداك شنو .. (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
ود البوب ... سلامات
نحن زمان شن قلنا...
عليك الله يا ودالبوب ... البوست العرضحال داك
بتاع المغتربين كلو ما جاب مريسة تام زينو؟؟
وين وعود كرار التهامي... والعصر الكلامي...
يقول ليك ظلم ذوي القربى أمضى من الحسام المهند
وهو من يعتبر من ذوي القربى لأنو كان مغترب سابق..
خان القضية بعد ما ضاق الوزارة الهنية..
معليش يا ود البوب... أعدل من العادل ماكو...
تحياتي.. والمرة الجاية أبقى مارق غادي
| |
|
|
|
|
|
|
Re: بحرى طراوة (Re: Kamal Karrar)
|
Quote: عليك الله يا ودالبوب ... البوست العرضحال داك بتاع المغتربين كلو ما جاب مريسة تام زينو؟؟ |
** ودالسر كرار ** جُمعه مُباركه.. ** غايتو أنا وصاحبى ود البوب بوست المغتربين نحنا فيهو الى أن يضع تام زينو مريستو فى ميدان عقرب أو المحكمه الدستوريه أيهما أقرب... (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
Quote: لقد صدقت يامبارك والله والرجل تشهد له شمبات كلها بأنه باع بيتين يخصانه من اجل نادي شمبات فله الرحمه والغفره فالرجل تاريخه الوطني لاتشوبه شائبه . |
** ود بابكر الكوبى.. ** جُمعتك مُباركه.. ## بمُناسبة شمبات :- هنالك الكثيرون فى شمبات فى مختلف المجالات الرياضه ,,التعليم,, الصحه ,, الإداره ,, السياسه ,, الفن ... فيدك مع أخوانا ود عثمان و ود عبداللطيف .. ** ولتكن ضربة البدايه :- مولانا عوض الله صالح.. ** فى الفن:- خضر بشير ,, سليمان زين العابدين ,, صلاح بن الباديه ,, الفاضل سعيد.. ** فى الرياضه :- محى الدين ,, وغزالى .. ## ماذكرته على سبيل المثال لا الحصر وفى ذاكرتك وأنت إبن شمبات بلاشك الكثير من الاسماء .. ** المكاشفى ود أُستاذنا خضر بشير زارنا مره واحده فى ست الهوى والطراوه وتانى ماشفناهو ,, بحرى فى أمسى الحوجه لك ياالمكاشفى للتوثيق للمُبدعين بشمبات.. ## نأمل أن تتضافر الجهود لاننا ننظر للمستقبل عندما نكون نحن تحت التراب ,, تحتاج تلكم الاجيال لمراجع تستقى منها المعلومه عن بحرى ويحدونا الامل أن يكون هذا البوست واحداً من المراجع التاريخيه.. (ودام الود بين الجميع) (ابو محمد فؤاد)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
لووووووووووول يا عبدالكريم
من خشمك (بالسوداني) لي باب السماء
غايتو الزول ده إلا يرجعوه مغترب ثاني...
ويعصروه معانا... عشان يقدر يحس بينا
هسع علي أي حاجة ما جايب خبرنا..
الزول كل يوم في بلد بإسمنا... والله مريسة
تام زينو دي إلا تبقى فيمتو... لكن نحن
غايتو معاكم لغاية ما يطلع زيت تام زينو..
وتشتت الضريبة...
ساعتنا هنا السابعة والنصف صباحا...
| |
|
|
|
|
|
|
Re: بحرى طراوة (Re: Kamal Karrar)
|
يا ناس بحري سلامات,,,
لا زال الليل طفلا يحبو في ذاك الجانب من العالم
أما هنا فالساعة أدهى وأحلى حيث أنقضت ساعة والنصف
بعد منتصف الليل...ولم يهتز مهجع واحد قط...
أو هكذا أعتقدت..
على الأقل أنا صاحي معاكم
| |
|
|
|
|
|
|
Re: بحرى طراوة (Re: Kamal Karrar)
|
عبدالكريم
Quote: ** ود بابكر الكوبى.. ** جُمعتك مُباركه.. ## بمُناسبة شمبات :- هنالك الكثيرون فى شمبات فى مختلف المجالات الرياضه ,,التعليم,, الصحه ,, الإداره ,, السياسه ,, الفن ... فيدك مع أخوانا ود عثمان و ود عبداللطيف .. ** ولتكن ضربة البدايه :- مولانا عوض الله صالح.. ** فى الفن:- خضر بشير ,, سليمان زين العابدين ,, صلاح بن الباديه ,, الفاضل سعيد.. ** فى الرياضه :- محى الدين ,, وغزالى .. ## ماذكرته على سبيل المثال لا الحصر وفى ذاكرتك وأنت إبن شمبات بلاشك الكثير من الاسماء .. ** المكاشفى ود أُستاذنا خضر بشير زارنا مره واحده فى ست الهوى والطراوه وتانى ماشفناهو ,, بحرى فى أمسى الحوجه لك ياالمكاشفى للتوثيق للمُبدعين بشمبات.. ## نأمل أن تتضافر الجهود لاننا ننظر للمستقبل عندما نكون نحن تحت التراب ,, تحتاج تلكم الاجيال لمراجع تستقى منها المعلومه عن بحرى ويحدونا الامل أن يكون هذا البوست واحداً من المراجع التاريخيه.. (ودام الود بين الجميع) (ابو محمد فؤاد) |
ابومحمد فؤاد لك التحايا الغوالي وابشر انشاءالله سوف يأتي التوثيق لرموز شمبات تباعا ومكاشفي والله حتي نحن رايح مننا في موقع شمبات الالكتروني وكان من انشط الاعضاء به وفجاءه انقطع مننا .
| |
|
|
|
|
|
|
Re: بحرى طراوة (Re: حمزه بابكر الكوبي)
|
البحراويين لكم تحيه جميعا وخاصا كمال كرار من جاري وصديقي في مدينة انتويرب البلجيكيه معتز المقبول ( بجانبي في الصوره لابس قميص كاروهات ) متشبع بحب بحري وغيور عليها ومتابع جيد لهذا البوست وكلما التقيه او يتصل علي في الهاتف دائما مايناقشني في الكثير من المعلومات عن ست الهوى والطراوه تكون وردت في هذا البوست. يدكم معانا ياشباب وكل الذي يمتلك سكه لبكري يطلب لينا باسوورد للراجل ده انا شخصيا ومعي بعض الاصدقاء فشلنا حرام والله يكون الزول الراقي ابن العمده الراحل المقبول الصديق المقبول خارج بوست ست الهوى والطراوه .
| |
|
|
|
|
|
|
Re: بحرى طراوة (Re: حمزه بابكر الكوبي)
|
سلامات يا حمزة ليك ولصاحبك معتز المقبول...
وهو من أسرة كريمة جاورا ناس جدي الخليفة كرار وعمي محجوب كرار
في حلة حمد.. نتأمل أن يعطيه بكري باس ويورد ليبث هيامه وحبه
لست الهوى والطراوة,, وإلى ذلك الحين نتمنى عليه أن يشارك حتى
لو عن طريق نافذتكم...
تحياتي لكل أهل بحري اللذين نكن لهم حبا ما طلعت شمس على البرية
| |
|
|
|
|
|
|
Re: بحرى طراوة (Re: Kamal Karrar)
|
Quote: يا ناس بحري سلامات,,, لا زال الليل طفلا يحبو في ذاك الجانب من العالم |
** ودالسر كرار ** كلامك الفوق دا على وزن:- ** الولاده فى الرهبات والحِبى فى البلاط.. ** لكن الحِبى ماعندكم فى ذلك الجانب من العالم.. ** بالله كدى أسأل لى رعايا الدول اللافى فيها قول ليهم :- دولكم بتطلب منكم تعملوا تأشيرة خروج لمن تكونوا مغادرينها لإى حته فى العالم؟؟؟ ## صباحك أو مساءك أخضر مع الجمال .. (ودام الود بيننا)
| |
|
|
|
|
|
|
Re: بحرى طراوة (Re: Kamal Karrar)
|
ود السر كرار ** بالله كدى وجه القمر الصناعى بتاع ست الهوى والطراوه ,, شوف ناس بحرى ديل عندهم رحله ,, ولى مقيليين تحت الكبرى ,, ولى هاجروا لبلداً طير عجمى وكهربتا قاطعه ,, ولى الحاصل شنو.. (ودام الود بين الجميع)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
** بتفقد دفتر أحوال بحرى تأكد لنا بان هذه الاسماء لم توقع بدفتر الاحول مُنذ أكثر من شهرين:- ** القمندان ود حسن.. ** ود التلب.. ** ود سر الختم.. ********************** ## المدنيين:- ** ودميرغنى على مصطفى.. ** ابو رزقه .. ** فى ناس نسينا تواقيعهم على الدفتر .. ** على العموم بحرى حالياً فى الكيلو 45 وفى إنتظاركم ,, إنتو مابتقدرو تخلوها وهى مُتعلقه بيكم وفى إنتظاركم.. (ودام الود بين الجميع)
| |
|
|
|
|
|
|
Re: بحرى طراوة (Re: الحاج حمد الحاج)
|
** إنها بحرى الانسان والمكان ** ** لو كان هنالك توجيه للموارد بصوره صحيحه لخدمة المجتمع المحيط لكانت المنطقه الصناعيه ببحرى كافيه لان تجعل منها جنة العاصمه المُثلثه وذلك بالطلب من كل مصنع أن يساهم فى تنميتها مع إعفائه من الضرائب ورسوم الانتاج بنسبه مُعينه ,, وتحفيز المصانع الملتزمه بمعايير البئيه والتشجير .. ** ولكن تفكير المسؤوليين عندنا لايتعدى نظرتهم لتحقيق رابط الضرائب والرسوم من أجل الحافز ولاتوجد إى نظره مستقبليه حتى ولو لمدة ثلاثه أشهر .. ** الحاج حمد ** عماد عثمان شكراً لهذا الإبداع القادم ولو كانت لدى مسؤولينا نظره مُستقبليه لكان هذا واقع الحال ولما إنعقدت الدهشه على وجوهنا عند رؤية هذه النماذج .. (ودام الود بين الجميع)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
## من إرشيف بحرى ست الهوى والطراوه ##
المداخلة التالية من الأخ / عماد عثمان احمد - جدة
الدكتور / عوض دكام
Quote: - بدا الدكتور عوض دكام دراسته بمدرسة الشيخ أمين بالخرطوم بحري ثم مدرسة الأقباط وأكمل تعليمه بمدارس البعثة التعليمية المصرية ( مدرسة الإنجيلية ) وبعد انتهائه من مرحلة مدرسة الإنجيلية وهي ما تعادل الشهادة السودانية عمل بالتدريس في المدارس الأولية لمدة عام بحلة خوجلي . . ثم وجد منحة عن طريق اللواء / حسن بشير نصر الذي كان وزيرا لشئون الرئاسة بمجلس الوزراء ونائب وزير الدفاع في حكومة الفريق إبراهيم عبود لدراسة الطب في يوغسلافيا الســـــــــابقة بمنحة للطلاب السودانيين جاءت من الزعيم ( جوزيف تيتو ) فسافر إلى هناك لدراسة طب الأسنان في مدينة زغرب .
- بعد أن نال البكالوريوس والدبلوم العالي عاد الى السودان فعمل بوزارة الصحة طبيبا بمستشفى امدرمان ومستشفى بحري وبعد عامين افتتح قسم الأسنان بمستشفى بحري وفي نفس الفترة افتتح الدكتور عوض دكام عيادة صغيرة خاصة به وبعد أن ذاع صيته قام بفتح عيادة كبيرة في شارع علي عبد الرحمن ببحري وكانت نموذجا لأجمل عيادة في السودان حيث كانت أرضية عيادته مفروشة بالسجاد الفاخر والكراسي الوثيرة وهو أول طبيب يضع تلفزيونا في عيادته وثلاجة لتوفير المياه الباردة لمرضاهـ .. وكان نظيفا ودقيقا في التعقيم فتجده يحاسب مساعديه إذا أخطأوا في موضوع النظافة والتعقيم ولكن بأسلوبه الخاص فلا يسئ بل بنظرة واحدة حادة يعالج الأمر .
- اشتهر الدكتور عوض دكام بالطرفة والفكاهة وحلاوة اللسان ومما يروى عنه :- انه كان في فراش ( بيت بكا ) ومشى عشان يدفع في الكشف . . وواحد من أصحابه قال ليهو : أنت يا عوض مفروض تدفع بالدولار . . رد عوض دكام وقال ليهو : ليه فارشين في السوق الحر .
