Quote: وحقوا تعملوا زى ناس الامتداد ...حراسة دورية ...دورية الصباح ودورية المساء .العكاكيز تلقوهن وراء البوست ....
بت بشير الطيب حراسه أكثر من كده كيف 24 ساعه والله ناس الهدف ماقاعدين يشتغلوها ,, العكاكيز ماقاعدين نستعملا بس مشينا تمبول وإشترينا أسلحه الحكومه ماعندها (عوزى) مُهرب عن طريق الحبشه وسينا ووزعنا لاولاد بحرى الفي المنافي والفي الداخل ورسلنا ليك طبنجه (9 ملي) تلقيها في البلكونه في كيس لونو ابيض بذخيرتا ودخلنا بوستاتك في الخدمه مع الطراوه للحراسه.. ** في شغل أنطف من كده.. وبرضو تقولي لي ناس فلان حرسو بالعكاكيز.. ** وإذا استدعي الامر الروس الايام دى ببيعوا في الطيارات بنجيب لينا ميج 29 واولاد بحرى الطيارين علي قفا من يشيل.. ودام الود بين الجميع..
12-14-2008, 03:06 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
العزيز وهبه ود علي الحاج الطراده الجبتها دى والله في زمنا تقعدك 15 يوم من الرفاهيه,, ودى طرادة شلنكح ذاتا القال لصالح اليماني لمن كان بيقلب فيها مالا في عسكرى ناقص..
** ياخي الموقعين عليها كعمله مُبرئه للذمه اسمائهم تكفي...
12-14-2008, 08:36 PM
عبدالوهاب علي الحاج
عبدالوهاب علي الحاج
تاريخ التسجيل: 07-03-2008
مجموع المشاركات: 10548
Quote: الطراده الجبتها دى والله في زمنا تقعدك 15 يوم من الرفاهيه,, ودى طرادة شلنكح ذاتا القال لصالح اليماني لمن كان بيقلب فيها مالا في عسكرى ناقص..
والله انا مرة لقيت واحد واقعة في سوق المرغنية قربت تجيني ذبحة ياخ دي انا اشتريت منها جنس حاجات ما بتصدق الوان مويو والوان اقلام وكراس رسم وقلم دهبي(بالدال) ومحبرة من حبر مكي ابونعامة داك تتذكرو ؟ وماخليت حاجة كنت محتاج ليها ياخ الزمن داك جميل ياخ بس لو كان في سبيستون وام بي سي 3 كلن الناقصة تمت لكن الحمد لله .
12-14-2008, 08:55 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: والله انا مرة لقيت واحد واقعة في سوق المرغنية قربت تجيني ذبحة ياخ دي انا اشتريت منها جنس حاجات ما بتصدق الوان مويو والوان اقلام وكراس رسم وقلم دهبي(بالدال) ومحبرة من حبر مكي ابونعامة داك تتذكرو ؟ وماخليت حاجة كنت محتاج ليها ياخ الزمن داك جميل ياخ بس لو كان في سبيستون وام بي سي 3 كلن الناقصة تمت لكن الحمد لله .
ود علي الحاج وبعد دا كلو مُمكن تتعشي منها وتدخل سينماالصافيه بلكونه وعمك قصوده يكون أخد ليهو دقسه والفيلم يشخشخ وجماعتك في الشعب يتحفهو ليك بالفاظم العجيبه ديك .. لكن لو سبيس توون وام بي س 3 , أُم الحفر والبلي وسكج بكج وحريناوالرمه والحراس وسك بالتحيه وشليل كنا عرفناهم.. ** وهبه:- للاسف نحن شعب عاش الحضاره والرفاهيه بأثر رجعي ,, فلن يعود هذا الزمن الجميل..
12-14-2008, 09:28 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: أما صاحبك علي الحوري فكان في الجيش ونزل برتبة عقيد وهو متزوج شقيقة صديقي حسن المدير المحامي وخليها في سرك علي صار جد في أجازتي ضربنا سماية بنته رانياوأبنته الأخري زوجها إبن أخت أحمد علي ومعاكم بالأمارات
ود ساتي لك كل الود إذ لم نلتقي مُنذ السبعينات ,, ود الحورى بقى جد والله ناس الباوقه كبروا سعادة العقيد(م) وكيف ننسي الايام الجميله فى الاميريه (2) ونشاط المنازل.. ** مرحب بيك في حوش بكرى ومرحب بيك في بيتيك :- بحرى ست الهوى والطراوه والشعبيه..
12-14-2008, 09:36 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
صاحب البيت الأخ كمال وسكان البيت المقيمين بصفة دائمة والزوار الكرام السلام عليكم ورحمة الله وبركاته بعد غيبة طويلة أعود إليكم عشان أقول ليكم كل عام وأنتم بألف خير وبحري دايماً طراوة ونداوة وبهجة ولقيت البوست عامر وواصلت ما أنقطع وقريت كل ما كتب حرفا حرفا أكثر من خمسة ساعات متواصلة وفعلا بحري وأهل بحري كلهم ناس طيبين وبوست أكثر من رائع ربنا يحفظكم ويديكم العافية وإن شاء الله تامين ولامين ومجتمعين في بحري دايماً
12-15-2008, 07:31 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: أبا محمد فؤاد... أنت ماعارف التواكيل بتجيب الهواء .. لكن غايتو بماأنك ولدنا وكده وبنضمنك ما بتبيعنا بالتوكيل وكلناك
ود السر كرار والله الجماعه في دولة سازونيا الحضاريه مامُحتاجين لتوكيل وبيعتبروه موضه قديمه ,, ياخي ديل مُمكن بصورتك الشخصيه يطلعو ليك بطاقه وجنسيه وجواز وشهادة بحث (بدل فاقد) لإى حاجه قطعة أرض , سياره , مزرعه ,, وتلقاهم باعوها وإنت ركبت الهوا ومن دون توكيل عام أو خاص ...
12-15-2008, 02:46 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: وتلقاهم باعوها وإنت ركبت الهوا ومن دون توكيل عام أو خاص ... ]
أبا محمد فؤاد...
مالك داير تقطع قلبنا... مشروع العمر.. وما تبقى من فلوس بعد ما دفعنا للحكومة وتعليم الأبناء.. رميناه في شمبات... ولا زال كل ما يصبح يوم بنسوي حاجة... بعد ده كلو نركب الهواء...
