|
|
 القرير
|
اكتب رسالة شوق وعذاب وغربة وبعاد عن اهل واحبة يكنوا الى حبا ويسكبوا عليا دمعا ويزكرونى كثيرا ودوما حرام مثل هولاء فراقهم وحرام مثل هولاء هجرانهم ونحترق فى الدقيقة الف مرة لفراقهم ونزداد شوقا فوق شوق ونموت فوق راس كل ثانية لبعدنا عنهم
سئمت من الم الفراق ولكنى ما يئست من التلاقى
ويظل عزائى الوحيد هذه الاسطر التى اكتبها اليك مرة فى العام وليس عدم كتابتى اليكى اقلالا لك او عدم تقدير او نسيان لاوالله وانما هو ناتج من عدم الاستقرار النفسى والحياة الوهمية داخل امدرمان والقصد منها ستر الحال
وخايف من شيل الحال ودق الطار
مروى
البخيت
الشمالية
النجدة انى اغرق
|
|
 
|
|
|
|
|
|
|
 Re: القرير (Re: alfadil)
|
اتراك تحن للجروف
ام للدفيق والاشميق
والكروق
والحيران000وقراصة الصباح
وقوقاي قماري السافل
واغناي بوري الواري من بعيد شمعون وعطايا وود تمساح
ام انت من جيل الزهره وعطارد وكربان والمشتري
انها ايام
| |
|
|
|
|
|
|
|
|
|
Re: القرير (Re: ابو يسرا)
|
الشوق من حاطفْ .. لا .. قاطفْ
إتلمَّ يهز ليك .. يا iiنوراى
يادرقة iiوسيف
يا حضناً .. iiكيف
من شر الصيف والشتا .. ضاراى
يا شعلة عِز .. بقّت iiجوّاى
عدّت بى ضلام بحراً عاصف
...................
يا بت العرب iiالنوبية
يا بت النوبة iiالعربية
بى فردة نخوة .. بجاوية
أو شدر الصحوة .. iiالزنجية
دسينى من الزمن iiالفارغ
من ريح المتعة .. iiالوقتية
من شر الساحق iiوالماحق
بين دبشْ المدن .. iiالمدعيّة
والليل إتحكّر iiبيناتا
كحّل بى دبشو iiعويناتا
يا شمس الناس .. iiالمنسية |
| |
|
|
|
|
|
|
|
|
|
Re: القرير (Re: yasiko)
|
يا سلام يا رضاء
اسال الله الا يريك غرابا حقيقة او مجازا
امده الله ايامك
هل من مذيد
لك الود
| |
|
|
|
|
|
|
|
|
|
Re: القرير (Re: yasiko)
|
عامرابنا والقوزين. ليهم سلام مطبوق
للقلعه والصلحاب اهلى الكرى والسوق
القرير..الدابى..حمد سعيد..السر عثمان
رحلة طويله من الابداع المتواصل
سلام...جيرانى اهل الروعه
| |
|
|
|
|
|
|
|
|
|
Re: القرير (Re: ابو يسرا)
|
ابو يسرا
غريب والغربة اقسى نضال
الناس فى ارض الشمال ظلوا على طبيعتهم وظلوا بشعرهم متوهجى الماشاعر
| |
|
|
|
|
|
|
|
|
|
Re: القرير (Re: Ridhaa)
|
شوقى انا للبلد بى حالها
الشوق للترابله اهلي
مغصتى شقاوتي رحلت ساكت ماقعد قبلى
لكم تحياتى اخوتى الاعزاء رضاء وياسكو
| |
|
|
|
|
|
|
|
|
|
Re: القرير (Re: ابو يسرا)
|
منو الاتكلم مع ابوالتي تي فيكم
منو الباري الكودي
من الساب
وشال بيه الورتاب
منو الحفر الحيران فيكم
وغرس الفسايل
منوالباري المشرق
وقرم الطير
منو الحش التمر وطلع النوق
ومشي العفاض
وزار موره
وطلع قيزان كوري
واكل في حسينارتي
منو الباره الصايح من حلة لي حله
ودي لي السلام مطبوق
لي اهلنا وجميع حبانا في الحل التحت والفوق
| |
|
|
|
|
|
|
|
|
|
Re: القرير (Re: alfadil)
|
عبد الله اخوى قولك حقيقى
كتير الطفشه الجلا من فريها
انت يا اخوى حومة بي فوقنا
قبلى وبحرى و ما قشيتنا
مشيت حسينارتى و العفاض و كورى
منصوركتى فيها من مولود طفيل
و القلاب غروبها جمبه فريق جميل
اقشانا يا اخوى
| |
|
|
|
|
|
|
|
|
|
Re: القرير (Re: نصار)
|
منصوركتي يانصار
انا مازولنا
وانا ماكنت مشيت بعيد
من البلياب انت والا من وين
نحن ناس التضامن والهو
والكلد
والسدر وساقة حبالله
في كل بكان لينا عرق ياخوي
سلام سلام سلام سلام
| |
|
|
|
|
|
|
|
|
|
Re: القرير (Re: alfadil)
|
اخوي الفاضل:
عندما رأيت اسم القرير ..تسمرت خطاي ..وانا اتمشي في ربوع هذا البورد الالكتروني.. رجع مؤشر الذكريات ...لتلك البلاد ...الحبيبة الي قلبي..
سعيد الدنيا يدّي ..قريرو طوفا
ينزل فوق جداولو.. يمر يشوفا
القرير..الجروف
القرير...الخضرة
القرير..الجمال
القرير..الشعر
القرير..حسن الدابي
القرير..السر عثمان الطيب
القرير..محمد سعيد دفع الله
القرير ..عبد القيوم الشريفي
القرير...القرير..آه
ولا استطيع ..ان اكمل
لاني هسع ..لا شايف ولا بسمع
والتحية للجميع
| |
|
|
|
|
|
|
|
|
 Re: القرير (Re: alfadil)
|
ارقي يا رحمن ما في بلدً بتجاكره والله مديها السماح من كروها ولي تكره
تلب امسك حبل الصبر خلو قلبك لا يبق ني
هذه شهادة لي جمال ارقي من الشاعر عبد الله محمد خير وهو من أبناء الككور ليس له علاقه بي أرقي سواء جمال ارقي الذي اجبره على كتابه هذه القصيده
مع احترامي للقرير
| |
|
|
|
|
|
|
|
|
|
Re: القرير (Re: alfadil)
|
الرايقة شتيلت القرير والفجر نبح بوابير
. . . . . . . . . . . . . . . . . . .