- كان لايقبل تقديـم أي شئ على مريضه وكان بعض المرضى يأتون إليه وهم (متنشنين) وبروحه المرحة يقوم بإخراجهم من الحالة التي أتوا بها، وكان يكسب حب المرضى من جميع الأعمار.
- اشتهر بعشقه للفن والفنانين وبادلوه الحب وهو الشخص الوحيد الذي منح عضوية اتحاد الفنانين وهو ليس بفنان عامل .
- في المنطقة حول عيادته ببحري كانت للدكتور عوض دكام علاقة ود وصداقة مع المتشردين من الشماسة وحدث ذات يوم أن وفد بعض الشماسة من امدرمان إلى بحري وانقضوا دون معرفة على سيارته واخذوا الحقيبة وفي المساء حين أرادوا اقتسام الغنيمة وفتحوا الشنطة وجدوا صورته وأوراقه وهنا صاحوا : هذه ملك دكتور عوض وأغلقوا الحقيبة وفي صباح اليوم الثاني أرجعوها وهم يبدون أسفهم الشديد له عن فعلتهم .
- تزوج الدكتور عوض دكام أولا من الدكتورة / إحسان محمود مبارك وأنجب منها سارة وانفصلا . . وتزوج ثانية من سمية محمد محمود موسى وأنجب منها سامر وسامي وساجدة وساهرة .
- توفى الدكتور عوض دكام في يوم الاثنين 18/3/1997 م بمدينة القاهرة حيث كان مشاركا في مؤتمر الأطباء العرب . . رحمه الله رحمة واسعة واسكنه فسيح جناته . |
| |
|
|
|
|
|
|
Re: بحرى طراوة (Re: عبدالكريم أحمد الامين)
|
** ياناس بحرى مُحب وعاشق بحرى عماد عثمان بيسأل عنكم. وبيقول ليكم ست الهوى والطراوه وناسا بيسألوا عنكم , وفى إنتظار عودتكم سالمين غانميين..
Quote: د.عبد المحمود محمد عبد الرحمن د. ابراهيم العجب د.إبراهيم قناوي القمندان عبدالحفيظ حسن سيف الدين الفاضل نواري عمر وائل السيد حافظ سليمان أمجد كرار أسعد الريفي صديق عبد الجبار حسن عبد الله , محمد عبد المنعم التلب حبيب بلدو خالد عثمان أحمد هيثم وقيع الله ابوعبيدة علي هشام رضا هيثم لبيب المكاشفي خضر بشير ممكونة دوما عبد الرحيم محمد علي أدم موسى حسن بشير فالكون ياسر حامد البيجاوي العوض المسلمي عابدون محمد عابدون عبد الرازق سعيد. الكوتش عوض الله مصطفى انور العجب يحي بن عوف المغيرة الامين أحمد القاسم ناهد بشير الطيب عبد الوهاب علي الحاج معاوية محمد الحسن سهام المجمر احلام حسن عزت غادة عبدالعزيز خالد علي سر الختم طارق ميرغني Player حسن ميرغني سيف الدين نجار شمس الدين ساتي عز الدين عثمان احمد نادية عثمان |
عماد عثمان أحمد – جده.
| |
|
|
|
|
|
|
Re: بحرى طراوة (Re: عبدالكريم أحمد الامين)
|
## من إرشيف بحرى ست الهوى والطراوه والمُبدعه بت بشير الطيب (أُم هبه) :-
Quote: ياشباب
جمعة مباااركة ....وقراصة كاااربة
يوم الجمعة ونحن صغار فى بحرى كان يوم اللمة بتاعة الاهل الخالات والخيلان والعمات اخوات الوالد ودائما كان بيكون عندنا فى الصافية ... بنقوم بدرى بترتيب البيت وتبخيره وفريش الملايات وتحضير كبابى العصير وكبابى الشاى الاحمر المبخرة بالمستكة ...وكانت على انا مسؤولية النظافة بس . ...ومسؤولية المطبخ بس ...حتقولوا ليه؟ براى مافى زول بيساعدنى ؟ لا مافى ..... لانى بت وحيدة وسط 5 اولاد ...سيادتهم الشباب اكبرهم بيمشى سوق الخضار بحرى والتانى بيذاكر... (طول السنة بيذاكر ) (بقى مهندس قد الدنيا ماشاءالله عليه) ...اما الثالث لسة بيكون نائم تصحيه تشيل الملاية من تحته وتفرش التانيه وهو لسه نائم والرابع فى الكورة فى الشارع......مع اولاد الجيران ....او شغال غسيل فى فنايل الفريق والخامس (شايلاه فى صفحتى) ..... ....... واقوم بكل مايلزم ماعدا الغداء ..لانه الخالات بيجن شايلات حلل وصوانى فرن تكفينا باقى الاسبوع ...كنا تقريبا كعائلة كدة حوالى 43 شخص (طبعا عديتهم هسى رغم موت 4 منهم ) رحمهم الله ...
اول الحضور زوج خالتى يأتى ومعه هديتى المفضلة مجلة ماجد وميكى او سمير وبطيختين ...ويبدأ بقراية الجرايد ... وبعده تبدأ الوفود فى الحضور ...وتبدأ الوالدة يطول الله فى عمرها برمى القراصة ...القراصة الحارة بنوعين من انواع الايدامات (مفروك ودمعة ) ...والبصل والسلطات والشطة وماالى ذلك من (اكسسوارات) القراصة ...
ويبدأ الاكل فى نهم وجوع وحب وانبساط (ايام اخالها لن تعود) وبعده كل الى سرير.. وجريدة ويتلمن البنات والونسة وغسيل عدة الفطور وفتح الصوانى الجات من برة والحلل والاستعداد لترتيب عدة الغداء ....بعدها يقوم كل الشباب والرجال والوالدة والخالات والعمات وازوجات الخالات الى المسجد...... ومعهم منو ؟ ....انا ...وكانت الصلاة هى ملاذى ..... صلاة الجمعة فى مسجد (المسرة) بالصافية هى المكان الذى احبه والالتقاء فيه ببنات الحى .... والسلام على كبيرات الحى ...
المهم بنرجع البيت وبتبدأ مراسم الغدا ...ووضع (الماكياج ) الاخير للصوانى .... وصدقونى كلما اتذكر هذه (اللمة ) ابكى لانفراط ذلك العقد.... الذى تناثرت حباته يوم ان عرفنا شيئا اسمه اغتراب وسفر ... وتأشيرات من كل الالوان ..وشنط من كل الاحجام....
الان اين الخال (توفى رحمه الله) وبناته واولاده مسافرين ومسافرات الخالات وحيدات والاولاد بالخارج ...العمات هاجرن ؟ الحى نفسه وحيد ...ومازالت (الكورة ) قرب الباب تسأل من يرفعها ... اما (العدة) و(الصاج) فقد ملأهم الغبار.... والصحون تشكى طول انتظارها فى (فضية البيت ) والوالدة (يطول الله فى عمرها ...فقد عرفت الاغتراب وجاورت بيت الله وجاورتنا نحن ابناءها ..... مجرد سؤال ؟ (بعد مااغتربت اسرتنا(اتلمينا فى مكان اخر) ...هل مازالت هناك لمة وقراااصة حاااارة )؟ هذا ماسأجيبكم عنه الحلقة القادمة فترقبونا وحصريا هنا ...فى بوست الطراوة ده ..بتاع كمال كمال يديك الف عافية .... وقبل ماافوت حلفتكم كده ... كان ماحكيتوا لينا جمعتكم فى بحرى كانت كيف .؟
جمعة مباركة بس ...الله غالب |
| |
|
|
|
|
|
|
Re: بحرى طراوة (Re: عبدالكريم أحمد الامين)
|
Quote: كان ماحكيتوا لينا جمعتكم فى بحرى كانت كيف .؟
|
الفاضلة ناهد بت بشير الطيب
ما دام فيها حليفة
خدك ... ذكريات يوم الجمعة ونحن في مرحلة الثانوي
بمنزلنا بالشعبية كنا نجتمع في غالب الأحيان
الدكتور عبد المحمود محمد عبد الرحمن
الاخ عثمان حسن أحمد
الأخ شعبان مهدي ( يرحمه الله )
الوالدة ( يعطيها العافية ويطول في عمرها ) من الصباح الباكر تمشي السوق وتجيب اللحمة الضاني او من حمام البيت الذي كانت تقوم بتربيته. وحلة دمعة مسبكة مكربة ( لا تنسي انها دنقلاوية )
ثم القراصة 6 بوصة بعدما نضرب الفطور ونشرب الشاي بالنعناع نخرج للبرنامج المعد سلفا والمعروف
( كداري )
أولا نذهب ونجلس تحت كبري شمبات والطرارة ضاربة ( ما أصلها من طراوة بحري ست الهوي ) ثم نقطع الكبري ونجلس تحته من ناحية أم درمان ثم جلوس آخر أمام التلفزيون ثم كبري النيل الابيض ثم المقرن الجميل آنذاك. نكون قد وصلنا تقريبا في وقت الظهيرة
نرسل الأخ شعبان ( يرحمه الله وجعل الجنة مثواه ) لاحضار السلطة من سوق الخضار بالخرطوم. نتناول غداءنا سلطة مدنكلة ( طماطم - جرجير - بصل - عجور- شطة خضراء )
الحكاية كانت مرتبة ثم الي مطار الخرطوم باصرار من عزيزنا دكتور محمود الذي كان مولعا بالطائرات وانواعها( واحسب انه مولع بها حتي الآن ).
ثم الي سينما الوطنية غرب وكنا جميعا- وخاصة الدكتور - يجري حب السينما في عروقه( هذا الحب ضاع مع الاغتراب للاسف ).
ثم الي مطعم سلوي بالسوق العربي ( فول بالسمنة البلدية ).
ثم الي ست الهوي والطراوة.
كل هذا المشوار كداري الا في ما ندر وحينئذ كان " يا عم " هي وسيلة المواصلات اذا أعيانا التعب .
أخي عبد المحمود: صح ولا ما غلط ؟؟ صححني .
تلك أيام خلت وعزانا أننا نعيش علي ذكراها.
ود البوب
| |
|
|
|
|
|
|
Re: بحرى طراوة (Re: حسن طه محمد)
|
يابحري انت الجمال بتكمّلي وجوه القلوب بتعسكري يابحراوية عشانكم وعشان بحري الغالية قدمت مفتاح حياة المنبر العام لعاشق ومحب بحري عماد عثمان هدية ولم يقبلها . لكي يكون مشاركا لصيقأ بكم ويمتعنا بأبداعاتة وللاسف صديقي وحبيبي لم يقبل ولكن نوعدكم بأن تكون بحري فوق دايما. ولايفوتني شكركم على حسن الترحيب والمقابلة الطيبة والشكر كل الشكر للاخ والاستاذعادل عثمان لمجهوده المقدر في متابعة صديقة بكري ابوبكر .
سلام سلام
| |
|
|
|
|
|
|
Re: بحرى طراوة (Re: وليد عبد اللطيف)
|
Quote: يابحري انت الجمال بتكمّلي وجوه القلوب بتعسكري |
## إذا حضر الماء .. بطل التيمم.. ** أها زى ما الهلال سيد البلد (ماتزعل مننا ياودحمد) .. اسياد الكتابه فى بحرى حضرو ,, افسحوا الطريق لست الهوى والطراوه ونجمتها الشعبيه فلن تنزلا للدرجه الثانيه ,, طالما أن مُهاجمها لاعب الوسط المُتقدم وزير الدوله للتوثيق ود عبداللطيف أصبح لديه مفتاح اصلى بلادو..
