كتب الكاتب الفاتح جبرا المتوفرة بمعرض الدوحة
|
Re: اوضتنا يا بنات....ممنوع دخول الرجالة (Re: بت القبايل)
|
يا أبـو حراز بقـت عليك حكايــة إنت ما بتعــرف صليحــك من عــدوك أنا واقفة قــدام الســرير عشــان أحميــك من البنــات أصلــي شايفة نهــا وبت القبايل ناويين ليــك لا قــدر الله بشــيتاً إنت ما بتقــدر عليهو وقلت عشــان خاطـر الخطيــبة المحشــورة معاك دي أعمــل ليك حماية بــراحة أمــرق وبعــدين انزغــم أنا بخلــي ليك البــاب فاتـح أوع تفتــح خشــمك تقــول عايــز قهــوة ولا شاي الحكاية بتنكشــف سوميــتا ديك ما فاضيــة من الغنى وســوما شايفاها بتغســل في العــدة ....
تعالي يا نهــا عايزة أقول ليك ســر أنا بغش فيهــو عشــان يمـرق وبعديــن بفكــوا فيــكن عكس الهــوا كويس ما تقولــي لهنايــة حســها عالــي بيقوم يســمع وينحشــر زيادة يا جمــاعة أي زول عايــز قهــوة بالشــباك الســعر دبـــُل والما عاجبـــو البحــر قريب يعنــي ســوق أســود الشــاي برضــو ومخيريين اختاروا بين الشــاي ووجــع الراس وبعدين زول بقــدر يعمل جبنــو أو شاي تحت العامــود مافــي لآنــي الوحيــدة العنــدها ترخيص إلا تتجمــع توقيعــات في إعتذارات كاملة وشـاملة بس قرشـــو هــو الممكن يشــرب لأنــو جا واعتــذر واثبت إنو ابن أصــول إنتــو قايلين شــنو الحكاية لعبــــــــــة يا ســــــــــــــــلام
| |
|
|
|
|
|
|
Re: اوضتنا يا بنات....ممنوع دخول الرجالة (Re: bit-alkhaleel)
|
يا بت الخليل فطور وابيتو تفطرونا حسع ناولينا جبنه لو سمحتى وسجليها علينا تانى وانت عارفه حسع نحن مفلسين عشان رمضان وكده مامشكله حسابك كلو تاخديه قبل العيد ناولينا جبنا سريع قبل ما تجى نهى عشان قالت مافى شراب جبنات هنا امشو اشربوها فى السطوح رغم ان جبنة الخوف ما بتكيف
كاش
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يا بكــاش سمعــت كــلامي ولا لا؟؟؟ ح اســجل ليك الحســاب في النــوتة لكن بســعر اكــتر وبديــك ليــها بالشبــاك نهــا حســي نايــمة أشــرب براحتــك لكــن الحســاب قبــل العيــد يا ناس عايــزة أشــتري لي تــوب جديـــــد أعيــد بيــهو ... خلــوا عنــدكم نظـــر... بعديــن الخبيــز الح تجــوا تاكلوهو يــوم العيــد دا ما عايــز قروش شــوفو طــريقة وادفعــوا لي إن شاءالله نص العليــكم والله دي تجــارة آخــر زمن إنتــو الكيــف ليكــم شــنو وكت مفلســين معليــش يا بكاش لكن والله عــدمانة التعريـــفة الحمرا والشــحدة من الجماعــة زاتها جننتنــي وعنــدي ليــك ســر.... تعــرف الكوتشــينة البيلعبــوا بيــها في الســطوح اشــتريتها أنــا جوني كلهــم ناس إيهــاب وود الجيــلي (عامل فيها عنــدو دكان) وخســموني بالنبــي عليك الله كان تقول يقــومو يخاصـموني تــاني ويبوروا لي قهــوتي أها ماشــة أدق البن والقــم الشــاي... يعنـــي تعبــاً بس للأجــــــــر صلحــة
| |
|
|
|
|
|
|
Re: اوضتنا يا بنات....ممنوع دخول الرجالة (Re: bit-alkhaleel)
