|
|
 Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
Quote: لاقتني الصورة دي و قفز لرأسي سؤال ....
السيدة اللي في النص دي منو؟
هل هي اعلامية برضو؟
شغالة وين بالله؟
ومشت مؤتمر الإعلامين على ياتو اساس؟
مدفوع ليها مصاريف السفر و الإقامة على ياتو اساس؟
ولا مرتات الاعلامين برضو اعلاميات؟
هي دقيقة .. هو زوجها إعلامي اصلا؟ |
الأخت عزاز
دعيني أجاوب على قدر سؤالك..
بالتأكيد ليست اعلامية، وكل مؤهلاتها التى شفعت لها بحضور المؤتمر وتمثيل قبيلة الاعلاميات والاعلاميين أنها زوجة مدير المطبعة الذى لم يكتف بحضور المؤتمر فقط ( مما ينفى عنه صفة اعلامي ) بل كان بجوار وزيرالدولة حين استقبل وفد الرياض في المطار.. وكان متبرعاً بتعريف القادمين للوزير..
الدخلاء على الاعلام هم آفتنا الاساسية..واذا تمعنا في وفد ( محلولة الرياض ) نجد أن 90% منهم غير اعلاميين وأولهم ود الباوقة والضبعة، والـ 10% يعملون فى مكاتب اعلامية صغيرة ومتاجر؟؟فكيف ينجح المؤتمر؟؟وكيف يحقق أهدافه؟هؤلاء ذهبوا على حساب المحترفين من الاعلاميين الذين تم سحب أو تجميد اسمائهم بعد وصول الدعوات اليهم؟؟
وقد نعوداذا دعا الداعي،،
| |
 
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: ود الباوقة)
|
كدي خلينا من قطعك للبحــر يا باوقة
| Quote: واذا تمعنا في وفد ( محلولة الرياض ) نجد أن 90% منهم غير اعلاميين وأولهم ود الباوقة والضبعة، |
جيت بصفتك شنو ؟
وليه ؟
تعرف انا بشيلوا مني ضريبة الدخل الشخصي 265 الف جنيه شهريا
ممغوس منكم مغص .. يشيلوها مني انا المسكين دا حتى بالاماره كدا عرس ما عرست
عشان تلبسها انت تاي وتشربها شاي ..
عاد بطريقتكم دي حتبورونا في سوق الزواج الجماعي ذااتو ..
ود الباوقة من اجل ابنائي المفترضين فوق الحله دي تاني ما تجي ..
___
معليش ندخل في خسوساتك شويه انت شغال شنو هناك ؟
يعني لو في مطبعة او دار نشر او شركة توزيع يحق لك حضور المؤتمر بس ما بحق ليك المبيت بمنى
قالوا المبيت كان الليلة بـ 150 دولار
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
Quote: بونجور ...
يا السيدح أنا آسفة، بالجد آسفة .. انا ما لاقية كلام كافي يعبر عن أسفي
وعدتك منذ أن كان هذا البوست طفلا يحبو بأن اتولاه بالرعاية
ولكني تقاعست أمس، بس كنت عيانة و الله و الحمى العلي ما تتمنها لعدوك
و اعتذر عن هذا التقصير و أوعدك اعرش ليك الصفحة الثانية
ونبدى في الصفحة الثالثة بعون من الله ...
تهليل ... تكبير
تهليل ... تكبير
هيا بنا نلعب |
ارجعي للبوست في رقم واحد عندما اعتذرت انا بسبب ظروف عائلية بتعرفي عائلية دي؟
فهجت ومجت وقلت هذه زوغة بعد ان عجزت عن المقارة واسقط في يدك.
احذرك تاني من الاقتراب من الاشياء البجيب ليك الحمي ومنها هذا البوست
تاني وبدون تهليل ولا تكبير انا اعتذر عن اللعب واللعب جماعتوا موجودين
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
أسئلة سريعة أعتقد أنها من حقي كإعلامية ..غض النظر ان كنت رافضة ..شامتة
حاقدة ..خارجة او أيا
كانت التصنيفات ..
1/ ما هي التوصيات التي خرج بها المؤتمر ؟
2/ ماذا تم حول مناقشة (قانون الصحافة الجديد )؟
3/ ماذا إستفادت الصحافة السودانية من هذا المؤتمر ؟وهو سؤال طرحته عزاز شامي في بوست
كامل؟
4/ كيف ستتحصل (صحافة الخارج ) على المعلومة الصحيحة كي تحسن شكل السودان (حسب
إعتقادالحكومة )؟!!
5/ هل تسآل المؤتمرين عن إلتزام الحكومة بإتفاقية السلام ؟
......................
الأسئلة دي عشان تكون "ماتشن " مع الصور ..
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: ود الباوقة)
|
| Quote: كمان الاستعارة المكنية ما بتعرفيها |
هههههههههههههه
كويس ال بقيت تستعير .. ماشي كويس
عقبال ما تستحي
___
حيدر الزين
صراحة صراحة
ما ليك حق تتكلم عن اناقة ود الباوقة
كل شي تمام التمام البنطلون ماشي وماتشن مع القميص والتاي
وعارف انه الكلام كله من الشماعة
والشماعة ذااااتها ما شاء الله
بس اضنينوا شويه دايرات تعديل
ممكن يخبئ العيب دا بوضع نظارة على الاذن الوسطى ههههههه
___
حلات عينيك ما بتضارا
وحاتك رغم النضاره
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: HAIDER ALZAIN)
|
هنالك مسألة بالغة الأهمية يجب توضيحها ...
