|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: كمان جابت ليها خلطات منشطة!!!! النشاط يسوو بو شنو؟؟ |
كمال
تحياتي
تعرف مسألة المنشطات دي في الخرطوم انتشرت انتشار مزعج
وما عارف الحكاية دي من شنو. والغريبة يوم واحد ما شفت زبون واقف قدام الناس ديل
لكين الاعلانات مالية لافتات المحال التجارية ولافتات زي بتاعة قريبنا دا وصحف الاعلان .
شي عسل وشي عروق وشي مغناطيس ودي كمان وهمة جديدة كان مغناطيس ما بعرفو
وزيت عباد شمس دا طبعا غير العقاقير الطبية وانا خايف السودانيين يكونوا انضربوا في آخر معاقلهم
وان شاء الله ربنا يصبح الحال ويولي من يصلح
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: تعرف مسألة المنشطات دي في الخرطوم انتشرت انتشار مزعج
وما عارف الحكاية دي من شنو |
الحكايه يا عبد الوهاب انو" الاخوان " الفلوسهم كتيره واقعين اشئ مرة شهيد وشئ بنات احفاد وشئ ما معروف والفلوس دي اتلمت بالساهل
والعمر روح ... وعشان ربنا " يعدل " حالهم لازم يستعملوا تلكم المنشطات. عرفت الحكايه شنو؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
كمال
تحياتي
تعرف حكاية ضعف الدفاعات دي ذكرتني قصة حقيقية حصلت لواحد من الاصدقاء وهو تاجر اسبيرات في المنطقة الصناعية سنة 2001 صاحبنا دا عندو مساعد في المحل راجل كدا عمرو في منتصف الخمسينات والتاجر صاحبنا دا برضو عمرو في النواحي دي .
يوم الخميس برسل المساعد بتاعو دا لامدرمان بجيبو ليهم بدرة كدا مسحوق لاحد اعضاء التمساح بقروش كتيرة بلحسوها زي المخدرات وبيمشوا جاهزين لمعركة الخميس (السخيفة).
في احدي الخمايس صاحبنا رسل المساعد بتاعو دا كالعادة وكان اسمو ( ابوالزهور) اهااا ابوالزهور دور العربية ومشى وجا راجع من غير المسحوق وشكلو كان متضايق . صاحبنا سألو : وين الفيلم يابوالزهور ابوالزهور كقال ليهو والله الليلة الراجل محلو قافل طيب ما كان تشوف اي واحد تاني ابوالزهور قال ليهو والله فتشت لمن الله غفر لي برضو ما لقيت صاحبنا قال ليهو اكان كدي الليلة الصومال بتضربنا
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
الجماعه ديل ليهم فترة قالوا ماشيين يجيبوا تلج ويجو صادين ماعارف عملو شكله في محل التلج والموضوع جاب ليهو بلاغات ,, ولى يكونو مُنتظرين التلج لسه مويه والقالب ناقص نشادر ولسه اللوح ماشدا حيلو عشان يبقي تلج ..
** قلنا نسأل الغيبه طولت وبيقولو الغائب عذرو معاهو:-
*المستشار ود طه. * صلاح شكوكو. *ناهد بشير.. *القموندان عبدالحقيظ حسن. *سيف الدين علي.. *يـاسـر حـامـــد.. *أبـــوعـبـيـــــدة.. *د. نـــــــــــواري.. *الزيـــــن حــسن .. *حــســـن بـشـيـر.. *د.إبراهيم قناوي.. *ولـيـد الـــسـيــد.. *ود الـــتـــلــــب .. *عــلــي سرالختم.. * PLAYER
* عابدون محمد عابدون.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
شخصيه من المزاد كان ذو همة عاليه ,, كان ساخراً حتي من نفسه ,, كان لاعب كره مُميز أنه المرحوم عثمان علي عثمان (بندوس) ,, (جنجا) ,, شارع ناس ود العجب وناس حلمي شكرى ,, وسنواصل ...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
المرحوم عثمان (بندوس) (جنجا) كلها القاب له ,, كان فارساُ من العصور التي إندثرت بشوش مرح ساخر اخو أخوان بكل ماتحمل هذه الكلمه من معاني ,, له صدر مظلي أو قل جندى من كتيبة المغاوير الفرنسيه ,, طول فارع ,, بنيه جُسمانيه متينه ,, ظهره به قليل من الاحدوداب يظهر أحياناً ويختفي ,,وبالرغم من بنيته الجسمانيه الظاهره قد توحي لمن لايعرفه بأنه شخص شرير ولكنه عكس ذلك تماماً ,, لم يدق بابه طالباً للمساعده ورده واحياناً يقدم يد العون قبل أن تُطلب منه ..
** تزاملنا في ملاعب كرة القدم برابطة المزاد وهي كما ذكرنا سابقاً من اوائل روابط الناشئين بالعاصمه المثلثه ,, كان لاعب وسط مُميز في إدائه وبالرغم من أنه يلعب من دون حذاء رياضي يطوع هذه المُستديره كما يُريد في ذلك الزمان..
** وجمعتنا جامعة بحرى الحكوميه في صف واحد وعند تخرجنا تقدم بطلب للإلتحاق بالكليه الحربيه وكما كان يسخر من الآخرين كان يسخر من نفسه ففي اول يوم للُمعاينات بنادى ضابط الجيش طلب منه الضابط :- *اسمع ياحاج ولدك ووصلتو إتخارج ,, فرد عليه بسخريته المعهوده :- ياجنجا أنا ذاتي مقدم تقول لي ولدك. ** وقفوهم صف وجنجا أعتي واحد في الصف لكن الصف غير مستقيم بسبب طهر جنجا البارز للخلف تارةً والمستقيم تارةً أُخرى فتم طرد كل الصف من المُعاينه..
*** تذكرته بالامس عندما شاهدت شرطياً شبيهاً له بشرطة دبي والتي كان يعمل بها وكان اول من استقبلني أسفل سلم الطائره في الثمانينات عند قدومى ..
*** المرحوم عثمان علي عثمان (جنجا) أو (بندوس) ,, شخصيه من الزمن الجميل له الرحمه ويادكتور إبراهيم ود العجب في إنتظار ماتجود به ذاكرتك عن هذا الاسطوره المارد والذى كان لاعباً بالمارد..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ياناس بحرى لعلكم طيبين ....انا كويسة ومتابعاكم خالص ..... عندى مشكلة دخول عصيبة ااشرحها ليكم بالتفصيل ولازم تساعدونى ..... ملحوظة ...(احيانا الرد ينزل واحيانا لأ)..... ولو نزل .....مرات بينزل باولاد ماما ومرات بى 51 ....والمهم انا مرة اضحك ومرة ابكى ومرة تغلبنى القراية فى البورد نفسه ...مشكلتى بتنحصر فى الاتى .....(بالله المتخصص فى الكمبيوتر يساعدنى )(الماعارفين يمتنعون)
اليكم المشكلة .....
