|
|
|
 Re: الذكرى الأسبوعية لاستقالة محمد فرح (Re: GamarBoBa)
|
كدي نجيب الملخص الاول
وبعدين نجي نشوف اللنك بتاعك ده فيهو شنو..
ملخص للبوست..
1/ محمد فرح ينقل بشرى مهببة:
- من بكره ... تاني مافي كهرباء بتقطع في الخرطوم إن شاءالله
- بس بإذن الله من بكره حتستمتع وكل سكان الولايه بإمداد كهربائي مستمر بعون الله
- من بكره حتشتهوا قطعة الكهرباء بالليل ولمة الحوش بالبطاطير والشاي البالقرقوش
- شايف الاغلبيه مامصدقه إنو الحلم خلاص إتحقق وإنو تاني قطوعات مافي زمن إنقطاع الكهرباء خلاص ببح ، إنتهى
ده وعد قطعتو الإنقاذ وهاهو الآن تحقق وأصبح واقعاً
2/ محمد فرح يتحدى الجميع ويندد بالمبخسين للكهرباء اللغاية هسه ما جات..
- أي زول حالياً موجود في الخرطوم والكهرباء قاطعه عندو يكتب إسم المنطقه اللي هو متواجد فيهاوتحدي لو تاني الكهرباء قطعت
- ولمن يريدون تبخيس هذا الإنجاز عليهم أن يقارنوا واقعنا الحالي بواقعنا السابق عندما كانت الكهرباء تقطع بالتلاته والاربعه يوم .
3/ الموضوع طلع من يدو وبدأت التبريرات :
- طبعاً الكهرباء يادووووب وصلت الليله
- حسب ماعلمت يبدو أن كمية الكهرباء التي وردتنا من سد مروي كانت أكبر من أن تتحملها موزعات الخرطوم مما أحدث بعض الأعطاب الفنيه .
4/ بدا يكضب ويشرع ويفتي ويقطع من راسو ويداري على ناسو :
- فقد علمت أن توربيني سد مروي الذان تم تدشين إنتاج الكهرباء منهما قد توقفا عن العمل وهذا هو ديدن الآلات ياأخوانا وهو أمر طبيعي
5/ أرعد وتوعد وهدد وجاءت الاتهامات:
- آثرت عدم الرد على ردود بعض المغرضين ممن يريدون تبخيس جهود المخلصين من أبناء هذا الوطن الذين يعملون ليل نهار غير آبهين بأصوات اليائسين العاجزين المحبطين
6/ زولنا زاغ وجات الطامة الكبرى تبريرات المسؤولين:
- زاد الطلب على الكهرباء 23% بي قدرة قادر
- مافي دولة تقدر تغطي الاستهلاك الحالي (ماعرفناهو ده قانون عام ولا الزول بيتكلم عن السودان)
- كهربة مروي دخلت وخرجت وتاني دخلت وكمان خرجت .. لغاية منتصف مايو كده ممكن تنتظم بت الكلب دي
- مافي اي مشاكل بين وحدة السدود والهيئة بتاعة الكهرباء
- في مشاكل بين وحدة السدود والهيئة بتاعة الكهرباء
7/ انتظمت شوية كده .. ورجعت زي ما كانت قبل السد يعني بتقطع برضو لكن ما باليوم كامل
8/ ظهر النمر* مرة أخرى وصاح..- أي زول ينفي إستقرار الكهرباء (حالياً) في الخرطوم كذاب فقط ليس إلا
- أسبوع تمام لم أصادف إنقطاعاً للكهرباء في أي منطقه في الخرطوم
- وأيضاً لم يحدثني أحد عن إنقطاع الكهرباء او وجود مشكله بخصوص الكهرباء
- وأحمد الله على هذا الإستقرار الذي يبدو أنه (حارق حشى) الكثيرين هن
9/ قدم استقاله (مسببة) بعد موضوع ست الشاي
10/ بعد اقل من أسبوع رجع .. ليه ما عارفين
| |
 
|
|
|
|
|
|
|
|
Re: الذكرى الأسبوعية لاستقالة محمد فرح (Re: صلاح ليون)
|
كنت سايق تعليقه بشأن المرجفون الذين لا يهذون به اي شعرة
ولقيتك جاريه من اضنيه هنا يا صلاح ليون...
يكفي ان الرجل خرج بمسرحية ودخل بشعار مسرحية اخري..
فكيف يكون المرجف ان لم يكن متدرقا هكذا..
قال مرجفون قال
أها
والكذابون الافاكون...والمستمرئون الكذب...والذين كتبوا
في هذا المنبر كذابون....فلن تقبل شهادتهم بعد اليوم...
ومن هسي اعملوا حسابكم من المسرحية...دي...
