كتب الكاتب الفاتح جبرا المتوفرة بمعرض الدوحة
|
Re: السودانيون في عُمان.. منهم.. وإليهم (صور) (Re: الطيب شيقوق)
|
شيقوق:Quote: ود الخضر ما تنوم البوست الرائع ده |
عشان ما ينوم البوست أطرح اقتراحا مستمداً من فكرة كان قد تقدم بها الأخ الزاكي عبد الحميد بأن يلتزم بكتابة مقال راتب اسبوعي (يعني على طريقة كتاب الأعمدة في الجرائد السيارة) على أن يلتزم بالمثل عدد من الأخوان في مسقط (بورداب وغيرهم) بأن يكتب كل منهم مقالا راتباً يختار له عنوانا ثابتا. وبهذه الطريقة نضمن تنشيط البوست بصفة مستمرة في إطار طرح وتبادل الأفكار على المستوى المحلي، وعلى مستوى المنبر العام.
نأمل أن تلاقي الفكرة التجاوب المنشود، وأن تدخل في حيز التنفيذ بأسرع ما يمكن.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
استاذنا ود الخضر
اثني اقتراح الاستاذ الزاكي عبد الحميد وارجو ان تسمحوا لي بضربة البداية التي اخترت ان يكون عنوانها ( دخان الطلح)
الدخان في التراث العربي نوعان البخور المعروف وتُطيب به الأجسام والثياب والبيوت ، والدخان الذي تصطلي به المرأة العربية بغرض الاستدفاء أو الزينة ، وكلا النوعين عندنا في السودان. ولنساء السودان بهما عناية فاقت عناية نساء العرب ، وعادة الدخان كادت تختفي في البيئة العربية إلا عند المرأة السودانية التي صار الدخان لها من أهم أدوات الزينة ، والنساء حريصات على هذه الصفرة المكتسبة ، وهي صفرة محبوبة مشهورة ومذكورة في التراث حتى انهم يقولون للون الأصفر المشرب بحمرة (دخان عزبة) بل يسمون أنواعا من الطيور بذلك ففي عصافير الخريف زوجان كنا نصنع لها الحبائل (الشرك) لصيدها وتسمي الأنثى (قُيحة) ، ولون القيحة جذاب جميل فيه صفرة فاقعة مشربة في بعض اجذائها بحمرة نسميها (دخان عزبة) ، والنساء يطلبن الجمال ويحافظن عليه مهما كلفهن ذلك ، ولا شئ أدل على ذلك من هذا الحريق
المستعر الذي تجلس فوقه المرأة السودانية اسفله نار تحرق المراة السودانية واعلاه دخان يخنق واوسطة غملة وشملة لا تناسب الجسم الذي يُشبهة الشعراء بالحرير حتى قال احدهم
لان حتى لو مشى الذر عليه كاد يدميه
والذر صغار النمل ، ونحن نسميها الدر أما (الغملة) فمن فصيح العامية السودانية ، وغمل الرطب والموز حتى يستويا وينضجا معروف عندنا ، واما الشملة وهي ذلك النسيج من شعر الاغنام فانها غاية في الخشونة وربما استبدلت بها في زماننا هذه البطانيات ، وهي قطعا ارحم وانعم ، ، ونحن ربما أشفقنا على النساء من كل ذلك وهو عليهن هين ، لان العبرة بالخواتيم ولابد دون شهد من ابر النحل ، فالدخان اذا برد حلا وجلا أما (حلا) فحلاوته معروفة لان له عبقا وريحا طيبة بعد التضمخ بالخمرة وغيرها من ألوان العبير والعطور ، وهي في تلك الحال من حلاوة الطيب الناتجة عن ندى البوخة تصبح كأنها مقصودة ، و أما جلا فالدخان يجلو الجسم ويكسوه لونا مشربا بحمرة فيصبح الجسم الأبيض معصفرا والجسم الأسمر كاكاويا ورديا او كالوردي ،
وحفرة الدخان من أهم أداة الزينة بالسودان تكون في كل بيت وتوضع فيها أخشاب الطلح وتقعد المرأة فوق نطع بعد تكون قد ادهنت نفسها بشملة ثقيلة من الشعر لا يبدو إلا رأسها وهو حمام ساخن ، نعم حفرة الدخان كانت ومازالت من الظواهر التي لا تكاد تخطئها العين في كل بيت والقرى أما في الريف فهي في كل بيت في ناحية منه في داخله أو في زاوية أو في برندة أو في راكوبه ، ووضعها في راكوبة أو في الحوش ارحم واسلم لانه يجعل لك الحمام الخانق في هواء طلق ليلا فالليل بارد وكافر (أي : ساتر) ،، أما النطع فلعلة اختفى أو كاد لمن لا يعرفه بساط كانت العرب تصنعه من الجلد المدبوغ ، أما عندنا فهو بساط من خوص أو سعف أشبه بالتبروقه أو المصلاية المستديره ، مثقوب في وسطة ، يبسط فوق حفرة الدخان فيقابل ثقبة فوهة الحفرة
راجع http://www.sudaneseonline.com/sudaniat/dukhan.htm
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
كتب شيقوق:
Quote: اثني اقتراح الاستاذ الزاكي عبد الحميد وارجو ان تسمحوا لي بضربة البداية التي اخترت ان يكون عنوانها ( دخان الطلح) |
شكرا يا شيقاعلى الاستجابة السريعةالتي أكدتهاايضا باتصالك الهاتفي، وطبعاياشيخ العرب ياهو دا المحري فيك دائما. شيقوق وعد بأن يطالعنا بمقاله (دخان الطلح) يوم السبت من كل اسبوع، وننتظر من الأخ الزاكي أن يحدد عنوان مقاله واليوم الذي يناسبه.كما نأمل أن نجد تجاوبا مماثلا من بقية الأخوة، وبذلك ينمو البوست ويزدهر. وإليك يا مسنوح أول تعليق:
دخان الطلح عادة سودانية متأصلة لدرجة أن السودانيات المغتربات نقلنها معهن إلى بلاد المهجر. يحكي أن سيدة سودانية تسكن وزوجها في الطابق التاسع من عمارة في احدى الدول الأوروبية، استطاعت أن (تولع) دخانهابطريقة أو أخرى، فخرج الدخان بكثافة من نوافذ الشقة فما كان من أحد المارة إلا أن هرع إلى التلفون طالبا من الدفاع المدني الحضور فورا لإنقاذ العمارة من الحريق. وهات يا لمة وصراخ وسلالم وأجراس إنذار .. الخ، وإذا الموضوع في النهاية يطلع فشنك؟؟!!
