|
Re: مبروك (Re: ناذر محمد الخليفة)
|
الاماجد
مكي متولي الشريف (ود الجاك شايفوا الايامات صاحب الزول دا) ههه تيسير مبارك أمير مصطفى أحمد الاخت ايزابيلا الامين سيف الدين العوض صلاح أبودية عبدالله إبراهيم الطاهر الفاتح شلبي نيازي مصطفى (وينك يا راجل مختفي.. أخبار صلاح شنوا؟ لسه في دبي) محمود الدقم المغيرة الامام السنوسي بدر الصحافة 30 (سريناقمندو) ناذر محمد الخليفة (زميل حقت الهند ولا المنتدى هههه. تسلم يا ناذر)
أسعدني مروركم الكريم ولكم مني خالص التقدير..
| |
|
|
|
|
|
|
Re: مبروك (Re: Ahmed Alim)
|
الف الف مبروك الاخ حسين نوباتيا هذا شرف كبير لكل سوداني ورفعت راسنا مع تمنياتي لك بدوام الرفعة اخوك معاذ
| |
|
|
|
|
|
|
Re: مبروك (Re: moaz elsir)
|
Quote: Sarah, we all have our ups & downs but though perseverance, determination and above all believing in ourselves we reach our desired destinations |
Huseen you know?? after your success, i can and i will become what i aspire to be
Thanks for the encouragement
| |
|
|
|
|
|
|
Re: مبروك (Re: esam gabralla)
|
وهكذا تضيء شمس
في عتمة الوطن
وظلامه الدامس
شكراً لعبقرية سودانية
جعلت قامتنا تناطح السماء
ألف مبروك للغالي حسين
فلقد جعلتنا نبتسم
ونصاحب طلوع الشمس
ولا نهرب من ظلام المدينة
| |
|
|
|
|
|
|
Re: مبروك (Re: Dr. Moiz Bakhiet)
|
أأأأأأأأأأأأأأأأأأأأأأأأأأأأ
انا الحقيقة خجلان...
كنت عايز (سلفة من المدير حسين)
لكن ماااا عارف اقولا ليهو كيف؟؟
(وش منكمش)!
| |
|
|
|
|
|
|
Re: مبروك (Re: ASHRAF MUSTAFA)
|
العزيز اشرف مصطفى..
والله المدير حسين ذاتو دايرو سلفة .. بس تكون قرض حسن لانو ما بقدر على الفوائد..
تسلم يا حبيب..
| |
|
|
|
|
|
|
Re: مبروك (Re: Dr. Moiz Bakhiet)
|
دكتور معز بخيت..
الشمس مضيئه من زمان بطلتكم على الساحة العلمية وانجازاتكم التى شرفت كل السودانين..
تحياتى لك يا رجل يا مبدع.. و مزيدا من التوفيق ان شاء الله..
| |
|
|
|
|
|
|
Re: مبروك (Re: ناذر محمد الخليفة)
|
ناذر الخليفة ازيك.. شكرا ليك ياحبيب..
الموضوع ما زال قائم..
والماسنجر رجع لز لي التلفون لانو ضاع كما ذكرت لك اخر مرة..
في انتظارك يا ولدنا..
| |
|
|
|
|
|
|
Re: سودانـي وبوردابـي يحصل على جائزة أفضل مدير بنك بالولايات المتحدة.. (Re: نيازي مصطفى)
|
العزيز احمد ساتى محمد عبد القادر عالم
تعرف جاني إتصال جميل من أخينا المحتفى به حسين محي الدين نوباتيا... وقعدنا ندردش لأكتر من ساعين... لغاية بطارية تلفون حسين خلصت وإطر يكلمني من تلفون تاني... وطبعا "قطعنا" فيك يا راجل يا ما كويس... تجي من DC وتصل مانشتر القريبة مننا وتمر بينا وما تدخل بوسطن دي...
يا أخي ما ليك حق!
المهم إتكلمنا عن الهند والسودان والإمارات ودبي ولفينا أمريكا وما أظن خلينا واحد ما وصلنا ليهو وطريناهو بالخير... وطبعا الكلام مع حسين ممتع وشيق وما بخلص... وعليه قررنا نواصله عندي في بوسطن الأسبوع الجاي لأني مسافر بكرة وبرجع بوسطن نص الأسبوع
وطبعا علشان نواصل الأحتفالات الأسفيرية دي يبقى أحسن نجعلها على أرض الواقع ونتشرف بيهو نحنا في بوسطن كمان ونعزمو "فتة خُلفة" وطبعا صاحبنا المرطب اليومين ديل هو الحايدفع المعلوم!
يمكن في الصور النزلتها دي شفتو واحد قاشر وإسمه محفور في قعر الكاس الفخم داك... وطبعا سألت حسين عنه... قال لي الرجل الفاضل ده إسمه عبدالمجيد العوض... سوداني شغال معاي في البنك... وحا أكتب عنه في البوست ده عن ومهنيته العالية وفضله ومساهمته معنا كـ "غروب" مكرم هو عنصر أساسي فيهو... وأنا حا أترك المجال لنوباتيا للحديث عنه
وأخيرا... لازم نتأكد من إنك حا تكون مشرفنا الأسبوع القادم وعلشان كده إتصالك مطلوب ولازم... وتسلم يا سيدي
| |
|
|
|
|
|
|
Re: سودانـي وبوردابـي يحصل على جائزة أفضل مدير بنك بالولايات المتحدة.. (Re: Mohamed Yassin Khalifa)
|
ود الخليفة أزيك يا حبيب، زرت بوسطن كتير، وعندي فيها أصدقاء وأهل كتار وللاسف الشديد لم تتاح لينا فرصة التشرف بمعرفتك..غايتوا للضمان كدة اي كلام قالوا ليك عني إعتبروا عار من الصحة والعافية لحدي ما نتقابل...