اسيا بابورك في الإراك
. . . . . . . . . .
ود الدابي مالك ساكت ما شفت الجلاء السواها
الله يهديكم مالكم بتقلبوا فينا المواجع
| |
|
|
|
|
|
|
|
|
|
Re: القرير (Re: alfadil)
|
ياحليل البلد يحليل القرير والله الليلة هيجتوااشواقنا.التحايا والاشواق للقرير وناس القرير من على البعد .
بنيتكم الملهوفة علي البلد
| |
|
|
|
|
|
|
|
|
|
Re: القرير (Re: alfadil)
|
طيبت الغريه يا خلا احسبه في النسيمه الجايه
في طنبوري في نغماتي في السلكايه
طيبتك أرقي في وجداني
| |
|
|
|
|
|
|
|
|
|
Re: القرير (Re: انور عمر)
|
لامن خلاص الليل دخل
اخر شعاع من الشمس روح نزل
ضو القيميرا جاء من بعيد
باهر قدل
دافر ظلام الحله
قدامو ووصل
اتخيلو معى الظلام المدفور فوق جريد حى الشاطى
لاادرى ماالعلاقه بينه وبين بص جاهورى
ومابين الدافر و المدفور تتمدد مساحة حبى للقرير
| |
|
|
|
|
|
|
|
|
|
Re: القرير (Re: osly2)
|
امسياتكم بنكهة
الليمون
وثلاث عناقريب هناك
كرابن متقطع نزل
والنوم من عيونهن
طار رحل
رحلاتي القليلة اليها ، دمغتني
بنكهتها وابقتني اليها..
رغم انني قضيت في اخر رحلاتي
منقطع بنا لاكثر من يومين
بسبب (الجربوكس)..
وجر كوز النيسان شخر
لا مساعد
جري
ولا حفر
والسموم با فيصل الحر
امنعن كان بتقدر
وفي احدى مراتها استطاع سواقنا
(جابر) ان ينفذ بصننا
من (قلبه) محققة
فله مني التحايا . والسلام
للذين يعرفونه منكم
وكان هناك في اخراها
سواق لوري اسمه (عطيه) لا ادري
ان كان لا يزال يعمل في رمالها
اوسلي تلك المسكنونة برمال المحبة
لها مني رملة رملة سلامي المعتق
| |
|
|
|
|
|
|
|
|
|
Re: القرير (Re: شرير والبرتقاله)
|
ولاد بلدي...عراريقهم
طوايقهم
طواريهم
بنات بلدي..رقيصاتن
شبابيلن
طريحاتن
ولقدام ..
نعطر سماء البورد..بكلمات الحنان والمودة
| |
|
|
|
|
|
|
|
|
|
Re: القرير (Re: alfadil)
|
و الله يا عبد الله ياك زولنا تب
جدنا نصار دا
كان زى ود الشايقى حق ود بادى
زرعته ما تقع واطة
و ما خلاله مرة بور
متشرين زى عرق البتيخ
من الكرو لى كورتى
البيب ياهم اهلى
و الخاساب
و المسواب
ساقية نصار
وساقية بدر
و ساقية حمد
شوقى انا للبلد بى حالة
و الشوق للترابلة اهلى
وا شقاوتى انا لى مقستى رحلت
ساكت ما قعد قبلى
| |
|
|
|
|
|
|
|
|
|
Re: القرير (Re: نصار)
|
كده ندخل بوست الشايقية ديل أحفاد مهيرة...وتاريخنا المضىء..وبسألكم عن سر الابداع الكامن فيكم ده..تقريبا ما لقيت شايقى والا يحمل الموهبة دى حتى فى الكلام العادى ..فى الكتابة فى الشعر فى القصة فى الغناء فى السياسة..زاملت فى دراستى كتيرين بفتخر بيهم وبوفائهم ونقائهم.وابداعاتهم المتعددة.تحياتى لكاتب البوست الأخ فاضل وجميع المشاركين
ودعزة
| |
|
|
|
|
|
|
|
|
|
Re: القرير (Re: alfadil)
|
يـــا حليلــم دوام بطـــراهم
مـــالكـــم عليـــنا يا اخوانــــي زايديــن الطــاق طاقيـــن
| |
|
|
|
|
|
|
|
|
|
Re: القرير (Re: bit-alkhaleel)
|
It is always painful to part from people whom one has known for a very brief space of time.THEabsent of old friend one can endure with equanimity.But even the momentary separation from anyone to whom one has just been introduce is almost unbearable.
