|
Re: خيمه بت الهنا (Re: BitAlhana)
|
حبيب نوره و سلمى الاثنين مع بعض
اريتني كان في القاهره... والله انا شدة ما بريدها ... داير انزل معاش فيها
ذكرني شانتي ده وين؟؟
| |
|
|
|
|
|
|
Re: خيمه بت الهنا (Re: BitAlhana)
|
Quote: انا كنت معلنه عليك الجهاد ... لكن من دخل خيمه بت الهنا فهو امن |
يلا اجمعي ناسك ديل كلهم ود الشايقي ودوما وعلوبة وود الكامل اقلي ليهم البن وشمميهم المقلاية وسوى القهوة وخليهم يدوبوا ليك زيين - اما الوليد ود حيمورة جيبي ليهو عنكوليبة ونقيها ليهو وخليهو يقرمش .
Quote: كدي أقعد مع الحبان بي مزاج و أحكي ليناالمتعبك شنو و خلاك تتكسر في كونداليزا وعندك الحور الحسان ... |
البوادر والقدلة والفليجة مع الابتسامة
Quote: ما سمعت ابن الباديه: زي القمر و الله احلى من القمر ... |
دى كونداي ذاتها .
لووووووووووووول@ درابه انا جعليه .... جيت خاشه برضو
| |
|
|
|
|
|
|
Re: خيمه بت الهنا (Re: الطيب شيقوق)
|
محمد عثمان
شرفت و أتفضل كبايه أي حاجه.....
اسمع وريني الاسم ده ساي و لا في توجه سياسي .... لووووووووووووووول
عشان نحفظ النظام
بث
| |
|
|
|
|
|
|
Re: خيمه بت الهنا (Re: سيف الدولة كامل)
|
Quote: كوستا بالله لسة ما عرست... تعال نعمل لينا فيس بوك حقنا ونصطاد سوا... كوستا نصيحة اخوية عرس وانت كبير خالص عشان تجيب ليك ولد كبير وخلاص..مافي داعي لعرس بدري ومساسكة الشفع.[/QUOTللعروسE]
قمربوبا يا صاحبى
اخوك عرس من زمان.... لكن قلنا نساهم فى محاربة البايركس !!!! هسع شوف صاحبى سيف داقى صدرو معاى و مجاملنى و مقدم طلب . و كمان ود قاسم مشى خطوة بعيدة و حدد العمر " الافتراضى" للعروس و تقول لى قالى ؟؟؟ انا اقترح تكوين رابطة "المدبلين" بخيمة بت الهنا للصحة النفسية و سأعلن لكم تفاصيلها لاحقاً لكن يا قمر انتو ناس للمرة الاولى " غير المدبلين" اقترح عليكم تكوين اتحاد خاص بكم عشان ما تتداخل " الاختساسات "
| |
|
|
|
|
|
|
Re: خيمه بت الهنا (Re: KOSTA)
|
محمد عثمان
كده الامن مستتب
اتفضل دي:
شذى زهر ولا زهر ..... فأين الظل والنهر
ربيع رياضنا ولى ..... فمن أعطافك النشر
وهذا النور يبسم لي ....عن الدنيا ويفتر
وأنظر لا أرى بدراً .....أأنت الليلة البدر
وبي سكر تملكني ..... وأعجب كيف بي سكر
رددت الخمر عن شفتي .... لعل جمالك الخمر
خلاث نفثي قام بتمها بكره
| |
|
|
|
|
|
|
Re: خيمه بت الهنا (Re: BitAlhana)
|
ود شيقوق تعال نعمل هدنه
وبعدين الخيمه دي من أهم أهدافها جمع شمل المحبين
وانا البسويه بي هناك حركات ساكت عشان نسحبك بي هنا(وش خجلان)
و انت ما داير تفهم زي ما قالت راويه (توجد جرسه)
وقع ليك ولا أعيده ليك؟؟
| |
|
|
|
|
|
|
Re: خيمه بت الهنا (Re: BitAlhana)
|
كوستا كنت وين؟؟؟
شغل الكرباوي ده ما بينفع هنا .... انضبط
وبعدين انت و سيف و أخرين عاملين البوست شرك؟ غايتو اليوست ده يا وديتوه الخور يا و ديتوه الخور
لامه لي ثعالب انا هنا و قاعده .... قرقرققررر
| |
|
|
|
|
|
|
Re: خيمه بت الهنا (Re: BitAlhana)
|
أبوبكر وين؟ طلع رطاني
و الرطانه فايتين الناس بي حضاره ... متفقين معاي؟
وبعدين شيف من الدرجه الاولى ... ما دايرين نفقده
تصبحوا على خير لا باكر
ناس الخليج و السودان ابقوا 10 على الخيمه
| |
|
|
|
|
|
|
Re: خيمه بت الهنا (Re: BitAlhana)
|
Quote: أبوبكر وين؟ طلع رطاني |
وين كيف والشحموطة العرريب ودشيقوق دخلتيهو الخيمة ؟؟ اها الواحد يقعد في الخيمة دي كيف ؟؟ العرريب دة برش االبيف باف افتر شيف سبري دحين علا الواحد يرش الخيمة بمبان عدييل ونخلص من السجمان دة ...
| |
|
|
|
|
|
|
Re: خيمه بت الهنا (Re: محمد عثمان)
|
Quote: وانا البسويه بي هناك حركات ساكت عشان نسحبك بي هنا(وش خجلان) |
عشان تفكيني عكس الريح لا كونداي ولا هناى ؟ شوفي محل اللعب وين
Quote: وقع ليك ولا أعيده ليك؟؟ |
لا وقع لي ولا بدّي اسمعو تاني
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: بالله كوستا دفعتك أصلوا الناس الراقيه بتتعارف
و قل لي من صديقك أقل لك من انت (ده الجابوا شنو ده اسي)
كوستا ده فردتي ياخي
بعدين كوستا قال ما معرس؟؟ قصه و أخرها لسه .... ده تفاصيله كالاتي في زمته علني واحده عرفي واحده المسيار واحده والظهر في السودان جديد ما عارفه اسمه شنو واحده
دي غير الجكس المهردم فيه ساكت |
فردتى بت الهنا
سلامى ليك كيمان ...كيمان اولاً استاذ سيف دفعة و فردة من زمن المقرن الثانوية والرقى يعنى فضلةخيرك. و ثانياً الرجل انضم معاى لرابطة "المدبلين" و احتمال كبير يكون مقرر الرابطة و طبعاً الريس معروف " انا ما بفسر و انت ماتقصر" اها دحين لو سمحتى اطلعى منها انتى بره و خلى استاذ سيف يشوف مصالحه وين
ثالثاً يا اختى مالك علىّ هسع عليك الله شتتى علينا تركيز الجكس يعنى بدل الواحد معرس واحدة سويتيهن اربعة عشان الجكس يشتت غايتو عالم لا ترحم لا تخلى رحمة ربنا تنزل و عشان كده قررنا نحن رابطة "المدبلين" احتلال الخيمة و انزال علم لاحتلال "بت الهناوى" و الحكم بقوانين "الجندر" هسع عليك الله مثنى و ثلاث و رباع دى ما احلاها ؟؟؟
| |
|
|
|
|
|
|
Re: خيمه بت الهنا (Re: KOSTA)
|
Quote: كوستا دفعتي وود فصلي و طارق جبريل تلميذي وبت الهنا ست خيمتي
بالله في احلي من كده,,وكوستا صاحبي قلت ليهو كان داير مكابرة
بنعرس معاه مجاملة خصوصا بعد كلامك انه لسه فينا رقشة,و الله صدقتك |
استاذنا سيف الدولة
كيفك يا دفعة؟؟ بلحيل اخوك كوستا داير مكابرة و نص خمسة بعدين ما تسمع لى كلام بت الهنا هى بتحاول تحبط الهمم يا دفعة شد حيلك معانا و ان شاء الله البيان الاول لرابطة " المدبلين " سيصدر فى هذه الخيمة قريباً فترقبوه عايزين كمان نجيب معانا اخونا القرضابى .. يعنى الناس دى ما عارفه نتائج التعداد السكانى الاخير ؟؟ كل رجل فى السودان قصادو 3 بنات ... يعنى نستورد عرسان من الخارج ؟؟؟ سيف ..انت المقرر اوعى تخذلنى ... سمح؟؟؟
| |
|
|
|
|
|
|
Re: خيمه بت الهنا (Re: KOSTA)
|
الحبيب ,,,, كوستا ؟,,, مشتاقون كتيييييييييييييييير
والله يا كوستا عمري ما خزلت لي زول خت ثقته فيني
ابشر بالخير ,,, وانا المقرر وبشتت ليك القمح
وبجهز موية السكر والحمام بجي
تسلم يا دفعة
| |
|
|
|
|
|
|
Re: خيمه بت الهنا (Re: سيف الدولة كامل)
|
لوووووووووووووووووووووووول
والله يا كوستا و سيف أكان دبلتو .... أبقوا قابلوني
الاثنين شدة ما خايفين من الحكايه كل واحد يدفر في التاني ... انت أول .. انت ثقه ...
عليكم الله فكونا كده بالله ... مليتوا الخيمه عجاج و كتحتونا
| |
|
|
|
|
|
|
Re: خيمه بت الهنا (Re: فيصل محمد خليل)
|
Quote: دي خيمة والا اقوم جاري . |
فيسل اندو تيقي اي كدك هجو نيرين ( اصلو تعبان من يوم شغل طويل) من كوماري (شيقا) كيري مولن كينان واهينقا ..ترون نويدا تيقن
| |
|
|
|
|
|
|
Re: خيمه بت الهنا (Re: abubakr)
|
Quote: فيسل اندو تيقي اي كدك هجو نيرين ( اصلو تعبان من يوم شغل طويل) من كوماري (شيقا) كيري مولن كينان واهينقا ..ترون نويدا تيقن |
والليييييلا يا شيقا.
انا برررررررررره .
اناشيد
و قران
بكري قريبي اي تكا فمنتير
| |
|
|
|
|
|
|
Re: خيمه بت الهنا (Re: BitAlhana)
|
فبصل اخوي نورت خيمتنا المتواضعه
انا ما بنسى جمايلك ضد القونقليزه نردها ليك في الأفراح
كان داير تدبل ده المكان الصااااااااااااح
أجي يا الحصان
_________________________________________ النبي انت و ابوبكر قلتوا شنووووووووووووو؟
| |
|
|
|
|
|
|
Re: خيمه بت الهنا (Re: BitAlhana)
|
Quote: بس انا عامله معاه هدنه.... شفته دعاني كيف في بوستيه؟؟؟ |
يابتي اسالي مجرب مش طبيب .. هدنة شنو مع العرريب .. دييل ناس "البقط" غشونا ساااااي بشان رماة الحدق ما يقددو عيونم وبعد داك جرو واطي وزاغو .. دييل ناس داحس والغبرا بشان غنماية سوا كترابة مية سنة ... دة شحموطة ...
| |
|
|
|
|
|
|
Re: خيمه بت الهنا (Re: فيصل محمد خليل)
|
ياشيقاااااااا ...سلامات
تدفع كم عشان اترجم ليك الرطانة دى واللة قلبى معاك انتة حتلقاها من بت الهنا ولا من جماعتى ديل شغالين معاك 4 3 3
هيييييييييع كوع
كيمــــــو
| |
|
|
|
|
|
|
Re: خيمه بت الهنا (Re: فيصل محمد خليل)
|
يا شباب
نأسف لان انقطاع التيار الكهربائي أدى الى خلل في الدوائر الكهربائيه مما نتج عنه تشويش كامل في كافه الخدمات
سوف نزاول الخدمه بعد تعريب الخيمه........
قرققرقرقرقرقر
| |
|
|
|
|
|
|
Re: خيمه بت الهنا (Re: BitAlhana)
|
لوووووووووووول للرطانة التاريخهم كلو قاداتنهم بنات هي سويتوا ليكم كنداكة عصرية ؟
انا جيت هسع كنت معزوم وحاة الرسول بختوا في الاكل وبالي فيكم بهنا . اتعشيت ومسحت يدي بالكلنكس سااااى وجيتكم جاري عارفكم الزول مما اداكم ضهروا بتسجموا خشمو بالقطيعة .
وين كبيركم ؟ وين كنداكتكم وهناكم الماشافت الهناء؟ وين فيصلكم؟
جاييكم
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: يابتي اسالي مجرب مش طبيب .. هدنة شنو مع العرريب .. دييل ناس "البقط" غشونا ساااااي بشان رماة الحدق ما يقددو عيونم وبعد داك جرو واطي وزاغو .. دييل ناس داحس والغبرا بشان غنماية سوا كترابة مية سنة ... دة شحموطة ... |
غشيناكم نحن ولا سكرتونا انتو بموية بركاويكم المعتقة؟
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: غشيناكم نحن ولا سكرتونا انتو بموية بركاويكم المعتقة؟ |
نحن ما بنغش بس انتو شن عرفكم بموية البحر وموية البركاوي ماكم عرريب صحرا سااي وقعدتو تجغمتو في موية البركاوي فاكرنها موية نيل لحدما اتنيلتو بنيلة
| |
|
|
|
|
|
|
Re: خيمه بت الهنا (Re: الطيب شيقوق)
|
عمو كمال
Quote: تدفع كم عشان اترجم ليك الرطانة دى واللة قلبى معاك انتة حتلقاها من بت الهنا ولا من جماعتى ديل شغالين معاك 4 3 3 |
قول للرطانة المسانيح بيوتكم صارت مرقعة باللغات الام والابو عجم والوليد الصغير برطن وما بقلب الكلام بالعربي والشباب يتكلموا عربي ولما يرجعوا البيوت الواحد يتلفت زى المروحة عشان يفرز لغات البيت الزى حلاوة مولد دي .
| |
|
|
|
|
|
|
Re: خيمه بت الهنا (Re: الطيب شيقوق)
|
نحن ما بنغش بس انتو شن عرفكم بموية البحر وموية البركاوي ماكم عرريب صحرا سااي وقعدتو تجغمتو في موية البركاوي فاكرنها موية نيل لحدما اتنيلتو بنيلة
ههههههههههههههههههههههع
بيني وبينك كنا فاكرنها حنينة زى حقتنا الكنا بنرمي ليها الراية في الواطة ونشرب كررررررررررررر ونفك الشغلانية للفناجرة يلحسوا ويدوبوا - لكن لقينا لحستين من حقتكم تخلي الواحد فينا ما فيهو الحيل البيرفع اصابعو في اضانو للنمة .
| |
|
|
|
|
|
|
Re: خيمه بت الهنا (Re: الطيب شيقوق)
|
ود هنااااااااااااء
بكوري حمد الله على السلامه
كل القلت في شيقا صاااااااااااااااح
بس انا عامله معاه هدنه.... شفته دعاني كيف في بوستيه؟؟؟
لسانه سليط المسنوح
اطلعي برة عشان تشوفي الشليخ الليلة - كيف مافي هدنة علا تعترفي بكونداي غزالة الوادي السجمت حسادي
| |
|
|
|
|
|
|
Re: خيمه بت الهنا (Re: BitAlhana)
|
شيقا يا اخوي
دي نظام طالعني بره؟؟
هلا هلا هلا .... قايلني بخاف؟؟
انزين مالو.... انت ماسمعت ديل شلاخن وقفن شهود,,,
وبعدين شلخت منو قبال ده؟
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: بعدين يا الاخت سليتي روحنا بالحيل . نحن تاني ما مستعدين نتعامل مع اشباح |
يا عجوز السجم قال "اخت"قال دي اصغر من بت بتك الزغيرونة ....دحين منو الشبح انت البقيت زي موميا رمسيس واللا البنية الزغيرونة دي ... قم فز اطلع من الخيمة عامل كدة زي ام كربو ...
| |
|
|
|
|
|
|
Re: خيمه بت الهنا (Re: abubakr)
|
أزيكم انشاء الله طيبين .... و زي ما قالت د. نجاه نعل مافيكم زول أبى عشاه .... لوووووول
شيقا ما قلتوا نوبه .... اسي مالك اتعصرت و بقيت تجقلب ... و أشباح و ما أشباح غايتو أبوبكر عاصرك في كورنر شايفاه ... لكن بتوسط ليك عنده
بكوري خف على الراجل شويه
اها كده كويس؟؟؟
| |
|
|
|
|
|
|
Re: خيمه بت الهنا (Re: BitAlhana)
|
Quote: بكوري خف على الراجل شويه |
دة يخفو عليهو ؟؟ العامل زي خروف العيد االضهبان لازم شفع الحلة كلهم يمسكوهو ويقعدو فوقو لحد مايضبحو ...؟؟
| |
|
|
|
|
|
|
Re: خيمه بت الهنا (Re: الطيب شيقوق)
|
هدنــــــــــــــــــــــــــــــــــــــــــــــــــــــــــــة
الحمد لل و الشكر لله الخيمه اتعربت و الكراسي اتبدلت لي كراسي بلاستيك .. تفاديا للجروح الخطيره خوفا من المشاكل التي يسببها بعض الاعداء ... الحارقاهم الخيمه و كاتلااااااااااااهم
ترقبونا .........
| |
|
|
|
|
|
|
Re: خيمه بت الهنا (Re: BitAlhana)
|
سيره و اتفتحت
العرس
أسي نوفل يجي جاري
طبعا لازم اتضامن مع بنات جنسي الدايرين يدبلوا عليهم ناس كوستا و سيف و اخرين... عشان كده جبت الوصيه دي هنا... خلي بنات حواء يفتحوا عيونهم
اما المفتحات اصلا و معرسين زي ناس فلان ... بدون زكر اسماء ... فلهم التحيه لانهم مورين رجالهم العين الحمراء .. ففلان من المكتب لي سودانيز اون لاين .. كان في عزومه يجي جاري يفتح البورد ( وهذا أضعف الايمان)
الوصيه هنا لي البنات الداقسات أرجو العمل بها:-
وصــيـة ام نـجـيــضة...لي بنـتــهـا ---------------------------------
بت هوي فتحي عينك و ابقي نجيضة وفالحة..... قدر ما اجي داخله عليكم القاكي ... هي هي .... و قر قر قر ..... تضحكي مع عبد الله دا.... الراجل ما تضحكي ليه كتير..... يسعالني الله يحقر بك....الراجل اديهو العين الحمرا.... وان قدرتي لعند ايدك تلحقيها ليهو لحقيها...ابقي نجيضة.....أ ي..... زي امك.....الله بسعلني وقت ابوكي يقول حاجة تضحك.... امشي اتحشر في الاوضة واضحك زين واجي مارقة صارة وشي.....و بعدين اوعك ثم اوعك ثم ايضا اوعك... تقولي ليه الجلابية دي سمحة ولا العمه اللابسها دي سمحة... نفسو تقوم تعجبو يعرس فوقك.... وبعدين تشربي ما تروي....واكربيهو بالطلبات.... اوعي تخلي ليه قرش يبيت في جيبو... واوعك تخليهو يشوف المسلسلات.... بيخربن الرجال.... وقت المسلسل داك.... شفتي جيبي فندكك...واقعدي دقي أي حاجة جنبو ويا ريت لوكانت شطة... ولا كان عندك شافع بيرضع وجيعان وبيبكي خليهو في بكاهو داك لمن المسلسل ينتهي.... وبعدين ما يجي داخل يلقاكي تغني حتى ان بقيتي دايرة تغني.... اوعك من غنا ناس حبيبي حبيبي.... امسكي في الغنا الحار...... زي البيجري نسيبتو و مرتو طلقانة......ولا اندب حظي ام امالي...... ولا دفاعنا الشعبي ياهو ديل.....ولا النار ولعت بقلبي بطفيها..... اااااااااااي.... عشان تربي ليه الزلعة .....والخلعة............ واوعك تشكري ليه حاجة جابها.... ان جاب ليك لحم.... ختي ايدك فوق راسك...وقولي ليه ووب علي ووب علي ووب علي....غشوك وادوك الجلافيط.....وان جاب لك فتيل ريحة...اول ما تفتحيهو... وتشميهو.... طوالي كشري وقبلي غادي وابصقي..... وقولي ليه... دا شنو يا عبدالله ؟...... الريحة المتل ريحة الفسيخ دي جايبها من وين؟......غايتو انت مغستك تقد....... وان جنك نسوان ولا بنات....ما تخليهو يقعد وسطن....ويتونس.... طيريهو من البيت....وان ابى يمرق... قدرما يقولو نكته ولا يخفف دمو قدامن صري ليهو وشيك.... وقولي ليه انت يا عبد الله ما عندك غير النكتة دي؟ يا خي عملت لينا بيها وجع وش...... اصلهم الرجال عارفاهم... الواحد فيهم من يشوف ليه لمت بنات يقعد يخفف في دمو يعمل فيها ودنفاش.....وتلقيهو يضحك بلا سبب... حتى ان واحدة قحت ساكت ... يقعد يضحك ويصفق اديهو....واوعك تخليهو معاهن وتدخلي المطبخ تسوي ليك شربات...... وحات الله بنات الزمن دا ان غفلت من راجلك دقيقة بس تلقيها عرستو
و نواصل
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: البنية دى من يوم عرفتها الله ما جعل لي استقامة في صقيعة بكري دى . و شوف كمان كاوشت رطانيتي كلهم وبقت تحوحي فيهم شمال ويمين زي جداد الوادي - الله يكفينا شر الكتابات والحجبات . |
اها العرريب "المسنوح" بقيت غلبان وبتشتكي ؟؟ يا خلبوص البنية ما سوت ليك شي انت جيت براك وصنقرت قاعد من الصبح ومافي زولا قال ليك تعال اصلو دي خيمة خسوسي .....قوم فز
| |
|
|
|
|
|
|
Re: خيمه بت الهنا (Re: abubakr)
|
ياشيقا الحق عمك كيمــو رسل لى الكاركتير دة بى الايميل وقال دى مرتو بعد ما قرت وصايا بت الهنا اعمل حسابك.....الوصية بالمهلة
| |
|
|
|
|
|
|
Re: خيمه بت الهنا (Re: الطيب شيقوق)
|
ياشيقا الحق عمك كيمــو رسل لى الكاركتير دة بى الايميل وقال دى مرتو بعد ما قرت وصايا بت الهنا اعمل حسابك.....الوصية بالمهلة
قول ليها نومي ساى دى وصية جاياك من شبح اقري ليهو الاخلاص بس وتاني عيييييييييييييييييك
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: انا بعرس البتحاحي الطير من الزراعة وبتشمر وبتحلب بقرتها براها وبتنش الغنيميات من الصباح والبتولع تقابتها لاولادها من السقط والبتفزع برااااااااها لحطب الطلح في الغابة |
ات اصلا حتعرس وزارة الزراعة وضرتا وزارة الثروة الحيوانية ؟؟
| |
|
|
|
|
|
|
Re: خيمه بت الهنا (Re: abubakr)
|
ات اصلا حتعرس وزارة الزراعة وضرتا وزارة الثروة الحيوانية ؟؟
لا اعرس لي واحدة جنها النت تكتلني بالغبشة ساااااااااااااى؟
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: اريتني كان في القاهره... والله انا شدة ما بريدها ... داير انزل معاش فيها |
ومثلك يا جميلة اتمنى ان اكون هناك احكى لك عن بعض حبى لتلك المدينة القاهرة معنى للحضارة اتمنى ان نلحق بها ، ليس لانى فقط اكتسبت فيها حضارة جديدة ومعنى جديد للمقاومة ، بل لانها مدينة تحفزك ان تصير ندا لنفسك بل احيانا تتصارع مع ذاتك كيما تبلغ قمة ما ، قمة بلغها اهلها ، فى الفنون على وجه الدقة ، والمعرفة فى تعبير ادق كنت اطالع فى الاسبوع ما لايقل عن العشرة كتب دفعة واحدة ، رغم كل ما ذكرت من تعب لكننى اطالع ، فهناك حافز ، اول الحوافز كان عم مدبولى ، رجل بلغ القمة صاعدا ، بل انه احد اهم الناشرين العرب فى السنوات الاخيرة كنت اقف الى مكتبة مدبولى فى ميدان التحرير تلهبنى الكتب بعناوين لا اعرف كيف اتعاطاها ؟ لكنه حين بت وجها مالوفا بات ينادينى الدكتورة وحين اشترى منه كتابا يمنحنى كتابين مجانا مهما كان سعر الكتاب ، بل ان الشباب الذين كانوا يبيعون فى المكتبة باتوا من اصدقائى ما ازال الى يومنا هذا اتواصل معهم ( اشرف وحمدى ) كانا حين ترد كتب جديدة يهاتفانى ( اسمعى انزلى دلوقت حالا فى كتب جديدة ) وانزل ، حاملة حقيبة فارغة ، حقيبة يمكنها ان تسع عشرات الكتب ويتحايلا على الواقع بغية انهما ساعدانى فى ايجاد بعض الكتب من المخزن ، كنت اتوله شغفا ، احمل ما اردت من الكتب ، ولنموّه على عم مدبولى اذا كان موجودا ، كنت اشترى كتابا او كتابين ، لكنى فى بعض الاحيان كنت مدعوة من هؤلاء الشباب لبعض الاغراض الاخرى كان اعيرهم بعض كتب ماركيز حتى يعيدوا طباعة احدها ، باتوا مراجعى وبت مرجعهم ، بتنا اسرة تحب افرادها دون ان يكون ثمة رابط سوى الحب الذى ثبت دعائمه عم مدبولى ، فكم من صاحب دار يفعل هذا فى بلادنا ؟ وفى البال ان الكتب غدت اغلى من ثمن الخبز حتى الحاف ، الكتاب بات فى السودان مشكلة من طباعته الى تجارته ، والويل لك ان شئت طباعة او نشرا ، لكننى فى مصر قمت بطباعة كتابين والثالث طبعه على نفقته صديقى العزيز هاشم ودراوى ،لم اره حتى تاريخ هذه اللحظة ، لكنه موجود فى مكان ما ساعثر عليه ذات يوم من الايام ، ومن عثر عليه فليكلمنى اسم الكتاب ( حديث القلب ) هى القاهرة التى لا تعرف الكلل من كل شئ ، ندوة مفتوحة على مدى العام ، منذ الفجر حتى المغيب ، شهدت عشرات المدن فى العالم لكنى لم اعثر على مدينة تضاهى حيوية القاهرة
| |
|
|
|
|
|
|
Re: خيمه بت الهنا (Re: سلمى الشيخ سلامة)
|
ود الكامل
Quote: ود شيقوق ,,, المسنوحه قفلت الخيمة |
لا لا جاني خبر قالوا مشت تعزي وتشرب القهوة وتجيكم تبراكم بري
هي ساري الليل المسنوحة بتجي متاخرة . وقت تصبح الواطة نلقاها خمت البوست خمج
| |
|
|
|
|
|
|
Re: خيمه بت الهنا (Re: الطيب شيقوق)
|
الحبيبه أشراقه الراقيه الأديبه .... تحياتي
شكرا لي مرورك الجميل ... اثلج صدري و الله
انا كنت قافله الخيمه ... شئ انفلونزا و شئ أشباح ,,,, بس الله غالب لكن عشانك نفتحها لي الصباح
دمتي
| |
|
|
|
|
|
|
Re: خيمه بت الهنا (Re: BitAlhana)
|
Quote: شئ انفلونزا و شئ أشباح |
سلامتك .. ماقت ليك ابوالحصين دة ما تخليهو يهوب ناحية الخيمة ؟؟؟ دة كان مجاور الكدارييك في الدندر ويجب الحظر عليه ....
| |
|
|
|
|
|
|
Re: خيمه بت الهنا (Re: abubakr)
|
أسوي ليه شنو يا أبوبكر
الا أسوي الدخول لي الخيمه بي قروش ... كده ما بيجي ... المسنوح بيكون جيبه فيه عقرب
قرقرقررقرقر
| |
|
|
|
|
|
|
Re: خيمه بت الهنا (Re: BitAlhana)
|
دكتوره سلمى تحياتي
اتفق معك تماما في أن القاهره من أجمل المدن العربيه ... و سر جمالها لا يكمن في العمران أو الشوارع المتسعه و ألارصفه .. بل على العكس تماما اذا تحدثنا عن القاهره من هذه الناحيه سوف تسقط سقوط زريع.
لكن جمال القاهره يتضح لك حينما تشتم الرائحه المميزه للقاهره حينما يفتح باب الطائره... جمال القاهره في الحسين و الجلوس في قهوة الفيشاوي حتى الساعات الأولى من الصباح الباعه المتجولين ... الجرسونات ... و حتى المتسولين في القاهره لهم نكهه خاصه
جمال القاهره في همه المواطن المصري منذ الصباح الباكر و حتى أواخر الليل لا كلل و لا ملل .... وفي اخر المطاف و ان كان قد حصل على ملاليم فهو يقبلها و يشكر المولى
جمال القاهره في الاستفاده القصوى من النيل ... في تلك البواخر النائمه على النيل ... وحتى هذه توفرت لكافه الطبقات ... بمعنى أن أي مواطن بصرف النظر عن امكانياته الماديه فهو بستمتع بالنيل ابتداء من الباخره الفرعونيه و حتى المراكب الصغيره تحت كبري قصر النيل
القاهره جميله رغم اذدحامها في الأزهر و سوق الغوريه و خان الخليل
القاهره جميله و راقيه في شارع جامعه الدول العربيه
دمتي يا سلمى و انشاء الله نتلاقى في القاهره قريب
| |
|
|
|
|
|
|
Re: خيمه بت الهنا (Re: BitAlhana)
|
Quote: طبعا لازم اتضامن مع بنات جنسي الدايرين يدبلوا عليهم ناس كوستا و سيف و اخرين... عشان كده جبت الوصيه دي هنا... خلي بنات حواء يفتحوا عيونهم |
بت الهنا ..... والسرور
يااختى كان تسأليهن رايهن فى الاول ... مش ممكن يكون عندهن رأى مخالف انا خايفك بالوصايا "العشر" بتاعتك دى تأخدى ذنب بنات حواء المساكين ديل هسع انا و صاحبى سيف الجاب سيرتنا شنو؟؟؟ ناس عاملين لينا "اشانة سمعة" و فعلاً المثل بيقول " خيراً تعمل شراً تلقى " نصيحة للجندريات غير المعرسات : الفرصة تأتى مرة فى العمر فاستثمروها الا هل اللهم قد بلغت فاشهد
| |
|
|
|
|
|
|
Re: خيمه بت الهنا (Re: BitAlhana)
|
ود شيقوق الليله يا ويلك من الجندريات
قصدك شنو بي واحده جنها نت تكتلك بي الغبشه؟
يعني البقعدوا في النت مهملين بيوتهم؟ و ناس بيتهم غبش؟ والله كويس ...
غايتو شوف ليك بلد...
| |
|
|
|
|
|
|
Re: خيمه بت الهنا (Re: BitAlhana)
|
طبعا يا المسنوح ما داير واحده بتعرف لي النت عشان ما تعرف غرامياتك ... و لا تعرف الخمش البتسوي فيه
أها كونداليزا دي بتعرف شنو غير النت؟؟ بتعرف المراح و لا بتعرف العواسه؟
| |
|
|
|
|
|
|
Re: خيمه بت الهنا (Re: BitAlhana)
|
Quote: والله يا كوستا عمري ما خزلت لي زول خت ثقته فيني
ابشر بالخير ,,, وانا المقرر وبشتت ليك القمح
وبجهز موية السكر والحمام بجي |
سيف يا دفعة
تسلم ...... و ابداً ما خزلتنا يا سيفنا يوماً موية السكر خليها تكون سكروز 10% و فركتوز 90% و القمح يكون وارد شركة تبوك للتنمية الزراعية (تادكو) لان مضمون المفعول اها بعد داك ساعد الحكاية بأرق المهبة ( عرق المحبة) و اخيراً ابعد من الجكس صاحبة الخيمة المدعوة بت الهنا بعد كل الخطوات دى ... يمكن حمام ( التك) او ( الوادى) ينزل و يا حبيبى طبع ( الصيد) ينزل على اشكاله
ملحوظة مهمة للجندريات :
هذا العرض لفترة محددة جداً
| |
|
|
|
|
|
|
Re: خيمه بت الهنا (Re: BitAlhana)
|
Quote: اتفق معك تماما في أن القاهره من أجمل المدن العربيه |
دة كان انطباعي في الستينات واول ما زرتها ولكن بعد الزحمة في السبعينات حلفت ما امشي ليها تاني لانو البلد معتتة وجابت لي حساسية في الجلد خلتني راقد 3 شهور واهم حاجة انو انا بحب الصحيان بدري خالص وفي القاهرة الناس بتصحي الضهر وتشتغل الضهر ... صديق يعمل هنا في شركة كبيرة لها فرع في القاهرة ويترك اسرته الصغيرة هنا ويذهب معارا للعمل هناك ويعود مرة في الشهر وقبل فترة شرع في شراء شقه هنا .امس سالته لماذا لا تشتري في القاهرة وهي ارخص ..فصاح "لالالالالالالالالالا لم تعجبني مطلقا فضجيجها والعمل المتاخر يعذبني .... كانت القاهرة في الستينات جميلة والشوارع نظيفة اما اخر مرة زرتها (1975) رايتها في صورة جعلتني اهرب بحساسية اعاني منها حتي اليوم ....
| |
|
|
|
|
|
|
Re: خيمه بت الهنا (Re: abubakr)
|
رسالة العم كمــال ــــــــ عزيزى الباشمهندس ...سلامات بالفعل القاهرة فى ذلك الزمان كانت شىء آخر ليس فى نظافتها وهدوئها فحسب بل كانت تعنى لجيلنا الكثير ففيها شهدنا القمم الادبية والفنية طة حسين احسان عبد القدوس نجيب محفوظ يحى حقى محمود امين العالم ام كلثوم محمد عبد الوهاب عبد الحليم حافظ فاتن حمامة لبنى عبد العزيز ماجدة وغيرهم وغيرهم واسمح لى بأن اهديكم هذا الفيلم عن القاهرة زمان
كيمـــو
http://www.youtube.com/watch?v=xw8Ea6zvzJI
| |
|
|
|
|
|
|
Re: خيمه بت الهنا (Re: فيصل محمد خليل)
|
ياكيمو تشكراتنا .. تعرف بالرغم من مرارت التهجيير والقمع الذي كنا نعاني منه في وادي حلفا بسبب السد العالي الا ان ذلك لم يؤثر علي علاقتنا بمصر الناس والبلد فكنا نذهب اليها وياتي كثيرون من اسوان والصعيد الينا وفيهم من هاجر معنا الي خشم القربة ...كانت هنالك حميمة في العلاقات الانسانية لم تؤثر فيها مرارات حكم محمدعلي ولا الاستعمار الانكليزي المصري .. كان الوعي بان الامر سلطوي وليس للشعوب هو الذي ابقي العلاقة حتي الان متوازنة بين الشعبيين ...
| |
|
|
|
|
|
|
Re: خيمه بت الهنا (Re: abubakr)
|
Quote: ود شيقوق الليله يا ويلك من الجندريات
قصدك شنو بي واحده جنها نت تكتلك بي الغبشه؟
يعني البقعدوا في النت مهملين بيوتهم؟ و ناس بيتهم غبش؟ والله كويس ... |
انت عايزة تولعي نيران يا مسنوحة الله يجازيك
| |
|
|
|
|
|
|
Re: خيمه بت الهنا (Re: BitAlhana)
|
بت الهنا يا بتنا عارفة دكتورة الوردت فى النص دى للتحبيب ماهى شهادة واقول ليك حاجة ما بقدر عليها الشهادات دى دايرة صبر ونحنا حى الله بنصبر على يومنا بالمناسبة ماعارفة احكى ليك قصة عمنا اسماعيل عبد المعين والكابلى كيف؟ سالوه يوم عن الكابلى فقال والله هو فنان كويس لكن ماعنده".... لب" بمعنى انه بكلفت الالحان ونحنا بنكلفت فى الدنيا دى لمن نمشى منها محبتى يا صاحبة فى الزمن الصعب
| |
|
|
|
|
|
|
Re: خيمه بت الهنا (Re: سلمى الشيخ سلامة)
|
Quote: بعدين انت عارفني بحب الشمار .... وعواطف الله يحججا ... بس وريني داير توكلني بي شنو أمووووووت ليك |
سـلام يا بت الهنا,
تسلمي يا أختنا,
ياخي بسيطـة أنا طلبي زي طلب ود شيقوق
عرفتي كيف
سـلام واحترام
احمد الشايقي
| |
|
|
|
|
|
|
Re: خيمه بت الهنا (Re: Tabaldina)
|
والله يا ود شيقوق ,,,, صدقت
نمنا وصحينا لقينا المسنوحة خرمجت البوست كله
جنس حساده
العزيز والدفعة,, دكتور كوستا,,, برنامجنا واضح
واجندتنا علنية والماعاجبو يشرب 10$جلوكوز
| |
|
|
|
|
|
|
Re: خيمه بت الهنا (Re: سيف الدولة كامل)
|
الشايقي
تبلدينا - قلت شنو انت كمان ابو السناحة تفكيرنا هبر وين؟
ود الكامل
Quote: نمنا وصحينا لقينا المسنوحة خرمجت البوست كله |
اصبروا لي المرة دى انصب ليها شرك ام كيكي ذاتو . والله تقوم بالليل تعقبنا كش يلفخها ليكم وتجوا الصباح تلقوها تبتبت في المتلة
المتلة يا مسنوحة معناها محل كنا بنكب فيها العيش للطير عشان يتلب في الشبكة وتاااااااااح نقبضوا ونمشى نشويهو في النار
| |
|
|
|
|
|
|
Re: خيمه بت الهنا (Re: الطيب شيقوق)
|
Quote: ياشيقا الحق عمك كيمــو رسل لى الكاركتير دة بى الايميل وقال دى مرتو بعد ما قرت وصايا بت الهنا اعمل حسابك.....الوصية بالمهلة |
عمو
ما تخاف القور.......... كتيييييييييييييييييير
| |
|
|
|
|
|
|
| |