|
يا بت الخليل انا بتسلف ليكى توب ايجار اصلو جنبنا فى واحده زوجها مغترب وبتأجر التياب اقوم أأجر ليكى توب منها بالسلفه بس بعد العيد رجعيه لانو اى يوم زياده محسوب علىٌ عشان ما ترفع لى سعر الايجار المره الجايه اصلى ناوى أأجر منها تياب العرس كلها بعد ما اغش بيها نسيبتى ارجعها تانى انا والعروسه متفقين على كده بعدين انتى غشيتينى قبل كده قلتى لى قهوتى لا اوكاش ولا اوشيك تانى رجعتى فى كلامك والا شنو؟؟
بكاش
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
إنــت يا بكاش ما عــارف الشــعراء يتبعــهم الغاوون يعنــي الواحد كان قـال ليهو كــلام لــزوم القافيــة طوالي تصــدقــوه خــلاص بديــك ليــها بلاش لمــدة تلاتــة يــوم يعنــي حق الضيــفة وبعديــن الدفــع نقــداً أهــا ما رضيتــك بعدين توب الإيجــار دا كان ما عجبــني بتســو شــنو لالالا يا اخــوي توبي بجيبــوا بــراي وبعزلــو بي مزاج مخيــر مع نسيــبتك لكن أنــا أمــور الغش دي ما بتنفــع معــاي أدونــي حقي وبشــتري توبــي إن شاء الله بالأقصــاد اتفــقنا ولا لســة أوعــك تقول لي كاني مانــي أنــا بعد دا عرفــت ســرك ومخيــر لو ما وفيــت بالإتفــاق ح اقـــــــــــــــول لنيســـــــــــبتك لوووووووووووووووول
يللا تم كيفــك التلاتـة يــوم بــدو في العــد التنازلي لكــن عليــك نسيبــتك وخطيبــتك قهــوتي ما بتســـــــــتاهل صلحــة
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يا سوميــتة حكايــتك شــنو تسلمــي على الناس كلهم يعنى ما شايفانــي ولا عاملــة اضان الحامـل طرشــة أول حاجــة خــدمة شاي وقهــوة حســي عنــدي قطايع من دق البــن ناس بكــاش قالــوا بن السحــانة ما عيزنــو تاني ما خليــت غنــوة بنات ما غنيتـها بالدلوكة وبعد دا كلو البنــات قالــوا لي دقــتك شــترة وحارساك من قبيــل تجي تدقي وانا أغنــي دا لي يا سوميــتا الخاتــاك للحوبـــــــــــــات فتحتــي بيبســى وجيبتيهــو لي شــربـات على العمــوم المسامح كريــم والعتب على النظر حســي أنا جيبت لي بخــور تيمــان وعايزة ابخــر الأودة من عين الرجــال والصبيــان كان يزحوا من تحــت الشبابيــك ويخــلو المتاوقـة بي خــرم الباب
بسم الله يا عيــن ياعنيــة يا كافــرة يانصرانية يا مقطوعــة الزريـة أخرجي من اودتنا ما تخـربي قعدتنا
عين الصبــي أب شــرا غبي عين ابو حراز كسـرت القزاز عيــن بكاش قلبــت الفُراش عين ودعزة عنــد الحزَة والبقيــة ليك يا سومة أو باقي البنات تتمــوه شايفة ناري لهلبت وماشــة على قهوتــي بعدين بي باقي نار البخــور عليك الله حمَـــي الدلــوكة شايفاها متختخــة
أهــا مع الســلامة بســم الله ما داير أقــع اتكســر دا منــو في كراع عترت لي سجــمي سجــمي اكان ما اخــاف الكضب في زول تاني تحت الســرير عاد مابســألكم مع الســــــــــــلامة