غايتو إن شاء الله ما يحصل لكن لو ده حصل... يا دوشكا طريقك وين؟؟؟:
12-15-2008, 01:23 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: اعزائي يبدو ان حجاج بيت الله الحرام بعد ان نثروا الفرح والسرور في كل ارجاء العالم من تلك البقعة الطاهرة ، لم ينسوا ككل موسم ان ينثروا بعض فيروسات الانفلونزا التي اصابني جزء نذير منها لذا لم اتداخل مرغما فاعذروني.
إبن خالي كـــفــاره وســـلامـــتـــــك ,, وإنشاء الله ماتـــشـــوف شـــــر..
12-15-2008, 01:28 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
Quote: فيروسات الانفلونزا التي اصابني جزء نذير منها لذا لم اتداخل مرغما فاعذروني.
ده كلو عشان لا شية ولا ضلعة.. ولا سنكيت ولا دوش ولا سن برق...ولا حتى لسان أديتنا ليهو بعد أن تجشمنا الصعاب..وحضرنا لمنزلكم العامر...وكمان الحالة جايب معاي بدرالدين أخوي...
يا أخي كان تسأل تقول أتغديتو؟؟؟
طيب كان تجيب لينا شربوت يا أخي....
12-15-2008, 02:59 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
Quote: ده كلو عشان لا شية ولا ضلعة.. ولا سنكيت ولا دوش ولا سن برق...ولا حتى لسان أديتنا ليهو بعد أن تجشمنا الصعاب..وحضرنا لمنزلكم العامر...وكمان الحالة جايب معاي بدرالدين أخوي... يا أخي كان تسأل تقول أتغديتو؟؟؟
ياود السر كرار معقول ود ميرغني علي مصطفي يعمل كدا ,, بعدين ماعارفين الزياره كان وقتها متين ,, بعدين ياكيمو ود خالي البيكرم الغاشي والماشي قبل مايغترب بيبخل علي أخوهو غير الشقيق وكمان في الغربه الكربه.. ودام الود بيننا...
12-15-2008, 06:50 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
سلام للجميع في بالي اليوم أجي اكتب بوست واعنونه (في بحري السماحة)، وافاجأ بهذا البوست الجميل أنا ما قريته كله لذا بعد أن افرغ منه لنا عودة إن شاء الله وانتظرونا تحياتي
الاخوان عبد الكريم وعبد الرازق تحياتي تتذكروا عندما اتحفنا الاخوان كمال كرار وصحبه بابداعاتهم الشعرية فى البوست قبل فترة وانتوا قلتوا لى بانى ورغم سكني جوار منزل الشاعر يوسف التني ما قادر اكتب قصيدة ،والظاهر انكم ماعارفين انوأبني عمي وجاركم فى الحي المرحوم الدكتور معتصم أحمد جبريل لو وجد المجال فى اجهزة الاعلام لإبراز موهبته الشعرية لاصبح من أكبر شعراء السودان يعني الشعر عندنا فى الاسرة ومامحتاج لجوار الشعراء والان قام شقيقي محمد بجمع قصائده تمهيداً لطبعها فى ديوان فى أحدي مطابع الرياض ، وارسل لى مجموعة منها وهاكم أحدي قصائده اتمني ان تنال اعجابكم ،ورحم اللة د.معتصم وادخله الجنة مع الصديقين والشهداء.
عندي قدرك عندي قدرك أكبر مما جال ومما سيجول بفكرك أن تعرفى قدرك عندي أمر يحتاج لصبر أيوبي لأصبرك عمرك لن تعرفي قدرك عندي عمرك ولو أصررتي كل جهودي سأحاولها عل جهودي تثمر في أمرك عندي قدرك لو وجدك في غم لأسرك لا يحمل ثانية أمراً يدخل هماً في صدرك ما ملت نفسي يوماً ذكراك بل تجد النشوة في ذكرك وما هفا قلبي يوماً لسواك وليوم ما عرف هوى غيرك وحق أريج الياسمين الفواح ياسمين قدرك عندي يزهر كل صباح لا يبخل أبداً بالأزهار كباقي الزهر فيختلق الأعذار وكثيراً غالب أقسى الأطوار فكم ريح عاصفة واجه في إصرار وكم من أخطار فأحال الريح نسيم ربيع يحمل عطراً فواحا من زهر كم بهر الأنظار ليلاً ونهار هل يوماً أشجاك الكروان ؟ وقدرك عندي أتمنى أن أصبح كرواناً لأحلق في كل مكان أشدو عزب الألحان عن حب أحكي لن تعرفه الأزمان من قيس هذا ؟ حتى يصبح مثل أعلى للعشق الولهان قدرك عندي صيرني أمهر ربان كم قاد سفينتنا رغم شراسة موج البحر فأوصلها بر أمان وهمي قدرك عندي لأعبر عن جزء منه احتاج لألف لسان عمرك لن تعرفي قدرك عندي عمر
12-16-2008, 12:24 PM
معاوية محمد الحسن
معاوية محمد الحسن
تاريخ التسجيل: 03-22-2008
مجموع المشاركات: 1590
وهذه جزء قصيدة أخري للمرحوم معتصم فى هجاء نظام الانقاذ بعد ان تم إعتقاله مع مجموعة من زملائه الاطباء من مستشفي بحري وتعذيبهم فى احدي بيوت الاشباح .
يا ظلمة هل تاهت حتى بواقي رؤى حقٍ فيكم أم أنها أصلاً كانت منعدمة يا من في عامين أحلتم نضرة آمال السودان سواداً ورمادْ يا من عُهْر وجبن رصاص مطامعكم لوث طهر نقاء دماء الأكبادْ يا من أوهمكم تيه وزيف السلطان فصدقتم أنكمو حقاً صرتم أسياد فطاردتم بالأحقاد إنساناً خصاه إلهه بالحكمة فأدخلتوه الزنزانات لإسباب واهيةٍ مُخْتَلَقةْ حتى لا ببلاغٍ تحملهُ ورقة لتغذيبه فترهبه وأُسقِط في أيديكم حين رأيتم أن جبينهُ أزداد ضياءاً وضاء وأعلمكم أنكمو ما عذبتوه ركلاً أو سجناً أو تنكيلاً لكن عذبتوه حياء لأنكم بالنسبة له مجرد أبناء وكان توقعه أنه لا يوجد أبداً في طيبة أرضنا هذى أبناءاً عاقوا الأباء وكنتم أنتم أول من عاقْ
12-16-2008, 02:18 PM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
الاخوان كمال وعبد الكريم وعبد الرازق شكرا لكم وياكمال دكتور معتصم واعتقد انه دفعتكم انتقل الى رحمة اللة تعالى فجاة فى شهر فبراير 2007 وقد كان فى كامل صحته وعافيته وقد كان موته صدمة للجميع لم نفق منها حتى الان ،فقد كان انساناً بكل ماتحمله كلمة الانسانية من معني .وهو ابن خال هاشم كرار رحمه اللة واسكنه فسيح جناته ،وشقيقه دكتور صلاح لازال معكم فى السعودية فى مدينة جدة
12-16-2008, 05:22 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
ياجماعه والله البوست دا ماشاء الله بقي راكب ابولو 26 ,, يعني لو مافتحتو كل نص ساعه حتكون زى الزول المُمتحن شهاده وعايز يذاكر الماده الليله وبكره الامتحان...