بسجل دخول بباسورد جديد رسلوا لى بكرى ...بخش ...لكن يفتح لى المنبر صفحة (قبل يومين )يعنى الليلة يوم اربعه الفاتحة معاى يوم 2 بقول ماممشكلة اخش بوست بحرى او بيتى التانى واجرب فيه الرد ...ارد ليكم رد اتقطع فيه كدة (الرد) ارجع المنبر القى ولا فى رد ولا يحزنون بل وكمان البوست فى محله وكأنى مارفعته .... صفحة اليوم وامس مااقدر افتحهم نهائى .... استدعيت اخ بارع فى الكمبيوتر من البورداب لمساعدتى ...سجل اسمه ودخل بباسورده عادى اتكتب ليه (مرحبا بك ناهد بشير الطيب) .....اتخلع وقال بسم الله الرحمن الرحيم .... اها ياناس بحرى دى مشكلتى اللى حااقرأ ردى ليكم ده فيها بعد يومبن ... ورونى الحلل شنو مع الاخد فى الاعتبار انه يدى بتاكلنى للرد على كل واحد فيكم ...
____________________________________
ياحليل ايام زمان بالله كنت بقفل باب البوست بى وراى بعد ما(اقشقشه وارشه وارتبه) زمن _________________
وهكرنى وتفنن .......
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ياناس بحرى لعلكم طيبين ....انا كويسة ومتابعاكم خالص ..... عندى مشكلة دخول عصيبة ااشرحها ليكم بالتفصيل ولازم تساعدونى ..... ملحوظة ...(احيانا الرد ينزل واحيانا لأ)..... ولو نزل .....مرات بينزل باولاد ماما ومرات بى 51 ....والمهم انا مرة اضحك ومرة ابكى ومرة تغلبنى القراية فى البورد نفسه ...مشكلتى بتنحصر فى الاتى .....(بالله المتخصص فى الكمبيوتر يساعدنى )(الماعارفين يمتنعون)
اليكم المشكلة .....
بسجل دخول بباسورد جديد
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ياناس بحرى لعلكم طيبين ....انا كويسة ومتابعاكم خالص ..... عندى مشكلة دخول عصيبة ااشرحها ليكم بالتفصيل ولازم تساعدونى ..... ملحوظة ...(احيانا الرد ينزل واحيانا لأ)..... ولو نزل .....مرات بينزل باولاد ماما ومرات بى 51 ....والمهم انا مرة اضحك ومرة ابكى ومرة تغلبنى القراية فى البورد نفسه ...مشكلتى بتنحصر فى الاتى .....(بالله المتخصص فى الكمبيوتر يساعدنى )(الماعارفين يمتنعون)
اليكم المشكلة .....
بسجل دخول بباسورد جديد رسلوا لى بكرى ...بخش ...لكن يفتح لى المنبر صفحة (قبل يومين )يعنى الليلة يوم اربعه الفاتحة معاى يوم 2 بقول ماممشكلة اخش بوست بحرى او بيتى التانى واجرب فيه الرد ...ارد ليكم رد اتقطع فيه كدة (الرد) ارجع المنبر القى ولا فى رد ولا يحزنون بل وكمان البوست فى محله وكأنى مارفعته .... صفحة اليوم وامس مااقدر افتحهم نهائى .... استدعيت اخ بارع فى الكمبيوتر من البورداب لمساعدتى ...سجل اسمه ودخل بباسورده عادى اتكتب ليه (مرحبا بك ناهد بشير الطيب) .....اتخلع وقال بسم الله الرحمن الرحيم .... اها ياناس بحرى دى مشكلتى اللى حااقرأ ردى ليكم ده فيها بعد يومبن ... ورونى الحلل شنو مع الاخد فى الاعتبار انه يدى بتاكلنى للرد على كل واحد فيكم ...
____________________________________
ياحليل ايام زمان بالله كنت بقفل باب البوست بى وراى بعد ما(اقشقشه وارشه وارتبه) زمن _________________
وهكرنى وتفنن .......
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)
|
الاخ وهبه لك التحيه والتجله علي هذه المُنشطات البصريه والتي تُهيج المشاعر والشجون فهذه المناظر لايحس بقيمتها ومتعتها إلا البعيد عنها ,, وهذا المنظر يُذكرني بالعيد والشله قاطعه الكبري لـ BN وفيلم أجنبي جديد ,, وممكن العالم كانت مقيله في حفلة الكشافه البحريه وفي رحلة الاوبه لست الهوى والطراوه يكون هذا المنظر البديع ... شكراً وهبه مرة ثانيه وثالثه ورابعه والي مالانهايه..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالكريم أحمد الامين)
|
Quote: العزيز ابو عوه هو البغيبك يومين شنو , |
الاخ عبدالكريم سبب الغياب انو اليومين المضوا الجو فى الدوحة كان رهيب ومافى زول قعد فى البيت الناس كلها طاشة فى الكورنيس والحدائق وخائفين انو الجو ده مايتكرر قريب وخاصة انو صادف عطلة نهاية الأسبوع .
ومبروك إستحقيت جائزة الصفحة الجديدة وكمال كان رسل لى شيك على بياض لمن بديت صفحة تسعتاشر،بس عليك بمتابعته وحيصلك الشيك لحتى عندك .ولو لا مجهوداتك لكنا لسع فى صفحة عشرة .
رحم اللة بندوس فقط كان أحد ظرفاء المزاد ،وكنا قد بدينا نحكي عن المرجوم محجوب الدويم ولكن التهكير أدي لتوقف الكتابة عنه وسنواصل الحديث فهم يستحقوا التوثيق لهم ،رحمهم اللة رحمة واسعة جميعاً.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
وصلتني هذه الرسالة عبر البريد الإلكتروني من إبن المزاد الأخ مجدي سر الختم المقيم حالياً بهولندا.. مجدي متابع للبوست ووعد بإثرائه بالعديد من المداخلات ..