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يا بنووت أفتحن لي أنا سوميتا وحاتكن إنتن،،،، عاد لكن دى حاله دى؟ الشمس سودت وشي يا قوول البنيات،،، يعني أنا ما أمشي لا جامعه لا شغل لا شي تاني ولي كيف،،، و بعدين الباب ده عاصي كدي مالو؟ أبو حراز حرسوك الباب ؤ إنتا مع الونسه ما سامعني؟؟؟ لوول يا الزينات الما شينات أنا جيتكن،، سلام عليكن بي ونستكن و دلوكتكن و حالكن البفرح،،، نهي يا بتي وين روحتي و يا كافي البلا لا سماعة تلفون ترفعيها ولا جواب تردي عليه دحين ده البسموه جفا الغربه؟ لوول أححححي يا نهي شهيتيني عصير القنقليس بلاهي بقييت أتمطق براي عاد النبي كان عندك كتير رسلي لي شويه مع الولد السغير،،،هيا يا يمه إتباركن أيامك إنتي،،، بت الجزيره كيفنك يا طيبة الاصل القديم،،،كدي تعالي النسألك ،، بتديني وصفة ملاح العصيدة غلط لي يعني؟ تدحكي فيني الضيوف،،، غايتو مشيت حالي بي دمعة و قراصه ياهو شغلنا البنعرف ليهو ،،،، بت الخليل يا عازه يا ست البنات لي حدهن،، إنتي يا الكبرتوك والبنات فاتوك في القطار الفات،، يا فلق كل الصباحات الشداد،،، معقوله أنساكي أمال كلام الدلوكا ده حق منو؟ بس خاني النظر و غلبني النعاس إتجازا هو الداير إدخلني في الملامه معاك،،، أها مسحنا البوست و كتبناهو من أول جديد عشان خاطر عيون حلوين،، و بعدين بركه النبهتيني عشان نركب قُعُرة الكبابي قبال ما نسوط أكتر،،، لكن وحاتك بايته في الخاطر و لي الفرح سكه و علامه،،، يا معاني و يا درب كمين جماني،، ريشه و دوايا و كوم أغاني،، أها أسمعي رسلي وحدة من البنات الصغار و أنا أحمي ليك الدلوكا و يا زولا لي الصباح هجيج باقي لي زمن من الرقيص والغني البفش الغل بتاع زحمة البلد الانا فهيا دي،، يا ظبية سارحه وين في الوديان مع الغزلان ،،، إزايك يا خيه والله فرصة لذيذه جداً الخلتني أشوفك هنا،،، فاطنه السمحة ياختي كان قعدنا نباري المديرين و الحكام ديل يانا الما شايفين حالنا،، لا ونسه لا هزة كانون ولا موية زيتون الليمون ده تراهو بنبلع شويه،، قطعتن نفسي بلسلام،،، كترتن و حليتن كده ،،،، عاد لكن يا أبو حراز و نعم الحيل البتقعدك في وسط البنوت بس ياها زاتا،، تالتن الفي الونسه مشاركن ،، مع الأحتفاظ بلطبعه الأصليه،،لوول بريل،،،، وحاتو هو أنا رمضان ده خلاس هداني مع الجري ده لكن أهو فضل ليهو شهر و إجي العيد و تاني نقول يا حليلو رمضان الحنين،، قرجه،، خليك قاعد في بكانك أنا بقوم بلازم و برسل ليك الفيها النصيب،،، و زيد عليها كباية شاي بي نعناع،،، جندرية لووول والله دحكتا لامن إنتكيت،،، ديل بعد دا الامر فلت من يدينا خيمة بسط أمن شامل ما تفكنا منهم،، لوول لكن كومر دي إتفسحتي فيها،،، سماح أهلن أهلن إزيك و كيف حالك و غنيماتك ،، بركه الجيتي جانا الخير في طرفك يا العديله،،، أسمعي عليك الله أسئلي الترزي بخيط كيس المرتبه بي كم،،، بمسيكا،، حلاته البنيه زينه و طويبه إخليها ليكم رب العباد شحدتو المابخذل عبدو قولي آميين،، ساري الليل دي حيلتك؟ يا ولد أمرق إنجره لي بره ،، قال لزوم الشنو قال هو؟ ده كلام ده كمان،،، ما تحمبك خلاص ما تشلضم لي أسوي شنو عاد ما بجدر علي جنس الصرصره دي لك بس حدك فنجال القهوه ده،،، بكاش،،، أنا ضامنه غسيلك لي العده فمن الأرحم يعني بس تاخد ليك خشم خشمين و تمشي تشوف ليك وست إسيكوك ولا طاوله إدوك مرس قوي لامن راسك إسخن،، و كلو عندنا بس خليني آخد لي زوقه كده نصت نهار في رمضان ده نقص بيها اليوم بي الضمنه و كدي،،، فاضل،، روز اعده في نصنا لكن لا بنخليها تمرق ولا بندخلك ليها،، بس خليك بره كدي ده،، عشان كان إنتا داير الونسه قوول عديل هديل خياناك الدخل تحت السرير دخل و العمل ورحو حارس الباب عمل و الجا سلام ساي و مشي و الجاب لينا المسجل و عشه الفلاتيه جاب،، إنتا بس الجيت بي حيله أخير منها دسة عمك تنقو في الدولاب،،، ************************ أحي يا يمه من القهوه السمحه دي،، كدي يا بت الخليل كبي لي من التني ده،،، يا الطويبات ما قلتن لي رايكن شنو في كلام سمبتاكو بتاع إنو ندخل البال تول و نإتناضم جت علينا مع بعضنا؟؟ أدني خبركن أها ودعتكن مع الما بتضيع ودايعو أبقن عشرة سوميتا
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
ســوميتا أنا ماشة وجايــاك بعد شــوية الليلة عنــدي مواعيــد وح اجــي أتونس معاك بي مزاج إنت الدخلك شــنو يا ابو حراز خلاس شبيــت لي في حلقــي وعايــز تعرف المواعيــد دا ســر بيني وبين سوميــتة البحلنـا شــنو من جنس التحشــر دا جايــاك يا ســوميتة وجاية افــتو معاك أها مع الســلامة حتــى نلتقي صلحــة
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم اخياتييييييييييييييييييييييييي كيفنكن والله مشتاقين شوفنا بحر ودموعنا مطر كيف عليك الله احوالكن اصلو الزول ما يفوتكم امبارح عاوزة اموت لما ابا يرد معاي قربت اموت بسكتة والشمار واقف ليا هنا كان في طرف حلقي اضطريت امشي المستشفى علشان يطلعوهو .....شايفة في زول كده بتاع انقلابات من زمااااااااااااااان شاني علينا حملة خير يا اخونا يا دقنة في شنو يا ابوي ...يعني انت بعد الاكل بتحس بشنو كده....وريحة الاكل جابت الناس ديل من اخر الحلة لما جو وقفو ليكم بالصف جنب الباب مالهم انا هسي قلت لا سمح الله في مصيبة حاصلة ولا شي لما لقيت لمة الناس لكن لما شميت ريحة الاكل عرفت السر...مع ماجي الاكل الذ .ممممممممممممم ...سجمي انا رمضان ده بقاني زايعة ولا شنو ما اشوف ليا دعاية اكل الا اقيف اتابعها ؟؟؟؟؟يا بت هوي بطلي زياعة....بالمناسبة يا جماعة انا عندي سؤال كدي يابنياتي قدر ما فتشت اجابتو لقيت انها اجابات ما مر يحة ليه صداقة البنات ما بدوم في الاغلب هي احنا فعلا غيورات وحاسدات وجنننا مصالح؟؟؟؟كان احنا كدي الترابة دي في خشمنا والنبي فوقكن كان بقينا اخوات وصدييييييييييييييييققققققققققققققققاااااااااااااات لما غلط علشان بس ما نشمت فينا ناس حسن وحسين ديل والكدايس زاتا برضو قالو بتشمت ...وبالله الليلة عاوزين نتونس حبة اشتقت ليكم والله جد كده