ويقال، والعهدة على الراوي، أنه عندما بدأ السودانيون يفدون إلى عمان في أوائل السبعينات سأل رجل الجمارك أحد القادمين في مطار السيب: ليش تجيبون الحطب من السودان؟ الحطب واجد في عمان؟؟!!
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
Quote: عشان ما ينوم البوست أطرح اقتراحا مستمداً من فكرة كان قد تقدم بها الأخ الزاكي عبد الحميد بأن يلتزم بكتابة مقال راتب اسبوعي (يعني على طريقة كتاب الأعمدة في الجرائد السيارة) على أن يلتزم بالمثل عدد من الأخوان في مسقط (بورداب وغيرهم) بأن يكتب كل منهم مقالا راتباً يختار له عنوانا ثابتا. |
إقتراح جميل واضم صوتي إلى الموافقين عليه والتزم بكتابة عمودي الثابت في نشرة الدعاش بإسم : حقائق ومعلومات وطرائف إن شاء الله
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
شيقوق:
Quote: اثني اقتراح الاستاذ الزاكي عبد الحميد وارجو ان تسمحوا لي بضربة البداية |
عمار:
Quote: التزم بكتابة عمودي الثابت في نشرة الدعاش بإسم : حقائق ومعلومات وطرائف |
الزاكي:
Quote: العمود حيكون اسمه كالتالي: يوم شكرك يجي! |
أخوتي شيقوق وعمار والزاكي: شكرا لكم على استجابتكم الكريمة، وأبشر القراء بمادة دسمة من أقلامكم الرشيقة. كما يسرني أن أعلن عن التزام الأخت الشاعرة سمية طلحة، والأستاذ الكبير/دهب أحمد خيري على المشاركة بمقال راتب أسبوعيا، ولا زلت أتطلع إلى المزيد من التجاوب والمشاركة من بقية الأخوة والأخوات وأشكرهم مقدما.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: حيدر امين)
|
الخدر
كما يسرني أن أعلن عن التزام الأخت الشاعرة سمية طلحة، والأستاذ الكبير/دهب أحمد خيري على المشاركة بمقال راتب أسبوعيا،
يعني الشوبة بتجيني بعد اربعة اسابيع ؟
عيييييييييك دخاني كدا حيمشي فوق لضهاري الاوزون وبكون expired
اقترح انتيرفالس - على حساب الزاكي - لتنشيط الذاكرة الدخاخينية
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
اسمعوا النضم ده واسكتوا بس :-
تبنت حفرتها جابت الكليت والصندل اوقدت الطلح قلبى الرهيف اتجندل ونادت صاحبتا ناير جسيما ممندل طبقو البوخة صنقور راسى وقف اتسندل
وقال ود البطانة
تبنت حفرتها السمحة جات تتدخّن اوقدت الطلح جاب بوخوعكلت وسخّن ونادت صاحبتها قعدن يمين ما نخّن وبعد البوخة عجنن دلكتهن واتلخّن
وواحد تاني اتجنن وشنق وقال :-
تبنت حفرتها زيراً قديم وممتّن اوقدت الطلح بوخاتو للحيل بتّن ونادت صاحبتها ملصن دهوبن وختّن وبعد البوخة جرن للتياب إتغتّن
هييييييييييييع كع
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
Quote: كما يسرني أن أعلن عن التزام الأخت الشاعرة سمية طلحة، والأستاذ الكبير/دهب أحمد خيري على المشاركة بمقال راتب أسبوعيا، |
إذن عادت نشرة الدعاش ولكن إسفيريًا سيكون موضوعي الإسبوعي بحول الله وقوّته مربوع دوبيت مع الشرح و مع أشعار الخال الشيخ عبد العزيز :
نحنا بنركب التيس البقرقر حِسّو ونحنا جميع اللنفخ بِنفِشّوا وريلات المعوز بالفارغة ما تتفشوا كل طيرًا بِكوس نقدو وبرِك فوق عِشو
شرح مختصر : في البيت الأول يصف الجمل زاملة الركوب بالقوة وعلو الصوت ، ماصع وهادر وفي الثاني يقول بِـ فش أو تفدير كل من نفخ نفسه أورفع عنقرته أو نفش ريشه بالفاضي وريلات : جمع مفردها وِريل وهو تصغير ورل ، والورل شبيه التمساح شكلاً وليس فعلًا وغالبًاما يتبع الماعز ليرضع اللبن ولا يجروء على المهاجمة وفي البيت الأخير يثبِت الخال الشيخ عبد العزيز أن الطيور على أشكالها تقع وكل إنسان بعمل الحاجة البتشبهوا .
| |
|
|
|
|
|
|
Re: السودانيون في عُمان.. منهم.. وإليهم (صور) (Re: سمية الحسن طلحة)
|
شيقوق:
Quote: يعني الشوبة بتجيني بعد اربعة اسابيع ؟ |
لا لا . كل واحد عليه الالتزام بيومه الذي أختاره من كل أسبوع، ولا مانع أن يكون هناك أكثر من مقال في كل يوم. المهم عليك أن تلتزم بموعدك مع الفراء وهو يوم السبت. خليك زول بندر شوية!!
Quote: ونادت صاحبتها ملصن دهوبن وختّن وبعد البوخة جرن للتياب إتغتّن |
وبعدين معاك يا مسنوح يا مغزلن. بس بيني وبينك زولك شاعر سليط؟!