| |
|
|
|
|
|
|
|
|
|
Re: القرير (Re: alfadil)
|
ما بين رمال اوسلى والقرير وجبال البخيت سر مكتوم فى كل اهة شوق وكل حسرة قلب على الايام التى ندرك يقينا انها لن تتكر
| |
|
|
|
|
|
|
|
|
|
Re: القرير (Re: alfadil)
|
يا لهذه الروعة والجمال
اجمل 4 سنين قضيتها بالشمالية
قريتى الباسا
درست بالغريبة
ثم امبكول
السباحة يوميا 3 مرات بالنيل
مازالت صورة الزهرة وهى تمر بالمغربية
بالذاكرة
اخوكم ما خلا ليه قمرية طايرة ما قبضها
ولا سمكة جات بالحجرة كدى ما جابا بى سنارتو
هل تذكرون لعبات العرس
وكل مرة الدور على كم قرية يجو صفاقنها
يبدعوا
ثم يتركوا الفرصة لاخرين وهكذا
والطمبور يرن
والحسان زى القمارى فى الدارة
وحش التمر وسبيطة الزول البحش التمر تكون اكبر واحدة
واللوبا مع الجروف تكون زارعو بى نفسك
ما اجملها من لحظة وانت ترى غرسك يانعا
ماده كلو عشان عيونك يا جميل الابتسامة
ولما ارجع ليك بكرة
تفرح الخضرة بلقانا
فى ضفاف النيل
نسطر احلى اشعارنا وغنانا
ترقص الشتلات معانا
وتهدى خصلات لى هنانا
يبسم النوار ويدى
اجمل ازياهو اللقاها
يطرح القش المفرهد
كل الوانو الهداها
تحزن الموجة المسافرة
ونبقى مشتاقين هواها
يعزف القمرى المغرد
اجمل الحانه الهواها
يفرح الرطب المندى
ويغزل السبح البداها
| |
|
|
|
|
|
|
|
|
|
Re: القرير (Re: alfadil)
|
شليل ما راح ........ شليل وين راح
كواريك شفع المغرب يقلبوا في الجمر قنقر
يا يمه رسلي عفوكي
يا يمه
يا يمه
يا يمه
| |
|
|
|
|
|
|
|
|
|
Re: القرير (Re: حمزاوي)
|
yoma kan al leel twaky
goshy dam3eek be nijoomo
sheely sabreek min 3azeemtik
wo ashdahy aljinyat ynoomo
| |
|
|
|
|
|
|
|
|
|
Re: القرير (Re: james)
|
يا جيمس
سلام
هل تعرف جولياك هذه المفردات؟
هل تعرف جولياك قطع الدميري ودخول الجزيري وتوشكا وهكرا؟
اجمل بجولياك !كنت احسبها حنكوشة
لك الود
| |
|
|
|
|
|
|
|
|
|
Re: القرير (Re: alfadil)
|
أهل الغرب من نوري لغاية الغابة
ليكم الف سلام من الزومه السمحه جناينه و جروفه
رجعتونا الاف الاميال للوطن الصغير الشمال
و نحن فارقنا الوطن الكبير العزيز ذات نفسه
السودان
و يا وطن ديمه ليك بحن و فى الدرب البجيبني عليك مالى محن
| |
|
|
|
|
|
|
|
|
|
Re: القرير (Re: alfadil)
|
الحال تبدل يا سلام كم نشوفو كتر كتر
لو شوفتو كيف الحال العلى
الفيهو صاير نيران جمر
لا لاقى زول يراف على يقول لى برى وكر
لا لاقى ايد تمسح شقاى
| |
|
|
|
|
|
|
|
|
|
Re: القرير (Re: alfadil)
|
يا اغلى زول فى عينيى
فراقنا ما كان بايدى
انت القسيت عليا وما رعيت للمحبة
مالو الحبيب سابنى ما لو
خلانى اتوه فى دلالاه
| |
|
|
|
|
|
|
|
|
|
Re: القرير (Re: alfadil)
|
اهلنا الشوايق
صباحاتكم بنكهة
القرينفروت
الاخ ابو عبد الله
والله يخيل الي انه اسمو (عطيه) ومن اوسلــي
اذا لم تخني الذاكره
وسلاااامي الى اوسلي
من الحرازه
الى الحرازه
حتى رملها الفضي
المتخم بضو قمرها
| |
|
|
|
|
|
|
|
|
|
Re: القرير (Re: عبدالله)
|
عبد الله
ظهيرتكم بطعم
البرتقال
تسلم يا ود القبائل
بس افتكر اولاد عبيد
منهم انثنين في امريكا
والشيخ افتكر في مكه/السعودية
اما عباس
عباس عبد الله تقصد
فهو في السعودية/جدة
وعساك انت بخير
وكل سنة وانت طيب
| |
|
|
|
|
|
|
|
|
|
Re: القرير (Re: Ridhaa)
|
هوووووووووي آجماعه
مابلقالي واحد من ناس أهلي هني في البورد ده ..أهلي ناس الكرو والدتي
كان فيكم زولاً عارفلو واحدا منهم يكتب لي علوانو
عبدالرحمن
ود الدتي
| |
|
|
|
|
|
|
|
|
|
Re: القرير (Re: alfadil)
|
الزمن الملح
السر عثمان الطيب
يا كافي البلا
يا حايْدَ المِحَنْ
شيشَك . . يا زمن
شيشَك .. يا زمن
**
من كَمِّين سنة
السنة .. فوق سنة
مافيهِن نهار
ما شات .. ليل .. صُرُف
سادَّات في الحَلِق
عشراقات غُصصْ
فالحات في السُّكات .. جِرّيح الغنا .. وقِطّيع العشم
رمَّاضات هجير
منداحرات غُلُب
حلاَّبات سراب
فوق رملاتْ وَهَمْ
زانَّات فوقنا زَنْ
لو ما أخشى ظَنْ
زي مليون سنة
ديل مليون سنة ..آهـ ..يا اْم الحَسَنْ
**
آهـ .. يا اْم الحَسَنْ
البيناتنا دا
زي ما كان أبوي "ودَّ احمد" ..زمان
وامِّي "النِّعمِي"..كان
كُلْ ما جا التَّساب
شالوا من "البحر" أرزاق السنة
وقسَّمُوا كمْ قِموحْ
للجار والبعيد
خَتُّوا على السنة .. فوقا عيدينا ..عيد
وما خلُّوا البحر
آهـ .. يا اْم الحَسَنْ
شال الكان وكان.
**
آهـ .. يا اْم الحَسَنْ
البيناتنا دا
لا محدود مكان
لا محدود زمان
كان شِي كتير خلاص
أرحب من فضا
زي ساعت فراشة .. حامت حول زهرة
أخجلت إحمرارا
قبال ما ترك
زي ساعت يموت .. شافع بالضحك
مليان إنبهار
مسكون بالرضا
البيناتنا دا
زي رجع الصدى
لا انتهى .. لا ابتدا
لا وقع ارتطامو بي حايط المدى
فتت عنفوانو
أو صابو الصدا
البيناتنا دا
رعشة سنبله
طافت فوقا نسمة .. عن شق الصباح .. بلتا بالندى
**
آهـ .. يا ام الحسن
قالوا جناك غرق في بحر "الجريف"
شوف .. معكوسه كيف !!!
زي وش الزمن
السمحين .. مضوا
والزمن السمح
خلولنا الأسف .. والزمن الملح
**
حيرني السؤال
في الزمن الملح
ليه الليل يطول..