## التهنئيه موصوله لك ولمحب بحرى وعاشقها ود عثمان..
## يابكرى الثنائى دا:- ود عثمان و ود عبداللطيف سوف يضيفان لهذا الوطن الاسفيرى الكثير من المعلومات المُفيده , فلقد قمت بتسجيل الثانى وعشمنا فى مفتاح أصلى للاول ,, ولقد أرسل إليك بريده الالكترونى وفتحنا قبل الحظر أكثر من ثلاثه بوستات بخصوصه ,, لايزال الامل يحدونا ببركات ونفحات مقدم الشهر الكريم.. (ودام الود بين الجميع) (ابو محمد فؤاد)
| |
|
|
|
|
|
|
Re: بحرى طراوة (Re: Kamal Karrar)
|
Quote: ود عبد اللطيف مراحب... قدمك أخضر... نكت لينا ولدنا أباعبيدة... دفعتك.. يلا إتشايلوها ذكريات وتوثيق وألف مرحب... من على البعد السحق في أقاصي الدنيا |
** ود السر كرار ** اللاعب الجديد وزير الدوله للتوثيق ود عبداللطيف , قروش تسجيلو ناقصه دفعنا ليهو المية الف وناقصه الخمسين الف بالله حول على صرافة الامارات (UAE -EXCHANGE) (نوع العمله معلوم ولاداعى لذكره) دا شغل إداريين ووليد عارفو كويس .. (ودام الود بين الجميع) (ابو محمد فؤاد)
| |
|
|
|
|
|
|
Re: بحرى طراوة (Re: طارق ميرغني)
|
.
Quote: تلك أيام خلت وعزانا أننا نعيش علي ذكراها. |
والله زمان يابوعلي،، اعدتنا لأيام الإنقليز وذكريات زمان ومطار الخرطوم والداكوتا والتوين اوترز والكوميت والفوكرز وحليل الماضي وايامه .. حليل الرونق العامر ... وبدورنا نهديك هذا الهبوط "الرايق" المنعش من فوق الأجواء البحراوية وسط أجواء ممطرة من على متن تربل سفن 777 قبل أيام:
.
| |
|
|
|
|
|
|
Re: بحرى طراوة (Re: عبدالمحمود محمد عبدالرحمن)
|
مشاركة من وزير التوثيق الأخ عماد عثمان - جدة بعنوان مبدعات من بحري
المشاركة التالية من عماد عثمان أحمد - وقفة مع حواء بحري
مبدعات من بحري ( الجزء الأول )
- نستصحبكم اليوم مع مبدعات شابات من ست الهوى والطراوة وما أجمل ان نربط ماضي ست الهوى والطراوة التليد بحاضره ومستقبله المشرق . .
ناهد بشير الطيب - 1 / ناهد بشير الطيب : الأديبة والإعلامية اللامعة . . تخرجت من كلية القانون بجامعة القاهرة فرع الخرطوم ( النيلين ) لها إسهامات مقدرة في بوست بحري طراوة وتحمل كتاباتها طعما واريجا خاصا وهي أول إمراة في مدينة بحري تنشئ موقعا الكترونيا على الشبكة العنكبوتية . . تعاونت مع العديد من الصحف مثل صحيفة الخرطوم وصحيفة الصحافة . . قدمت عددا من البرنامج التلفزيونية الناجحة على قناة النيل الأزرق مثل برنامج مرافئ وبرنامج أحلام مسافرة . . لها كتابات شعرية رائعة لم ترى النور بعد وسيتغنى لها الفنان الموسيقار يوسف الموصلي بأغنية قربت تجي بالمطر في الفترة القادمة . . ( الصافية ).
- قربت تجي بالمطر – كلمات ناهد بشير الطيب
قربت تجي بالمطر
السحابات البعيدة تزرع الشوق في الغمام
والعناوين الجديدة فجت الهم والظلام
تشرد الكلمات في لحظة
ويشرح الليل الكلام
قربت تجي بالمطر
******
قربت تجي من مواسم للاماني والحصاد
بغنا الاطفال تغني والفرح لناسو عاد
من محطات مابتودع والبفوتها بيجيها صاد
قربت تجي بالمطر
********
من اماسي الدهشة طالعة
ومن صباحات الجديد
ومن مراسي الشوق تقدم للوطن زهرة ونشيد
لو بعيدة تكون قريبة ولو قريبة تكون بعيد
قربت تجي بالمطر
نادية عثمان مختار
- 2 / نادية عثمان مختار : الإعلامية والشاعرة المتمكنة . . تخرجت من كلية الإعلام بجامعة القاهرة بمصر . . عملت بصحف الخرطوم والأخبار المصرية واخبار اليوم السودانية وقدمت على قناة هارموني برامج متميزة نالت اعجاب المشاهدين مثل ( نخلات من بلادي )و ( قضايا صحفية ) لها ديوان شعر بعنوان عودة للزمن الجميل و تغنى لها الفنان يوسف الموصلي بأغنية جفل الرعد . . ( الشعبية شمال ثم أشلاق البوليس جوار ميدان عقرب ثم الشعبية شمال ) .
اخلاص نور الدين
- 3 / اخلاص نور الدين مكي : النجمة والممثلة البارعة . . تخرجت من كلية الدراما والموسيقى وتعتبر حاليا أفضل ممثلة سودانية في الساحة حيث نجدها تمثل حضورا دائما في كل الأعمال الدرامية ( مسرح . تلفزيون . إذاعة ) لما تمتلكه من موهبة تم صقلها بالدراسة عبر كلية الدراما والموسيقى مصحوبة بمشاركات لورش مسرحية خارج السودان في عدد من الدول مثل المانيا ومصر والأردن والفلبين . . أول اعمالها الدرامية هو مسلسل موت الضان بطولة الهرم المسرحي الراحل الفاضل سعيد ومن أعمالها المتميزة مسرحية ود الجردقو ومسرحية محمود في هوليوود ومسلسل الوجه الأخر ومسلسل أقمارالضواحي وتمثيلية شجرة الليمون وتؤدي ادوارها بتلقائية وصدق واقناع كبير . . ( الشعبية شمال وحاليا الحاج يوسف - المايقوما )
مشاعر عثمان - 4 / مشاعر عثمان الجلال : الصحفية والشاعرة المرموقة . . تخرجت من كلية الإعلام بجامعة الامام الهادي وعملت بالعديد من الصحف السياسية والاجتماعية والرياضية مثل الخرطوم واخبار اليوم والوطن والدائرة والأسبوع والدار والمشاهد والكابتن وحاليا صحيفة حبيب البلد حيث تحرر الصفحة الفنية وتشرف على إدارة التسويق والاعلانات . . اصدرت وهي طالبة بالجامعة صحيفة شهرية باسم مراة المناشط وهي خاصة بالنشاط الطلابي . . قامت باعداد وتقديم عدد من البرامج عبر تلفزيون ولاية الخرطوم وكما شاركت بتقديم بعض حلقات برنامج بيتنا بتلفزيون السودان . . لها ديوان شعر بعنوان بتلفحك . . تغنى لها الفنان محمد ميرغني بأغنيته بتلفحك والتي صاغتها شعرا وقام الموسيقار حسن بابكر بوضع لحنها وهي من الأغنيات الجديدة والجميلة للفنان محمد ميرغني . . ( حلفاية الملوك ).
- بتلفحك - كلمات مشاعر عثمان
بتلفحك غيمة عمر تبرق أمل في دنيتي
وتسعد قليب ليك مشتهي ويافرحتي
********
بتلفحك بدفئ بجمر الغرام
لهفة قليبي البيك هام
في حضرتك ديمه الكلام
لولا وجودك يامناي
في الدنيا ماطاب لي مقام
********
بتلفحك دعوات رجاء
وافراح سعد للبعرفها
والوان محبة بفتشها
وميلاد غرام في الكون بدا
وانا في رجا . . وبتلفحك
********
بتلفحك ريدك معاي يصبح هناء
ينساب فرح طول السنه
يجمعنا كون انت وانا
أسرار بابكر
5/ اسرار بابكر : الفنانة الشابة الأولى في الساحة الفنية بشهادة الكثيرين وتملك صوت فريدا وقدرات تطريبية عالية وبدات مسيرتها الفنية بالغناء ( دويتو ) مع الفنان مجاهد عمر عبر مركز شباب بحري و أول ظهور لها عبر برنامج اصوات وانامل الذي كان يقدمه بابكر صديق . . شاركت في مهرجان الوطنية العربية بتونس قبل عدة أعوام وفازت أغنيتها ( موطني ) بالجائزة الأولى والتي كتب كلماتها الشاعر مهدي مهدي محمد سعيد وقام بوضع لحنها الموسيقار محمد حامد جوار . . شاركت للعام الثالث على التوالي في البرنامج الشهير أغاني أغاني ووضعت بصمتها الخاصة في كل ماقدمته من روائع الاغنيات السودانية وان كان سيفتقدها المشاهدون هذا العام لظروف جلوسها لامتحانات كلية الموسيقى والدراما . . تسير بخطى حثيثه في مسيرتها الفنية ويتجلى ذلك في اصراراها على التاهيل الفني والأكاديمي من خلال التحاقها بكلية الموسيقى والدراما لصقل قدراتها بالدراسة واصدرت مؤخرا شريطين كاسيت تضمنت عددا من أعمالها الخاصة . . ( الحاج يوسف ) .
احسان عبد المتعال
6/ احسان عبد المتعال احمد : الإعلامية المقتدرة . . تخرجت من كلية الأداب بجامعة القاهرة فرع الخرطوم سابقا . . قدمت العديد من برامج المنوعات في الإذاعة والتلفزيون وتقيم الأن بالولايات المتحدة الأمريكية وفي إجازاتها السنوية تسجل حضورا طيبا في كافة الاجهزة الإعلاميةوهي عضو موقع سودانيز اون لاين وأتمنى أن يتم استقطابها للكتابة عبر بوست بحري طراوة لما تملكه من قدرات كبيرة ستصب في الهدف الاساسي للبوست ( شمبات الحلة ) .
نهلة عبد المنعم
7/ نهلة عبد المنعم : تمتلك مقدرات صوتية متفردة أهلتها للانضمام لمجموعة عقد الجلاد الغنائية وبالرغم من عدم تخصصها في مجال الموسيقى ولكن موهبتها الكبيرة شفعت لها بالانضمام لعقد الجلاد . . لم تواصل مع مجموعة عقد الجلاد كثيرا واتجهت للغناء الفردي بعد ذلك . . توقع الجميع الكثير منها عطفا على امكانياتها الكبيرة ولكنها لم تستثمر ذلك بالصورة المطلوبة لهجرتها للولايات المتحدة الأمريكية ( الشعبية جنوب ) .
غادة عبد العزيز خالد
8/ غادة عبد العزيز خالد : الاعلامية البارزة . . تخرجت من جامعة الخرطوم . . تكتب عمود رائع بعنوان أوراق متناثرة بصحيفة الصحافة وتقدم برنامج امريكا بعيون سودانية من خلال قناة النيل الازرق ( حلفاية الملوك ) .
عزة عبد العزيز داؤود
9/ عزة عبد العزيز محمد داؤود : الفنانة المبدعة . . بدات موهبتها بالظهور من خلال مشاركاتها مع كورال المركز الثقافي الفرنسي وتؤدي أغنيات والدها الراحل المقيم عبد العزيز محمد داؤود بطريقة رائعة ومدهشة و لديها القدرة بتحريك مشاعر السامعين بروعة صوتها الصداح . . أخر العنقود للراحل ابو داؤود مع تؤامها عزام ( الدناقلة جنوب ).
مي عمر محمد
10/ مي عمر محمد : الطفلة الموهوبة . . نالت اعجاب واستحسان الجميع من خلال اطلالتها في برنامج نجوم الغد من خلال ادائها لاغنيات الفنان عبد الكريم الكابلي البالغة الصعوبة باداء تعبيري واحساس بالمعاني بصورة مدهشة لتدمع اعين المذيع الكبير محمد سليمان من ذلك الاداء الرائع . . تقدم برنامج برنامج أحباب أحباب بقناة النيل الازرق واصدرت شريط كاسيت يحمل اسم أغنيتها الخاصة أحباب عيني والتي قام بكتابتها الشاعر اسحق الحلنقي وقام بتلحينها الملحن احمد المك . . سيكون لها مستقبل واعد ورحب اذا سخرت كل مجهوداتها وقدراتها ودراستها في مجال التقديم التلفزيوني ( الصافية ) .