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
ود الخضر
سمية بت طلحة
Quote: إذن عادت نشرة الدعاش ولكن إسفيريًا سيكون موضوعي الإسبوعي بحول الله وقوّته مربوع دوبيت مع الشرح و مع أشعار الخال الشيخ عبد العزيز :
نحنا بنركب التيس البقرقر حِسّو ونحنا جميع اللنفخ بِنفِشّوا وريلات المعوز بالفارغة ما تتفشوا كل طيرًا بِكوس نقدو وبرِك فوق عِشو
شرح مختصر : في البيت الأول يصف الجمل زاملة الركوب بالقوة وعلو الصوت ، ماصع وهادر وفي الثاني يقول بِـ فش أو تفدير كل من نفخ نفسه أورفع عنقرته أو نفش ريشه بالفاضي وريلات : جمع مفردها وِريل وهو تصغير ورل ، والورل شبيه التمساح شكلاً وليس فعلًا وغالبًاما يتبع الماعز ليرضع اللبن ولا يجروء على المهاجمة وفي البيت الأخير يثبِت الخال الشيخ عبد العزيز أن الطيور على أشكالها تقع وكل إنسان بعمل الحاجة البتشبهوا . |
دى تسخينة من سمية ساى لسبتها القادم ولا تغول على يوم شوبة ود شيقوق؟
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
الله يرحب بيك ياود الخدر ويشرف مقدارك *
الطيب شيقوق
Quote: دى تسخينة من سمية ساى لسبتها القادم ولا تغول على يوم شوبة ود شيقوق؟ |
اليوم الأحد وهذا عمودي الراتب كل أحد
لا بتغول لا بتحول ولا بتدول
قال ود الشوبلي : لا بنخاف لا بنعاف لابنتردد لا بنكِز لا بنفِز ولا بنتهدد كمان للزول البخون عشرتنا مابنتودد نبقالوا البلى في كل فجة ممدد
| |
|
|
|
|
|
|
Re: السودانيون في عُمان.. منهم.. وإليهم (صور) (Re: سمية الحسن طلحة)
|
انعقد مساء أمس الأحد بالنادي السوداني الاجتماع التفاكري الأول الذي دعا له مكتب الإعلام والشئون الثقافية (انظر الصور أعلاه).
ناقش الاجتماع الذي حضره عدد كبير من أعضاء النادي ذكورا وإناثا عددا من المواضيع من بينها تقييم الأداء في مجال الشئون الثقافية للموسم السابق، والبرنامج الثقافي للموسم الجديد، وكيفية تنظيم المحاضرات وتنويعها، وتوثيق الفعاليات الثقافية.
توصل الاجتماع إلى العديد من التوصيات التي يؤمل أن يسترشد بها المكتب المختص في المجال الثقافي خلال الدورة الحالية. أما فيما يختص بالجانب الإعلامي، فقد وعد مسئول المكتب بتناوله في اجتماع لاحق.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
كتب عمار:
Quote: يا ود الخضر أنا عايز لي عمود تاني بإسم : توتي بين المطرقة والسندان ممكن ولا نمشي سودانيز أوف لاين |
تااااااني يا عمار؟! يحلنا الحلا بله!! اقرأ تحذير شيقوق أدناه
شيقوق:
Quote: ابعد منو يا ود الخدر زولك ده برد عليو انا القدرو دا |
بالحيل قدرو وقدود. بس برضو أعمل حسابك منو!! دا جنو تووووتي.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
سيف الدولة محمد أحمد:
Quote: شيلو شيلتكم جيتكم متلب تاني بعد ما الباشمهندس بكري رجع لي الباسورد. له الشكر والتقدير. أرحب بفكرة ال e-Duash بس دي بيخرجوها كيف يا ود الخدر؟؟ِِ |
الأخ سيف الدولة حمد الله على سلامة الباسويرد. هكروك واللا شنو؟ حلوة منك مصطلح e-duash ، أماالإخراج فنحن حنروح منك فين؟!
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
[B]لمحات دهب أحمد خيري
السودانيون في سلطنة عمان يتمتعون باحترام و تقدير قلما يجده العامل الأجنبي في أي من دول الخليج الأخرى ،و ذلك بفضل الرعيل الأول من المعلمين الأوفياء الذين تركوا أثراً باقياً ف] نفوس أهل عمان . و لأن العمانيين بطبعهم أهل وفاء و تواضع وأدب جم ، فقد حفظوا لؤلئك المعلمين و أبناء جلدتهم قدراً هائلاً من الإجلال و الود. عندما وصلت إلى مطار مسقط لأول مرة،بمعية اثنين من زملائي المعلمين، وجدنا في استقبالنا رجلين، أحدهما السائق المكلف بنقلنا إلى الفندق، أما الآخر فلم نعرف طبيعة دوره فى هذا الاستقبال، إلا أن همته في نقل حقائبنا إلى السيارة ، أوحت إلينا بأنه -أغلب الظن - عامل كُلف بهذا الأمر. وتأكد لنا ذلك الظن عندما ضاقت السيارة بنا و بحقائبنا فاختار الجلوس في المقصورة الخلفية للسيارة وحقائبنا تحيط به من كل صوب. قضينا ليلتنا في الفندق، وفي صباح اليوم التالي جاءناالسائق نفسه لنقلنا إلى الوزارة لمقابلة مدير الدائرة التي سنعمل بها، وهناك، أشار إليناالسائق إلى باب مكتب المدير، فدخلنا، فإذا بنا وجهاً لوجه، أمام صاحبنا الذي لا يغبانا... ذات الشاب الذي نقل حقائبنا إلى السيارة و اختار الجلوس بين الحقائب!! لقد حقق ذلك الشاب ، بأصالته و تواضعه و تفرد مسلكه، حقق لبلاده و سمعة أهلها، في دقائق معدودات، ما كان سيستغرق وزارة السياحة أعواماً من الترويج و البذل و فنون العلاقات العامة.