لا من يبقى حول
ويسكن في البيوت ؟
وليه ما الشمس تقلب قادوس الإفول
لو فد مره تشرق
وأصلا ما تفوت ؟؟؟
وليه الناس تكوس
في الزمن الملح .. ما تلقى الحكيم ساعت تنجرح؟؟
تشرب في السراب
تاكل في التراب
وتشحد بالفريق في حق الكفن ؟؟
ليه؟وعشان شنو؟
وشان خاطر منو؟
مظلوم الحسين ..
ومظلوم الحسن؟؟
ليه حلو الحديث .. موصوم زندقة؟؟
والسمر الطفولي .. راجا المشنقة؟؟
شيشك.. يا زمن
يا زمن الملح
ما هديتو .. هد ..كتف ام الحسن !!
| |
|
|
|
|
|
|
|
|
|
Re: القرير (Re: alfadil)
|
كل ما تباعد بينا عوارض
كل ما هواك يا طيبة مكنِّى
تلد الغربة .. الكُربة الواحِد
بيكى أسمى الشوق .. وأكنـِّى
............
لمـّا أفوتك من دون خاطر
أو دون خاطر منى تفوتى
بلقى حبايب فى كل حِتـّة
وكل بيوت الفُقرا .. بيوتى
لا غيرت وراك الجِتـّة .. لا بدلت ملامح صوتى
لا غافلنى وهادن فنى .. غام لى المدن .. الما عِرفتنى
إبن الشوق الصبرو .. مصوبر
للأرياف الكم .. وفّتنى
وللأطفال الناشفة ضلوعا .. ونازفة بغنى
أطمن روعا .. وأهتـّى دموعا
ببسمة بكرة اللاّها تمنى .. ولا مصنوعة
.....................
أغنى لشعبى ومين يمنعنى
أغنى لقلبى .. إذا لوّعنى
مخيـّر دربى الما رجعنى
إذا طلعنى نخلة القرب .. أو الغربة الكدروبية
تنزل غنوتى بى قمرية
أو وقـّعنى فى بطن الجـُّبْ
بطلع يوسف بالأغنية
أغنى الناس الما بتسمعنى
المِنِّى بعيدة .. ومبعدة عنى
النادا نشيدا .. وكنت المعنى
الإيدى فى إيدا .. وإيدا بتبنى
فى دنيا جديدة اليوم .. راح تدنى
وأريت غنواتى فى ناس شغالة
تكون سُندالة .. وعود طورية
ضراع رجالة .. كتاب أطفالا
وجملة بالا .. الما مكرية
سدّة مالا .. وبقـّة فالا
فى ليلة الدخلة على أسمى قضية
.............
حبيبة قلبى يا سودانية
يا أسمى معانى فى زول بيعانى
ياود ضكران .. ويابتْ دغرية
وأنا إنْ سامعانى فضـّلت أغانى غُـبش .. فقرية
وروح غانيانى
حويتك منك يادافعانى براحة إيديا
ويا جابدانى ... برفق عليا
وما بتحيـّر بين الفوق .. وبين الناس التحتانية
إلاّ مغـيـّر .. ولاّ عقُوق .. ولاّ كفيف الإنسانية
ومنـِّك وين يا كاشفة عينيا
بنور الإلفة .. ضِيا الحنية
وحِلم العالم .. ناس تتسالم
والبنى آدم صافى النية
والأطفال الناشفة ضلوعا
يطمِّن روعا
وتبدى تغنى
غناوى البكرة .. الكم مسموعة
حسيس طنبارة .. مع نـُقارة
صفِقتاً حارة .. ودارة تغنى
فيا حلتنا عليكى تـُرابك ..
وإنتى شبابك زينة الجَنـِّى
أحلى عروس البلد اللّتنا
ولاّ الغُبُش الرّابّة تهنى
ولاّ هدير المدن التصحا ..
وتمحى ظلام الحاصل .. عنـّى
طيبة/حميد
| |
|
|
|
|
|
|
|
|
|
Re: القرير (Re: alfadil)
|
ما قدرت افوت وامشى ابارح غلبنى ضمة اودعه
ياربى لا تبعد خطاى زولتى سوقه ورجعه
ساعة فراقنا خلاص دنت شوف عينى سالت ادمعه
حسيت بحالى اتهد ساب دمعاتى كيفن امنعه
مالت هى فوق صدرى انتكت دقات قليبه انا باسمعه
زى ما الفراق كاتلنى انا محبوبتى اذاه ولوعه
اخر لقاء بيناتنا كان لحاظتو مرت مسرعة
ما كان هو حايك فى السلام لا عينو فى الشوف شبعه
خلتنى غرقان يا خلوق فى مجارى دمعى الاربعة
فارق ضلوعى وراها قام قلبي المجرح تابعه
| |
|
|
|
|
|
|
|
|
|
Re: القرير (Re: alfadil)
|
كرامة دمى لملموا همى
دايركم تدفنوامعاى
وسعوا قبرى قدام صدرى
داير صبرى يبقى حداى
ألأخ.....عبد الله
اولاد محمد عبيد ديل اهلى
اخوهم الصغير ..عبدالله محمد عبيد
معايا فى بيت واحد ..تحياتو وتحياتى ليك
الاخ....شرير و البرتقاله
سلامك وصل اوسلى من الحرازى للحرازى
جابر رحمه الله كان علم بارز فى طريق الشمال
اما العطايا سواق اللورى اظنك تقصد
حسن عطيه[ اوسلى ] مستقر الان فى الشمال
التحايا ليك
| |
|
|
|
|
|
|
|
|
|
Re: القرير (Re: osly2)
|
يومكم بنكهة
الرضا
اوسلي
فعلا اقصد حسن عطيه
وسألت منو قالوا فعلا
من اوسلي
وفي لوري تاني من اوسلي
افتكر كان سايقو
ود ام كيف
وافتكر كان تبع ناس ابوزوقين
ان لم تخني الذاكره
ولاوسلي ورملها
وكل سوايقيها
العريجاباب .. والدحوماب .. الشريشاب
والعوناب .. والسعيداب
والزالطاب
سلامي مربع
والف رمضان يمرق عليكم
وانت بخير
| |
|
|
|
|
|
|
|
|
|
Re: القرير (Re: alfadil)
|
بوست فى السلك يافاضل
@@@@@@@@@@@
لو ما الظروف حكمت علينا
ماهجرناك ياوطنا
لي مآسي الغربة جينا
جينا واتفتح جرحنا
وقبل مايكمل فرحنا
لا مراكب الغربة وصلت
لارسينا
قلى بس يافلان
شن لقينا
جينا نحمل امنياتنا
يومي نجتر ذكرياتنا
نلعن الغربة وسنينا
بكرة نرجع لي بلدنا
لي أرضنا ولى عرضنا
للقماري تقوقي لينا
لى جروفنا لى خضارنا
لى بعانخى ابو جدودنا
مكان وجودنا
| |
|
|
|
|
|
|
|
|
 Re: القرير (Re: alfadil)
|
سلام..