كان ما اعتليتو خشبة المسرح وتحسستم وجه
محمد نعيم سعد...!!!!!
| |
|
|
|
|
|
|
|
|
|
Re: الذكرى الأسبوعية لاستقالة محمد فرح (Re: أحمد الشايقي)
|
صلاح ليون
نذار حسين
أرى انكم مازلتم في غيكم تعمهون
أهلنا زمان قالوا الفاضي بعمل قاضي
الكهرباء زماااااان موضوعها إنتهى وبقت مابتقطع وكل بورداب الخرطوم اكدوا الكلام ده
وانا لمن سلمت الأمر لمشيئة الله في عنوان البوست كان للأسباب الخارجه عن أيدي البشر فكلنا خطاؤون والذكي هو من يستفيد من اخطائه .
الحمد لله اليوم تحقق الوعد وأصبحت القطوعات ماضي وذكريات .
السد ايها الجهلاء هو مشروع نفاخر به الشمس نفسها
مشروع سيبقى إن ذهبت الإنقاذ بل سيبقى وإن ذهبت بعد الإنقاذ عشرات الحكومات
سيبقى شامخاً كجزء مهم من مقدرات شعبنا الكريم
وإنتو لسه تلوكو وتعجنوا في كلام لابودي ولابجيب
أنصحكم إنكم ماتهبلوا بي روحكم اكتر من كده
| |
|
|
|
|
|
|
|
|
|
Re: الذكرى الأسبوعية لاستقالة محمد فرح (Re: محمد فرح)
|
| Quote: أرى انكم مازلتم في غيكم تعمهون |
تعال ورينا بي رواقة كده وين الغي في 13 صفحة دي
ما تقول كلام خارم بارم ساكت .. والكهرباء اصلو
ما موضوعنا .. الموضوع كضبك وتبريرك ولفك ودورانك
الخلاك تمشي وتتشالق في موضوع نادية ست الشاي
والبي سببو قدمته استقالتك وما وفيت بي وعدك
وجيتنا تاني تجعر وتستدل اليوم بي بورداب الخرطوم
وهسه جايب لينا صورة .. دي نعمل بيها شنو .. نجر منها سلك يعني
كان تجيب صورة الهتاف والسد السد والرد الرد كمان معاها شوية سمك
| Quote: السد ايها الجهلاء هو مشروع نفاخر به الشمس نفسها |
اتقي الله يا راجل..
| Quote: أنصحكم إنكم ماتهبلوا بي روحكم اكتر من كده |
بالله هبالة اكتر من السويتا انت دي في
ياخي الناس الخجلت ليك زاته خجلت من نفسها
قال حنسوني قال .. يا راااجل
| |
|
|
|
|
|
|
|
|
|
Re: الذكرى الأسبوعية لاستقالة محمد فرح (Re: HAIDER ALZAIN)
|
ابو حميد ياخي ليك وحشة ..
حقو نضرب ليك باب البوست بالجير..ونكتب يا داخل هذا الدار صلي على النبي المختار..
| Quote: السد ايها الجهلاء هو مشروع نفاخر به الشمس نفسها |
كتحفة فنية يعني ؟؟ لكن ما كنتو تعملوه جنب المطار علشان الزوار لمن يجو يستمتعوا بيهو..
وبالذات منظر الموية وهي نافرة و عاملة دوائر- منظر فعلا تحفة - ربنا يديكم العافية..
| |
|
|
|
|
|
|
|
|
|
Re: الذكرى الأسبوعية لاستقالة محمد فرح (Re: HAIDER ALZAIN)
|
انقلهم معاك يا حيدر للربع الجاي
انا شكله بكري قاصي لي في اسمي المستعار ده وبحلق لي وينزلني بشريط واحد ساي فاخوك متضاير شديد شديد
وانقل معاه الله يديك العافية البوست بتاع ود الباوقة بشرناكم وحققنا احلامنا داك او بهذا المعني لانو عندي اسئلة بشهادتك معلقة بهناك
جمعة مباركة يا معلم ولو عندك كونتاك مع ليون وصلاح الدين ونزار بالله بلغهم التحايا فالسلام امان
| |
|
|
|
|
|
|
|
|
|
Re: الذكرى الأسبوعية لاستقالة محمد فرح (Re: GamarBoBa)
|
القمر بوبا
ازيك انت ياخي
وصلاح الدين نادر
وحيدر
ونزار..
كيفكم .. والله كانت لنا ايام..
الناقص منو تاني من المغرضين..
ايوه حسين نوباتيا
السلام عليكم جميعاً .. وجمعة مباركة .. والله يديكم العافية
عذراً لو نسيت لي يائس أو مغرض ..
تحياتي..
| |
|
|
|
|
|
|
| |
MOHAMMED ELSHEIKH
صلاح ليون
بشير أحمد
HAIDER ALZAIN
رغيم عثمان رغيم الحسن
أميرة فاروق عبد العال
حسين نوباتيا
محمد فرح
Nader Abu Kadouk
Faisal Elrasheed
Salahaldeen Nadir
احمد محمد بشير
فيس بوك
تويتر
انستقرام
يوتيوب
بنتيريست