يا ناس بحري والخرطوم وامدرمان وامتداداتهم الف تحية ومليييييييييييييييييييييييار سلام.... وكل السودان ما يتخير عن بعضه.... عندي سؤال صغيروني اخي ود كرار لو سمحته الصورة دي سنة كم ؟؟ والحلوين ديل منو ؟؟؟؟ والآن وين؟؟؟؟ تحياتي ومودتي....
12-16-2008, 07:21 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
انا شخصياً عرفتهم ياكمال وهم الاثنين كمية من التهذيب والاخلاق والهدوء وجعفر كان معانا فى الفرع اثناء عمله فى احدي البنوك وتحول بعد التخرج للادارة القانونية فى ذات البنك
12-16-2008, 08:43 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
طبعا يااخوانا الكلام المقتبس ده جايباه من بوست بائعة الطواقى وقلت لى اخونا عبدالكريم... بحكى ليكم بى غادى قصة سلوى بوتيك دى مع الاخوان الديناصورات منهم والشباب... موضوع سلوى بوتيك نزل قبل كم سنة فى جريدة الخرطوم كنت نزلته هناك ...نزل فى موضوع طريف بجيبه ليكم كااامل يوممن الايام ... بس ذكرونى وكده المهم واحدة مجننه راجلها بالفتيش فى جيوبه بس تنكت ماخلت ورقة ماقرتها يوم لما كان بيصلى طوالى فتشت المحفظة لقت اوراق كتيرة من ضمنها ورقة صغييييييرة محشورة فى قاع قاع الجزلان ...شالتها ومشت فتحتها لقت فيها لستة منصرفات ومعاهم لقت كلمة (سلوى 5 جنيهات) القيامة قامت وماقعدت سلوى دى منو .. قال ليها الورقة دى ليها 25 سنة وسلوى دى سلوى بوتيك وال 5 جنيه كان اشتريت لى قميص بيها
ياااااهو زاتو ....عمك رحمة الله عليه ابراهيم صالح ابو غازى وغانم....بتعرف الاقباط يااخ كمال ناس لطفى الفى شارع الازهرى حاليا بعدين ناس شونة كمان ...ناس عبدالمنعم وناس محمد امام بتاع الجمارك وناس كلم ...وناس عبده الشيخ وناس برونة ويحى الطاهر المارشال ومامون بتاع برامج الرياضة ....ديل كلهم فى المنطقة دى ..
هشام مشغووول اليومين ديل قراية ساكت مالاقيى ليها وقت ...
Quote: وغانم....بتعرف الاقباط يااخ كمال ناس لطفى الفى شارع الازهرى حاليا بعدين ناس شونة كمان ...ناس عبدالمنعم وناس محمد امام بتاع الجمارك وناس كلم ...وناس عبده الشيخ وناس برونة ويحى الطاهر المارشال ومامون بتاع برامج الرياضة ....ديل كلهم فى المنطقة دى ..
وجيران باتا كان ناس الرجوبة... وبعدهم بمسافة ليست بعيدة ناس "ونجت برسوم" وناس كردفاني قبل أن يرتحلوا إلى الصافية.. وبعدها عيادة هاشم ياجي.. وبعرف ناس كلم.. لأنو علي كلم وهو طيار حربي درس معانا في بحري الثانوية. وناس محمد إمام معروفين.. وأعتقد يحى الطاهر كان عنده دكان في الناصية... وبالقرب منه سكن لفترة صديقنا المرحوم إسلام عمر فضل الله وهو إبن عمة هشام عبدالله السيد جيران ناس هشام رضا في الأملاك..وطبعا عبده الشيخ معروف ..وبرضو كان ولا زال منزل نديم بتاع السكة حديد.. وكذلك سكن شقيق خليل عثمان وأعتقد في الجهة المتاخمة للمزاد وكذلك بيت عمي الدكتور/ جعفر كرار، وإن كان تسكنه أحد بناته.. وإلى الشرق قليلا في إتجاه مدرية الحرية كان منزل وليد الأسيد وكان والده مديرا لمصلحة السجون وإلى الخلف وفي المزاد جنوب منزل المرحوم/ محمد خوجلي صالحين... وعييييييييييييييك
12-16-2008, 08:59 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: طبعا يااخوانا الكلام المقتبس ده جايباه من بوست بائعة الطواقى وقلت لى اخونا عبدالكريم... بحكى ليكم بى غادى قصة سلوى بوتيك دى مع الاخوان الديناصورات منهم والشباب... موضوع سلوى بوتيك نزل قبل كم سنة فى جريدة الخرطوم كنت نزلته هناك ...نزل فى موضوع طريف بجيبه ليكم كااامل يوم من الايام ... بس ذكرونى وكده
بت بشير الطيب قلتى ذكروني قصة سلوي بوتيك ,, اها ذكرناك ,, راجين الحكي... شفت السرعه في التذكير دى كيف ..
12-16-2008, 09:40 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: الاخت ناهد نسيتم الدكتور صلاح "المظلط" زوج القاصه ساميه حاج التوم لو الاسم صحيح الفائزة بجائزة القصة
طارق ميرغني ؛؛ إن كنت تقصد الدكتور صلاح زوج سامية حاج التوم شقيقة كل من الفاتح وطارق فهو يسكن في المزاد شمال مقابل إستاد التحرير وليس في الجهة التي ذكرتها .. في مربوع سلوى بوتيك لا ننسى عائلة دياب وأبنائه إبراهيم وعوض وبيتهم ملاصق لسلوى بوتيك من الجهة الشمالية عائلة محجوب زيادة حمور ومن أبنائه عاصم ، باسل وإسلام عائلة مقلد ، جمال مقلد وديل ممكن يطلعوا أقرباء ناهد عائلة حلاوة عائلة أبو جبل علاء ، بهاء وضياء سلوى بوتيك تحولت الآن إلى مطعم تركي فاخر بإسم الملتقى إذا لم تخني الذاكرة وإن شاء الله كل أعضاء البوست مدعوون إلى غداء عمل في هذا المطعم في أول إجازة قادمة ..