عندما نتكلّم عن "الحرية" بكل تفصيلاتها المعلومة وغير المعلومة، المفهومة وغير المفهومة، المقبولة وغير المقبولة؛ فإننا بالضرورة نُحيل "الاختلاف" إلى خانة ضيّقة تلتف ببكرة خيط تبتعد –طردياً- بفهمنا للحرية. الحرية شرط ديمقراطي، والديمقراطية تُشذّب الاختلاف. نُصبح –عندها- أمام قضية مُحددة، تتمثل في: نقد الأفكار والمفاهيم من ناحية؛ ونقد مُخرجات هذه الأفكار والمفاهيم من ناحية أخرى.
من الواضح –حتى للمختلفين- أنّ ملتقى أو مؤتمر الإعلاميين السودانيين بالخارج تم بدعوة من الحكومة لأغراض محددة (هذه يُمكن اعتبارها أفكار ومفاهيم عامة) ينحصر نقدها في تقصّي بروتوكولات هذا المؤتمر، وأجندته المُعلنة، وتوصياته، وطرائق الدعوة، وقنواتها .. إلخ، ولكن نقد أجندة المؤتمر الخفية يدخل ضمن مفهوم نقد المُخرج، وهذا هو أُس الخلاف، ونقد المُخرج والاختلاف حوله، عديم الجدوى لأنه يتجاوز نقد الأفكار والمفاهيم المرتكزة عليها، والمنطلقة منها.
فعندما تدعوا جماعة إسلامية (مثلاً) إلى قيام مؤتمر إسلامي، لا يسعنا تصوّر نقد توجهه جماعة مسيحية لهذا المؤتمر؛ وإلا أحالنا هذا الأمر إلى تأطير هذا النقد في إطار الخلاف الأيديولوجي القائم بين الجماعتين، وبالتالي فإن التناقش حول القضايا الخلافية هنا لن يُوصل إلى نتيجة، لأن "المؤتمر" ليس هو أُس القضية، وإنما الأفكار والمعتقدات الإسلامية نفسها، والاختلاف العقدي المُتمظهر في "المؤتمر"
المؤتمر ناجح بمقاييس ومعايير الجهة الداعية للمؤتمر، لأنه في الأساس يخدم أجندتها الواضحة والمعلنة وحتى غير المعلنة، وتقديم انتقادات لهذا المؤتمر أعتبره من قبيل الانصراف إلى جزئية من القضية الأساسية والتي هي نقد الأساس الأيديولوجي الذي تنطلق منه "الحكومة". والحقيقة أنّ تقديم اعتراضات لهذا المؤتمر والاعتراض على دعاوي نجاحه يُشبه تقديم انتقادات للاحتفالات بأعياد ثورة الإنقاذ (مثلاً).
وحتى لا ينطبق علينا المثل القائل (عينك للفيل وتطعن في ظلو)، فإن الخروج من هذا المأزق يتمثل في اعتبار المؤتمر إحدى مُخرجات الأفكار والأيديولوجية التي لا يُمكن نقدها إلا بنقد الأفكار والأيديولوجيا نفسها. وطالما هنالك إجماع على أنّ هذا المؤتمر يأتي ليصب في خدمة الحكومة وتيارها السياسي؛ فإن عدم حضور المؤتمر لغير التابعين لتيار الحكومة هو شرف ومدعاة للفخر، وليس مبرراً للانتقاد؛ اللهم إلا إذا كان المُحرّك الأساسي لذلك هو إحساس المعترضين بالتهميش، وتفويت الفرصة لحضور هذا المؤتمر!
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote: ارجعي للبوست في رقم واحد عندما اعتذرت انا بسبب ظروف عائلية بتعرفي عائلية دي؟
فهجت ومجت وقلت هذه زوغة بعد ان عجزت عن المقارة واسقط في يدك.
احذرك تاني من الاقتراب من الاشياء البجيب ليك الحمي ومنها هذا البوست
تاني وبدون تهليل ولا تكبير انا اعتذر عن اللعب واللعب جماعتوا موجودين |
ياحليلك يا السيدح بقيت منمر البوست زي حارات ام درمان
قلت لي ارجع البوست الحارة الأولى
لوووووووووووووووووووووووووووووووووووول
لا شماتتة في الحمى يا السيدح يا اخوي بعدين انا جاملتك في البوست ده
التقول حاورث معاك ولا ادوني الف دولار .. يشهد الله امبارح انا قمت
رديت على ود الباوقة علشان بس ما يقول ما عبرتني و ينوم مغبون
يااخوانا في طيبة قلب اكتر من كده؟
حنونة و رشيقة و كالعتود ... تلاقو وين زي دا؟
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote: ارجعي للبوست في رقم واحد عندما اعتذرت انا بسبب ظروف عائلية بتعرفي عائلية دي؟
فهجت ومجت وقلت هذه زوغة بعد ان عجزت عن المقارة واسقط في يدك.
احذرك تاني من الاقتراب من الاشياء البجيب ليك الحمي ومنها هذا البوست
تاني وبدون تهليل ولا تكبير انا اعتذر عن اللعب واللعب جماعتوا موجودين |
ياحليلك يا السيدح بقيت منمر البوست زي حارات ام درمان
قلت لي ارجع البوست الحارة الأولى
لوووووووووووووووووووووووووووووووووووول
لا شماتتة في الحمى يا السيدح يا اخوي بعدين انا جاملتك في البوست ده
التقول حاورث معاك ولا ادوني الف دولار .. يشهد الله امبارح انا قمت
رديت على ود الباوقة علشان بس ما يقول ما عبرتني و ينوم مغبون
يااخوانا في طيبة قلب اكتر من كده؟
حنونة و رشيقة و كالعتود ... تلاقو وين زي دا؟
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
لا استطيع ان انظر لهذه الصورة مرتين خوفاً من وجع الضرس يتاور مع التاى دي ..
بااااالغت ..
يامنعم صباحاتك ..
