|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
Quote: قام واحد منهم قالو ليهو دي نكتة تقولها قدام عوائل |
العزيز محمد خليل
علشان الرقابة دي مرات أنقل النكتة بالإنجليزية .. لكن هذه المرة وبعد محاولات عدة لإنتقاء كلمات تبعدنا من مقص الرقاب العربية حاولت هذه:
الشافع دخل الحمام وشاف أمه علي الحالة إياها.. راح مسك الشطر وقال: يمة ده شنو؟ فالت: دي بالونة. قال: طيب مالها صغيرة كدة أنفخها ليكي؟ قالت: يا ولد البالونة دي ما بينفخوها, إنت شفت الكبيرة وين؟ قال: انا شفت بابا بينفخ بتاع الخدامة..
تحياتي عبدالعزيز
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
Quote: واحد بيسكر ( مع اثنين من أصحابو ) لحدي مايتدمر ويغلبو المشى والوصول لبيتو ، وفوق دا كلو طويل لسان ، ولسانو فلغة، فاصحابو بيشيلوهو في قفة ، وكل واحد بيمسك القفة من أضان لحدى ما يوصلوهو بيتو ، ، وفي يوم الجماعة شايلين صاحبنا وهو مطين وغاطس لراسو في القفة ، شاف واحد سكران وماشي في الشارع يمين شمال و بيترتح ، قام قاليهو :- إنتو وكت ما قادرين عليهو الجابركم شنو ...؟؟؟ |
D: D: محمد خليل خوفي علي البوست دا يمشي بهناك..
إمام جامع أثناء الصلاة جاهو رعاف فجأة.. قام أشار للمأموم على أساس يكمل الصلاة بالناس ومشى يغتسل في الماسوره.. بعد خلص اتلفت لقى المأموم واقف وراه.. قال ليهو: يا زول مالك ما كملت الصلاة بالناس؟ المأموم قال ليهو: والله افتكرتك عايزني في موضوع..
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: هشام حسن)
|
Quote: إمام جامع أثناء الصلاة جاهو رعاف فجأة.. قام أشار للمأموم على أساس يكمل الصلاة بالناس ومشى يغتسل في الماسوره.. بعد خلص اتلفت لقى المأموم واقف وراه.. قال ليهو: يا زول مالك ما كملت الصلاة بالناس؟ المأموم قال ليهو: والله افتكرتك عايزني في موضوع.. |
ابو الشوش حلوة يا صديق
طبعا في الصلاة اذا جا زول ولقى الصفوف مكتملة بجر ليهو واحد من اخر صف عشان ما يصلي براهو وبعض المتفقهين اذا كان في الصف الاخير ولمح واحد مسبوق في الصلاة ومافي طريقة ليهو في الصف بتأخر خطوتين عشان المسبوق ما يقيف براهو ..
مرة واحدجاي متأخر في صلاة الجمعة والصفوف كلها مكتملة فوقف ورا اخر صف واحد من الجماعة اتراجع خطوطتين عشان ما يخليهو براهو قام صاحبنا المسبوق طوالي دخل مكانو..