يحسب على جزمة بوش أنها ذكرت الناس شركة باتا وساتا وهذه المرة الجاية ممكن تتحول إلى شاتا بناءاً على تعدد إستخدامات الأحذية..
12-17-2008, 09:46 AM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: الاستاذه ناهد سلوي بوتيك لم تنقلب الي باتا ابدا . كان فيها معهد فنيي النسيج والناصية المقابله ليها هي اللي كانت باتا وانقلبت الي ساتا
كلامك صاح يا طارق...
سلوى بوتيك أصبحت فرع لمؤسسة الأسواق الحرة وذلك قبل ما تصبح مطعم فاخر كما قال أبورزقة...
أما حديثي السابق عن باتا فأنا أتحدث فعلا عن باتا في الجهة المقابلة لسلوى بوتيك ولم أنتبه لحديث ناهد عن إنقلابها لباتا...
طبعا بيت العم يس والد الصديق الدكتور/ شوقي يس كما ذكرت في تلك المنطقة... وكان مشهور بإنو دائما أمامه عربات برسم الإصلاح والتشييك وده .. زمن مافي بولتين بيتغير ولا سايفون زيت بيترمي... والحاجة أم الإختراع.. وناس عمك يس.. بقصديرة... يرجعوا ليك البولتين زي ما كان.. مش أرمي وجيب...
وبرضو بيت ناس شوقي فاتح على بيت ناس سليمان علي فضل .. وكان قدامنا في بحري الثانوية لو تذكره..
أما من الناحية الشرقية من المربوع فكان بيت سلكا أو سلكة.. أيهما اسرع
Quote: قصة سلوى بوتيك دى مع الاخوان الديناصورات ...
طيب يا ساده؛ سلوى بوتيك هذه عاصرناها من اللبنات الأولى ـ حرفياً ـ وأذكر العم محمدين صاحب العمارة دائم الحضور والمتابعة للبناء وينهانا ـ كأطفال ـ عن الجلوس واللعب في أكوام الرمل أمام العمارة منزلنا (إيجار) كان يجاورها ـ "هيته بالهيته" كما يقال ـ والجار الآخر كان المرحوم إبراهيم أحمد إمام مدير الجمارك الأسبق. المنزل السابق هذا حل محله الآن منزل آخر أكبر وأفخم .. بعد أن اكتمل البناء تم تأجيرها بداية لخبراء يابانيين من مصنع النسيج السوداني. تحولت لاحقاً ـ بعد مايو ـ لأسواق حره وسلوى بوتيك وهو الاسم الذي عرفت به منذ ذلك الحين على نفس الشارع وفي الناصية كان هنالك آل بشير حامد (مكان بوتيكات فساتين العرائس الآن)، وإلى الداخل آل شنان وآل دبلوك، وأمامنا كان منزل عزابة أساتذة أثاروا ضجيجاً وشغبا كثيراً في الحي المحافظ الهادئ واجبروا على الإخلاء في النهاية .. .
Quote: طارق ميرغني ؛؛ إن كنت تقصد الدكتور صلاح زوج سامية حاج التوم شقيقة كل من الفاتح وطارق فهو يسكن في المزاد شمال مقابل إستاد التحرير وليس في الجهة التي ذكرتها ..
يا ابو رزقه الكلام ده في اوائل السبعينيات عند زواج صلاح المظلط وهو كان زميل صديقنا فتحي ابو ديه ونحن وشلتنا ذهبنا نفره لضرب البيت جير وهذا
المنزل حينذاك كان ناصيه وحتي بابه برضو ناصيه او ركاني ويقع جنوب شرق بيت ناس كلم .
12-17-2008, 12:27 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: لأنو علي كلم وهو طيار حربي درس معانا في بحري الثانوية. وناس محمد إمام معروفين.. وأعتقد يحى الطاهر كان عنده دكان في الناصية...
ود السر كرار تصحيح بسيط اللواء أ.ح. علي كُلم حالياً المدير الإدارى للسلاح الطبي ,, والطيار حربي أخوه عثمان كُلم وقد تم إحالته للصالح العام (الخووووور) من الجماعه إياهم وقد تقاعد برتبة المُقدم وهو حالياً بعد حصوله علي الجنسيه الكنديه يعمل طياراً بالخطوط الجويه السودانيه... ودام الود بيننا.. (ابو محمد فؤاد)
12-17-2008, 12:45 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: على نفس الشارع وفي الناصية كان هنالك آل بشير حامد (مكان بوتيكات فساتين العرائس الآن)، وإلى الداخل آل شنان وآل دبلوك، وأمامنا كان منزل عزابة أساتذة أثاروا ضجيجاً وشغبا كثيراً في الحي المحافظ الهادئ واجبروا على الإخلاء في النهاية ..
** اها الليله شايف الفونيه فاتحه المزاد جنوب.. ** ولاننسي السباحه نوال برونه وشقيقاتها السباحات جيران ناس غازى إبراهيم صالح ,, وقطعة الارض الفاضيه قدام بيت ناس غازى وهي ملك الشهيد فاروق عثمان حمدناالله والتي لاتزال فاضيه حتى الآن ,, ومنها نتجه الي شارع المرحوم شيخ إدريس كباشي منزل القاضيين المرحوم مولانا د. عبدالله دفع الله قاضي المحكمه العليا ,, ومولانا محمد الحاج سعيد قاضي المحكمه العليا حالياً وقد إرتحل من المزاد الي المُهندسين (العوده) .. ** ونجي للبيوت الجنب ناس د. شوقي وخلف سلكا وحمرا نجد منزل المرحوم الميكانيكي عوض عمر خال عمر كو وعلي هينو ,, وجنب منزل ناس سليمان علي فضل اولاد مهدى عبدالغفار وعبدالعظيم وعمار ونمشي قدام شويه جنب بيت المرحوم محمد خوجلي صالحين ولاننسي بيت المرحو د. حسن فوزى وبيت تاج السر محمد جمعه (عباس ركس) لاعب التحرير في نهاية الثمانينات وبداية التسعينات , وعشان الناس ماتلخبط الكيمان عباس علي( ركس) سيد الاسم ساكن في المزاد شمال وهو أخو لطفي وحمزه عباس وكان كابتن الفريق القومي (ب) في 1963 .. ** ياناس المزاد جنوب لو نسينا زوول عليكم الله ضيفهو ..