التحية والتقدير لحواء بحري وهي تبدع دوما في كل المجالات من خلال هذه الإضاءات السريعة وفي الجزء الثاني من مبدعات من بحري سيكون معنا لبنى خيري وإسراء زين العابدين والدكتورة منال بدر الدين والتومات أماني وايمان خيري وندى سيد كامل وتسابيح مبارك خاطر ونخلة بحري الملحنة اسماء حمزة بشير وغيرهن من مبدعات بحري والسلام عليكم ورحمة الله وبركاته.
| |
|
|
|
|
|
|
Re: بحرى طراوة (Re: الحاج حمد الحاج)
|
Quote: التحية والتقدير لحواء بحري وهي تبدع دوما في كل المجالات من خلال هذه الإضاءات السريعة وفي الجزء الثاني من مبدعات من بحري سيكون معنا لبنى خيري وإسراء زين العابدين والدكتورة منال بدر الدين والتومات أماني وايمان خيري وندى سيد كامل وتسابيح مبارك خاطر ونخلة بحري الملحنة اسماء حمزة بشير وغيرهن من مبدعات بحري والسلام عليكم ورحمة الله وبركاته. |
المبدع ود عثمان اين عابده الشيخ من هذه الكوكبة ياعماد طبعا اخوك برلوم لسع خليني اعرف مداخل الشغل . وتعرف في موضوع زي كده كنت عملت معاك ثنائية وكنا متعنا ليك ناس بحري بأبداعات بناتهم. وانشاء الله تكون في لقاءات مباشرة عبر الهاتف مع كل مبدعين بحري نساء ورجال والفاتورة على كمال كرار
بس الله غالب
سلام سلام
| |
|
|
|
|
|
|
Re: بحرى طراوة (Re: Kamal Karrar)
|
** والشباك فاتح لقيت فى عصفوره من مُحبوب وعاشق بحرى عماد عثمان ومربوط فى رجلها من أخوهو عزالدين والذى لم أقابله مُنذ 1980 ,, تحياتى ياعزو وإحتمال تكون بخرتنى مع رطوبة جده أنا صديق جعفر سيد أحمد .. *************************************************************** الأعزاء في بوست بحري طراوة - عزالدين عثمان أحمد من خلال عماد عثمان أحمد- جده
Quote: ظللت اتابع باهتمام وشغق شديد ( بوست بحري طراوة ) وقد لاحظت ان أبناء تلك المدينة الوديعة الجميلة الهادئة يتغزلون فيها كثيرا وليس هذا بغريب على بحري التي يحبها كل السودانيين مقيمين بها او زائرين من كافة أنحاء بلدنا الكبير ( السودان ) والمثل بمعناه ( اتسوق في امدرمان – اعمل في الخرطوم – اسكن بحري ) وفي بحري كل ذكريات الطفولة والصبا ولاأخفي اعجابي بما تقدمونه من توثيق تنويري نحن في حاجة ماسة له دوما . بعد الموضوع الذي قدم عن مشروع الضفاف بمدينة بحري وقفت كثيرا في ذلك المشروع العملاق والذي سيكون اضافة رائعة لبحري الجميلة وتمنيت أن يكون مابين تلك الابراج يوجد ( برج خاص بشركة مساهمة خاصة بابناء بحري ) خصوصا وأن وابناء بحري منتشرون في كل انحاء المعمورة بمختلف تعلميمهم ومهنهم وخبراتهم .
والملاحظ في بوست بحري طراوة والذي تجاوزت صفحاته الاربعة والاربعون صفحة لم يتطرق اي من الاعضاء الى فكرة انشاء شركة مساهمة خاصة بابناء بحري ثم بعدها تقدم الافكار ودراسات الجدوى لعمل مشروع استثماري لكل المساهمين فيه ليوفر لهم مصدر دخل ثابت واعتقد أن كل المشاركين هم فوق الاربعين وهنالك هاجس العودة وتوفير مصدر دخل ثابت لحياة كريمة . . ومصدر الدخل الثابت في السودان حاليا هو ( العقار ) أوالعمل في مجال الخدمات مثل محلات الطعام والفنادق وصالات الأفراح والشقق المفروشة وخلافه واكثرية البعض لايملك قطعة أرض ناهيك عن عقار او بيت . وأوليات معظم المغتربين : 1 / تحسين وضع أسرته المادي والوفاء بكل الالتزامات المادية . 2/ الزواج وتكوين أسرة . 3/ شراء قطعة أرض وبناءها او شراء بيت جاهز . 4/ عمل مشروع يوفر له ولعائلته مصدر دخل ثابت خلال عودته .
وحاليا أكثرية ابناءهم بالمراحل الجامعية وهناك هاجس العودة وتأمين العيش الكريم ( ستر الحال ) واعتقد توجد افكار كثيرة لعمل مشروع استثماري ( نقاطه ) يعيننا في حياتنا القادمة في وطن اسمه السودان . تحاياي للجميع – عز الدين عثمان أحمد – جدة |
## عزالدين شباكى دا فاتح صيف شتاء خريف ماتحرمنا من إبداعك.. ## والشكر أجزله لولدنا عماد..
| |
|
|
|
|
|
|
Re: بحرى طراوة (Re: عبدالمحمود محمد عبدالرحمن)
|
دكتور محمود
صباحك خير
أعتقد بعد دا ليس هناك لزوم للسفر لاسطنبول لقضاء الاجازات.
ما الاسم الحقيقي لهذا المسجد؟؟؟
أنا غايتو سمعت كثيرا عن هذا المسجد ولم اسعد بمشاهدته الا في هذه الصورة .
!!!!!!!!!!!!!!!!!!!!!!!!!!!!!!!
| |
|
|
|
|
|
|
Re: بحرى طراوة (Re: عبدالكريم أحمد الامين)
|
Quote: ** والشباك فاتح لقيت فى عصفوره من مُحبوب وعاشق بحرى عماد عثمان ومربوط فى رجلها من أخوهو عزالدين والذى لم أقابله مُنذ 1980 ,, تحياتى ياعزو وإحتمال تكون بخرتنى مع رطوبة جده أنا صديق جعفر سيد أحمد |
ياسعادة المستشار تعرف اولاد العم عثمان ديل حكاية والمتعة لما تجلس مع والدهم يديهو العافية طبعا موثوقة متحركة كثيرا ما جلست معه وتكلمنا في غناء الحقيبة وفي معلومة من شفتية التي مازالت تذكر اسم الله وتسبح ليلا ونهار انه كان فنان لفترة في تلك الايام الجميلة التي لليوم ما زلنا نردد اغانيهم .وهو من حكي لي قصة وفاة الفنان زنقار لانه كان من ضمن الحضور وتحدثنا في امور كثيرة ومنها الرياضة والسياسة لدرجة انه حافظ اوائل الناس الذين سكنوا في بحري وفي حي الدناقلة وفي موضوع اخونا عماد عن حي الدناقلة سبحان الله عندما قرأتة وكاني جالس مع عم عثمان تقريبا نفس المعلومات ولا اخفي عليك يا ابومحمد فؤاد تخيل عماد صديقي يحمل الرقم الاخير في الاسرة التي تضم الرجال والنساء من ناحية التوثيق بس البقية شغلتهم ظروف الحياة بارك الله في هذه الاسرة الفاضلة الحميمة التي اخرجت لنا واحد مثل عماد . اما ياسعادة المستشار بمناسبة زواج جعفر سيد احمد وكان الحفل بالفنان ابو الامبن وتعال شوف اخوك مستلم الحفلة اخر لبس وحلاقات غريبة طبعا كنا يعني لسع ما بين الصغار والشباب واذكر الكلمات الجميلة التي قالها الفنان محمد الامين في ذلك الحي المتفرد وبالمناسبة نحن من سكان هذا الحي في عام 1963م حسب روايات ناس بيتنا وفيه تمت ولادة من تسبقني في الاعمار . وتاني يوم تحركت السيرة بباص ناس عادل سكرة وكان يقوده ولد حلتكم (ابو جبة ) يالله يا صاحب الفؤاد الطيب وانت تذكرنا ايام جميلة عندما نذكرها ينتابنا شعور غريب .
سلام سلام
| |
|
|
|
|
|
|
Re: بحرى طراوة (Re: وليد عبد اللطيف)
|
Quote: أعتقد بعد دا ليس هناك لزوم للسفر لاسطنبول لقضاء الاجازات. ما الاسم الحقيقي لهذا المسجد؟؟؟ |
اللافتة أمامه تقول "مركز القرآن الكريم" بعدين ياود البوب،، يعني إنت قاعد تسافر أسطنبول في الإجازة عشان تشوف الأماكن التاريخية؟؟!
| |
|
|
|
|
|
|
Re: بحرى طراوة (Re: عبدالمحمود محمد عبدالرحمن)
|
Quote: جيناكم يا جبايبنا بعد غربه وشوق نغالب فيه ويغالبنا ## بس خلوني انجم واحت التعب وبجيكم ## |
** إبن خالى ** حمداً لله على السلامه.. ** إنت جيت راجع كدراويه مع حجاج تشاد ونيجيريا والمغرب العربى وتمبكتو ولا الحاصل شنو !!! (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
شكرا ابن عمتي ...الوحيد من بين صغار الديناصورات اللي قال لي حمد الله علي السلامه.
اناوالله زي الجيت كدراويه لاني جيت بطيران الخليج اللي اخرني يوم كامل ملطوع في البحرين بتاعة صاحبك ...
يعني لازم نضوقا زي المداعيني ومفروض اصل مساء الاحد وصلت ظهر الاثنين,,
الجاي كتير..
انت الديناصورات ديل قاعدين يتغالطوا في شنو ولا شغالين بنظام شكارتا دلاكتا...
اتيحت لي فرصه كبيره لمقابلة العديد من الزملاء سوي من بورداب الخرطوم او زملاء الدراسه بالمدارس او الجامعه
| |
|
|
|
|
|
|
Re: بحرى طراوة (Re: طارق ميرغني)
|
طارق حمدا لله على السلامة
من ديناصور متوسط...
لأنو الديناصورات الكبيرة ديل كوم براهم...
طيران الخليج دايرين العين الحمراء
أرجع وأرسل ليك خطابات إعتذارهم لي
ذات مرة من المرارير..
عودا حميدا...
| |
|
|
|
|
|
|
Re: بحرى طراوة (Re: Kamal Karrar)
|
اتيحت لي اخي كمال مقابلة بعض خريجي بحري الثانويه والذين يجتمعون مساء كل اول شهر بنادي الخريجين
وفي ذات مساء ماطر قل عدد الحضور فيه قابلت الاخوه محمد سليمان وبدر الدين عطا وحسن عبد القادر
ودكتور عبد الله احمد وطيفور عثمان وهؤلاء كلهم دفعه......... قضيت معهم وقت جميل.
الاخ طيفور اعتذر بانه يستعمل كيبورد انجليزي فقط لذا لا يستطيع المشاركه رغم انه يمتلك الباسوورد
الجننتنا مع ناس عماد عثمان.
| |
|
|
|
|
|
|
Re: بحرى طراوة (Re: طارق ميرغني)
|
Quote: بعدين ياود البوب،، يعني إنت قاعد تسافر أسطنبول في الإجازة عشان تشوف الأماكن التاريخية؟؟! |
دكتور اب أحمد
والله نمن الاجازة تجي أخوك عينه ما بتشوف الا غربا يعني السودان بكل سجمه.
بالله عليك جلسة مع الوالد الحبيب ( يديه العافية ويطول عمره ) قدام البيت مع الشاي والقهوة ما أحسن من مليون اسطنبول.
الحمد لله اسطنبول جاتنا في مكانا.
بالمناسبة : تم انشاء ( حلوة انشاء دي ) حديقة وارفة ومسورة قدام البيت في الشعبية .
يعني الونسة واللمة بمزاج .
نسال الله ان يجمعنا بها لنعيد الذكريات.
بالنسبة لاسم المسجد انا سمعت اسم غير كدا..... اسم شخص !!!!
طارق ود الميرغني
ما قلنا تنجم شوية من تعب الخرطوم.
تجي ناطي طوالي لست الهواء والطراوة.
ليك حق لانو ادمان
ياخي الف حمدا لله علي السلامة .
دمتم،،
| |
|
|
|
|
|
|
Re: بحرى طراوة (Re: Kamal Karrar)
|
** هل عاد سيد الحوش من جولته الاسيويه لتفقد الرعيه المنسيه ** ** ودالسر كرار ** نقول حمداً لله على العوده بعد جولة الخضره والماء والجو البديع ............. (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
يا كمال انت اتذكرت حسن عبدالقادر ودكتور عبد الله احمد عبد الله ديل؟؟؟؟؟؟؟؟؟؟؟بعدين محمد سليمان لم يدرس في الاميريه واحد.
