|
|
 Re: ما هو المعيار ؟ (Re: Sana Khalid)
|
الأخت الكريمة الدكتورة سناء خالد
وعليكم السلام ورحمة الله .
سأرد على أسئلتك أختي الكريمة وإن اتضح لي أني قد أخطأت
فسأعتذر .
قلت :(((أين قلت أنا أنك قرنت اسمي باسم الدكتورة أم ياسين في مداخلة واحدة؟؟؟؟!!!)))
راجعت مداخاتك فوجدت أنك كتبت :((((تعرفي أنا مما الحبشي خت اسمي في مداخلة ليك.. كنت عايزة أكتب ليهو High Voltage ,Don't Touch!
أصلها الحريقة دي أكان قامت المرة دي الله أعلم تطفيها قزازة (كوكاكولا)..)))
هنا Re: ما هو المعيار ؟
واتضح لي أني كنت مخطئا في تقويلك ما لم تقولي . أعتذر لك بصدق و أرجو أن تغفري لي ذلك .
إن كانت تلك هي المداخلة المقصودة فالصحيح هو أن أقول (( (((قمت بمراجعة مداخلاتي لأنظر أي مداخلة تقصدين ، فوجدت هذه المداخلة :Re: ما هو المعيار ؟
ولا أدري إن كانت هي المقصودة أم لا ، لكن أحصيت الأسماء المذكورة فوجدتها تسعة أسماء لستة من الإخوان وثلاث أخوات
من بينهن اسمك ولم أجد معنى لكلامك عن ختي لاسمك في مداخلة للدكتورة رحاب)))
وهذا مثال لحكم متعجل وقع مني وهو خطأ أقر به .
سألت أختي الكريمة : ((ثم ما هو معيار قياس سرعة الأحكام؟
و متى يكون الحكم متعجلاً.. و متى يكون في أوانه
ثم متى يأتي متأخراً؟؟!!))) دعيني أشرح لك بأحكام متعجلة وقعت مني :
أولا :في الخطأ الذي وقع من جانبي بحقك أعلاه حكم متعجل لأني تعجلت الحكم على كلامك
ففهمت أنك تقصدين قرن اسمك باسم الدكتورة رحاب في مداخلة كتبتها أنا . حكمي جا ء متعجلا
لأني لم أعط مداخلتك من الوقت ما يكفي لفهمها بالمعنى الصحيح الذي تقصدينه وتعجلت ووجهت كلامي إليك بناء على الفهم
الذي تبادر إلى أولا ولم أصبر حتى تأتي لتشرحي كلامك ))).
والمعيار والمقياس الذي يبين أن الحكم قد جاء قبل أوانه هو بطلان الحكم ومخالفته للحقيقة !
ثانيا : إن لم تكن المداخلة التي أوردتها هي المقصودة فهذا مثال آخر لحكم متعجل وقع مني
والمعيار هو استعجالي ومبادرتي بتحديد مداخلة وعدم صبري حتى تأتي وتبيني المداخلة المقصودة بالضبط .
وهنا تعجلي بتحديد المداخلة أيضا مثل حكما باطلا لمخالفته للحقيقة وللواقع .
----------------------------------
بالمناسبة لقب بروفسير ودكتور دا ما تخاطبيني بيه لأني ما مستحقه .
وافر الاحترام
وخالص شكري لك على حسن ظنك بي وأنا لي أيضا بك من حسن الظن ما يماثل وأكثر وهذا ما دفعني للقول إني كنت
أتوقع أن نحذفي مداخلتك كما فعلت الأخت عزاز.
الدلالة غير الكريمة للاصطلاح عرفتها بسسب هذا المنبر في العام 2005 أو 2006 أو 2007 ما متذكر العام بالضبط والله
وقد وقع خلاف كبير بسبب عبارة كتبتها أخت كريمة هنا وجرى نقاش بيني وبين أحد الزملاء هنا حينما كنت أدافع عن هذه الأخت
وعن مقصدها فشرح لي مدلول العبارة .
| |
 
|
|
|
|
|
|
|
|
Re: ما هو المعيار ؟ (Re: محمد مكى محمد)
|
((( خالص التقدير لما((( كان))) لدي عندكم من مقام محفوظ!))))
يا دكتورة و الله ((كان)) دي جبتيها من عندك الله يسامحك
ودا برضو مثال لحكم متعجل أو قراءة متعجلة
كلامي الذي كتبته هو (((وهذه ليست مشكلة إذا تعلقت أحكامك
بي أنا وحدي فهذا أمر محتمل ويجيزه مقامك المحفوظ عندنا)))
-----------
أرجو أن تعذريني فقد لا أعود إلا بعد السبت إن أباقني الله ، فالخميس والجمعة لا يتوفر لدي إمكانية الرد بالعربي إضافة إلى ظروف الامتحانات .
وإن متنا فليرحمنا الله
وادعي الله مخلصة ن يصلح ذات البين
| |
|
|
|
|
|
|
|
|
 Re: ما هو المعيار ؟ (Re: Mohamed E. Seliaman)
|
شايف الأحبة كلهم صنقروا و لسانهم برة..لياقة كو!
الله يديكم العافية!.. يا أخوات/نا رجاءا لا تستهلكوا مشاعركم
و طاقاتكم في مواقف انطباعية سلبية قد تتغير غدا..
كلكم نبلاءو نبيلات عندنا حتى يثبت غير ذلك.
| |
|
|
|
|
|
|
|
|
|
Re: ما هو المعيار ؟ (Re: saadeldin abdelrahman)
|
| Quote: ودا برضو مثال لحكم متعجل أو قراءة متعجلة |
بكل صدق يا سناء خالد ودون اي نصرة لذات او عودة لخلاف , لفت نظري انغماسك طيلة البوست في اصدار الاحكام المتعجلة او القراءة دون تعمق مما يؤدي في احيان كثيرة الي فهم خاطئ , المشكلة انك تصرين فيما بعد علي الحكم الذي قمت باصداره والتعامل من خلاله مع الاخر كانه حقيقة ثابتة , ناسية شي مهم جدا وهو انت من اصدر هذا الحكم المتعجل , ولا اخفيك اني عانيت في هذا البوست من اصدارك للاحكام او قراءتك المتعجلة وكما سبقت لك في احدي المداخلات ان الدهشة تملكتني من حديثك الذي افترضتيه من بنات افكارك وتتعاملين به معي كانه حقيقة ثابتة بل وتبنين به افتراضات اضافية . الشاهد الان ان الاخرين بداوا في المعاناة من اصدارك للاحكام العجولة وقراءات السريعة , وحقيقة ثالثة انك تعطي المختلف مع وجهة نظرك انطباع كانه مختلف معك في امر شخصي يخصك . يعني من السهولة عليك بمكان و هذا البوست شاهد ان اذا اختلف معك احدا فانك ترمي احترامك السابق له وتصرححي بخزلانك فيه وما الي ذلك من مشاعر واحاسيس تتملكك وتخصك وحدك .
| |
|
|
|
|
|
|
|
|
|
Re: ما هو المعيار ؟ (Re: اساسي)
|
يبدو إنو البوست خلاص بيودع، فقلت الأحسن نتم بواقي الكلام حيث يجب أن يتم، في محل شغل المعلمين الأصلي دا، كما بادر به المروج الأعظم للتفكير النقدي بأنحاء سودانيز، الأستاذ محمد الحسن سليمان و بمشاركة الجميع.
ــــــــــ
هذه مداخلة/ااات أعددت فكرة أغلبها من قبل مداخلة ود البشرى الأخيرة، ثم فرضت علي الظروف أن اخذله فيها، أمسحا في وشي يا عمك، و الخذلان مني محمّدك على كل حال.
ــــــــــ
فبالتبادي،
محمد الحسن،أيا أخانا الكريم، شكرا على إهدائنا أحد أقيم و أفيد و امتع خيوط الحوار بأيامنا دي. مشاركة جماعية نشطة و تطبيقات عملية على تفعيل أساليب التفكير النقدي و حكايات حكايات حكايات.
فشكراً.
ــــــــــ
و يا عزيزنا محمد النور كبر.. قلتم لأختنا آمنة مختار في فصل من جبر الخواطر و إشاعة التسامح، قلتم لها:| Quote: اخونا هاشم الحسن سواهو هرار عدييل (خراء).. و ما عندنا مشكلة.. أي وصف يخطر على البال فليلصق هنا.. التسامح لسع موجود في جوانا.. |
فشكرتكم ثم قلت أنا الناظر عفوكم من زمان: يا راجل ما تشمت فيني حبيبنا قيقراوي أكثر مما هو شمتانا. معناك الجبتو لينا دا أصلاً لا كان في الحِرى و ليس بعده يكون في الدِرى ، على بالحلال كله و بالحرام إن اضطررنا إليه، ما جاز لي في الوعي و لا الغيبوبة، و لن يجوز أبداً، أن أشتمك و لا أهلينا الأكرمين بهكذا فسالة... أفو يا زول، عيب و ما بنسوا تب. و إن هو إلا إغراء اللعب بالكلمات بغية التحريض بها لمحمدنا على الكشف العصي، فأوقعني لعبي في شر شراك محمد الحسن ـ و لا تنس إنه هو بالأساس متصيد اللفظ من أصقاعه، و إنه هو النسب الليـط للنواعير ـ فقمت أنا عن غرارة لا تخفى عليك، قمت قاربت الأولى صوتياًَ مع "ميطي" الدارجة التي في أو مافي "البمرق عريان متحزم و متلزم " كما في جيّتكم اللبرالية ذات الزخم الكاسح هنا ـ و قربت الأخيرة من فولة البقارة الاتملت، طبعاً بجامع الموية في كليهما، الفولة و الناعورة. بعدين ياخي طالما محمد الحسن استعصم بقاموس أخيه رضا لينسل و يرميني، فلنستعصم كلنا بعروة الرضا إذن، و أهو برضو قشر القصب فيه منافع للناس لا تنقضي علا ما بدور لو ساقية! على الأقل في كســـلا حيث يمكنك أن تكاوش القراميط بإيدك، حقاً لا مجازاً فيأوّل!
الشغلة دي ذكرتني بـ ـ غراميات مرحة ـ الذي لكونديرا، و فيه حديث حسن تأويله؛ إنما الأعمال بالكلمات؛ غض النظر عن النوايا... و فيها كما تدري توسعة من تطبيقات الـ FARCE مفهوم اللعب الأدبي لمتفكه بالكلمات و المعاني، و مخير الله!
In theatre, a farce is a comedy which aims to entertain the audience by means of unlikely, extravagant, and improbable situations, disguise and mistaken identity, verbal humour of varying degrees of sophistication, which may include sexual innuendo and word play, and a fast-paced plot whose speed usually increases, culminating in an ending which often involves an elaborate chase scene. Farce is also characterized by physical humour, the use of deliberate absurdity or nonsense, and broadly stylized performances. Farces have been written for the stage and film.
http://en.wikipedia.org/wiki/Farce
و بعد، فإنك أنت القائل:
{اللغة مرات عجيبة حتى على مستوى الحقل الثقافي الواحد ..زي السودان مثلا }
فقلنا إنه "صحيح صحة معيارية على مستوى مكوناته و مثاله."
ثم، و قد ضربت لي الأمثال من "اللغة و صيد القراميط" كما و تذكرت كوشرثيا المحسن مربوطة بـ "عجايب اللغة و تقنيات صيد القراميط". شفتا اللولوة دي! فقلت لروحي، حاسب يا زول لا تقوم تنسى الرابط بعدين! فقد طفق في رأسي السؤال: أي مفاعيل و دوال الثقافة أكثر تعبيراً عن الوحدة في السودان، الحقل الجغرافي و السياسي الواحد دا، إلى حين إشعار قريب…؟ حكمة الله!
ــــــــ
فوائد جليلة:
حوار كبر و كمال عن اللبرالية، المبتدر دوما بيا صديقي، كما تعليقات شيخنا البدوي على صديقنا كبر …لهو عندي و بمعياري النفعي المستلف ـ نفعي هنا يعني براجماتيك يا أخوانا/تنا الانتهازيين ـ أفيد فوائد هذا البوست، التي تفتح أفقاً للحوار حول إمكانية و مدى الحراك و التفاعل اللبرالي ( وقس على ذلك) مع الواقع وفقاً للرؤى اللبرالية الراديكالية ـ الجذرية ـ أو تلك الرؤى العملانية ـ الإصلاحية ـ (و قس على ذلك)! و سؤال للمقارنة بين الأمثلة؛ هل انطفأت جمرة الصراع الفكري بين دعاة الدولة العلمانية الشاملة و دعاة الدولة "المدنية" كتنويع على مفهوم العلمانية الجزئية كما في مصطلح المسيري؟
توسع في هذا يا رحمك الله!
و أما تلخيص كبر الأخير:
{الصديق كمال عباس.. فاهم كل البتقول فيهو..الديموقراطية فيها يمين محافظ..و يسار متحرر..و عندها القدرة على التفاوض و المساومة من اجل تحقيق مصلحة ما..} فهو بعض مما يمكن عده فيما ما يسمى بزبدة المقال. ففيه تخفف عن ثقل التطهرية الثورية التي لا تتورع عن وصم المفارق و لو مفارقة جزئية، بالنفاق، و به حنين للتصاعد الخفيف إلى أرض الواقعية التي هي أيضاً كما سيتكشف الكل، مثاقيل على مثاقيل. شد حيلك يا كمال و الله يقدِّر!
التلخيص الكبري المُتصالح المُصالح، ذكرني بما قاله حسن موسى عن ع ع ود ابراهيم: أن السياسي فيه قد طغى فلا يحاسب حساب منكر و نكير كما ود المكي الشاعر، مثلاً، و ذكرني بما قاله ود إبراهيم نفسه عن المصانعة فأنكره عليه المنكرون...و بأي آلاء الحقيقة يا كمال نكذبان؟ و يا نفسي، إن مصانعة الواقع التي في جذور فكرة و مصطلح "الدولة المدنية" عند نقدأو التي في لبرالية أخيك كمال، فإنني أتفهمها تماماً، عنهما كسياسيين عمليين يصارعان الواقع فيضطران للمساومة حتى تصبح الأخيرة عقيدة فأغضي أنا عن ذلك مراعاة للنوايا الطيبة بل و قد أميل إلي خطتهما بحسابات المسايسة ذاتها، و هو بالضبط كما أتفهم غضبة كثير من الأخوات على كتابة الأخت منال و ابقيها خارج أسوار النفاق. أما هنا، فأنت يا أستاذنا كبر، كما حبيبنا الفذ محمد حسبو في ورقة "العلمانية و الدولة المدنية" مثلاً ، فـ مبشران. و بما أن التبشير المضاد واقف بالمرصاد كثير، فطوبى لنا، نحن معشر المتابعين، بكم. و لحين مسرة بالناس و على الأرض السلام، فبالله واصلوا في فتح الحوارات التي تفرز الكيمان الفكرية و تختبرها في كانون علاقات الواقع و الفكر!
بالمناسبة يا أستاذنا الأكرم كبر: حسب قراءتي هنا، فلا أحد في هذا البوست ينافق! جست تو ميك شور إنو قلتها قبل شوية. بل الجميع كانوا يدافعون عن تصوراتهم الخاصة حول أيتها القضية تكون: الجندر، الأدب، المرأة، الجنس، السياسة.....إلخ.
ولا أغادركما يا أستاذينا الفاضلين كمال و كبر بغير ما أهديكما: من منافع الحوار اللبرالي:
البوست التحت دا
بعنوان:
هل صحيح أن اللبرالية تعني بالضرورة الإباحية
لصاحبه/ هاشم نوريت
هل صحيح ان اللبرالية تعنى بالضرورة الاباحية؟؟؟؟؟؟؟؟؟
و أما بنعمة ربك فحدث...
ــــــــــ
في مداخلة رحاب خليفة
Re: ما هو المعيار ؟
وجدت هذه الجملة المفتاحية الرحيبة،
في عنوان جانبي، كتبت رحاب: {منال و معيار الجندر: رفض كتابات منال لانها ضارة بالجندر}
فوسعتني تب. إذهي تعبر عني تمام التعبير، تلولوت أنا في كذا مداخلة، خوف تقويل الغير و حذر ابتسار مل يقولون، و باشرت هي إلى زبدة الكلام فما غالطوها في الزبدة. عليه أعيد صياغة كل ما كتبته في خصوص معيار الهنا، ليقرأ هكذا (المعيار لشجب كتابات منال و رفضها هو إنها كتابة تضر بصورة المرأة كما ترد في تصور جندري معين يتبناه المعترضون الهنا ديل) أظن أن م ع ط الملك قد كتب قريباً من هذا أيضاَ. و كما أثبتت شروحات رحاب و أمثلة المداخلة المعنية بالرابط الفوق دا، فالحق هو أن هذا التصور المعترض على كتابات منال قد يعترض عليه آخرون و أخريات ممن سيقدمون تصوراً غيره و يعرضون عبره صورة مختلفة للمرأة فيعترض عليهما آخرون و أخريات … و هكذا... دواليب... و لولا الدفع.... لخربت!
و أما أستاذنا م.ع.ط.الملك، في مداخلته التي صعقها التيار فانزوت بقعر الصفحة التاسعة بغير ما ذنب جنته. فقد قال قولا رصيناً... عن البوست و عن أحوالنا، ينفتح بالحوار على مداخل جديدة أوسع.
"" مفروض يقود لنقاش جاد و حوار مثمر حول مكونات الأخلاق السودانية..
بتعددها الإثني و الثقافي ..
وبنيتها الاجتماعية..
والأثر البيئي والجغرافي والاقتصادي في كل ذلك..
الناس هنا بعضها من المدن وبعضها من الريف وبعضها من بدو الصحاري وبعضها من الغابات..
كل هذا التنوع البيئي له وجوده في بنيتنا الأخلاقية ومقادير الحياء ..
ومع هذا التنوع نبدو أكثر تحفظا ممن يشاركونا العقيدة أو الثقافة في محيطنا الإقليمي..
ما أريد قولة أن الأخلاق والحياء في مجتمع المدينة غير الأخلاق في مجتمع الريف والبادية..
فضلا عن إنها أصلا ما عندها ثبات و ديمومة هنا وهناك..
يا بت قضيم على أيامنا لما ننزل في العطلات للبلد ما كنا بنلبس البنطلون..
البجي بالبنطلون العيون تلقطه بازدراء ..
دا اذا ما تصدى ليهو زول وضرب كف بى كف وقال الولد خرب في البندر..
اليوم المسألة بقت عادية شفت كيف الدايم الله ..""
Re: ما هو المعيار ؟
و إنني لا بد مستفيد من هاتين المداخلتين، فائدة فهمية و نقلية، و من الآن أطلب الإذن يا دكتورة رحاب و يا أستاذنا الملك.
ـــــــــــــ
الدكتورات، سناء و رحاب،
تحيات و احترام
لا أحب التداخل كما سيلي، و لكنني عزمت أن أنصف و أن أنصر... فيا ليت يصلح.
يا أختنا رحاب بت الخليفة، أثق في البراءة الجنائية بمعنى التعمد، و ليس الحدسية التي في اللاوعي، لإشارتك الأولى إلى معاناتك في و منذ بوست "ميادة"، و ذلك لأن القضايا الهناك تكاد تكون هي بعض قضايا الهنا فلا غرابة لو تعلقت بها تفاكير من كان مثلك مشاركا في البوستين باستغراق متحمس. و لو سقط عن إشارتك ركن القصد إلى تعليب النيران هنا، فما سيسقط عنك بقرائن الحدس أن تشابه عليك بقر الآن و الكان زمان. الحصل حصل. و لكن، آخذين في الاعتبار أثر الخلافات الكانت قبيل هناك بينك و بين أختينا سناء و أماني، فإنك يا دكتورة قد أثقلت على الدكتورة سناء الاختبار، و بدورها أثقلت عليك الدكتورة أماني بالنبش عن النوايا. أعرف أن البوست كله اختبارات حتى أن لسان حال البعض لا يفتأ يحاكي المسيح ساعة صلبه، إيلي إيلي لم شبقتني؟ فلا ضير إذن من اختبار واحد أخير قد أثبت إنه ناجع القياس و أنا في شدة الانبساط منه لا آبه بمعيار. و لكن، إن هكذا التجريد الرياضي قد لا يجري على السودانيات و السودانيين بأخوي و أخوك ـ يا ريت الناس يشوفو تبعات دي برضوـ و اسألي يا رحاب محمد الحسن، إنه خير من عرف أن 1+1+2 هو حساب أقسى من أن نحتمله.. كلنا عاطفيون! و بت اللذين تمنطقوا، هي الرياضيات لا أم لها!
و يا سناء بت خالد الشمباتية و دي براها خوّة، و لا كيف؟
من الإنصاف أن أقول عنك ما يلي:
بحكم "معرفة زمالة شمباتية تقادمت" بسناء، مباشرة و عبر أصدقاء و صديقات مشتركين، أجزم بأنني عرفتها مهذبة، واثقة، ذات شخصية قوية و محترمة. كما و عرفتها من غالب مشاركاتها هنا، فأنا من أكثر القراء انتظاما لأفضل الكتاب من أمثالها، فما عرفت إلا خيراً؛ أختاً مثقفة، واعية، تجيد التصرف و الكلام و الكتابة شديدة الإحتفاء بأسرتها، و تضفي من احترام ذاتها الاحترام على من حولها....
ثم، و قد رأيتك في بعض مشاركاتك المنبرية خاصة في بوست ميادة تحتدين بأكثر مما توقعت منك، فما قلت إلا خيراُ و أن العتب على الزمان و إنه لا يكون في سودانيز لسان بلا سنان، و إن النعم جلهن إلى اخشوشان. فعذرتك عذراً مستحقا لك و واجب علي.
و الشكرو بغير ما شَهود، نبذو.
و أما نصرتي لك فهي أن أكتب لنا ما يلي:
قالت سناء لكمال عباس أن قوله باحتمالات تأويل تعبيرها الكهربائي بالإنجليزي "قد أفسد أكثر مما أصلح"! كيف يفسد؟ و الرجل ما زاد على الحقيقة، فاحتمالات المعنى الآخر قائمة قائمة و لا ينفي قيوميتها جهل بها أو حسن مقاصد أو فضل أخلاق القائل. كما و أن الحقيقة لا يجب أن تكون مفسدة، إلا لبعض الود و ليس كله! و الصحيح أيضاً هو أن الذي أفسد بأكثر مما أصلح فياهو داكـ: حسن نوايا شيخي قيقراوي و مثاليته المحاسبية المتلهفة على حساب يجري على خط مستقيم في دنيا هي بالطبيعة ملولوة.
إن قولك يا سناء عن الهاي فولتيج كما كل الأقوال غيره ذوات القابلية للحمل بأكثر من محمول، هو مما يتأول، أي يقبل التأويل، مثله كما أي كلمة أو تعبير في أي قول أو أي كتابة. مثلاً، يعني زيو زي تعبيرات الـ " قزازة الكوكاكولا" و "المسقفين" أم هي "المسغفين"، و "إهداء الأصدقاء بغير قصد" و غيره مما في مداخلتك الأسّست لانحراف الصفحة العاشرة، و وفقاً لسياقها الذي وردت فيه. فهي تعبيرات مما لم أقدر فأرجح فيه أي تأويل حسن، و لدرجة أنني استفظعت ترجيحاتي التأويلية أن تصدر حقيقتها عن سناء التي عرفت. فقد و الله تأولت أنا هاته التعبيرات تأويلات في العداوة و البغضاء و الإحن لا يستحبها قلبي و بالتأكيد ستحطم قلب "حبيبي" قيقراوي " و البين قوسين دا و بدوره تعبير قابل للتأويل " سوى أني أحب قيقراوي بسياقات "في الله و لله" . و الشهادة يا أخوان و أخوات، لله .
أما في سياق المشكلة المتوارثة منذ بوست ميادة استحضرتماها ههنا، يا بت خالد و بت اللمين، بأكثر مما فعلت بت الخليفة، فقصارى قولي هو أن: التعبير الإنجليزي بتاع الفولتيج دا لا يحتاج حتى أن يؤول تأويلا قريباً لا تثريب عليه و ذلك لمعيارية مجازه الدارجة حسب سياق الجملة و صياغتها. و لكن ذلك لا ينفي احتمالات أخرى لتأويلات قد يكون عليها التثريب، كل التثريب الممكن. فأنا شخصياً، و بحكم معرفتي بالشخصية القوية و المحترمة و ليست فيمن "يتفاتى" بالتعريض الجنسي و لا غيره ـ واثق من براءة القصد عن الإيحاء الجنسي في ذلك التعبير ضمن سياقه، كما و أظن أن رحاب نفسها واثقة من براءة و مباشرة المعنى في التعبير ضمن سياق جملته. ما فهمته أنا من السياق عن التعبير High Voltageإنه يفيد عن خطر اشتعال الحريق/الصعق، سواء في سياقات خلاف الحاضر أو باستعادة لخلافات قديمة استشكلت في الشخصي ـ بالمناسبة يا سناء و من تاني، لا أبرئ ما تلا جملة الهاي فولتيج، في نفس المشاركة، من التحريض و جر الشكل. و بالمناسبة ذاتا، لماذا هي مشكلة فحرق و صعق فيجب أن تتوارثها البوستات، و ليس مجرد خلاف آراء في موضعه ثم قد نتفق أو نختلف حسبما الموضوع؟
ثم أنا لا أعتقد أن الدكتورة رحاب قد غلطت في قراءتها التأويلية العامدة إلى الفرصة و قد لاحت، بل هي قصدت بإحضار التأويل لسوق الكلام القائم هنا، لأن تقودنا إلى ذاك الموضع الحرج من البوست، موضع المعيار، فتطبق بذلك أفضل أمثلة هذا الخيط ـ يا أستاذة داليا ـ و بما يوافق فرضيتها عن المعيار.
و لكن، فلنفترض أسوأ الفروض، و نقول رحاب دي غلطت في تأتير الكلام كلو كلو، فتأولته تأويلا بعيدا أملاه عليها فرط الحذر على السمعة! طيب ما برضو رحاب دي معذورة لأنو هي زيها زينا و زي سناء و أماني و بقية أخواتنا ديل و أخوانا ديلاك و أختنا منال الله يطراها بالخير، عندها أهل و أسرة و أعزاء و معارف خشيت أن يتأولوا التعبير تأويلا لن يرضيها و لا هم، لا عنها و لا عنك يا سناء، و لا عنا.
و لكن هل كان هو هم رحاب الهمهم بيها؟ و ما بالها تظن بنفسها الظنون؟ لا أظن.
و ذلك لأن رحاب، في تجاوز ذكي لا ريب فيه، قد كتبت الفوتـنوت دي:
The phrase “high voltage” that you used is full of sexual innuendo
و الوكيبيديا، قدس الله سرها، قالت:
The term sexual innuendo has acquired a specific meaning, namely that of a "risque" double entendre by playing on a possibly sexual interpretation of an otherwise innocent uttering.ْX
و الترجمة غير الأمينة هي: "تعبير الإيحاء الجنسي اكتسب معنى محددا، فباللعب المتعمد على بعض التعبيرات ذات الحمولات المزدوجة، يمكننا أن نرجح على معانيها، التي عادة ما تكون معان بريئة، معنى جنسياً محتملاً ". .. يا شباب، لو بتشوفو "ذا سيمبسونز" فما تستغربوا إنو؟
"When something you say is meant to be totally innocent & it sounds terribly sexual."
يعني و كأن رحاب عايزة تقول لينا.. يا جماعة أنا عارفة قصد سناء و واثقة من براءة تعبيرها و لكنني ههنا سألعب عن تعمد رياضي خشن، سالعب لعبة المحمول المزدوج للتعبير دا فأثبت بها صحة إنكاري لمعايرة النوايا... برضو منطق، و إن قسا. ـ أوعا زول/ة ت/يقول لي هي رحاب دي ما لقت غير المحمول الجنسي دا! فالجنس هنا بالزكائب و أهم معيار في معايير البوست زاتو!. ـ و الحقيقة يا أخوانا لعبتها كانت حلوة... بالقاضية الفنية على معايرة النوايا... صاح و لا غلط يا داليا؟ ثم باخت اللعبة كلها بالزعل و الزعل المضاد! و باخ البوست!
يا سناء، أقدر أن الحوار كان سيتجه وجهة مختلفة لو أنك كنت قد أجبت كمن يحسن الظن و مباشرة و دونما ارتهان للماضي، على سؤال رحاب المباشر لك عندما سألتك عن المقصود بتعبيرك فلم تجيبي إلا بأسئلة مستنكرة متحدية، و كان يمكنك الإجابة مباشرة و بوضوح، فلا محيص بوقتها، و أنت الصادقة، لأي كان، أن يدحض نفيك لأي ظلال سالبة في استخدامك التعبير، إلا تعنتاً. و لكنك يا أخية لم تفعلي! غالباً عن مكابرة بإملاء مما مضى، و بذلك فقد أفسحت أنت لرحاب المجال أن تضرب مثلها بما لا و لن يدحضه جحفل من حملات تجريمها المقروع نحاسها منذ يومين. و بالضبط كما أرادت رحاب. فقد سهل لها الدلق العاطفي من نوال مطلوبها في الإثبات. و لا أعرف يا بت اللمين، كيف ستكذب أو ستلفق بت الخليفة فيما ما لم تحط به علماً منذ البداية، و ذلك لأنه أصلاً أضحى مسحوبا، و غالبا فهي لم تره لأنها كانت مشغولة بالتداخل مع ما سبق! عن الذي رأيناه فإنها لم تكذب.
و يا سناء، بل لقد تماديت في غضبتك بعد استفسار رحاب منك عن قصدك، فزدت الإيحاء البعيد و المفترض جدلاً، لتعبيرك البريء أصلاً، زدته استعاراً بقولك لرحاب عندما أوردت لك حدود التأويل السيئ الممكن، قلتي ليها ـ يو نو بيتر! ـ و الله أنا زعلت منك يا بت عمي يا سناء بت عم خالد، ليه يعني شي نوز بِتر، بِتر من منو؟ مني و لا منك أو من غيرنا من البشر؟ و ليه يعني ؟ و ما حأسألك بتر في شنو!
طبعاً كان يمكن لرحاب أن تفعل ما فعلت الأخت أماني معها، فتحقق معك عنه و تترافع بشواهد لن تعدمها، من سياقات ما أنزل الله بها من سلطان، أو تطلق الأوصاف على عواهنها خبط غضباء، فلا تليق، و لكنها فضلت أن تضرب، ليس صفحاً عن الأمر و يا ليتها تفعل، بل أن تضرب بازدواجية المحمول التأويلي أفضل أمثلة البوست عن اللامعيارية الحتمية في قياس النوايا. تلك كانت قضيتها، و هذا بالذات، و بلا أدنى شك، و على قسوة التجريد، كان هو المثال الأفضل تعبيراً عن أيما "تصور" لـ صاحب/ته/ه في هذا البوست، و حتى لو عدّلت داليا في مداخلتها.
ــــــــــ
اللهم لو تبيّن لي إنني مخطئي فسأعتذر لمن يحقّني لا أعبأ بغير رضاه/هاـ أما التدوير فلا طائل من ورائه.
ــــــــــ
و تاني:
محمد الحسن،أيا أخانا الكريم، شكرا على إهدائنا أحد أقيم و أفيد و امتع خيوط الحوار بأيامنا دي. مشاركة جماعية نشطة و تطبيقات عملية على تفعيل أساليب التفكير النقدي و حكايات حكايات حكايات. شكراً.
| |
|
|
|
|
|
|
|
|
|
Re: ما هو المعيار ؟ (Re: هاشم الحسن)
|
أستاذ هاشم
إسعد مساك
| Quote: و حتى لو عدّلت داليا في مداخلتها. |
مداخلتي الكان مفادها أنو الخلاف الدار بين الدكتورتين كان خلاف ذكي ومثال جيد لموضوع البوست وكلام زي ده..
أول أسباب التعديل كانت
الأشرت ليها دي ، ولأنو حسيت انو الإختلاف قاعد يفسد الود عديل من حيث ندري ولاندري ،والهي كانت ماعندها اي علاقة بانو د/ سناء ممكن تقول كلام زي ده أو لأ ، لكن قابلية التفسير لأي شيء ممكن أتقال من أي زول في الدنيا ، شي تاني برضو حصل لما قريت انو د/ رحاب أشتكت أماني ، وده كان صادم جدا لي لأنو حسب قرايتي ليها زولة ما بعجزهاالرد وبمنتهى القوة كمان..وعبرت عن إعجابي بيها في البوست وماعندي أي فكرة عن خلافهم إلا بعد د/ سناء جابت اللكنات ، فحسيت أنو في حاجة غلط في الموضوع ، والتعامل بموضوعية بعيد عن الشخصنة ما كان ممكن في ظل الإحتقان الحاصل ..وانا ماحريصة على عداوة أكتسبا بدون ما اكون طرف فيها..
وعشان معايري (أنا داليا دي ) قابلة أنها تتغير بكرة دي ، بكرة شنو الليلة  فيبقى تجاهل مشاعر الآخرين نوع من
القسوة المامبررة ..
عارفاك ما طالبتني بشرح لكن أهي فرصة الزول يوضح ..
تحياتي وربنا يهدي النفوس ..
| |
|
|
|
|
|
|
|
|
|
Re: ما هو المعيار ؟ (Re: داليا حافظ)
|
و مساك الأسعد يا داليا، زارتنا الملائكة و مبروك تاني.
يا زولة أشكر لك التوضيح، و بالطبع ما كنت تحتاجين فقد تابعت.
أحترم معاييرك و لو تغيرت كل ثانية(كمان ما بالسرعة دي)!:)
بس لتسهيل المتابعة فعليك تحديدها بنفس السرعة، و دا أمر مرهق فيما أظن:).
إشاراتي إلى تعديلك كانت بغرض أن أثبت موقفاً و لو بالتعارض مع موقفك، بالطبع مع وافر التقدير و الاحترام.
فإنني مثلاً لو أعجبت برأي أو موقف لشخص فعبرت عن إعجابي الآن، ثم حدث غداً من مستحق اعجابي ما يوجب المخالفة و الامتعاض والغضب فإنني و مع اثبات مخالفتي للموقف فلن أسحب اعجابي الأول و ذاك لأنني أفهم أن الناس ليسوا بكموم جامدة لا تتحرك... في دواخلهم و في خارجها.
طبعاً نتحرك، تتفقين معي، لكن المحنة تبقى لو بنفس سرعة معاييرك القلتيها دي.:)
و طبعاً المحنة الأكبر تكون لو ألزمتك بطريقتي أو العكس.
قلتي| Quote: وده كان صادم جدا لي لأنو حسب قرايتي ليها زولة ما بعجزهاالرد وبمنتهى القوة كمان.. |
عن شكوى رحاب لأماني عند بكري، هل هي أمر مؤكد؟ طيب، و إن يكـ، ليه صادم يا داليا؟ ألأنه خالف تصوراتك عنها؟ هل حدث أبداً، في الواقع، أن أحاطت تصوراتك عن أي شخص بالشخص ذاته؟ ثم ياأستاذتي الفضلى، اللجوء للقانون دا، غض النظر عن قوة أو ضعف قضيتك أو ما يظنه خصمك و المراقبون، ما براهو كدا قوة في حد ذاته... مالك مابياهو ليها و لينا، طبعاإلا من كظم و عفى، فتلك قوة عظمى. أم هل القوة هي أن أرد على كل كلام لا أقبله أو لفظ قطعي حاد و متجاوز بنفس النفس الغير مقبول و القطعية و الحدة و التجاوز أو أشنع. بالطريقة دي النفوس ما بتهدأ تب.
و آميييين، ربنا يهدي النفوس.. بطريقة لا أعرفها فلا أروجها. فللرب طرقه.
و المهم، ربما يساعد دعواتنا دي أن بابا في البرالية انفتح تحتنا هنا!
أشكرك و يا ريت بعد المعايرة دي تخلص تجيبي الملائكة و نتبرك بيهم من حال المحنة...
| |
|
|
|
|
|
|
|
|
|
Re: ما هو المعيار ؟ (Re: هاشم الحسن)
|
سلامات أستاذنا هاشم الحسن ..
كتابتك مرتبة جداً وكانت من الممكن أن تكون صحيحة لأبعد الحدود وتحديداً بخصوص د. رحاب ولكن!
بالرجوع إلى مداخلاتها في هذا البوست نجد أن د. رحاب مارست القراءة الخاطئة وتقويل الآخر مالم يقل والأفدح من ذلك الإلتفاف حول ظاهر الكلام ومضمونه لينتهى عندها بعبارة أنا ما قلت بذكاء حلزوني !!
قلت يا بت عادي وبتحصل، ولمزيد من النزاهة وحرصاً على ألا أظلمها قمت بزيارة الروابط التي تفضلت بجلبها د. سناء والتي وللحق لأول مرة تقع عيني عليها فلمست شيئاً من عدم الأمانة في النقل وفي القراءة من جانب الدكتورة رحاب (الروابط والإقتباسات upon request )
قلت يا بت لأ، يمكن أكون غلطانة وفي نفس البوست وجدت رابطاً آخر يقود إلى نقاش لها مع الأستاذ محسن خالد في بوست للأستاذ كبر وهنا كان أن إكتمل هلال رؤيتي بدراً في عدم أمانة الدكتورة رحاب وهي المشكلة التي واجهت أربعة من محاوريها "من ضمنهم أنا نفسي" في أماكن مختلفة هنا وفي بوستات أخرى ناهيك عن الكثير من النقاط التي قامت بإنتقادها بشدة في مواقف سابقة وإذا بها الآن وفي هذا البوست تحديداً تقع في فخ ممارستها جميعاً بدون إستثناء (الأمثلة upon request برضو!)
كلامي أعلاه ليس الغرض منه إنتقاد الدكتورة رحاب لمجرد الإنتقاد ولكن إحقاقاً لحق رأيته بأم عيني ورفض لظلم بيّن وقع على د. سناء وعلى الأخت أماني في كتابة واضحة كالشمس تقوم هي بتحميلها وتفسيرها بما لا تحتمل الكتابة ولا صاحب/ة الكتابة وهذا ليس من مصلحة أي حوار تكون د. رحاب طرفاً فيه ..
النقطة الثانية هي محاولة لتثبيت فكرة أن (لكشرة) الناس من علٍ قد تسلط عليك الضوء بما يكفي ليؤكد أنك أنت نفسك تقومين بما تنتقدي الناس فيه وتنظّري في عدم لائقيته وربما أزيد لأن من يرفض قراءة النوايا و" يجاهد نفسه على ذلك" عليه ألا يقع في فخها ولو كان بذريعة (دا معياركم شلتو ورجعتو ليكم شوفوهو كعب كيف) ..
ـــــــــ
هذا رأيي للدنيا والزمان حول ما دار ويدور في هذا الموضوع
| |
|
|
|
|
|
|
|
|
|
Re: ما هو المعيار ؟ (Re: هاشم الحسن)
|
أخي أو (أستاذي) هاشم الحسن..
عذراً لأنني لم أعرفك لأحتفي بك كما يجب.. و إن كانت معرفة تزيدني شرفاً بلا شك...أعتقد أني أعرف (هاشم) واحد في شمبات.. فربما كان لمجيء الاسم كاملاً أثر في أن يبدو جديداً علي و في عدم تعرفي عليك مباشرة فعفواً يا هاشم؟؟ أستاذنا؟؟
و عذراً لأنني أعجز و تتقاصر لغتي أمام بلاغة منك لا قبل لي بها..فاتركني أعبر لك بأدوات متواضعة جوار أدواتك..
و الله يا أستاذنا لم أستطع أن أقاوم الابتسام و أنا أقرأ حججك التي سقتهافي الدفاع عن رحاب و لن اقول في الانصاف..فما رأيت إنصافاً في خطابك..و إن أحطتني بكرم شهادة مبنية على معرفة و زمالة و صداقات جمعتنا.. و لكن لم تحل شهادتك دون أن يترك مقالك انطباعاً بأن رحاب لو أحضرت محامٍ ما كان سيبرئها بمثل ما برأتها به.. و لا كان فوق البراءة سيقلدها بمثل ما قلدتها به من نوط الذكاء و المهارة.. !
Quote:
يا أختنا رحاب بت الخليفة، أثق في البراءة الجنائية بمعنى التعمد، و ليس الحدسية التي في اللاوعي، لإشارتك الأولى إلى معاناتك في و منذ بوست "ميادة"، و ذلك لأن القضايا الهناك تكاد تكون هي بعض قضايا الهنا فلا غرابة لو تعلقت بها تفاكير من كان مثلك مشاركا في البوستين باستغراق متحمس. و لو سقط عن إشارتك ركن القصد إلى تعليب النيران هنا، فما سيسقط عنك بقرائن الحدس أن تشابه عليك بقر الآن و الكان زمان. الحصل حصل |
يا أستاذنا..من أين لك الثقة بنوايا رحاب؟ ما هي بواعث هذه الثقة؟
سآتيك بما يجعلني أنا لا أثق إطلاقاً..و لا أدري لماذا تعتبر عدم ثقتي فيها أنا حكماً على النوايا..كما أتنبأ أن يكون ردك و ردود آخرين ممن فصلوا المصطلحات هنا فكان من ضمنها (مرّاقة) اسمها حكم على النوايا..!!
ثقتك يا سيدي أيضاً حكم على النوايا غير مشفوع بدليل..أم أن الأحكام الإيجابية لا تعتبر (ظناً) و (تخرصاً)..
إن كانت ستميل كفة العدالة فهي في اعتقادي أنا(قراءة نوايا جائرة) في حق من حملته عبء هذا الظن.. و هي مخاطِبتكم الآن..أنا!
أنت قلت أن لا غرابة في أن يشغل موضوع بوست ميادة رحاب لأنها مهتمة بالشأن و هو في رأيك ذات شأن هذا البوست.. واثقاً انه يشغلها من ناحية اهتمامات جندرية هي من طبيعة عمل الدكتورة..أو نشاطها..
بينما أنا أثق (أيضاً) أنه يشغلها و لكن لأسباب لا علاقة لها بالجندر..
يا أستاذي هاشم هناك خلفيات كثيرة لهذا الموضوع غائبة عنك و عن معظم من يقرؤوننا الآن..فالدكتورة لاحقتني لفترة عن طريق أصدقاء مشتركين ملحة في (طلب اعتذار) و في طلب مكالمة هاتفية تقنعني فيها بحساسية مكانتها أمام أهلها و طلابها لأنها تزعم أنني اتهمتها هناك بالكذب.. و لا بد أن أعتذر لها عنه..
الشيء الذي رفضته أنا و رفضت أن يتأسس بيننا أي اتصال مبني على طلب الاعتذار هذا (ربما يفسر لك هذا جملتهاالتي تطالب فيه باعتذار أيضاً في هذا البوست ..اعتذار كبير جداً)
يا أستاذي..
أن تبريء نوايا رحاب التي أتت بموضوع ميادة هنا و لم يأت به غيرها..و هي التي لم تشر إلى موضوع ميادة بل إلى المشكلة التي حدثت فيه (هناك فرق يهدم نظرية الاهتمامات الجندرية!!) و هي التي قرنتها (بلوووول)..
ثم بعد ذلك ..هذه الجزئية..
Quote: والله يا عادل قراية النيات دي مشكلة و سبب مشاكل كتيرة في البورد ده و براهو، و يقع فيها الانسان من وقت لاخر
البوستن ده في حد زاته ملان كترة قراية للنيات، بداية بقراية نية سيد البوست، و مرورا بكمية من الشاركو فيه و حتي الما شاركو فيه طالهم قراية نيات |
بعد احتجاج الأخ محمد سليمان على ما ظنه حكماً عليه ..و ما سماه قراءة للنوايا..صدرت مني!!
كيف تقنعني أنني من دون عالمين هذا البوست حزت على اهتمام الدكتورة بحسن نية!!
الله شافوه بالعين و لا عرفوه بالعقل يا أستاذنا؟!!
Quote: لا أبرئ ما تلا جملة الهاي فولتيج، في نفس المشاركة، من التحريض و جر الشكل. و بالمناسبة ذاتا، لماذا هي مشكلة فحرق و صعق فيجب أن تتوارثها البوستات، و ليس مجرد خلاف آراء في موضعه ثم قد نتفق أو نختلف حسبما الموضوع؟
|
الحديث عن المشكلة في بوست ميادة رحاب هي من وضعته على طاولة حوار هذا البوست ..و التحريض بدأ عندها.. و حتى توقيت دخولها البوست لم يأت عبثاً..لا قراءة نيات بل معرفة من اختبر هذه الشخصية من قبل..لا أنا و لا أماني و لا حتى قيقراوي بدأنا باجترار ما كان هناك هنا..فلا تلمني إن رددت عليها بناء عليه..و إن كنت تعمدت أن أختصر لها المشوار..لأن رحاب أساءت تفسير انصرافي عن الرد عليها فيما مضى!!
| Quote: ثم أنا لا أعتقد أن الدكتورة رحاب قد غلطت في قراءتها التأويلية العامدة إلى الفرصة و قد لاحت، بل هي قصدت بإحضار التأويل لسوق الكلام القائم هنا، لأن تقودنا إلى ذاك الموضع الحرج من البوست، موضع المعيار، فتطبق بذلك أفضل أمثلة هذا الخيط ـ يا أستاذة داليا ـ و بما يوافق فرضيتها عن المعيار.! |
هذا إفراط منك يا أستاذي في إحسان الظن برحاب.. و لا أدري ما هو مبرره..
يا أستاذي..
لماذا اختارتني رحاب من دون غيري في هذا البوست لضرب المثل.. إن كانت كم تقول لم تأت بدوافع من إرث خلاف سابق؟ و هل لم تلح لها فرصة لتصيد (مادة للدرس) سوى في كلامي مبتوراً (و ممثّلا به)؟ لماذا -مثلاً- لم تستخدم مداخلة عزاز لأساسي على سبيل المثال؟؟
ثم كيف يتأتى لدكتورة .. و محاضرة في الجامعة..و باحثة أو ناشطة.. أن تقطع الكلام من سياقه..و تبتسره أيما ابتسار ..لتضرب به مثلاً..هل أخرج أي منا كتابات منال عن سياقها قبل أن ينتقدها؟!!
هل هذه من أصول البحث؟ هل هي من قواعد التدريس..؟ في رأيي أن استخدامها لعباراتي بهذه الطريقة و إخراجها عن سياقها..هو تزوير.. و عدم مصداقية!!
أنت نفسك ثبت يا استاذي أن أي عبارة مهما كانت يمكن أن تحمل إيحاءات بناء على الكيفية التي تقال بها..أي أنك تعترف بأهمية السياق..فلماذا تجاوزت رحاب عن هذه الأهمية؟ و كيف يكون الغرض مرض..إن لم يكن هكذا؟؟!!
| Quote: لكن، فلنفترض أسوأ الفروض، و نقول رحاب دي غلطت في تأتير الكلام كلو كلو، فتأولته تأويلا بعيدا أملاه عليها فرط الحذر على السمعة! طيب ما برضو رحاب دي معذورة لأنو هي زيها زينا و زي سناء و أماني و بقية أخواتنا ديل و أخوانا ديلاك و أختنا منال الله يطراها بالخير، عندها أهل و أسرة و أعزاء و معارف خشيت أن يتأولوا التعبير تأويلا لن يرضيها و لا هم، لا عنها و لا عنك يا سناء، و لا عنا |
أحزنتني هذه الجزئية من كلامك مهما كانت مبرراتها..
فأسوأ فروضك يا أستاذي يقودنا إلى فرض أسوأ..!! عبارتي أنا.. في ظل كل ما يحيط بها من سياق..تعتبر في أسوأ فروضك..و في تأويل رحاب ضارة بسمعتها.. تأويلاً تجد لها فيه العذر..و أي عذر..يا أستاذنا حسبي الله و نعم الوكيل.. تؤذيها عبارتي..و لا يؤذيني أنا تأويلها (القاطعاهو من رأسها)! يا أستاذنا..أينا عرضت سمعة الأخرى للضرر..يا هاشم الله يرضى عليك أنا ما عندي أهل و أسرة و أعزاء و معارف و لا شنو؟؟؟؟؟؟!!!!!
Quote:
يا سناء، أقدر أن الحوار كان سيتجه وجهة مختلفة لو أنك كنت قد أجبت كمن يحسن الظن و مباشرة و دونما ارتهان للماضي، على سؤال رحاب المباشر لك عندما سألتك عن المقصود بتعبيرك فلم تجيبي إلا بأسئلة مستنكرة متحدية، و كان يمكنك الإجابة مباشرة و بوضوح، فلا محيص بوقتها، و أنت الصادقة، لأي كان، أن يدحض نفيك لأي ظلال سالبة في استخدامك التعبير، إلا تعنتاً. و لكنك يا أخية لم تفعلي! غالباً عن مكابرة بإملاء مما مضى، |
و لا أعرف حقيقة كيف تتوقع مني أن أستجيب لصيغة أمر مثل هذه أياً كانت من صدرت عنه!! و لا من أين آتي لها بحسن الظن..ليوقد طاقة إيجابية للرد؟ هل كنت ستستجيب..لو وجه إليك مثل هذا الخطاب؟
Quote: الاخت سناء
انتي عارفة الايحاء الموجود في تعليقك ده؟
انا بصراحة لا اعرف نواياك، و ارجو منك التوضيح و حذف التعليق فورا! |
عبارتي أوضح من الشمس لمن ليس بعينه رمد الغرض.. و لن يخفى على حتى من لا يعلم بأمر خلاف سابق..أنني أقصد بها حالة توتر عالي الحساسية بيني و بين رحاب... و إن كان ثمة أي لبس قد يقود إلى ربط العبارة باسم و ليس بشكل العلاقة بيني و بينها..فهو اسمي أنا..و ليس اسمها لأنني لم أربط باسمها في العبارة ابداً
Quote: رحاب ..
سلامة رأسك من اللف.. !
تعرفي أنا مما الحبشي خت اسمي في مداخلة ليك.. كنت عايزة أكتب ليهو High Voltage ,Don't Touch!
أصلها الحريقة دي أكان قامت المرة دي الله أعلم تطفيها قزازة (كوكاكولا)..!
..
|
الكوكاكولا.. تعبير رحاب..ليس تعبيري..و تأويله تفهمه هي..و يفهمه من شهد وطيس المعركة السابقة..و بعضهم هنا!!
Quote:
يعني و كأن رحاب عايزة تقول لينا.. يا جماعة أنا عارفة قصد سناء و واثقة من براءة تعبيرها و لكنني ههنا سألعب عن تعمد رياضي خشن، سالعب لعبة المحمول المزدوج للتعبير دا فأثبت بها صحة إنكاري لمعايرة النوايا... برضو منطق، و إن قسا. ـ أوعا زول/ة ت/يقول لي هي رحاب دي ما لقت غير المحمول الجنسي دا! فالجنس هنا بالزكائب و أهم معيار في معايير البوست زاتو!. ـ و الحقيقة يا أخوانا لعبتها كانت حلوة... بالقاضية الفنية على معايرة النوايا... صاح و لا غلط يا داليا؟ ثم باخت اللعبة كلها بالزعل و الزعل المضاد! و باخ البوست!
|
أراك يا أستاذي تسرف في مدح الخبث و الدهاء.. و تجد له مسميات كاللعب الرياضي الخشن.. مع ما فيه من تزوير و لولوة و طمس للحقائق..ثم تأويل سيء..و يروق لك فتصفه باللعبة الحلوة.. و قاضية فنية..(حتى داليا تزعزع لديها هذا الاعتقاد!!) الجنس بالزكائب ..لن تجد منه قيراطاً واحداً فيما أكتبه.. و لماذا يحرف ما أكتبه ليصلح مثالاً ..
أين اللعبة الحلوة.. و كيف تكون الدروس و الرياضة بلا أخلاق و لا رادع؟ أكيد الدكتورة بتدرس الEthics و ال
Morals من ضمن ما تدرّس.. فأين ما فعلته من كل هذا؟
Quote: يا سناء، بل لقد تماديت في غضبتك بعد استفسار رحاب منك عن قصدك، فزدت الإيحاء البعيد و المفترض جدلاً، لتعبيرك البريء أصلاً، زدته استعاراً بقولك لرحاب عندما أوردت لك حدود التأويل السيئ الممكن، قلتي ليها ـ يو نو بيتر! ـ و الله أنا زعلت منك يا بت عمي يا سناء بت عم خالد، ليه يعني شي نوز بِتر، بِتر من منو؟ مني و لا منك أو من غيرنا من البشر؟ و ليه يعني ؟ و ما حأسألك بتر في شنو!
|
و الله يا أستاذنا حيرتني..حتى ردي هذا تعتبره تمادي في الغضب؟!!! ثم تقول أنك منصف؟؟!
يا أستاذي..لكل فعل رد فعل..مساو في المقدار و معاكس في الاتجاه!! قوانين ربانية من طبيعة الأشياء!!
| Quote: و لا أعرف يا بت اللمين، كيف ستكذب أو ستلفق بت الخليفة فيما ما لم تحط به علماً منذ البداية، و ذلك لأنه أصلاً أضحى مسحوبا، و غالبا فهي لم تره لأنها كانت مشغولة بالتداخل مع ما سبق! عن الذي رأيناه فإنها لم تكذب |
لا أعرف ماذا أسمي هذا إن لم يكن تحيزاً أعمى و حياداً عن الحق ما كان ينبغي لمن يكتب بمثل هذه البلاغة!!
أولاً للرد على الجزئية أعلاه..كنت أتمنى ألا يورد اسم الأخت و الصديقة أماني في مورد يضع عليها شبهة إثارة الفتن..و أنتم تعلمون أنها لا تستطيع الرد عليكم.. و حجتك التي تسوقها لتخطئة أماني خليط من المغالطة..و ما يشبه الجزم بأمر حتى صاحبته قالت بعكسه!!
يا أستاذنا رحاب نفسها ما قالت ما شافت مداخلات قيقراوي!!..ربما لم تقرأها أنت و لكن رحاب قرأتها و أقرت بذلك..بل حاولت تزييف و تغيير محتواها اعتماداً على أنها لم تعد موجودة!! يا أخي هيقالت..
Quote: جو قيقراوي و كمال عباس اكدو كلامي و قالو ليها يا سناء احذفي الجملة دي، لانها بتتفهم بكم طريقة و فيهم طريقة فيها الايحاء الما دايرنو ده
|
و بعدأن تصدت لها أماني..و واجهتها بتحريف المداخلة..عادت و قالت..
Quote: قيقراوي طلب من سناء حذف المداخلة و لم يقل لسناء انتي قصدك ايحاء، بالعكس
و كما قالت اماني، هو قال بالواضح انه ده ما قصد سناء، و لكن فهمي انا من طلبه لسناء حذف الجملة انه يعرف
المعني الاخر لها و انها ممكن تنقري بصورة تانية، اها ده فهمي، لو طلع غلط اليطلع سيد الكلام و يقول ان ما
قاصد كده و اعتذر ليه و احب علي راسه كمان - و دي ما دايره ليها شهادة
|
و أقرت بما كان فيها و إن حاولت تأويله أيضاً..ثم تأتي أنت و تقول أنها ((غالبا)) لم تقرأها و تجد لها إضافة على ذلك العذر في انشغالها!!
ألم تر أنك وسعت باب العذر بزيادة لرحاب.. و ضيقت علينا حتى في حق الرد..؟؟؟!
يا هاشم الله يرضى عليك دا كلام دا؟؟
إضافة أخيرة..
الأسلوب الذي اختلفت به رحاب معي في موضوع ميادة و إصرارها على جر الشكل.. بما أدى إلى قتل بوست إشراقة عن التحشات الجنسية ((الذي كان يخاطب الاهتمامات الجندرية على فكرة)) .. و إصرارها المبالغ فيه على إشعال فتنة بيني و بين ماما دومة.. الشيء الذي سار عكس ما أرادت..لا يجعلني أثق بها مهما حدث..ناهيك عما تلاه هنا!
إضافة لأنني بعد أن قرأت لهافي ذلك الوقت مانبهتني إليه صديقة..علمت كيف تنهي رحاب خليفة حواراً تحس أنها قد تخسره.. و أي أساليب ملتوية قد تلجأ إليها.. و عرفت أنها لم تضع إيميلها في بوست إشراقة عبثاً..
دونك هذا البوست..قراءته ممتعة حتى بغض النظر عما أشير أنا إليه من أساليب الدكتورة ..
هي وليمة..و لكنها ..De Facto..يا صديقي محسن خالد
تحياتي و آسفة عل التطويل و أرجو أن لا تجد فيه ما تعتبره إعادة تدوير!
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: يا دكتورة و الله ((كان)) دي جبتيها من عندك الله يسامحك
ودا برضو مثال لحكم متعجل أو قراءة متعجلة
كلامي الذي كتبته هو (((وهذه ليست مشكلة إذا تعلقت أحكامك
بي أنا وحدي فهذا أمر محتمل ويجيزه مقامك المحفوظ عندنا)))
|
يا أخ محمد.. و الله أنا ما عارفة القاعد يقرأ التاني غلط منو فينا!!
و لا عارفة انت ليه متخيل انو أنا بكتب كلام ما واعية ليهو!!
كدي بالله عليك راجع نفسك في نموذج الإجابة الأديتنا ليهو فوق دا..شوف انت متعجل كم مرة..
و وريني أنا اتعجلت وين ؟!
((كان)) دي اختياري أنا.. و مقصودة جداً!! و لا أسف!
و قصة ما عارف في ياتو سنة و من منو.. مع أنها لا تعنيني..(فأنا لا أتحمل مسؤولية ما يقوله غيري...فارغ و لا ملان..) لكن كتيرة شوية على التصديق..يا ملك التوثيق!
ثم ..أنا أفعل ما أراه (أنا) صحيحًاً ..بقناعاتي..لا ما يفعله الآخرون..
و لا ما يتمناه علي من لا تؤهلهم مكانتهم عندي للتمني (ناهيك عن انو يكون أمر!!)!! ً
__________
لعبة سؤال سؤال يا قول عزاز قصدت أقول ليك منها انو نحن برضو ممكن نساءلك و نلاحقك زي ما انت بتعمل..
لكن ما عاجبنا الأسلوب ..و لا ملزمين بنموذج الإجابة الأديتنا ليهو!
..شفت السؤال الطرحتو انت من جملة ما طرحت على عزاز.. و الفرضية الوضعتها..
Quote: الأخت الكريمة عزاز
شكرا للتعقيب .
يبدو لي المنطق غريبا جدا خاصة إذا اعتمد على مثل الدعاوى الباطلة ومجموع النكارات التي دفقتها الأخت الكريمة أماني
ولأنه اعتمد كذلك على فرضيتين غير صحيحتين :
الأولى : الجمع بين اسمي الدكتورتين في مداخلة واحدة!! أي مداخلة تقصدن ؟
الثأنية : علمي بخلاف سابق بينهما ( لا علم لي بهذا الخلاف مطلقا )
-------
شكرا |
(((ولأنه اعتمد كذلك على فرضيتين غير صحيحتين :
الأولى : الجمع بين اسمي الدكتورتين في مداخلة واحدة!! أي مداخلة تقصدن ؟)))
و ها أنت تقر بأنك من سّبب هذا الخلط..
Quote: دعيني أشرح لك بأحكام متعجلة وقعت مني :
أولا :في الخطأ الذي وقع من جانبي بحقك أعلاه حكم متعجل لأني تعجلت الحكم على كلامك
ففهمت أنك تقصدين قرن اسمك باسم الدكتورة رحاب في مداخلة كتبتها أنا . حكمي جا ء متعجلا
لأني لم أعط مداخلتك من الوقت ما يكفي لفهمها بالمعنى الصحيح الذي تقصدينه وتعجلت ووجهت كلامي إليك بناء على الفهم
الذي تبادر إلى أولا ولم أصبر حتى تأتي لتشرحي كلامك ))). |
ياأخ محمد الحسن سليمان..
للناس ألسن..للناس أعين!!
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
التقول ضياء الشكرجي قرأ بوست المعيار و اخبار السواطة في مفهوم (الحرية)
Quote: فلسفتي في الحرية والمسؤوليةضياء الشكرجي
[email protected]
الحوار المتمدن - العدد: 3010 - 2010 / 5 / 20
المحور: مواضيع وابحاث سياسية
راسلوا الكاتب-ة مباشرة حول الموضوع
هناك مقولة ليبرالية مفادها إن عالمنا الحديث قد غادر الإيديولوجيات، ولكن هذه المقولة وما يترتب عليها، هي بحد ذاتها لون من ألوان الأدلجة، كما إنه قديما قد قيل بأن نفي الفلسفة هو لون من ألوان التفلسف. ومن هنا لا بد للسياسي أن يمتلك قاعدة فلسفية أو قل فكرية يقوم عليها كل بنائه السياسي، فكرا وخطابا وموقفا وسلوكا سياسيا. وعندما أقول «فلسفتي»، فليس من قبيل ادعاء أني من أهل الاختصاص في الفلسفة، بقدر ما يعني ما يمثل فهمي للقضية التي تدور حولها ما أإسميه بـ«فلسفتي».
الحرية بمفهومها الليبرالي، بكل تأكيد لا تعني انفلاتا من الالتزامات الأخلاقية والإنسانية، ولا تخففا من القيم. فـ(الحرية) و(المسؤولية) عنصران أساسيان من عناصر إنسانية الإنسان، وهما المعبران عن المزاوجة بين نزعتيه (الفردية) و(الاجتماعية)، واللتين لا تنفكان عن الإنسان وفطرته. فإذا كانت الحرية تؤكد فرديته، تؤكد المسؤولية اجتماعيته، ومن هنا أقول بـ(الحرية المسؤولة)، ووجها الآخر هي (المسؤولية الحرة).
ولنتناول أهم مقيِّدات الحرية؛ وعندما نتكلم عن المقيدات، يعني ذلك الكلام عن نفي الحرية بنسبة ما، مما يعني أن الحرية تقريبا ككل القضايا في عالم الإنسان، إنما هي نسبية، لأن التقييد يعني أن هناك نسبة من اللاحرية، حتى لو كان أساس هذا التقييد هي الحرية نفسها، أي حرية الآخر التي تنتهي حريتي عند عتبة الباب المؤدي إلى حرمها، وهكذا تكون المسؤولية في مصطلح (الحرية المسؤولة) مقيدة للحرية، وكأنن نقول (الحرية المقيدة بقيد المسؤولية). لكن دعونا نتناول أهم مقديات الحرية، لنرى أي من القيود تقبله الفلسفة الليبرالية للحرية، وأيا منها ترفضه، وتعمل على كسره والتحرر منه.
مقيِّدات الحرية:
1. الدين: من غير شك أن للدين تحديداته وتقييداته لحرية الإنسان. ومن تقييدات الدين ما هي تقييدات مشتركة مع غيره من عوامل التقييد. ومن هذه العوامل عامل الإنسانية والأخلاق، ومنها عامل العقلانية والحكمة، أو عامل المسؤولية الاجتماعية. ولكن من تقييدات الدين ما هي حسب المصطلح الديني تعبدية، أي مما لا يدرك (المؤمن)، أي المؤمن بذلك الدين على وجه الخصوص، حكمة التشريع فيه، إلزاما أو تحريما أو ترخيصا، أي أمرا أو نهيا أو إباحة. لكن وبنظرة متجردة، أي بقطع النظر عن الإيمان بمدى إلهية التشريع؛ أو بشريته، أي بشريته تأسيسا، أو بشريته فهما واستنباطا وتفسيرا وتأويلا، فإذا كان التقييد الديني أو بعض تقييدات الدين تقييدا لـ(الحرية) في غير صالح (المسؤولية)، أي من نوع التقييد المبرر إنسانيا أو أخلاقيا أو اجتماعيا، فيبعد عن أن يكون تشريعا تقييديا إلهيا.
2. العرف: للعرف تقييداته لحرية الفرد، وغالبا ما يكون هذا التقييد حتى في حالة تقابل وتعارض مع الدين، أو في تعارض مع القانون، أو مع أسس العقلانية، أو مبادئ الإنسانية. وبعض التقييدات العرفية قد تكون مقبولة، ويمكن التعايش معها، حتى لو لم يجر الاقتناع بمبررات تلك التقييدات، بشرط ألا يتخذ إجراء قمعي تجاه مخالف العرف، الذي لا ينفع الالتزام به، ولا يضر تركه.
3. القانون: القانون الصالح غالبا ما يكون فيه بعد أخلاقي وإنساني، لأن القانون أصلا إنما يوجد لحفظ الصالح العام وحريات وحقوق الأفراد. ولذا فحتى عند الدينيين، أو بشكل أخص عند فقهاء الدين، لاسيما الفقهاء الذين يدركون وجوب أن تكون الشريعة ذات ديناميكية تمكنها من مواكبة العصر، يكون الالتزام بالقانون واجبا شرعيا، أي دينيا، ولو بالعنوان الثانوي.
4. الضمير: أي التقييد الذاتي للحرية. وهنا يكون ممارسة الحرية على أساس مبدأ (الحرية المسؤولة)، فالمسؤولية رقابة من الداخل، بينما القانون، كما العرف وحتى الدين في جانبه التشريعي لا التقوائي؛ كل ذلك يمثل ألوانا من مزاولة الرقابة من الخارج. وهناك علاقة بين مفهوم (الضمير) كرقابة ذاتية، وبين (التقوى) كمصطلح ديني، بمعنى ممارسة الرقابة الذاتية عبر استحضار رقابة الله للإنسان، وهذا ما ينعته العرفانيون استيحاءً من المفردات القرآنية بـ(النفس اللوامة) التي تمثل انتصارا على (النفس الأمارة بالسوء).
5. الرقابة الاجتماعية: الرقابة الاجتماعية الفاعلة هي آلية مهمة في ضبط حركة الحرية، كي لا تكون حرية عدوانية. وغالبا ما نرى في معظم المجتمعات حالة من تعطيل لهذه الآلية، بحيث يتعامل الفرد مع الظواهر والسلوكيات السلبية، أي المضرة بمصالح المجتمع، أو بمصالح الأفراد الآخرين وحقوقهم وحرياتهم. الإسلام مثلا شرع ما أسماه بـ(الأمر بالمعروف والنهي عن المنكر)، لكنها مورست غالبا بالاتجاه السلبي، أي في التدخل في شؤون الأفراد وحرياتهم، بإلزامهم، أمرا أو نهيا، بما لا يعني إلا الأفراد أنفسهم، وهذا يعدّ وفق الفهم الليبرالي للحرية تدخلا في الشأن الشخصي الخاص، واعتداءً على حريات الأفراد. لكن لو مورست هذه الآلية ممارسة عقلانية، مقترنة بالإيمان بمبدأ (الحرية)، وإن كانت على نحو (الحرية المسؤولة)، لأدت دورا إيجابيا بناءً، ومن هنا كان قول علي بن أبي طالب «ليست أعمال البر كلها في مقابل الأمر بالمعروف والنهي عن المنكر إلا كنفثة في بحر لجي». لكن تفعيل هذه الآلية بمعناها الديني أمر خطير، لأنه سيؤدي بكل تأكيد إلى التضييق غير المقبول ليبراليا على حريات الأفراد. ولنا مثال آخر للرقابة الاجتماعية، ذلك ما أسسه آدولف هتلر مثلا، حيث جعل كل فرد مسؤولا عن تصرفات الآخرين، وهذا ما كنا نلمسه في الستينات، حيث كان جيل هتلر ما زال موجودا ومتأثرا بالتربية النازية، فكان كبار السن من النساء والرجال، إذا ما رأوا سلوكا غير مرضي، يتدخلون، وإذا ما رأوا مخالفة قانونية سارعوا بإبلاغ الشرطة. في الواقع هذا النوع من الرقابة الاجتماعية إذا ما مورس ممارسة عقلانية ومعتدلة، دون المساس بحرية الأفراد فيما هي شؤونهم الخاصة، فيجري التدخل عند رؤية شخص يعتدي على شخص آخر، أو يرمي النفايات في الشارع، أو يؤذي حيوانا، أو يخالف قانونا شرع لحفظ الصالح العام، أو عند رؤية موظف يرتشي، أو معلم يستخدم العنف تجاه تلامذته، أو جار يزعج جيرانه، وهكذا، لاستطعنا أن نقاوم، بل ونستأصل الكثير من الظواهر السلبية في المجتمع.
إذن الحرية مبدأ أساسي ذو قيمة عليا، لا يجوز انتهاكها أو الانتقاص منها. ولكن الحرية بمعناها الليبرالي ليست انفلاتا، ولا هي حرية فوضوية، ولا تفككا من القيم، كما ولا تعني حرية الاعتداء، أو حرية الإضرار بالصالح العام، أو حرية الانتقاص من مبدأ الحرية نفسه، أو حرية العبث بمقدرات المجتمع؛ بل الحرية التي ندعو لها هي الحرية المسؤولة، وذلك ككفَّتَي ميزان متوازنتين تمام التوازن، فلا الحرية تعني أن تستخدم على نحو التخلي عن المسؤولية، ولا المسؤولية تستخدم كمبرر للتضييق غير المبرَّر للحرية.
18/05/2010 |
المصدر http://www.ahewar.org/debat/show.art.asp?aid=216038
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
سلام ياعزاز
| Quote: التقول ضياء الشكرجي قرأ بوست المعيار و اخبار السواطة في مفهوم (الحرية) |
الكلام الجا في المقال دا أنا كتبتو يوم 12 /5 في البوست دا
Quote: كوابح وضوابط الحرية الفردية منها:
- المجتمع بقيمه ومثله ومؤسساته وتقاليده وأخلاقه
-الاديان والديانات بأوامرها ونواهيها
-الدولة بنظمها وقوانينها ولوائحها
- الضمير والمسؤولية الفردية
وضربت مثلا عن افة السرقة
حيث قلت أن هناك من يرفض السرقة أو يتجنبها لأنها
- عيب وعار في عرف مجتمعه
- ومن يرفضها لأنها حرام دينيا
- ومن يرفضها لأنها محظورة وجرم قانوني تحاسب عليه تشريعات الدولة
ومن يعافها بسبب ضميره ومبادئيه الشخصية
.......... أنا شخصيا مع الرؤية القائلة بضرورة وجود حد أدني من الضبط لحق التعبير وللحرية الفردية تمارسه المؤسسات المذكورة |
وقبلها يوم 11 /5 في الردعلي الاخت إسمارت
Quote: كنت أتعامل في سياق الظرف الزماني والمكاني والسائد نسبيا
محددات وضوابط الحرية الفردية وحق التعبير مقيدة بعدة عناصر
- المجتمع بقيمه ومثله ومؤسساته وتقاليده وأخلاقه
-الاديان والديانات بأوامرها ونواهيها
-الدولة بنظمها وقوانينها ولوائحها
- الضمير والمسؤولية الفردية |
ودا يوم 9
Quote: رأي أن هناك خلطا شنيعا بين مفاهيم فكرية مختلفة ( الديموقراطية و /الفوضوية/ والعدمية )
فالديموقراطية لاتعني الفوضي والتفسخ والتسيب وأي محاولة لإفراغ الديموقراطية من مضامينها السامية وشحنهابمعاني سالبة بحيث تصير مرادفا للعبث والتحلل!! أي فهم هذاشأنه يشوه و يبتذل الديموقراطية ويتجاهل لبها جوهرها وإن تمسك بقشورها!! ...
ومن ناحيةأخري يدرك أي مطلع علي علم الأجتماع السياسي أن للحريةالفردية مقيدات ومحددات وأنها ليست مطلوقة وسائبة ساكت !
فالمجتمع بقيمه و تقاليده ومكوناته الاخلاقية والذوق العام يحد من الحرية الفرديةوكذلك الاديان بآوامرها ونواهيها كما يشكل ضمير الفرد و مثله والتزامه بالمسؤلية مكبلا إختياريا لحريته !! هذا بالاضافة ( لتدخل ا لدولة بقوانينها ونظمهاولوائحها !! فمثلا يري بعض دعاة التحرر المنفلت أن تعاطي المخدرات حرية شخصية والأنتحار خيار فردي بحت والبغاء ( بيع الجسد) خيار شخصي والتعري الكامل حق والاساءة والتجريح حق لا يملك المتضرر أمامه سوي الرد !! وهو نفسه ما تتتصدي له المجتمعات الواعية والقوانين ودعاة الحريات المنضبطة !! والديموقراطية والحريات الفردية ليست مفاهيم مجردة ولاهي نظريات تستورد وتزرع في أي بيئة بصورةمكانيكية دون مراعاة طبيعة البئية ومكوناتها المحلية وتركيبتها الإجتماعية وأنما يجب أن يتم التعامل معها بشكل مبدع وخلاق يحسن توطين قيم ومنجزات الإنسانية بشكل يراعي خصوصية الواقع.
........ |
السيد الشكرجي قام بتفصيل أكثر وبتمطيط لدور الاديان وقلص دور الدولة وأختزله في القانون كما أختزل دور المجتمع في العرف وتجاهل القيم والتقاليد والثقافة والاخلاق وغيرها من مكونات المنظومةالإجتماعية ومؤسسات المجتمع وإن كان قد أفاض فيما أسماه بالرقابة الاجتماعية !
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
سلام يا ناس
ود البشرى ما هان علي اخيب ظنك مع اعتذاري في تحقيق الامل . . فلك العتبى
" يا اخوي انت و اساسي بعد 11 صفحة لسه ما غيرتو فكرة المعايير الصمدية دي ؟
اتمنى الباقين يحققوا لك ما تامل ( بالدخول / عدم الدخول ) . . أما عني فممكن تحسبني " عيل " عااادي على قول المصريين .
ما عرفتك و انت حارس بوابة و شايل طواقيك في يدك
بس اعتقد انو انا ملزم اخلاقياً بالدخول غصباً عني و غصباً عن تعليمات سعادتو الطريفي و له العتبى ايضاً
ياخ اسمي اتكرر هنا اكتر من منال ( الضحية ) الاولى لعنتريات محمد الحسن - غير عابئ بآلام الناس - المهم انو ينتصر لوجهة نظرو و خلاص . . . و برضو تقول لي معيار ؟
يا سناء خالد . . جاييك
و يا سيدي و حبيبي - بدون اقواس - الحسن . . جايك تب
--------------
هي يا بله !!!
وينو بله ؟
جا يخت مداخلتو في البوست و جلّا جابا لينا هنا
ملحوظة :
بله الاول ما بله موسى
لا ياخ !!
التاني هو بله موسى
بله الاول دا اخو " حمودة " بتاع " الفتق " ما " الرتق "
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
.
الباحث عن (المعايير) من منطلق (نصرة لذات) أو (عودة لخلاف) كالباحث عن (مسمار) في عمق النهر بقدميهه ...
المعايير (المطلقة) تستوقفك .... و(الإستثنائية) منها تخجلك. تُثير حفيظتك. تبكيك.
.
.
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: Quote: التقول ضياء الشكرجي قرأ بوست المعيار و اخبار السواطة في مفهوم (الحرية)
Thanks sister
I said it before
Quote: شكرا أختي عزاز
الاختلاف بين ثلاثتنا ليس
كبيرا
Re: سنــاء وهنــادي وريــم وهــالة: نماذج متباينة في ا...حرية المرأة في جسدها |
الطرف الثالث أعلاه اخونا عماد شفاه الله و البسه لباس العافية و الصحة
و نبلغه السلام اينما كان – مما يعني بأنه ليس ضياء الشكرجي، بس عاد اخونا محمد إي سليمان
يخيط و يفصل زي ما عايز في دلاقين الارشيف
_____________
العفو يا استاذ محمد بس بالله عندي كم سؤال كده اتمنى القى منك اجابة عليهم:
ليه رأيك مرتبط بأتفاق مع أطراف اواختلاف مع اطراف؟
ما تقول العندك، الحبة ما بتجيك زول بيفتش وراك مافي، إلا كان تفتش ورا روحك ...
و يعني شنو لو اتفقت معاي – في البورد – في ذلك الأمر و أو ذاك؟
أنا اعمل شنو في نفسي لانو انت اتفقت معاي؟
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
Quote: اللي حصل فيهو خلاف قوي وعميق بين سناء ورحاب, (ده عشان رحاب ما تعمل نفسها ما فاهمه),
الحبشي من طرف خفي أشار للخلاف ولمس الوتر الحساس,
ورحاب اتجاوبت وسناء ردت,
فجأه رحاب عملت نفسها ما فاهمه وفسّرت تعبير سناء أعلاه اللي بيعني لي (ما تلمس الوتر الحساس يا حبشي) |
By Amany Elamin
Quote: قيقراوي كان بيشير للخلاف بين سناء ورحاب,
ومحاولة الحبشي -حسب رؤيته- للايقاع بيناتهم في البوست ده,
واجترار خلافاتهم القديمه, |
By Amany Elamin
Quote: لما كمال كتب الاقتبستو ده ياوليد, جاء قيقراوي وشرح ليهو,
قال ليهو أبدا كلام سناء ما فيهو ايحاء,
وفي خلاف قديم بين سناء ورحاب والحبشي سعي في تأجيجه ونجح -حسب مداخلة قيقا المحذوفه- |
By Amany Elamin
Quote: مداخلة سناء بمنتهي الوضوح تقع في نفس قصد قيقراوي الانت فهمتو,
الحبشي قاصد الايقاع بين سناء ورحاب -حسب الكلام أعلاه-,
سناء يتقول لي رحاب الحبشي لمس الوتر الحساس في الخلاف بيني وبينك,
وبتقول ليها عديل لو حصلت مشكله بيني وبينك هنا ما حنقدر نسيطر عليها,
وباقي الكلام واضح, وأصلا الكلام كله واااااااضح وصريح,
ورحاب عارفه كويس سناء بتتكلم عن شنو, |
By Amany Elamin
Quote: الأخ الكريم قيقراوي
جزاك الله خيرا ونفعنا الله بموعظتك بالموت وإياك وأحسن خاتمتنا .
والحق ينبغي أن يقال للتوضيح وإبراء الذمة : أنا لا علم لي إطلاقا بأي خلاف سابق بين الدكتورتين الكريمتين لا سطحي ولا عميق .
أقول هذا تعليقا على ما جاء منك تلميحا ومن الأخت الكريمة أماني تصريحا وتفصيلا بأني أسعى للوقيعة بين الدكتورتين |
Mohamed E Seliaman
Quote: في الحالة دي انا البعتذر ليك يا محمد الحسن
و بعتذر بشدة و اسف شديد للاختين و بالجد غلطت انا |
قيقراوي
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
| Quote: ياخ اسمي اتكرر هنا اكتر من منال ( الضحية ) الاولى لعنتريات محمد الحسن - غير عابئ بآلام الناس - المهم انو ينتصر لوجهة نظرو و خلاص . . . و برضو تقول لي معيار ؟ |
Quote: Till now you explained nothing
Say it please
Where did I put Dr. Sanaa's name in a post for/to Dr. Rihab ?x
Can you please quote it ?x
Regards |
يا محمد الحسن يا اخوي و الله انا تعبت من لولوتك دي
يا اخوي اقرأ كويس بعدين تعال طالبني بكوت
ياخ بيدك براك جبت اعتذاري عن ( خطأ ) قرايتي الاولية
تاني داير مني شنو ؟
قلنا ليكم ندمانين و سافين التراب
اها تاني شنو
كان حداكم تراب من النوع الكويس اشحن لي بسفو ليكم برضو
يا سيدي
انا جيتكم هنا و قلت ليكم آسف أخطأت في حقكم و سامحوني و اتجرس لما اساسي بقى يتهكم
اها تاني شنو ؟
عرفنا الانسحاب غيروهو !
اها برضو الاعتذار غيروهو ؟
حيرتونا رسمييييييييييي
----------
بالمناسبة انا طلعت من الموضوع رسمي ، و ما هماني البحصل فيهو ، و دخلتي الموعودة فقط ح تنحصر في الرد على سؤال الاخت سناء المباشر و ح يكون مباشر ، و دا آخر دلو لي في الموضوع دا من جهتو دي . . جبراً للضرر الاتسببت فيهو انا ، أي زول عندو حق يسأل سؤال مباشر و ربنا يقدرني على الرد المباشر و بأمانة انا مسآل بيها امام الله . . . غير كدا وفروا على انفسكم و علينا الرهق
مدخلي للمثال ح يكون من وجهتو العامة عشان كدا جبت ( منال ) كمثل لعنترياتك و اسم البوست ( المعيار ) ما عاوز اقول ( غرض البوست )
اتمنى انو يكون وضح ليك ( غرضي ) و ارحمني ياخ من جيب كوت و جيب جرجير دي . . سمح ؟
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
What about this
Quote: مداخلة سناء بمنتهي الوضوح تقع في نفس قصد قيقراوي الانت فهمتو,
الحبشي قاصد الايقاع بين سناء ورحاب -حسب الكلام أعلاه-,
سناء يتقول لي رحاب الحبشي لمس الوتر الحساس في الخلاف بيني وبينك |
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
ياأستاذ هاشم..
مداخلتك لداليا تكريس لدفاع غير مستحق في رأيي عن رحاب ..و الغريبة هجوم غير مبرر على أماني..
أنت قلت..
Quote: عن شكوى رحاب لأماني عند بكري، هل هي أمر مؤكد؟ طيب، و إن يكـ، ليه صادم يا داليا؟ ألأنه خالف تصوراتك عنها؟ هل حدث أبداً، في الواقع، أن أحاطت تصوراتك عن أي شخص بالشخص ذاته؟ ثم ياأستاذتي الفضلى، اللجوء للقانون دا، غض النظر عن قوة أو ضعف قضيتك أو ما يظنه خصمك و المراقبون، ما براهو كدا قوة في حد ذاته... مالك مابياهو ليها و لينا، طبعاإلا من كظم و عفى، فتلك قوة عظمى. أم هل القوة هي أن أرد على كل كلام لا أقبله أو لفظ قطعي حاد و متجاوز بنفس النفس الغير مقبول و القطعية و الحدة و التجاوز أو أشنع. بالطريقة دي النفوس ما بتهدأ تب.
|
و هذا هو رأي رحاب نفسها في الشكوى لبكري
مع العلم أنني شكوتها بعد أن توقفت عن الرد و لم تتوقف هي..!
Quote:
مافي مثل للجندر الغلط، ابلغ من تعاملك في البوست ده
تدخلي نقاش و لمن يغلبك تقارعي الحجه بالحجه، تجدعي الحاجات في الواطه
و تمشي تتبكي لي your Dear Brother Bakriو تقولي
ظلموني
31-03-2009, 08:39 م
Rihab Khalifa
|
بوست إشراقة عن التحرشات الجنسية الوارد رابطه أعلاه..
مشكلتك يا أستاذ هاشم دفوعاتك عن رحاب هي أولريدي مفنداها بنفسها.. و ما مدياك فرصة!!
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
ـــ
للذين يريدون أن يجعلوا ضوابط للكتابة تحافظ علي المجتمع بتقاليده وعاداته فمن الذي يجعل للمجتمع ضوابط ذات نفسه ؟! ألم يكن مجتمعنا هذا يسمي إحدي الوجبات الشعبية بإيحاء( شر وأخره موت ) ولو تصالح مع تداولها فلا يعفي أن المعني إيحائي .. وهذا المجتمع يسمي المدن والقري بألفاظ إيحائية كمدينة "الدبة" التاريخية ولا أنسي إبتسامة أستاذ لمادة التاريخ فقد كانت إبتسامته صفراء ماكرة و إيحائية عندما قال "مروراً بالدبة" بالرغم من جهلنا بتلك الكلمة ومدولولها في ذلك الوقت.
أو مدينة "النهود" أو قرية أم شطر ولك أن تراجع موقع المفوضية للإنتخابات لتري العجب العجاب.
أقول أن الحرية حق ويؤخذ بكامله للفرد المبدع الكاتب المفكر ...الخ والفرد هذا هو الذي يقوم مجتمعه وهو الذي يطوره , فالحرية المنقوصه أو المشروطة بالضوابط هي التي تطارد الخيال الفني وتهاجم اللغة وآدابها ومجازيها ومغازيهاومعانيها فالخيال أوسع من المجتمع واللغة وسيلة لتطوير المجتمع ورقيها لرفعة المجتمع فكيف يسلط المجتمع عليها بضوابطه؟
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
Quote: قيقراوي..
بما أنك عدت للبوست و الكتابة فيه.. فأنا أستغرب تجاهلك لهذا الكلام..
أعرف أنك في موقف لا تحسد عليه..
و لكن هل تقبل أن يكون حذفك (لما تخيرت) من مداخلاتك.. خنجراً يستخدم لقطع عنق الحقيقة و ليس ليّها؟!
مسك العصاية من النص هنا يا قيقراوي.. خصم على حاجات كتيرة..
أتمنى أن أسمع رأيك في هذا الكلام
| Quote: جو قيقراوي و كمال عباس اكدو كلامي و قالو ليها يا سناء احذفي الجملة دي، لانها بتتفهم بكم طريقة و فيهم طريقة فيها الايحاء الما دايرنو ده |
Quote: توضيح بسيط لحسين ووليد، قيقراوي طلب من سناء حذف المداخلة و لم يقل لسناء انتي قصدك ايحاء، بالعكس
و كما قالت اماني، هو قال بالواضح انه ده ما قصد سناء، و لكن فهمي انا من طلبه لسناء حذف الجملة انه يعرف
المعني الاخر لها و انها ممكن تنقري بصورة تانية، اها ده فهمي، لو طلع غلط اليطلع سيد الكلام و يقول ان ما
قاصد كده و اعتذر ليه و احب علي راسه كمان - و دي ما دايره ليها شهادة
Rihab Khalifa
|
|
اولاً خليني اوضح حاجة يا سناء ، انا ما قابل اللهجة في مسك العصاية من النص و الخرمجة البعدها
مقدر موقفك ، أو قولي زهجتك مني - ليك كل الحق - لكن برضو اعتقد بستحق كلام احسن من دا . الاجابة على سؤالك الاول اعتقد انك عارفاها ، فرفقاً بالباندويدث و الناس الهنا ، ح اوفر و اركز ليك على السؤال التاني . . اتفقنا ؟
و بعدين انا ما تخيرت و لا يحزنون ، في لحظة غضب و ارتباك و ضيق نفس و زمن ، و زحمة شغل و أذان المغرب و و و و و . . . قمت حذفت برا فهم و ما احتفظت بأي بكب ، بالمناسب أي زول عندو خلي ينزلا عادي ، ما الانسحاب غيروهو !! ذاتو احسن لي و احسن للجميع انو ترجع لو في زول محتفظ بيها ، كل الهنا دي قرايات ناس تانين غيري بالمناسبة ، و انا ما مسئول من نية زول هنا علي بنيتي فقط لا غير و اعتذرت عنها ، و العندو حق عندي ان قبل الاعتذار و صفح كان بها غير كداانا جاهز و الله يعين .
| Quote: جو قيقراوي و كمال عباس اكدو كلامي و قالو ليها يا سناء احذفي الجملة دي، لانها بتتفهم بكم طريقة و فيهم طريقة فيها الايحاء الما دايرنو ده |
انا عن نفسي ما أكدت أي شئ ! بالعكس ذكرت بالنص في ردي لكمال أنو مافي أي ايحاء و لا يحزنون ، و انو الكلام واضح و سناء و رحاب اشاروا ليه بوضوح " بوست ميادة كمال " و كلت ما كلت من اتهامات لمحمد الحسن ( الطلعت غلطان فيها و اعتذرت عنها ديك ، ولسه بعتذر عنها حتى يرضى محمد الحسنو من بعد الرضى ، بس يفكني من جيب كوت دي حليلو قبلو !! هو انا لو عندي كوت كان اعتذرت ؟! دي كانت قراءة ( سوداءنية )* ساي يا عمك ياخ )
Quote: توضيح بسيط لحسين ووليد، قيقراوي طلب من سناء حذف المداخلة و لم يقل لسناء انتي قصدك ايحاء، بالعكس
و كما قالت اماني، هو قال بالواضح انه ده ما قصد سناء، و لكن فهمي انا من طلبه لسناء حذف الجملة انه يعرف المعني الاخر لها و انها ممكن تنقري بصورة تانية ، اها ده فهمي، لو طلع غلط اليطلع سيد الكلام و يقول ان ما
قاصد كده و اعتذر ليه و احب علي راسه كمان - و دي ما دايره ليها شهادة
Rihab Khalifa |
يا للهول !!! . . . او كما قال في مسلسل الاطفال
المطلوب مني شنو في الحالة دي ؟
عزيزنا المهتم بـ ( الفارغة )** دي ، ما دام عندك زمن خليني اسحبك في قصة كدا :
طلبت من سناء خالد سحب مداخلتها السميتها ( مستفزة ) قبل التعديل من ثم الشطب ، لانو دا كان ( فهمي ) انا انها و زي ما قال هاشم الحسن بحق :
| Quote: إن قولك يا سناء عن الهاي فولتيج كما كل الأقوال غيره ذوات القابلية للحمل بأكثر من محمول، هو مما يتأول، أي يقبل التأويل، مثله كما أي كلمة أو تعبير في أي قول أو أي كتابة. مثلاً، يعني زيو زي تعبيرات الـ " قزازة الكوكاكولا" و "المسقفين" أم هي "المسغفين"، و "إهداء الأصدقاء بغير قصد" و غيره مما في مداخلتك الأسّست لانحراف الصفحة العاشرة، و وفقاً لسياقها الذي وردت فيه. فهي تعبيرات مما لم أقدر فأرجح فيه أي تأويل حسن، و لدرجة أنني استفظعت ترجيحاتي التأويلية أن تصدر حقيقتها عن سناء التي عرفت. فقد و الله تأولت أنا هاته التعبيرات تأويلات في العداوة و البغضاء و الإحن لا يستحبها قلبي و بالتأكيد ستحطم قلب "حبيبي" قيقراوي " . |
النية زاملة سيدا يا سيدي . . و الله ما كنت عارف اسو شنو و لا اقول شنو . . فكفيتني رهقاً
دا بشأن سبب طلبي منك سحب مداخلتك ، بالمناسبة ردك على كمال المداخلتو بعدي رسل لي رسالة سلبية و هو أحد اسباب سحب مداخلاتي التانيات - كنت قايل نفسي ح انجو بمجرد سحب الموضوع و اعيش في ثبات و نبات !! - المهم حصل الحصل و بقينا في المحصلة ، و هي برضو سبب عدم سحبي ليها ، ببساطة انت مكوتاها و مشيتي نمتي - في وكتها - قدرت معانتو شنو السحب ؟
و يا عزيزنا المباريني لحد هنا باقي لينا جكة سغيرة و نطلع من الموال البقى لي حجوة ام ضبيبينة دا ، و بقت راوي جد جد و يروا عني ساأااااااي ، لكن ابداً ما اتمنيتا من نوع روايات زي دي !! اها نجي للشق التاني ، و كلام سناء صاح انا برضو - وفق نفس الفهم و القراية المسكينة او قول بائسة عديل المافي شنو ؟ و طيبتي الشديدة - اها برضو طلبت من رحاب تحذف " كلاما الما عندو معنى " و طوالي شرحتها في مداخلتي لكمال عباس كما مشار اعلاه . . .
Quote: الاخت سناء
انتي عارفة الايحاء الموجود في تعليقك ده؟
انا بصراحة لا اعرف نواياك، و ارجو منك التوضيح و حذف التعليق فورا! |
يا سيدي الحسن !!
و تاني يا سيدي الحسن
و التانية دي ليك انت يا الهنا
" حذف التعليق فورا " دي نلايقا بياتو ويكة ادوات ( بحث ) و ياتو طايوق علم ممكن يقنعني انا الزول الساي دا انو دا ما شكل عديل ، يا اخوي العلم ضهبنا من دربو بدررررري ، الا كمان اندمجنا في الحياة دي و عشنا فيها و يا ما شفنا . . اللغة الآمرة دي ما بنستخدما الا في التحرف للقتال .
يا زول انا مذممني هنا و رافعين لي عكاز العصاية من النص على آخر زمني كمان !
اها انا شفتها شكل بالدرب العديل ، و ابداً ما رجيت خير ( علماً ) فيها تب . . شفت كيف ؟
Quote: Quote: رحاب..
إيحاء؟ بشنو؟
توضيح و حذف؟ ليه ؟
فوراً؟ ؟!!!
ما هو المعيار؟؟!
Sana Khalid |
I rest my case
____________________
the phrase "high voltage" that you used, is full of sexual innuendo |
و دي الطلبت حذفها بالموؤدة مداخلتي الرجعتا سناء بعاتي هنا دي
شفت كيف يا عزيز البالك طويل و وصلت معاي لحد هنا ؟
في لحظتا ديك ما اتعاملت مع الكيس هنا الا وفق فهمي ( البائس ) الوارد اعلاه ما في داعي للتكرار رفقاً بالباندويث و زمنك و عشان ابو الشهيق ؤ كدا
بس الـ I rest my case طوالي بسمعا في المسلسلات الامريكية . . صراحة صراحة هزت الفكرة البائسة ديك . اربكت باكات فهمي البسيط داك . . بقيت ما عارف نفسي اتورط في شنو ؟ . . يبدو انو رحاب فعلاً كان عندها فهم - مختلط و لا سادة - ما مهم ، صراحة ادهشتني الفكرة ، بس اتحفظت عليها لعدة اسباب منها ما جاء فوق و الباقي بتمو ليكم في ردي على الجزء البخالف فيهو شيخي القطب الغوث سيدي الحسن الهاشمي
بس الحقيقة الواجبة و مستحقة هنا انا رافض التلميح دا من رحاب و ان كان ما ليهو علاقة بفهمي ( البائس او الكيس القديم ) و البخليني ارفض الكلام الاتقال لمنال الما بعرفا من باب اولى يخليني ارفضو لما يتوجه لانسانة بحترما جداً . . و لا ما ياهو كدا الحساب . . مش المعيار واحد ؟ و لاشنو و نحن وصلنا الصفحة الـ 11 ؟
اوع تقلوا لي شنو ؟
الترصد ماحبابو ابداً . . و يا محمدالحسن قديتنا بالاحصاء ذاتو . . تعال ورينا احتمال الصدفة كم هنا؟
اكرر رفضي لاستخدام الحاجات دي سواء بدر من سناء ضد منال او من رحاب ضد سناء و لو كان على سبيل " الدرس " . .
اقول قولي هذا و استغفر الله لي و لكم فاستغفررررررررروه
و اعفو لي زمنكم
قديتكم مش ؟
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
الاستاذ هاشم ... سلامات و سعدنا بالقرآة مع اختلافي مع ملآلات التفنيد، و ما زلت كقارئ محايد -- يقف على ذات المسافة من الطرفين على المستوى الاجتماعي، منحازة أكثر للدكتورة سناء خالد فيما يخص تفسير الدكتورة رحاب لأقصى المحمول السالب للجملة التي قالتها الأولى و قرآتها خارج السياق ...
الاستاذ كمال عباس، سلامات ...تبادر إلى ذهني ما كتبت أنت في الصفحات السابقة، ولكن، بمرور الوقت و الصفحات، بت اتساءل مثلك إن كان الآخرون يقرأون فعلا ما يُكتب أم تلكزهم بنات (تهاويلهم فيما نكتب) و بيجوا مرفعين؟
المقال الوارد أعلاه يكاد يكون تلخيصا لمعنى الحرية المأسوف على معانيها والمراق دم غايتها هنا ...
_____________
تبدو بعض الكلمات هنا فضفاضة، ولا عجب، في ظل أختلافات و طبقات و رؤى تتجانس حينا و تفرقها المأرب (الخافية و الظاهرة) حينا آخر ... فالاتساق دوّر حتى فرغ مضمونه كعلكة في فم صبي مستهتر فاتح زراير القميص و الشعر خنافس – صورة نمطية – لعل الصورة وصلت ؟ و مفردة الحرية عايمة ... باهتة كهواء المكيف في حر الرياض الآن، و ترتبط في ذهني عند قرآتها في هذا البوست بـ(الحرية الكاملة في ضرب الخصم، تحت الحزام فوق الحزام، تقلع الحزام و تضربو ... المهم تضربو ) و كرت جوكر بيد المخالفين و شماعة اختلاف، وسوق الحرية الباهتة ماشي، ولا facilitator ولا هيئة حكام محايدة تضبط لينا هرج المفردات الحاصل ده ...
الاتساق؟ ببساطة هو الانتظام، و في سياق المفاكرات و الحوارات، هو اتخاذ نسق محدد في دراسة أمر ما، أو الالتزام بمدرسة أو نهج في تداول مبحث ما، فيما كان من أمور متعلقة بموضوع هذا البوست، ظلت النسق منتظما بالنسبة لي على الأقل، فلم يقف حماري في العقبة في تفاسير و تبيان كل أمر على حده متى ما دعى الداعي و الحفّار و (السأل) بتشديد الألف على وزن فعّال.. انجدونا يا ناس اللغة العربية ... ظل النسق واضحا و جليا إلا لمن أبى أو أراد أن يرى ما يرى ... على الجهة الأخرى والتي على خلاف معنا، الاتساق مضعضع يعاني الحمى وطاقاهو صفيحة، فالمنادين بالحرية لم ياتوا لنا بمشهاد – يمسيك بالخير يا محسن خالد – إلا الاستاذ كبر، كحرية مطلقة تسندها فلسفة ما بعد الحداثة – و عاد و أكل آلهته و انكر علينا ما أعطى لنفسه من حرية مطلقة .... علشان ما بعد حداثيين ولا عشان ما قرينا قانون؟ لا اعلم حتى الآن، المهم الجور حاصل ... أما أغلب المخالفين فمنهجهم في الحرية حفيان ولم يلحق بركب المحاججة و يقوم و يقع ... و بالعشم في أن العترة بتصلح المشية، ها نحن منتظرون و الارشفة تنظر لنا مشفقة من طول انتظار ...
الاتهام المعلق فوق رؤسنا بقراءة النيات مثال آخر على (قراءة النيات) الجد جد، أين مما طرحنا من رفضنا لنوع كتابة قراءة للنيات؟ هل جزم أحد بغرض العضو المقصود، ام كان الاعتراض على (الكتابة) الظاهرة على الشاشة دون الدخول في تفاصيل الكاتب؟ و نياته؟ ألا يعد القول بتغولنا على نيات الآخرين بتغول أبين و أوضح بالتغول على (نياتنا) نحن المعترضين و العارضين كتابنا على مدى عشر صفحات و قرابة الأسبوع؟ لما لا ينظر لما قدمنا، دون القفز على الظواهر و اعمال الفراسة القراءية واتهمانا قراءة النية، بل أسوء، تحديدها!
ثم ثانيا ( من دون أولا وبكيفي) اختلاف القراءات و الفرق بين معنى مفردة لدى الكاتب و القارئ لاتدخل في بند قراءة النيات يا سادة يا كرام،نثرتم و فكــكـكتم قطع الـ puzzle و رميتوها في الفجج الأربعة و اعيتنا الحيرة كل ما نجمعها يجي و ياطاها الفيل ... في الحقيقة أفيال، فيل تحيز، و فيل تصيد، و فيل مخفي، و في ظاهر، و فيل خاتف لونين او كثر ...
| |
|
|
|
|
|
|
|
|
|
Re: ما هو المعيار ؟ (Re: عبدالكريم الامين احمد)
|
ـــ
ضوابط البوليس المجتمعي للكتابة مرفوض لان له أثر سلبي وهاجس نفسي فقد يصبح رقيب ملازم يشغل الكاتب ويكون في صراع إقدام إحجام هل يرضي ضوابط البوليس المجتمعي أم يهتم بتجويد إنتاجه.
| |
|
|
|
|
|
|
|
|
|
Re: ما هو المعيار ؟ (Re: emad altaib)
|
لا إله إلاّ الله
الحداشر استحمّت شكلها
يعوّضنا الله في الإطناشر وما يليها
_____________________________________
حاشاك الخذلان ياهاشم و الوجه سالم إن شاء الله
________________________________________
قيقرا .. قيقرا .. قيقرا | Quote: يا اخوي انت و اساسي بعد 11 صفحة لسه ما غيرتو فكرة المعايير الصمدية دي ؟ |
اساسي ما بعرفو غايتو لكن عني ولا 100 صفحة بتبرر لي ان يكون معيارك - أياً كان - أدجستابل حسب الطلب Quote: اتمنى الباقين يحققوا لك ما تامل ( بالدخول / عدم الدخول ) . . أما عني فممكن تحسبني " عيل " عااادي على قول المصريين .
ما عرفتك و انت حارس بوابة و شايل طواقيك في يدك |
قيقا نعرف عندك مشكلة كبيرة مع أي طاقية حايمة بتتلببها كأنها موجهة ليك بالإسم
من ناحية تانية كامل تعاطفي معك من الصفحة التاسعة ولا ورا
اسمع... دا بلة موسى البتناغمو دا؟ ما بجيك هنا أسألني أنا
_________________________
يا جماعة وقد حكمتم على البوست بالنهاية عايزين تلخيص للنتائج الطلع بيها البوست
كل واحد وحسب قرايتو - الـ ER مقبولة برضك
| |
|
|
|
|
|
|
|
|
|
Re: ما هو المعيار ؟ (Re: محمد البشرى الخضر)
|
| Quote: اسمع... دا بلة موسى البتناغمو دا؟ ما بجيك هنا أسألني أنا |
كدي احرف حريف كمبيوتر يطلع لي بله من الـ 1025 مشاركة ديل :
Re: ما هو المعيار ؟
فك الكود " كحالهن مع المعيار " . . او نحو ذلك
----------
شفت فايدة القاعد في دكة البدلاء شوية ؟
اسي دي براها ما بتستاهل يكسرو ليها أي معيار؟ . . مثل هذي يتلقفوا ليها الطواقي عديل عمك
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
هاشم ود سيدى الحسن ...
| Quote: أشكرك و يا ريت بعد المعايرة دي تخلص تجيبي الملائكة و نتبرك بيهم من حال المحنة... |
البارانويا هولتى ... اوحت لى بإنو جملتك دى بالزات .... ملئى بالـ Unclassified Innuendo ... (وانا ما كابّى الزوغة ... اخوكو مزنوء ...)
_______________________
يا اخوى نحن كلنا ما عندنا معايير وبنريد نضم العوين ديل ونأيدو سااااى بلا حكمة ولا عقل ... كدى بس حسب كمية "المحلبية" ... (و"قيقراوى" كتّر منها شوية ..) وانا من زمان بكره دوا القحة البى نكهة الفراولة ... لأنو مر ... فبالله ما تقعد تشكّر النوايا حتى تمرق النصيحة ...
أقصى ما قالت د. رحاب: "I rest my case" ...
ووجهة نظرى: She rested a good case ... and I vote for her in an Upper-Downer poll. ... إها تانى شنو؟
Case ما داير ليهو مرافعة ظاطو ... كلّو مستندات وإدلة مادية ...
فى اعتقادى ان الـ High Voltage بتاع د. سناء ينبئ عن نفسه ... ولاكننا سنكون "واضحين" ونحكم عليه بأنه فعلاً High Voltage ... (فحشمة ودالشريف لا تسمح له بالإفصاح أكثر ... وإليكم: Re: سر(الحبشيات) انا عرفتو؟؟) فدى ما دايرة ليها لمبة ... وفى اعتقادى أيضاً (وانا شيتاً جايب لى الهوا بلا "اعتقاداتى" دى ... مافى!) أن د. رحاب عدّاها العيب ما قالت كلمة برة الخط فى تفسيرها لـ "نص" د. سناء ... ولكننى لا أتفق معها بوجوب سحب "النص" لوجود High Voltage فى داخله (ولامؤاخذة) فدكتورة سناء لا زالت تتمتع بى كنّا نسمّيه هتافاً "حرية التعبير" (ما عارف اسمو الحركى شنو هسع) ... وفى اعتقادى أيضاً - منعول أبو اعتقادى لأبو اليوم الجابو - إنو "قيقراوى" بالغ ... (يااخوى صفحة اطناشر دى خفف شوية )
الخنتيلة "داليا حافظ" ... لا يسعنى إلاّ أن اعلق على "الصدمة" التى أصبت بها بأن أقول:
لم أر من المنطقى شكوى د. رحاب خليفة لأمانى الأمين مثلك ... ولكنى لم أصدم ... لأننى لا أعلم محتوى الشكوى التى - كما قال هاشم - أمام بكرى ... فلن أصدم فيما لا أعرف (وياخبر بفلوس) لكن تغوّل أمانى الأمين على الآخرين وتفتيشها لنواياهم بصورة فجّة وتستنبط فجاجة منهم تجاهها ... هو أمر ليس بالجديد عليها (إن لم يكن النمط الذى يميزها عن "منال"!) ولن تجدى اثنين فى هذا المنبر - إن استثنيتِ قيقراوى - يختلفون على هذا الوصف ...
عموماً ... بالنسبة لموضوع المعيار ... فقد أوجزت د. سناء خالد حين قالت (دفاعاً عن نفسها):
Quote: لا رغبة لدي في سحب (المادة)..
و لا تفسيرها..
فليفهمها كل من يريد.. كما يريد..!
و لوموني أكان غلطت فيكم زول! |
ياهو دا المعيار ....
شكراً جزيلاً د. رحاب خليفة (نفعنا الله بعلمها مع محمد E سليمان) ... على إخراج زبدة الحوار ... بهذا الـ Parse الذكى ...
... المهم ....
| |
|
|
|
|
|
|
|
|
|
Re: ما هو المعيار ؟ (Re: وليد محمد المبارك)
|
الوليد ...
انت ما بتقرا؟
قاللوك:
1-ليس لدى رغبة فى سحب المداخلة
2-ليس لدى رغبة فى تفسير المداخلة
3-كل قارئ يفهمها كما يريد
4-لن أصف أى قارئ بأنه مخطئ
5-التجاهل
6-التجاهل
7-التجاهل
معايير اكتر من كدة يكتبوا ليك شنو؟
... المهم ....
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
| Quote: لكن تغوّل أمانى الأمين على الآخرين وتفتيشها لنواياهم بصورة فجّة وتستنبط فجاجة منهم تجاهها ... هو أمر ليس بالجديد عليها (إن لم يكن النمط الذى يميزها عن "منال"!) ولن تجدى اثنين فى هذا المنبر - إن استثنيتِ قيقراوى - يختلفون على هذا الوصف ... |
ما أول مرة أقرأ ليك (تغوّل) على أماني يا تبارك..
و أكاد أصفه بالترصد..
ما عارفة سببو شنو و لا بدأ وين تحديداً
لكن في رأيي انه كان دايماً تغوّل و تفتيش لنواياها بصورة فجة .. و هي فجاجة وجهت لها دائماً منك بما يوحي و كأنو عندك معاها تار بايت!
((((ولن تجدى اثنين فى هذا المنبر - إن استثنيتِ قيقراوى - يختلفون على هذا الوصف .)))))
عدني اتنين بعد قيقراوي أو قبلو كمان..!
عد تيسير لأنها قالت رأيها في الموضوع دا فوق برضو!
مشكلتك انك دايماً بتفتكر نفسك صاحب القول الفصل..(و المهم) في كل الأمور!
| |
|
|
|
|
|
|
|
|
 Re: ما هو المعيار ؟ (Re: Sana Khalid)
|
تيسير و عزاز...
من بدري و أنا عايزة أشكركم و ما عارفة كلمة شكراً دي كيف حتسع كل احساس الامتنان الأنا حاسة بيهو..
ما لأنو حاسبة انها وقفة معاي... لكن لأنه حسيت انها وقفة مع الحق..منزهة من الغرض..
و غير مباليات بثمن قد تدفعوه نتيجة موقف واضح غير مهادن و لا مخاتل..
و مع انو دا أصلاً ما غريب عليكم.. فدا عهدي بيكم في المكان .. و في مواقف أصعب و أشد..
بتعلم منكم و بتقوّى بيكم.. بتعلم منكم انو المرأة بالإرادة أقوى من كل فؤوس الدنيا..
و بتعلم منكم انو تجارب الحياة أكبر مدرسة..
و أن تكسب نفسك فيها.. و تكسب احترام الآخرين.. هو أعلى شهاداتها و مبلغ علومها..
بتعلم منكم دروس بتدوها بالتطبيق..و بالأمانة مع النفس و الآخرين..
و ليس بالتحريف و نصب الأفخاخ..
شكراً يا بنات بتطمنو على خير الدنيا..الباقي..
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
داليا حافظ..
يا صديقة لا تهتمي..
لن ترثي عداء ليس لك فيه يد..
هي دروس كلنا بنتعلمها..
و الضربة الما بتقتلك بتقويك
أبقي عشرة على الملايكة.. و ربنا يهنيك و يسعدك و تبقى حياتك ألوان فرح.. ما محاطة بألوان ضماير إلا الأبيض..
أبقي عافية .. و شكراً بالنيابة عن أماني..
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
آخر كلمة للحبشي.. قصدت أنني كنت أريد أن أنبهك لوجود توتر بيني و بين رحاب و لم أفترض أنك تعرفه..
Quote: أختنا الدكتورة رحاب خليفة علي مالك
السلام عليكم ورحمة الله
شكرا على الإضافة النوعية والنقل من صفحة 44*
معك حق حتى تصنيف الكتابة إلى أدب و(غير) أدب يحتاج إلى معيار كما جاء في رد الأخ ملاسي على أختنا الدكتورة سناء خالد.
بل حتى نص الأخ حمور المختلف عليه يراه البعض -كما عند التلب وقصي وحسبو وطائفة من أهل الفورأول- تعديا على الأدب
وإساءة إليه، ولهذا انطلقت حملة التلب التأديبية أو تخليص الأدب من معارك حمور أو تخليص الأدب من العرب كما عند قصي
ثم الذب عن بيضة الأدب كما عند حسبو (برعاية السيدة نجاة ).
موقف التطرف السلفي من إحراق مكتبة حمور زيادة وتجميد حساب محسن خالد
لذلك فإن الاحتجاج والتبرير للتناقض بأن كتابة منال (غير) أدب وكتابة غيرها أدب أمر غير مقنع و
عن التصنيف نفسه يمكن برضو نسأل ونقول : ما هو المعيار ؟
|
و لكني صرفت النظر عن هذا التنبيه وقتها و عدلت عن رأيي أملاً في أن تكون دخلة رحاب إلى الموضوع منزهة عن تصفية الحسابات..و كي لا يحدث ما حدث الآن..
و ما حدث كان سيحدث حتماً بعبارتي أو بدونها .. فقد وضعت الدكتورة رحاب في ردها على مداخلتك هذه ما يكفي من ألغام..!
| |
|
|
|
|
|
|
|
|
|
Re: ما هو المعيار ؟ (Re: Sana Khalid)
|
أعتقد أنني قد قلت كل ما لدي في موضوع المعيار..و في موضوع الخلاف الذي حدث هنا..
و استفدت كثيراً..منه رغم رأيي السابق فيه..
و استمتعت بمداخلات الكثيرين منهم الأستاذ محمد علي طه الملك و السيد البدوي و محسن خالد.. و الشمباتي هاشم الحسن بالطبع..
و قد أعود*..
تحياتي للجميع..
___________
*
الواحد لازم يخت ليهو خط رجعة ما يقوم ود البشرى يقفل الباب وراه..
| |
|
|
|
|
|
|
|
|
|
Re: ما هو المعيار ؟ (Re: saadeldin abdelrahman)
|
| Quote: فى اعتقادى ان الـ High Voltage بتاع د. سناء ينبئ عن نفسه ... ولاكننا سنكون "واضحين" ونحكم عليه بأنه فعلاً High Voltage ... (فحشمة ودالشريف لا تسمح له بالإفصاح أكثر ... وإليكم: Re: سر(الحبشيات) انا عرفتو؟؟) فدى ما دايرة ليها لمبة ... وفى اعتقادى أيضاً (وانا شيتاً جايب لى الهوا بلا "اعتقاداتى" دى ... مافى!) أن د. رحاب عدّاها العيب ما قالت كلمة برة الخط فى تفسيرها لـ "نص" د. سناء ... ولكننى لا أتفق معها بوجوب سحب "النص" لوجود High Voltage فى داخله (ولامؤاخذة) فدكتورة سناء لا زالت تتمتع بى كنّا نسمّيه هتافاً "حرية التعبير" (ما عارف اسمو الحركى شنو هسع) ... وفى اعتقادى أيضاً - منعول أبو اعتقادى لأبو اليوم الجابو - إنو "قيقراوى" بالغ ... (يااخوى صفحة اطناشر دى خفف شوية ) |
يا تبارك
يا اخوي قلنا طلعنا من الموضوع دا
عندك حق عندي افصح ابن و اعرض قضيتك
و تأخد حقك
غير كدا . . تضاير كلامك المغتى و فاضي و خمج دا عليك
كل القلتو رأي في موضوع ساهمت في تعقيدو و فك شفرات انا ارسلتها،و قرون استشعار كل زول التقطتا بالجمبة البتريحا ، في نية اتحاكمت هنا اكتر من نيتي ( خير / شر ) بما فيها حسن ظن سيدي الحسن التى لو ذهبت تستزيد في الحسن حسناً لما ازيدت ، لكن برضو تبقى قراية نيات . . قلنا نريحكم و البصدق يصدق و البكذب يكذب و لا مزيد عندي . . عودوا لمعياركم يرحمكم الله .
داير تناقش علمية الـ High Voltage
يلا ارمي بياضك
و ابدأ لي من الحتة دي
| Quote: أن د. رحاب عدّاها العيب ما قالت كلمة برة الخط فى تفسيرها لـ "نص" د. سناء ... ولكننى لا أتفق معها بوجوب سحب "النص" لوجود High Voltage فى داخله |
انا ما قلت برة الخط يا تبارك و لا ينبغي لي لاحترامي الكبير ليها
لكن مسألة التركيز على " الايحاء الجنسي " بدل الايحاءات التانية و خصوصاً " غير الحسن " الفسروا سيدي الحسن اعلاه ( راجع مداخلتو كويس او احيلك للجزء الاقتبستو منها بس لو ما عندك زمن تقرأ كويس ، ما قلنا ليكم اقروا ياخ ! )
يا سيدي نحن الاتنين رافضين مسألة ( حذف التعليق فوراً ) دي . . انت بسببك و انا بأسبابي . . اها ما كنتم تسمونه هتافاً " حق التعبير " الاسمو الحركي اسي رايح ليك دا انا عندي و لا طوالي ببقى محلبية و لبن بفراولة و مباراة كلام نسوان ساي !!
هاشم الحسن اعاب على سناء استخدام الايحاء من جهة " جر الشكل " و توريث البغضاء و الضغائن و الاحن
| Quote: فهي تعبيرات مما لم أقدر فأرجح فيه أي تأويل حسن، و لدرجة أنني استفظعت ترجيحاتي التأويلية أن تصدر حقيقتها عن سناء التي عرفت. فقد و الله تأولت أنا هاته التعبيرات تأويلات في العداوة و البغضاء و الإحن لا يستحبها قلبي |
شفت كيف " المعايير مختلفة " ؟
و نحن نؤيد ترجيح السيد . . وقع ليك
انا استخدمت ذات الحجة ضد علمية الكيس الرسى دا - بالمناسبة يا تبارك انا مبسوط من انو رسى و من دقن المعسكر المتزمت - لكن اعتراضي الايحاء او قول الايهام بأنو ممكن سناء استخدمت التعبير الانقليزي بايحائه " الجنسي " لأنو دي فرضية ما بتصمد قدام هبوب نفخة خشم منطق . قول لي كيف ؟
العلم دا من شروط وجوبه و صحتو الـ " بيصلس " . . . قول واحد
ح اتجاوز شتارتك في نزع كلامي ابو محلبية من سياقو التاريخي ، خلينا نقفز ايجابياً لنزع الزعم الجنساني للهاي فولتاج من سياقو في نص النص !!
شفيييييييي يا رااااااقل . . ياتو ايحاء جنسي ممكن يعنيهو هنا ؟
تفضل علينا بترجمة بالله . . و عليك الله فكنا من ترجمة اساسي " السودانية " ديك
يا تبارك ياخ انتبهوا يا دعاة ( حرية التعبير ) انكم كدا بتضروا قضية مشاركة الاخوات هنا معانا و في الشأن العام عموماً ، و بتقدموا ليهن اكبر دفرة لي وراء في اتجاه الخدور و الحرمليك . . احيلك لمداخلة CD البدوي
نسلم انو المسألة " درس " طيب ما قاسية الشغلة دي ؟ . . بتصب في ياتو اتجاه ؟ . . كيف ترفض حاجة بتثبيتها مبدأ للدرس ؟
دي شتارة شنو دي !!! . . و منطق وين في الاهل دا ؟ . . ياخ زمااان العلم الانسانية اتجاوزت المبدأ التوراتي دا ، و انتقلت لادوات اكتر علمية و انسانية و رحاب " نفعنا الله بعلمها انا و محمد سليمان صاحبي " اقدر و أعلم بيها . . . عرفت انا بعيب عليها شنو ؟
تعال كلنا نرفض اشكال الاقصاء دي بدل ما نساهم في ترسيخها مبدأ هنا و الباسها ثوب من علمية و نعتمدها عدة حوار
عودة اخيرة لكبر و CD البدوي و انت معاهم و اساسي ذاتو و للجميع . . المافي شنو ؟
نحن هنا في " وطن من لا وطن له " دا مواطنين و له رعايا ؟ّ!
و اعربوا لي " انذار " اماني " موقعو من اعراب الحرية في قاموسكم ؟
الشكر لبت قضيم برضو في هذا المقام . . هبشت وتر حساس كلنا قاعدين نتضاير منو
يا بت قضيم الشزوفرينيا ما حدها مرا/راجل . . بيت / شارع . . لا ياخ
نحن مش منشطرين . . متشظيين عديل !!
نرفض حكم الفرد و كل يوم نجي نجعجع هنا دا ، و حاكمنا فرد يقطع و يرقع سااااااي !
و لا في زول بقول بغم !!!
--------
في مداخلتي القبل " الكيس الرسى " عن المك النهز النحاس في طبلة اذنو الخاصة ؟
و المك منقول من ساحة القول
لساحة الفعل السيد
يحرق طلح التأريخ
دي من " الدلكة دميرة هذا العام "
| |
|
|
|
|
|
|
|
|
|
Re: ما هو المعيار ؟ (Re: Hussein Mallasi)
|
| Quote: ثابر قيقراوي حتى كاد أن يبز كمال عباس مللاً. |
وااااااا حالاتي دي !!
انت لسه هنا ؟
آسفين ياخ كنت قايلك مشيت تفتش في بلة !
الممل فال عدوك . . ما تستاهل ابوي
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
Quote: وااااااا حالاتي دي !!
انت لسه هنا ؟
آسفين ياخ كنت قايلك مشيت تفتش في بلة !
الممل فال عدوك . . ما تستاهل ابوي
|
غايتو يا قيقا المعيار المستخدم في ردك اعلاه اوضح من الشمس
| |
|
|
|
|
|
|
|
|
|
Re: ما هو المعيار ؟ (Re: البدري عبد الله)
|
| Quote: غايتو يا قيقا المعيار المستخدم في ردك اعلاه اوضح من الشمس غايتو يا قيقا المعيار المستخدم في ردك اعلاه اوضح من الشمس |
النفسيات و لا غيرو
غايتو كان غيرو معناها غيروهو
---------
تواتر في أثر شيخنا العالم العلامة الحبر الفهامة البصير أمين ياسمين نوتة مفكر :
البدري ما اتي لحوار
رواه قيقا راوي
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
Quote: تواتر في أثر شيخنا العالم العلامة الحبر الفهامة البصير أمين ياسمين نوتة مفكر :
البدري ما اتي لحوار
رواه قيقا راوي
|
يا قيقا اول شي حديثك دا غير متفق عليه ..والشي التاني قيل في الامثال البلحية لا تعايرني لا اعايرك الهم طايلني وطايلك
| |
|
|
|
|
|
|
|
|
|
Re: ما هو المعيار ؟ (Re: البدري عبد الله)
|
البدري حيث لا بدر هناك . . او كما قال شيخنا . .
اولن كم مليون راوي دا سند متصل يغني عن عن و العنعنة
ما دام قال شيخنا و رواه قيقراوي يبقى لا بدر هناك و لم تأت لحوار
سانين : اسي دا شنو الجبتو دا كمان ؟
وينو بلة ؟ *
و " حمودة " دا منو كمان ؟
و علاقتو شنو بالمايير ؟
يا تجاوب على الكلام دا يا كمان ياكا اللم تأتي لحوار
-------
اوع تقول لي مقصود بلة موسى بس ! . . دا آخر مرة شوهد هنا كان في 8 مايو
| |
|
|
|
|
|
|
|
|
|
Re: ما هو المعيار ؟ (Re: khaleel)
|
قال المغنى يا ابو الخل
تمشي للمعيار .. يا عوض دكام
تلقى ناسو كتاااار.. يا عوض دكام
الحمام كان طار .. يا عوض دكام
سوا ليه شمار جمجره واوهام
وكلالالالالالام يا عوض دكام
| |
|
|
|
|
|
|
|
|
|
Re: ما هو المعيار ؟ (Re: عبدالكريم الامين احمد)
|
Quote: والله يا ابو خليل ومع احترامي لكل الجهود الجبارة في البوست ده
ولكن بيني وبينك كده احرف جزار في فريق زنقو ما يقدر يطلع ربع كيلو بتاع معيار من (العوة) دي كلها |
بالعكس ياكيكي .. !!
البوست دا وضح لينا إختلال كبير في المعايير .. وعلي هذا الأساس ممكن نبني معايير جديدة !
ولو وقف لحدي هنا .. يكون ماقصر تب .
ــــــ
شكرا للأخ محمد إي سليمان .
| |
|
|
|
|
|
|
|
|
|
Re: ما هو المعيار ؟ (Re: السيد المسلمي)
|
Quote: البوست دا وضح لينا إختلال كبير في المعايير .. وعلي هذا الأساس ممكن نبني معايير جديدة !
ولو وقف لحدي هنا .. يكون ماقصر تب . |
وجهة نظر برضو نحترمها يا المسلمي في اطار الايمان باختلاف زوايا النظر والشوف
وتحياتي
| |
|
|
|
|
|
|
|
|
|
Re: ما هو المعيار ؟ (Re: وليد محمد المبارك)
|
| Quote: أعرف أن البوست كله اختبارات حتى أن لسان حال البعض لا يفتأ يحاكي المسيح ساعة صلبه، إيلي إيلي لم شبقتني؟ فلا ضير إذن من اختبار واحد أخير قد أثبت إنه ناجع القياس و أنا في شدة الانبساط منه لا آبه بمعيار. و لكن، إن هكذا التجريد الرياضي قد لا يجري على السودانيات و السودانيين بأخوي و أخوك ـ يا ريت الناس يشوفو تبعات دي برضوـ و اسألي يا رحاب محمد الحسن، إنه خير من عرف أن 1+1=2 هو حساب أقسى من أن نحتمله.. كلنا عاطفيون! و بت اللذين تمنطقوا، هي الرياضيات لا أم لها! |
سيدي الحسن نفعنا الله بعلمه و أمدنا بمدٍ منه متصل ( تقدر تكمل ما دام بتلفح يا محمد الحسن ؟ )
طمعان في كرمك يا سيدي بالسماح بالاختلاف رغم مغبة ذلك و مآلاته في عرف اهلنا الصوفية
اولن : عدلت في المعادلة و وقفتها على قاعدة الرياضيات القويمة هكذا يا عبد الله ( 1 + 1 = 2 )
خليني افاجأك انو عندنا في العلوم الاجتماعية او قول الانسانية عندنا 1 + 1 قد لا تساوي اتنين ، عندنا نظرية شيقة جداً في الادارة محتواها بسيط جداً : نفترض في عاملين بنفس درجة المهارة ( قياس ) انتاجهم متساوي و يساوي 10 قطعة ، لو جمعتهم في مجموعةعمل هل بالضرورة انتاجهم ح يكون 20 قطعة ؟
ما تستعجل في الاجابة
ثبت لا . . و في كل المرات يا اقل يا اكتر ، و التفسير ما بتلقاهو في الرياضيات يا سيدي ، دا في علم النفس و علم النفس الاجتماعي ، و بقية العلوم السلوكية . . ببساطة لانو هنا بنتكلم عن ( انسان ) بكل زخم الكلمة دي و المقام ما مقام تجريد رياضي . . شفت كيف ؟
فالـ ( 1 ) هنا ما مفهوم مجرد
دا الفرق بيننا و بينهم يا سيدي
لكن البقنع محمد الحسن شنو ؟
و ازيدك من شعر المفارقات بيت
تعرف نحن قاعدين نحسب حاجات ما بتنحسب ذاتو من جنس النوايا دي ذاتا ، ( الولاء ) ما بقرب للنوايا دي شئ ؟ . . اها دكتورن لينا سموهو عبد اللطيف امام في رسالة دكتوارتو ( محاسبة الموارد البشرية ) وصل لقياس يمكن ان تطمئن ليهو دغري في حساب ( قيمة ) الانسان كأصل ثابت في المنشأة مرتكز على قيمة ( الولاء ) Loyal Asset و القيمة هنا عشان ما تتشابه عليك السياقات النحدثك انو لا تثريب عليك ان قرأتها راسية او افقيه و تجوز في الحالتين ( نقدية / أخلاقية ) و في ميزان حسنات النوايا إن شاء الله .
-----------
انا ما مستعجل لحساب . . او قول خليتو عديل . . فأميننا الذي نحب ادانا درس هنا ( اختياري بالمناسبة ) فاستبعرت نفسي و سوء ما طويت و نويت . . فاستغفرت رب رحيم و عفيت برا حساب ، أملاً فيما عند الله لا عباده
| |
|
|
|
|
|
|
|
|
|
Re: ما هو المعيار ؟ (Re: البدري عبد الله)
|
| Quote: انا غايتو متفق معاك في حتة عدم الثبات العاطفي والانفعالي |
طبعا بالاضافة الى كونها مملة..اعني كتابات قيقراوي
.
..
.
.
غايتو الصيد في الموية العكرانة ممتع بشكل
| |
|
|
|
|
|
|
|
|
|
Re: ما هو المعيار ؟ (Re: Hussein Mallasi)
|
Quote: بالإضافة لكونها مملة؛ فإن كتابات قيقراوي
تتصف بعدم الثبات العاطفي و الانفعالي. |
عادي يا حسين ياخ
بشر عادي انا ما ادعيت غير كدا - او قول عندي نفسيات ؤ دي ما نكرتها ابداً - فكونو اكون ما مستقر دي مسألة ما خارقة للعادة مش؟
و لا بتحتاج تنحت مخك بسطرين فيها
انت مشكلتك معاي شنو بالضبط ؟
ممكن تجليها عادي لما يشرح صدرك و يفيدك . . المشكلة وين ؟
الزلابية للجميع
اكتب و خليني في جهجهتي ياخ . . و لو حبيت تتظارف او تضرب زول شوف ليك زول غيري . . سمح ؟
رواية مجهولة القائل :
" لو كنت تقرأ فقط ما يعجب ، تأكد انك لن تتعلم ابداً "
مجهولة الراوي برضو
-----------
بلة منو المخاطب في كتاباتك الغير مملة ؟ . . صراحة ما لقيت زول اسمو بلة في نفس الصفحة او الخمس القبيليها ؟!
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
| Quote: بلة منو المخاطب في كتاباتك الغير مملة ؟ . . صراحة ما لقيت زول اسمو بلة في نفس الصفحة او الخمس القبيليها ؟! |
ياها دي نوعية كتاباتك البتخلينا نصفك بعدم الثبات الانفعالي !!
.
.
.
.
.
.
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
| Quote: تتصف بعدم الثبات العاطفي و الانفعالي. |
الواحد ماعارف مالو الليلة اتذكر سيرة حلاق الجامعة عليه الرحمة..
فكدي يا ملاسي بدل تفك لينا كلام كبار كبار زي ده سااكت كده
ماهو الثبات العاطفي في عضمو..؟؟
ومفروض يكون في ثبات عاطفي في كتابة قيقراوي تجاه شنو..؟؟
وكيف يتم قياس الثبات العاطفي ده باي الية ..؟؟
وخش لي في الثبات الانفعالي واديهو تعريفات تليق بمقولاتك الفوووق دي كحلاق اسفيري
___________
وبالمناسبة الكلام البدون كووتات مش مفروض يكون كلام مجاني ولاشنو يا عمك سحس..!!
| |
|
|
|
|
|
|
|
|
|
Re: ما هو المعيار ؟ (Re: عبدالكريم الامين احمد)
|
Quote: الواحد ماعارف مالو الليلة اتذكر سيرة حلاق الجامعة عليه الرحمة..
فكدي يا ملاسي بدل تفك لينا كلام كبار كبار زي ده سااكت كده
ماهو الثبات العاطفي في عضمو..؟؟
ومفروض يكون في ثبات عاطفي في كتابة قيقراوي تجاه شنو..؟؟
وكيف يتم قياس الثبات العاطفي ده باي الية ..؟؟
وخش لي في الثبات الانفعالي واديهو تعريفات تليق بمقولاتك الفوووق دي كحلاق اسفيري
|
هلا هلا با كيكي
يادوب البوست بقت عندو معاييير ..بالله باقي الناس ما بجوا يشتتوا لينا الكورة ويلخبطوا علينا المعايير مرة تانية ..خلونا نلعب الماتش ده بي رواااقة ونتأهل لي نهائي الكاس وبعدين نجي نشوف الحاصل..
.
.
.
.
كيكي ياخ المرحوم حمودة العركي كان رجل عميق بمعنى الكلمة
| |
|
|
|
|
|
|
|
|
|
Re: ما هو المعيار ؟ (Re: البدري عبد الله)
|
| Quote: كيكي ياخ المرحوم حمودة العركي كان رجل عميق بمعنى الكلمة |
هلا يا البدري..
وماقلنا حاجة ياخي وما ياهو اخونا ملاسي ده عميق عمق تاريخي برضو..!!
-------------------------------
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
أستاذ هاشم
نهارك سعيد
| Quote: فإنني مثلاً لو أعجبت برأي أو موقف لشخص فعبرت عن إعجابي الآن، ثم حدث غداً من مستحق اعجابي ما يوجب المخالفة و الامتعاض والغضب فإنني و مع اثبات مخالفتي للموقف فلن أسحب اعجابي الأول و ذاك لأنني أفهم أن الناس ليسوا بكموم جامدة لا تتحرك... في دواخلهم و في خارجها. |
على فكرة انا لم أسحب إعجابي أنا سحبت (المداخلة) المفادها أعجابي بالخلاف بين د/سناء ود/ رحاب الأولى عشان إصرارها على عدم سحب المداخلةومصرة تقول أنا عنيت المعنى ده يتفهم زي ما يتفهم، والثانية عشان إلتقاطها الذكي لكلام وتحويلوا لفكرة لافقة تماما مع موضوع البوست ، والحوار رغم الخلاف الفيهو كنت شايفهو ممتع ..بس للأسف صاحباتو ما شايفينو كدة لانهم مصرين يتعاملوا معاهو ـأو هكذا بدا لي ـ من خلال خلاف سابق عشان كدة شفت روحي زي البقوليهن ياخ أنتن شاطرات ولسان حالهم بقول لي:يابت أمشي كدة أنت مافاهمة اي حاجة .!!.يعني لقيتها (شتارة )مني فهمتني صاح ؟
بخصوص موضوع الشكوى وكذلك ردى علي كلام تبارك شيخ الدين ده | Quote: لأننى لا أعلم محتوى الشكوى |
بالنسبة لي ماهم المحتوى الشكوى في عضمها لزوما شنو ؟أمامن ناحية أنها حصلت فأنا عندي حصلت مافي سبب بخليني أكذب زول إلا يثبت العكس ..وأهو د/ رحاب ممكن تجي وتقول انا ما شكيت ..والشكوى إمكن ماعيب ،لكن منو البشتكي ؟دي النقطة، ولاني أتعاملت مع الكلام القدامي بأعتباره حقيقي ـوده واحدة من عيوبي ـ د/رحاب بحسب حاجات كتييييرة ..مازولة شكوى ..شفت الموضوع بالشكل ده ..ولوعلى الأقل د/رحاب قالت لأماني ما مفادهو أنو لو ما توقفتي حيصل ويحصل (مثلا) ..كان ممكن أتقبل الموضوع ،وبرضو حيكون غريب ..تبقى المداخلة سحبت لأنو الحوار بقى ما ممتع زي ماعبرتا عنو والذكاء الكنت شايفهو مابقى زي الاول ..تبقى المداخلة ساذجة !دي كانت كانت وجهة نظري ..
تحياتي كتار ليك ولي لتبارك أكيد ..أما(المحنة)البهناك عافية ليكم غايتو..وبجيها كان الله راد
| |
|
|
|
|
|
|
|
|
|
Re: ما هو المعيار ؟ (Re: داليا حافظ)
|
Salam brother GIGArawi
Intrepid !? (:
No need for apology . Clarification is enough.
Now we can come to the main topic .x
Many thanks
---------------------
Salam Dr. Sanaa
It is OK. It is all right. Nothing personal at all.
| Quote: فلا أريد لمقام محفوظ لديه.. أن يجبرني على تقبل مقام لا أرضاه لنفسي .. مقام من تحمل عباراتها (إيحاءات...!!) |
That was never !!!.
Here are my words :x
Quote: الأخت الكريمة عزاز
السلام عليكم ورحمة الله
أولا أتفق معك تماما أن خلفية الدكتورة الكريمة سناء jتجعلنا نستبعد أن يكون مرادها من التعبير باللغة الإنجليزية
الدفع بمعنى غير كريم الإيحاء بأمر غير لائق ، هذا لا يشبه أختنا الكريمة أثق بذلك . |
That was only to clarify it better. No hard feeling at all .x
Thanks alot
| |
|
|
|
|
|
|
|
|
|
Re: ما هو المعيار ؟ (Re: emad altaib)
|
لعل المعيار ينبع من الانا والضمير
ولو استعملنا التجريد اللغوي والمجازي ومارسنا جلد الذات
في سويداء الفواد وداخل صيرورة الاشياء
نجد المعيار كائن حي ياكل الطعام ويمشي في الاسواق
| |
|
|
|
|
|
|
|
|
|
Re: ما هو المعيار ؟ (Re: khaleel)
|
د. سناء خالد ...
Quote: صدقت يا تبارك.. كلماتي دي ممكن تستنبط منها المعيار .. زي ما قلت..
معيار استنبطوه ليكم ألف مرة و لخصوه (دينا خالد و بت قضيم ) في كلمة واحدة..
السيــــــــــــــــــــــــــــــــــــاق..
.........
في تفتيش نوايا أكتر من الانت بتعمل فيهو يا تبارك!! |
هل هذا اتفاق على أن هنالك حرية تعبير تسمح بكتابة لغة إيحائية دون العودة لتفتيش نوايا الكاتب .... والأخذ بالسياق؟
أم هو اختلاف على أن حرية التعبير لا تشمل اللغة الإيحائية ... مالم يثبت السياق حسن النوايا؟
__________________
أيضاً د. سناء خالد ...
Quote: ما أول مرة أقرأ ليك (تغوّل) على أماني يا تبارك..
و أكاد أصفه بالترصد..
ما عارفة سببو شنو و لا بدأ وين تحديداً
لكن في رأيي انه كان دايماً تغوّل و تفتيش لنواياها بصورة فجة .. و هي فجاجة وجهت لها دائماً منك بما يوحي و كأنو عندك معاها تار بايت!
((((ولن تجدى اثنين فى هذا المنبر - إن استثنيتِ قيقراوى - يختلفون على هذا الوصف .)))))
عدني اتنين بعد قيقراوي أو قبلو كمان..!
عد تيسير لأنها قالت رأيها في الموضوع دا فوق برضو!
مشكلتك انك دايماً بتفتكر نفسك صاحب القول الفصل..(و المهم) في كل الأمور! |
يبدو أننا (أنتِ وأنا) لا نستخدم كلمة "تغوّل" بنفس المعنى ... فلا يمكن أن يكون "وصف" ما أقرأ من أمانى الأمين "تغوّل"!
_______________________
... وأيضاً ...
Quote: داليا حافظ..
يا صديقة لا تهتمي..
لن ترثي عداء ليس لك فيه يد..
هي دروس كلنا بنتعلمها..
و الضربة الما بتقتلك بتقويك
أبقي عشرة على الملايكة.. و ربنا يهنيك و يسعدك و تبقى حياتك ألوان فرح.. ما محاطة بألوان ضماير إلا الأبيض..
أبقي عافية .. و شكراً بالنيابة عن أماني.. |
استطيع وصف اللغة الإيحائية هنا ... بأنها تخلو من جماليات الـ High Voltage التى أعجبت بها ...
__________________________________________
قيقراوى ...
Quote: يا تبارك
يا اخوي قلنا طلعنا من الموضوع دا
عندك حق عندي افصح ابن و اعرض قضيتك
و تأخد حقك
غير كدا . . تضاير كلامك المغتى و فاضي و خمج دا عليك |
النص ...
"المغتغت وفاضى وخمج" وليس "المغتى" ....
________________________
...
Quote: كل القلتو رأي في موضوع ساهمت في تعقيدو و فك شفرات انا ارسلتها،و قرون استشعار كل زول التقطتا بالجمبة البتريحا ، في نية اتحاكمت هنا اكتر من نيتي ( خير / شر ) بما فيها حسن ظن سيدي الحسن التى لو ذهبت تستزيد في الحسن حسناً لما ازيدت ، لكن برضو تبقى قراية نيات . . قلنا نريحكم و البصدق يصدق و البكذب يكذب و لا مزيد عندي . . عودوا لمعياركم يرحمكم الله .
داير تناقش علمية الـ High Voltage
يلا ارمي بياضك
و ابدأ لي من الحتة دي |
نرمى ليك بياضى من كلام سيدك الحسن ...
| Quote: قالت سناء لكمال عباس أن قوله باحتمالات تأويل تعبيرها الكهربائي بالإنجليزي "قد أفسد أكثر مما أصلح"! كيف يفسد؟ و الرجل ما زاد على الحقيقة، فاحتمالات المعنى الآخر قائمة قائمة و لا ينفي قيوميتها جهل بها أو حسن مقاصد أو فضل أخلاق القائل. كما و أن الحقيقة لا يجب أن تكون مفسدة، إلا لبعض الود و ليس كله! و الصحيح أيضاً هو أن الذي أفسد بأكثر مما أصلح فياهو داكـ: حسن نوايا شيخي قيقراوي و مثاليته المحاسبية المتلهفة على حساب يجري على خط مستقيم في دنيا هي بالطبيعة ملولوة. |
كدا كيف؟
____________________________
Quote: انا ما قلت برة الخط يا تبارك و لا ينبغي لي لاحترامي الكبير ليها
لكن مسألة التركيز على " الايحاء الجنسي " بدل الايحاءات التانية و خصوصاً " غير الحسن " الفسروا سيدي الحسن اعلاه ( راجع مداخلتو كويس او احيلك للجزء الاقتبستو منها بس لو ما عندك زمن تقرأ كويس ، ما قلنا ليكم اقروا ياخ ! )
يا سيدي نحن الاتنين رافضين مسألة ( حذف التعليق فوراً ) دي . . انت بسببك و انا بأسبابي . . اها ما كنتم تسمونه هتافاً " حق التعبير " الاسمو الحركي اسي رايح ليك دا انا عندي و لا طوالي ببقى محلبية و لبن بفراولة و مباراة كلام نسوان ساي !!
هاشم الحسن اعاب على سناء استخدام الايحاء من جهة " جر الشكل " و توريث البغضاء و الضغائن و الاحن |
يا قيقراوى عبّر عن "المحلبية" بتاعتك كما تشاء ... لاكين ميّز انو انا رافض حذف التعليق مبدئياً وليس "فوراً" ... فأنا لا أؤيّد حذف البوست "بعد حين" مثلاً ...
____________________________
Quote: شفت كيف " المعايير مختلفة " ؟
و نحن نؤيد ترجيح السيد . . وقع ليك
انا استخدمت ذات الحجة ضد علمية الكيس الرسى دا - بالمناسبة يا تبارك انا مبسوط من انو رسى و من دقن المعسكر المتزمت - لكن اعتراضي الايحاء او قول الايهام بأنو ممكن سناء استخدمت التعبير الانقليزي بايحائه " الجنسي " لأنو دي فرضية ما بتصمد قدام هبوب نفخة خشم منطق . قول لي كيف ؟
العلم دا من شروط وجوبه و صحتو الـ " بيصلس " . . . قول واحد
ح اتجاوز شتارتك في نزع كلامي ابو محلبية من سياقو التاريخي ، خلينا نقفز ايجابياً لنزع الزعم الجنساني للهاي فولتاج من سياقو في نص النص !!
شفيييييييي يا رااااااقل . . ياتو ايحاء جنسي ممكن يعنيهو هنا ؟
تفضل علينا بترجمة بالله . . و عليك الله فكنا من ترجمة اساسي " السودانية " ديك
يا تبارك ياخ انتبهوا يا دعاة ( حرية التعبير ) انكم كدا بتضروا قضية مشاركة الاخوات هنا معانا و في الشأن العام عموماً ، و بتقدموا ليهن اكبر دفرة لي وراء في اتجاه الخدور و الحرمليك . . احيلك لمداخلة CD البدوي
نسلم انو المسألة " درس " طيب ما قاسية الشغلة دي ؟ . . بتصب في ياتو اتجاه ؟ . . كيف ترفض حاجة بتثبيتها مبدأ للدرس ؟
دي شتارة شنو دي !!! . . و منطق وين في الاهل دا ؟ . . ياخ زمااان العلم الانسانية اتجاوزت المبدأ التوراتي دا ، و انتقلت لادوات اكتر علمية و انسانية و رحاب " نفعنا الله بعلمها انا و محمد سليمان صاحبي " اقدر و أعلم بيها . . . عرفت انا بعيب عليها شنو ؟
تعال كلنا نرفض اشكال الاقصاء دي بدل ما نساهم في ترسيخها مبدأ هنا و الباسها ثوب من علمية و نعتمدها عدة حوار
عودة اخيرة لكبر و CD البدوي و انت معاهم و اساسي ذاتو و للجميع . . المافي شنو ؟
نحن هنا في " وطن من لا وطن له " دا مواطنين و له رعايا ؟ّ!
و اعربوا لي " انذار " اماني " موقعو من اعراب الحرية في قاموسكم ؟ |
مداخلة البدوى - إن كنت تقصد راندى موظف "ديزنى لاند" - خارج المدعو "السياق" ... وأنت تعلم بأننى غير معنى بنوايا د. سناء خالد، ولا بتأويلات سيدك الحسن لنواياها ... انا فقط معنى بقيومية الإيحاء داخل النص ... ولن أترجمه خارج حدود الحشمة التى تحكم ما أفصح عنه وما لا أفصح عنه ... ورأيى فى ترجمة أساسى "عدم الإلتماس" التى نقلها عن قوقل .. أنها تنم عن مكر "أساسى" فى اللغة وحسه الفنى الرفيع ... وعن توارد خواطر قوقل ومحمود فلاح حول "الحديث الدبلوماسى" ...
وبالنسبة للأخوات العندهن قضية مشاركة معانا هنا وفى الشأن العام عموماً ... هل عندهن شروط مشاركة تمنع الإضرار بى قضيتهن؟ وهل تستدعى هذه الشروط أن نتنازل عن دفاعنا عن "حرية التعبير"؟ عشان نبقى شنو؟ دعاة "حرية المحلبية"؟
________________________________
حسين ملاّسى ...
| Quote: ثابر قيقراوي حتى كاد أن يبز كمال عباس مللاً. |
Quote: بالإضافة لكونها مملة؛ فإن كتابات قيقراوي
تتصف بعدم الثبات العاطفي و الانفعالي. |
طيب ما ياها دى "المحلبية" الكتّر منها قيقراوى ظاطا ... مع منشط بلحى مستورد ...
_________________________________
نرجع نقول المعيار "المستنبط قسراً" من الحوار ...
Quote:
1-ليس لدى رغبة فى سحب المداخلة
2-ليس لدى رغبة فى تفسير المداخلة
3-كل قارئ يفهمها كما يريد
4-لن أصف أى قارئ بأنه مخطئ
5-التجاهل
6-التجاهل
7-التجاهل |
وعلى استعداد لتطبيقه على نفسى فى 3,245 مداخلة منذ انضمامى فى 3/12/2006 و إلى الآن ....
وعلى استعداد لتطبيقه على حكمى على مداخلات الآخرين ضماناً لحقّهم فى "حرية التعبير" ... بما فيهم "منال"، "د. سنا" و "قيقراوى" وآخرين ..
... المهم ....
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
كتب الأخ كمال عباس معقبا على المقال الشكرجي الذي نقلته أختنا عزاز شامي :
{ السيد الشكرجي قام (((بتفصيل أكثر)))) وب((((تمطيط))))) لدور الاديان و(((((قلص))))) دور الدولة و((((أختزله)))) في القانون كما ((((أختزل)))
دور المجتمع في العرف و(((تجاهل ))))القيم والتقاليد والثقافة والاخلاق وغيرها من مكونات المنظومةالإجتماعية ومؤسسات المجتمع وإن كان قد
(((( أفاض )))))فيما أسماه بالرقابة الاجتماعية !}
يا كمال أنا وضعت ليك معاكيف متعددة حول مفردات (( التعبير الكمي والأقيسة )) التي استخدمتها أنت لمقارنة كلام الشكرجي بالتصور الصحيح والأمثل
للحرية وحدوده وضوابطها وكوابحها ، ليتضح للقراء القروق والاختلافات بين تصور الشكرجي وبين التصور الصحيح والأمثل للحرية ، وكيف
أن الشكرجي (مطط) في جوانب و( قلص) في جوانب و(اختزل) بعض الأدوار و(تجاهل) في بعض العوامل و (أفاض) في جانب .
وهذا يبين بجلاء مواضع مخالفة تصور الشكرجي جزئيا للتصور الصحيح والأمثل للحرية وحدودها .
شكرا يا كمال عباس
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
الأخ عبد الكريم تحياتي
شكرا لإيراد المخطط "الكعكي"
خطوة في الاتجاه الصحيح (:
استخدامك للإكسل دا ذكرني نكتة عن مطعم السوداني هنا في السعودية وتمطير السعوط وبيعه في صواني الباسطة (:
--------------------
يا جماعة أختنا الكريمة أماني شريكتنا في خيط المعيار هي نفسها أماني صاحبة بوست المونديال أم تلك أخت كريمة أخرى غيرها .
المهم يا أختنا أماني أنت بنيت كلامك وحججك على حسابات غير صحيحة قام بها الأخ الكريم قيقراوي ثم اعتذر عنها
له الشكر والتقدير . الآن قيقراوي صحح حساباته ؟ بقيت حججك قائمة على غير أساس سوى تعضيد الأخت تيسير لها .
قيقيراوي سألت عن مقدار خطأ الاحتمال ؟
أختنا أماني أهديك وقيقراوي هذه القصة في شأن القراءة بالنيات و تحديد الاحتمالات وحصرها في أضيق مجال والتسرع في إطلاق الأحكام
وفقا لحيثيات ضئيلة وبدون بينات كافية ***:
جاء في بعض الروايات أن أم الحجاج كانت قبل أبيه مع ارجل آخر فطلقها بسبب أنه دخل عليها يوماً فوجدها تتخلل* بعد صلاة الصبح،
فقال لها: إن كنت تتخللين من طعام البارحة إنك لقذرة، وإن كان من طعام اليوم إنك لنهمة، كنت فبنت(يعني أنت طالق )،
قالت: والله ما فرحنا إذ كنا، ولا أسفنا إذ بنا، ولا هو شيء مما ظننت، ولكني استكت** فأردت أن أتخلل من السواك.
ووقع الطلاق فتزوجها يوسف الثقفي فولدت له الحجاج بن يوسف أول من استحدث نظام حظر التجول حسب علمي.
نواعير الليط واصطياد القراميط أو فيما أحب وأكره
-----------------------------
*تتخلل يعني تستخدم الخلال وهو عود رقيق لإزالة بقايا الطعام وكل ما يعلق بين الأسنان
** قصدها أنها نظفت أسنانها بالمسواك فبقيت شعيرات دقيقة من عود الأراك عالقة بين أسنانها فأرادت إزالتها بالخلال.
***أو في غياب كامل للبينات والقرائن والحيثيات كما هو ماثل في حالنا هنا في (المعايير )
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
هلا
Quote: الأخ عبد الكريم تحياتي
شكرا لإيراد المخطط "الكعكي"
خطوة في الاتجاه الصحيح (:
استخدامك للإكسل دا ذكرني نكتة عن مطعم السوداني هنا في السعودية وتمطير السعوط وبيعه في صواني الباسطة (: |
خلاص يا عمك قلنا نجيب حقتك العملتها انت دي
احتمال تذكرك مطعم حبشي في السعودية بعمل زغني وببيعو في اكياس سعوط سوداني ولاشنو ياعمك
| |
|
|
|
|
|
|
|
|
|
Re: ما هو المعيار ؟ (Re: عبدالكريم الامين احمد)
|
سلامات يا أستاذنا محمد إي سليمان ..
| Quote: الآن قيقراوي صحح حساباته ؟ بقيت حججك قائمة على غير أساس سوى تعضيد الأخت تيسير لها . |
قيقراوي صحح حساباتو في الجانب الذي يخصك أنت يا أستاذ محمد إي سليمان حول تورطك في الإيقاع بين الدكتورتين رحاب وسناء وهو ما جئت أنت ونفيته بالدليل القاطع وصدقتك عندها على الفور ..
تعضيدي لحجج أماني قائم على نقل د. رحاب لكلام قيقراوي في موضوع يختلف تماماً عن موضوعك ذاك بشكل مغاير لما كان مكتوب بواسطته وهو ما قصدته أماني وأيدتها - ولازلت - على ذلك ..
بصورة أوضح:
أنا لم أعضد كلام أماني حول تورطك (أنت) فيما حدث ولم أر ما يثبت ذلك
بل عضدت كلامها حول النقل الخاطئ لـ د. رحاب ورأيت بعيني ما يثبت ذلك ..
أرجو عدم الخلط بين الموضوعين والموقفين ..
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
سلام محمد e سليمان
كتبت
Quote: يا كمال أنا وضعت ليك معاكيف متعددة حول مفردات (( التعبير الكمي والأقيسة )) التي استخدمتها أنت لمقارنة كلام الشكرجي بالتصور الصحيح والأمثل للحرية وحدوده وضوابطها وكوابحها ، ليتضح للقراء القروق والاختلافات بين تصور الشكرجي وبين التصور الصحيح والأمثل للحرية ، وكيف
أن الشكرجي (مطط) في جوانب و( قلص) في جوانب و(اختزل) بعض الأدوار و(تجاهل) في بعض العوامل و (أفاض) في جانب .
وهذا يبين بجلاء مواضع مخالفة تصور الشكرجي جزئيا للتصور الصحيح والأمثل للحرية وحدودها . |
أولا يامحمد حديثنا هنا في هذا البوست لم يكن عن الحريات العامة وحقوق الأنسان العامة علي أطلاقهاولا عن مبادئي وأسس الديموقراطية
وأنما تناول حلقة واحدة من منظومة الحريات والحقوق وهي الحرية الفردية وحتي في دائرة الحريةالفردية ركزنا علي جزئيةمعينة وهي حرية التعبير ثانيا الحديث عن محددات وكوابح الحرية الفردية تناولته مباحث متعددة من أهمها علم الآجتماع السياسي/ علم الاجتماع وبالتالي وبالتالي يصبح المرجع والفيصل هو هذه العلوم وليس الشكرجي أ و كمال !!
ثالثا علم الأجتماع يضع العرف ضمن نسق إجتماعي متكامل يشمل القيم والتقاليد والثقافة والاخلاق ومؤسسات المجتمع وفعلا تجاهل وكما أسلفت فقد تجاهل الشكرجي أوهمش دوربقية هذه العناصر في تحديد الحريةالفردية!
00 الموضوع مطروح ومطروق وبشكل معمق ومفصل غطي جوانب كثيرة وماعرضته أنا وماعرضه الشكرجي تشابه في طريق العرض والتبويب والتناول
00 نماذج تبسيطية لغرض التوضيح- لمحددات الحرية الفردية من قبل المجتمع :
.. قد تضطر عن التخلي عن حريتك في حلق شاربك في بعض المجتمعات الريفية والبدوية وقد تتخلي أيضا عن حريتك في إستخدام
الشوكة والسكينة في قريتك وبصورة معكوسة قد تتخلي عن حريتك في أستخدام أصابعك ولعقها عقب تناول الطعام في مطاعم أمريكية !
أو حقك في أن تمسك بيد أخوك أوتضع يدك علي كتفه في الطريق العام بأمريكا حتي لاتصنف تصنيف لا ينسجم مع خياراتك !
وقد يفرض عليك نسق مجتمع ريفي الاتتزوج الا في أطار مجتمعك يعني مثلا لو ذهبت الصين ووأتيت بزوجة صينية لقريتك فقد يقاطعك المجتمع أو تواجه بحرب نفسية تؤثر علي زوجتك ووأطفالك ! ... ومن ناحية أخري فقد يضطر المرء للتخلي عن بعض حريته الفردية ونمط حياته بعد الزواج - ويقدم تنازلات لصالح أسرته وأطفاله ثم تضطر للحد من بعض حرياتك لصالح جيرانك وأهل حيك وترضخ أيضاللعادات والتقاليد الاجتماعية حتي في لبسك وفي طريقة كلامك وذوقك الشخصي يعني يا محمد من الصعب أن تقوم أنت وصديقك بالتمتع بحريتكما الشخصية في
التخاطب بالانجليزية في مكان عام في مجتمع بدوي أو رعوي سوداني!
.......
| |
|
|
|
|
|
|
|
|
|
Re: ما هو المعيار ؟ (Re: تبارك شيخ الدين جبريل)
|
سلام على الجميع
كتبت د/سناء
Quote: داليا حافظ..
يا صديقة لا تهتمي..
لن ترثي عداء ليس لك فيه يد..
هي دروس كلنا بنتعلمها..
و الضربة الما بتقتلك بتقويك
أبقي عشرة على الملايكة.. و ربنا يهنيك و يسعدك و تبقى حياتك ألوان فرح.. ما محاطة بألوان ضماير إلا الأبيض..أبقي عافية .. و شكراً بالنيابة عن أماني.. |
وكتب تبارك شيخ الدين معلقا على تعليقها
| Quote: استطيع وصف اللغة الإيحائية هنا ... بأنها تخلو من جماليات الـ High Voltage التى أعجبت بها ... |
يا تبارك خلي التحريش ..
any way انا قريت رد د/سناء بنية صااافية بناء على مداخلة سابقة مني ليها لو ما انا غلطانة ..
يا د/ سناء الألوان الانا العايشة فيها عنيت بيها أنا مابحب أقرأ /أحكم /أتعامل /بطريقة قاطعة(أبيض /أسود) ، ودايما عندي خط رجعة(الألوان) وبالنسبة لي دا زاتو البريح الضمير ، وبتعجبني جدا القاعدة القانونية المفادها أنو (أن تبرئ متهم خير من تجرم بريء) ، وبالبساطة دي زاتها عافية أي Hint إن وجد وألف شكر للتفهم ..
| |
|
|
|
|
|
|
|
|
|
Re: ما هو المعيار ؟ (Re: داليا حافظ)
|
سلام يا أستاذة داليا
| Quote: على فكرة انا لم أسحب إعجابي أنا سحبت (المداخلة) المفادها أعجابي بالخلاف |
صدقت، عداك العيب. و دا عيب الافتراض عن افتراض عن النوايا، يوجب الاعتذار. فلتتقبليه مني مع الشكر.
| Quote: !دي كانت وجهة نظري .. |
و وجهة نظرك في محل تقدير يا سيدتي، و لو اختلفنا.
| Quote: أما(المحنة)البهناك عافية ليكم غايتو |
عفوك دا ما دايرنو. اللي بعدو كويس.
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: الاستاذ عاطف ...
سلامات و صباحك طيب ...
أولا: أرد الاحترام بمثله و أكثر، ومن حاوروني بقصد الحوار قد يفتوك، وعد لو تفضلت و أقرأ ما دار بيني و بينهم
قبل ان تحكم (ساي كده) أنني اعني من حاورت لاثبات وجهة نظرك للاخت تيسير ...
رأي اعلاه يعتبر حلاوة مولد و كعك ناعم مرشوش سكر بالمقارنة
باللأحكام التي أطلقها المخالفون من منازلهم علانية و همزا و لمزا..
ثانيا: ليه تسأل تيسير عن كلام صدر عني؟ هل تيسير وكيلة أمري منبريا؟
تيسير و أنا صديقات – بل أخوات – ولكن كائنين منفصلين مستقلين تماما و أن اتفقنا
أرجو التعامل معنا من هذا المنطق...
ثالثا: رأي أعلاه طاقية (محدد سايز) سيلتقطها من هم أهل لها يا استاذ عاطف ...
إن التقطها احد ما خارج المجموعة الهدف، فليتحسس رأسه،
لست مسؤولة عن صورة الآخرين عن ذواتهم ...
رابعا: أمرين لم أرد لهما هنا في حواري مع من أختلف معي:
(1) اتساق مواقفه مع الديموقراطية بحق
(2) تجاهل الرأي بناء على قائله
ولو تفرغت للبوست و احضرت لك الكوتات و الاقتباسات لاثبات عكس ما ذهب إليه
بعض من أقصد أعلاه ستدرك تماما مدى صبري و سعة بالي!
تصيد و شخصنة في التعاطي لم أرها مثلها من قبل
إن قالها فلان قالوا (آمين) و إن قلتها أنا قالوا (بئس المصير)
و يسقطون علينا حالهم بأننا نحكم بحسب الاسم يمين الشاشة، فتعجبت و قلت (رمتني بدائها و انسلت!)
الدعاوي بعدم الاتساق في مواقفي دعوة وضحت وفندت بالاقتباسات ولكن قاتل الله العناد و شخصنة الأمور
ودونك بعض حاملي الطار يدقون الطار، تظارفا مرة و بقصد مرة!
و حدهم عندي هذه التلغرافات ما دامت تعوزهم الشجاعة للحوار الصراح
خامسا: بينت لـ (منال) ست الاسم رأي مجردا في خدر (ماهو المزمار) فلا داعي للـ fishing
في غمرة بحثك عن اساب وجيه للرد على الاخيت تيسير
ولك كل الود، |
كل احترامي أختي العزيزة عزاز
وجزيل شكري على هذا الرد المفصل
أرجو أن أرجع له ذات ( وساع ) وقت وذات ( صفاء ) أنفس ( قطعاً ليس في هذا البوست )
وقتها سوف يكون بيننا بحول الله حوار تكتشفين فيه أن ما يجمعنا أكثر مما يفرقنا
وسوف تكتشفين أن أخوك عاطف مع كل عيوبه ( الكثيرة ) لكنه حتماً الأبعد عن الـ ( fishing ).
أرجو لك وقتاً هانئاً
وامتحانات موفقة
ونتيجة ترفعين بها رؤوسنا
| |
|
|
|
|
|
|
|
|
|
Re: ما هو المعيار ؟ (Re: عاطف عمر)
|
التحايا يا أخوات و أخوان،
تعليقاتي كتار، فسأجمعهن مطولة، و كل يشوف مما يليه، أو ما يشوف.
و عليه كمان، فسأعفي نفسي من الألقاب. وهو تبرير فطير لكن سأعمل به.
ـــــــــــ
* سلامات يا كمال عباس،
شكرتني على "الرهان علي الوسطية الديمقراطية والاعتدال"، بارك الله فيك يا أخي، مش بس لما نحدد معيار الوسطية و الديمقراطية و الاعتدال شن نفرو ثم نأتي للرهان عليه؟ يا عزيزي طيب قول "الرهان على تصور بعينه يتناسب مع معطى واقعي متعين!" الإطلاق شنهو بعد البوست دا؟
و كمان، الرهان في حد زاتو، فمحتاج لتحقق مطلق من أصالة أفراسه كابرا عن كابر، بينما فائدتي من درس البوست هي أن الحاضر الآن إنما هو محض تصوراتنا الهجينة عن تلك المسميات المذكورة، أو عن غيرها، و ليس هو صورتها المعيارية الجميلة و مستحيلة. نسبية بلا ضفاف.!
و قلت: "والحقيقة لست وحدي من قاد الحوار في اتجاه التكريس لخطاب ديمقراطي معتدل وعقلاني فهناك أخريات وأخريين ساهموا بقدر وافر..." صدقت، لم تك وحدك، و غالبا ما أفردتك عن تحيزات أملاها الاعتياد و متابعتي لما تكتب، و قليل التداخل المشترك، كما و تركيزك على مقصدك و مثابرتك هنا، و كذا كلمة التكريس اللي براها دايرالا كراس خصوصي لأنو عندها علاقة جدلية بصراعات البوست الهنا، حضورا و غيابا. بس يا عزيزي حقو يعني تلاحظ إنو الخطاب الثاني المنتقد لخطابك، لبرالياً على الأقل، فبرضو ياهو خطاب ديمقراطي و عقلاني و إن كانت مسالة الاعتدال دي نسبية حسب معطيات السياق و خيارات العمل و تصورات الساعي بالخطاب. عشان كدا أنا قدقت فقلت "و قد أميل" و ما قلت "أراهن" كما تفضلت. هذا مع تقديري لسعيك التكريسي المثابر بمثلما أقدر تقنيات التكريس المضاد لأي تكريس مقترح.
و قلت لي: {"وبالمناسبة أرجو ألا تتسرع في بناء حكم أو طرح رؤية حول خلاف الأخوات من دون وضع خلفية الصراعات القديمة في الاعتبار وقراءة كل حرف ورد في خضم الصراع- بتمعن وتدقيق!"}انتهى. أشكرك يا كمال، و بسبب محاذير كما التي تشير إليها و أخرى غيرها، فلقد طالما تنائيت، أو قل حاولت النأي جهدي، عن بوستات الخلاف الذي يتجاوز المطروح إلى شخص الطارح فينتج عنها الصراعات التي حتما ستنحى منحى شخصيا لن يفيد. و لكنني عذرت نفسي هذه المرة بما وجدتني أدين به للأختين سناء و رحاب، فرجوت أن أسدد بعضه بالشهادة عاليه لا أريد بها الحكم بينهما و لا أقدر عليه، بقدر ما هي فقط الشهادة التي حتماً ستجد ما يقابلها من شهادات مضادة أو معضدة وطنت عزمي ألا آتناولها بشكل شخصي منحاز بل بكل أريحية و موضوعية، و دونما صب لزيت على نار و مع الشكر لمن خالفني أو وافقني، على الموضوعية. و يا ليت كلنا يحكم على أو لـ نفسه، في نفسه، قبل أن يحكم على الآخرين أو يحكم الآخرون عليه أو لهم. و دي أمنية مثالية ساكت تشبه أماني قيقراوي الطيبة للجميع! عادانا!
شكرا كمال.
ـــــــــــ
* الأخت تيسير، سلامات
كتبت مشكورة: "هذا رأيي للدنيا والزمان حول ما دار ويدور في هذا الموضوع"انتهى...أشكرك على ما تفضلت به من رأيك و على حيثيات إثباته. بالطبع لم أقرأ المعطيات الأساسيات كقراءتك، فاختلفنا. ولكن على المخالفة البينة بين رأيينا المطروحين لمن أراد نظرا فيهما، فأنا لن ألجأ إلى تفنيد أي مما تفضلت به، بل سأكتفي بما قلته سابقاً و بوجود كل الآراء دونما إقصاء فتفيدنا و يستفيد من حيثياتها من يريد. و يا ليت لو كلنا يرى من مرافعة الآخرين احتمالات القربى فيها قبل احتمالات التنائي، بالذات في المواضيع الزي دي. ما شايفة محمد الحسن، كلما لاحت له فرصه، لا يقصر في استقراب الأبعدين إلى معياره. و في موضوع زي العلينا دا، يتجاوز النصوص و الآراء ليمس ذوات أصحابها، فالتقريب أجدى. يعني مثلاً كلامك دا ((بالرجوع إلى مداخلاتها في هذا البوست نجد أن د. رحاب مارست القراءة الخاطئة و تقويل الآخر ما لم يقل و الأفدح من ذلك الالتفاف حول ظاهر الكلام و مضمونه)) قد لا نتفق عليه، ولكنه عندي أكثر مقبولية من ألفاظ قطعية الحدة وردت في مداخلات سابقة. كما يمكن التعليق عليه بأن: مثلا، ما تسميه القراءة الخاطئة؛ فهي إحدى احتمالات القراءة كثيراً ما تقع و ليس بالضرورة أن تكون كذبا إلا إذا كان معيار القراءة هو قراءة الكاتب عن نفسه و نصه فلا نتعداها، و هيهات بحسب الجميع و مداخلات لك سابقة. و أما التقويل؛ فمحمولا على حسن الظن و دونا عن طغيان التعسف، فهو أيضا احتمال في القراءة و التأويل و محاولة لاستنطاق المسكوت عنه في النص، فيؤخذ منه و يرد، بحقه. و كذا فما تجاوز ظاهر الكلام إلى ما ورائه، أو التف حوله فنفذ إلى لبه أو أحاط به، فهو بعض من تقنيات التأويل عينها. و طبعا المضمون سيدور كيفما تدور تلك الأحوال. أما لو فرض السياق حمل تلك التعبيرات التي استخدمتها أنت هنا على محمل الشتيمة كما الحكم القطعي على الشخص، بارتكاب التلفيق أو الكذب الصراح المتعمد مثلا، بينما لا تدعمه الشواهد أو المنطق، فذاك هو الاستبعاد و الإقصاء و الإساءة قولا واحدا، و الله أعلم. و تقديري.
ـــــــــــ
* الأخت عزاز، سلامات
"سعدنا بالقرآة مع اختلافي مع ملآلات التفنيد، و ما زلت كقارئ محايد -- يقف على ذات المسافة من الطرفين على المستوى الاجتماعي، منحازة أكثر للدكتورة سناء خالد فيما يخص تفسير الدكتورة رحاب."
شكراً يا عزاز، الاختلاف هنا كثير فلا ضرر و لا ضرار من قليل يجري بيننا أتمنى أن تعتبريه و لو كمدخل لحوار فنطلع من مقاس بعض الطواقي الخيّطيها و وزعتيها على كل المقاسات بأكثر من موضع في البوست. لا ضير من بعض الاختلاف و خاصة لو تذكرنا أن الغالب من الاختلاف التم هنا هو الذي جعل من هذا البوست ممتعا هكذا، على الأقل بالنسبة لي. و طبعاً، بالإضافة لمخاتلات المعيار البهلوانية المرحة.
أعتقد لو كل واحد/ة فينا صرح/ت بانحيازه/ها فيما يتعلق بقضايا البوست المهمة، و بمقادير ذلك كمان، كما فعلت أنت أعلاه بخصوص سناء و رحاب، و هو من حقك تماما، إذن لانعدمت بهارات كثيرة من حلة البوست دا و لما استطال طاعماً لحد الصفحة العاشرة على الأقل. و للحقيقة فإن كمال عباس مع كبر هما أكثر من اجتهدا في تحديد انحيازهما الشخصي لمعيار بعينه، انحياز طاعم، و في مطالبة الآخرين بتحديد ما يليهم من النكهات المعيارية، غير أن الكثرة تغلب الشجاعة.
بالمناسبة يا عزاز، مما أعجبني في البوست، و أتمنى أنو قيقراوي يكون شافو زي ما شاف تعليق أمين؛ هو كيفية تعليقك على مداخلة للأخت آمنة مختار ربما تكون ردة فعل منها و لكنها شخصية و قاسية جداَ في اعتبارات ذاكرة " أخواتنا القوارير" ! و إعجابي لأن كلا من مداخلة آمنة و تعليقك عليها، ضربا عرض الحائط بتلك الذاكرة، فخالفتما المتوقع و حافظت أنت على البوست في منعرج بدا و كأنه الغاية الخطورة بعينها. ثم و لا واحدة قالت أسحب و لا واحد قال أعتب. و هو فأل حسن و مثال عن مقدرة و دور عتبات سودانيز في تجاوز الحاجز السوداني للجندر، و الأهم لدحض افتراض الرقة و الهشاشة بالنساء بينما هن يتفولزن و يسخرن من الوهن بمجاز من طقة صفيحة. و تقولي شنو؟
كتبت يا عزاز: {"على الجهة الأخرى والتي على خلاف معنا، الاتساق مضعضع يعاني الحمى وطاقاهو صفيحة، فالمنادين بالحرية لم ياتوا لنا بمشهاد – يمسيك بالخير يا محسن خالد – إلا الاستاذ كبر"} و الواضح إنو قد تشكلت على مدار البوست جبهات أو ما يشبه الجبهات و في أكثر من جهة، سواء جهات الذين على خلاف أو الذين على اتفاق معكم، و بالطبع فمن طبيعة الجبهات أن تتجهجه و تنضعضع بتتالي الاختبارات. و للحقيقة يا عزاز فالاتساق قد كان مضعضعا ممجاميعو و على جميع الجبهات اللهم إلا من بعض محاولات فردية.. و عليه فقد أعزيه ـ تضعضع الاتساق أو غيابه ـ لغلبة وضع "انبهام الصورة" كما أملته سيادة "المسكوت عنه" بخصوص الانحياز الصريح لتصور بعينه حول القضية المطروحة التي كانت كتابات منال نموذجها المعياري للبوست دا. في ظني السؤال لم يك هل هوجمت أم لم تهاجم، و هو ما أجاب عليه كثيرون و تصارعوا حوله، بل السؤال كان: لماذا هوجمت كتابات منال، بمعيار ياتو و منو و شنهو؟ فذلك ما ضاعت إجابته في كروش الفيل الجبهوية مع الشكر لـ م ع ط الملك و رحاب.
شكري و أمنياتي بالتوفيق في امتحاناتك.
ــــــــــــــ
* الأخت سناء خالد، كيف حالك و الوليدات و الأهل؟
سلامات و أمنياتي الطيبة لكم بالخير.
أولا يا أختي العزيزة أنا شاكر لك الرد المطول، و ثانياً أستاذيتي دي كانت بالصدفة ساكت و قد لامني بوقتها بعض أندادي من الأساتذة الحق و اللي بالصدفة برضو، ما كلهم، لاموني بأنني أخالط أندادك، معرفة و صداقات و حوارا. فتلك "عقود و أمم" قد خلت. أما ههنا، فأهو الكتوف اتلاحقت بل نتقاصر عنكم إّذ أنتم الأساتذة لا ريب فيها، و نحن القراء فنتعلم. ثم و قد تكاثرت علي الألقاب "التبجيلية" من تحتها سوط عذاب، فتجدينني في هذه المداخلة بالذات أتبسط فأقول سناء و رحاب وكمال و عزاز و تيسير إلا شيخي قيقراوي، كله بدون ألقاب أستاذية و دكترة "مستحقة لكم" فلربما عندها استحق المعاملة بالمثل، إلا لو غلبكم رفع الكلفة طبعاً. كما و لا أرغب أن أتورط أكثر في أستاذية تاريخية ذات تبعات بينما المجازية دي ما قادرين عليها؟
أما ثالثاً: فلم تتركي في شهادتي جملة لم تعترضيها بمنطقك الخاص، الذي هو نفس ما خالفت مقتضياته في مداخلتي. و بالطبع، فلا تثريب عليه و لا مناص منه. ثم، و قد قرأت مداخلاتك بتمعن، فيؤسفني أن أرى لأي مقارعة مني لجملة حججك كمجرد اجترار لو اجتررته فلن يقدم بل سيؤخر في مواقفنا. و كذا يؤسفني أن أفيدك بأن جوهر شهادتي سيظل كما هو لأنه واضح أن رؤيتنا للحيثيات تتم من زوايا نظر ليست متطابقة. غير أنك ربما حققتني في شيئين: شوفة رحاب لمداخلة قيقراوي المحذوفة؛ فاتت علي، و إثباتها الآن لا يضير و لا يضر بشهادتي، فالذي يتعمد تحريفاً لا يقول ((اها ده فهمي، لو طلع غلط اليطلع سيد الكلام و يقول ان ما قاصد كده و اعتذر ليه و احب علي راسه كمان و دي ما دايره ليها شهادة)). و كذا ربما حققتني في أمر أماني ـ لا أمر الهجوم عليها كما تفضلت يا سناء، لأنني لم أهاجمها، بل ناقشت طريقتها و راجعت منطق بعض الذي كتبته ـ و المحقوق فيه هو إنني قد فهمت من تداخل سابق لمنال؛ أنها قد اكتفت بما أدلت به فلن تعود، و فهمت منك؛ أولاً، أنها منذرة فلا تريد التداخل و ليست موقفة فلا تستطيعه. فلو كنت تيقنت أنها موقفة كما أفهم من تعليقاتك الأخيرة، فلربما عندها كنت قد غيرت في صيغ تناولي لما كتبت.أعتذر لها بصدق لو أنني أخطأت في ذلك، أو كما ترى أماني.
و على العموم، فلو لم أحظ منك بنوط الإنصاف فإنني أرجو أن قد ناصحتك بشهادتي فنصرتك، و أرجو إنني لم أتجن على أي منا، فما كان ذلك قصدي، و لا قصدي هو الحكم على أي المختصمين، و ثم، فبالضرورة لا أحبذ الحكم بينهما، غير أن جملتك دي ((رفضت أن يتأسس بيننا أي اتصال مبني على طلب الاعتذار)) قد أغرتني بعرض الفكرة التالية رغم كرهي القيام بدور الجودية الإسفيرية... فطالما الاتصال بينك و رحاب ممكن بغير شروط، و نسبة للتعويل الكبير في خلافكما على ما يمس الشخصي و يدور في فلك التاريخي، فلماذا إذن لا يتأسس خط اتصال بناء بينكما فيمنع تفاقم خراب الإنساني فيكما و فيما بينكما بسبب من خلافات فكرية أو فلنقل منبرية لن يحسمها أو يمنع حسمها أي انتصار لأحدنا أو هزيمة للآخر في شخصه ... ثم كل زول يمسك في معيارو فيعبر عنو بما يستطيع وضوحاً و يتحمل مسئولية كتابته بما فيها حق الآخرين في التأويل و الفلفلة و التعليق و الرد، و دونما استحضار غير مجد لصورة أحدنا كما يراها هو و قلة من معارفه، ثم يفترض إنها معيار القصد و المعنى و التأويل فيما و لما يكتبه. و الله يرضى علينا جميعا يا سناء.
ـــــــــــــ
* حبيبنا فكي قيقراوي،
يجوك بي وين يا شيخنا و أنت بنعمة من ربك تتقلب في الأحوال و ترتبطك سلاسل الامتحان سلسلة فسلسلة حتى لتتلخبط عليك لطائف رسالة التسدير التي لسيدنا البدوي فيجرى منك ما جرى. فلتعتبر! إذ بجرائه لا بجراء غيره سلط عليك ملاسي أبو لسانن قاسي... ثم قد أراك بإذن واحد أحد تنجو بحال التوفيق، إن لزمت التبروقة و الوردالبدوي، فيسرى بك و تعرج إلى مقامات الرضا و القبول و الفتوح... جر الألفية يا أبا الفتوح.
و يا شيخي، كدي أول النشكرك على تعديلة المعادلة و توقيفها على قاعدة الرياضيات القويمة كما قصد إليه عبد الله حبيبكم في الله فيما نعاه على "قسوة التجريد". أي نعم ( 1 + 1 = 2) ما بتنفع في كل الأحوال، فمنطق الرياضيات دا منطق شديد القسوة على بني سودان العاطفيين. و اللعب بقواعد البرهان اسكيـتو ساكت ما حِمل الناس كلهم، و أهو غايتو، أخوكم محمد الحسن مجتهد في التكرار ليعلم به الشطار عسانا يتخن جلدنا العقلاني فلا تصاب حساسياتنا العاطفية في مقاتل ما ليهن حد.
أما كلامك دا:
{" حذف التعليق فورا " دي نلايقا بياتو ويكة ادوات ( بحث ) و ياتو طايوق علم ممكن يقنعني انا الزول الساي دا انو دا ما شكل عديل ...... اللغة الآمرة دي ما بنستخدما الا في التحرف للقتال"}
فلايق سليقتو بي ويكة كلامك دا:
{"يبدو انو رحاب فعلاً كان عندها فهم - مختلط و لا سادة - ما مهم ، صراحة ادهشتني الفكرة ، بس اتحفظت عليها لعدة اسباب"}
و بعدين بهّرا بي دمعات البصل دي:
{يا زول انا مذممني هنا و رافعين لي عكاز العصاية من النص على آخر زمني كمان !}
الجرسة شنو ليك؟ و يسوو ليك شنو يا فكي؟ فـها لما تبارك ود الشيخ قام قال ليك: {ولكننى لا أتفق معها بوجوب سحب "النص" لوجود High Voltage}
إنتا قمتا قلتا ليهو: {"يا تبارك ياخ انتبهوا يا دعاة ( حرية التعبير ) انكم كدا بتضروا قضية مشاركة الاخوات هنا معانا و في الشأن العام عموماً ، و بتقدموا ليهن اكبر دفرة لي وراء في اتجاه الخدور و الحرمليك . . احيلك لمداخلة CD البدوي"}
فعلق عليك هاشم هنا: يا فكي! يا زول!! رسالة سيدنا البدوي دي إنتا فهمتها كيف؟ لا تقولي مو واقعه ليك إلا مجوبكة كدي! أي نعم جوبكتها! مش إياهو شغلك دا؟ كالذي اتسعت عبارته فضاقت رؤيته! ... ياخي باقي لي بعض التطبيق الغائب عنك لمثل شيخنا، هو الكـالتالي: بالله خلي الأخوات ديل يقولن و يتغالطن و يتشاكلن بدون قورَرَة من "القوارير" وبدون قوامة مشاعر ما مبررة، فلا هن ضعيفات و لا هن بحاجة لمداراتهن كشمعة في مهب الريح . يعني بالمختصر، بتمسِّحِن كلامن مالك؟ بتحنسن قبل أوان التحانيس تجوز على النوعين، مالك؟ بتخاف عليهن من كلامن مالك؟ ما بتثق في جَلَدن و مضاء عقولن مالك؟ بتفترض إنهن شقائق النعمان بس و ماهن شقائق الرجال، مالك؟ باقي لي إت يا فكي محتاج تلزم التبروقة لي وقتن تجتاز بيها محنة الحنية دي أو كمان التعممها فتطالب نصف رجال البوست دا بسحب نصف كلامهم خالي رقة و حنية و حساسية برضو و الموجه لرجال تانيين، بس في الحالة دي علا تستوردلك فنطاز محلبية!
و مما ورد في رسالة التسدير التي للغوث البدوي| Quote: فأخواتي هنا لا ينتظرن مني الإذن للاطّلاع على المنشور بهذا الموقع وبغيره أو للمشاركة في النقاش حوله إذ إن ذلك ليس امتيازاً أمنحه لهنّ وإنّما حق قلعنه بضرب ضرعاتهنّ وهو حق أرجو أن لا يقف بينهن وبينه استجابة اخوانهن لمثل ذلك التسدير الفج ولا محاولات ابتزازهن به |
أما لب مداختلك دي يا ذا النفس اللوامة أبا الفتوح القيقراوي،
Re: ما هو المعيار ؟
((التفسير ما بتلقاهو في الرياضيات يا سيدي ، دا في علم النفس و علم النفس الاجتماعي ، و بقية العلوم السلوكية . . ببساطة لانو هنا بنتكلم عن ( انسان ) بكل زخم الكلمة دي و المقام ما مقام تجريد رياضي . . شفت كيف ؟))
فشفتا خيرا، ما فيهو كلام تب. توسعة من فيوضك تعضد مأخذي على رحاب في لجوئها حين الافتراض فالبرهان تأتى لها، لجوئها مباشرة للمنطق الرياضي القاسي لا يراعي مقام و بسط حساباتك دي المسماة سياقات و حساسيات، و كنت استعنت لمأخذي بمثل متاعب محمد الحسن، تلك التي سببها و تلك التي عاناها. فليسامحنا. و لتحذر أنت يا مولانا أن يتشابه عليك غزال الحساب مع بقر المحلبية.
و أما قولك {""فأميننا الذي نحب ادانا درس هنا ( اختياري بالمناسبة ) فاستبعرت نفسي و سوء ما طويت و نويت""} ففيه تقوى و فيه زبلعة! اتينتن، ما في كلام!
يا فكي اختياري شنو كمان؟ قال اختياري قال! إجباري يا زول إجبـــــــاررري.
و العبرة ذاتا ما في الاستبعار، فذاك مذموم بإجماع، بل في الاستعبار أبو غصة، ثم في الاعتبار، يا أولي الألباب، من أهل النفس اللوامة كنفسك.
و عوفيت، ثم جزيت حمدأ يا شيخي، تلقاهو خيرا في أحوالك، فالعفو عنا ممن هو في مقامكم، أليق بكم و لا نستحقه إلا منة و عطاءً..
ـــــــــــ
ـــــــــــ
و الفرصة دي برضو كويسة لأنو الزول يقول ليه معيار في خصوص القول و الكتابة:
فليقل و يكتب أي زول ما يريد و حسب ما يمليه ضميره. و عما قيل و كُتب، فليقل و يكتب أو يسكت من يريد، برضو حسب إملاء ضميره. و لأن "كتب" و "قال" و "سكت" أفعال متجاوزه للفاعل، ففي كلٍ مسئولية، و على الفاعل أن يتحملها بدءً و كذا التبعات!
ــــــــــ
وين أخونا ود الصايم، يا عمك؟
عساه بخير.
| |
|
|
|
|
|
|
|
|
|
Re: ما هو المعيار ؟ (Re: هاشم الحسن)
|
هاشم يا عمكـ .. قاعدين ومتمحّنين!
نفهم سطرين ونفط تلاتة! قراية الاضنين عذّبتنا ياخ!
البوست بقى عامل زي المركب .. ناس تتلب داخلة
وناس تلّبت على الموية وخارجت نفسها من الموضوع!
تسلم يا عمكـ على السؤال!
| |
|
|
|
|
|
|
|
|
|
Re: ما هو المعيار ؟ (Re: هاشم الحسن)
|
| Quote: الجرسة شنو ليك؟ و يسوو ليك شنو يا فكي؟ |
العزيمة . . العزيمة بس
و الله كلام القطب سيدي البدوي واقع لي حنس وقعة . . و واقع لي في جرح عديل . .
بس عاوزك تعرف ما انتبهت لغنهن " قوارير " الا اسي . . تصدق ؟ . . مدخلي كان آخر
نفسي الامارة بالغلاط تحرش فيني ساي الا تقول شنو ؟ . . قالوا كترتها!
قالوا . . ( خالد مونيكا ) :
المك منقول من ساحة القول
لساحة الفعل السيد
يحرق طلح التاريخ و يودي المحلب كم مشوار
ما تأخد في بالكم - مجرد بائع محلبية متجول ، او قولوا درويش غرق ترجم و شترا كلو كلو - و طالب عفوكم . . اعفو و العفو بكم اليق
يا زول سمحة البقت
دروس قاسية . . و اهو بنتعلم . . و العلم محفوف بالشقاء و المكابدة
لخير كدا
اها ادنا الفاتحة خليني ننكشح ، نقوم علي وردنا و نشوف رحيق نتم بيهو باقي ليلتي دي
نتلاقى في ساعة خير
و إن بقى لي عودة فهي في حالة واحدة فقط لا غير ، للزول الاخير البقى ليهو حق في رقبتي
فيا ود البشرى فصل لينا طاقية طلب عليك الله
-----------
درس عزاز شفتو يا سيدي و دروس كتييييييير ، اتقدمت هنا بلا من و دون أي اذى ( بالعكس اقدر قدر شنو احترق اساتذتها شموع ليضئوا طريقنا نحن الوهم ديل . . و دا كلامي الكنت داير اقولو و اتسعت العبارة و راح شمار في مرقة المحلبية ساي
الليلة ووب
او كما قالت أميرة الشيخ
قامت الامارة . . نلحق نتخارج . . قبل الطبزة الجاية
اقعدوا طيبين
و المحبة كيمان
| |
|
|
|
|
|
|
|
|
|
Re: ما هو المعيار ؟ (Re: قيقراوي)
|
Quote: فعلق عليك هاشم هنا: يا فكي! يا زول!! رسالة سيدنا البدوي دي إنتا فهمتها كيف؟ لا تقولي مو واقعه ليك إلا مجوبكة كدي! أي نعم جوبكتها! مش إياهو شغلك دا؟ كالذي اتسعت عبارته فضاقت رؤيته! ... ياخي باقي لي بعض التطبيق الغائب عنك لمثل شيخنا، هو الكـالتالي: بالله خلي الأخوات ديل يقولن و يتغالطن و يتشاكلن بدون قورَرَة من "القوارير" وبدون قوامة مشاعر ما مبررة، فلا هن ضعيفات و لا هن بحاجة لمداراتهن كشمعة في مهب الريح . يعني بالمختصر، بتمسِّحِن كلامن مالك؟ بتحنسن قبل أوان التحانيس تجوز على النوعين، مالك؟ بتخاف عليهن من كلامن مالك؟ ما بتثق في جَلَدن و مضاء عقولن مالك؟ بتفترض إنهن شقائق النعمان بس و ماهن شقائق الرجال، مالك؟ باقي لي إت يا فكي محتاج تلزم التبروقة لي وقتن تجتاز بيها محنة الحنية دي أو كمان التعممها فتطالب نصف رجال البوست دا بسحب نصف كلامهم خالي رقة و حنية و حساسية برضو و الموجه لرجال تانيين، بس في الحالة دي علا تستوردلك فنطاز محلبية!
و مما ورد في رسالة التسدير التي للغوث البدوي |
معليش يا سيدي الحسن
دي غلبني ابلعا
الكلام دا ماصاح كلو كلو
و لا كان مدخلي . . و كلامي لتبارك كان مخرج و بينهما زمن سرى و كتير من المياه الجرت تحت جسر الكلامين
و ويكتك/ي المقترحة سبقت السليقة و ياهو منطق تبارك في تجاوز السياق التاريخي. . فرجاء راجع كلامي و ما تقدم لي ما تأخر
انا حكيت عن سالفة و سبقتها بقول ( سابق ) لي في البوست يحمل المعنى ، و نجيبو ليك بصورة رياضية ما دام جبت معادلات " الوعي دالة زمنية " الزمن المتغير المستقل فيها و أسأل محمد الحسن عن منحنيات التعلم ، هل فيها نكوص ؟
اللاحق في الوعي ما ممكن يبقى سابق في الزمن اصلو
رؤيتي ما ضاقت يا سيدي . . الا الجوبكة حصلت تب
لكم وجهة نظر . . ليه مستكترين عليناوجهة نظر
ياخ النظريات العلمية البي الدرب دي في ناس ما قابلنها ( و تتعدد الاسباب دينية / علمية / مزاج ساي كدا . . المشكلة وين ؟
أسال محمد الحسن دا عن الدارونية و لا البق بانق
يا زول و الله العظيم عندي رؤية - قد تكون بيض / فطيرة - و من بداية البوست دا ، لكن الخبر السار انو خطها ماشي متصاعد و ابداً ما رجع للحتة العاوز تزنقني فيها دي كلو كلو
زي كلام حسين ملاسي و تبارك ما برد عليهو لسبب واحد لانو مركز علي ( الشخص ) ما مركز على الافكار او الكلام المكتوب . . و كلام ساي
شنو يعني كلامي كتير ؟ . .
طيب ما الكلام الكتير معناهو غلط كتير . . يعني كوتات اكتر و شغل حوار اكتر
الممل من متين بقى ( معيار ) ؟
كلام البدوي فهمتو
لكن كلامك الما فهمتو يا سيدي و الله
ياخ في زولة اشتكت مني هنا لاني عملت فيها خال فاطنة ؟
من وين جبت القصة دي ؟
و اعذرني لانو بالجد قدر ما اتحاشيت الرد غلبني تب
فامسحها في النفسيات ساي
و المحبة زيادة
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
سلام أخ هاشم الحسن
كتبت:
*Quote: سلامات يا كمال عباس،
شكرتني على "الرهان علي الوسطية الديمقراطية والاعتدال"، بارك الله فيك يا أخي، مش بس لما نحدد معيار الوسطية و الديمقراطية و الاعتدال شن نفرو ثم نأتي للرهان عليه؟ يا عزيزي طيب قول "الرهان على تصور بعينه يتناسب مع معطى واقعي متعين!" الإطلاق شنهو بعد البوست دا؟
و كمان، الرهان في حد زاتو، فمحتاج لتحقق مطلق من أصالة أفراسه كابرا عن كابر، بينما فائدتي من درس البوست هي أن الحاضر الآن إنما هو محض تصوراتنا الهجينة عن تلك المسميات المذكورة، أو عن غيرها، و ليس هو صورتها المعيارية الجميلة و مستحيلة. نسبية بلا ضفاف.!
و قلت: "والحقيقة لست وحدي من قاد الحوار في اتجاه التكريس لخطاب ديمقراطي معتدل وعقلاني فهناك أخريات وأخريين ساهموا بقدر وافر..." صدقت، لم تك وحدك، و غالبا ما أفردتك عن تحيزات أملاها الاعتياد و متابعتي لما تكتب، و قليل التداخل المشترك، كما و تركيزك على مقصدك و مثابرتك هنا، و كذا كلمة التكريس اللي براها دايرالا كراس خصوصي لأنو عندها علاقة جدلية بصراعات البوست الهنا، حضورا و غيابا. بس يا عزيزي حقو يعني تلاحظ إنو الخطاب الثاني المنتقد لخطابك، لبرالياً على الأقل، فبرضو ياهو خطاب ديمقراطي و عقلاني و إن كانت مسالة الاعتدال دي نسبية حسب معطيات السياق و خيارات العمل و تصورات الساعي بالخطاب. عشان كدا أنا قدقت فقلت "و قد أميل" و ما قلت "أراهن" كما تفضلت. هذا مع تقديري لسعيك التكريسي المثابر بمثلما أقدر تقنيات التكريس المضاد لأي تكريس مقترح. |
تصنيف التيار الديموقراطي المعتدل أوالمجري العام الmainstreem .. والتيار الديموقراطي المحافظ - والمدارس الليبراليةاليسارية ( يسارية هنا لاتحمل المدلول الايجابي الإصطلاحي المعروف ) وأنما هي رديف للشطط والإفراط في التحرر - هذه المفاهيم والتصنيفات متداولة في أدبيات العلوم السياسية وفي الميديا الغربية وليست مجرد توصيفات من إنتاجي وصكي الخاص ! كما أنها ليست شتيمةأو إقصاء أو محاولة للتمتع بميزةالإعتدال ونفي الاخر منها ! لا فموقفك من القضايا الاجتماعية والسياسية والفكريةهو الذي يحدد موقعك من خارطة التصنيف ! أخونا كبرحدد موقعه من الخارطة بإنحيازه لقضيةحرية التعبير بلا حدود والحرية الفردية بلاضوابط فالرجل أعلن وبثوريةقاطعة: أنه ضدالمؤسسات الأجتماعية ومع تقنين حق التعري الكامل والانتحار والدعارة بل وإعتبار الزواج نفسه بغاء ودعارة !
وأعتبار التفوه بإساءات عنصرية ودينية حق تعبير ! ..راجع رايه في ليبرالية الدولة ومؤسساتها والدين ستجده يتقارب مع الفلسفات العدمية والفوضوية ! الرجل يتبني أفكار ليبرالية راديكالية تطرح بواسـطة قلة -أفكارتصارع السائد
صراعا ثوريا يراهن علي الغد بشعا ر - هدم والغاء وتجاوز - بينما يتبني التيار المحافظ رؤيةتقليدية تقاوم التجديد وتراهن علي التقليدي والقديم المتيبس بينما تقف رؤيتنا موقفا مغايرا : محاربةالسلبي و المتكلس ومايعوق عجلة التقدم ويعرقل مجري التاريخ مع التثبيت علي الايجابي من السائد ودعمه - إختزال/ تثبيت/تطوير- والانفتاح علي مفاهيم العصر ومنجزات الانسانية ولكن وفي ذات الوقت نؤمن علي الايجابي من قيم وأخلاق وتقاليد ومكونات ثقافيةوإجتماعية.......
......
| |
|
|
|
|
|
|
|
|
|
Re: ما هو المعيار ؟ (Re: Mohamed E. Seliaman)
|
Quote: كل احترامي أختي العزيزة عزاز
وجزيل شكري على هذا الرد المفصل
أرجو أن أرجع له ذات ( وساع ) وقت وذات ( صفاء ) أنفس ( قطعاً ليس في هذا البوست )
وقتها سوف يكون بيننا بحول الله حوار تكتشفين فيه أن ما يجمعنا أكثر مما يفرقنا
وسوف تكتشفين أن أخوك عاطف مع كل عيوبه ( الكثيرة ) لكنه حتماً الأبعد عن الـ ( fishing ).
أرجو لك وقتاً هانئاً
وامتحانات موفقة
ونتيجة ترفعين بها رؤوسنا |
حبابك يا استاذ عاطف و بتلمنا دروب المفاكرة في يوم و النفس صافية يعلم الله
و صادق المودة و الشكر على الامنيات و الاعتذار العميق عن أي كلمة ساءتك أكررها لك
و للاستاذ أمين ولكل من ساءه مني غير اختلافي معه في الفكرة ...
سئيلي الله ما باحب أشيل على زول ولا زول يشيل علي أخاف أفارق الدنيا
وفي رقبتي عتب من زول ...
| |
|
|
|
|
|
|
|
|
|
Re: ما هو المعيار ؟ (Re: عزاز شامي)
|
السلام عليكم و رحمة الله يا معشر المعايير
فرصة اقرا البوست، لانه للان لم اقرا ما كتب، واحضر ردود برواقة و ارجع باذن الله
شكري و تقديري للكل
| |
|
|
|
|
|
|
|
|
|
Re: ما هو المعيار ؟ (Re: Rihab Khalifa)
|
هاى ترى قيقراى ...
| Quote: زي كلام حسين ملاسي و تبارك ما برد عليهو لسبب واحد لانو مركز علي ( الشخص ) ما مركز على الافكار او الكلام المكتوب . . و كلام ساي |
انا - عن نفسى - ما قصدت هجوم شخصى ... لأنو ما قاعد اعمل الحركة دى ... رؤيتك البتتكلم عنها دى ما واضحة ... والباروميتر بتاعها بيتحكم فيهو تأثير المشاركة اللفظية على مسيرة نضال الإناث فى المنبر وفى الحياة العامة ولاّ شنو كدا ما عارف! ... عشان كدا بتقول:"أوكى .. مافى إيحائية لاكين ينحزف؛ ... أوكى فى إيحائية لاكين ما ينحزف فوراً؛ ... أوكى فى إيحائية وما ينحزف لأنو فى حرية تعبير؛ ... أوكى ... فى إيحائية وينحزف، لاكين فى أثر سلبى على اخواتنا فى المنبر؛ ... أوكى ..."
أصلو الحكاية شنو؟
تأثير "المحلبية" ظاهر اكتر من تأثير "الرؤية" ... يعنى "رؤيتك" دى نحن نشمها على ضهر يديننا ولاّ شنو؟
.... المهم ....
| |
|
|
|
|
|
|
| |
Mohamed E. Seliaman
محمد مكى محمد
محمد البشرى الخضر
saadeldin abdelrahman
اساسي
هاشم الحسن
داليا حافظ
كمال عباس
تيسير عووضة
قيقراوي
معتز زيزي
عبدالكريم الامين احمد
emad altaib
تبارك شيخ الدين جبريل
khaleel
Hussein Mallasi
البدري عبد الله
عاطف عمر
محمد عبد الماجد الصايم
هند محمد
Rihab Khalifa
فيس بوك
تويتر
انستقرام
يوتيوب
بنتيريست