القرير جابت عامر ـ صديق ذو طعم خاص ـ و د.حيدر ابراهيم.. والكثير و لكن وحتي اللحظة لا أدري كيف أنجبت ذاك الكائن المسمي عصام طه محمد أحمد؟أم هي ولادة الرفس ال بلا نفس؟؟ وعذرآ ان هتكت عذرية القرير..
| |
|
|
|
|
|
|
|
|
|
Re: القرير (Re: Ash)
|
شقيت من اول السكه
معاى احزانى تتكأ
افش بلبل الاحللام
ما عارف مكان ركأ
بعاين للقدر خايف
قصور امالى تتدكأ
اتابع شمسى من تشرق
وابارى القمرا من تمسى
شليل والبرتقاله
القاك فى [[email protected]
تحياتى
| |
|
|
|
|
|
|
|
|
|
Re: القرير (Re: osly2)
|
ونحن في حضرة ..هذا البوست الجميل... وهذا التفاعل الحميم ..نجتر حبل الذكريات ..نرسو علي موانئ الشمال ..نعيش الفرحة ...والنغيمة الحلوة..نتلمس من خلالها مسارات الأمل والتفاؤل في دروب بلادنا الحالكة... يطل علينا ( آش) وينثر علينا ( رماد) الكلمات ... في مقام غير هذا ..وحلبة غير هذه..ما كنا نود قراءتها .... عفوا ..اخي ( آش) ..وعذرا اخواني..وشكرا (الفاضل)
| |
|
|
|
|
|
|
|
|
|
Re: القرير (Re: alfadil)
|
الاخوة الاعزاء
اذا استطاع الزمان ان يفرق بيننا فانه ابدا لايستطيع ان يقصر مساحات الود المتتدة بيننا
| |
|
|
|
|
|
|
|
|
|
Re: القرير (Re: alfadil)
|
الكبوري (الكِـبَـر)م
الشول عبدالله - امرأة مسنة من القرير
يا حبايبي انا كيف فـَـتـَر
الكـُبر رسَّـل لي الخبر
قال لي انا الجِّيت مَرسَّـل
الكـُبر قال آ الشول سلام
خـُبي خبي تعالي قـَوَّام
صدقيني َعمَـلِك نظام
ليك رتب وجع العُضام
الكـُبر قال لي سلام عليك
اقطعي التعظيم بي ايديك
انتي ماك عارفاني جاييك
يشهد الله بَطـَفـِّق وشيك
واصلي ان طرتي ما بخليك
الكبر جاء الليلي زعلان
صارْ وشيهو وعاقد اللسان
قال لي اوعي تـَـلفي دَوران
انا اصلي ما خليتلي انسان
الزول يشوف القـَبلو كيف كان
وكم فـَتـَّرت ناساً متل الحصان
الكبر جاء الليلي مَحَرُوق
وفي كلامو تشوفو مَخنوق
قال لي دايما لبسي الدِلوق
انا اصلي ما خليتلي مَخلوق
كان مكضبي اطلعي السوق
الكبر جاء الليلي يَنـْهَر
قال لي منك ماني مِـنـْـتـَرْ
انا وقفت فيهو وحَدَرْ
ماشي وين يا مَحَـني الضَّهر
الرقبة تـَكُرْب الوَتر
تـَعَـسِّمَا وتشبع في الكدر
قال لي من ربك مَرَسَّـل
قتلو زي ما قاللك اعمل
قال لي كرعيك بَعَوِّجـِن
ايديك البـِيَمْشـِنْ ويـَجـِن
كلهن بكعوجن
وكل اعضاك يكونن لـُجَن
الكبر رسَّـل لي جواب
قال لي انا ناويلك بالعذاب
لا تجُوطي انا جيتَ بي باب
راحت العافي مع الشباب
وين مرض كـَبُّـوري كان طابْ
الكبر ضرب لي تلفون
قال لي انا الجييتك بي سنون
كل يوم اقـْـلِبْ ليك لون
مرة دَستور ومرات جنون
قتلو اوعك تغشى العيون
د######ي(د ا ي ر ي) أحَـنـِّـسو يعفى السنون
قتلو الخرطوم انا منو جيت
اصلي لا فـُزتَ ولا جـَنيت
قال لي انا الكـَبُّـوري القـَـتِـيتْ
الـ بـِيَـقـَعـِّد سيدو في البيت
عندي نِـيي اقوم لـ مصر
قال لي اصلو الحي يفكر
انا اصلي ببراك في السر
الكبر قال لي انا الجيت خلاس
لا تجوطي وتوجعيلي راس
ولا تشكي تزهجي الناس
يا حبايب ضييقي وقـَساي
ختو بالكم كلو جاي
انا الكبر جاني وبات معاي
قال لي قـَنـَبت وعندي رأي
الوَصِـيي آ بَـنـُوت سعد
لا تـَوَدِّني انا للولد
ليا طارد مَرتو تـَحَرَد
لي أم أزاهر أخاف النكد
في العجوز ام يوماً أسود
تسوقني بتي أم طبعاً سَمِح
وجَـنـْبْ وليداتا انـبَـطِح
مرة أغـمِّـد ومرة افـَـتـِّح
دار اشيل السبحي اسَبـِّح
للرسول امدح وأمَنـِّح
الكبر جاني مع الصباح
قال لي جييتك جَدْ مُو مـِزاح
انتي وين الـمِـتـْـلِك ارتاح
وكل من قـَدْرك حقو راح
الكبر جاني مع الضـُّهُر
مرة يَـقـْـنِـتْ ومرة يَنجُر
قال لي دايما د######(د،ا،ي،ر،ي) الصبر
اصلي فوق المخلوق بَمُرْ
الا زولاً مات في الصُّغـُر
الكبر قال ما جيت بَرَاي
جيت فوق معروف وفوق رأي
انا وصلت والموت وَرَاي (ورايا)م
قـُـتـْـلـُو عاد يا ود الحلال
لا تـَسَويـيلي اضني تـُـقـَال
د######ي (د،ي،ي،ري)اسمع حِـسْ النِعَـال
ويا الرسول ما يَـتـَـلـَـفْ البَـال
| |
|
|
|
|
|
|
|
|
|
Re: القرير (Re: alfadil)
|
عافي منكم ياأولاد القرير يامؤصلين لانكم لم تردوا على ذلك الرماد من الكلمات
واصلوا المسيرة
Ridhaa
| |
|
|
|
|
|
|
|
|
|
Re: القرير (Re: Ridhaa)
|
انا مسافر...