انت بقيت بتاع مجاملات وبشك في سلامة نظرك بعد كدة رغم اني واثق في اناقتك المفرطة ( لاحظ المفرطة دي ما بتؤهلني كإعلامي اسفيري وادعي بعدها لمؤتمر اضرب الدسم ضرب غرائب الابل واتصور انا واقف خلف الرئيس كدة سارق عين على الكاميرا واجي المع نفسي بمزيد من الصياح والهتاف للكيزان والمؤتمر الوطني عشان المرة الجاية اتصور وانا برقص جنب الرئيس زي صاحبنا السيدح كدة .. او اقلاها ابشر واعاين للكميرا واقول ليك صورني يا منعم صورة ما منظور (مثيلا ) ..
حسك عينك تسألني انا اعلامي كيف او بشتغل في ياتو صحيفة او مجلة او مطبعة حتي او اقول ان شاء الله موزع صحف سائق تريلا بين الظهران وقطر .. كله عندو علاقة بالاعلام بس يكفيني فخراً وشرفاً ان وهبني الله ببكري ابوبكر وملكني باسوورد استطيع به ان انافح واكافح واشافخ واناطح ( ولو كعتود صغيروني ) عن سعادة الرئيس الذي سأهبه صوتي مدي الحياة فهذا الباسووورد هو مفتاح الدخول والولوج الي عالم المؤتمرات الرائع بكل القه وبهاءه في الصالات المغلقة وهو كرت دخولي للصحافة اعرف به وابصم به ..
يكفيني فخراً هذا الباسوورد يا منعم ان اتكلم باسم كل الاعلاميين والصحفيين واصحاب المطابع والمناشير والمنشورات وادعو الهاشمي ورفسنجاني وعلى اكبر تاهيتي حياة وكل الاجانب من الخارج لاحدثهم عن روعة بلادي وصفاء نيلها وزرقة سمائها وانا مرتديا قميص ازرق يحاكي لونها ..
اكلهم عن الصحافة المنتعشة بوطني في حرية وديمقراطية لا يقص مقص رقيبها مقالاً ولا نعرف ما يدعي بالرقيب الامني ..وماهو الامن وكل السودان مستقر نحن نعرف ثقافة السلام ولا نعرف ثقافة الامن .!
نكلمهم يا منعم ثقافة صحفينا والتزامهم باخلاق المهنة وصراحتهم وجرأتهم في التكلم عن اي مظهر من مظاهر الفساد (ان وجد ) بالدولة فدولتنا والحمد لله ليس بها فساد ولا انتهاك ولا تشوبها شائبة ولكن اذا سولت نفس اي مسئول صغير له ببيع ضميره والافساد عندها يشمر الصحفيون عن سواعد الجد لكشفه وفضحه ويصل صوتهم في نفس الوقت لاعلي المستويات بالدولة ( اليس الصحافة بالسلطة الرابعة ؟) وهنا تتخذ الاجراءات الصارمة لبتر هذا العابث من جسد السلطة النزيهة الشريفة ..
نعم يا منعم نكلمهم عن الرغد والهناء الذي يعيش به الصحفيون ببلادي وهم آمنيين من التهديدات بالتصفية والسجن والحبس ومصادرة اقلامهم وحقوقهم والعائد الجيد الذي يتلقوه حتي يهدأ بالهم ويلتفتو الي تلمس هموم الوطن والمواطنين ( اذا وجد هم فهو غير موجود )
نكلمهم يا منعم عن المساعدات التي تتلقاها الصحف ودور النشر من الدولة وتساوي الفرص في الاعلانات الحكومية والتوزيع وعدم خوفهم من اي مصادرة او منع صدور او اغلاق الي اجل غير مسمي ..
شفت باسوورد سودانييز كيف ... وبرضك تقول لي ود الباوقة ما صحفي لكن انييق خالص وعامل ماتش ..
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
| Quote: وحتى لا ينطبق علينا المثل القائل (عينك للفيل وتطعن في ظلو)، فإن الخروج من هذا المأزق يتمثل في اعتبار المؤتمر إحدى مُخرجات الأفكار والأيديولوجية التي لا يُمكن نقدها إلا بنقد الأفكار والأيديولوجيا نفسها. وطالما هنالك إجماع على أنّ هذا المؤتمر يأتي ليصب في خدمة الحكومة وتيارها السياسي؛ فإن عدم حضور المؤتمر لغير التابعين لتيار الحكومة هو شرف ومدعاة للفخر، وليس مبرراً للانتقاد؛ اللهم إلا إذا كان المُحرّك الأساسي لذلك هو إحساس المعترضين بالتهميش، وتفويت الفرصة لحضور هذا المؤتمر! |
هشام لعلك عملت سيف لكلامك الكبّرة ده؟؟
اسمع المأزق ده تمام معانا بالله ما تأزق نفسك فيهو
بلاش تفويت فرصة حضور بلاش فلافل بايتة ...
المقام مقام احتفال و فت و رقيص و بشير
اتفرج في الصور و اتناول ليك زلابية واقضي يومك
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote: رغم جمال لون البدلة الا ان الاخ هنا باختياره السئ لربطة العنق
حولها للبس لعمال احد المصانع اومضيفين مطاعم الوجبات السريعة ولا ينقصه سوى الكاب .. |
احي هذا التوجه النوعي في مسار البوست وحقو نواصل فيهو
لانو الاجماع الي في البوست ده مبني على الصور
ونحن كشعب تعيس جعان شحات حاسد نحب الفارغة و أعداء للنجاح
ما مفروض نمرر الطبزات والشكليات دي و نشوف البدل دي ليها
منو في البلد دي و الكرفتات دي إلا تقول الرووووووب ما دام
السيدح أبى يقول الروووووب
و الله الموفق من وراء القصد و الحسادة متحمدانا
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
هشام يا صديق ..