سمعت من الاخ حسين عن زميله السوداني وحكى لي عن مقدراته ومهاراته العالية في العمل المصرفي وهو مبسوط منه جداً ووعد بالكتابة عنه لاني لم التقيه من قبل ولذلك لم يرد أسمه للاسف بهذا البوست .
Quote: العزيز احمد ساتى محمد عبد القادر عالم |
اها قول لصاحبك الاسم الكتير دا انا موفورو في البروفايل...قرقرقر
يشرفني جداً أجيكم في العزومة طالما صاحبك حيدفع... ولكونها أيضاً حتكون بعد الويكند القدامنا دا لاني برضوا عندي فيهوا سفرية. بتصل عليك أكيد.. خالص تقديري
| |
|
|
|
|
|
|
Re: سودانـي وبوردابـي يحصل على جائزة أفضل مدير بنك بالولايات المتحدة.. (Re: نيازي مصطفى)
|
Quote: كلمات كلفني بها دكتور مهدي عمر حامد(جي جي هوسبتال ) |
العزيز نيازي ، انا والله سعدت كذلك بسماع صوت دكتور مهدي عمر إسفيرياً بعد كل هذه السنوات الطوال. خالص التحية والتقدير لهذا الرجل الجميل. سألت عنه كتير جداً لاني عرفت انوا بامريكا ووعدني الاخ جمال حامد قبل اكثر من ثلاثة اشهر بانوا حيجيب لي تلفونوا لكن ما جاني منوا اي خبر وعرفت بانه مشغول كتير الفترة الفاتت.. تحياتي موصولة للاخ صلاح..
| |
|
|
|
|
|
|
Re: سودانـي وبوردابـي يحصل على جائزة أفضل مدير بنك بالولايات المتحدة.. (Re: Ahmed Alim)
|
سعدنا وتشرفنا بهذا البوردابى العملاق وهكذا نريد لهذا البورد ان يكون...رجال يكدون ويكدحون ويحققون المعجزات ويرفعون رأسنا
عاليا بين الأمم ويقابل ذلك للاسف اخفقاق متكرر/متعمد وفاضح داخل الوطن ..
أتمنى ان نسهم فى خلال هذا البورد فى دفع مستوى الفهم والفكر والرأى خروجا بالسودان من هوة الظلام الى أنوار الحرية التى تشع
من حولنا وتضىء للعالم دربه...
نشكر للاخ حسين هذا الانجاز وهذا الالهام...والى الامام يابورداب..
| |
|
|
|
|
|
|
Re: ألف مبروك (Re: ماجدة عوض خوجلى)
|
لي زمن ما طالعت بوست افرحني زي ده
شكرا يا عالم على البوست
و الشكر أكتر لحسين محي الدين اللي رفع رأسنا و طلعنا من الدبرسه اللي نحنا فيها
ربنا يغتي عليك
| |
|
|
|
|
|
|
Re: ألف مبروك (Re: فادية اليمني)
|
تعرفت على ابو محمد عن طريق البوردابى وصديقي الجميل سيد بيكاب وقال لى انه شاب سودانى "ممتاز"
وقد حضر لامريكا قبل شهور قلائل وانه يبحث عن عمل في قطاع الشركات التجارية او البنوك وطلب منى ان
اساعده في إيجاد عمل.....وامريكا لمن لا يعرفها يا سادة مهما كنت متعلماً ومؤهلاً من اي مكان في الدنيا يجب
عليك ان تبدء فيها من ضربة البداية لان كل نظمها الادارية والعملية مختلفة بشكل كبير عن الانظمة المألوفة و
المتعارف عليها بباقي دول العالم. يعني لو محظوظ ما ترجع كتير للوراء...
المهم تخرج صاحبنا ابو محمد من جامعة انجلو امريكان بجمهورية الشيك عام 2004
وعمل لفترة قصيرة في الامارات في مجال التسويق
احترت كيف يمكننى ان اساعده خاصة وانه حديث التخرج وقليل الخبرة!
طلبت من صديقي سيد ان يرتب لي معه لقاء لكي اتعرف على مقدراته العامة..
وبالرغم انوا اخونا سودانى وكدة لكنني تعمدت ان تكون المقابلة معه باللغة الانجليزية ..
فوالله تعجبت كثيراً من طلاقة لسانه في اللغة الانجليزية برغم حداثة هجرته لامريكا!!!
ولكنه خفف من دهشتي عندما قال لي بانه خريج لغة انجليزية..
كنت اسمع عن كفاءة السودانيين ومهنيتهم العالية في مختلف المجالات خاصة بدول المهجر ولكنني لم يسبق لي
العمل مع اي سوداني طيلة حياتى العملية ..
بحكم عدم خبرته بحثت له عن وظيفة صراف كبداية له ولكن للاسف لم يكن لدي شاغراً لمهنة صراف..
فالوظيفة الكانت متاحة عندي وقتها كانت موظف بنك برتبه عالية " Banker II"
وهي وظيفة اقل من مساعد مدير بدرجة..
فبحثت له عن وظيفة مناسبة في القطاع و طلبت منه ان يذهب لعدة مقابلات بافرع اخرى وبعد احدى
هذه المقابلات زارني في مكتبي وتحدثت معه طويلاً وللامانة اعجبت بذكاءه و قررت تعيينه
معى في نفس الوظيفة المتقدمة طالما انه سيكون معي فى نفس الفرع وبعدها شرحت له متطلباتها وكان هو متحمس ليها
جداً.....
فلم يخيب ظنى فيه ..
هذا الشاب النابغة عبد الماجد محمد احمد العوض خلال ستة اشهر فقط صار من اشهر الموظفين في القطاع ( 13 فرع)
لانه حقق مبيعات عالية جعلته من افضل خمس موظفين بالقطاع، فحسدوني عليه مدراء الافرع الاخرى. ..
حينها أدركت تماماً بأن كل بني وطني لو توفر لهم التأهيل والتدريب المهني المطلوب...