الأستاذ دهب سيطل علينامشكورا يوم الثلاثاء من كل أسبوع تحت العنوان أعلاه. فترقبوه.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
خبر سار
بكل مشاعر التقدير والاعتزاز يسرني أن أعلن للقراء أن الأخوة الآتية أسماؤهم قد التزموا مشكورين بالمشاركة في هذا البوست بكتابة عامود راتب حسب الجدول أدناه: الاسم اليوم الطيب شيقوق السبت سمية بت طلحة الأحد عمار محجوب الاثنين دهب أحمد خيري الثلاثاء الزاكي عبد الحميد الأربعاء
ولا زالت الدعوة موجهة لكل من يرغب في إثراء البوست بمشاركته، ولا مانع بالطبع من أن يكون في اليوم الواحد أكثر من عمود مع الشكر لهم مقدما.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
كتب دهب أحمد خيري:
Quote: وفي صباح اليوم التالي جاءناالسائق نفسه لنقلنا إلى الوزارة لمقابلة مدير الدائرة التي سنعمل بها، وهناك، أشار إليناالسائق إلى باب مكتب المدير، فدخلنا، فإذا بنا وجهاً لوجه، أمام صاحبنا الذي لا يغبانا... ذات الشاب الذي نقل حقائبنا إلى السيارة و اختار الجلوس بين الحقائب!! لقد حقق ذلك الشاب ، بأصالته و تواضعه و تفرد مسلكه، حقق لبلاده و سمعة أهلها، في دقائق معدودات، ما كان سيستغرق وزارة السياحة أعواماً من الترويج و البذل و فنون العلاقات العامة |
صورة مشرقة وشهادة حق لأخواننا العمانيين. التحية لذلك المدير الشاب وأكثر الله من أمثاله ولا شك أنه قد حقق لبلاده سمعة طيبة بمسلكه الفريد.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
العم الجليل ود الخضر لك التحية والتقدير والاحترام ولزوارك الكرام.. رغم انى قررت الابتعاد عن المشاركة فى هذا الفضاء الاسفيرى تحديدا حوش بكرى الالكترونى..وذلك لاشياء فى نفسى ... لكن عز على ان ارفض لك طلبا.. واليوم تحديدا كم هزتنى عبارتك المؤثرة التى اجبرتنى ان اخرج من وحدتى رغما عنى.. واشاركك مقترحك الجميل .. ايضا فرحت ايما فرح بعودة الدعاش اسفيريا لك ولكل زوار وقراء هذا البوست التوثيقى الجميل كل التحايا والتقدير سوف تكون مشاركتى معكم حسب الاتفاق يا استاذنا الجليل يوم الخميس باذنه تعالى تحت عنوان وتريات المهجر وتريات المهجر وهو اسم الديوان الاول الذى سوف يرى النور قريبا ان شاء الله الى ذلك الحين اكرر شكرى وتقديرى ودمتم جميعا اهل واحبة فى غربتنا التى طالت التحية للجميع اسماء الجنيد / مسقط
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الفاتح الجنيد)
|
Quote: حاج الخضر زادو فى الدنيا كان حمار ، وملود ، وسلوكه وانت زادك السوط والقرطاس والقلم !!! مافى طريقة نحلها الا بالدمج |
هييييييع ود الجنيد امانة الليلة ما جبت النضمي السمح
ود الخضر بتعرف طائر اسمو ابو الملود؟
انت يا الفاتح دحين ابو الملود راح وين؟ زمان كان بعلق فوووق ويجي عامل لاندنج في الزقاقات ويجي متلهمك زى الرصاصة الا تزوغ منو
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الفاتح الجنيد)
|
Quote: والاثنان ينبعان من مرتفعات الحبشة
|
في حادث أليم قبل حوالي أربعين عاما غرق شاب من أطهر وأنبل وأذكى شبابنا في جزيرة توتي غرق في النيل الأزرق أيام عنفوانه في موسم الفيضان وحزنت الجزيرة حزنا شديدا وعبر أحد شعرائها عن أسفه لهذا الحادث بهجاء حاد للنيل الأزرق الذي ينبغ من بحيرة تانا قائلا فيما قال في تلك المرثية الشهيرة لذلك الشاب الفقيد :
أخذت يا نيل أنبلنا وأشرفنا وأصفانا لا خير في نيل أصله تانا
والمعنى كما ترون واضح في البيت
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
Quote: فيما يختص بالجانب الإعلامي، فقد وعد مسئول المكتب بتناوله في اجتماع لاحق. |
لقد إضطرني مسؤول الإعلام والأنشطة الثقافية إلى سحب مداخلتي خلال الإجتماع بحجة أن الإجتماع مخصص فقط لجانب الثقافة وأنه فيما يختص بالجانب الإعلام فسيتم تناوله في إجتماع لاحق وحيث أن مداخلتي كانت بخصوص الإعلام فقد سحبتها في إنتظار الإعلان عن الإجتماع اللاحق فيما يختص بالجانب الإعلامي وأرجو أن لا يطول إنتظارنا لهذا الإجتماع اللاحق فنحن في إنتظاره.
إما حكاية تاني توووووووووووتي فلك أن تعلم أخي ود الخضر أن تاريخا حديثا إضيف لمراحل التطور في توتي بعد أن عبرت بحمد الله سالمة من عهد المتعافي والذي لم تتعاف في عهده وهي تستعد الأن لتخضر مجددا في عهد عبدالرحمن الخضر خضر الله على يديه أرضنا وبلادنا .. فهل يشفع لنا هذا في طلب عمود إضافي لتوتي ولا نمشي صف الشكرية على رأي أخي الحبيب شيقوق وإن كنا أقرب للجعليين بحكم صلاة النسب بين المحس والجعليين خاصة ناس الفتيحاب الذين ضحوا من أجلنا بإمتداد الصالحة ليمنح لنا
أما بشأن العمود الخاص بالحقائق والمعلومات والطرائف فأرجو أن أشير إلى أنه وللحقيقة والتاريخ سأعيد في البداية نشر كآفة المقالات التي سبق نشرها في عهد الدعاش الزاهر وبعد ذلك سننشر ما لم ينشر بسبب دخول الدعاش في فترة البيات الشتوي وظل العمود يكتب ويحفظ على أمل أن تعود الدعاش يوما ما والحمد الله هاي تعود إسفيريا كما يحلوا للبعض أن يسميها ولكن الأظرف تسمية أخي سيف الدولة لها بالدعاش الإلكترونية ويا سيف أعمل حسابك بعد شوية بيطلع ليك واحد يقول ليك لما أستد ساعده مش لم أشتد ساعده .
وإليكم الحلقة الأولى من : حقائق ومعلومات وطرائف
Quote: حقائق ومعلومات وطرائف الحلقة الأولى إعداد: عمار محجوب محمد زكي أمنية متواضعة ظاهرياً تروى هذه الأسطورة عندما يتحدثون عن إختراع لعبة الشطرنج. فقد سرّ أحد الحكام في شرق الهند باللعبة بحيث أنه وعد مخترعها بتلبية أي أمنية يتقدم إليه بها. فطلب المخترع عدداً من حبوب القمح ينتج عن وضع حبة في أول مربع من مربعات الشطرنج، ثم مضاعفة ذلك العدد لدى الإنتقال للمربع الثاني فالثالث، وهكذا دواليك حتى تملأ كل المربعات. ولدى الوهلة الأولي بدت هذه الرغبة متواضعة، سوى أن الحسابات أظهرت أنها أمنية مستحيلة لأن النتيجة ستكون خيالية ولا يمكن الوفاء بها. هل لك أن تتصور كم عدد الحبوب إذا أردنا تحقيق أمنية المخترع ؟؟ الجواب: العدد هو : 18.446.744.073.709.600 (حاول أن تتأكد من الجواب).