12-17-2008, 12:28 PM
معاوية محمد الحسن
معاوية محمد الحسن
تاريخ التسجيل: 03-22-2008
مجموع المشاركات: 1590
وبمناسبة ذكر البيوت المجاورة لسلوي بوتيك ماتنسوا اسرة سر الختم دبلوك الاستاذ بالتدريب المهني وابنائه محمد وحاتم وابراهيم وصديق واخوانهم المقيمين فى الدمام منذ فترة طويلة وكذلك خالهم الظريف وخفيف الدم بشارة وسيارته الفلكسواجن وكان سكرتير انحاد السلة .
وكذلك نذكر أسرة المرحوم على الحسن وابنائه حاتم ومعتز وصلاح وطارق ومعتصم وياسر وجدو.
Quote: يا ابو رزقه الكلام ده في اوائل السبعينيات عند زواج صلاح المظلط
طارق ميرغني معليش كان كدة أنت بتتحدث عن أحداث قبل الميلاد زمن كيلو اللحمة بي عشرة قروش وكيلو الباسطة بي خمسة قروش بالتأكيد نحن لم نعاصر هذه الفترة ولكن علمنا هذه المعلومات من برنامج ديناصورات في حياتنا ... ربنا يديك الصحة والعافية ..
Quote: وعشان الناس ماتلخبط الكيمان عباس علي( ركس) سيد الاسم ساكن في المزاد شمال وهو أخو لطفي وحمزه عباس وكان كابتن الفريق القومي (ب) في 1963 ..
عبد الكريم شاهدت الكابتن عباس ركس لأول مرة قبل يومين في مقابلة معه في إحدى القنوات الفضائية السودانية ، أشار خلالها أنه إحترف في نادي العين الإماراتي بدءاً من موسم 1971 . وكما هو معروف فقد كان يلعب في الدفاع في فريق التحرير والمنتخب القومي وكان فريق العين في ذلك الوقت يعاني مشكلة في الهجوم فتحول إلى مهاجم وحصل على هداف الدوري الإماراتي مرتين متتاليتين خلال موسمي 1971/ 1972 ..
Quote: ** اها الليله شايف الفونيه فاتحه المزاد جنوب ..
looooooool
Quote: جيران ناس غازى إبراهيم صالح ,, وقطعة الارض الفاضيه قدام بيت ناس غازى وهي ملك الشهيد فاروق عثمان حمدناالله والتي لاتزال فاضيه حتى الآن ...,
طيب ما تنسى في نفس الشارع صديقنا د. محمد المبارك والذي التقيته لأول مرة منذ ما يربو على الأربعين عاماً الأسبوع الماضي في عزاء عمهم المرحوم صديـــــق إبراهيم .
12-17-2008, 04:37 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: طيب ما تنسى في نفس الشارع صديقنا د. محمد المبارك والذي التقيته لأول مرة منذ ما يربو على الأربعين عاماً الأسبوع الماضي في عزاء عمهم المرحوم صديـــــق إبراهيم .
يا دكتور...
رحم الله العم صديق...
محمد المبارك بعرفو بالحيل .. محمد المبارك مساعد..
لكن يا دكتور شفت البيت الملاصق لبيت المرحوم العم صديق..
ده بيت عمك السر كرار والدي وخال صديقك د. علي أحمد الطيب...
غالبا يكون لاقيت ناس بيتنا.. أصلا الوفاة تعتبر داخل البيت لما لنا من
علاقات طيبة بالعم صديق يرحمه الله وعائلته الكريمة..
تحياتي
12-17-2008, 04:50 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: طيب ما تنسى في نفس الشارع صديقنا د. محمد المبارك والذي التقيته لأول مرة منذ ما يربو على الأربعين عاماً الأسبوع الماضي في عزاء عمهم المرحوم صديـــــق إبراهيم
د. عبد المحمود تحياتنا لكل اسرة العم مُبارك د. محمد وجمال وجنابو نجيب وأخواتهم..
المشاركة التالية من عماد عثمان احمد – جدة الفنان الموسيقار - السني الضوي
- ولد الفنان السني احمد محمد الضوي بمدينة نوري بالولاية الشمالية في العام 1936 م وبدا دراسته بخلوة الشيخ الحسن كرار بنوري . . وسافر في بواكير صباه الى مدينة بورتسودان و استقر مع شقيقه الأكبر محمود السني المقيم بتلك المدينة والتحق بمدارس كمبوني وشد الرحال مرة اخرى الى مدينة الخرطوم واكمل دراسته بمدارس الأقباط وتخرج من المعهد الفني . . وتم تعيينه موظفا في ( شركة النور ) سابقا وحاليا ( الهيئة القومية للكهرباء ) حتى انتهاء خدمته و احالته للمعاش . - بدأ السني الضوي مسيرته الفنية اوائل الستينيات بعد ان تعلم عزف العود وكان يتغني باغنيات الراحل التاج مصطفى وبدايته مع التلحين كانت من خلال اشعار زميله في العمل ( شركة النور ) الشاعر محجوب سراج و أول تعاون له كان مع الفنان الراحل ابراهيم عوض في اغنيات مين قساك وليه بتسال وقاصدني ومامخليني وللفنانة الراحلة منى الخير اغنية غبت عني مالك ولعبت الصدفة والقدر الإلهي دورا كبيرا في ان يلتقي ثنائي العاصمة ( السني الضوي والراحل ابراهيم ابودية ) حيث ذهب الفنان المبتدئ حئنذاك ابراهيم ابودية الى الملحن السني الضوي من اجل اعطائه الحان لعدد من الأغنيات الخاصة به ليشق طريقه الفني بها وفي تلك الجلسة الفنية والتي كان حضورها الفنانة الراحلة منى الخير واللواء الشاعر جعفر فضل المولى قام السني الضوي بغناء احدي اغنيات الفنان الذري إبراهيم عوض وشاركه الغناء ابراهيم ابودية واكتشف اللواء جعفر فضل المولى ان هنالك تشابه وتجانس متناغم بين صوتيهما و اقترح عليهما ان يغني الاثنان معا كثنائي وعلى اثر ذلك وافق الاثنان وانضم لهم الفنان محمد الحويج واثمرت تلك الفترة عن عدد من الأغنيات مثل كلمة منك حلوة وحيرت قلبي معاك وفريد الحسن وبعد ذلك بفترة بسيطة شاءت الأقدار ان يتوفى الفنان محمد الحويج . . وتوقف السني الضوي وابودية عن الغناء لفترة وظن الجميع وخاصة اهل الفن بان الثلاثي قد انتهت مسيرتهم الفنية برحيل محمد الحويج . . ولكن استطاع الفنان الراحل عثمان حسين والملحن حسن بابكر ووزير التربية والتعليم الأسبق محمد توم التجاني من اعادتهما للغناء مرة اخرى . . ووظف السني الضوي كل امكانياته وقدراته الموسيقية من اجل الأستمرارية والنجاح في طريق الفن واستطاع الثنائي تثبيت اقدامهما في الساحة الفنية وذلك لتوافر عنصر العزيمة والإصرار والانسجام وحسن اختيارهما للكلمة الجيدة المنتقاة ورغبتهما في ان يقدما فنا محترما للناس واثمرت تلك التجربة المتماسكة عن العديد من الأغنيات الرائعة والتي رفد بها الثنائي وجدان الشعب السوداني ليكونا اشهر ثنائي في تاريخ الغناء السـوداني الحديث واكثرها جماهيرية واطولها عمرا . .