Quote: التحية والاجلال لكل من ساهم في هذ المنتدي الهادف . التحية والشوق الاشتياق الي اخواني عبدالرازق وأستاذي الزين حسن والاخ المهذب عبد الكريم محمد الامين . اخواني الاعزاء كم انا سعيد ان نتواصل عبر هذا المنتدي لنعيد بعض زكرياتنا الحلووووووووووووووووووووة أما عن اخباري انا الحمد لله رب العالمين مقيم في محافظة في جنوب هولندا (مدلبرغ) وربنا رزقني بملاز وساجدة ومحمد . اخوتي لقد تحدثت مع بدرالدين عبد الله في ما يجمعنا وهو النادي وتوصلنا الي بعض الاقتراحات :- 1- ان نحاول المساهمة في رفع مستوى النادي . 2- الذين يقيمون في أوروبا يساهموا بمبلغ 5 دولار شهريا 3- الذين يقيمون في الخليج حسب المقدرة والرسالة القادمة سوف نتحدث بصورة اوسع .. مع تحياتي لكم ؛؛
مجدي سرالختم تلفون : 0031118436415 أو موبايل : 0031630859349
|
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: وصلتني هذه الرسالة عبر البريد الإلكتروني من إبن المزاد الأخ مجدي سر الختم المقيم حالياً بهولندا.. مجدي متابع للبوست ووعد بإثرائه بالعديد من المداخلات .. |
أبو رزقه الود والتحيه للابن مجدى وآخر عهدي به عندما كان يدرس بالخرطوم القديمه وكنت في مهمة عمل بالخرطوم في ذلك الزمان وهو وزملاؤه في إنتظار المواصلات اوائل التسعينات وعرفت بعد عودتي للامارات ومن خلال تفقد اخبار الحي أنه هاجر الي اوربا ,, بدر الدين ودالدابي من زمن بعيد يتجاوز 25 عاماً لم اسمع إى أخبار عنه ولكن أعلم أنه اصبح مواطناً فرنسياً ,, لهم مني كل الاشواق والتحايا وأُثني إقتراحهما ونتمني أن نُعممه مُستقبلاً ليشمل مدارس حي المزاد وكل مايعود بالنفع العام لكل بحرى وليس حيزاً مكانياً مُعيناً ..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: يا عبد الكريم...
إقتراح الجائزة مناصفة بين البيبدأ الصفحة والبيقنطرها (مصطح كروي أغلب الظن أنه شائع)...
وأمشي شوف القنطر صفحة 20 منو؟؟؟ |
Quote: من هنا أطالب بجائزتي جراء قنطرة الصفحة رقم (19) والتي لولاها لما آتت الصفحة رقم (20) /B] |
ود السر كرار وابورزقه
إقتراح آخر إيه رأيكم البيقنطرها مُلزم بأنو يشوتا ,, يامشت أستاد التحرير أو عدت منو شقت الديوم لميدان عقرب .. رأيكم شنو ؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: إقتراح آخر إيه رأيكم البيقنطرها مُلزم بأنو يشوتا |
بالمناسبة ياجماعة القنطرة كانت ممنوعة وكل ماتعمل كوم التراب عشان تقنطرها يجي واحد من الخصم يشوت الكوم برجلو يقول ليك ماتقنطرها ،عشان كدة حقو البقنطرها فى البوست مايستحق جائزة
Quote: كان اليوم موعدنا مع الحلقه الثامنه من ظرفاء وأحياء في بحرى - ولكن نسبة لإنشغال الكوتش عوض الله مصطفي في مهام تتعلق بتطوير إداء الخطوط الجويه السودانيه |
ياعوض اللة ياخوي كان عندك كتابة لينا اكتبها وماتتعب نفسك ساكت الخطوط السودانية مابتتطور وزي مابقولوا أهلنا مرمي اللة مابترفع ،واحد صاحبي قال جدو وصاهو قبل مايموت انو يبعد من حاجتين الطيارة السودانية والمرأة السودانية ولحتى هسع ملتزم بالوصية
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: ياعوض اللة ياخوي كان عندك كتابة لينا اكتبها وماتتعب نفسك ساكت الخطوط السودانية مابتتطور وزي مابقولوا أهلنا مرمي اللة مابترفع ،واحد صاحبي قال :- جدو وصاهو قبل مايموت انو يبعد من حاجتين الطيارة السودانية والمرأة السودانية ولحتى هسع ملتزم بالوصية |
ابو عوه صاحبك دا ملتزم بالوصيه بشقيها ولى بشق واحد فقط ,, لو طلب إستشاره منك لوصية جدو قول ليهو الشق الاول بتاع وصية جدك صاح ,, والشق الثاني قول ليهو:- الجن البتعرفو ولا الجن المابتعرفو ,, يعني يمشى يجيب ليهو فيلم من دوله تانيه وعينك ماتشوف إلا النور وهاك يامراكز شرطه ,, وحقوق إنسان ,, دا لو ماصاحبك أنتهي به الحال الي عدد من الاكياس السودا الموزعه علي الشوارع..
(عدل بواسطة عبدالكريم أحمد الامين on 11-03-2008, 12:06 PM)
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
اولا دعوني اترحم علي علم من اعلام بحري والسودان وهو مولانا السيد احمد الميرغني رئيس مجلس راس الدولة السابق ومن اعيان الختميه
ومدينة بحري .
الا رحم الله الفقيد رحمة واسعة بقدر ما قدم لوطنه .
اللهم انزله منزل صدق مع الصديقين والشهداء وحسن اولئك رفيقا وانا لله وانا اليه راجعون.
الجو:
اخي معاويه في احدي الصفحات تحدثت عن الجو وهو كان يقع في الميدان الذي اقيمت فيه مستشفي احمد قاسم الآن حيث كان عباره عن كرقات او
رواكيب مصنوعه من الجوالات وسيقان الشجر وهي عباره عن مجموعه ضخمه من الخمارات كانت تقدم فيها الخمور البلديه مثل المريسه والعرقي
وكانت تفتح منذ الصباح الباكر وتضرب صفاره عند الساعة الخامسة مساءا للاغلاق بواسطة الشرطه وكان حينئذ مكانا شرعيا بعلم الدولة وكانت
تلك المنطقة عامرة باشجار المسكيت او العنكوليب ويوجد العديد من الحلاقين الذين يتكلون مراياتهم علي جذوع الشجر وكرسي للزبون وكانوا
دائما ما يطاردون بواسطة البلديه في منظر مضحك فيجري الحلاق حاملا المرايه والكرسي ويجري المحلوق من الجهة الثانية وغالبا ما
يتبادلون الاشارات للتعريف بمكان التلاقي لانه في معظم الاوقات يكون الرجل بشعر نصف محلوق ولابس الفوطه .