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يا البنيات وين رحتن؟؟ أجي يا بنات أُمي،، دي حاله أخير منها بورت بنات سعيد،،،، النبي فيكن البتعرفن ما تجيب السيرة دي بس ادإفنانها هني ده،،، النوم الفينا شنو من بدري بدري كدي؟ شكلكن خلاس كبرتن و كبرت أحلامكن،،،،، بت الخليل كدي زحي لي التوب المتدمدمه بيهو ده النشوف خبرك شنو،، علك ما ميجوعه؟ الضروس شن خبرن معاك ،، كر يا يمه بريه إنتي من وجع السنون لي العدوين ،،،، لا والله زينه تراكي وشك مطروح بس النبي فوقك عاد أكان تمشي الشغل بكره شغلو هم يختي إرتاحي في عضمك ده،،،، أها انا لسع حارساك تطيبي و تقولي لي سرك،،،، حرستك في زقاق البالتوك و معاي البنيه الحنينه الهفيفه نهي،، قضينا يوم جميل و ضحكنا و وقعنا و إتفشينا فيك يا الدنيا بي سمعنا لي بعضنا أتمني من جوه القلب إلمنا زقاق زي داك كلنا سوا تاني ،،،،، نهي يا زوق و يا لطف و يا حنيه شكراً علي كل الكلمات و علي كل الساعات القصيرات الح تقعد لي بكره و بعد بكره،،، أها يا الحبيبات أخلي نهي تحكي ليكم بلباقي،، سوميتا
| |
|
|
|
|
|
|
Re: اوضتنا يا بنات....ممنوع دخول الرجالة (Re: Soumeta)
|
Soumeta
و الله عاد يا بتي أحكي شنو و الا شنو إنت عارفة أنا اتكيفت جدا من البال توك دا ناس حلوة و بالجد تتخيلي نفسك في لمة أو قعدة و الناس متلمين يحكوا و يغنوا و يتناقشوا بالجد حاجة لذيذة في الغربة دي
قعدنا اتلاقينا في غرفة من الغرف الخاصة و كتر خيرك يا سوميتا لمتنا أنا Soumeta نفسها و sympatico نصار 3mk Tango Elkhawad soma
و ناس تانية حلوة جمعنا هم الغربة المشترك كانت ساعات عرفنا فيها كيف نلون الغربة بلون الفرح و تسامرنا إلى أن نسينا أننا داخل حيز ضيق
و تعارفنا كأنا عرفناهم زمنا لأننا قراناهم عبر هذه الصفحات أفكارا كل منهم إنسان بداخله كنزه و لكن كوننا سمعنا أصواتهم اضعفت حاجز الزمان و المكان
لكم التحية و اتمنى ان تدخلوا إلى هذا البرنامج الحلو و صدقوني لن تندموا عليه لأنه بالجد فكرة حلوة
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
نهي يا وجع كل البلود التبالغ فيك سماحة،، نسجتي خيط الروح هواها و رسمتي فيني الإستحاله،،، لكم سعدت بوجودك بينا في البيت البعيد،،،، البي جيتك زاد في الحلاه،،،، فرحت زي ولداً صغير أدوهو قراصة نبق،، حقيقي يا نهي كانت لنا لحظات في قلبي ذكراها و لسوف أستمر في إجترار لذتها إلي أن يشاءالله،،،، غنايّ كان فرح اللقاء و حديثنا كان منهل عذب شرّح صدورنا و فرحا،،، وكل القصايد جابا شوق بتبله بي شوفتك و ناس ورورووك و ناس نصار و ناس خواض وناس تنقو و سمباتكو وكل زين لمانا بيو ولف الحروف و شوق الجروف،،، شكراً جميلاً يا نهي،، سوميتا
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
ياشباب وصبيان و الناس العجاز اللسع مراهقين اسمعوا واعوا:النسوان ديل مباراتن بتجيب الفقر....والبباري الجداد شنو...بيودي الكوشة....وونستن فارغة وما بتكمل...ابوحراز قاعد تحت السرير لمن ركبو ورمت...وياابوحراز الضهر والعصر والمغرب فاتوك...والله الا تصلي برقبتك الممشوطة وتستاهل.... ............ ماهو انا قلت بس اكشف من تحت الباب اصبعى اتهرد...وهن داسين شنو...ما سليمة جاها عريس ...وهو احنا كلنا عارفين ...عريس داقس...مغشوش شاف الخلقة ونسي الاخلاق...ماعارف حاجة ...مسكين... .................. اها غايتو يوم العرس..حانمشي ونقول لية ...مبروووك ياعريس....وتحت تحت بنضحك فيهو ...البطيخة..عارفنها خضراء..اهو غابتو نسكسك ونهجج للساعة
حداشر...ونحضر كمان التخريج..ونتعشي تانى..ونلم الكراسى الا سبعة نقعد فيهم لحد قريب الصبح...نفنط ليك جكس الحفلة واحدة واحدة ....والنتيجة واحدة...ابوالدال كاسرة ضلع الشباب كلو...لكن اللة في....بعدين نختم بجملة هيثم المفضلة ..الواحد ماممكن يعرس ليهو واحدة اهم شي في حياتها ليفة سلك....ونتم بكرة....
..... shereef
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
احم احم بت القبائل ورفيقاتا والمتتاوقين والمتلصصين السللااااااام عليكو وبعده احم يا بت القبائل ما سمعتي بي تالتين الما بيقالتن الفي الدلكة والدخان مشاركن وما عوزين تقتلو العقرب والدبيب وكدي النشوف لينا راجل يقتل الدبيب
| |
|
|
|
|
|
|
Re: اوضتنا يا بنات....ممنوع دخول الرجالة (Re: سونيل)
|
والله يا بنات انتن رغايات خلاص كل مرة أجي ادخل الأوضة ألقى في خمسين بوست جديد أقرا شوية وأقول خلي الباقي لبعدين أجي بعدين ألقى البوستات زادن تلاتين.. هسه أسوي شنو أنا يعني؟ أخلي الأوضة وامشي أقعد مع الوليدات في السطوح ولا شنو؟؟
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم الغاليات كيفنكن.....اخباركن يا بنات امي....رمانة يا بتي ما تخلينا نرغي حد واخد منها حاجة بدل ما نكبت الكلام جوانا ونكبر بعقدة نفسية ويطرو يسفرونا برة ويقولو لينا ما في امل الحالة اتاخرت وكدي علشان كدي خلينا نرغي احسن من البهدلة....العزيزة بت الخليل يعني يا بت امي انت الاولاد ديل ما مدلعاهم زيادة عن اللازم هم هسي طردونا من عمودهم وانتي تسوي ليهم في الجبنة بعدين البتعود على قهوتك ما بسيبها يا غالية اساليني انا .....نهى يا نهى وييييييييييييييييييين يا دكتور مشتاقين وكده بعدين يعني يا دكتور ما تشوفي لسوميتا دي سن بلوك ولا حاجة علشان ما تعمل الحجة الشمش وتقعد في البيت ده....سونيل بنادوك اجري قالو دايرين زول يرسلوهو الدكان .....الماخد موقف وشغال تقديم نصايح مجانية اخونا اهدا يا ابوي انت ما تتحسس وتاخد الموضوع شخصي وجيب ليفة العدة دي هنا خلينا نشوف شغلنا .....ورررروووررووك عاين يا وليدي ولدكم اب حراز ده لابد تحت السرير لما زهجنا زاتو ما تشوف ليهو حل وخطيبتو ما بتطلع من هني مش كان قعد تحت السرير كان دق خيمة.....ناسنا كلكم اقعدو بعافية ام درماني اصبعك كان خليتو بتهرد للصباح الليلة شفت زاتو انا تاني بعمل الباب ده بباس وورد عدددددددددددددديل كده وما يحلك من الهردة الا الحلا بلة ...قال اصبعي قال.....يلا يا ناسنا فتكم بعافية
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يا بنيات الأودة ســلام عليكم ومناي فيكــم حلات عينيــكم وطعم حديـسـكم والنســمة ريحكم والخــمرة طبيكم