- نقاط سريعة :- - لم يستطيع الفنان السني الضوي الغناء بعد وفاة الراحل ابراهيم ابودية حيث يقول في ذلك : من الصعب ان يقف احد بجانبي ليغني معي بعد وفاة صديقي ورفيق دربي لاكثر من اربعون عاما وانا والراحل ابودية كنا روح واحدة في جسدين وانهما كاالتؤام . . هذا الحديث الرائع يدل على وفاء واصالة وطيب معدن الفنان الإنسان السني الضوي والجدير بالذكر ان السني الضوي كان سيصطحب ابراهيم ابودية الى لندن من اجل اكمال علاجه ولكن كانت يد المنون هي الأسرع . - من اقوال السني الضوي : لم يكن طريقنا الفني كثنائي سهلا وكان من الصعوبة ان تجد اعترافا عند الناس ونحن نطرح فننا لأول مرة خصوصا وظهورنا كانت الساحة تعج بالعمالقة امثال ابوداؤود واحمد المصطفى وعثمان حسين وغيرهم من الرواد ونحن عندما كنا نغني فان هدفنا هو اسعاد الناس . . وكثيرا ماكنت اقول لابودية : يا اخي انت مالك مادي بوزك كده ؟ فنجلس مع بعض ونتحدث كثيرا وعندما نبدا الغناء ننسى جميع مشاكلنا الخاصة . . له راي واضح في اداء المديح النبوي يبنى على انه لابد من وجود مواصفات خاصة للمديح حيث يقول في ذلك : المديح من اجمل الفنون ولكن تفريغ الحان الأغنيات العاطفية ووضع المديح عليها خطأ كبير تبعد عن المديح قدسيته لإرتباط تلك الالحان في الذهن بالغناء للحبيبة لكن المديح الذي اعنيه له مفردة ولحن يخصانه . . - الموسيقار يوسف الموصلي تحدث عن السني الضوي فقال : السني الضوي تجده في معظم الحناجر الندية تجده في ابن البادية في منى الخير في ثنائي العاصمة في عبد العزيز المبارك في اماني مراد عشرات الالحان من فئة السهل الممتنع تواضع نادر المثال , تهذيب ، ثقافة , معرفة . - تجربته مع الثنائي ايمان واماني خيري جاءت صدفة عن طريق والدهما المرحوم محمد خيري احمد ولمس السني الضوي لديهما الجدية اضافة الى اصواتهم الجميلة ومؤهلاتهم الأكاديمية واعطاهم بعض الأغنيات ووقف بجانبهم الى ثبتا اقدامهما في طريق الفن وبعد ان حققا ونالا نصيبا من النجاح سمح لهما باداء اغنيات الثنائي كاملا حيث كان يهدف الي تقديم غناء جيد وسط الغناء الهابط . كما وان الراحل ابراهيم ابودية كان موافقا على تغني الثنائي ايمان واماني خيري باغنيات ثنائي العاصمة وعندما سمعهما اول مرة قال عبارة مؤثرة : ( انتو كده عبرتوا عننا تماما ). . - من محبي وعشاق نادي الهلال العاصمي عكس الراحل ابودية الذي كان من محبي نادي المريخ . - من الملاحظ ان اشهر الثنائيات في تاريخ الغناء السوداني كانت من مدينة بحري ست الهوى والطراوة فنجد ثنائي شمبات (عوض وابراهيم شمبات ) في فترة حقيبة الفن وثنائي العاصمة في فترة الغناء الحديث وحاليا الثنائي ايمان واماني خيري وهكذا بحري دوما هي مدينة الفن والجمال . . - أغنيات عاطفية :- ·الشاعر مبارك المغربي : فريد الحسن , بدر سامي علاهو . ·الشاعر محجوب سراج : حيرت قلبي معاك . ·الشاعر عباس احمد : وصوني عليك . ·الشاعر محمد يوسف موسى : وحياة المحبة . ·الشاعر كمال محجوب : في ضميرك , البينا عامرة , نهر الريد . ·الشاعر عبد الله حامد : كلمة منك حلوة . ·الشاعر سيف الدين الدسوقي : سالتم يوم علينا . ·الشاعر محمد طرنجة : طريق الامل ( ليه نندم على الماضي وزمانا الراح ) ·الشاعر علي شبيكة : ناس قراب منك , لما ترجع , وين تاني نلقى الامان , طيب شذاك , دنيا الريد غريبة , متين يا على النظر , والله وحدوا بينا , ماقالوا عليك حنين , معايا معايا , عارفني بريدو , ناس ناسيانا , , الله عليك يا اجمل زول , طول مفارق حيه , نتلاقى زي اغراب , الاحاسيس النبيلة , امرك ياحلو , خسارة ياقلبي الحزين , سكة السفر , يادنيا شوفي البينا , بحبك انت , وحاة الريد , ياريت بدالك , يانا الزمان ياناس مالكم نسيتونا , انا بهواك , راحو الحنان . ·أغنيات وطنية :- ·الشاعر علي شبيكة : بلادي , الشعب المعلم . ·أغنية حقيبة :- ·الشاعر محمد ود الرضي : نسائم الليل . ·مدائح نبوية :- ·الشاعر علي شبيكة : لمتين ازورك . ·( جميع الأعمال الغنائية المذكورة أعلاه من الحان السني الضوي ) ·أغنيات من الحان السني الضوي اهداها لزملائه الفنانين :- ·الفنان الراحل ابراهيم عوض : من قساك , ليه بتسال عني تاني , قاصدني ومامخليني . ·الفنانة الراحلة منى الخير : غبت عني مالك . ·الفنانة الراحلة اماني مراد : تلقى الدنيا فرحة . ·الفنان محمد ميرغني : شفتك وابتهجت , عاطفة وحنان . ·الفنان صلاح بن البادية : اول حب , امنتك عواطفي , الجرح الابيض . ·الفنان عبد العزيز المبارك : ليه ياقلبي , وصية محب .