برغم صعوبة الاسفار
ورغم قساوة الاقدار
والراجينى من مشوار
عكس الموجه والتيار
أنا مسافر بعيد وبعيد
وشايلك يا جميل تذكار
***
أنا مسافر...
وخايف من عيونك أروح
وخايف يا جميل الروح
أعيش كل العمر مجروح
لانو عيونى ما بتنساك
وواهب عمرى شان اهواك
لانك يا ارق ملاك
ما كان الفرح لولاك
بشيلك فى صدى الخاطر
وانا مسافر
بجوب الدنيا بى طولا
وبصبح زى فراش تايه
محطات سفره مجهولا
وروحى الفى هواك صبحت
زمن ياغالى مقتولا
ريدك زادا فى الترحال
واغانىالشوق ومدلولا
الشاعر مجهول
لحن واداء المهندس الفنان عبد العظيم منصور
| |
|
|
|
|
|
|
|
|
|
Re: القرير (Re: yasiko)
|
الجزء الاخير من الجابرية
حميد
كان اول مرة نشوفو يومنا الشفنا اللاندكروزر
اللونا مخطط والبنوت الراسا مربط..التنبوبر
لورى مكوش اقمشة سكر حتى رفوفو
وعتًل تؤجر وامحى المنكر بى معروفو
بلة الطاهر على بلاع اكرمناهو اكرمنا ضيوفو
يشبه مرت الشيخ فى وشيو لولا الدقن الدشدش صوفو
بلة خبارك مابتشبهناوعامل زولنا؟
تانى نقول الزول برانا نغير قولنا
الا كبار الحلة بقولو.بلة دة هولنا
بلة دة اصلاً من ها الحلة
الا اتربى وقرأ فى الخارج ورافق جدو الفتح التركى
وسيرتو انقطعت فى المهدية
ومرة سمعنا استوطن برة وقام اتزوج من مصرية
جابت على..على جاب الطاهر..حتى الطاهر خلف بلة
جدو اشيطن اخير مالانا
وبلة انسركن وجا وبرانا
اقرب واحد لحاج بلة ..اقرب واحد شيخ الحلة
بلة الطاهر على حسب الله
اول مرة يصلى معانا قدمناهو وقام امانا
صوتو مرخرخ لمن يقرأ
يقرأ ويقطع زى البطرأ
لامن يركع جسمو متختخ
عند السجدة سجودو ممخمخ
شيخ الحلة يقول عن امرو
زول غرقان فى الدين من عمرو
ستة سنين قابض فى جمرو
ما فكاهو طريق الله صوتو ودر من كترة ذكرو
وجسمو التختخو شدة صبرو
قلنا حقيقة الزول بى عذرو
وفتنا قناعة ومانا قناعة
إلا الستة الصارو جماعة
قالو دة زول ترباتو مناعة
مابيشبهنا ورفعو وضاعة
زول زول دنيا ودنيا صياعة
قصة دقنو ودينو بضاعة
ونحن اصواتنا يا اما مضاعة
يا اما جهالة وناس متباعة
وفى الحالتين آمالنا مضاعة
وخرم بارم كونها بوسطة ومدرسة وسطى
والشفخانة وموية ونور
كونا يجينا دة ما منظور
وزيادة الحصة الزول زول سوق
زول من جدو يلف ويدور
وياالجابرية دة مطلب عادل كونو تطيبى تكاتبى وتقرى
ضوك يشلع ..دشك يرشع
ونحن دفعنا ضرائب بدرى
ولسة بندفع لسع ..لسع
بس يا جماعة إنقضينا حياتنا تباعة
وصنيت رادى وقول فى الفاضى
خوفنا نقوم ما نلقى اراضى
ونحنا اساسنا وراسنا زراعة
والجابرية ان د######ة شفاعة
ما بشفعلها الا ضراعا
عبو ضراعكم يارجالة وخلو بصركم دغرى وسالم
عبو ضراعكم يارجالة
شيخ الحلة اضّل وضلّ
واسالو برة وحاجة السرة
عن التيبان وحكاية الصرة
اللّم البلة وشيخ الحلة مع شرع الله!!!؟؟؟؟
| |
|
|
|
|
|
|
|
|
|
Re: القرير (Re: yasiko)
|
الجابرية ..ذاكرة لجيل .. وعين لتاريخ
بقلم : الطيب نور الدائم الطيب (1 – 2 ) نقلاً عن جريدة الصحافة الخميس 28 فبر###### 2002 م.
الادب ذلك الكائن المتحرك .. الذى يؤسس للاجيال تواريخ .. ومسارح لا ينضب زيتها .. يحدثهم عن أزمان لم يروها بأعينهم.. ولكن من خلال شرفاته يمكنهم أن يروهابأذانهم .. والأدب اناء مطلق يشمل الرواية والتشكيل والقصة .. ولكن فى هذه الزاوية تفتح بوابة الشعر فاكهة كل المواسم .. وقليلون من الشعراء الذين استطاعوا أن يؤسسوا فى شعرهم عن المراحل الحياتية الخالدة للشعوب فى نصوص تنحت فى الذاكرة .. لتصبح دليل وذاد .. ومن هؤلاء شاعرنا الفذ محمد الحسن حميد .. الذى استوقد ناراً لتضئ ما حوله .. بل ذهب أبعد من ذلك فوق أماد التصور والخيال .. حتى أصبح شعره ذاكرة لجيل.. وعين على التاريخ .