يا نها يا الدكــتورة الما مبــدولــة الســمح زولــها وبريــدو قولـها
أول شي من الصبــاح محاولة أخش البالتوك وعاملة( ساين إن ) ولا حيــاة لمــن تنادي ... يعني مافي أي استجابة من الكمبيوتــر باين في ناس عاملين لينا تشويش يعنـي حسادة بس اســتكتروا علينا لمة الأودة وقبَـلوا علي البالتوك والله من ما جيت من دكتور الأســنان وانا باركة أشــوف في طريقة ... ونفسـي في ونســة معاك وســومة وبقيــة العقــد الفــريد غايتو الله يســهل لكن قســما وراهــو حج وعــتق (شوفتيلك جنس قســم ) ما بخليهـو لي حــدي ما اعــرف حدو ويا أنــا يا هـــو وحســي ماشة أشوف في إي استجابة ولا لا
بت القابيل الحديســا خايل ام حالاً ما مايــل والله ياختــي الصبيــان ديل كان ما شربــوا القهــوة ما بيكشـفوا حالي وبنقــروا طاري وبعدين دايــرة لي مليلينات عشـان العيــد وكســوة الأولاد ... وفوق دا كلــوا قلت النبلبص ليهــم شــوية عشــان الكراع شــوية تخــف من المساسقــة من وإلـــــــــى الأودة خلاص بقى ما عنــدهم شــغلة غير المســاسقــة
سونيل .. والله تالتــن منــو ما عرفنــا إنت ولا أبــو حراز ولا ولا ولا... بعديــن الدبايب دي وين الزمــن دا .. نحن جــوة أودة من ويــن تجــي الدبايب أمشــوا عليــها في الســطوح بتاعكم ياما تلقوا منها ورونا شــطارتكم هناك
الخواض خلي البلبصــة إنت جايــــي الأودة لسبــب تاني (يعنــي لســبب في نفس يعقوب) أحســن ليك تقولــوا القهــوة وشــربت التني وتنيــت البركة حرستها نامــن كملــت يا خــوي القصــة جرت كــدي وريــني براحة إنت دايــر شــنو بالضبط وتعال قريب بســم الله ما تخــاف ما بعمـل ليـك حاجــة .... والله ما بســالك من القروش الإدينتــها منــي متيــن ما يجــن حبابــن
أهــا يا خواتـي ماشــة اجهــز الفطــور ابقــو عشــرة على الأودة شايفــة الجماعــة جايين كارات كارات على الأودة مع الســلامة
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
غدى يا عسل شفتي الشمارات يا بت امي دايرة ونسة دقااااااااااااااق كدي خلينا لما نجي ننوم ننوم سوا واقولها ليك بمزاااااااااج باقي البورد دا فيهو جنس شمارات مالها حد ولا اخر وانا القايلاهو يا يما شارع فاضي طلع مصييييييييييبة بكاش يا اخوي الشمار الكتير في السطوح حقكم دااااااااااااااااااااك حصلو سريييييييييييييييييييييييييييييييع
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
رحتن؟ مشتااااااااقه حد الشوق للقعده و الونسه الدقاق و القهوه في ضل الضحي الرقراق،،، هيا البنيات مالكن دلوكتكن رخت و مدادكن كتر؟ و ين فتن؟ سيبن التطمش بي الحلال و أمرقن تيابكن دي و تعالن جاي أنا بي هنا،، لاقاني الجعلي في فريق قدام قايلني فتكن و قبيتكن بس ماهو عارف إني جايه و شايله شوقاً بلقفافه،،،، نهي، بت القبايل،بت الخليل،رمانه، غدي،سودانيه،زوله، الجندريه،بيرل،زوله،فاطنه، ظبيه،تسنيم، و جميع الدخلاء من الأولاد و ينكن؟ سوميتا
| |
|
|
|
|
|
|
Re: اوضتنا يا بنات....ممنوع دخول الرجالة (Re: Soumeta)