ياخي كلامك دا كبار كبار خالص وانا ك(رافضي ) ارفضه لانه يحتاج لمعايير انسان اعلامي كبير يدعى ويشارك بالمؤتمرات ..
وطالما كما تفضلت ( الرافضيّة ) بتحويل البوست الي احتفال وشو للازياء ونقدها بغرض تطويرها بين جرعات العصير وحبات ( الزلابية ) رغم انه بدل الزلابية مفروض يكون فستق عشان يتماشي مع عومة ود الباوقة رايح جاي في النيل بنبرة تحمل مضمون فيلم اسكندرية رايح جاي او صعيدي في الجامعة الامريكية ..
فيبقي كلامك دا محتاج تركيز اولاً ومحتاج جو غير احتفالي لانه اكتر حاجة ممكن الناس تركز فيها هنا هي نكتة لذيذونة كنت عن نطنيط العتود على وزن نزل المطر .. ونزل ونزل .. واكل العجل وقفز الحمل ..
وفرح بدر وبكت امل .. وفرح بدر وبكا امل دا بالمناسبة جندرة وقوة عين لانه البكا دا ماهيلي هيلي هيلي المشنقة والمشنقة على وزن عومة ود الباوقة نفسو وقال نفتش حاجة تانية ..
المهم ياصديقي كلامك دا انا فرزت فيهو كمة واحدة بس ربنا يهدئ النفوس والبيفتش شكلة يكوس ..
فلا مجال لاصلاح ذات البين هنا ولا مراقبة لضمائر الناس .. فدي بنجيها في مكانها ووقتها ..
هنا نطيط بس نطيط ياهشو وتفكيك الكلام افتح لينا بيهو بوست مدنكل يا قول خالد عويس وبنجيك تب ..
مودتي لك ولابو سامي
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: الشامي الحبر عبدالوهاب)
|
بدعوة كريمة من الأمانة العامة للحركة الشعبية الشريك الاساسي في الحكم وفق اتفاق نيفاشا
فقد استجاب المشاركون في الملتقي للدعوة التي وجهها الرفيق باقان اموم كما يحلو للاخ محمد
المعتصم حاكم ان يسميه.
المشاركون استمعوا لرأي الحركة الشعبية بآذان صاغية وطرحوا عددا مهولا من الاسئلة التي وجدت الاجابة
من امين عام الحركة .
التقيت باقان في بهو الفندق الكبير وكان مبتسما ومرحبا بحضور الاعلاميين الي وطنهم والمساهمة بالراي
والفكر من الداخل لا بالنواح والعويل من فنادق اعداء الوطن.
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: HAIDER ALZAIN)
|
عموم الرافضة وعموم المولاة
سلام وحباخ الخير أنا كنت في الشغل والله ياجماعة أن لما سألت عن الزميل الذي يوثق زيارات المسؤولين سؤالي كان بريء وأنشاءلله الراجل يكون مصور محترف كما قال الزملاء لكين يتفرغ للتوثيق السياسي ولجهة محددة دا الشيء الغريب انا من بداية الامر عندي رأي في مسألة الملتقي وطرحت علي هذا المنبر ليكن السمع والفهم ديل من الله كان أن ياكمال أدريس ولا السيداح في فرق كبير ما بين الرأي والموقف بالله شوية تامل معنا أممكن نحن أصبنا جنون البقر
ودالباوقة
أنت كنت أخر قيافه بس يا ما عندك زوق الناس صرفوا ليها قروش أنت عارف ظروف العريس صاحبك كانت تعيسة جدا شوية من ألف دولارتحل مشكلة
الحبيب هشام
والله لغة المثقفاتية مع المولاة ما ذات موضوع خليك سريالي أمكن تنجح المسالة
اخي الناشف جدا حيدر
أنت مطرود من الجنة أعبث كما يعبوث لك ودي
| |
|
|
|
|
|
|
|
|
 Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
زهير عثمان حمد لك الود .. وكأس كيوي جميل
بالهناء والشفاء على شرف الاحتفال ..
عزاز شامي لاتفقدي الدهشة ارفعي راسك انت ( رافضية ) على انت سعودي
وكاس ليمون معزز بفتمينات c تكفيك شر الوردة والحمي ..
منعم سليمان طالما خلاص قبلتني كاعلامي فلك كاس برتقال جميل مثلك يا عزيزي .
وعصير الطماطم بنخليهو لود الباوقة شبهو وطعمو..
والمظلة المعلقة فوق الكاسات دي بنديها لناس المؤتمر الوطني يجمعوا تحتها الاعلاميين في شكل جديد .. مش بيقولوا تحت مظلة ...
...
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote: ربما هذا البوست بالتحديد مقام للرقيص والاحتفال كما قلتِ، ولكنه لم يكن كذلك في العديد من البوستات الأخرى (بوست "سؤال جداً") الذي فتحتِه على سبيل المثال. أنا لا أنتقد تصرّفكِ أنتِ بالتحديد أو تصرّف من أسماهم صاحب البوست بالرافضة في هذا البوست، وإنما أنتقد نسقاً عاماً يُحيلنا إلى "مأزق" الحرية والديمقراطية وزيفها لدى ما يُسمى بالمعارضة السودانية؛ لاسيما ونحن مقبلون على انتخابات رئاسية. صحيح أنني كفرتُ بما يُسمى بالمعارضة السودانية، ولكن أدبيات الديمقراطية والحرية ليست مرتبطة لديّ بهذا الجسم الهزيل.