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: هشام حسن)
|
وصلني هذا الايميل الظريف هذا الصباح
لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده ...تبقى أكيد فى السودان ***** لو إنت فى بلد فيهو سنه سابعة وسنة تامنه ابتدائى… تبقى أنت أكيد فى السودان ***** لو طالعت إعلانات لشركات (مسئول) كبير وهو لا زال (فى الخدمة)… تبقى أنت أكيد فى السودان ***** لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)… تبقى أنت أكيد في السودان
*****
لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة و(ميتين) رسالة (ماجستير)... تبقى أنت أكيد فى السودان ***** لو أنت في بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد) خلوهو .. وبعد شويتين قالت (فاسد) أمنعوهو …. تبقى أنت أكيد في السودان ***** لو لقيت فى بلد (الصحف) بتتقفل بى (مادة) فى القانون (معموله للمطاعم) …تبقى أنت أكيد فى السودان ***** لما تلاقى الترزي كاتب على باب المحل بتاعو آية بتقول ( وفصلنا كل شئ تفصيلا) صدق الله العظيم … تبقى أنت أكيد في السودان ***** لما تخلص موضوع فى مكان ما، وتجى تركب عربيتك وتلاقى (المساحات) مرفوعه عشان تعرف على طول انو فى واحد مسحها ليك وح ياخد منك واحد جنيه … تبقى أنت أكيد فى السودان *****
لو قرأت الصحف فى 1987 أو فى 2016 عن (إنتهاء قطوعات) الكهرباء ولقيت نفس الكلام فى صيف 2030 … تبقى أنت أكيد فى السودان
*****
لو زوجة الوزير مليانة دهب بتتجدع بيه بالعلن في الشارع من غير حساب وأطفالها بيملطشوا اولاد الجيران... تبقى أكيد إنت في السودان
*****
لو أهم (كبرى) فى عاصمة البلد صيانتو عاوزة ليها (سنتين)… تبقى أنت أكيد فى السودان ***** لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية ... تبقى أكيد أنت في السودان ***** لو لقيت أنو وزارة الداخلية عندها مؤسسات (تعليمية) ووزارة التعليم عندها مؤسسات (صحية) ووزارة الصحة عندها (شركات إنشائية)… تبقى أنت أكيد فى السودان
*****
لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى )..تبقى أنت أكيد في السودان ***** لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة ...تبقى أنت أكيد فى السودان *****
لو توقفت (الحركة) إثناء ساعات (الذروة) وإكتشفت أن السبب (كشه)... تبقى أنت أكيد فى السودان ***** لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله... تبقى أنت أكيد فى السودان ***** لو وجدت أن (ترخيص عربتك) يساوى (ربع) قيمتها …. تبقى أنت أكيد فى السودان ***** لو تقدم إبنك (المهندس) لشغل وظيفة وكان (الإنترفيو) عن (صلاة الجنازة)... تبقى أنت أكيد فى السودان ***** لو (فجأة) إكتشف (المسئولون) أن (الخريف) على الأبواب)... تبقى أنت أكيد فى السودان ***** لو عندك (الكلية) اليمين متعطلة وعاوزين يشيلوها ليك قامو (إستأصوا) الشمال السليمة لأنو الدكتور كان ماسك الأشعة (بالمقلوب)... تبقى أنت أكيد فى السودان *****
لو مكث (مرتبك) معك (تلاته ساعات وإطناشر دقيقة) هى الفترة من لحظة إستلامه من الصراف إلى حين عودتك للمنزل... تبقى أنت أكيد فى السودان ***** لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر…. تبقى أنت أكيد فى السودان ***** لو لقيت لوري التراب وكومر البلدية من سنة 50 شغال بالاضافة للركشة في نفس الشارع... تبقى اكيد انت فى السودان ***** لو وجدت أن رؤساء (الأحزاب) هم (رؤساء) مدى الحياة... تبقى أنت أكيد فى السودان