|
وإلى اللقاء في الحلقة القادمة بإذن الله
| |
|
|
|
|
|
|
Re: السودانيون في عُمان.. منهم.. وإليهم (صور) (Re: عمار زكي)
|
الفاتح الجنيد:
Quote: حـاج الخـضر يالزول ،، الْمِنْ وِعِينا وشُفْنا فيك الغَـبَاش مَوْسوم ،، أصلك بِقـالْنا عُرُفْنا من طـيبك المدفـوق ،، عبـَّينا منَّو كرَفْـنا ياكـا الموكر فينا ،، ومزروع كمان فى جَرِفْنَا |
فتح الله عليك يا فاتح يا رائع. وأعتبر قبولك للمشاركة معنا فتحاً مبينا. أول مرة أعرف أنك شاعر وبهذا القدر من الفحولة الشعرية. ما يجمعنا جميعا بحاج الخضر هو هذا الغباش الموسوم وموكر فينا. سنكون في انتظارك يوم الجمعة من كل أسبوع كما اتفقنا.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
عمار وليد زكي
Quote: فهل يشفع لنا هذا في طلب عمود إضافي لتوتي ولا نمشي صف الشكرية على رأي أخي الحبيب شيقوق وإن كنا أقرب للجعليين بحكم صلاة النسب بين المحس والجعليين خاصة ناس الفتيحاب الذين ضحوا من أجلنا بإمتداد الصالحة ليمنح لنا |
بركة الاعترفت بانك بدونابي
Quote: وبهذا القدر من الفحولة الشعرية. |
هسع يا اللخو ما عجبك في اللغة العربية دى كلها الا كلمة الفحولة ؟؟
Quote: الطلب محول إلى شيخ العرب شيقوق لإبداء الراي والإفادة. شرفت ونورت بعمودك الدعاشي الأصيل. |
اها المرة دى عندي قريب صاحبي اتوفى في بهلا وما فاضي للراي هسع . والله توتي دى - شكيتها على الله - عدمتنا طافي النار
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
شيقوق:
Quote: هييييييع ود الجنيد امانة الليلة ما جبت النضمي السمح ود الخضر بتعرف طائر اسمو ابو الملود؟ |
انت يا المسنوح حقيرتك بي أنا. أنا يا خوي اتربيت في محطة هيا التقاطع قطارات طالعة ونازلة والذي منو. قال ابو الملود قال؟!! شوف لينا صرفة مع عمار. حمى توتي طلعت ليهو في راسو.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: عمار زكي)
|
Quote: انت يا الفاتح دحين ابو الملود راح وين؟ زمان كان بعلق فوووق ويجي عامل لاندنج في الزقاقات ويجي متلهمك زى الرصاصة الا تزوغ منو |
الشيقوق الحبيب إنت أدرى بيه لما كنت بتسرق العيش من مخلاية ابوك وتقُج شبكتك لى ابو ملود ، وعشيش ، وود ابرق وتقوم كدى ،، ضبح الطير قبْ الزمن الاصيل داك كلو راح حتى الطير رحل خلانى ما طيب لى خاطر طبعا انا حكو لى بيهو !!!
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
ود الجنيد
Quote: إنت أدرى بيه لما كنت بتسرق العيش من مخلاية ابوك وتقُج شبكتك لى ابو ملود ، وعشيش ، وود ابرق وتقوم كدى ،، ضبح الطير قبْ |
شوف ابو الملود ده الوحيد العمري ما شفتو راكي في الواطة او في فرع شدرة جنو الجري في الزقاقات .
عشيش وود ابرق بنزل في حتحات السمسم ويكثر جوار العصارات .
في ابو طوقية والاقبير ودخان عزبات دى انواع اخرى عندنا دحين عندكم؟
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
تحية للبوست من عبد الحميد داؤود
وردتني الرسالة التالية بالإيميل من الأخ عبد الحميد داؤود:
[QUOTE]لك التحية يا ودالخدر هكذا عهدناك دائما مبدعا وخلاقا زمان اتحفتنا بـ(الدعاش) التى وئدت دون ذنب واليوم تتحفنا بالـ (السودانيون فى عمان مالهم وما عليهم) أتمنى لك التوفيق . عبدالحميد داود - مسقط
|
شكرا حميدو على مشاعرك الطيبة وأتطلع إلى مشاركتك في هذا البوست بأفكارك النيرة التي كنت تتحف بها قراءك في الدعاش الموؤدة. تسلم ياالغالي.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الفاتح الجنيد)
|
Quote: أعتبر قبولك للمشاركة معنا فتحاً مبينا. ما يجمعنا جميعا بحاج الخضر هو هذا الغباش الموسوم وموكر فينا. سنكون في انتظارك يوم الجمعة من كل أسبوع كما اتفقنا. |
العم الجليل ود الخضر
سعدت كتير بى مكالمتك صباح اليوم بس ختيت فوقى حمل انشاء الله اكون قدروا عمودى حيكون تحت عنوان ( استراحة الجمعة) باذن الله طالما ختيتنى يوم الجمعة
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
شيقوق:
Quote: اتصل بي الاخ محمود يعقوب عضو الجالية السودانية بمسقط وطلب منى لفت نظر القائمين على الجالية سواء على مستوى القاعدة او اعضاء النادي الى نشاط اعضاء جالية في قطر من خلال هذه الوصلة التي حرص على تصفحها لمقارنة انشطتنا هنا وانشطة غيرنا من الجاليات السودانية في دول الخليج. |
التحية والتقدير للأخ محمود يعقوب الذي ابتعد عن ساحتناوقد عهدناه شابا يتدفق خلقا وحيوية ونشاطا. وشكرا له على ملاحظته القيمة اللافتة، ويا ريت يتواصل معنا عبر هذا البوست ولو عن طريق الإيميل
عنوان الإيميل: [email protected]
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