يا عبد الكريم الخضره والماء والجو البديع دي في ياتو باء؟
اخي ود البوب طبعا دي تندرج تحت باب شفقة بت نقيحه ... ما تقول لي دي منو اسال عنها ؟؟؟؟
| |
|
|
|
|
|
|
Re: بحرى طراوة (Re: الحاج حمد الحاج)
|
Quote: مرت قبل أيام قلائل الذكرى الخامسة والعشرون لوفاة الفنان الراحل المقيم عبد العزيز محمد داؤود وتلك الذكرى الخالدة لمن شكل وجدان الشعب السوداني بكل ماهو رائع لن تمر مرور الكرام في بوست ست الهوى والطراوة وفي هذه الحلقة اليكم كتاب مولد زهرة الروض الظليل الذي قام بتأليفه البروفسير الأديب الراحل على المك وسنوالي انزال الحلقات المتبقية تباعا انشاء الله والرحمة والمغفرة للفنان عبد العزيز محمد داؤود وللبروفسير علي المك طيب الله ثراهما . . |
حبيبي ياعمدة اذا اصلا كنا نسينا ابو داؤود قول كنا نتذكرة ولكن ياعمدة المرحوم ابو دؤود هو من ادخل (الفولستوب ) الوقفة وبعدها مواصلة في الغناء السوداني بحركات بارعة والنوع ده اسأل ناس ابو محمد فؤاد عنها دي قعدت وغنت ودندنت ياعمده ابوداؤود قال الفني في البرهه القليله فارقني ما بين يوم وليله وكأن الفنان الهرم عارف انه سوف يفارق معجبيه برحيله ويتوقف النيل من السريان بعزوبة صوته الشجي اه اه ياود عثمان في يوم جلسنا مع عمنا الشاعر عوض حسن احمد بمنزل اخونا جمال فرفور وهو يعتبر عمه فحاولت اثير الجلسة وطلبت اغنية من العيار التقيل (لي نية في قمر السماء) للشعار سيد عبد العزيز يالله ففاضت اعين الاستاذ عوض حسن احمد عند نهاية الاغنية وقال كلام في حق الاستاذ الراحل المقيم ابوداؤود يفترض كان يسجل ويوثق . لو جاهله كنت اعّلما حن المعزّب لِلما روح يا نسيم لها كلما يا جماعه هو غناء ابو داؤود ده كان غناء اكيد ليس بغناء ده كان ترتيل تجد فيهو روحانيات غريبة تلامس وجدانك عندما تسمع غناهو اما المدايح النوبية تقول الراجل ده مسكون يلبشك ويدستر بيك وما يفضل ليك غلا تلبس الاخضر وتمشي حفيان . وهاكم هذه المعلومة ومصدرها موثق بحري (عماد عثمان ) قال في يوم من الايام لما اراد موسيقار السودان وفنان افريقيا الاول لما اراد تسجيل اغنية ( قسم بمحيك البدري ) كان مرجعة ابوداؤود وهذا كان مسار معظم الفنانيين في تلك الفتره لازم الناس ترجع له في ترديد اغاني الحقيبة ابداؤود رجل جميل خفيف الظل حتى في ونستة واذكر نكاتة في مهرجان الثقافة الاول بعد فاصل من الغناء له وهو يعتبر صاحب نكتة حاضرة وفي الاغاني الخفيفة العجب حبيبي يمه يازازه وتوب الكرب الجابوه النقاده انا في القميص ابقى ليك زراره حتى في الخفيف كان مبدع وله خيال واسع وعندما اراد فرفور غناء ( المقرن في الصباح ) ووصلنا لما يقول ( اما السواقي بدت تسوق ) وسجلها صديقي فرفور في شريط ولكن بالرغم من جمال ابدع فيها ولكن في ( اما السواقي بدت تسوق ) دي مفتاحها عند 0 الكاشف وابوداؤود )و هنا تتذكر ابداع الكاشف وابداؤود وتتخيل انك في جو غريب صراحة وكأنك عايش في تلك اللحظة وسط السواقي والزراعة والخضرة ووسطها الوجه (الحسُن )وما حسن ثنائيات (ود حمد وعماد عثمان )و(ابو محمد فؤاد وعماد عثمان) وهم من حين الى اخر يمتعونا بالجميل شكرا ود حمد شكرا ابومحمد فؤاد شكرا عماد بالرغم من انك حذرتني بعدم شكرك او في التعليق في ماكتبتة وهل لما كنت قاسي معاك هل جاملتك وابو محمد فؤاد يعلم بذلك وبعدين ياخي ناس بحري البعرفهم ديل اكبر من كده واحسن نسقف على كده ونرجع لموضوعنا . هلى الناس ممكن تنسى ثنئيات ابوداؤود مع حسن خليفة العطبراوي من الطرائف في يوم من الايام وانا عادة كنت بجلس تحت نيمتنا للمة الشباب اها يوقم يجي ( الجيلي ) وهو قادم من بيت ناس السماكية ومتوجة للبحر ليشبع رغبتة بسجارة من النوع ابوكيس ياخي الراجل والله وانا مدنقر يجي ماشي وبصوت عالي يدندن بصوت ابداؤود والله اتخلعت . وظهر كفنان في الازاعة مع برعي محمد دفع الله وبسرعة اختفى ياجماعة والله الكلام كتير في الموضوع ده وان شاء الله سوف نقوم بالحديث بطريقة واسعة
سلام سلام
| |
|
|
|
|
|
|
Re: بحرى طراوة (Re: وليد عبد اللطيف)
|
** وزيرنا ود عبداللطيف ** مساءك خير
Quote: ياجماعة والله الكلام كتير في الموضوع ده وان شاء الله سوف نقوم بالحديث بطريقة واسعة[/B |
] ## أها طالما جات سيرة ابو داؤؤد أديك دى من واحده صديقه لبنتو وكانت شغاله معها فى السوق الحر:- ** قال ليك فى منتصف الثمانينات جا واحد من المغتربين فى اوربا ليهو كم وعشرين سنه طاشى وفى مطار الخرطوم.. دخل السوق الحر ولحسن حظو وقع فى الكاونتر الفيهو بت الاستاذ:- إنتو مافى اوسكه او أجننه ** قالت ليهو :- الاخو إنت جاى من وين ,, ماعارف أنو البلد بقى فيها شريعة الله مدارى.. ** وقبل مايرد لحقتو ليك بالكوبليه التانى:- السوق الحُر من ماوقفو منو الشربه ماقامت ليهو قائمه وبحرى من ماقفلوا فيها مصنع البيره والشرى ماجات مطره إلا سيول 88 ,, كان داير ليك لبن فورموست ولى شوال سكر عندنا فى.. ## بالله سوق لينا فى سيرة أبو داؤود دى بالمهله وخلى المُسجل عالى شويه.. ## بالله بالرخصه الجديده بتاعتك خليت ليك العربيه البورش مليانه بنزين ببوست الشعبيه عشان تسلكا وهى واقفه بالشارع رقم 60 جنب صيدلية الشعبيه .. (ودام الود بيننا)
| |
|
|
|
|
|
|
Re: بحرى طراوة (Re: وليد عبد اللطيف)
|
طارق يا أخي عقدتني في الذاكرة..
لكن الأنا عارفو إنو الإجتماع المعني
او الجمعة (بفتح الجيم) في نادي الخريجين
بتاعة ناس الأميرية.. كونوا يكونوا مطعمين
بلعيبة من بحري الثانوية ما بضر شيء
أنا قصدت أن تكون قد أتيت بكثير من المعلومات
عن بحري الأميرية... وأخي عزيز متابع وعنده
الجديد.. خليت ده كلو وبقيت تقول لي
حسن عبدالقادر وأبو علامة... ركز معاي
قبل ما الكوارع اللهطتو ده يصل المخ...
| |
|
|
|
|
|
|
Re: بحرى طراوة (Re: Kamal Karrar)
|
Quote: ** وقبل مايرد لحقتو ليك بالكوبليه التانى:- السوق الحُر من ماوقفو منو الشربه ماقامت ليهو قائمه وبحرى من ماقفلوا فيها مصنع البيره والشرى ماجات مطره إلا سيول 88 ,, كان داير ليك لبن فورموست ولى شوال سكر عندنا فى.. ## بالله سوق لينا فى سيرة أبو داؤود دى بالمهله وخلى المُسجل عالى شويه.. ## بالله بالرخصه الجديده بتاعتك خليت ليك العربيه البورش مليانه بنزين ببوست الشعبيه عشان تسلكا وهى واقفه بالشارع رقم 60 جنب صيدلية الشعبيه .. |
هاهاهاهاهاها ابن الوز عوام يا ابومحمد فؤاد
ياخي تعرف الزعيم الازهري ودي معلومة لم تكتب اوتسجل في يوم من الايام كان ابوداؤود والعطبراوي كان يدخلون على الزعيم من غير سابق مواعيد لاحظ وكان يحبهم جدا اها اصحابك العطبراوي وابوداؤود لما يكونوا مفلسين يتفقوا ويقولوا كدى نمشي على الراجل ده امكن نطلع بحاجة للقعدة اليوم .تنقش تنقش يمشوا والزعيم رحمة الله علية يطلب اخر نكتة من ابوداؤود وبعد داك يطلعوا بالفيها النصيب . بالله شوف . اها ياسعادة المستشار الرخصة دي عامة ولا نوعها شنو .
الاستاذ طارق ميرغي
الف حمد الله على السلامة بالله كيف ناس الدناقلة عامة والعريس خاصة .
دكتور عبد المحمود
سلام كبير مع انحناء لشخصك العظيم وانت توثق لمعالم بحري يديك العافية
سلام سلام
| |
|
|
|
|
|
|
Re: بحرى طراوة (Re: وليد عبد اللطيف)
|
Quote: اها ياسعادة المستشار الرخصة دي عامة ولا نوعها شنو . |
## وزيرنا ودعبداللطيف ** رخصتك دى دوليه وتاريخ الإنتهاء :- 10/08/2019 - يعنى كان الله أدانا العمر للوقت داك تجديدا على. ** وزى ماوصيتك لما تجى سايق بالدناقله وسيرة ابو داؤود خفف السرعه وأرفع لينا صوت المسجل.. ** فى فترة من فترات الغربه الكربه كان لدى 52 شريط لابوداؤود وكلها تسجيلات الاذاعه الاصليه وحاتك ناس ممكن اسمعوا وارجعوا وناس خمشو وكسحو بدون إذن خلونى اباطى والنجم.. ** وزى ماقالوا:- مغفلان من يُعير كتاباً ومن يُعيده.. وان هنا بقول نفس المثل بس مع تغيير العبارات:- ## مغفل من يُعير شريطاً"إى كان" ومن يُعيده يكون أهبلاً.. (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
** وبمناسبة آخر القادميين من ست الهوى والطراوه نحول المايك لاخونا ود ميرغنى على مصطفى عشان يساهر بيكم ونقابلكم يوم "الجمعه فى شمبات"..
** طارق بالله ممكن تنزل لينا الجُمعه فى شمبات بصوت الكاشف ,, عصام محمد نور ,, فرفور.. (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
دعــــاء الصبـــاح
وهو من الأدعية المشهورة عند أمير المؤمنين ع:
بسم الله الرحمن الرحيم
اللهم يا من دَلَعَ لسان الصباح بِِنُطْقِ تبَلُّجِهِ، وسَرَّح قِطع الليل المظلم بغياهب تلجلُجه، وأتقن صنع الفََلك الدوّار في مقادير تبرُّجه، وشعشع ضياء الشمس بنور تأججه، يا من دل على ذاته بذاته، وتنزه عن مجانسة مخلوقاته، وجلّ عن ملاءمة كيفياته، يا من قَرُبَ من خطرات الظُنون، وبَعُدَ عن لحظات العيون، وعلم بما كان قبل أن يكون، يا من أرقدني في مِهَادِ أمنهِ وأمانه، وأيقظني إلى ما منحني به من مِنَنِهِ وإحسانه، وكَفّ أكُفَّ السوءِ عني بيده وسلطانه.
صلِّ اللهم على الدليل إليك في الليل الأليل، والماسك من أسبابك بحبل الشرف الأطول، والناصع الحَسَبِ في ذِروة الكاهل الأعبَل، والثابت القدم على زحاليفها في الزمن الأول، وعلى آله الأخيار المصطفين الأبرار، واْفتح اللهم لنا مصاريع الصباح بمفاتيح الرحمة والفلاح، وألبسني اللهم من أفضل خلع الهداية والصلاح، واْغرس اللهم بعظمتك في ِشربِ جَناني ينابيعَ الخُشوع، وأجْرِِ اللهم لهيبتك من أماقيَّ زفرات الدموع، وأدِّب اللهم نزَق الخُرْقِ مني بأزِمَّة القُنوع، إلهي إن لم تبتدئني الرحمة منك بحسن التوفيق، فمن السالك بي إليك في واضح الطريق؟ وإن أسلَمَتني أناتُك لقائد الأمل والمنى فمن المقيل عثراتي من كبوات الهوى؟ وإن خَذَلني نصرُك عند محاربة النفس والشيطان، فقد وكَلَني خُذلانُك إلى حيث الَّنصَبُ والحرمان.