الديمقراطية تقتضي أن يكون للكيزان الحق في أيّ عمل سياسي أو إعلامي، ولهم الحق كذلك في اعتباره ناجحاً أو لا، طالما أنهم الوحيدون الذين يُقدّرون معايير هذا النجاح والفشل حسب أجندتهم الخاصة. لم نر هذا الاعتراض –من قِبل الحكومة- عندما أعلن الحزب الشيوعي عن نجاح مؤتمره الخامس، رغم أنّ المؤتمر لم يكن مؤتمراً "بروبوقاندا" بل كان مؤتمر تنظيمي تأسيسي في المقام الأول. |
هشام آدم،
مصر يعني تأزقنا ؟؟
شنو الطوباوية دي يا اخوي؟
داير تبقى جان جاك روسو على حساب الصور الما منظور مثلا ولا شنو؟
اسمعني يا اخوي ...أنا ارفض، علشان كده رافضية --
تجير العمل لصالح كتلة واحدة مما يخل بالتوزان
وهو المفقود أصلا و المرجو في حالة حدوث لقاء بين الاضداد...
المعروف يا هشام انو القوي هو الذي يحدد الاديلوجيات،
و المؤتمر دعى له المؤتمر الوطني بشكل رسمي،
و بالتالي هو البيحدد المخرجات، و دي بتتفق مع كلامك
انو نجاحو بيكون بحسب مرئياتهم .. بس ما تنسى انو هناك وجه آخر للقمر...
لما حضور بعض المعارضين الذين ظنو أن بامكانهم أن يستردو ما أخذ بالقوة
ينزع من السياق و يتشدق به من لا ناقة لهم ولا جمل في الإعلام و يجير حضورهم
للأجندة الأقوى و يقول ده نجاح منقطع النظير،
فاسمح لي اعمل زنقة الست و امدد كرعيني ...
شلت زلابية؟
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: هشام آدم)
|
هشام
كيفك نبذة شنو ياخي في زوال بيقدر ينبذ قمر ياخي المشكله تكون جاد عزاز تلعب وكمان تجيب اللقيمات والجماعة بحبو الكيك من روتانا وحيدر يشتتك ييقول أنو مطرود وبعدين نحن عارفين قصة رافضة شغل خبطه عشواء لانو حتي الخطاب الفكري للحركة الاسلامية السودانية خالي منها تماما وأمكن صاحب البوست محظوظ لكين حاجة كده فوضي لا معروف ليه رأي ولا قضية بس الصور كتيرة وعزاز مصرة علي حرق الدم معهم المهم نشوف نهاية الرافضة شنو
| |
|
|
|
|
|
|
|
|
 Re: وتم الاختطاف بعد هروب الجعليين .. (Re: عبد اللطيف السيدح)
|
Quote: كده جيبنا آخرتا
خليكم مع الزلابية
من استعداد لنقد البوست الذي يقول بنجاح الملتقي الي شيلوا الزلابية
ود الباوقة شوف غيرم , ديل انتهوا. |
امممممممم
ما بعرف اخت رابط يوتيوب كان جبت عرضة صقرية واهديناها لود الباوقة والسيدح ..
حي انا اهلي الجعليين ..
قال ايه نقد البوست ..
هل اجبت على اي سؤال متعلق بالبوست .. ؟
ام هل كتبت تلاتة سطور تلخص المراد منه ..
يازول اقول ليك شتات خالي محطات وبننتظر البيعوم ضهر دا ماشي وجاي بالنيل وحدنا ( الحدوّد )
تعرف الحدود يا ود الباوقة في البحر ..
المهم شكرا لك ما زال لدينا المزيد وكتروا لينا من نوع البوستات دي ..
اعلان :
يسر شركتنا طرح عطاء لتصميم ازياء رجالية ونسائية فاخرة بشرط ان تكون مساعدة على الزوغانات ولا يُعرف راسها من كرعيها زيادة في التمويه ..
فمن يجد في نفسه القدرة على اداء هذا العطاء تقديم العرض في مظرف مختوم بالشمع الاحمر وتسليمه للاخ ( عتود بينطط ) بالقاعة الذهبية بعد دفع قيمة 1000$ غير مستردة تامين ..
ولمزيد من المعلومات الاتصال برقم الجوال الموضح بالصفحة الاولي ..
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: هشام آدم)
|
| Quote: خلينا ليكم الصيوان، برطعوا ساي |
قاعة .. قاعة يا هشام ادم وكمان مغلقة ومكيفة الهواء وكراسيها فااااخرة ووثيرة ..
وفي النص كدة منصة لعرض اخر تصميمات بيوت الازياء العالمية ومعروضات اخر التياب السودانية من غبيراء وباب شريف مروراً بفاخر تيبان دبي ولندن وماتنسي البدل والكرافتات التي تصدمك دهشةً ..
الصيوانات دي لناس المؤتمر الخامس والسابع مرورا بارض المعارض ورقصات الكمبلا في حديقة قاعة الصداقة .. نحن ناس هاي بريستيج ولا نلوك الكلمات الا مدغمة بلغة اجنبية متعلمنها بالاحتكاكات في صالات السباحة المغلقة التي تكفينا شر معاكسة تيار البحر والعوم قفا مع سمك البردة فما تبخس لينا قاعاتنا دي والا بنكلم ليك السيدح هسع يجيب صورة غير منظور ( مثيلا ) لكل ارجاء القاعة بانارتها الخافتة وهبوب مكيفها الذي يرد الروح للميت ويعيد شباب من فاق سنه الخمسين بدون ان يظهر شيب بشعره ولا تظنن ان الاصباغ لها علاقة فظنك هنا يوقعك تحت طائلة قانون المصنفات الادبية ..