·واصل السني عطائه السخي بعد توقفه عن الغناء بعد وفاة رفيق دربه ابراهيم ابودية وقدم العديد من الالحان للفنانين الشباب ايمانا منه بتواصل الاجيال ونذكر على سبيل المثال لا الحصر من اعماله الجديدة :- ·الفنان فيصل الصحافة : ياعبير , القريب وبعيد . ·الفنان رائد ميرغني : قلبي الحنين , ياسمين , مرة تاني , حكاية غرام . ·الفنان احمد الطيب ( البحراوي ) : حا تلاقي . ·الفنانة حياة محجوب : غيرة . ·الثنائي ايمان واماني خيري : تسلم ياغالي , عليك الله .
·واليكم كلمات الأغنية الرائعة بدر سامي علاهو للشاعر الكبير مبارك المغربي وهي إهداء خاص إلى الأخ العزيز / طارق ميرغني . .
بدر سامي علاهو – كلمات الشاعر مبارك المغربي بدر سامي علاهو مابطولو سماهو حبو شاغل فكري كيف اميل لسواهو * * لو تكلم غنا صوتو كلو محنة او تبسم تنظر بابتسامتو الجنة لو تمايل عودو كالغصون يتنى زاهي بين اترابو بالشباب والفتنة ده الفريد في حسنومافي زول بسواهو * * بدر ساطع نورو يفتنك تصويرو وتسحرك نظراتو يسكرك تعبيرو في الشعور والرقه ماوجدت مثيلو هو الدلال بي ذاتو والصعب تفسيرو في فؤادي احسو في عيوني اراهو * * في مفاتنك بشهد انت اصلك مفرد ومن مشاهد غيرك مابطيب لي مشهد إن وصفت جمالو الخدود تتورد شوقي لي لقياك كل يوم يتجدد إن وقفت حيالو قلبي وين القاهو
- تزوج السني الضوي من السيدة الكريمة عواطف احمد وله من الأبناء احمد ومحمد ومن البنات هويدا وفاطمة وهيام . - يستحق الفنان السني الضوي لقب موسيقار بكل جدارة نظير عطائه ومساهماته البارزة في اثراء الغناء السوداني الحديث من الحان عذبة وجميلة وخالدة في اذهان الشعب السوداني وختاما امنياتنا له بموفور الصحة والعافية ويطول عمره إنشاء الله .
كل عام والجميع بخير . . ورسالة شوق وحب للغائبين عن البوست وفي انتظار عودتهم لنا وعذرا لغياب المشاركات خلال الفترة السابقة والسلام عليكم ورحمة الله وبركاته . .
12-17-2008, 04:39 PM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
Quote: يا ناس بحري والخرطوم وامدرمان وامتداداتهم الف تحية ومليييييييييييييييييييييييار سلام.... وكل السودان ما يتخير عن بعضه..عندي سؤال صغيروني اخي ود كرار لو سمحته الصورة دي سنة كم ؟؟ والحلوين ديل منو ؟؟؟؟ والآن وين؟؟؟؟ تحياتي ومودتي....
أُختنا أُميمه مرحب بيك في ست الهوى والطراوووووه والتي يفوق سحرها وناسها إى بقعه في إى مكان ونعتز بذلك..
** سؤالك إجابتو :- الواقف دا سيد البيت ذاتو ود السر كرار والقاعد أخوه الصغير بدر الدين والبنيه دى أُختم(زينب) - الصوره دى متين علموا عند الله وغالباُ ماتكون لمن الانجليز كانوا كاشحين من السودان , سيد البيت في السعوديه وبيجي بكمل ليك باقي السعال ,, الاستديو البنايه الكان فيها غير موجوده علي الخريطه - التحميض تم ياستدويو العرايس بميدان التحرير بجمهوريه مصر - الصوره(3 صور) مع النيجاتف كلفت عمي السر كرار الله يرحمه خمسه قروش وكانت في ذلك الزمن ثروه وما إى واحد بقدر يصور اولادو شفت العز دا كيف - عز ورضاعة بز - القرايه فى الرهبات والاقباط والحبي في البلاط - وبحرى دائماً ست الهوى والطراوووووووووووه.. ** وماتنقطعي من بيت ناس بحرى دا فاتح زى الصيدليات الكبيره 24 ساعه بما فيها الجُمع...
12-17-2008, 04:46 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: كان من المقاولين على ما أعتقد وصاحب أول أستيديو للتصوير السريع وإبنه حامد محمدين كان الدفعة الورانا في الأميرية وبحري الثانوية وأظنه طبياالآن...
ود السر كرار العم محمد محمدين من اوائل المقاولين ببحرى مع العم علي ياسين وهو صاحب اول مصنع بُلاط بالمنطقه الصناعيه بحرى ولايزال هذا المصنع يعمل وهو خال اولاد عمك صلاح الشامي (عزت , جمال , معاويه ومجدى) ***وصاحب الاستديو هو شقيقه عبدالمنعم محمدين (استوديو محمدين) وشقيقهم الآخر هو مصطفي محمدين جار ناس المرحوم محجوب ود بت الويم وخالتي رجبيه بالمزاد ورحلو لشمبات الاراضى.. ** ابناء العم محمد محمدين :- د. حامد - إخصائي انف وأُذن وحنجره بالرياض -السعوديه الباشمهندس عـمـر بالسودان.. والمهندس يحيي - العين -الامارت . د. خالد طبيب بيطرى بالسعوديه..
12-17-2008, 05:11 PM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
Quote: يا ناس بحري والخرطوم وامدرمان وامتداداتهم الف تحية ومليييييييييييييييييييييييار سلام.... وكل السودان ما يتخير عن بعضه..عندي سؤال صغيروني اخي ود كرار لو سمحته الصورة دي سنة كم ؟؟ والحلوين ديل منو ؟؟؟؟ والآن وين؟؟؟؟ تحياتي ومودتي....
ود السر كرار هذه المُداخله كامله وكانت تحت موضوع عماد بتاع السني الضوى..
Quote: عبدالكريم سلامات .. أنت يا عبد الكريم مداخلة الأخت/ أميمة دي في ياتو صفحة..أنا خائف تكون قريبتي وعاملة لي شرك... لأنو عندي واحدة قريبتي بنفس الأسم..لما أراها من كم وكمين سنة وهي معاكم في (أبوظبي)...