إلهي أتراني ما أتيتك إلا من حيث الآمال، أم عَلِقْتُ بأطراف حبالك إلا حين باعَدَتني ذنوبي عن دار الوِصال، فبئس المطيةُ التي اْمتَطَتْ نفسي من هواها، فواهاً لها لما سوَّلت لها ظنونها ومُناها، وتباً لها لجرأتها على سيدها ومولاها، إلهي قَرَعْتُ باب رحمتك بيد رجآئي، وهربتُ إليك لاجئاً من فرط أهوائي، وعلَّقتُ بأطراف حبالك أنامل ولائي، فاْصْفَح اللهم عما كنت أجرمته من زللي وخطائي، وأقلني من صَرعة ردائي، فإنك سيدي ومولاي ومعتمدي ورجائي، وأنت غاية مطلوبي ومناي في منقلبي ومثواي.
إلهي كيف تطرد مسكيناً اْلتجأ إليك من الذنوب هارباً، أم كيف تُخَيِّبُ مسترشداً قصد إلى جَنابك ساعياً، أم كيف ترد ظمآناً وَرَدَ إلى حياضك شارباً؟ كلا وحياضُك مُترعة في ضَنْك المُحُولِ، وبابك مفتوحٌ للطلب والوُغول، وأنت غاية السُّؤْل ونهاية المأمول، إلهي هذه أزِمَّةُ نفسي علّقتُها بِعقال مشيئتك، وهذه أعباء ذنوبي دراْتُها بعفوك ورحمتك، وهذه أهوائي المُضِلّةُ وكَلْتُها إلى جَناب لطفك ورأفتك، فاْجعل اللهم صباحي هذا نازلاً عليّ بضياء الهدى، وبالسلامة في الدين والدنيا، ومسائي جُنّةً من كيد العِدى ووقايةً من مُرديات الهوى، إنك قادر على ما تشاء، تؤِتي الملك من تشاء، وتنزع الملك ممن تشاء، وتعز من تشاء وتذل من تشاء، بيدك الخير إنك على كل شيء قدير، تُولج الليل في النهار وتُولج النهار في الليل، وتُخرج الحي من الميت، وتُخرج الميت من الحي، وترزق من تشاء بغير حساب.
لا إله إلا أنت سبحانك اللهم وبحمدك، من ذا يعرف قدرك فلا يخافك، ومن ذا يعلم ما أنت فلا يهابك، ألّفت بقدرتك الفِرَق، وفَلَقْتَ بلطفك الفَلَقَ، وأَنَرْتَ بكرمِك دياجي الغسَق، وأنهرت المياه من الصُّـمِّ الصياخيدِ عذباً واُجَاجَاً، وأنْزَلْتَ من المُعصرات مَاءً ثجّاجاً، وجعلت الشمس والقمر للبرية سراجاً وهّاجاً، من غير أن تُمَارِسَ فيما ابتدأت به لُغوباً ولا عِلاجاً، فيا من تَوَحَّد بالعزِّ والبقاء، وقَهَرَ عباده بالموت والفناء، صل اللهم على محمد وآله الأتقياء، واْسمع ندائي، واْستجب دعائي، وحقق بفضلك أملي ورجائي، يا خير من دُعِي لكشف الضر والمأمول في كل عسر ويسر، بك أنزلت حاجتي فلا تَرُدّنِي من سَنِيِّ مواهبك خائباً يا كريم يا كريم يا كريم، برحمتك يا أرحم الراحمين، وصلى الله على خير خلقه محمد وآله أجمعين.
ثم اسجد وقل:
إلهي قلبي مَحجُوب، ونفسي مَعْيُوب، وعقلي مَغْلُوب، وهوائي غالب، وطاعتي قليل، ومعصيتي كثير، ولساني مُقِرٌ بالذنوب، فكيف حيلتي يا ستَّار العُيوب، ويا عَلاَّم الغُيوب، ويا كاشف الكُروب، اْغفر ذنوبي كُلَّهَا بحُرْمَةِ محمد وآل محمد، يا غفار يا غفار يا غفار برحمتك يا أرحم الراحمين.
| |
|
|
|
|
|
|
Re: بحرى طراوة (Re: وليد عبد اللطيف)
|
جمعه مباركه
يوم الجمعه يا عبد الكريم له طعم خاص وشكل اخص
بدءا من السوق ونفطر بي شنو وبعديها الناس تدومس وتقيل وين
وطبعا حتحتة فتر الاسبوع تتم ههنا
كل هذا بدءا وانتهاءا بالمصاريف .... الرغيف خمسه الف ... الشنو ما بعرفوا داك عشرين الف....
وهكذا يبدا وينتهي يومك بالاف كما في حروف العربية.
| |
|
|
|
|
|
|
Re: بحرى طراوة (Re: طارق ميرغني)
|
السلام عليكم بسلامتكم كلكم
حنصلي معاكم الجمعة في محيطكم الجغرافي
طارق... السودان ده أغلى بلد في العالم
تقولي شنو!!!
المهم حمدا لله على السلامة مرة ثانية
وإن شاء الله خليت الأهل والأخوان كويسين
وصاحبي د. علي وأولاده...
| |
|
|
|
|
|
|
Re: بحرى طراوة (Re: Kamal Karrar)
|
** إبن خالى. ** جُمعه مُباركه.. ## أها دى اول جمعه بعد العوده ,, الله عفاك من مصاريف الفطور ,, بس طلع مصاريف الغدا وظبطو عندكم ضيوف جايين على الغدا.. (وبالهنا والشفا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
## من إرشيف بحرى .. والزمن الجميل .. (ابو محمد فؤاد)
Quote: # مــدارس فــي بـــحــرى تـقـودك الــي بــحــرى الــحــكــومــيـــه:- ## الامـيــــــريــــــــه "1". ## الامـيــــــريــــــــه"2". ## الـسـكـه حــديــــد.. |
Quote: ## أماكن تجمعات شهيره لابناء بحرى:-
1/ كشك توتوكوره بالملتقي.. 2/ الاندلس مقابل البوسته بحرى.. |
Quote: ## احسن مطعم يمكنك أن تطلب منه وجبة سمك (الــخـــيـــام)..مؤخراً محمد ود فور بديوم بحرى.. ## احسن مطعم يمكنك أن تطلب منه قراصه أو عدس مع كبده (مني).. ## اول مطعم يقدم الدجاج البروست في بحرى هو مطعم الحمراء بدكاكين أوقاف مسجد الديوم وكان ملكاً لصديقنا في ذلك الزمان النقيب / هاشم سمكه - وكان يسكن الشعبيه.. ## احسن ليمون كان عند حسن نطيف.. ## احسن مخبز في بحري مخبز عمك عجايبي والعيش الشمسي الذي كان يوزعه علي البيوت بعجلة الفرن ذات السبت الامامي الذي توضع فيه طاولة العيش ويوزع علي البيوت صباحاً للإفطار وعند الساعه الواحده للغداء ومساءاً بعد المغرب للعشاء ,, وذلك قبل ظهور الافران الحديثه.. ## أحسن مخبزبين بعد ذلك مونديال بالختميه, ومخبز الشعبيه.. ## اشهر جابي للعوائد عم طلب بدراجته الرالي السوداء ودفتر العوائد الضخم مربوطاً خلفه بالدراجه وكان يسكن المزاد مجاوراًً لمنزل العم فتح الرحمن الجزار (والد الكجر والسر).. ### من ظرفاء بحرى الجُدد لاأنسي اخونا ابــو الـلـول من الشعبيه وعلي ماأعتقدأنه رحل منهاالي الحاج يوسف فهو فاكهة المبارايات بإستاد التحرير.. |
Quote: ** اول فنى إلكترونيات ببحرى ومن اولاد بحرى هو عبدالعزيز مانجل ولايزال محله جنوب نادى التحرير بالسوق.. |
| |
|
|
|
|
|
|
Re: بحرى طراوة (Re: عبدالكريم أحمد الامين)
|
## من إرشيف بحرى نقل لنا ود سعيد "ابو رزقه" هذا الإبداع للشاعر الاستاذ محمد أحمد سوركتى:-
بحراوي بريدك يا بحري
Quote: بحراوي بريدك يا بحري وفى عيوني خيالك لو تدري ما إنت وليدة النيل بجري وجمعتني معاك أحلام صغري بحراوي بريدك يا بحري يا راقية وحلوة ووناسا ياعظمة تفاخر بى ناسا الحلوة زمان إنت أساسا والنغمة الرائع إحساسا سكنت أعماقك من بدري بحراوي بريدك يا بحري يا بحري يا فن يا مزيقا أولادك أعلام وحقيقـة أحضانك أوعت وما بخلت على كل شبابك يا أنيقة بحراوي بريدك يا بحري محروسة وصادق إيمانك بشيوخك وقببك وإنسانك فيك خوجلي حافظ لكيانك وفيك حمد الرافع من شانك وأبو هاشم تاجك وبيانك بركاتم هى الحارساك ودعواتم تمسح أحزانك يا طايعة ودايماً تنستري بحراوي بريدك يا بحري
الشاعر الاستاذ / محمد أحمد سوركتى. |
| |
|
|
|
|
|
|
Re: بحرى طراوة (Re: عبدالكريم أحمد الامين)
|
## من إرشيف بحرى ست الهوى والطراوه – طارق ميرغنى.
سوق الدناقله:
Quote: تناوله اخوتي من قبل ولكني اركز علي البشر .
من اقدم الاسواق ببحري يتكون كما هو الآن من اربعة نواصي متقابلات كان يعمره الكثير من اليمانيه لان في ذلك الزمن ونحن صغار كانت ادراة كنتين او دكان لا يشتغلها السودانيون لذا كان يمتهنها فقط اليمانيه. من اشهر اصحاب المحلات حينها اليماني محمد صالح ( ابو رقبه ) كنا نسميه كذا لطول عنقه. واذكر له انه كان السكر يباع في قرطاس يصنع من الورق والناس تشتري قدر حاجتها فقط يعني رطل، نص رطل وكان صالح اب رقبه يبل صباعه بفمه ليفصل الورق لعمل القرطاس وكان والدي رحمة الله عليه لا يرضي بهذه الحركه. فيقول له بعد كل بله : غير الورقه دي وما تبل صباعك. يرمي صالح الورقه ولاستبدالها يبل مرة اخري وتتكرر هذه البله وتغيير الورقه كل مره.
ايضا من كبار واوائل السودانيين اصحاب الدكاكين عمنا سعيد والد الوزير حاليا ابن الدناقله الفريق عبد الرحمن سعيد وايضا دكان عمنا دقل وكانت هنالك الطاحونة التي يديرها رجل عينه من زجاج لا اذكر اسمه حاليا وهو مشلخ دنقلاوي بالطبع. كان هنالك الحلواني الذي يديره عمنا محي الدين والد ناس عمر ظعموط وكان يشتهر بفول ما اروعه. من قدامي سكان تلك المنطقة من سوق الدناقله اسرة محجوب الفيل -الفريق تاج الدين خضر الجزولي ،استاذ شكر، اولاد خيري المرحوم الفنان محمد خيري واخوانه، عمك نصر صاحب بص السوق الشهير، اولاد كبكبي المرحوم محمد عبد الله النقابي الكبير رحمة الله عليه والذي سقطت طائرتهم ضمن وفد نقابي كان في زيارة للصين .الاستاذ المرحوم عباس شله ابن سروره الشايقيه المشهوره ، اسره عابدون والملاليج واسرة عثمان طه واولاد ساتي والجاك واسرة الصول المشهور عجبنا وبغدادي والسر حمامه المحامي المشهور والنقابي الكبير سعودي دراج والاستاذ يوسف ادريس واخيه الحلاق المشهور ابو الهول رحمهما الله وصبري ساتي لاعب الاتحاد واسرة احمد حميده فردة الثنائي الوطني وكان يتبني فرقة من الاطفال وعمر قيلي العازف المعروف واهلنا محجوب مساعد والدايه المشهوره الهاده وآل علي وشي واحمد كدوسو ولاعب الاتحاد الحاج أمل ومن ناحية مستشفي بعشر اسرة عطيه مبيوع وآل البروفسير هاشم عوض واخوته. والتومه بت كباشية خالة شلنكح ايضا الفنان احمد حميد من اقدم الممرضين ببحري وكان فنانا لحن العديد من الاعمال وغني له صلاح ابن الباديه ولا انسي اسرة صديقي المستشار حسن طه هذا ما استطعت تذكره.. |
| |
|
|
|
|
|
|
Re: بحرى طراوة (Re: عبدالكريم أحمد الامين)
|
## لكن بتبالغوا:- ** الكوتش :- عوض الله مُصطفى.. ## معقوله سته شهور ماتعكس ليك كوره واحده .. ** ابو النور:- أنور العجب.. ## قلنا قبل العرس مشغول بالتجهيز للعرس ,, وبعد العرس قلنا شهر العسل ,, اها معقوله عشره شهور ماتناول أخونا د. ابراهيم إى حاجه ,, سقتنا من ودرملى والجيلى و وقفت بينا فى شمبات "صرص" ولى هسه منتظرنك تواصل .... يالله حننتظر كتير؟؟؟؟؟ ** د.إبراهيم العجب:- ## بالله أفتح لينا سحارة ابو النور وناولنا إى حاجه.. (ودام الود بيننا) (ابو محمد فؤاد)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
أنت يا عبدالكريم في كده...
ولا ودخالك... مشى تنسم طراوة بحري..
وجا عندو لوثة كوارع ورهاب أسعار
بدل ما يجي يحدثنا عن حال ست الطراوة...
عمل ليهو ديوان بيغادي يتجشأ فيه
فسيخ وسخينة...
| |
|
|
|
|
|
|
Re: بحرى طراوة (Re: Kamal Karrar)
|
Quote: أنت يا عبدالكريم في كده... ولا ودخالك... مشى تنسم طراوة بحري.. وجا عندو لوثة كوارع ورهاب أسعار بدل ما يجي يحدثنا عن حال ست الطراوة...عمل ليهو ديوان بيغادي يتجشأ فيه فسيخ وسخينة |
** ود السر كرار ** الديوان الفتحو دا من الشافو فى دولة سازونيا ,, وحاتك لو ماعرس محمدو كان عبدالفتاح حمد حاصل للمشوار البكلف الزول تعب سنتين دا ومامنو فائده.. ** مع عبدالدافع الحصل ليهو ,, يكون من ست الهوى مانابو إلا مطره مطرتين ونسمه نسمتين وترتر جا راجع عشان مايدين ويتم باقى الاجازه ,, ياراجل دا بلد عايزا واحد يكون زى الجماعه منشار طالع ياكل نازل ياكل واقف ياكل نائم ياكل.. ** اها دا لاأنا ولا إنت ولا هو بيقدر عليهو ,, خليهو يفش غبينتو فى ديوانو الفتحو دا ,, وإحتلوهو أتنين إجارك الله لاعبين فيهو ون تو انا أفتكرتهم سمير دهب وعلى سعيد فى زمن التحرير تحرير.. (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
سلام سلام قلنا نرفع البوست عشان الحلوين يشوفونا تعرف يا ابومحمد فؤاد بوستات المناطق زي راية الحرب الواحد ما برضاها تنزل عندي سفره يومين للرياض وصادي باذن الله
سلام سلام
| |
|
|
|
|
|
|
Re: بحرى طراوة (Re: طارق ميرغني)
|
Quote: بي قدرة قادر عندي مداخله هنا لقيتا اتلحست مشت وين والله ما عارف ,المهم جاييكم بالصور بس الصبر الببل الابري... |
إبن خالى ** الخوف تكون ضلت الطريق للحله دى:- السودان ظريف .... بس عايز مصاريف ...!!!] ** وفى روايه أُخرى المنبر بقى قبل ماتضغط (أضف رد) تلقى العايز تضيقو إتلحس وركب الزلط ,, يعنى زى الجماعه البيكونو واقفين جنب البنوك يشوف زول صرف ليهو شيك وهو طالع من البنك يلحسوا ليك الفى جيبو ولو كان ظرف يخمشوهو ليك أثنين بس مدافعين عايزين يقفلو مُهاجم وعينك ماتشوف إلا النور.. ## أها إتربعنا ومستنيين الـــــصــــــــــــــــــور... (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
Quote: المهم جاييكم بالصور بس الصبر الببل الابري... ] |
آبري شنو مع السخينة بتاعتك دي؟؟
قال سخينة قال...
والله من الشيات والكوارع...
لمن بقيت تشبه لي المرحوم/ لطفي بتاع القضاء داك...
أها خليناك من شدو..
عشان ما تلحن لي "لحن القرابة والنسابة"...
طلع الصور... وحت الذكريات...
وأوعك من الصور البائسة... لأنو العمر بقى ما بيتحمل
كيف خلت بت ختمي والرعية...
إن ربنا مد في العمر.. عايز لي هبرة للرياض قبل رمضان..
في إنتظارك
| |
|
|
|
|
|
|
Re: بحرى طراوة (Re: طارق ميرغني)
|
طارق ده شنو؟؟؟
حالتي حذرتك من الصور البائسة...
يا أخي أستعمل خيالك الخصب داك...
وأرسم لينا صورة ذهنية من بحري زمان
وبعد داك أعمل الكاميرا...
دارت الدوائر,, بعد ما كنت بتعلمنا
أصول الفن.. بقينا ندلك...
بس معذور لأنو الخيال عطنتو بدهن الكوارع..
وعقمتو ببصل الفسيخ.. وأنت عارف التعقيم
بيقتل كل الجراثيم التخيلية...
أبقى ليك أستاذ/ رستم أنا,...
تاريخ الفن قال..
| |
|
|
|
|
|
|
Re: بحرى طراوة (Re: طارق ميرغني)
|
Quote: من اقدم الاسواق ببحري يتكون كما هو الآن من اربعة نواصي متقابلات كان يعمره الكثير من اليمانيه لان في ذلك الزمن ونحن صغار كانت ادراة كنتين او دكان لا يشتغلها السودانيون لذا كان يمتهنها فقط اليمانيه.
|
طارق ود الميرغني
صحيت ولا لسة .... طبعا اي واحد جاي من اجازة بكون فاقد نوم.
ذكرتنا الماضي الجميل مع سوق الدناقلة
بس
الدكان الناصية بالقرب من ناس محجوب الفيل .. دكان عمك يس ... صاحب أشهر وأجمل قدرة فول لانه الفول كان بيجيبو من الشمالية الي أن رحل الي الحاج يوسف وولده الآن ملحق عسكري باحدي الدول واثناء اجازتي زارنا في البيت بس مع النضارة.
ناس جميلين لا تفارقهم المودة والمحبة طول عمرهم والله يمد في عمرهم .
يشد القدرة بالليل امام الدكان
يجو ناس فلان وفلان _ شفاتة حلة الدناقلة - بعدما يشيلو من الفول العايزنو وهاك يا تراب في القدرة.. ودي شخصية معروفة من أعلام بحري لا اود ذكر اسمه.
بعدين تاني مالك نسيت دندرمة عمك محي الدين ... أخوكم كان متخصص
يعني بنعرف الباسكن روبنز قبل ما يخترعوه.
أولاد عز يعني . ود السر كرار ... ازيك صديقي الحبيب ابو محمد فؤاد برضو ازيك
والجميع برضو ازيكم
وتحياتي
| |
|
|
|
|
|
|
Re: بحرى طراوة (Re: حسن طه محمد)
|
Quote: اها يا كمال.....
كمبريدج في بحري ] |
أيوة ياطارق...
هات من العهد الفيكتوري... لما بحري كانت أنظف مدينة...
ولا زالت (نسبياطبعا) ... رغما عن القرف الحاصل والبحري ما عندها فيه سبب
| |
|
|
|
|
|
|
Re: بحرى طراوة (Re: حسن طه محمد)
|
Quote: ود السر كرار ... ازيك ] |
ود البوب وعليكم السلام ورحمة الله وبركاته...
من باب رد التحية بأحسن منها... ههههههههههه
يا ود البوب طبعا نحن سوق الدناقلة جنوب ده عندنا فيه ذكريات...
رغما من أنو أنا من مواليد الدناقلة شمال...
لكن برضو كان بنجيه.. لما نزور ناس تاج الدين...
وبرضو بتذكر فيهو طاحونة.. وبتذكر شخصية الدرملي
.. اما الدندرمة... كنت أستمتع لما ألاقي أولاد
عمك محي الدين وهم بيطحنوا في الثلج قدام بيتهم
في براميل إعداد الدندرمة آنذاك...
أنت يا ود البوب المسجد الخلف السوق ده... أسمو
مسجد منو؟؟ ممكن تلقي لينا الضوء عن إنشائه...
لأنو مما قمنا شفناه.. وهو مبني بشكل جيّد بمقاييس
ذلك الزمان...
تحياتي يا ود البوب
| |
|
|
|
|
|
|
Re: بحرى طراوة (Re: Kamal Karrar)
|
Quote: مسجد منو؟؟ ممكن تلقي لينا الضوء عن إنشائه...
لأنو مما قمنا شفناه.. وهو مبني بشكل جيّد بمقاييس |
أخي كملي
والله المسجد دا مما قمنا لقيناه
امامه كان صاحب الصوت الجميل الشيخ / سعيد عبد الرحمن ( يرحمه الله ) صاحب دكان في سوق الدناقلة.
والمؤذن هو والد الاخ بشري . أيضا ذو صوت جميل ( يرحمه الله ).
في يوم الجمعة كان يمتلئ عن آخره والمصلون في خارجه أكثر من الداخل خاصة مع وجود اشجار النيم الظليلة حوله.
أما الاسم فهو : جامع حي الدناقلة ولا أعرف له اسما غير ذلك.
كما قلت انت يا كمال جامع كان جميلا بمقاييس ذاك الزمن الجميل.
لا أدري حاله اليوم .... أخشي ان يكون قد أصابه ما أصاب غيره من الأماكن!!!!
دمتم؛؛
| |
|
|
|
|
|
|
Re: بحرى طراوة (Re: حسن طه محمد)
|
Quote: أنت يا ود البوب المسجد الخلف السوق ده... أسمو
مسجد منو؟؟ ممكن تلقي لينا الضوء عن إنشائه...
لأنو مما قمنا شفناه.. |
يا ود البوب فوت دي كيف ؟؟؟
يعني يا حيزبون انحن الشفع ديل ما حضرنا المسجد حضرتو انت يا ديناصور....!!
وقعت ليك ...
لدرجة انو تلقي لينا الضو كمان عن انشاءه
يعني من 1945 ولي ورا....
نحن طبعا قرينا في روضة ست ليلي وكنا بنرتل بالمسيحي...
| |
|
|
|
|
|
|
Re: بحرى طراوة (Re: Kamal Karrar)
|
Quote: سجل عندك يا استاذ عبد الكريم بوردابية جديدة من بنات بحري وعاشقات بحري. |
** بت الباشكاتب ** سلام مُربع وتعظيم سلام لناس حلة حمد.. ## حوش ود السر كرار بدون باب وإنتى ست بيت ماعايزا ليك عزومه ,, ## أها عايزا تستلمى ورديتك صباح ولى مساء ,, اصلو نظام الحوش دا شغال 24 ساعه ومافيهو إجازات.. (ودام الود والاحترام بين الجميع) (ابو محمد فؤاد)
| |
|
|
|
|
|
|
Re: بحرى طراوة (Re: حسن طه محمد)
|
Quote: لأنو مما قمنا شفناه..
والله المسجد دا مما قمنا لقيناه
|
طارق اخوي
هو قال : مما قمنا شفناه
وصاحبك قال مما قمنا لقيناه
يعني كلنا في الهم شرق ... بس انا حاولت المجاملة المطلوبة أحيانا .
أما اذا كان هناك من شاهده قبل 1945 فليرفع أصبعه ونحن سوف نقدم له واجب الولاء والطاعة .. والاحترام هنا من أوجب الواجبات واعتقد نحن الواجب بنعرفه كويس.
أما اذا كان سؤال من قال : مما قمنا شفناه .. من أجل الهروب فشخصكم الكريم خير من يتصدي لكل من يحاول الهرب وهم يبدو كثر.
أما صديقي كمال فمشيته لادغال آسيا ليس الا لاثبات أنه اذا واجه أسدا في تلك الادغال فسوف يصرعه ولا يستطيع منازلة الاسد الا من كان ليثا هصورا يمتلك من الشباب والقوة مثل صديقي العزيز.