***** لو وجدت أن نسبة الفقر تزداد بإزدياد (معدل النمو تبع الحكومة) …. تبقى أنت أكيد فى السودان ***** لو ضربتك عربية حكومة و مشيت القسم و طلعتا انت الغلطان... تبقى اكيد انت في السودان ***** لو خشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان ***** لو طلعت مستحمي و متريح وماشي عرس و دخلت العرس زي الكأنك كنت بتلعب كورة... تبقى انت اكيد و اكيد في السودان *****
لو ماشي مشوار 20 كيلو متر و وصلتا في 4 ساعات... تبقى انت اكيد في السودان *****
لو لقيت مطعم وقدامو دورات مياه... تبقى اكيد انت في السودان *****
لو مشيت الحوادث و قالو ليك لو (عندك رصيد اضرب للدكتور لانو نايم)... تبقى انت اكيد في السودان *****
لو شغال في السوق و قالو ليك ادفع ضريبة ميزان ... تبقى اكيد انت في السودان *****
لو لقيت اجنبي وعواطلىو عندو صلاحية اكتر منك و الناس كلها تحترمو... تبقى انت اكيد في السودان *****
لو اعلنو عن 3000 وظيفة و مشيت تقدم في اليوم الاول و قالو ليك (تعال بكرة لانو لجنة المعاينة ما اكتملت) و جيت تاني يوم و لقيت التقديم قفل... تبقى انت اكيد في السودان *****
لو لقيت حي ساكن فيهو مسؤول كبير و الكهرباء فيهو ما بتقطع نهائى... تبقى اكيد انت في السودان *****
لو محتاج حاجة و لقيت اقرب حتة تجيبا منها على بعد 3 كيلو متر... تبقى اكيد انت في السودان
*****
لوقريت الكلام دا وما علقتا ولا جنيت وكنت بارد شديد ومستسلم... تبقى أكيد أنت من السودان ***** ولو ما مرت بيك اي حاجة من الفوق دي... تبقى اكيد انت ما من السودان
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: mohmed khalail)
|
عشان كده السودانيين عاملين نكتة يسخروا فيها من حالهم . قالوا فى يوم القيامة لماالأمم بعثت للحساب . وأدخل من أدخل منهم النار و أدخل من أدخل الجنة ، إلا السودانيين فضلوا ملطوعين لا جنة ولا نار وبقوا محتارين . شافوا إبليس يتحاوم من بعيد نادوه وسألوه إذا كان يعرف حاجة عن مصيرهم . قال ليهم : سامع تحت تحت فى فكرة يرجعوكم السودان
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: Abdlaziz Eisa)
|
واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون.....
مرة واحد غبي ضاعت محفظته راح القسم عمل محضر الظابط بيقولوا ماتقلق يابلدينا هنجيباليك من تحت الأرض وبعد ما خرج من القسم شاف الناس بيحفروا للخط بتاع المترو راح قايل ليهم همتكم يارجالة سودة وبسوستة...
بيقولك 2 حرامية حبوا يسرقوا شقة واحد.. ففى واحدنط فى البلكونة فالراجل مسكو فقاليهو انت بتعمل شنو هنا؟ قال: شوف ياعم الحاج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا.. راح الراجل قايل ليهو:ايوة كدة انت بطل مش التانى اللى نايم فى البانيو ويقولى ضفادع بشرية.....
مع التحايا عبدالعزيز
واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت هنتفلك ريشك البغبغان يقوله هات كاس يقوله اقعد ساكت هنتفلك ريشك جرس الباب رن قام يفتح فالبغبغان مسك الازازه شربها فلما المسطول رجع قاله ايه ده ؟ قام البغبغان قاله شربت الازازه وادى الريش اللى انت قارفنى بيه أهو
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: ياسر عدوي)
|
Quote: مسطول قدر ما يشرب سفن اب (7 up) بقي يمشي سبعة خطوات وينط....