كان ايضا علي الجانب الغربي للميدان وعلي شارع المعونه يوجد مكان الصحه وهو عباره عن مستودع للجرادل حينما كانت لا توجد آبار او
سايفونات ببحري فكانت الادبخانات عباره عن غرفه لها مسطبه عاليه ومن الخارج يوجد باب حديدي صغير يدخل فيه جردل للاوساخ ويجمع هذا
الجردل بواسطة عمال الصحه الذين كان يطلق عليهم اسم " عيفونه " حينئذ وكانت تلك اكثر وظيفه مهينه في تاريخ البشريه.والحمد لله انتهت
في السبعينات من القرن الماضي .
كان في الجو يوجد بار واحد وهو بار حياة وهو البار الوحيد هناك والبار الوحيد الذي تمتلكه امرأة.
قام حريق كبير قضي علي الجو في نهاية الستينيات ولم تقم له قائمة من بعد.
بعد ذاك ولعدة سنوات كان يقام المولد في ذلك الميدان .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: غايتو عارف الكمبو وين فى بحري لكن الجو ده يطرشنا |
معاوية سلام .. معقولة ما بتعرف الجو .. يعني عامل فيها كنت بتحلق في الفندق الكبير .. نسيت الجو الرومانسي والهواء الطلق ونسيت أغنية الكاشف : طوينا الجو طي الحجاب وبنشوف العالم رهاب
Quote: قلت ليك نحن جيل مجلة ماجد |
أنت فعلاً جيل ماجد لكن ماجد كابتن المريخ ..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: اخي معاويه في احدي الصفحات تحدثت عن الجو وهو كان يقع في الميدان الذي اقيمت فيه مستشفي احمد قاسم الآن حيث كان عباره عن كرقات او رواكيب مصنوعه من الجوالات وسيقان الشجر وهي عباره عن مجموعه ضخمه من الخمارات كانت تقدم فيها الخمور البلديه |
العزيز ابو عوه (صاحب ماجد سيد المجله)وودخالتو (سمير وميكي) واولاد عمهم تختخ ونوسه.
إنشاء الله يكون ود خالي وضح ليك الصوره بتاعت الجو وبعد دا ماباقي ليهو إلا يصورو ليك ويعزمك فيهو بأثر رجعي بعد إنتخابات السنه الجايه ,, دا إذا قامت!!! ودام الود بيننا.
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: الاخ طارق شكراً على التوضيح لمكان الجو واللة اول مرة اعرف موقعه رغم انو عبد الكريم وابو رزقة مامصدقين
|
يا معاوية يا أخي انت ما عارف إنو طارق خبير "جوي".... يا أخي ده شدة ما خبير "جوي" كان منتدب في "ناسا"
وبرضو خبير "سلكي"... مش يقول ليك خبير لا سلكي.. بس تخصص طارق "سلكي"... بس مش من سلكة
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: وبرضو خبير "سلكي"... مش يقول ليك خبير لا سلكي.. بس تخصص طارق "سلكي"... بس مش من سلكة |
ود السر كرار
كده الحكايه شكلها بقت حمرا وسلكا وثلاثة بيوت والناس المصلحه من بيوت الدامشيق وشاقه سهلة إستاد التحرير ومتجهة للصافيه لماكانت تحت الإنشاء ,,, وقصدى شريف ....
** إنشاء الله كابتن ماجد مايكون عارف العباره التحتها خط....
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: أبو رزقه في الحته دى معاويه صادق ,, ولكن بعد داك الحلاقه بقت عند عصام الدحيش ومـــلـــــح |
الاخ كريمو الدحيش برضو كان بحلق فى فندق السودان وعشان الراس كبير كان بدفع دبل ،وباللة تحياتي له ياعبدالكريم لو كان بتشوفوا فى دبي او على اتصال به.
واها رايك شنو بيوت الدامشيق برضو ماعرفتها،هل هى الثلاثة بيوت الكانت جوار منزل محمد خوجلى صالحين
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
يا عبد الكريم الشراب البلدي الذي يسمي المريسه ينقسم الي العديد من الاقسام وذلك حسب التركيز والتخمير ونوع الحبوب وحتي المكان
نفسه ومن اسمائها حسب التركيز تبدأ من البقنيه ثم البغو فالدامشيق وتوجد انواع اخري كالكجمورو والذي اساسا يصنع من السمسم غيرما
سبقه المصنوعين من الذره.
اها نوريكم بشدوها كيف؟؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
Quote: واها رايك شنو بيوت الدامشيق برضو ماعرفتها،هل هى الثلاثة بيوت الكانت جوار منزل محمد خوجلى صالحين |
Quote: يا عبد الكريم الشراب البلدي الذي يسمي المريسه ينقسم الي العديد من الاقسام وذلك حسب التركيز والتخمير ونوع الحبوب وحتي المكان نفسه ومن اسمائها حسب التركيز تبدأ من البقنيه ثم البغو فالدامشيق وتوجد انواع اخري كالكجمورو والذي اساسا يصنع من السمسم غيرما سبقه المصنوعين من الذره. اها نوريكم بشدوها كيف؟؟؟ |
الصديق ابو عوه ابن خالي طارق ابو عوه بعد الشرح الوافي دا عن المكان ومنتجاته في زمن الجوز كان 3 فرد والدسته 18 الموضوع وقع ليك..