Quote: : فهل يشفع لنا هذا في طلب عمود إضافي لتوتي ولا نمشي صف الشكرية على رأي أخي الحبيب شيقوق وإن كنا أقرب للجعليين بحكم صلاة النسب بين المحس والجعليين خاصة ناس الفتيحاب الذين ضحوا من أجلنا بإمتداد الصالحة ليمنح لنا |
Quote: بركة الاعترفت بانك بدونابي |
شيقوق
البدوناب مالهم كمان ,,, بى كده جيتنا عديل بالله عليك فى قبيلتكم المحامين والقضاة ما سمعته بالقاضى الشرعى المرحوم حسن محمد بابكر والمشهور ب حسن البدانى ؟؟؟ ده عمى لزم ولا المحامى المشهور المرحوم على محمد ابراهيم (االمحامى ) ود خال الوالد يعنى عمى برضو
باين الواحد لازم يقدم لطلب محاضرة عن المحس ونشأة برى المحس
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
وتريات المهجر 00000
فى البداية اود ان استميحكم عذرا فى تاخير انزال مشاركتى الاولى وذلك بسبب ظروف العمل والتى سوف تكون تحت عنوان ( حكاية من الواقع ) لهذا الاسبوع (حكاية من الواقع) وان كانت واقعا معاشا لدى الكثيرين منا الا انها تجربة ذاتية فرضت نفسها على فى ظروف خاصة ومن ثم اصبحت هى الافراز الاول لى فى مجال الكتابة على هذا النهج الذى لا اعرف تحت اى تصنيف اضعه سوى انه محاولة.. هى حكاية طويلة سوف اقوم بانزال الجزء الاول منها الآن ، والجزء الثانى الاسبوع القادم باذن الله .. او حسب رغبة القراء ولكم التحية والتقدير جميعا
حكاية من الواقع.. الزمان في شهر مايو2001. ألا جازه السنوية. المكان قريتي الصغيرة الكائنة في قلب الجزيرة وسط الجروف والبحر والحواشات الكتيره . كنت زي كل مره وزي كل الناس بفرح بالا جازه . امشي السوق واتبضع والملم في الهدايا لي الأهل العزاز, والجيران, والأصحاب , وباقي الأحباب . استف شنطي قبال شهرين وامكن تلاته, و اقعد احسب في الأيام تمشي تمر زي سلحفاة يمر يوم ويرجع ورا أسبوع , النوم يطير من الفرحة , بعد الناس تنوم اقعد احسب في باقي الأيام الجايه, أتخيل في يوم الوداع من ما يجوني صاحباتي واشيل ليهم الحاجات, والجوابات , و لازم اتذ كر الصاحبات عشان اخلي ليهم مساحة في الشنيطات ..واسرح بعــــــــــيد أتخيل يوم السفر من الصباح حتى الغيار البلبسو يوم السفر بتخيلو . ما دا بكون اشتريتو قبال ما أفكر في السفر . لانو بذ كرني بي السفر و يوم السفر , ويوم اللقاء المنتظر, اصحا بدار لا باكل ولا بشرب شاي الصباح. ولا رأسي اليوم داك بحس بالصداع , ما الفرحة اكبر من كل الظروف , حتى التعب من السهر براه بروح , امشي المطار زي الصغار, اضحك أتبسم وعلى البشوفو كلو اسلم . استنا في صف العفش والناس دافسه دفس . كل الشنط مردومة ردم , وناس كتيره اكتر من الشنط الفي المطار, تخاف تقول ديل كيف شايلم المطار. ولا الكلام الطيارة ! يا جماعه ديل كلهم ماشين معانا ؟ لكن وللاسف ما كلهم حا يضوقو السفر . ولا شمة نفس الاهل .. فيهم الليهو سنين ما قادر يسافر , ولا حتى بقدر على حق التذاكر, الله كريم عليهم... من جور الزمن عليهم .. ما في زول ما بدور السفر وشوفة الأهل , لكن الظروف القاهرة نعالجا كيف ؟ المهم أصحابنا ديل عندهم الجوابات , دايرين يرسلوها ومعاها حبة قروش وشوية حاجات , يجوك يستأذنوك, لو ممكن تشيل يا زول ؟ . فيهم البتضارا من الناس ويتصرصر , الله لا وراكم لا بساعد ولا وجها صبوح منو يعتزر . أهلنا مجبورين يمشو لي أتنين تلاته , محمد المسكين ليه من اهلو عشرة سنين.. والزيو كتير مشهد بسيط لى المتل محمد المجدوع فى بلد الغربه ليه سنين .. وبفرح لما يلم ليه حبات قروش ويحسب متين يلقى ليه زول مسافر البلد. ولامن يغلبو الشوق والانتظار يجى المطار وزى الطيره الضايعه يقعد يتلفت لى زولا يعصر سلامو ووصيتو ويوصلا البلد والاهل بى شوقو الطول .. يمشى لى كم زول ، مرورق الدمعات من الجفا مره والاعتذار مرات .. يضارى دمعتو ورا شوقو لى اهلو وفرحت الناس المسافره الماشه لى داره . شايل العشم فى كفة والخوف من كسر الخاتر فى كفة تانية ..و بتخيل وبتمنى اللحظه دى ويصحا من حلمو ويرجع يفتش تانى مكسور خاتر .. وغيره كتيرين جايين مودعين وما مسافرين . وفيهم البجى يتبرك بى الجو راجعين من البلد وفيهم غبشة اهلنا وريحتهم . محمد مر على كل الجموع دى عاصر الحنين جوة ويبلع فى العبرات من الضيم و غربة الشوم .. ويشحد فى الله يلقى مراده .. ويرتاح باله .. الله كريم .. في النهايه وقبل مواعيد الاقلاع بى زمن بسيط . يشوف ليه حاجه جايه , يقول احسن لى الحاجه الكبيره دى . . وكلامو صاح تلاقيه الحاجة تتبسم وتتلعثم في الكلام , وبالأحضان بتسلم , اهلا حبابك آعشاي كيفنك يمه .. خلاس مسافره ؟ آى يا ود حشاى الليله ماشه تب . كان الله هون وراجعه لي وليداتي , جيت لي ولدي العشاى دا , طولت منو بالحيل .. اتو آولادى مالكم بتنقطعوا مننا كدى .. والله يا الوالده الحالة هنا صعبه لكن الله غالب .. اتدعى لينا الله يسهلا لينا ونرجع ليكم قريب ان شاء الله .. تخت الحاجه كيسها الشيلاه فى قدامها وتهجروا بى كرعيها وترفع يديها لى رب العباد .. شاحده الله ورسول مكه يا اولا دى يجيبكم لينا سالمين تامين غانمين بركة رب العالمين ..