قولك شنو هسه. دمتم،،
| |
|
|
|
|
|
|
Re: بحرى طراوة (Re: حسن طه محمد)
|
Quote: ياجماعة الخير انا من الجمعة الفاتت بقيت من سكان بحرى حلة حمد بعد رحلت بيتى يعنى البوست دا حاكون فيهو أساسى من الليلة قلتو شنو .؟ ] |
الأخ/ مزمل خيري...
ألف مرحب... وإن شاء الله حتشوف كيبف بحري بترحب بناسها...
أما بالنسبة لسؤالك الثاني... والله جل ناس بحري ديل
متفرعين من أي من المناطق التالي: حلة حمد، حلة خوجلي، الدناقلة جنوب، الدناقلة شمال، البدوان، كرش الفيل، الختمية، الديوم... ناهيك عن الإمتدادات الجديدة نسبيا.. زي المزاد والشعبية، والصافية، وما إلى ذلك...
أنا بالذات،بيت جدي كرار، في حلة حمد.. وبيت عمي محجوب كرار في حلة حمد، وبيت عمي عثمان كرار في حلة حمد...
وبرضو أمت بصلات قوية لكل أنحاء بحري
يا زول مراحب... وتعال لينا سااااااكت
| |
|
|
|
|
|
|
Re: بحرى طراوة (Re: Kamal Karrar)
|
Quote: أما صديقي كمال فمشيته لادغال آسيا ليس الا لاثبات أنه اذا واجه أسدا |
هيييع يا ود البوب
أسد بيشه المكرمد قمزاته متطابقات وبرضع في ضرايع العنّز الفاردات
مش أسد عليَ وفي الحروب نعامة...
إلا يا ود البوب..
أنا شايف جية د. عبدالمحمود قرَبت...
ولا شنو؟
لأني حاسي بإنو لابد ليك في رأي
| |
|
|
|
|
|
|
Re: بحرى طراوة (Re: مزمل خيرى)
|
** ود خيرى ** مساءك خير.. ** وابقى داخل وأستلم ورديتك بتوقيت السودان من 2 ضُهر لين الساعه 10 مسا.. ** وبعد دا نرحب بيك اصلو ست الهوى والطراوه ناسا ظاهرين ,, الواحد بيقدر يفروزوم من وسط زحمة البشر اللافين فى الفضاء الاسفيرى.. (ودام الود بين الجميع)
| |
|
|
|
|
|
|
Re: بحرى طراوة (Re: Kamal Karrar)
|
Quote: عبدالكريم... عضوان كريمان إنضما لأسرة الطراوة.. والله مكسب كبير |
** ود السر كرار ** اللاعبين الجُداد مُُهاجمين من حلة حمد..
** عندنا نقص فى الوسط والدفاع :- مُحتاجين للعيبه من حلة خوجلى والصبابى وشمبات والهجره والحلفايا والحاج يوسف ..
** قروش التسجيلات جاهزه.. بس كلم لينا الكشقيين يتحركو..
## نرحب ببت الباشكاتب وودخيرى مره تانيه .. ونقول ليهم ماتتقطعو وتم إعتمادكم من ضمن سكان الحوش على حسب آخر إحصاء تم قبل قليل.. (ودام الود بيننا)
| |
|
|
|
|
|
|
Re: بحرى طراوة (Re: عبدالكريم أحمد الامين)
|
تعرف يا عبدالكريم..
ودخالك كان معاي في التلفون قبل هنيهات...
طمني كثير على البوست.. وإنتشاره وسط البحراويين
يعني مجهودكم يا عبد الكريم ما وقع الواطة...
وأصبح بجانب التوثيق... لوحة إعلانية بحراوية
لكل نأس بحري ومريديها... بعد ده ما في داعي
ناس بحري تعمل بطاقات مداعي لأفراحها... بس يسجلوا
هنا أو يباصو الخبرية... وتكتمل العملية
برضو الأتراح لا قدر الله... البوست بقى يشكل
مرجعية لكل من يهمه من أمر بحري...
عشان كده يا عبد الكريم بحري فوق...
وطراوة شديد... والمايك عند اللعيبة الجدد
| |
|
|
|
|
|
|
Re: بحرى طراوة (Re: Kamal Karrar)
|
Quote: ** وقبل مايرد لحقتو ليك بالكوبليه التانى:- السوق الحُر من ماوقفو منو الشربه ماقامت ليهو قائمه وبحرى من ماقفلوا فيها مصنع البيره والشرى ماجات مطره إلا سيول 88 ,, كان داير ليك لبن فورموست ولى شوال سكر عندنا فى.. ## بالله سوق لينا فى سيرة أبو داؤود دى بالمهله وخلى المُسجل عالى شويه.. ## بالله بالرخصه الجديده بتاعتك خليت ليك العربيه البورش مليانه بنزين ببوست الشعبيه عشان تسلكا وهى واقفه بالشارع رقم 60 جنب صيدلية الشعبيه
يخرب بيوتكم يا عبد الكريم ووليد ... يعنى هسا هنا نجى داخلين نلقاها شري وبيرة
نزوغ على شعبيتنا نلقى الحاج حمد غلط وكتب شرى .. يعنى بالقوة دايرين ترجعونا ولا شنو
مرحب بنجوان وود بلدى مزمل خيرى
| |
|
|
|
|
|
|
Re: بحرى طراوة (Re: شمس الدين ساتى)
|
شمس الدين مسكاقنا.؟
Quote: مرحب بنجوان وود بلدى مزمل خيرى |
اولا شكرا على الترحيب فى بحرى وبوست بحرى طراوة وهاردلكـ كمان على الفضيحة ، اقصد الهزيمة النكراء .. قلوبنا معاكم والله .
| |
|
|
|
|
|
|
Re: بحرى طراوة (Re: طارق ميرغني)
|
** مُحب وعاشق بحرى عماد عثمان بيغريكم السلام وبيبارك ليكم مقدم الشهر الفضيل ,, وهذه مساهماته التى تم نشرها فى بوست بحرى ,, وهذه الاحصائيه منه هو شخصياً..
Quote: شكري وتقديري وجزيل امتناني للأعزاء عبد الرازق سعيد والحاج حمد الحاج وكمال كرار وعبد الكريم احمد الأمين وناهد بشير الطيب على تكرمكم بانزال ال 66 مشاركة السابقة في بوست بحري طراوة وهي على النحو الاتي :-
1/ الفنان عبد العزيز داؤود ( 1 )
2/ الفنان عبد العزيز داؤود ( 2 )
3/ الفنان عبد العزيز داؤود ( 3 )
4/ الفنان عبد العزيز داؤود ( 4 )
5/ الفنان عبد العزيز داؤود ( 5 )
6/ العميد عبد العزيز خالد العمده
7/ المهندس ميرغني علي مصطفى
8/ البروفسير عون الشريف قاسم ( 1 )
9/ البروفسير عون الشريف قاسم ( 2 )
10/ الشيخ حمد ود ام مريوم
11/ الشيخ خوجلي ابو الجاز
12/ الشيخ الحاج يوسف
13/ الشيخ الكباشي
14/ الشيخ زين العابدين
15/ البروفسير التجاني الماحي
16/ الدكتور والشاعر الزين عباس عمارة
17/ الدكتور عوض دكام
18 النقابي عبد الله نصر قناوي
19/ الصحفي محمد ميرغني سيد أحمد
20/ النقابي محمد السيد سلام
21/ الشاعر مصطفى بطران
22/ الشاعر ود الرضي
23/ الشاعر ادريس جماع
24/ الزعيم محمد نور الدين
25/ الشاعر الجاغريو
26/ الفنان خضر بشير
27/ الفنان السني الضوي
28/ الفنان ابراهيم ابوديه
29/ الفنان عبد الكريم الكابلي
30/ الفنان اسماعيل عبد المعين ( 1 )
31/ الفنان اسماعيل عبد المعين ( 2 )
32/ الممثل محمد خيري أحمد
33/ الموسيقي جمعة ابراهيم آدم
34/ الزعيم نصر الدين السيد مرجان
35/ عبد الله ملا ( شقيق نصر الدين السيد )
36/ البروفسير النذير دفع الله
37/ الصاغ عبد القادر الكدرو
38/ الثنائي عوض وابراهيم شمبات
39/ الفنان محمد ميرغني
40/ استراحة الجمعة ( الشاعر ود الرضي )
41/ استراحة الجمعة ( الشارع مصطفى بطران )
42/ استراحة الجمعة ( الشاعر الجاغريو )
43/ استرحة الجمعة ( الشاعر ابو آمنة حامد )
44/ حي الدناقلة ( الجزء الأول )
45/ حي الختمية
46/ حي الحاج يوسف
47/ دراسة فسيلوجية لحلة خوجلي
48/ شمبات حلتنا القديمة
49/ النقابي والرياضي محجوب الزبير
50/ لاعبي الهلال من بحري
51/ أسر بحراوية رياضية
52/ الرياضي شيخ ادريس كباشي
53/ الرياضي جمال الثعلب
54/ البروفسير محمد هاشم عوض
55/ مسميات بعض أحياء بحري
56/ رياضة بحراوية ( عبد الحميد كباشي وعلي سعيد وسمير دهب وأخرون )
57/ صور ناردة لأسماعيل عبد المعين وود الرضي وثنائي شمبات
58/ حراس المرمى ببحري
59/ حوار شيق مع سارة جاد الله
60/ مبدعات من بحري
61/سوق سعد قشرة
62/ اربعون صورة لشخصيات بحراوي ونبذة مختصرة عنهم
63/ شخصيات بحراوية لم يتم التطرق لها في البوست( 1 )
64/ شخيات بحراوية لم يتم التطرق لها في البوست ( 2 )
65/ شخصيات بحراوية لم يتم التطرق لها في البوست ( 3 ) |
Quote: 66/ تعريف بأهداف منظمة بحري مدينتي وهم لايزالون في انتظاركم للتواصل معهم لرفعة شأن بحري و اليكم أرقام جوالاتهم وهم :- أ / سامي محمد أبوبكر وهو من أبناء حلة خوجلي وهو الأمين العام للمنظمة 00249912968480 ب / عثمان حسن عبد القادر من أبناء حلة ومن قيادي المنظمة 00249912900533 |
Quote: واتمنى أن تكون تلك المشاركات قد صبت في الهدف الأساسي للبوست وسوف تغيب المشاركات خلال الفترة القادمة لظروف أسرية وعملية وأفسح المجال لوليد عبد اللطيف لينثر لكم ابداعاته وسنعود مرة اخرى لان بحري في حدقات عيوننا وتحياتي للجميع ورمضان كريم وتصومو وتفطرو على خير .
عماد عثمان أحمد - جدة |
| |
|
|
|
|
|
|
Re: بحرى طراوة (Re: طارق ميرغني)
|
** إبن خالى ** قلنا مع كمية المشاوى الضاربا والشامبيون والكوارع ,, تجى تسوق الصفحه سواقة حبشى لابس فنيله نص كم ورداء وسايق ليهو قندرانى فيات شاحن تقيل.. ** اها لى هسه سواقتو من الدناقله حدها الحلفايا وكبرى النيل الازرق .. ** إها نضفنا ليك الطريق وشلنا الحواجز ,, والجماعه بتاعين الجبايات اليوميه (الطبشيره) اديناهم إجازه مفتوحه ,, وباقى 16 كيلو وتعبر بالبضاعه الفى صفحة 45 لصفحة 46 ..
## الخوف واحد يجى خاشى فى حوشنا دا ويفتكر البضاعه حاجه تانيه ,, ونبقى فى التفاسير ..
(ودام الود بيننا)
| |
|
|
|
|
|
|
Re: بحرى طراوة (Re: Kamal Karrar)
|
اخي عبد الكريم في احصائيه بسيطه وجدت الاتي:
1- كمية الكوارع الاكلتها في الاجازه كداري بتوصل من المحطه الوسطي بحري لحدت بيت ناس صلاح جرب.
2- كمية السمك الحي والمملح والمتركن بتعبي بحيره صغيره نوع ناس تانا وكده
3- كمية الكمونيه الاكلتها شامله الجهاز الهضمي والرئتين بتهضم حكايه بتاعة تلاته خرتيت
4- كمية الشامبيون الشربتها بتملا اتنين طرمبة النحله
| |
|
|
|
|
|
|
|