لحكى بهم الركبان وتغيير حال بلدنا...ولقينا حل للكتاحة..
| |
|
|
|
|
|
|
Re: ألف مبروك (Re: الفاتح شلبي)
|
الفاتح عثمان حسين شلبى
تحياتى يا صديقى ..بالامس كنت اتحدث لعارف محي الدين "السكودابى" وهو متابع جيد لبوست خرجي الجامعات الهندية ..واليوم كنت اتحدث لخالد عبد الفتاح محمد كدود وهو في تكساس اما سليمان فاَخر مرة التقيته فيها كان عرس ود الجاك و اظنه مع خالد في تكساس..
طبعا انا في البداية ما عرفتك بالبدلة ..حليل صديقى الزمان الفاتح الجباتى رحمه الله رحمة واسعة..لحدي ما عارف و خالد قالوا لي ده ياهو الفاتح ذاتو ..و خليتهم الاتنين يحلفو على المصحف ولحدي حسى انا ما متاكد.. وين يا راجل يا جميل والله مشتاقين ..في زيارتى الاخيرة للرياض قابلت ابوالقاسم خليل وانور خليل و الشاذلي عبد المجيد ولكنه لم يخبرنى انك معاهم بهناك..
بجيك في منتدى بدين ..تحياتى
| |
|
|
|
|
|
|
Re: ألف مبروك (Re: bamseka)
|
أحر التهاني للزميل حسين نوباتيا بهذا الفوز الكبير
وحسين زميل بورد و زميل مهنة إيضآ..
أن تعمل في بنك بأمريكا ك Banker ليس سهلا ..
أن تحقق إنجازآ ويمنحك الأمريكان Record of Achievment ليس سهلا..
أن تنقذ فرعآ من الإفلاس و تجعله في مصاف الفروع الكبرى وفي ظل هذه
الأزمة المالية العالمية فهذه معجزة و توفيق ما بعده توفيق ..
أن تحول ال stress المالي على المنشأة المعنية ألى Record بالتوسع
في زيادة الودائع والتوسع في حجم حسابات العملاء وبيع منتجات البنك
ال Bank Products فهذا يحتاج ألى مقدرات فائقة .. خاصة وأن عامل التسويق يحتاج ألى البحث عن زبائن من كل نوع ..
والمحتفى به حضر من مدينة أخرى لإستلام الفرع .. وهذا ضد العامل السابق
Factor of finding new custmoers and expanding the bank services
يدل على عبقرية مالية و تجارية فذة..
آمل ألا يكون الزميل نوباتيا ممن أحيلوا للصالح العام في السودان..!
وأعتقد بأن السودان يحتاج ألى قيادات مصرفية جديدة ملمة بالتطورات
المصرفية والمالية العالمية لتحديث عمل وآليات الجهاز المصرفي السوداني المنهك ..
و لقد سعدت بإختيار الزميل فيصل عباس قبل أسابيع نائبآ لمدير عام
بنك الخرطوم أحد أعرق مؤسساتنا المصرفية السودانية .. وجاء إختياره
وهو في كندا ..
وبما أن العمدة هشام هباني قد وعدني بتعيني محافظا لبنك السودان في حالة فوزه بإنتخابات رئاسة الجمهورية فأنني أعلن بأنني لا أستطيع شغل هذا المنصب في وجود شخصية مصرفية فذة مثل حسين نوباتيا..
أخي حسين لقد رفعت رأسنا عاليا لك أجمل التحايا و التقدير
أخوك / عادل نجيلة/ مصرفي سابق/ أريزونا
| |
|
|
|
|
|
|
Re: ألف مبروك (Re: SHIBKA)
|
Quote: طبعا انا في البداية ما عرفتك بالبدلة ..حليل صديقى الزمان الفاتح الجباتى رحمه الله رحمة واسعة..لحدي ما عارف و خالد قالوا لي ده ياهو الفاتح ذاتو ..و خليتهم الاتنين يحلفو على المصحف |
الفاتح الجباتي ما زال حي يرزق ويتمرن على اللغة الهندية يومياً مع اليسوا والمايسوا واللى شايفه دهـ مجرد تغيير فى الهندام ولزوم ... الانت عارفه كويس ... وصدقني دخلت للبروفايل بتاعك للتأكد واتغشيت باسم الكلية بتاعتك ويا ريت لو قرأت بقية بيانات البروفايل Oeyn etir with Kabid لو قراته كان عرفتك قبل الصور.
بيني وبينك خالد وعارف ديل أنا ما بصدقهم لو كل واحد فيهم بلع مصحف موش يحلفوا عليه.
| |
|
|
|
|
|
|
Re: ألف مبروك (Re: الفاتح شلبي)
|
الاحباء،
سلام وتحية....
يحي عبدالكريم محاسن أحمد محمد نصر الازهري 2 فادية اليمني ماجدة عوض خوجلي بت الهنا الفاتح شلبي سيف اليزل برعي بامسيكا عادل نجيلة (ملامح) سارة علي شبكا SHIBKA
خالص تقديري لمروركم الكريم......
| |
|
|
|
|
|
|
Re: ألف مبروك (Re: malamih)
|
استاذي الفاضل: عادل نجيلة
أشكرك كتير على هذه المداخلة الضافية التى تنم عن معرفة حقيقة باصول العمل المصرفي و تحدياته .. ساعلق على بعض ما جاء في مداخلتك القيمة ومن خلالها ساقوم بالرد على اسئلة المحترمين د. احمد طراوه.. و والاستاذ محمد الامين موسى..
بالنسبة لسؤالك عما اذا كنت أَحلت للصالح العام فالإجابة لا.. لاننى لم اعمل فى السودان مطلقا.. تخرجت من جامعة بومباي الهندية 95-1996 ومن ثم ذهبت لدبى و عملت بها لمدة 3 سنين و بعدها ساقني لطيف القدر للولايات المتحدة و فور وصولى عملت بهذا البنك وبدأت مسيرة البانكج من البداية ك Flex Banker/Teller وخلال 3 سنين وفقت في ان اصبح نائباً لمدير الفرع و خلال سنة ونصف صرت مدير للفرع..