الجابرية مسرح الأحداث :
رمز لنا هنا الشاعر .. عن قرية منقلقة فى ذاتها وهمومها مفتوحة فى الفضاء .. هى باعتبارها ماعون يفرغ .. فيه كل ما يدور من هم المواطن والوطن فى جميع العهود السياسية .. باعتبار ان الوطن باتساعه وتباينه الثقافى وتباين سحناته هو عبارة عن قرية صغيرة لها هم مشترك وواقع واحد .
والقضية التى يطرحها الشاعر فى النص ليس مجرد قصة قابلة للتداول .. وفهمها بمختلف الأخيلة .. أو صبها فى أنية .. انما هو عالم كامل منفصل .. وان لم يكن ينفصل عن الواقع الذى يشغله برموزه ودلالاته الواضحة .. ووقع مصير ومسير انسانه فى عالم مغلق وأزمنة مفتوحة .. ومتغير فى صراع دراماتيكى ذات بداية ونهاية .. ولمس أوتار حساسة فيه ليفجر مشاعر الغضب داخله .. وفتح الضوء الساطع عبر عينه للمعتمين .. ويطلعهم على التشظى الذى يبدو فى الحياة اليومية المتمرحلة عبر كل الانظمة .. المهمشة له ولحقوقه ولانسانيته .. والتكالب عليه عند الحاجة .. فيبتدئ النص بداية غاية فى الاستفذاذ :
فجأة يدوي مكبر صوت
قال الريس مار
بى فوقنا
الريس مار بى فوقنا؟
يعيد جملة الاعلان بصورة منلوجية داخلية دلالة على الاستنكار .. وعدم التصديق لهذا الحدث الذى لم يعهده هذا الانسان من ذا قبل .. ويؤكد ذلك فى مقطع أخر من النص (من الله خلقنا وشفنا خلقنا .. دا أول ريس زاتو يجينا ) ويؤكد ذلك التهــــــميش الحــــــاصل لهذا الانسان بقوله (الريس مار بى فوقنا )ويصف لنا حال البلد فى تلك اللحظة المباغتة فى صورة درامية واقعية .. مشبعة بأريج الصدق ودعاش الواقع ملامساً أحوال الناس .. وتحديد زمنى دقيق مصوراً المشهد صورة حسية ملموسة :
كان ضحوية .. ومنا نسند فى المحروت
ان شغلتنا بلا ماروقنا
فكينالو حبل واسوقنا
واتماسكنا يطمن روقنا
قمنا جميع الحلة مرقنا
البشوفنا يقول واشوقنا
كان ضحوية
وكانت شمش الله قوية
وكان الريس فى عربية واقف طولو تحت شمشية !!
ثم يوغل فى تأكيد هذا التهميش الحاصل ( هدن عندنا خمس دقايق ) ويصف الحالة المصاحبة للموكب وطبيعة المواطن .. وقبضه على عصاة الدين فى ما وراء الاحداث من دلالات .. ليؤكد أن السلطة قد استفادت من هذه العصاة فى القمع تحت مسمى الدين وهذه الدلالات واضحة فى هذه المقاطع ..
صفقنالم صفقة قوية
زغردنالم .. هدن هندنا خمس دقايق
قدمنالو كتاب الله
درقة وسيف ..تبروقة هدية ..
ومن هذه الدلالات الساطعة (كتاب الله) .. (تبروقة) استطاعت السلطة أن تقرأ نفسية هذا المواطن وتمسك الدفة لتسيير المركب فى بحر منفتح الفضاء ظاهرياً .. لكن يصب فى دلته خاصة .
أحلام الجابرية :
وهنا يشير الشاعر لانتهاك حقوق المواطن البسيطة .. وانتهاك عذرية الحياة اليومية وتجاهلها بالرغم من أنها من أساسيات العيش .. بعيداً عن البذخ .. والرفاهية الموؤدة أصلاً.. كان كل همهم أن يقفوا على عتبات الحياة الاولى التى كفلها لهم الحق لكى يعيشوا بعيداً عن المرض المقيم .. والجوع الساهر.. وسجن الجهل فى زنازين العلم .. ونفى الظلمة فى جزر النور..
وبين بنتين علينا اليافطة ..
اليافطة ام زيق
الدمورية ..
وانعبينا هتافاً واحد :
"الجابرية تحى الثورة ..
د######ين بوسطة.. ومدرسة وسطى
والشفخانة .. وسوق منضبطة"
العشم الذى أطل أخيراً :
وبتعبير "تراجكوميديا" بالغ فى الحذق .. وتقن فى الشوق.. ومترجم جداً لفشل ذريع لامال عريضة .. حشد لنا الشاعر وحصر فعل قادم لزمن اتى من تعبير حسي غير منتبه اليه فى لفظة أنيقة ، وجارحة .. مليئة بالخبث.. والاستنكار .. وكأنه استنطق بها الغيب الكامن فى الزمن الاتي لتفضح اللحظة .. وهى (روح باسم) .. وليؤكد الشاعر لنا دفن البيضة الفاسدة وتبييت النية لقرأة المشهد بصورة أكثر نصاع فى أن السلطة كان كل همها هى شغلهم بـهـم العيش (السوق منضبطة) .. ودلالة أخرى فى التسيير نحو رؤى أخرى وعدم فتح شبكة المشاهد عبر نافذتها لما يدور فى العوالم الاخرى رمز لنا رمز جميل (الا البوسطة دى ينظر فيها) ..
روح باسم ..وقام خطبنا
بنهج الثورة
الصارم وحازم
أمن لازم من شفخانة ومدرسة وسطى
والتعمير بالعون الذاتي
الا البوسطة دى ينظر فيها
أما السوق ؟السوق منضبطة
وبالتأكيد للتجار الاسعار واضحة
وان جاملتوهم تبقى الغلطة!!
الحوار الداخلى والحالة النفسية :
بعد حوار الشعب مع السلطة التى يرمز لها (بالريس) والوعود التى أثلجت صدور أهل الجـابـريةفى أن القرار فى يدهم وأن الامر هم أصحاب القرار فيه ( ان جاملتوهم تبقى الغلطة) ويؤكد أن السلطة استطاعت أن تكسب ود الشعب ورضاءه بالوعود التى أمنت بأنها سوف تسعى جاهدة بتنفيذها .