** الاسم:-أُميمه محمود - البروفايل خالي من إى علامات سوى إنها female - عضوه جديده في يوليو 2008 ** المُداخله :- إتلحست لاسباب يجهلها مكتب الامن والحراسه بست الهوى والطراوه .. ** يُحال أمر البحث والتحرى لاولاد بحرى خبراء الكومبيوتر .. ** يتم تبليغ سيد البيت فوراً ونسخه لمكتب الامن والمُتابعه..
12-17-2008, 05:30 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: الاسم:-أُميمه محمود - البروفايل خالي من إى علامات سوى إنها female - عضوه جديده في يوليو 2008 ** المُداخله :- إتلحست لاسباب يجهلها مكتب الامن والحراسه بست الهوى والطراوه
الاخ كمال واللة نحن من الصباح فى البوست ده مداخلة اميمة دى تعمينا ماشفناها يبدو انو عبد الكريم محتاج يغير النظارة والخوف انو المشكلة ماتكون فى النظارة وتجيب ليها أوهام وتخيلات وعلاج فقراء كمان ولاشنو ياكريمو
12-17-2008, 08:35 PM
معاوية محمد الحسن
معاوية محمد الحسن
تاريخ التسجيل: 03-22-2008
مجموع المشاركات: 1590
Quote: لانو سلوي بوتيك زمان كانت محل المواعيد ويبدو انو الديناصورات كانوا بتشروا فيها عشان كده ماقادرين ينسوها
العزيز ابوعوه الديناصورات ديل كان نشاطهم قاصر علي شارع المدارس من مدرسة عشمانه لغايت الميرغنيه ولمن يحبو يغيروا بيعملوا غاره علي مدرسة الربعه جنب طلمبة أجب الفي نهاية المزاد المفتوح وبداية شمبات.. ** الديناصورات خليهم ,, اها الجماعه الكانت بتواعد في المُلازمين جنب فاربيتر كيف؟؟
12-17-2008, 08:39 PM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: الاخ كمال واللة نحن من الصباح فى البوست ده مداخلة اميمة دى تعمينا ماشفناهايبدو انو عبد الكريم محتاج يغير النظارة والخوف انو المشكلة ماتكون فى النظارة وتجيب ليها أوهام وتخيلات وعلاج فقراء كمان ولاشنو ياكريمو
العزيز ابو عوه والله النظاره مغيرا قبل شهر ,, اصلو هي نظاره ولا غيار زيت عربيه - اها إعتبرني إتلحست مع الهكر الحايم في الحوش دا - المُداخله بتاعت أُميمه دى جبتها من الكرنتينه - في فقراء بيعالجوهم فقراء ياخوى نحنا ابو لستك منو وفيهو وكان مكذبينى اسأل ودخالي طارق واسأل صاحبو ود السر كرار..
بدر ساطع نورو يفتنك تصويرو تسحرك نظراتو يسكرك تعبيرو في الشعور والرقه ما وجدت مثيلو في فؤادي باحسو وبي عيوني اراهو
في مفاتنك باشهد انت اصلك مفرد ومن مشاهد غيرك ما بطيب لي مشهد شوقي لي لقياك كل يوم يتجدد لو وصفت جمالك الخدود تتورد او وقفت حيالك قلبي وين القاهو ...!!!!
يا سلام ....يل سلام ... رحمة الله عليك اخي وصديقي ابراهيم ابو ديه .
شكرا الاستاذه ناهد بصوره للاخ لؤي الذي طالما اتحفنا بدرره الغالية واتمني من الله الا يحرمنا من هؤلاء المبدعين الذين لولاهم لجف المنبر واتمني عودته سريعا
ليعطر لنا كل المنبر .
يا ابن عمتي عبد الكريم باربكيو شنو في الكريسماس ده..؟ انتظر انا باكلم حمدو اخوي يجيب لينا تلاته جوز فسيخ من الحلبيه بتاعة سوق بحري ومعاها كيسين
دكوه وكوم ليمون وقزازة زيت عافيه وملوه بصل ابيض وسلطه ...ومن الجانب الآخر طبق بيض لزوم التلوين للحلب درجة اللون ابيض 1142 ولي فوق .
بعدين التلج ..اهم شيء التلج يكون باااااااااااارد. قال باربكيو قال..
12-18-2008, 10:10 AM
Kamal Karrar
Kamal Karrar
تاريخ التسجيل: 11-16-2006
مجموع المشاركات: 3734
Quote: وينكم يا ناس المزاد جنوب... أولاد المجمر.. أسعفونا
آل المجمر .. الأخ هشام ، عزام ، والأخت سهام وجودهم مهم في هذا البوست أتمنى أن يزوروا هذا البيت في أقرب وقت .. وكنت في مداخلة في بوست آخر يخص الأخ هشام طلبت منه تسجيل زيارة على الأقل لهذا البوست فوعد خيراً وأشار إلى أنه بصدد إعداد مادة توثيقية عن مدينة بحري .. يا هشام نحن في الإنتظار .. صفحة (26) ما شاء الله عليها منطلقة بسرعة الصاروخ فهل الإنسان في نهاية العام تحديداً يكون أكثر نشاطاً وحيوية وإلا هذه جات صدفة ..
12-18-2008, 09:17 AM
الحاج حمد الحاج
الحاج حمد الحاج
تاريخ التسجيل: 03-29-2008
مجموع المشاركات: 4800
Quote: سلوى بوتيك تحولت الآن إلى مطعم تركي فاخر بإسم الملتقى إذا لم تخني الذاكرة وإن شاء الله كل أعضاء البوست مدعوون إلى غداء عمل في هذا المطعم في أول إجازة قادمة ..
12-18-2008, 09:43 AM
عبدالكريم أحمد الامين
عبدالكريم أحمد الامين
تاريخ التسجيل: 08-04-2008
مجموع المشاركات: 6343
العزيز ابو عوه شايف سفينة الفضاء (26) مُنطلقه كيف نحو الميس باقي ليها 15 كيلو وتصل الميس وتسلم البيرق للسفينه رقم (27) ودا الرقم البتحبو ومنتظرو ليك زمن ,, بس طريقتك الشايفا دى إحتمال كبير ماتحصل تحجز وتركب في السفينه دى علي حسب مواعيدا..
12-18-2008, 10:42 AM
ناهد بشير الطيب
ناهد بشير الطيب
تاريخ التسجيل: 02-08-2008
مجموع المشاركات: 4180
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة