|
|
|
 Re: رحلتي الى رومانيــــا (صور دماااااااااار) (Re: khaleel)
|
Quote: ساتي
كل سنة وانت طيب
عائز ايميل في النص دي او موبايلي
عندي ليها شمار |
العزيز خليل
كل سنه وإنت طيب
عايز الإيميل مره واحده
وكمان قلت لى شنو تاني التلفون
يا زول سيبك من الحركات دي
وقول لى الشمار
وأخوك على طول راح يوصلوا
لكن لو شمار فوقى أنا
ما تقولوا عشان ما أفهمك غلط
إتفقنا يا جميل
مع عظيم التقدير والإمتنان.
| |
 
|
|
|
|
|
|
|
|
Re: رحلتي الى رومانيــــا (صور دماااااااااار) (Re: حيدر حسن ميرغني)
|
| Quote: ليتك تكتب عن مناسبة الصور لتعطي البوست بعد تعريفي عن الرحلة |
العزيز حيدر حسن ميرغني
كل سنه وإنت طيب
لسه يا سيدي التفاصيل جاياك
بس الصوره دى (قشة ريق) بس
بعدين الباقي جاييك من الدوحه الى رومانيا مرورا بتركيا
وتسلم على التنبيه الجميل ده
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Mustafa Satti)
|
الحبيب مصطفى ساتي
كل سنه وإنت طيب
هو جنس درع واقي
وأريتو لو كان نافع كمان
الصور دى يا جميل قبل رمضان بيومين كده
عصرت قلبي وقعدت بالصور حتى نهاية رمضان
صور زى دي لو نزلت فى رمضان راح تودى الجميع فى ستين
ولو إنتظرت الصور الجايه كمان راح تقول شنو
خليك معانا متابع
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: سامى عتبانى)
|
Quote: والله لو ما بخاف الله
كنت نسخت الصور دى ورسلتها لزملانك زمان
فى تلفزيون واعلام البحر الاحمر
تتجازه ياسانى
ده شنو الدمار ده
ان شاء الله ما ينفعك
كل سنه وانت بالف خير |
ههههههههههههههههههه
ده شنو يا سامي
معقول التهديد التعسفى ده
عايز تكشف ورقنا لناس بورتسودان
غايتو لو شافوا الصور دى
ما عارف اللى ح يحصل عليهم شنو
بس خلينا نحن فى الدمار ده
ودى يادوووووب صوره واحده
ما عارف لو نزلت الباقي أيه اللى ح يحصل
كل سنه وإنت طيب وتسلم على كل حاجه حلوه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: ASHRAF MUSTAFA)
|
Quote: سااااااااااااااااااااااااني تحياتي
ما تنسي تجيييييييييييييييييييييييب لي الجبنة الرومانية القلتها ليك ديك
وبعدين المرة دي اعزمنا معاك شوية في رومانيا
ما تاكل براك |
الحبيب أشرف مصطفى
كل عام وأنت بألف خير
الجبنه جاهزه يا جميل بس متين تجى تآخدها
لكن بيني وبينك ،،، إنت قاصد الجبنه بس
وما تخاف الزياره الجايه معاى معاي
وما راح أخليك وامشي براي
بعدين تعال هنا أكل شنو اللى قاصدو يا جميل
عشان أحدد آكل براى ولآ أعزمك
منتظر إجابتك عشان أحدد موقفى هههههههههههه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
Quote: الحبيب أشرف مصطفى
كل عام وأنت بألف خير
الجبنه جاهزه يا جميل بس متين تجى تآخدها
لكن بيني وبينك ،،، إنت قاصد الجبنه بس
وما تخاف الزياره الجايه معاى معاي
وما راح أخليك وامشي براي
بعدين تعال هنا أكل شنو اللى قاصدو يا جميل
عشان أحدد آكل براى ولآ أعزمك
منتظر إجابتك عشان أحدد موقفى هههههههههههه
مع عظيم التقدير والإمتنان. |
محمد خليل الجميل
تحياتي والله
تشكر يا حبوب علي دعوتك للذهاب معك لرحلتك القادمة
بخصوص الاكل...انت ما عارفو؟؟؟؟
يا راجل الفول بالجبنة الرومانية
ههههههههههههههههههههههههههههههههههه
يلا حدد موقفك وورينا احنا مكانا وين من الاعراب
بس ما تجي تقول لي الاعراب اشد كفرا ونفاقا
في انتظار ردك يا غالي
وما تتهور تاكل براك
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: حسين عوضاى)
|
Quote: سانى وانا اقول تلفونك فى رومانيا مشغول طوالى فى شنو ............
التركوازى التركوازى ياماااااااااان .
كل عام وانت بالف خير |
الحبيب حسين عوضاي
التلفون متين كان مشغول
عايز تفتري على يا جميل
مش طوالى السلك كان مشدود عليك
بس مسامحك على إتهامك ده
قلت لى كيف ،،، التركوازي يا مااااان
ما تجي تآخد ليك قضمه
ولآ أقول ليك راح تتسمم
يعني بالعربي الفصيح كده يسمّك
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: عامر تيتاوى)
|
Quote:
سانى ياجميل ده حالتو فى رومانيا
امال لو مشيت الجبل الاسود
|
تيتاوى الحبيب
كل عام وأنت بألف خير
وعيدك مبارك وسعيد
تتصور يا جميل ربك ستر
يعني لو كنت مشيت مونتنييغرو ديك
ومدينة بودفا تحديدا كان حصلت بلاوي
بس ربك ستر وخلاها تجي فى كونستانسا بس
والجاتك فى مالك سامحتك ههههههههههههههههه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: طارق جبريل)
|
Quote:
دة اسمه النجاض
موش الدماااااار
|
العزيز طارق جبريل
كل سنه وإنت طيب
والله فعلا الحكايه لو جيت ليها نجاض بالجد
لكن أعمل شنو الكلمه الـ لقيتها قدامي دى
بس الجااااي أكيد دمار ونجاض
ايه رأيك لو قلت ليك حضرت عرض أزياء إجباري وحاتك
الناس كانت ماشه كويس بعد داك عينك ما تشوف إلا النور
كفايه كده يا جميل ،،، ما تودينا فى داهيه
الفينا كافينا ،،،
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Maawya Hussein)
|
| Quote: اول صوره اشوفك ما مبتسم او بتضحك فيها |
معقول يا معاويه الكلام ده
ياخي كتير الواحد بيكون ما بيضحك
بس المره دى بالجد ما لقيت طريقه أضحك
أو بمعني أصح ما عرفت أضحك أو أبتسم
هو فى وقت للضحك أو الإبتسام
مافى زول يديك فرصه تعمل كده هههههههههههههههههههه
الضحك جايييييك بعدين
تابع وخليك قريب
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Tragie Mustafa)
|
العزيزه تراجي مصطفى
كل عام وأنتي بألف خير
والسنه الجايه على أمانيك ورغباتك كلها تتحقق
Quote:
غايتو العيد ما عندك يا ساني
في داعي يعني تحندق الشباب ديل؟؟؟
مدي نزل باقي الصور وبطل تنشف ريقهم بالقطاره كده.
غايتو رمضانك ده راجيك عليه قضاء عشرة سنين. |
إنت ما شايفه ود البشرى بيقول شنو
الصور دى بقت تخوف عديل كده
بس عليك الله ما دمار ونجاض زي ما قال طارق جبريل
تعرفى أنا بحندق روحى فى الأول وبعدين الناس التانيه دي
وبعدين الصور جايه جايه وما حأخلى صوره ما راح أنزلها
والحمدلله الرحله كانت قبل رمضان ما يجي
يعني آخر يوم كان ،،، صبحنا على رمضان
وصمت يومين ما بين كونستانسا وبوخارست وإسطنبول
يعني ما تخافى ،،، مافى قضاء ولا حاجه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد البشرى الخضر)
|
حبيب الكل ود البشرى أبو حتوت
كل عام وأنت بخير
والسنه الجايه على أمانيك
Quote:
ساني ياحبيب
كل عام وانتم بخير
ياخوي اسمع كلامي دا وكان ما عجبك اديه البحر
نوع الصور الخاصة دي ما تنزلها هنا , بتتحفظ و بطلعوها ليك الحبايب وقت عوزة ان شا الله بعد عشرة خمسطاشر سنة يحيروك بيها
كان ما مصدقني اسال معتز القريش |
والله خوفتني عدييييل كده يا جميل
هو الناس معقول بتعمل كده
الواحد بيحاول ينقل تجربه عاشها
أو رحله قام بيها
ويحاول يشرك فيها كل الناس اللى متابعه المنبر
غايتو يا حلو الواحد ما عامل حاجه يخاف منها
والصور الواحد ح يعمل ليها ألف حساب وتشكر على النصيحة الراقيه دي
مع عاطر التجلة والتقدير.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: سامى عتبانى)
|
Quote: ياخى المذيع المتالق مصعب محمود
برسل ليك تحياتو
هههههههههه
|
حتى ده وصلت ليهو يا سامي
والله منك خوفه يا جميل
معقول مصعب محمود الولد الكتكوت ده حته واحده
عليك الله سلم لى عليهو كتير
وتسلم عليهو ليه ،،، اليوم حأتصل عليهو
وإنت أطلع منها بس ههههههههههه
تسلم يا جميل على الحاجه الحلوه دي
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: khalid abuahmed)
|
الأخ العزيز خالد أبو أحمد
كل عام وأنت بألف خير
والسنه الجايه على أمانيك
طمنا على أحوالك وأخبار الأولاد فى بورتسودان
| Quote: والله ناس بورسودان لو شافوا صورك دي حا يعلنوا عليك (الجهاد).. |
هههههههههههههههههههههههه
يعلنوا الجهاد عديل كده علينا
مالك على يا جميل
مالك عايز تفتح عيون ناس بورتسودان علينا كده
خليها مستوره كده
لكن بيني وبينك الناس الهناك ديل
ما راح يشوفوا البوست ده !!!
ديل قاعدين يتابعوا المنبر ده بشكل ما تتخيلوا
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: شهاب الفاتح عثمان)
|
Quote:
حبابك عزيزنا ساني تحيه لك ..
و لهولاء الروم..
كل عام وانتم بخير ..
|
الدكتور الحبيب شهاب الفاتح عثمان
كل عام وأنت بخير
والسنه الجايه على أمانيك يا جميل
تتصور الجماعه ديل عندهم جمال شكل ومكان بطريقه ما بتتوصف
الواحد بالجد إستمتع هناك على شواطئ البحر الأسود
و ربنا يرجعنا تاني لبلاد رومانيا الجميله
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
رحلتى الى رومانيا محاوله لتوثيق أحداث وتفاصيل ضمتها مأمورية العمل الخاصة بتغطية فعاليات الجولة الخامسة من بطولة العالم لزوارق الفئة الأولى فى كونستانسا الرومانيه على شاطئ البحر الأسود ،،، رحلة كما هو مخطط لها ،،، التحرك من مطار الدوحة الدولى صوب مطار إسطنبول التركي عبر الخطوط القطريه وبعدها نتوجه صوب بوخارست بطائرات الخطوط الجوية التركيه ثم نتوجه برا الى كونستانسا على الشواطى الجميله حيث مكان جولة السباق لـ class 1 ،،،
البداية التوثيقية جاءت متأخرة بعض الشئ وكانت تحديدا من مطار إسطنبول مع هبوط الطائرة القطريه على مدرج المطار الدولى ،،، ونلمح فى الصوره مجموعة من الطائرات التركيه ،،،
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
ساني :: شكيتك علي الله ده شنو البسوي فيه : البورد ده كلو عذابة
يعني رحلتك الي السودان عبر السعودية راحت شمار في مرقة
هم ديل مش الروم الغزاهم المسلمون زمان
ودي غزوة ( سانوية) جديدة لارض الروم الا بس كلمني ما لاقيت الملك وعرضت عليه الاسلام
انت دايرلك حجة وعمرتين
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: عبد اللطيف السيدح)
|
Quote:
ساني :: شكيتك علي الله ده شنو البسوي فيه : البورد ده كلو عذابة
يعني رحلتك الي السودان عبر السعودية راحت شمار في مرقة
هم ديل مش الروم الغزاهم المسلمون زمان
ودي غزوة ( سانوية) جديدة لارض الروم الا بس كلمني ما لاقيت الملك وعرضت عليه الاسلام
انت دايرلك حجة وعمرتين |
العزيز السيدح أبو الكتكوت خزيمه
كل سنه وإنت طيب
وإنشاء الله السنه الجايه على أمانيك
رحلة السودان ما راحت شمار فى مرقه ولا حاجه
كل يوم بتلقى الصور الجديده فيها
تعرف البلد ديك جميله بشكل
وعايزه قعاد أسبوعين تلاته مش 7 أيام بس
لكن تعال قول لى إنت ح تدعو مين ولآ مين للإسلام هههههههههههههه
وياريت ربنا يكتب لينا الحجه والعمرتين ديل
قول معاى آمييييييييييييييين
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
Quote:
|
سلامات يا اخ محمد وتحياتي
فعلا بنات شرق اوربا نججججججججججججججاااااااااااااااااااااااااااااااض زي ما قال ليك دكتور طارق جبريل , حمد لله علي السلامة
يلا في ناس ثقسلييييييييين يستاهلو النهرة المشهوره بتاعت (ياااااااااااااااااا ثققققققققققققققققققيل) ديك البتكون عارفها وانا باعترف اني واحد منهم بجداره خليني لو سمحت لي اتثاقل عليك شويه واعلق ليك علي اكل اللحوم بالشوكة والسكين ....
1 - أذا كانت الوجبة لحوم كما في حالة الفاهيتا القدامكم دي تقوم تمسك الشوكة بالشمال وتقطع قطعة صغيرونه قدر (خشمك ) او تمك (باللبنايني) باستعمال يدك اليمنى الممسكه بالسكين , ثم تضع السكين على طرف الصحن وتمسك الشوكة التي بها قطعة اللحم باليد اليمنى ثم تاكلها هنيئا مريئا ... لا تنسى ان تتناول النبيذ الاحمر مع اللحوم الحمراء والنبيذ الابيض مع اللحوم البيضاء .. يمكنك ان تتناول (غيانتي ) وهو نوع ايطالي جيد او بالعدم شاتونوف دو بوب (فرنسي ) او (شيراز) الجنوب افريقي تناول النبيذ يبدا قبل الوجبة ويستمر اثناء الوجبة لانو بعد الحلو في حاجات تانية حاوريك ليها بعد شويه ..
2- أذا كانت الوجبة دجاج فيمكن استعمال مجرد اليدين اذا كانت ارجل دجاج ولو تلاحظ بيجيبوها ليك مغطية بي ورق معدني وبالمناسبه بعد وجبه ارجل الدجاج في معظم المطاعم الفاخرة بيتم تقديم سلطانية وان شئت قل كورية فاخره بها مياه مضاف اليها ماء ورد او ليمون لغمس اليد فيها برفق لاحظ برفق دي (يعني ما تجلبق المويه ) ثم يعقبونها بي منديل ساخن او بارد حسب الرغبة . اما أذا كانت صدور دجاج فتتم معاملتها مثل اللحوم الحمرا ء تماما اما بخصوص النبيذ فالافضل هو (سنسير) الفرنسي مافي شك وكما سبق يتم تناول النبيذ قبل الوجبة وخلالها
3- الاسماك والماكولات البحريه تعامل معاملة اللحوم البيضاء الا انها تؤكل والشوكة في اليد اليسري (نسبة لانك بتكون متمكن والسكين في اليد اليمنى لقطع ووضع القطعة ياللي قدر تمك (برضو باللبنايني ) في الشوكه يعني علي ظهر الشوكة وههي مقلوبه في يدك اليسرى ) لا تحاول ان تغرس الشوكه في الاسماك او في السي فود اي كان نوعة لانك بذلك كمن يطعن الطباخ بتلك الشوكه كما ولا يجب باي حال من الاحوال تقطيع الاسبجاتي لقطع صغيرة .
4- مرات قبل التحليه بيكون في اجبان مشكله (بري ؛ شيدار ، بلو بري ، بورزان ، بارميجان ) وبيكون معاها اعواد الكرفس واصابع من الجزر (برضو اخد معاها النبيذ الذي ابتداءت به ) والا ضير من التغير اذا كنت تطيقه !! حذرتك انا
5- اذا طلبت فواكه مشكله حاول اضافه قليل من الشمبانيا اليها بالذات اذا كانت شرائح شمام او بطيخ ( انا متاكد انك حتتصل بي تلفونيا علشان تشكرني وكده )
6- اذا طلبت حلو غير الفواكه المشكلة طوالي النادل حيعرض عليك شاي او قهوه اذا شربت شاى ما عندي غير اني اقول ليك هنيئا لكن اذا طلبت قهوة فلتكن (كاليبسو كوفي ) وهي عبارة عن قهوة بالحليب او سادة حسب رغبتك مضاف اليها شراب اسمو (تيا ماريا) وهو خمر مصنوعة من البن ولها نكهة البن ولون البن ... ممكن برضو تطلب ايريش كوفي وهي قهوة مضاف اليها ويسكي ايرلندي (في فرق بينو والسنقل مولت الامريكي ) ممكن نناقش الفرق اذا حبيت تمشي امريكا او قهوة فرنسية وهذه قهوه يضاف اليها البراندي الفرنسي الفاخر سيما (ريمي مارتن)
طيب بعد الاكل هنئا مريئا ممكن علشان تسرع عمليه الهضم وتخفض الدهون يمكنك تناول قدح من البراندي ممكن تاخد (كونياك) او (كورفوازير) والاخير هو الافضل لما فيه من نكهة لا تنسى وكما ويمكن طلب مشروبات اخري تعرف بال(ابيريتيفز) بعد الوجبه
كده تكون زرت اوربا وعرفت الاسينس بتاع اوروبا وحياتها ... احتمال ما ترجع الديرة تاني لو عملت القولتو ليك دا
تسلم وما قصدنا الا المزاح الذي ارجو ان يكون خفيفا ع البك (باللبنايني برضو)
دا البعرفو انا غايتو ما بعرف بتاع العمراب كيف
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: hammama)
|
العزيز حمامة الخير
كل سنه وإنت طيب
والسنه الجايه على أمانيك
و ربنا يحقق كل أمانيك
Quote:
تسلم وما قصدنا الا المزاح الذي ارجو ان يكون خفيفا ع البك (باللبنايني برضو)
|
مزاحك يدوش ياخي
ما قدرت أركز كويس
بس ما دام الشغله دى كده
حرّمت آكل بالشوكه والسكين من تاني
ما تغرك الصوره واللى فيها
دى حركات عشان الصوره تطلع حلوه ههههههههههههه
أما وراء العدسه ،،، عينك ما تشوف إلا النور
بعدين أسمع منى الأكل مشروع مميز ومحبب جدا
لكن حكايه الحاجات اللى بتتبع الأكل دى ما معانا ،،، إتفقنا ،،،
Quote:
دا البعرفو انا غايتو ما بعرف بتاع العمراب كيف |
دى بقي يا الخير ما بقدر أجاوبك عليها
دي عندها ناسها وهم أقدر على الرد
يمكن اقول الشوكه باليمين أو الشمال
تجى الشوكه و تتغزّ فى رقبتي ،،، الله يستر
تسلم على المرور الطيب
والله اسعدتني كتير طلعت زول إكييييييل
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
الأخ الحبيب محمد خليل الظاهر عليها رحلة جميلة وانت زول حبوب
لكن أنا مع الأخ القال ليك :-
Quote: ياحبيب
كل عام وانتم بخير
ياخوي اسمع كلامي دا وكان ما عجبك اديه البحر
نوع الصور الخاصة ما تنزلها هنا |
الصور الخاصة شديد نزلها في فيس بوك ممكن ..... والله أعلم
وبالذات مع الجو المشبع بالكراهية هنا ده يمكن الصور دي يوم توديك ...لاهاي
مودتي
اخوك
اسامة
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Osama Mohammed)
|
Quote: الأخ الحبيب محمد خليل الظاهر عليها رحلة جميلة وانت زول حبوب
لكن أنا مع الأخ القال ليك :-
ياحبيب
كل عام وانتم بخير
ياخوي اسمع كلامي دا وكان ما عجبك اديه البحر
نوع الصور الخاصة ما تنزلها هنا
الصور الخاصة شديد نزلها في فيس بوك ممكن ..... والله أعلم
وبالذات مع الجو المشبع بالكراهية هنا ده يمكن الصور دي يوم توديك ...لاهاي
مودتي
اخوك
اسامة |
العزيز أسامه محمد
كل سنه وإنت طيب يا جميل
الرحله فعلا كانت جميله وحلوه
وتجربه شخصيه أكثر من رائعه
خاصة وهى المره الأولى منذ عملى فى تلفزيون قطر
أقوم بتغطيه بطولة من بطولات العالم للزوارق السريعه
عشان كده قلت أشرك الناس معاى فى الحاجه دي
وما تخاف مافى حاجه بتودي فى داهيه ولا حاجه هههههههههههه
وتسلم على مرورك الجميل
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: وضاحة)
|
ست البنات ازييك
عيد سعيد .....
| Quote: والله انزل صورتى هنا تركعوا |
الأسد بخليك ........
اسمعيني يا بت الناس ..... أعتقد أنو محمد خليل أوعا من كدة وما تقومي نفسك ساي هو زول حبوب جداً وما قصدو شئ ...
لكن لقيتك .....صعبة خلاس ....
تحياتي ...
وأتمنىى إنك تفهمي كلامي صاح .... ورفقاً بالخلايجة ...... الناس معذورة ...
اخوك
اسامة
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Osama Mohammed)
|
يا استاذة وضاحة
الكلام دا عييب منك وما صحيح
| Quote: شفت ليك عمرابية بت رجال بتنزل صورها اون لين فى الشبكة العنكبوتية وخاصة فى سوق ام دفسوا دا |
يعني نحن المنزلين صورنا ما بنات رجال ولا ما .....
المسالة مختلفة عن ما في تصورك\م بالنسبة لموضوع انزال الصور
وهنااقصد انزال صورنا الحقيقية في البروافيل....
*****
معليش يا محمد ما سلمنا عليك
وتسلم على البوست
وااصل ومتابعين
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: وضاحة)
|
Quote:
حمادة
انا ماشة انوم طالعة من نبطشية والله كرهت الطب والشغل
كده البوست كفاك دفرنا ليك
بنجيكم بكرة
سلام يا حبيب
العفو والعافية عمرابية قلبها حار بث |
نوم العوافي يا جميل
وقلبك أبيض
بس عليك الله قومة النفس دى خليها ،، مضره بالصحه
وما تنسي تجينا بكره من بدري
عشان تكملى معانا بقية الحكايه
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: عادل عبدالعزيز عبد الرحيم)
|
العزيز عادل عبدالعزيز
كل سنه وإنت طيب
والسنه الجايه على أمانيك
ومحقق كل اللى فى بالك
Quote:
يا سانى يا حبيب
شايفك مركز على الصور المشهية
واحدة مع الرومانيات
والتانية مع الفاهييتا
رحلتك دى ما فيها حاجة اهم من ديل .. وموضوعها شنو اصلا
اسف لو كان كلامى تقيل عليك لكن دايرين المهم
كل عام وانت بخير |
تسلم على المرور الكريم
والله ما حكايه تركيز ولا حاجه
أنا متابع الرحله من البدايه بس
والحكايه وما فيها تغطية لبطولة العالم للزوارق السريعه فى رومانيا
تجربة شخصية وعمليه للمره الأولى فى عالم البحار
كنت كتبت الحاجه دي فى بوست سابق لبورداب رومانيا
وكتبت الغرض من الرحله فى البوست ده
وياريت تواصل معانا حتى النهايه وما تحرمنا من طلتك
وتسلم على كلامك الطيب ورأيك يُحترم يا جميل
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: وضاحة)
|
يااااااااه وضاحه بشحمها ولحمها معانا بى جااااااي
كل سنه وإنت طيبه
والسنه الجايه على أمانيك
والله لو عارف صوره زي دى راح تجيبك لينا
كنت سافرت من زمان وعملت سباق زوارق سريعه على حسابي
وهاك يا تصوير عشان تجينا من بدري
Quote: محمد خليل
الوسخ الزى دا عادى فى اوربا ومافى زول بعاين ليه
لكن انتوا في دول الشرق بتشوفوا حاجة خطيرة وبخلعكم
عايتوا بث غايتوا |
وسخ حته واحده يا وضاحه
تتصورى ما تخيلت يوم أقرأ كلمه زى دى منك
ومش فى البوست ده بس
فى أى بوست تاني
على العموم الحكايه ما موضوع خُلعه ولا دول الشرق
الحكايه تجربه شخصيه وعمليه قمت بها فى بلاد أوروبا الشرقيه
لتغطية بطولة للعالم فى الزوارق السريعه الفئه الأولى
قلت أجيب تفاصيلها هنا وآآآآدى كل الحكايه
وتسلمي على المرور الطيب
وخليك دائما معانا وما تبعدي عن البوست
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: وضاحة)
|
Quote:
محمد خليل
كل سنة وانت بالف صحة وعافية
ياخى انت فى دولة فيها احلى بنات فى الخليج
خواجيات شنو والله انا بطنى طامة منهم
فى احلى من القطريات واهل قطر
سلم لى على كل حتة فى قطر
من مستشفى حمد لى مستشفى الخور
بطل تنقل لينا حاجات تفتح عليك النار |
وإنت بألف خير يا وضاحه
مالك عايزه تضيعينا كده
مشيت لرحله عمليه
ما رحله خاصه عشان أشوف الجكس وكده
منطقتنا اللى كنا فيها كانت حته مقفوله
يعني الناس اللى داخل السور كلهم من منظمى البطولة
والحاجات اللى بتطمم البطن دى كانت بره فى أماكن تانيه
ونحن ما مشينا ليها يا جميل
يعني عشنا أيامنا فى إطار البطولة وناس البطولة
وتابعي معانا وراح تشوفى كل الحاصل
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
وضاحه دى والله سقاله منك ما أكتر الراجل مبسوط وداير يشركنا فى فرحتو انت مال أبو أهلك قريتى البوسط وشفتى الصور ما عجبتك شيلى كيسك وانزلى بدل تقعدى تتلايقى على راجل مشهود ليهو بكل ما هو جميل وماحصل يوم غلط على اى زميل او زميله فى البورد دا بل بالعكس من الناس المشهود ليهم بالاخلاق العاليه قال عمرابيه قال والله العمراب مافوقم كلام لكن أظهم خشم بيوت
نسيت أقول لى محمد كل سنه وانت طيب وربنا يحقق الامانى وواصل التوثي
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: WAD ELGAALI#4)
|
العزيز ود الغالي
كل سنه وإنت طيب
وربنا يحقق الأماني
ويديك على قدر نيتك يا جميل
Quote:
وضاحه دى والله سقاله منك ما أكتر الراجل مبسوط وداير يشركنا فى فرحتو انت مال أبو أهلك قريتى البوسط وشفتى الصور ما عجبتك شيلى كيسك وانزلى بدل تقعدى تتلايقى على راجل مشهود ليهو بكل ما هو جميل وماحصل يوم غلط على اى زميل او زميله فى البورد دا بل بالعكس من الناس المشهود ليهم بالاخلاق العاليه قال عمرابيه قال والله العمراب مافوقم كلام لكن أظهم خشم بيوت
نسيت أقول لى محمد كل سنه وانت طيب وربنا يحقق الامانى وواصل التوثي |
تسلم على الكلام الطيب ده
وإنشاء الله راح أكمل التوثيق حتى النهايه
بس إنت خليك متابعنا وما تنقطع
وإنشاء الله أكون دائما عند حسن ظنك وظن الجميع
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
محمد ساني
شونا الدحل ده تدخلنا باعتباره بزست دمار
وتكمله لينا كله بجاسم وعبد الظنبار؟؟؟.
بعدين خلينا من وضاحه الدجاله دي دي حقد وحياتك
يا وضحاه قطر شنو و الكويت شنو وحاتك الاوربيات دي فيهم حاجحات اسالي منها امارء الخيج نفسهم
يعني الامراء الممكن يتاح لهم اجمل الجميلات قاعدين يجوا يرجعوا هنا.
وبعدين رومانا دي فيها خلطة غجر بسكسون بيجننوا.
وقلت لي العمرابيات مالم؟؟؟؟
آخير تسكتي يا واضحه واحاتك اجيب لك صورهم حسه بالمايوهات.
بلا عمراب بلا بطيخ, العارف عزه مستريح.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: Tragie Mustafa)
|
تراجي إزيك
مالك طولتى الغيبه علينا
24 ساعه كامله بعيده مننا
Quote:
محمد ساني
شونا الدحل ده تدخلنا باعتباره بزست دمار
وتكمله لينا كله بجاسم وعبد الظنبار؟؟؟.
|
والله لا دجل ولا حاجه
بس الحكايه ماشه تاتا تاتا
يعني يادووووب خلصت تركيا وماشي لرومانيا
يعني لسه ما وصلت مكان الدمار يا جميل هههههههههههههه
خليكي معانا يمكن نصل سريع
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: هند محمد)
|
Quote:
الاخ محمد خليل سانى عيدك مبارك وكل عام وانت بألف خير
متابعين معاك وشكرا على امتاعنا بهذه اللقطات الجميلة
ربنا يحقق الامنيات |
العزيزه هند محمد
يا من تمتلكين ناصية الكلم والإبداع
كل سنه وإنتى طيبه
والسنه الجايه على أمانيك
وعقبال ربنا يحقق كل ما تتمنينه
وتسلمي على المرور الطيب
وخليك معانا ومتابعانا
مع عظيم التقدير والإمتنان.
| |
|
|
|
|
|
|
|
|
|
Re: رحلتي الى رومانيــــا (صور دماااااااااار) (Re: محمد خليل ساني)
|
محمد سانى وزوار البوست كل سنة وانتم طيبين
Quote: وقلت لي العمرابيات مالم؟؟؟؟
آخير تسكتي يا واضحه واحاتك اجيب لك صورهم حسه بالمايوهات.
بلا عمراب بلا بطيخ, العارف عزه مستريح. |
مابصدق ياتراجى عندك صور جلابيات بالمايوهات
الا تكون قامت حريقة وصوروهن بيهربن
او عندك صورة سارة جاد الله
ياسانى يااخى البوست دة واضح عليه من النوع البيقلب
كم صفحة كدة واهو قبل نهاية الصفحة الاولى جابت ليها
مايوهات فما عارفين يااخى فى الصفحة التالتة او الرابعة
القصة ح توصل لحد وين
لذلك اقترح انك توقف البث المباشر دة وتدى اى زول حقه
ناشف فى ايميله البيقع ليه مايوه والبيقع ليه عرقوب
والبيقع ليه شراع زورق سريع حسب نية الزول
بعد توافق ح نرسل الايميلات
وتسلم ياذوق
| |
|
|
|
|
|
|
| |
محمد خليل ساني
فيصل محمد خليل
Mustafa Satti
حيدر حسن ميرغني
khaleel
حسين عوضاى
ASHRAF MUSTAFA
سامى عتبانى
طارق جبريل
عامر تيتاوى
Maawya Hussein
محمد البشرى الخضر
Tragie Mustafa
khalid abuahmed
شهاب الفاتح عثمان
عبد اللطيف السيدح
Ro3ah
hammama
محمد عبد الماجد الصايم
Osama Mohammed
وضاحة
mayada kamal
Faisal Elrasheed
عادل عبدالعزيز عبد الرحيم
WAD ELGAALI#4
هند محمد
احمد التجانى احمد
فيس بوك
تويتر
انستقرام
يوتيوب
بنتيريست