وكان هذا واضحاً فى لٌفظة (انكيفنا) قد تكون هذه دلالة معنوية داخل كل واحد ولكن لاظهار الصور وتأكيدها فتح مسرح الأحداث لنرى هذا المشهد :
انكيفنا
رفعنا ايدينا وهزيناهن بالتأييد
" لا تفريط فى قوت الشعب
سحقاً سحقاً للرجعية
الجابرية ضراع الثورة
بالانتاج حا نبنى بلدنا"
ويعود لقرأة هذا المشهد من زاوية أخرى مغ######ة .. وأكثر انفراجاً .. ويفتح عدسة المشاهدة .. لتوضيح أن هذا المشهد برغم الحميميةالظاهرة الا أنه يخفى بداخله أشياء أخرى .. ومواد قابلة للانفجار .. وهذا من قوله : " كانوا فى جيهة .. ونحن فى جيهة" وهى عبارة لها دلالات بعيدة المغزى ورؤى أخرى.. ويضيف اليها عبارة تشرح الحالة النفسية لدى الطرفين للرؤية من خلال الحاجز الشفاف الذى يفصل بين أصحاب القضية ومدعى ذلك فى هذا المقطع (هن اتهبهبوا بالكابات .. وما همانا الصيف وعرقنا )ويعود ليفعل المشهد المعنوى الى حسى مرئ من خلال الحوار الداخلى للنص .. مثلاً فى أهل الجابرية والخوف الكامن من عدم حدوث كل الوعود على أرض الواقع .. من خلال خطاب مباشر ..
فات الريس وانفرتقنا
انفرقنا على الجابرية.. كلنا ننضم وما صدقنا
بالجابرية تجيها البوسطة
الشفخانة ومدرسة وسطى
قلنا يا ريت لو زارنا فطور
وانحزمنا ضبحنا التور
كنا أقل ضمنا النور
أو ياريت لو زدنا الصفقة
وعاش ويسقط
وبوية الوية
كنا أقلا ضمنا الموية ..!!
ويرجع مرة أخرى ليؤكد التهميش مرة أخرى .. وان السلطة وكل الحكومات التى تعاقبت لا تنظر الا من خلال مراة مقعرة ترى من خلالها ذاتها بصورة مكبرة .. ولا تلتفت الى أى هم أخر غير التوطيد .. ولم كل الأشعة الساقطة على هذه المراة لرؤية المصلحة الخاصة ..
كنا بننضم بايدينا
"دا أحسن ريس مر.. علينا"
من الله خلقنا وشفنا خلقنا
دا أول ريس ذاتو يجينا
وكونو يجينا يقنب بينا
يشوف البينا كفاية علينا .. !!
المثقف ودوره المعرفى :
لم يترك الشاعر هنا دور المعارضة شاغراً.. ولم يعبئه .. بصوت أجوف انما رسخ وبنى و للمثقف .. وللمعرفة اسس لاماطة اللثام عن وجه الحقيقة المجردة ورفضه المطلق لكل أشكال الاقنعة والطلاء الكاذب.. مضمنة فى هؤلاء الفئة التى لم تقتنع أبداً بكل الذى دار فى المسرح من أحداث رامزاً لهم بعدد ( الا فى ستة من الجابرية .. قالو تعبكم خارم بارم) ودعم موقف هؤلاء من الجميع برغم شكل الصراع الدائر .. فى مخالفتهم الرأى ( حالتن أحسن ناس فى الحلة .. ايدا نزيهة .. عقولا نبيها)..
الا فى ستة من الجابرية
قالوا تعبكم خارم بارم
يذهب حاكم خلف الحاكم
والجابرية
تظل فى حالا
حلة حياتها تسر الظالم
صدفة تموت
وتحي أطفالا
لا جلكوز لا تقرا رسالة
لا راح يطلع منها عالم
ثم يذهب الى أبعد من أن يجعل للصراع والتشظى دائراً فى فراغ هلامى لا يحدد موقفه ، فانحاز الى الديمقراطية .. وأن الفعل الحقيقى للشعب ( ما بنفعكم الا ضراعكم .. عبو ضراعكم يا رجالة) ووضع التخوم .. النهائية لمواقف دون رياء .. بالمواجهة المكشوفة وعارية ..
حكم العسكر ما بنشكر ..
كلو درار .. كلو مظالم..
ويفتح دائرة الصراع الداخلى بين سلطة الوعي متمثلة فى الستة .. واللاوعي المتمثلة في البقية المغيبة فى الحلم والوهم ..
عبو ضراعكم يا رجالة
وخلو بصركم دغرى وسالم
حكم العسكر ما بنشكر
كلو درار .. وكلو مظالم
وماهو قدركم تحيوا همالا
مقصودين والقاصد فاهم
حاربناهم
وتسميناها البينا شتايم.....
| |
|
|
|
|
|
|
|
|
|
Re: القرير (Re: alfadil)
|
يا ناس القرير
السلام عليكم ورحمة الله وبركاته
يا اخواني عندي طلب
العنده اغنية ساره من فوقن جوهره للفنان عبود تقوريه الرجاء ارسالها لي
| |
|
|
|
|
|
|
|
|
|
Re: القرير (Re: alfadil)
|
خوفى فى زحمة سنينك بكرة ترحل
تسبينى فى احزانى عايش فى انتظارك لما توصل
العذاب انا راضى بيهو لو عذابك ليهو اخر
لو يطول بصبر عليهو بالسنين انا برضو صابر
راجى يوم ترجع تجينى ليى فراقك مانى قادر
| |
|
|
|
|
|
|
|
|
|
Re: القرير (Re: alfadil)
|
اديتو الامان غنى نسج من الحب وشاحو
وطعنتوا بعد ماأطمان وجدع من الليد سلاحو
صابر والجراح تدمى مامل باكر نصاحو
لامن ودع آخر روح وكانن سبعة ارواحو
| |
|
|
|
|
|
|
| |
alfadil
ابو يسرا
yasiko
osly2
Ridhaa
نصار
انور عمر
Ro3ah
wadazza
bit-alkhaleel
moniem2002
james
cola
Munir
فيس بوك
تويتر
انستقرام
يوتيوب
بنتيريست