:) ابتسم تطلع الصورة حلوة وغير منظور ( مثيلا ) ... :)
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
في اسئلة و ملاحظات ذكية
اثارها الاخ عبدالمنعم لم تجد حقها من من القرقرة و التحليل
اعلان هام:
شركة العتود الفنية بحاجة إلى فحيّــص وسامة ووجاهة ذو خبرة سابقة
Quote: معليش ندخل في خسوساتك شويه انت شغال شنو هناك ؟
يعني لو في مطبعة او دار نشر او شركة توزيع يحق لك حضور المؤتمر بس ما بحق ليك المبيت بمنى
قالوا المبيت كان الليلة بـ 150 دولار |
Quote: Quote: كمان الاستعارة المكنية ما بتعرفيها
هههههههههههههه
كويس ال بقيت تستعير .. ماشي كويس
عقبال ما تستحي
___
حيدر الزين
صراحة صراحة
ما ليك حق تتكلم عن اناقة ود الباوقة
كل شي تمام التمام البنطلون ماشي وماتشن مع القميص والتاي
وعارف انه الكلام كله من الشماعة
والشماعة ذااااتها ما شاء الله
بس اضنينوا شويه دايرات تعديل
ممكن يخبئ العيب دا بوضع نظارة على الاذن الوسطى ههههههه
___
حلات عينيك ما بتضارا
وحاتك رغم النضاره |
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote:
Quote: شلت زلابية؟
كده جيبنا آخرتا
خليكم مع الزلابية
من استعداد لنقد البوست الذي يقول بنجاح الملتقي الي شيلوا الزلابية
ود الباوقة شوف غيرم , ديل انتهوا. |
أقبـــــــــــــــــــــض ....!!!
عدد واحد الرووووووووووووب في شكل وردة
نقد ايه يا ابو نقد و صور و كرفتات مقدودة ..
شوف غيرهم يا كبير ؟؟
قول الروب مافي زول شايف ... لأنو منظرك حيقبى بايخ لو مشيت و ما جبت باقي
الصور الما منظور مثيلا و سبت الصولات و الجولات مشرورة في الحبل ...
يا قول الرووووووووووووووووووب يا واصل لغاية ما نبني سوبا في البوست ده
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
ياشباب والله أن بحب أسالكم
أين الان الاخ صلاح غريبه
منو اللي طبع بعض مبطوعات الخاصةالملتقي خارج السودان
كم التكلفة الفعالية لهذا الملتقي
من هم الذين سوف يكونوا ملحقيين أعلاميين في السفارات خلال شهرين من الان
في مجموعة وعود زي طباعة كتب والتغرغ للدارسة وكمان العمل في صاج الرأئد
أقصد صحيفة الرائد وحاجات سمعت بيهاكتيره جدا
ودالباوقه بالله رد وأفصح عشان نعرف أنو الرافضة كانت في لحظة جنون
عزاز ما تردي أنت ما مشيتي هناك
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote: اعلان :
يسر شركتنا طرح عطاء لتصميم ازياء رجالية ونسائية فاخرة
بشرط ان تكون مساعدة على الزوغانات ولا يُعرف راسها من كرعيها زيادة في التمويه ..
فمن يجد في نفسه القدرة على اداء هذا العطاء تقديم العرض في مظرف مختوم بالشمع الاحمر
وتسليمه للاخ ( عتود بينطط ) بالقاعة الذهبية بعد دفع قيمة 1000$ غير مستردة تامين ..
ولمزيد من المعلومات الاتصال برقم الجوال الموضح بالصفحة الاولي |
نقطة نظام يا حيدر ...
يرجى تسليمه للأخت ك عتود بينطط ...
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
ود الباوقه
بركة الجيت .. بركة الجيت
والله انا معجب بجرأتك واقتحامك للمجهول
هسع بالله انت مشيت المؤتمر
في نهاية المؤتمر لا سمح الله
لو قالوا ليك : اوصف جمالك تفتكر تقدر تقول كل الحقيقة ... خلي الهزار يا منعم ..
اوكي ..
لو قالو ليك : با ود الباوقة با اعلامي اكتب لينا موضوع عن الفساد الاعلامي
وانت كدا جوا قاعة لا فيها قوقل ولا الملتقي من شيعتك (كسبوا) حلوه كسبوا دي بـ(الف) ..
اها تقول شنو ..
ول قالوا ليك يا ود الباوقة يا ختري اكتب لينا عن ثقب الاوزون ..
او عن الرجل الاخضر المتوسط ..
او عن الرجال الذين طارت اضنينهم ..
___
او قالوا ليك اكتب لينا عن سيرة الانبياء الافارقه لعبد المنعم والمارقه
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
انظروا لروح الديمقراطية, رئيس اللجنة التحضيرية للملتقي ورغم الارهاق والتعب والحمي الا انه شكل
حضورا مشرفا في لقاء الحركة الشعبية بالاعلاميين
كمال عبد اللطيف قال باقان ده كان حكمداري في مجلس الوزراء
ورد بأقان بأن كمال من افضل الذين عمل معهم في الحكومة
ومستشار باقان محمد معتصم حاكم يتبسم ضاحكا بين هذه القفشات الحلوة
والتعساء والتعيسات برضو يقولوا لينا معارضين . قوموا لفوا
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
الحمد لله الذي جعل من جماعة رابطة خزام اساتذة يا دكتور السيدح وحقيقي الاختشوا ماتوا الموضوع قائم حتحلف انك ما استلمت 1000 دولار والا لا ؟؟؟
ود الباوقة انت مسألة تحديد مهنة المتداخلين هنا ما في مصلحتك فأرجو فقط ان تجيب هل بالرياض صحفيين واعلاميين تم تجاهلهم وهل استلمت القيمة مع التسهيلات والا لا ؟؟؟
الحقيقة البوست بفضل الزميلة الاصيلة عزاز بلغ ما بلغ لكن لا يستحق التعبير لانو اتضح بما لايدع مجال للشك أن بعض القابضين دولارات قابضين على تلج القضية لانو كله بتمنو وناس اخذت تسهيلات ومعالجة قضايا خاصة و..... الخ
القضية الاخرى ان هذا البوست اوضح بما لايدع مجال للشك ان البعض كان بمثابة الغواصة لصالح حل الجمعيات والروابط والفرح باين في الكتابة والتهليل .