بالرغم من عدم عملي في مجال البنوك خارج أمريكا ولكن من خلال معرفتي العامة بالانظمة المتبعة بالبنوك خارج الولايات المتحدة لاحظت وجود فرق كبير بين نظام البنوك المتبع بامريكا وبقية دول العالم الاخرى،،، فكلً في فلك يسبحون... حيث ان الانظمة المتبعة هنا مبنية بصورة صارمة على التخصصية فنجد لكل من الاقسام المصرفية المعروفة لها إدارتها المنفصلة وقوانين ولوائح تفصّل بصورة دقيقة كل تعاملاتها المختلفة ولا تلتقى مع الاقسام المصرفية الاخرى الا عبر وسيط، والذي بدوره يعتبر قسم قائم بذاته له قوانينه هو الاخر..... وفي الناحية الاخرى نجد ان الانظمة المصرفية بكثير من دول العالم الاخرى تدمج كتير من الاقسام ولامكان لديهم للتخصصية التي ميزت الامريكان بصورة كبيرة عن باقي الدول....
International & Retail Banking –Mortgages- Real Estate Brokerage-Appraisal Companies etc… وكل هذه الافرع المصرفية لها مهمتين رئسيتين هما Sales and Operation ومقولتى المحبوبة هي Sales get you promoted & operations get you fired لذا التوازن بينهما عملية في غاية الاهمية..
واهم ما يميز النظم البنكية هنا هو عملية التاهيل والتدريب والدراسات المكثفه بما فيها القوانين المالية الفدرالية والولائية .. جودة كورسات الادارة هنا و تنوعها تلعب دور كبير في صقل و تاهيل المدراء و اعطاءهم المساحة لاضافه مواهبهم و مقدراتهم وخيالهم الابداعى في حدود النظم واللوائح ..
بجيك راجع
| |
|
|
|
|
|
|
Re: ألف مبروك (Re: حسين نوباتيا)
|
الافاضل:-
Yahia Abd El Kareem
شكرا لك عزيز يحيى و ما عدمناك
محاسن احمد محمد
شكرا ليك كتيرة يا استاذة محاسن ..
Nasr
الله يبارك فيك يا سيدي ..و شكرا لك
Alazhary 2
شكري الجزيل ليك يالازهري..
فادية اليمني
راسك مرفوعه دوام يا ستي.. وشكرا ليك..
ماجدة عوض خوجلى
الله يفرحك كمان وكمان يا استاذة ماجدة..مشكورة..
BitAlhana
بت الهنا والسرور ربنا يجعل ايامك كلها افراح..و يبعد عنك الدبرسه.. وشكرا على الدعوة الحلوة..
Seif Elyazal Burae
يا ود البرعى .. انت جارنا و قريبنا.. لازم تكون معانا في عزومة محمد يس خليفة في South Boston or Cranston RI ادينا الو.. و مشكور على مرورك يا حبيب.. يمكن ان تتصل بى او بابوحميد..تحياتي
Bamseka
شكرا ليك يا ملك..
تحياتي لكم جميعا..
| |
|
|
|
|
|
|
مزيداً من المفاخر أستاذ نوباتيا (Re: Ahmed Alim)
|
Quote: حق لنا أن نفاخر بحسين نوباتيا و أمثاله ..
و نسأل الله تعالى أن يوفقه دوماً و يسدد على سبل النجاحات خطاه ..
شكراً لك أخ أحمد على هذا الخبر الجميل المفرح في وقت أصبح الفرح فيه مسارقة ..
و مجدداً دعوات بالتوفيق لحسين و لك و لكل مجتهد .. |
مزيداً من المفاخر والنجاحات ..
جاد
| |
|
|
|
|
|
|
Re: مزيداً من المفاخر أستاذ نوباتيا (Re: Elmuez)
|
الرجل اللماح المعز..
خبير الشؤون الموريتانية..مشتاقين يا ملك ..عليك الله ارفع لينا بوست يخلق من الشبه اربعين للربع الثانى 2009 ..لسه عندنا حكي ما كمل..
ومشكور يا عزيزي علي التهنئه وعلى المرور..
تحياتي..
| |
|
|
|
|
|
|
حسين محي الدين (Re: Ahmed Alim)
|
مبرووك مبرووك يا ولدنا . حسين محي الدين مثال للسودانيين الناجحين فى امريكا يستحق كل التقدير عرفته فى بوسطن ومن اول يوم بتشوف فى عيونه شوق لنجاحات كبيرة وهاهي الحمد الله تتحقق اتمني لك المزيد من النجاحات يا سحس تحياتي لماجد.
ملامح مشتاقووون ..... احمد ساتي سلامات و اشواق كثيرة من دبي .
| |
|
|
|
|
|
|
Re: حسين محي الدين (Re: khatab)
|
الاحباء،،،
JAD تسلم يا سيدي وتشكر على مرورك الكريم....
Elmuez معز تشكر على كلماتك الطيبة.. بوست مورتانيا الجميل داك مشى وين؟
Sana Khalid المبدعة سناء تشكري على كلماتك الندية، وان شاء الله دايماً راسك مرفوع في السماء..
Sayed Bekab الصديق بيكاب مشتاقين ليك كتير والله،، وعندي نية شحمانة لزيارة دبي في الصيف.. ربنا يسهل. أها لمن قربنا منكم ببوسطن خليتوها مرة واحدة ومشيتوا لدبي،، بنجيك بهناك. خالص التحايا للاسرة الكريمة.
Khatab الشاعر الجميل خطاب،، تشكر على مرورك وكلماتك الطيبة...
| |
|
|
|
|
|
|
Re: حسين محي الدين (Re: Sayed Bekab)
|
ولدنا ابو السيد بن بيكاب..
قطعت راسنا عديييل و بوسطن بلاكم شكلها عجيب غريب..