** كسره بحراويه :- ود ميرغني رجعت ليك الاميريه "1" من شلال السبلوقه ماتغفل منها مع الهكر الحايم من إمبارح وما مخلي الحوش بابو ينفتح..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: ياكمال انت قلت طارق ده خبير جوي وخبير لاسلكي ولا خبير خمور بلدية |
اخي معاويه والله نحن بس ناس قدام وخبره لكن الناس ديل كلهم عارفين الامور دي والدليل "العبار" بس
مشكلتنا نحن ناس واضحين وبنعيش حياتنا بالنيه السليمه. يعني ناس حسن طه وكمال كرار والدكاتره عبد
المحمود ما عارفين الجو الكجمورو والعبار والدامشيق ؟؟؟مجرد سؤال ؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
بســــم الله الرحـــمن الرحـــــيم
(أنا لله و أنا اليــــه راجـــــعون)
نتقدم بالتعازي الحارة لأبناء بحري و أهل السودان جميعا
لوفاة مولانا السيد أحـــــــــــــمد المـــــــــــــيرغني رئيس مجلس السيادة و نائب رئيس الحزب
الأتحـــــــــادي الديمــــــــفراطــــــي
و نائب مرشد الطريقة الختمية مولانا محـــــــــــــمد عثــــــــمان المــــــــــــيرغني
نسأل الله أن يتغمد الفقيد برحمته و ان يسكنه فسيح جناته مع اللأنبياء و الشهداء و الصديقين
ونسال الله أن يلهم أسرته و أهله ومحبيه في حلة خوجلي و الميرغنية و عموم أهل السودان الصبر
و حسن العزاء
و المعروف أن السيد أحــــــــــــــمد الـمـــــــــــــيرغني من مواليد بحري 1941
و أنه أكمل تعليمه الأولي بمدرسة الأشراف ثم نال شهادته الجامعية من جامعة لندن
يعتبر مولانا السيد أحـــــــــمد المـــــــــــيرغني ركن أساسي في مدينة بحــــــــــــري
و منزله يتوسط أحياء بحري القديمة حــــــــلة الدنـــــاقــــــلة وحـــــــلة خوجــــــلي
والمـــــيرغنية و الشــــــــعبية,,,,
د. ابراهيم العجب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
الأخ كمال السر كرار
الأخ الباشمهندس طارق
الأخ المستشار عبدالكريم و الأخ المستشار معاوية
الأعزاء أبناء و بنات بحري لكم التحايا و الود
شايف ونــــسة الجـــو جرت معاكم تمام و لكن بصراحة الجـــــو الكان في ميدان المولد القديم
الواحد ما بتذكرو كويس لكن طبعا الأخ طارق ما قصر أدانا فكرة كاملة عن الأجواء في تلك المناطق
لكن نسى يذكر أنواع المزة و أن الباسم أي رأس الخروف كان أهم شئ و أساسي و كان مرات بينزل في
(الكرتيلة) في تلك الأجــــواء ,,,,
في نهاية السبعينات و الثمنينات بدات تظهر الأحياء العشوائية حول بحري مثل كمبو شمبات, و كمبو
الحلفاياو كرتون كسلا و غيرها. وهذه المناطق سببت ضغط كبير على مستشفي بحري التعليمي , و السبب
الجرائم و المشاكل التى تحدث في تلك المناطق و معظمها طعن بجميع الأسلحة البيضاء من سكاكين و حراب
بانواعها,,,,
و من الطرائف التي حدثت معي هذه الواقعة في بداية التسعينات كنا و معي الأخ الزميل الدكتور محمد
حسين كســـــلا.
و كنت أنافي الحوادث عندما أتت الشرطة بأمرأة تسبح في بركة من الدم و كانت في حالة هبوط
حاد حاولت ان أجد وريد لأسعافها بالسوائل و المحاليل الوريدية و لكن لم أتمكن للهبوط الحاد
فحملناها مباشرة لغرفة العمليات الخارجية و رائحة الخمر تعطر المكان و للحظ كان محضر العملية
حسن المشهور ( بحسن كباية) و المعروف عنه أنه أثناء فترة الراحة بيتناول كباية عرقي على السريع
من الأماكن القريبة للمستشفي, فعندمانظر للمراة قال لي لا تتعب نفسك يا دكتور المراة دي بتموت
بما أن اللحظات كانت حرجة و الوقت مهم في مثل هذه الحالات فطلبت منه أن يحضر أدوات جراحية لعمل
فتح وريد و عندما بدات تتحسن حالتها طلبت منه أن يحضر غرفة العملية و هو غير مقتنع و في تلك
الفترة ....
ذهبت لبنك الدم و كان المسؤول الحاج كليتون و أقنعته ان يعطينا و حدتين من الدم للحالة المستعجلة
على ان نقوم بارجاعها فيما بعد و المرأة و جدت في المنطقة بين حلة كوكوو الحاج يوسف مطعونة
بالبطن و أحضرت بواسطة دورية الشرطة,,,,
حضر مساعد التخدير حسن المصري و هو من اميز مساعدي التخدير ونشط و حسب حالتها فهي كانت
لا تحتاج لتخدير!!!! و بدأنا العملية و معي الدكتور كسلا تحت البنج الموضعي مع بعض الأشياء الأخري
و الأوكسجين و وجدنا أنها تعاني من جروح عميقة في منطقة اليطن و جرح تهتكي بالمعدة و بعد عمليات
الترميم و عندما كنت أخيط في الجلد بدأت تتحرك و تتكلم فسألتها ماذا كنت تشربين ؟؟
عــــرقي؟ أم مــــريسة؟ فكانت الأجابة كجـــــــومورو بـــــس ,,,,
فأنفجر الجميع ضاحكا ,,, و يا سبحان الله بدأت المريضة تأكل بعد اربعة ايام من العملية
و خرجت بعد10 ايام من المستشفى و كان شيئا لم يكن!!!
و سبحان الله الذي يحيي العظام و هي رميم
د. ابراهيم العجب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: حسب التركيز والتخمير |
ياطارق شايفك نسيت (الدقة) بفتح الدال ودا نوع تقيل من المرايس ( غليظ القوام) كان ضربت ليك كورية مع الصباح تاني لا برد ولا سخانة ولا جوع وصانعيها بدوه لشفعهم بالسكر يازول حاجة ما تخلص لكن عندها عيبين الريحة مع العرق والعيب الاساسي بتخليك تقابل الحيط كتير .
وبعدين من اهم مخلفات المرايس المشك ( التفل ) دا بيكبوه في الكوشة للبهايم زي الغنم والخرفان وكدا الغنماية بتتكون عندها حالة ادمان او قل حالة مزاجية تجاه المشك وبعد ما تاكل منو تلقاها طوالي التزمت الهدوء تحت اقرب ضل ومرات لو تقلت الريحة بتظهر في اللبن .
يعني لوكان السلوك دا لسه مستمر في عهد الانقاذ دا والتشريعات الاسلامية دي الخروف البياكل من المشك لو عايز تضحي بيهو الا تجلدو اربعين جلدة وتعمل ليهو استتابة وكدا .
كسرة : شايفكم فكيتو طريق المنشطات وخشيتو للخمور البلدية والله بوستيكم دا الواحد تاني لو داير يخشو الا يجيب اذن من النظام العام
اها فتكم بعافية
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبدالوهاب علي الحاج)
|
Quote: كسرة : شايفكم فكيتو طريق المنشطات وخشيتو للخمور البلدية والله بوستيكم دا الواحد تاني لو داير يخشو الا يجيب اذن من النظام العام |
العزيز وهبه بس جبت ليهو صورة الشجره الببيعو فيها المُنشطات الناس دى فتحت فونيه في الخمور البلديه وامكانها في بحرى ,, وكان يفترض يكون في تدرج يعني بعد المُشطات نشوف اشهر الخانات بتاعت الكبنزيته , ماكلو ونصرالدين كسيه والجماعه البدفونها في شواهد المقابر بحلة حمد وابو كراع ,, وبعدين نعرج علي موضوع الشربه.. ** دا كلو هين الخوف بعد كدا يفتحو موضوع الحله وأن الرخصه السنويه كانت من المجلس البلدى وبـ 24 جنيه شامل شهادة الفحص الطبي؟؟؟؟
*** ياخوى ياوهبه ناس بحرى علي الحُركورك بس ابدأ الموضوع وبراهو بيتم زى العرس بيقولو ليك بس ابدأ وبعد داك عينك ماتشوف الي النور...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: وجد يا طارق ... انا قريت عند ست اسيا ... بتتذكرها ؟ |
آسيا الصغري ؟؟؟
طبعا يا حسن طه نحن قرينا في روضة ست ليلي الامريكان لاحقا والانجيليه الامريكيه فيما بعد انا واخوي
الكاشف..
والله يا ابو علي مدير الجهاز انا باتذكره جيدا منذ كان في قمة الاتحاد الاشتراكي في الجامعه هو وحبه
قريب جعفر محمد علي بخيت ... وانا ناس الاتحاد الاشتراكي ديل بيعملوا لي ارتيكاريا عشان كده باحاول
ما اعاين ليهم . لكن عشان خاطرك رغم متابعتي حادخل ان شاء الله .
حاضر يا كمال؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
ابو الهول وقفيل البارات في أُم در أمان:-
عندما إستلم ابرسي محافظاً لامدر في اوائل الثمانينات قام بإغلاق كل البارات في أم در وكذلك الحدائق التي كانت تقدم المشروبات الروحيه (دى حلوه كده) كالريفيرا والمورده - وبما أن هنالك غالبيه عُظمي من ناس بيت المال وابو روف تعمل بالمخازن والنقل الميكانيكي ,, فكان ناس امدرمان بعد إنتهاء العمل بيمروا علي بارات بحرى وياخدوا المعلوم فالبارات بتكون زحمه مابين الواحده والثالثه ظهراً.. * ابو الهول إقترح انو البيع يكون بالبطاقه لسكان بحرى فقط ,, لانو الوضع بالطريقه دى حايجهجه ناس بحرى في الكوته بتاعتهم أو يحددوا لناس أمدرمان بار الخواجه الجنب البوسته ولاول مره الواحد يشوف صف في البارات بعد صف البنزين والعيش في ذلك الزمان..
** الرحمه والمغفره لابو الهول وكذلك الرحمه لكل ظرفاء بحرى..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: الحاج حمد الحاج)
|
بمناسبة الخمور البلدية والدامشيق تذكرت طرفة واحد من المزاد عبد الكريم بعرفوا وكان كبير فى السن (لكن مافى داعي لذكر الأسماء خوفاً من المسألة القانونية) المهم انو كان دائماً تجده شارب بالليل وبالنهار وفى اثناء فترة مايسمي بالشريعة تم القبض عليه وعرضوه على القاضى حاج نور فقال له حاج نور أنت يازول ماسمعت بالشريعة دي فرد عليه صاحبنا بكل برود وقال ليهو شريعتكم دي طبقوها فى الاولاد البقوا يسكروا اول أمس ديل عليك اللة انا بسكر من سنة خمسة وثلاثون تجوا الليلة تقولوا لى فى شريعة ماتسكر .
والطريف كذلك انو بعد تم جلده وتغريمه طلب منه أحد اقربائه الذهاب معه للمنزل ،فقال ليهو امشى قدامي انا بغشي الديوم اشرب لى كباية ابرد بيها الجلد دى وبجي الحقك .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
الأعزاء أبناء بحري
من ظرفاء بحري و الذين تم تعريفهم سابقا أبوالهول أدريس و محمد جمة و محمد أحمد أدريس الشهير
(بجردقة) و كانوا ثلاثتهم حلاقين ويعملون في دكان واحد و جردقة كان حلاق بارتايم لأن مهنته الأساسية
ميكانيكي بورشة الكومر بالنقل الميكانيكي و لديه الكثير من القصص و نسأل الله أن ينعم عليه بالصحة و
العافية.
من طرائف أبولهول و طبعا الديناصورات لا يحتاجون شرح للموقف في الستينات و بعد أمتحان الشهادة
و النتائج الزمن داك كانت بتذاع من أذاعة أم درمان يعني تقريبا زي زمن الكورة و كلها كم
مدرسةثانوية و الموضوع منتهي, والجماعة جاهزين بعد داك للأنطلاق لحديقة البلدية و الشباب منتظرين
النتائج و الحضور حبيب كار و أبو لهول و عبدالله العربي بائع الفواكه و النتائج كانت بالقريت 1
و 2 و 3 فنتائج الممتحنين من أولاد الأملاك بروف شاكر زين قريت ون عمر أب شامة قريت ون و محمد
عبدالعزيز قريت تو فألتفت أبو الهول الي عبدالله بائع الفواكه ! و انت يا عبدالله بكرة جيب لينا
قريب فروت( قريفتن)....
تخريمة
في أنتظار الحالقة السابعة من مســــــلسل أبو النــــــــور
و النقلة النوعية
د. ابراهيم العجب
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Ibrahim Elagab)
|
Quote: اولاد بحري مبروك عليكم فوز ود الخالة اوباما
والزول ده ياعبد الكريم قالوا ابوه قبل مايهاجر امريكا كان شغال فى المخازن ومابفوت كورة فى ميدان عقرب ،واوباما ده كان صغير بجي يقعد جنب ابوه .كدي باللة أبحث لينا عن حقيقة الاشاعة دي
|
العزيز ابو عوه وناس بحرى الحلوين
يا معاويه إشاعة شنو ,, بعد الاتصالات المكوكيه بالكوتش عوض الله مصطفي حول موضوع إبن خالتنا اوباما فلقد أكد الكوتش أن هنالك بياناً قد صدر قبل نصف ساعه من أحد أحياء بحرى إحتجاجاً علي تغيير إسمه من :- مُـــــبــــارك ود الـــــدومــــه الي بــاراك أوباما وان هذا الجماعه الآن تعتصم بمحكمة بحرى الشرعيه لمعرفة من قام بإصدار إشهاد شرعي بتغيير إسمه..
** ومن جهة أُخرى طالبت اللجنه النسائيه بذات الحي تصحيح إسم كونداليزا رايس ,, إذ إتضح أن أسمها الحقيقي :- قــونـقـلـيـســه بــت الـــريــــــس..
** يامعاويه نصحح ليك المعلومه وبساعد ابوهو في المخازن بخيط ليهو العراوي وبيركب الزراير وبعمل الكفه للبناطلين ..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: بمناسبة الخمور البلدية والدامشيق تذكرت طرفة واحد من المزاد عبد الكريم بعرفوا وكان كبير فى السن (لكن مافى داعي لذكر الأسماء خوفاً من المسألة القانونية) المهم انو كان دائماً تجده شارب بالليل وبالنهار وفى اثناء فترة مايسمي بالشريعة تم القبض عليه وعرضوه على القاضى حاج نور فقال له حاج نور أنت يازول ماسمعت بالشريعة دي فرد عليه صاحبنا بكل برود وقال ليهو شريعتكم دي طبقوها فى الاولاد البقوا يسكروا اول أمس ديل عليك اللة انا بسكر من سنة خمسة وثلاثون تجوا الليلة تقولوا لى فى شريعة ماتسكر . |
ابو عوه وفي سابقه أُخرى لنفس الشخص وبعد محاكته السابقه بشهر , قُبض عليه بالديوم وكالعاده كاجن صاح ظللنا نبحث عنه لمدة يومين لمعرفة مكانه الي أن إتضح لنا أنه قد تمت إحالته لمحكمة العُمد ببحرى:- ** تراس الجلسه عمك اللازم مرسال وسأله:- انت يا..... ماعايز تبطل الشربه دى وتشوف شغلك. ** والجماعه الهتيفه:- الله أكبر ولله الحمد - لابديل لشرع الله. ** صاحبك المتهم قال لعمك اللازم:- بالله هسه بدل تجلدني أنا مش مفروض تجلد العواطليه ديل المفتكرين نفسهم في غزوة أُحد.. (واخد الاربعين جلده بتاعتو وعلي طول مشى المقيله في الديوم عشان يبرد)
*** له الرحمه - فلقد كان صاحب قلب ابيض وعازف كمان لايشق له غبار وعاشق للادب الانجليزى إذ يمتلك مكتبةً تضم اشهر كتب الادب الانجليزى _ ادعو له بالرحمه...
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: الحاج حمد الحاج)
|
Quote: ناس بحري الحلوين..أتابع عبد الكريم الأمين ، معاوية محمد الحسن،طارق ميرغني، ناهد بشير الطيب و حسن طه و كمال كرارو بقية العقد الفريد..التحية لهذا التوثيق لبحري التي نعشقها حتى النخاع و التحية لأصحاب الأقلام الظريفة التي تزين هذا البوست. |
الحاج حمد نستشف هذا الابداع منك في النجمه التي تلقيت فيها تعليمي الاولي ,, وأكثر الاصدقاء بعد ذلك كانو زملاء دراسه في الاميريه "2" وبحرى الحكوميه ,, وبالرغم أن بوست النجمه التي تزين قلب بحرى يأخذ منك الكثير فلاتحرمنا من طلتك في هذا البيت الكبير .. ودام الود بين جميع أهل بحرى ست الهوى والطراوه..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: معاوية محمد الحسن)
|
Quote: يامعاويه نصحح ليك المعلومه وبساعد ابوهو في المخازن بخيط ليهو العراوي وبيركب الزراير وبعمل الكفه للبناطلين |
الاخ عبدالكريم الان أجرينا اتصال مع كمال نوبة وأكد لينا انو ولدنا اوباما كان بلعب فى رابطة الديوم ووعد بإرسال صورة من بطاقته ،كما أكد انو عمك اوباما الكبير كان بلعب فى فريق الوحدة زمن سيد بطة ،وسجلو عمك اللأزم .
وبيني وبينك من ظهر فى الاعلام انا قلت الزول دى ماغريب على
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
الإخوة/كمال كرار وعبدالرازق سعيد وناس بحري طراوة وكل الأحبة سلام عليكم جميعا والله مشتاقين كثير كثير أعذرونا يا حبانا يا أولاد بحري ما عايزين نذكر الأسماء لأنو والله العظيم جيت من إجازتي السنوية أمس من بحري والله العقل طار والكان مخزون في الدماغ كلو را بسبب حلاوة بحري ونضارتها خلاص مسحنا كل حاجة لآنو والله بحري وطراوة بحري عملت لينا غسيل مخ لكن جيت ليكم بي مخ جديد متفتح .. على العموم بحري بسلم عليكم شديد شديد من ا|لأملاك لي السامرات وأم ضريوة وحطاب ونبته وإنت ماشي . المهم تحياتي لكم جميعا وإن شاء تامين ولامين ..
مع تحياتي وأشواقي
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: سيف الدين علي محمد الفاضل)
|
Quote: سلام عليكم جميعا والله مشتاقين كثير كثير أعذرونا يا حبانا يا أولاد بحري ما عايزين نذكر الأسماء لأنو والله العظيم جيت من إجازتي السنوية أمس من بحري والله العقل طار والكان مخزون في الدماغ كلو را بسبب حلاوة بحري ونضارتها خلاص مسحنا كل حاجة لآنو والله بحري وطراوة بحري عملت لينا غسيل مخ لكن جيت ليكم بي مخ جديد متفتح .. على العموم بحري بسلم عليكم شديد شديد من ا|لأملاك لي السامرات وأم ضريوة وحطاب ونبته وإنت ماشي . المهم تحياتي لكم جميعا وإن شاء تامين ولامين .. |
الاخ سيف علي حمداً لله علي السلامه ,, وساليين عنك من ص.12 الي مالانهايه ,, اها وبعد الغيبه الطويله دى في إنتظار ماتجود به الذاكره..
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
الحلقة السابعة من مســـــلســــــل أبو النــــــور
TARAWA DELIVERY # 7
تناتيــــــــش طــــــــراوة بحـــــــــراوية
أحبائي قلنا نغير مسار الونسة بحاجات رومانيسة علي خفيف
*************
أنت لا تعلمين .......
عندما أحببتك...........
أصبحت كل الأشياء الجميلة...
معطرة بشذاك.....يا شذي
و أصبحت أنا وحدي من بعدك و الهموم....
تأوهاتي تملأ المكان....
الغرفة الموحشة .. و سريري الأثير...
ووحدة الغربة و الرحلة الطويلة...
و أحساسي بضياع أشيائي...
تضيع هكذا أفقدها....
و أظل أفتقدها لأنني أحبها أحبها ************
أريدك كالسنا يعطي الحياة.......
اريدك كالنسيم حين يأتي يطيب بالعطر المكان...
أريدك جدولا ينساب عذبا....
بل أريدك بحرا من الحب.......
و شلالا من الود و الوفاء
بريدك....... ***********
ده الكلام الكاتبو ليك....
نبض القلب صدق المشاعر...
و لسة في المخزون كثير...
بكرة... تعرف.....
أنو ريدي و هواك
قصة بتطول ما رايحة تقصر...
بسأل الله يجمعني بيك
باقي العمر.....
في عش جميل.. ***********
أريدك شجرة ظليلة أفي اليها
من هجير الشمس ووعثاء السفر....
أريدك حضن دافئ احتمئ به
من برد الشتاء و من ظلم البشر....
أريدك سميرتي في الليالي المظلمات
و وجهك المنير يا قمر.....
************
طبعا الدفعة طارق و كمال السر حيمطروكم بالتعليقات الساخرة
و ياريت جربوية يعمل مداخلة بتكون متعة.....
و الى لقاء آخر استودعكم الله و أترككم في حفظه و رعايته
أنـــــــور العجــــب (ابو النــــــــور)
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: عبد الرازق سعيد)
|
Quote: الأخ/ أنور العجب القصيدة جميلة ومعبرة ورائعة |
الاخوة الاعزاء
بمناسبة القصيدة الجميلة دي
ايام بحري الثانوية الحكومية اخوكم كان عندو محاولات متواضعة لكتابة الشعر ( طبعا توقفت ) .
من بينها قصيدة كنت شخصيا معجب بيها ومفتكر نفسي ولا نزار قباني.
من هذه القصيدة لا احفظ الا هذا البيت والباقي راح شمار في مرقة :
دع الاحلام تدغدغ في الصدي يا شوقا بت اعشقه علي المدي
وشنو كدا ......... يا كوكبا يا سوسني
وهلم جرا
العجب وطارق وكمال وعبد الكريم وبقية العقد الفريد
هل من مكمل !!
شفت كيف اخوك يا طارق.... عندك تاني كلام؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
Quote: أريدك سميرتي في الليالي المظلمات
|
أبو النور يا صناجة بني شايق...
كلو ده وأنت شايلو جوه في حنانك ؟؟؟.. وفي لحظات ترقق عاطفية تفتو كلو من غير إحم ولا دستور؟؟!!!
أها العروس عرفناها أسمها سميرة... يا ربي دي سميرة الشهبندر؟؟؟
أبو النور يا شاعرا حفلت به القوافي المترعات بالحنين** واصل إبداعك عله يغسل صدأ الأيام والسنين
أبو النور لكن ما بالغت... من حكم ساحة... إلى لاعب سنتر فورد هاف قلب مجروح [/B
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
أبوالنور..
أبو علي
عبد المحمود
طارق...بقية العقد الفريد ..هاكم دي... أنا أسميها ارهاصة... سموها ما شئتم
أنا يا أنت جئت من دهاليز الزمان .......................أمشي الهوينى تأســــــرني الأماني أتوكأ على كلماتي المغزولة طربا .......................أمنى النفس بلقاء الأحبة وحلو معاني يهفو قلبي إليكم جزلا وشوقا ...................... يا منية القلب ومرامه وقبلة الولهان وإن كنت قد أعددت خيلي لغزوكم ......................فالان أرخيت لجمها وعافني الركبــان لله در كنانتي صدت سهـــــــامي ......................فارتدت تضرب مني كل شبر وجنـــــان أواه لقلب لم تكتمل فرحته. ...................... ولم يهنأ بليلة في ثورة أم درمان يا قلب مهلا فأنت تروم عشقا ...................... ولم تجن سوى الصبا وسكرة الخفقان فإن تأبت عليك "بحري" يوما ......................فيا قلب عليك بأم درمــــــــــان
كسرة:
تعرف يا أبو النور أنا لو باريت أبو آمنة حامد زي طارق...
كان أصبحت لا يشق لي غبار
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
والله يا دكتور عبد المحمود انا زاتي واقف مندهش واحد يقول لي الليالي المظلمات والتاني يقول لي تدغدغ في صدري وشنو ما عارف ياخي حب الساعة
اتناشر بالظهر الوقع علي الرجال ديل شنو انا ما عارف . غايتو ابو النور زمان ونحن ممتحنين الشهاده السودانيه كان بنذاكر في بيت ناس كمال كرار وانا
وابوالنور وصلاح جرب ابو النور اكتر واحده كان بيحبها....الطحنيه وكان وقتها الكيلو بي سبعه قروش كمال كلو يوم عليهو يحضر كيلو طحنيه ومن زمان دي
الحاجه الوحيده الكان بيحبها ابو النور . والله ربنا ليهو حاقات ....
Quote: الشيء ده ما عارفينو حبوب ولا كبسولات؟؟؟ |
انت عارف يا كمال دي زكرتني نكته واحد مشي الصيدليه وادي الدكتور الروشته قام اداهو الحبوب والراجل ختفها وقام جاري كورك فيهو الدكتور: انت هسع عارف
بيستعملوها كيف؟
- ما يا بلع يا مص
-الدكتور: لا دي قرش ....!!!
فيا كمال الشي ده حبوب قرش ما كبسولات بلع .
حمد الله علي سلامه الاخ سيف .
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: طارق ميرغني)
|
Quote: انت عارف يا كمال دي زكرتني نكته واحد مشي الصيدليه وادي الدكتور الروشته قام اداهو الحبوب والراجل ختفها وقام جاري كورك فيهو الدكتور: انت هسع عارف بيستعملوها كيف؟
- ما يا بلع يا مص
-الدكتور: لا دي قرش ....!!! |
طارق النكته دى ذكرتني واحد صاحبنا كان قالص ليهو واحد من مدارس الشعب لغاية ماوصلت الملتقي ,, لماشعرت بصاحبنا دخلت الصيدليه وكلمت الصيدلي أنو الزول مُباريها ,, الصيدلي :- ياابو الشباب عايز حاجه . صاحبنا رد عليهو :- عندكم قمصان تحرمني منك مقاس 14 .. ** أها دى وضعها كيف لبوس ,, بلع ,, مص,, قرش مع مُلاحظة أن الفاصل بين الصيدليه وسلوى بوتيك شارع الكبرى وبقالة عمك محمد دياب.. ** شوفت اللولوه زمان كان شكلها كيف؟؟
| |
|
|
|
|
|
|
Re: بحري طراوة... ويا ناس بحري .. قالوا بتحبوا يلا حبونا.. (Re: Kamal Karrar)
|
طيب هاكم التحبيسة دي...
وضحه يا عطر المكان ... يا إمرأة سحابية .. تعيش الحب أجواءً خرافية ..
تمني النفس بليلة قمرية... ينداح فيها السناء على قمم أزلية
وضحة يا أم العشق.. يا امرأة هلامية.. تضوع طيبا وشذا وأزياءً خيالية..
كسرة:
د. عبدالمحمود ما تقولي لي "وضحه" دي شنو!!!
أنت مش عارف أعذب الشعر أكذبه؟؟؟
| |
|
|
|
|
|
|
|