ويا ود الباوقة راجع ليك عشان تجاوب على اسئلتي بالصفحة الثانية وبعدها نقول ما عندنا ونسمع الهتافية الشهيرة فهي ليس لله هي للسلطة وللجاه ولما تحت التربيزة .
حاجة في ختام كدا يا ود الباوقة حساباتك تكون صحيحة اذا كان جملة المشاركين بالمؤتمر اعضاء هنا لكن بحساب المنبر اجرد المشاركين في المؤتمر والمشاركين بالتداخل واخصم كل الذين قبضوا فشهاداتهم مجروحة بما سلبت اياديهم من اموال الاغتراب وعليه يكون الحساب ولد .
.......................................................................حجر.
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
Quote: انظروا لروح الديمقراطية,
رئيس اللجنة التحضيرية للملتقي ورغم الارهاق والتعب والحمي الا انه شكل
حضورا مشرفا في لقاء الحركة الشعبية بالاعلاميين
كمال عبد اللطيف قال باقان ده كان حكمداري في مجلس الوزراء
ورد بأقان بأن كمال من افضل الذين عمل معهم في الحكومة
ومستشار باقان محمد معتصم حاكم يتبسم ضاحكا بين هذه القفشات الحلوة
والتعساء والتعيسات برضو يقولوا لينا معارضين . قوموا لفوا |
احرجت تعاستنا يا سعادتك ... و نلف وين نخليك براك لافي هنا ؟؟
المهم ... ما قلت لي بعد ما تمو شكيرهم لبعض
قالو حيعملو شنو في حكاية الرقابة القبيلة؟
ولا ما سمعت كنت بتاكل؟
كدي نسأل ذوي الاضنين من المؤلفة قلوبهم ...الكلام ليك يال منطط عينيك
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: HAIDER ALZAIN)
|
العزيزات والأعزاء
عزاز
إشراقة
الرفاعى
زهير
أنتو كلكم غلطانين . كان من الأول قبل أن تسألوا عن مؤهلات الصحفيين الذين حضروا الملتقى كان المفروض أن تسألوا عن مؤهلات معالى الملحق الإعلامى بسفارة جدّة والملحقين ألآخرين بالسفارات الأخرى
والذين قاموا بأختيار الصحفيين والإعلاميين بمناطقهم لحضور المؤتمر.!!!!!
1. كيف تمّ إختيارهم لهذه المناصب؟
2. هل خضع إختيارهم لمنافسات شريفة؟
3. ما هى المؤسسات الإعلامية أو الصحفية التى عملوا بها؟
5. كم هى عدد سنوات خدمتهم فى الحكومة؟
6.ألم تكن الواسطة والمحسوبية والولاء هى طريقهم لهذه المناصب؟
أرى بعض الوجوه فى صور الأخ السيدح وفى بوستات أخرى ممّن قاموا بتعذيبنا فى بيوت الأشباح!!!!!!!
فهل التعذيب من ضمن واجبات الإعلام؟!!!!!!!!!!!!!!!!!!!!!!!!!!!!!!!!!!!!
صحيح الإختشوا ماتوا..........
تخريمة:
الستشار الصحفى لرئيس الجمهورية شاويش من مرافيد الجيش!!والمستشار الإعلامى للحكومة بدولة الإمارات محمد محمد خير!!!!!!!!
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
| Quote: أنا والله ما "عزموني "..لكن والله برضو ده ماالمحرك الأساسي "شفت الحليفة دي كيف " ، وشخصيا أنا مؤمنة أنو مافي صحفي محايد 100% والتسيس والأدلجة حاصلة ..لكن لمن شخص يتكلم عن نجاح ..لازم يقول ليك الحاجة دي نجحت والدليل عشان كيت وكيت ..يعني الفكرة هي إحترام عقولنا |
الأستاذة: داليا حافظ
تحية طيبة
بعتذر لأني ما شفت التعليق بتاعك إلاّ حسي؛ أما بالنسبة للعبارة فهي عبارة استثنائية أصلاً لا يمكن أخذها في الاعتبار والقياس عليها؛ إلا إذا ثبتت صحتها: بمعنى إنو أيّ نقد يُمكن يوجّه للمؤتمر ونجاحه وعدم نجاحه يصب (في رأيي) في الحالة الاستثنائية دي؛ وبالتحديد: ناس بيكونوا ممغوسين من إنهم ما عبّروهم وما قدّموا ليهم دعوة، وبالتالي فوتوا ليهم فرصة الظهور والتمثيل الإعلامي بالهيلمانة الكان بيها المؤتمر ده، وبالتالي فأكيد كان حيكون رصيد ليهو ولحياته المهنية بغض النظر بقا عن إنو مؤتمر كيزان ولا قيامة رابطة. الكلام ده لمّا نقرنوا بإنو في ناس (أصلاً) ما عندهم علاقة بالإعلام تمت دعوتهم للمؤتمر .. بتزيد المغسة زاتو.
أنا بقول إنو مناقشة الحتة دي بالتحديد لا تُقدّم ولا تؤخر. يعني ممكن نصل لشنو لو أثبتنا إنو المؤتمر فشل؟ ولا نجاح المؤتمر نفسه ممكن يغيّر شنو من الواقع سواء الإعلامي ولا السياسي؟ ولا شي!
أمّا بالنسبة لرأي أنا: فأنا شايف إنو نجاح أيّ مؤتمر مش في توصياتو لأنو التوصيات دي أساساً حبر على ورق من ناحية، ومن ناحية تانية لأن الحكومة قادرة (بالسُلطة) إنها تمشي أيّ قانون أو برنامج إعلامي دايراهو سواء في مؤتمر أو مافي، وبالتالي فنجاح المؤتمر هو قيام المؤتمر نفسه.
يبقى السؤال الطبيعي والبيفرض نفسه: إنتو بناءً على شنو بتفترضوا إنو المؤتمر ما نجح؟ (برضو عشان احترام العقول)
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: هشام آدم)
|
| Quote: يبقى السؤال الطبيعي والبيفرض نفسه: إنتو بناءً على شنو بتفترضوا إنو المؤتمر ما نجح؟ |
هسع يا هشام كدي راجع الكلام الفوووق دا كلو بي صورو وعرض ازياءه وكاسات العصير وكسرة عزاز شامي ( كسرة يا عزاز كسرة ما عصيدة :) وشوف في زول اتكلم عن عدم نجاح ..
ياخي الاخ السيدح دا جاء قال نجحنا وحانحتفل وانتو يا روافض اطلعوا برة وبقي يوزع في صكوك الوطنية والموالاة والانتماء لمن شاء سؤال بس اتوجه ليهو ؟
المؤتمر دا حق منو ؟ واتعمل ليه ؟ ونجاحوا في شنو ؟ ولو عاوزين دعوة المرة الجاية المواصفات شنو ؟
وهل قروشنا دي البنمشي ندفعها في المغتربين والسفارة وغيرها تم الصرف منها عليكم ؟
لو انصرف عليكم مقابل شنو القدمتوهو ؟
وبعد دا اليجاوبوا و اليفرحوا يا هشام وينبسطوا ويعرضوا زول سالهم تب مافي لكن يجوا يعرضوا ببدلهم السمحة المنمقة وما نعرف الحفلة الاتشتمنا بسببها شنو وعاملنها شماتة فوق كم ..؟
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: هشام آدم)
|
Quote: يبقى السؤال الطبيعي والبيفرض نفسه: إنتو بناءً على شنو بتفترضوا إنو المؤتمر ما نجح؟ (برضو
عشان احترام العقول) |
أستاذ هشام
تحياتي
وعن نفسي كان سؤالك ده حيكون طبيعي لو انا فتحت لي بوست تحت عنوان (فشل ذريع لمؤتمر الإعلاميين
(توجد أدلة دامغة!) ، وبعتقد أنو أسئلتي البحدد بيها فكرتي عن النجاح من عدمو كانت مشروعة غض
النظر عن إختلافنا وفهمنا لمعنى النجاح المطروح أمامنا في البوست ده ..
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عبد اللطيف السيدح)
|
كدي يا هشام آدم قبال ما تجي تعمل فيها انو انت الجبت التايهة
يا ريت تمشي تقرى البوست من الأول و تشوف نقطة الاعتراض وين
و بالمرة شوف معاك وصفنا انحنا المعترضين في العنوان ..
بعدين انا ما باقدر اشرح البوست واعمل الغدا
و اتحمل خفة دم السيدح و الوان قمصان ود الباوقة
ده كتير و حرام و الانسان ليهو طاقة ...
كلامنا اللي عليهو القيمة بنقولو في وقتو ولمن يعي و يفقه
لأنو انحنا ما جايين نقشر بالمعرفة ولا عندنا كبير غرض في ترديد
البديهيات ... و القارئ بيفهم و حصيف ما تقلق
وإن كان همك على الديموقراطية، فشكر الله سعيكم
و ما نجيك في حاجة وحشة ... المرحوم كان طيب
البوست ده بدوهو ابتزاز و دق حلل و صفايح،
و انحنا بنتمو ليهم عصيدة و ملاح روب و زلابية ...
النبي شيل زلابية لانو ود الباوقة بيكاويني قبيل
قال لس هشام ابى يشيل منك زلابية عيب تكسفني في الآخر احنا قرايب 
| |
|
|
|
|
|
|
|
|
|
Re: بعكس ( الرافضة ) إجماع علي نجاح ملتقي الإعلاميين ( صور ما منظور مثيلا) (Re: عزاز شامي)
|
مساهمة منا بالارتقاء بالاناقة السودانية خاصة بالمؤتمرات فيسرنا ان نبشركم بانه
وصلنا حديثاً بالشركة احدث التصمايم من بيوت الخبرة العالمية ..
( 1)
بدل رسمية بزرارين two buttoned suits
مناسبة للقصار والضخام وابان صلع بالوان متعددة والكمية محدودة ..
( 2)
بدلة رسمية ثلاثية الازرار three buttoned suit
مناسبة للطويل نحيل الجسم مع ملاحظة انه توجد الوان مختلفة ايضا ..
(3)
بدل رسمية باربع ازرار four buttoned suit
بدل لائقة جداً على من كان يتمتع بالضخامة والطول وعريض المنكبين ..وهناك الوان جميلة ..
ننصحكم بسرعة الحجز والاستفادة من عرضنا بتوفير الطقم كامل من قميص وكرافتة وجزمة وشراب وملحقات الجيوب كما نفيدكم بوجود اخصائي اناقة مخصوص يختار لكم لون البدلة بناء على لون بشرتكم ..
تحياتنا ( شركة العتوت الوسيم للاناقة )
| |
|
|
|
|
|
|
| |
عبد المنعم سليمان
عبد اللطيف السيدح
HAIDER ALZAIN
المسافر
داليا حافظ
هشام آدم
صديق الموج
خالد عبد الله محمود
الشامي الحبر عبدالوهاب
زهير عثمان حمد
الرفاعي عبدالعاطي حجر
فيس بوك
تويتر
انستقرام
يوتيوب
بنتيريست