قولتا لي بتشوف في عيوني شوق للنجاحات!! يا رااااااجل..
في امانة نسيتها في الDays inn لكن بنلحقك ليها ان شاء الله ..قاتل الله الثلج..
كان ربنا هون بجيك في شهر 8 ..جهز لينا الBasement
تحياتى للامامير وامهم وقول للحاجة طالبينك تركين..
تحياتك واصلة لابو محمد وبيناتنا تلفون..
| |
|
|
|
|
|
|
سلام يا حسين نوباتيا... برضك من خريجى الهند؟؟؟ (Re: Ahmed Alim)
|
برضك من خريجى الهند؟؟؟ كثيرين من خريجى الجامعات الهندية نجحوا فى حياتهم العملية لأن التجربة الهندية غنية وقريبة للعقلية السودانية ... عملت فى الهند من 1977 حتى 1980 بالسفارة السودانية وكان عدد الطلاب السودانيين وقتها لا يتعدى اكثر من مائتين وعندما غادرت الهند الى المغرب فى عام 1980 كان عددهم اكثر من 3000 فى جامعات دلى وبنقالور وحيدراباد وبونا وشانديقار كما ارتفع عدد المبعوثين العسكريين ومهندسى مصانع السكر فى كانبور وجاء عدد كبير من الزراعيين من وقاية النباتات والغابات والإداعة والتلفزيون... كانت الهند محطتى الأولى فى السلك الدبلوماسى كسكرتير ثانى مع السفير ابراهيم طه ايوب الدبلوماسى البارع الدى فتح لنا ابواب المعاهد والجامعات الهندية والمؤسسات الهندية ... كانت تجربة غنية ... حيث رايت الطلاب السودانيين يأتون من دول الخليج ومن السودان واصبحت لهم ايام واحتفالات وكان اول إحتفال بعيد الإستقلال للطلاب السودانيين بجامعة بونا بولاية مهراشترا فى عام 1978 حيث تبرع لهم السفير ابراهيم طه ايوب بمبلغ الفين دولار للإحتفال بعيد الإستقلال... وكان وقع دلك على الطلاب السودانيين جميلا... طبعا دة قبل حضورك للهند يا حسين... احمد عالم دة صينى ... ما هندى...
نورالدين منان
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: Mannan)
|
Quote: حيث رايت الطلاب السودانيين يأتون من دول الخليج ومن السودان واصبحت لهم ايام واحتفالات وكان اول إحتفال بعيد الإستقلال للطلاب السودانيين بجامعة بونا بولاية مهراشترا فى عام 1978 حيث تبرع لهم السفير ابراهيم طه ايوب بمبلغ الفين دولار للإحتفال بعيد الإستقلال... وكان وقع دلك على الطلاب السودانيين جميلا... |
السفير نوري
ما ذكرته أعلاهـ هو الوضع الطبيعي ولكنكم تشكرون عليه لأن الذين لحقوا بهذا السلك من بعدكم وجهوا كافة امكانياتهم ودعمهم للمنتسبين لحزبهم فقط وهكذا فقدت السفارة منطقها وموقعها فى نفوس الدارسين فى الهند الى أن تخرجنا منها بذات العون الذي تكابد بها قرانا فى الشمالية.
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: Mannan)
|
استاذنا و كبيرنا ..المفضال.. نور الدين منان.. صدقت فيما قلت عن خريجي الجامعات الهندية و بعيدا عن الدراسة اعتقد ان التجربة الحياتية في حد ذاتها في الهند ذات اثر بالغ في صقل و شحذ شخصيات الشباب و تطعيمها بتجارب متنوعة وثرة.. بلد بها مئات الديانات والاعراق و تنوع فريد في العادات والتقاليد والاحتفالات .. مارسنا فيها الحياة بكل صروفها اجتماعيا بتعاضد ووحدة و مساندة لبعضنا البعض و عشنا فيها العز والفقر والشبع والجوع الحياة والموت الافراح والاتراح و مارسنا فيها السياسة في حرية تامة اقمنا الندوات و شكلنا خلايا تنظيمة سياسية و روابط مناطقية واجتماعية ووو وتفتحت اذهاننا بقرع التجارب حلوها ومرها.. احمد عالم عاش هنديا واعتزل صينيا والايامت دي خاشي في دور امريكي ربنا يكون في عون بتنا ماريا..
اتحفتنا بمرورك ..وشكرا على كلماتك في حق النهدوستان ..
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: حسين نوباتيا)
|
يالفخــــــــــــــــــــــري ثلاث مرات
أفتخر أولا أنك أخي حسين نوباتيا هو من نحتفي اليوم بنجاحه وتجسيده للسوداني الذي به نحلم، السوداني الذي حقق Yes we can قبل أن تكون شعارا، السوداني الذي يؤكد أنه دون واسطه ودون محسوبية هو جدير بأن يأخذ موقعه الطليعي، لأنه هو المؤهل والأجدر عندما يمتحن.
وأفتخر ثانيا لأنك أخي حسين خريج الهند فخر لنا كلنا الذين نهلنا من الجامعات الهندية، ومثال لنا وللنجاحات التي يمكن أن نحققها إذا ما أُعطينا الفرصة لإثبات الذات.
وأفتخر ثالثا لأنك وأنت في غمرة هذا النجاح ما نسيت أن تسأل عن زملائنا الهندوسودانيين، وتتواصل مع إخوتنا السودانأونلاينيين، تعطي من وقتك لنا ونحن نحتفل بك، بل وتحتفي بفرحتنا بك معنا.