|
ابو الياء يا ظريف
دي وقعت لينا في جرح
Quote: واحد بيتشم يومي قام تاب وفي يوم اصحابو اصرو علية يشرب معاهم
رفض واصور علية بي كاس واحد عمك طلع من عندهم وفي الشارع وقع
ذلط صلعتة في البيت وقف قدام المرايا وبد يلصق في الصلعة
الصباح مرتو قالت لية تاني رجعتة لي سجمك دي قال ليها مارجعتة
قالت ليهو من ماشفتا الصق في المرايا عرفتك |
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: Hisham Ibrahim)
|
شكرا يا ابو الشوش على الحزام الناسف العريس ده بيكون وارد افغانستان
وهاك دي سمعتها حاااارة من البوردابي الانيق الصديق عماد خليفة (ابو نوف)
مسطول كورنجي شامي ليك جارو شمة شديدة,,, جارو شغال في المطار الجماعة البيكونو في المدرجات شايلين اعلام وعصي صغيرة وبنزلو الطيارات ديلك يوم جا راجع من الشغل لقى ليك الجار ضابح خروف والموضوع شكلو فيهو كرامة كاربة,, وولد جارو الصغير شغال مع الضباح بقطعو في اللحم,,فسال الشافع في شنو ,,الكرامة دي لي شنو يا ولد قال ليهو: *ابوي ادوه ترقية -ابوك ,, البنزل الطيارات رقوهو *ايوا يا عمو,, -اصلو بقي ينزلها بي صدرو
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: محمد عبدالله سيد احمد)
|
Quote: طولنا من البوست بتاعك لاني انشغلت في مواضيع جادة شوية .. لكن برضو وسط جديتها كنا بنتذكركم فيها بي طرفة او قفشة المهم اليوم شفت البوست ولقيت الجماعة بقو يطلعوا خارج النص .. وحرصا منا علي البوست بتاعنا .. نرجو من الجماعة الالتزام بعنوان البوست .. واخلاقيات المنبر .. يعني ممكن نطلع شوية للنكات القبلية رغم انو في ناس عندهم راي فيها .. بس حكاية الدين دي ابعدو منها اللهم الا اذا كانت هناك فتوى تبيحها .. كمان السفاهة دي حاولو خففو من حدتها شوية .. يعني مراعاة الكلمات والمعاني يعني انا حأديك مثال لنكتة فيها سفاهة ودين لكن اتحدي اي رجل دين او مصلح اجتماعي يعيبها لي قال ليك الراجل مشى بيوت الدعارة .. وجابو ليهو واحدة تبيت معاهو .. الصباح لما صحى لقاها زوجتو .. عاين ليها كدااااااا .. قال ليها: والله يا ام فلان عمري دة كلو بنوم معاك .. لكن ما استمعت معاك الا الليلة هي قصة اعتقد انها من اخبار النساء لابن الجوزي ولكن انا سمعتها من شيخ ازهري وفي قناة فضائية محترمة .. يعني لا اللفظ لا المعنى فيه ما يحرمها وحأرجع ليك |
الاخ العزيز الفاضل عبد اللطيف
وبركة بالشوفة..
تصدق ان ده اول لي دخول للمنبر من مدة والسبب ان باسويردي كان (مهكر) وكلامك كلو في محلو
وحلوة العودة القوية ونشدد على كلمة نقية دي
تسلم يا حبيب
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: ابراهيم محمد موسي)
|
Quote: ثنين مساطيل اتلاقوا لاول مره في بيت واحد صاحبهم مروق عندو غرفه مكندشه واحد منهم شعر بالبرد و قال لصاحبه انا بردان من المكيف فرد ليهو اخونا على الفور وانا عادل من عطبرة |
لووووووووووووووول
Quote: مسطول سأل بتاعة الاتصالات: عندكم مفتاح امريكا قالت ليهو ايوه في قال ليها: اعملوا لي منو نسخة |
ابراهيم
خليها نسختين
شكرا يا حبيب على المرور الجميل
| |
|
|
|
|
|
|
Re: نِكات آخر موديل..مع عالم المساطيل..استراحة مع فكاهة نقية (Re: elfadl abdellatif)
|
قال ليك واحد ميكانيكي حصل ليهو حادث واصبعو اتقطع .. الزملاء شالو الاصبع ختوهو في تيرموس مع التلج وجري علي المستشفي .. الدكتور قال ليهم جميل عملتو كويس الاصبع بحالة جيدة .. يللا وين المريض? قالوا ليهو : ليه? كان لازم يجي معانا?
الجماعة في القرية اول مرة يخش التلفزيون .. بالمساء شافو المذيعة قدمت السهرة وقالت في النهاية تصبحو على خير .. الصباح قامو بدري شغلو التلفزيون .. قال ليك عشان يشوفو المذيعة بفستان النوم
المسطول ليلة الدخلة ما لقى موضوع قال للعروس : هسي اهلك عارفين انك هنا?
| |
|
|
|
|
|
|
|