قولوا آمين ..آميــــــــن ... آميـــــن يمة ... اها يا حاجه بس اديك الجوابات ديل لي أهلي, بتصلو بيك وبجوك في بيتك , من مكانك ما تتحركي. سمح يا ود حشاى لكن اكتب العلوان. وصاحبنا يتنفس نفس طويل سمح يمه .. ويتحزم يساعد أخوه ود الحاجة في العفش , لما ينتهوا من الوزن يقيف مع المسافرين , لما يدخلوا الصاله .. والحاجه تمشي يجيها بي الأحضان يودعا كأنه بعرفا من سنين , ونمشي الصالة , وهاك يا لخمه وإزعاج , كل واحد يصلح في الأكياس ا لشايلا , كل واحد فرحان زي يوم العيد, وتجي الطيارة , والجميع يتشابا يشوف الطيارة , زي أول يوم يشوفا.و بعد التعب وزحمة الناس , وركوب الطيارة.. يبدا المشوار. العالم جايطه والأطفال تتجارا, كأنهم في حارة ما في طياره. والباين عليه التعب, شويه يتقلب, ويتقلب, وهاك يانومه. والبقرا في جريده, والبشوف في مجلة لا فيها قصه ولا قصيده, بس تكسير زمن .. رحله طويـــــله , ومن فوق يلوح لينا غبار بلدنا, والطوب الأحمر المجدع في الشوارع , والشجيرات , والعربات السمحة والمكسرات , وكيمان كيمان العمارات , قلبى يقول تح... تح.... اها وصلنا يا ناس . ديك الخرطوم , وامدرمان, وديك شمبات والجريفات ، أدور أطير من الكرسي واجرى أخلى القاعدين. اقعد اضحك براى من الفرحة, واتمتم بى كلمات بس ما فاهمه شئ . ولا المعاى سامعنى كل زول في حالو. ولما تقيف الطيارة , نتزاحم اكتر من أول..زي الماشين كلنا بيت واحد, وزى الخايفين نرجع للغربة الجينا منها هسه .. بنتسابق على الطريق نشيل ونخمخم في الشنط والا كياس الشايلنها في أيدينا. التوب يتكرفس, والوليدات يتصايحو من الفرحة .الكل فرحان , كبير, صغير, مافى فرق في اللحظة ديك من كبير ولا صغير. وجوه المطار هاك يا انتظار . اصعب انتظار, طياره طيارتين قدامك ,ما دا زمن ألا جازه. اقعد بعيد واتفرج شديد. لما العفش يجيك ، وأعمامنا الكبار الشغالين في المطار، متلهفين زينا لي رزقم من بخشيش , أكان دولار, أكان ريال، ما هم برضو بحسبو لي ألا جازه وجية المغتربين لي اهلم .. ولما نكون خلصنا من التفتيش ولم العفش، والشنط زاتا ما بتشيل كل العفش ,التقول ما كان فيها ده كلو . نحن ما كنا دافسنها دفس... ومتين نخلص من العفش, نمشى لي الناس الحنان المستنينا من زمان , في الحر والغبار. ليهم ساعات طوال ... بعد السلام والمطايبه, نفكر نجرى لي الناس الكبار , المابقدرو لي جية المطار , والزينا شوقو بيطول .. ما نحن ما من امبده , ولا السجانة, ولا المحلات القريبة.. نحن من الجزيرة , ساعة ولا أتنين بالكتير ونصل الحلة . بعد ما نمر بي حلال أهلنا من سوبا , والمسعوديه , الأجمل من السعودية ،والتي و المسيد وأبو عشر, لمن نصل البحر . وهناك يجينا نسيم أهلنا والطين , والجبنه , واللمه ,ولمن نصل تكتمل اللوحة بالسلام , والدموع , والابتسامات , وصياح الأطفال والجيران.بى طيبتهم ومحنتهم وغبشتهم اها الجماعة وصلو ؟ آي وصلو , ألف حمد الله على السلامة ، الله يسلمكم يا أخوانا ،العمات , الخالات , الجارات , الصاحبات ,كلهن يجن جاريات , بعد السلام واللمه الكبيرة ,نشوف المهم من أحوال الديره , نمشى نعزى في هوايد الليل قبال الصباح , ما ناس عشه بكاهم حار وما بتخلى لي الصباح ,والباقي من أخبار الحلة لي الصباح , قبال شراب الشاي... وناس البيت في عقاب الليل يتقسموا في الحاجات , دى حقتى ، ودى حقتك ,والبيت كلو يقيس ويعبر في الحاجات , وتجيك ريحة الهبهان , والصابون, والمعجون , وتمشى تنووووووووم . بعد سهره طويلة , لا فيها تعب , ولا مرض . وكمان من الصباح اول زول تلقاك صاحى وفرحان , مشتاق لي شاي اللبن المغنن , وموية الزير بى عكرها ونقاعها تحت يضاحكك من الصباح بى شوقنا الطول.. و ديكا صاح من الصباح للصلاة وفتيش الرزق الحلال للكبار والعيال وقفة ملاح وتبدأ أحلي أجازه مع الأهل .سلام بالأحضان من أول الحلة لي آخر الحلة ,الصغار , الكبار , أسبوع سلام الناس داخله ومارقه أفواج, أفواج , منهم من شايل عامود أكل , ومنهم قهوة ضهر ,والعروس بالليل تجيك تكوس . ولما ألا جازه تنقضي يجوك مودعين تانى بالعشيات , والونسات , والضحكات ,وأنت سارح هناك تتذكر نهاية اجمل اللحظات . وتودعم على أمل اللقاء بهم في ألا جازه الجايه بأذن الله .تفارقم وقلبك معصور ألم , مع نغمات الوداع الحنينه , الحزينة , ترن في مسامعك . ودعتك لي الله والرسول , وداعتاً تغطيك وتحفظك وترجعك بالسلامة , ودعناكم الله والرسول , ودعناكم لى أمين الوداعة البختا البلا والساعة.. . وداع وأمنيات جميلة تصبر وتجرس في آن واحد ,,, يتبع ....