وسعادتي أن يكون ناقل الخبر العزيز أحمد ساتي (الهندوصينسوداني) كم أفتقدكم والهند والشباب أجمعين وكم أفتقد (الدال) واللوكال ترين وال ISH وبومباي وبونا والدار وأركان النقاش والندوات وإحتفالات الإستقلال وأشتاق للجوع والفقر الذي عانيناه سوية والتكاتف والتلاحم وأخُوتنا وحبنا لبعضنا وإحترامنا كذلك
وأفتخر يا حسين إني كم مره كده وقفت قون لي (نوباتيا) طبعا دي براها بي تديني حق العضويه الفخريه ده لو ما أداني ليها أخي وصديقي سيف شروني (دكتاتور نوباتيا الأوحد)
كم أنا سعيد ومنتشي بفرحتي حد عدم القدرة على التعليق
وأواصل
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: كمال حسن)
|
يا مراحب بالرجل الخلوق ..كمال حسن على..
مشتاقين يا كمال..الحي بيك ؟ كنت متابع اخبارك حتى اديس ابابا..واخبرني ساتى ان المقام استقر بك في المانيا..
نجاحات شبابنا بائنة للعيان كما قال استاذنا نور الدين منان في كل مكان رائتها في دول الخليج اوربا امريكا والسودان..
يتعجب كل من يعرف شباب الهند من هذه العلاقة العجيبة التى تربطهم ببعض ..ففي الملمات تجدهم بعضهم فوق بعض..
وفي المسرات ياتوك خفافا ..يكفي ان تعرف ان احدهم درس في الهند حتى تنساب الذكريات و تطلق الالسن ..دون سابق معرفة..
اما (الدال) الذي تتمناه يا صديقي فاني كاتب في وصيتي ان لا يقربه احفادي حتى لو ماتوا جوعا
تحياتى يا صديق..
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: حسين نوباتيا)
|
Quote: الشباب الناهض من أمثالك هم الذين يعول عليهم الوطن بعد أن شبعت بلادنا من عديمي الموهبةوالمتعطلين والمتبطلين من الساسة،
وحق لنا بعد اليوم أن نطالب بتنحي من بيدهم أمورنا، لترتقوا ببلادنا نحو الحرية والإبداع وأنا متأكد جدا بان هاتين القيمتين هما اللتان أوصلت شخصكم لهذا الكم الهائل من الإبداع والنجاح (ما شاء الله) وهما مفقودتان في السودان!
كلما اجد هذا البوست أمامي، أفتحه وأحمد الله كثيرا أن أرانا كيف يكون النجاح ممثلا في شخصك يا نوباتيا...
نطالب بمزيد من النجاحات حتى تأخذنا من هذا الحزن الأبدي الذي يُغلف حيواتنا.... |
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: كمال حسن)
|
Quote: وكم أفتقد (الدال) واللوكال ترين وال ISH وبومباي وبونا والدار وأركان النقاش والندوات وإحتفالات الإستقلال وأشتاق للجوع والفقر الذي عانيناه سوية والتكاتف والتلاحم وأخُوتنا وحبنا لبعضنا وإحترامنا كذلك |
أخونا الجميل كمال حسن على،،
الاشواق كيمان كيمان... والله سعدت جداً بمداخلتك الدسمة .. طبعاً الهارد ديسك بتاع أخوك فعل فيه الزمن ما فعل وضربتوا ليك فيروسات ونسيت كتير من أسماء المناطق ببومبي ... هسي بمداخلتك الشحمانة دي نشطت الذاكرة ورجعتنا لايام .. وما أجملها.. أها انا لحدي هسي زعلان من ناس رابطة مروي لانوا خطفوك مننا في الدوري لان الدورة الاولي والشالت فيها نوباتيا الكاس حسبما أذكر كان فريقها يتلتل.. وكان معاك الخطير ود الحاجة.. تعرف هسي صحبك ودالحاجة بقي زول سمين كرشتوا وصلت كورلا.. بالمناسبة دكتاتورنا الاوحد أخبارو شنوا من زمن الهند ما عندي خبرو؟ عميق محبتي ياصديق وتحياتي للشباب بطرفكم..
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: Mannan)
|
Quote: وكان اول إحتفال بعيد الإستقلال للطلاب السودانيين بجامعة بونا بولاية مهراشترا فى عام 1978 حيث تبرع لهم السفير ابراهيم طه ايوب بمبلغ الفين دولار للإحتفال بعيد الإستقلال... وكان وقع دلك على الطلاب السودانيين جميلا... |
سعادة السفير منان،،
تشكر على مداخلتك القيمة، أما يا أورو منان في زمننا كطلبة في عهد الانقاذ تحولت سفارتنا بقدرة قادر من واحة وبيت للسودان ليخدم مصالح ورعايا دولتنا ولنستظل بظلها ونشرب من مائها لبيت سماسرة وتجار فصارت المنح الدراسية المجانية التي تمنحها سنوياً الحكومة الهندية للسودان تباع لمن يدفع أكثر.. أذكر مدى الاحباط الذي أصاب الطلاب هناك من سفارتهم.. فكانت لاتسمع ولاترى ولا تهتم بأمور الطلاب على الاطلاق الإ تلك التي تخص منسوبي الجبهة الاسلامية.. فصار الطلاب وحدهم يعالجون قضاياهم المعقدة...
ياحليل زمنكم......
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: Ahmed Alim)
|
نواصل الرد للافاضل
الاستاذ عادل نجيلة..
د. احمد طراوه..
الاستاذ محمد الامين موسى..
النجاح في الادارة له طرق كثيرة و سبل متعددة لكن بها قواسم مشتركة.... اما عن تجربتي فلدي ثوابت لازمتني في كل الفروع التى ادرتها مع اختلاف في سبل التطبيق حسب معطيات الفرع .. وهذا ما يعرف بال **Strategic Planning
وهي عملية دراسة و تقييم معطيات الفرع من نوعية العاملين و كفاءاتهم نوعية الزبائن والوضع الاقتصادي للمنطقة التى بها الفرع ودراسة للفرص المسنتفذة والغير مستنفذة ..و عادة ما يستصحب هذه الدراسة جولات ميدانية للاسواق الصغيرة والكبيرة والمكاتب التجارية والمطاعم الخ وبناء على المعطيات اضع هدفين هدف اعلى و هدف ادنى ..احتفظ بالهدف الادنى لنفسي واعلن الهدف الاعلى لموظفي الفرع..
ومن الثوابت ايضا ال **Right Staff من اهم اسببا نجاح اي مؤسسة هو وجود موظفين قادرين على القيام بمهام عملهم بمهارة و جدارة .. فيمكنني ان اترك وظفية شاغرة لمدة عشرة شهور حتى اجد الشخص المناسب وكلمة مناسب هذه لاتعني بالضرورة الخبرة بل تعني شخص متحمس و قابل للتدريب Trainable candidate خاصة في Entry level position
ثم ياتي ال ** Coaching وهو يختلف عن الTraining لان الاخير قد يكون نظري وبعيد عن الواقع الملموس داخل الفرع و يعرف ايضا بال Hand on training ويكون هذا التدريب العملي موجه لنقاط ضعف للموظفين القدامى و عام للجدد..
وبعدها **Setting Expectation و هي تعريف كل فرد من افراد الteam بما هو متوقع منه كل في مجال عمله سوى ان كان في المبيعات والتسويق او التدقيق او خدمة العملاء..
و فبل وبعد واثناء كل هذا تلعب القيادة الدور المحوري في تنفيذ ورصد ومتابعة كل التطورات والمتغيرات ..
**Leadership واهم عناصرها من وجهة نظري هي الاتي:- *Building Enthusiasm وهي عملية اشعال روح الحماس في المجموعة العاملة..و يكون هذا بعكس التفكير الايجابي والروح الايجابية في كل الاوقات امام مجموعة العمل وعدم ابداء اي احباط من العمل .. لانك اذا فعلت فعلى الدينا السلام.. *Integrity وهي ان يعمل المدير مع الموطفين بكل امانة و يكون في قمة اتقانه و تفانيه..leading by example
* Planning >>Tracking>>>adjusting* وهي عملية التخطيط ومن ثم المتابعة و التغيير للاهداف اذا اقتضت الضرورة ..لانك aiming at a moving targets وفي الختام تاتي عمليتي ال *Recognition وهي عملية تكريم والاحتفاء بالمبرزين والذين حققوا و تفوقوا على اهدافهم ..لاعطاءهم دافع لعمل المزيد.. * Accountability وهي عملية محاسبة المقصرين ..ومحاولة معرفة الاسباب ووضع development plan للرتقاء بمستواهم..
تحياتي لكم .. اذا كان لديكم اي استفسار نحن حاضرين
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: Seif Elyazal Burae)
|
Quote: النجاح في الادارة له طرق كثيرة و سبل متعددة لكن بها قواسم مشتركة.... اما عن تجربتي فلدي ثوابت لازمتني في كل الفروع التى ادرتها مع اختلاف في سبل التطبيق حسب معطيات الفرع .. وهذا ما يعرف بال **Strategic Planning
وهي عملية دراسة و تقييم معطيات الفرع من نوعية العاملين و كفاءاتهم نوعية الزبائن والوضع الاقتصادي للمنطقة التى بها الفرع ودراسة للفرص المسنتفذة والغير مستنفذة ..و عادة ما يستصحب هذه الدراسة جولات ميدانية للاسواق الصغيرة والكبيرة والمكاتب التجارية والمطاعم الخ وبناء على المعطيات اضع هدفين هدف اعلى و هدف ادنى ..احتفظ بالهدف الادنى لنفسي واعلن الهدف الاعلى لموظفي الفرع..
ومن الثوابت ايضا ال **Right Staff من اهم اسببا نجاح اي مؤسسة هو وجود موظفين قادرين على القيام بمهام عملهم بمهارة و جدارة .. فيمكنني ان اترك وظفية شاغرة لمدة عشرة شهور حتى اجد الشخص المناسب وكلمة مناسب هذه لاتعني بالضرورة الخبرة بل تعني شخص متحمس و قابل للتدريب Trainable candidate خاصة في Entry level position
ثم ياتي ال ** Coaching وهو يختلف عن الTraining لان الاخير قد يكون نظري وبعيد عن الواقع الملموس داخل الفرع و يعرف ايضا بال Hand on training ويكون هذا التدريب العملي موجه لنقاط ضعف للموظفين القدامى و عام للجدد..
وبعدها **Setting Expectation و هي تعريف كل فرد من افراد الteam بما هو متوقع منه كل في مجال عمله سوى ان كان في المبيعات والتسويق او التدقيق او خدمة العملاء..
و فبل وبعد واثناء كل هذا تلعب القيادة الدور المحوري في تنفيذ ورصد ومتابعة كل التطورات والمتغيرات ..
**Leadership واهم عناصرها من وجهة نظري هي الاتي:- *Building Enthusiasm وهي عملية اشعال روح الحماس في المجموعة العاملة..و يكون هذا بعكس التفكير الايجابي والروح الايجابية في كل الاوقات امام مجموعة العمل وعدم ابداء اي احباط من العمل .. لانك اذا فعلت فعلى الدينا السلام.. *Integrity وهي ان يعمل المدير مع الموطفين بكل امانة و يكون في قمة اتقانه و تفانيه..leading by example
* Planning >>Tracking>>>adjusting* وهي عملية التخطيط ومن ثم المتابعة و التغيير للاهداف اذا اقتضت الضرورة ..لانك aiming at a moving targets وفي الختام تاتي عمليتي ال *Recognition وهي عملية تكريم والاحتفاء بالمبرزين والذين حققوا و تفوقوا على اهدافهم ..لاعطاءهم دافع لعمل المزيد.. * Accountability وهي عملية محاسبة المقصرين ..ومحاولة معرفة الاسباب ووضع development plan للرتقاء بمستواهم..
تحياتي لكم .. اذا كان لديكم اي استفسار نحن حاضرين |
اخى حسين
ده انت كا...........( كما قال عادل امام فى فيلم السفارة فى العمارة عندما ترافع عنه محامبه) وبالرغم من مداخلتى فى هذا البوست فى اوله ولكنى اجد نفسى فى غاية من الانبساط وكانى من حصل على تلك الجائزة واقول لك مبروك مرات ومرات.
ما اقتبسته من كلامك يكفى لتعليم وتحفيز جيل عن معنى النجاح وان تسعى له ومن خبرتى فى الموارد البشرية وعملى فى كثير من الشركات العالمية والان فى مجال الاستثمار اؤمن تماما بكل ما ذكرته ويا ريت يطبقوه عندنا فى السودان.
اسف للاطالة واقول لك كن بخير
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: محمد المختار الزيادى)
|
ابو السيوف ..
الافآق مشَرعة هنا لكل من له الرغبة في النجاج .. جعلك الله من الناجحين و سدد خطاك.. ____________________ الاستاذ حامد محمد حامد
ان شاء الله عادل امام ما يكون قال كا..ركعوبة ؟؟ وشكرا على شعورك النبيل.. ربنا يسمع منك بخصوص السودان.. تعرف احدى الفوارق الكبرى هي نظام التسهيلات الموجود في السودان لمظفين البنوك من قروض سيارات ومنازل وخلافه في حين ان النظام هنا يمنع اي تسهيلات للقروض للموظفين و يوفر تسهيلات شبه مفتوحة للتدريب والدراسة وحتى التحضير . ___________________ د. ياسر عبد القادر
مشكور على التهنئه يا حبيب..
هات ما عندك من ملاحظات ..و سنحاول ايجاد التفاسير بقدر الامكان..
__________________ اخي محمد المختار
راسك مرفوعة دوام يا ملك.. وشكرا على التهنئه والدعوة الحلوة..
تحياتي لكم جميعا..
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: Nasruddin Al Basheer)
|
الأخ حسين محي الدين
لعلني اقتبس ما قاله الأخ كمال و هو بحق يعبر عني تماماً
Quote: يالفخــــــــــــــــــــــري ثلاث مرات
أفتخر أولا أنك أخي حسين نوباتيا هو من نحتفي اليوم بنجاحه وتجسيده للسوداني الذي به نحلم، السوداني الذي حقق Yes we can قبل أن تكون شعارا، السوداني الذي يؤكد أنه دون واسطه ودون محسوبية هو جدير بأن يأخذ موقعه الطليعي، لأنه هو المؤهل والأجدر عندما يمتحن.
وأفتخر ثانيا لأنك أخي حسين خريج الهند فخر لنا كلنا الذين نهلنا من الجامعات الهندية، ومثال لنا وللنجاحات التي يمكن أن نحققها إذا ما أُعطينا الفرصة لإثبات الذات.
وأفتخر ثالثا لأنك وأنت في غمرة هذا النجاح ما نسيت أن تسأل عن زملائنا الهندوسودانيين، وتتواصل مع إخوتنا السودانأونلاينيين، تعطي من وقتك لنا ونحن نحتفل بك، بل وتحتفي بفرحتنا بك معنا. |
| |
|
|
|
|
|
|
Re: سلام يا حسين نوباتيا... برضك من خريجى الهند؟؟؟ (Re: الصادق خليفة)
|
ارو حسين واورو ساتينتود اشعر بفخر من نوع خاص وشبابنا يقتحمون بلاد تركب الأفيال وبلاد تموت من البرد حيتانها ويتفوقون على اهلها... انه الإنجاز بعينه... وحق لنا أن نفخر بحسين نوباتيا ابن النوبة الذى غزا بلاد المهاتما غاندى ونهرو والبراهمابوترا والجانجا والهاريجانز وذاق دال الهند حتى كرهها وأكل بانها ونانها واشتهى تندوريها وتيكتها وشرب القرم بانى (الماء الساخن) وذاق طعم القرم ماسالا والبريانى لماما... كيف لا ينجح وقد سمع بما لم يسمعه غيره عن ابقار تعبد وقنابل نووية تصنع فى نفس الوقت... وعن رئيس وزراء يشرب بوله كل صباح وعن شاعر يقال له رابندراناث طاغور (صوت طاغور المغنى*** بجناحين من الشعر على روضة فن) وغاندى ومعزته ونوله والساتياقارا ولوك سابها وراجيا سابها وديمقراطية الهند... قال لى جنرال هندى اسمه مالهوترا مرة عندما سمع بأن نميرى قد رقى نفسه الى رتبة مارشال (مشير): هل تصدق ان رتبة المارشالية فى الجيش الهندى لم يبلغها هندى حتى الآن وانها رتبة لا يصلها إلا من خاض ثلاث حروب مع ثلاث دول وسألنى ما هى الحروب التى خاضها نميرى... اجبته لا شيئ!! واضفت بأن جيشنا والحمدلله لم يخض حربا منذ الإستقلال ضد اى دولة اجنبية فعلق قائلا: يبدو انه ينافس عيدى امين... والآن وبعد اكثر من ثلاثين سنة نجد ان عمر البشير قد رقى نفسه لرتبة مشير وصار اعوانه يهتفون له: سير سير يا بشير ... نحن جنودك للتعمير ... يبدو ان سيحارب ثلاث قوى عظمى... امريكا وبريطانيا وفرنسا ليستحق القب عن جدارة... انتم يا حسين الجنود الحقيقيون الذين تستحقون الترقية والتكريم من الوطن لأن اوطانا غير اوطانكم الحقيقية اعترفت بكم وبنبوغكم... فرحت ايضا لضابط شرطة تم تكريمه فى دولة الإمارات لإنجازه المتفرد وهو الذى احيل للصالح العام فى سودانه... سودان المشير..
ويا ساتينتود.. امشى لحسين وزوروا المتحف النوبى فى بوسطون ميوزيوم فور فاين آرت وشوفوا تماثيل اجدادكم هناك ونكون على اتصال...
نورالدين منان
| |
|
|
|
|
|
|
|