| |
|
|
|
|
|
|
Re: السودانيون في عُمان.. منهم.. وإليهم (صور) (Re: سيف الدوله محمد أحمد)
|
Quote: الله يخليك ابداع في الرواية - لكنى استوقفني حديثك عن عديمي المروءة والشهامة الذين تتبدل وجوههم في المطارات خشية تكليفهم من هاك الجواب وهاك الدواء |
تسلم ود شيقوق زى ديل بتصادفهم كتير وشىء بالجد مخجلومؤسف مع انه الواحد لو ساعد ما بتكلفو حاجه ..بالعكس يلقى ليه دعوات تفتحها عليه وين ما يقبل التحيه ليك ود شيقوق على الاضافة الجميلة ونتمنى دائما ان نكون موشحين بطباع اهلنا القبيل **طبعا جاتنى تلفونات كتيرة جدا بعد نشر الجزء الاول ومطالبين بالبقيه فورا يعنى مافى انتظار لى الخميس الجاى لو ربنا حيانا... خلونى اشوقكم شويه بعدين نتم البقية ..ولا شنو يا عمنا ود الخضر؟ ولا نسرق من زمن ود الجنيد فى جمعته دى شويه؟ لكم التحايا والتقدير جميعا
** سيف الدولة سلامات ومرحب بيك فى حوش بكرى وبين اهلك الطيبين شرفت ونورت المنتدى والله تحياتى اسماء الجنيد مسقط
| |
|
|
|
|
|
|
Re: السودانيون في عُمان.. منهم.. وإليهم (صور) (Re: محمد أحمد الخضر)
|
سوما
شكرا على كلامك الحنين وجميل وربنا يسترنا في الغربة ام كفلاء ودوامات
ود الخضر
شفت كيف السترة والفضيحة متباريات
حيدر امين
Quote: لا المحامى المشهور المرحوم على محمد ابراهيم (االمحامى ) ود خال الوالد يعنى عمى برضو |
معقول انت قريب زميلتي ودفعتي سالي على محمد ابراهيم ؟
طيب ديلاك كدا ......... وانتوا كدا ..............
| |
|
|
|
|
|
|
Re: السودانيون في عُمان.. منهم.. وإليهم (صور) (Re: سيف اليزل برعي البدوي)
|
Quote: ولما ألا جازه تنقضي يجوك مودعين تانى بالعشيات , والونسات , والضحكات ,وأنت سارح هناك تتذكر نهاية اجمل اللحظات . وتودعم على أمل اللقاء بهم في ألا جازه الجايه بأذن الله .تفارقم وقلبك معصور ألم , مع نغمات الوداع الحنينه , الحزينة , ترن في مسامعك . ودعتك لي الله والرسول , وداعتاً تغطيك وتحفظك وترجعك بالسلامة , ودعناكم الله والرسول , ودعناكم لى أمين الوداعة البختا البلا والساعة.. . وداع وأمنيات جميلة تصبر وتجرس في آن واحد .... |
دى من أقسى اللحظات التى تمر على الانسان ،،، وربما تتجاوز لحظات الاغتراب الاولى انا غايتو قبل نهاية الاجازة بى اسبوع بتكون ما سكانى ام هلا هلا لا بضوق طعم للاكل ولا النوم سرد جميل حكى حبوبات
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الفاتح الجنيد)
|
الاخ سيف محمد احمد
جميل ان تعيد إحياء الدعاش فى ظل هذا الهجير اتصور عمنا ود الخضر جالس فى منتصف حوش النادى القديم كل اربعاء وعينو على الباب ،، الداخل منو ... تعال تعال يافلان ويده تمتد إليك بنسخة من الدعاش وباليد التانية يتناول منك 100 بيسة (مائة بيسة فقط لاغير) قيمة لا تتناسب وقمة الجهد المبذول التحية لكل من انكر ذاته وساهم فى ذاك العمل الرائع ،،،
| |
|
|
|
|
|
|
Re: السودانيون في عُمان.. منهم.. وإليهم (صور) (Re: soma)
|
تصوير واقعي وجميل يا سومة لواقع نعايشه سنوياً أو أكثر. أظنك نسيتي أنو الطيارة نزلت ليها زي سبعة ساعات في مطار بوسودان عشان الخرطوم قالو فيها كتاحة من الصباح. ونسيتي الشنطة الزرقا الماوصلت مع العفش. يا ريت لو كان أجلتي الجزء الخاص بالوداع حين العودة للإسبوع الجاي لأنك كدة نقلتينا بسرعة لجو العودة بعد ما حلقتي بينافي رحلة كانت بين طيات السحاب. ننتظر الحلقة الجاية.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الطيب شيقوق)
|
التحية للجالية السودانية بعمان ، ونأمل أن يكن الملف بقدر مُبدعينا بتلك البلاد . راقبت حواراً يطوف حول كثير من الاجتماعيات ، وتفاصيلها و لغة اللوم الذي يحسبه البعض محبة . نأمل أن يكون ديدن الجميع نثر حبوب المحبة ، ونبتلعها صباح مساء ، وأن نطور حياتنا الاجتماعية بالقدر الذي لا يجعلنا مأزومين ، ونغرق في الماء الضحل . التحية لصاحب الملف وشركائه والشريكات ولكل من قرأ . ومحبة لأهل عمان .
http://www.youtube.com/watch?v=1pUAkCQPgNw
رب الفن : ود القرشي : الشفيع : علي السقيد
.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: عبدالله الشقليني)
|
الفاتح الجنيد:
Quote: اتصور عمنا ود الخضر جالس فى منتصف حوش النادى القديم كل اربعاء وعينو على الباب ،، الداخل منو ... تعال تعال يافلان ويده تمتد إليك بنسخة من الدعاش وباليد التانية يتناول منك 100 بيسة (مائة بيسة فقط لاغير) قيمة لا تتناسب وقمة الجهد المبذول |
كانت أيام يا (ود الجنيد) على قولة سوما. الجهد المبذول كأن أضخم بكثير ماديا ومعنويا ولكن يضيق صدري ولاينطلق لساني. خليها على الله يا الفاتح ولدي.
| |
|
|
|
|
|
|
Re: السودانيون في عُمان.. منهم.. وإليهم (صور) (Re: الفاتح الجنيد)
|
كتب الفاتح الجنيد:
Quote: غير أن اللافت، أن فرقة "البالمبو" السودانية، التي تستخدم آلات موسيقية تراثية، وتغني أغنيات من أصقاع السودان كلها، والتي لم يمضّ على تكوينها سوى سنوات قليلة، حققت نجاحات كبيرة في فترة زمنية وجيزة. واللافت أكثر أن نجاحات الفرقة، تخطت حدود السودان، حيث كان لها مشاركات لقيت ردود أفعال واسعة في مهرجان "أصيلة" في المغرب، |
أحييك أيها الفاتح وأنت تفتتح إولى مقالاتك الراتبه بهذه المعلومات القيمة عن فرقة "البالمبو" السودانية. لقد فتحت شهيتنا لما هو قادم. فتح الله عليك.
| |
|
|
|
|
|
|
|