|
سوميتا يا خيتي
أنا ماشة أشتري ليكن هدوم العيد
كل واحدة توريني مقاسا كام و الوانها البتحبها شنو باقي مشهود لي بالاختيار السمح و ما عندك عوجة مني هدية ما من وراها جزية
و إن شاء الله يا ربي تعيدن بالعافية و يعود علينا العيد تامين و لامين و سالمين و نتلم على اهلنا قصدي المغتربات منكن الما مغتربات يديهن العافية و يثبت اقدامن
تسلمي يا سوميتا يا اختي مشتاقة ليكم كلكم موت
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم بنات امييييييييييييييييي ازييييييييييييييييكن والله وحشتوني جنس وحشة(شايفات وحشة دي كيف دي المصدر بتاع واحشاتني..........عليك الله كيف عاملات اها العيد قرب والبيت دا داير نضافة باقي رمضان دا جاطو لما غلط كل وحدة تربط ليا شعرها بايشارب وتشيل مقشاشتها وتجي سريييييييييييييييييييييييييع وهدوم العيد يا نهى بالله تكون كاربة النبي فوقك وسوميتا يا اخيتي وين الغيبة دي قلتي ماشة ثواني غبت بالايام مالك بت الخليل دي واشريري عليها مالها الليلة مصدعها خير ؟؟؟؟ان شاء الله مافي عوجي يلا امرقن خلنها تنوم الصلحاااااااااااااااااااااااااااااااااااااااااااابي اجري الحق جركانة الشاااااااااااااااااااااااي
| |
|
|
|
|
|
|
Re: اوضتنا يا بنات....ممنوع دخول الرجالة (Re: الجندرية)
|
يا نهى خلينى اسوق ليكى السياره اوديكى السوق تشترى هدوم العيد اصلو انا عارف انك ما عندك رخصة قياده وبعدين ناس المرور الايامات ديل متشددين بعدين سوميتا دى ما اظن تلقى ليها مقاسات الا تودوها شركة التصنيع ههههههه
بكاش
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
البنيات الحبيبات الطويبات إزيكن إسعد أيامكن و إملاها آماني خدراء شحدت ربي بركت الصباح و العيد البعيد بي فرحو و ترحو،، إجوكن العرسان و تتوهجن كدي يا يمه في بيوت عرسانكن و المتموم حلوهن منكن إسعدن سيد السعد و إوسع كسبم و إزيدم مال و بنين و إكبر أولادم و إشرح قلوبم بيهم و نزيد الأمل عقده فيهم قولن وراي آمين ما هان علي الأوضه الكبينا فيها الونسه ديك كلها ما إجيها عيد حتي لو كان من دون طعم،،،أريدكن و إنتن حنينات و رهيفات ،،،، و كل سنه و إنتن بي الف عافيه سوميتا
| |
|
|
|
|
|
|
Re: اوضتنا يا بنات....ممنوع دخول الرجالة (Re: Soumeta)
|
ازيك ياسوميتا كل سنه وانتي طيبه ازيكن يابنات اوضتنا كلكن القاعدات في البلد وبره البلد العيد مبارك عليكن وعلينا وعليكن مبارك واعفو مني عليكن الله وعافيه منكن لله والرسول كتر خيرك ياريسنا بكري ضربت لينا الاوضه بوهيه لونها جميل الله يديك العافيه ويقدرك وتشيل..البنات شيلهن تقيل الله يقدرك عليهن
اها يااخواتي فتكن بعافيه ماشه اخبز لي كعك عشان اتذكر امي وخبيزها طبعا نحن عيدنا بكره
اها معزومين معانا عيدنا بكره
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بنات اوضتنا العزيزات كل سنة وانتو طيبات والسنة الجاية زي ما عايزات الما اتوزعت تتوزع , والبيتقرى تخلص والما اشتغلت تشتغل والباقي كملوه براكم خبيزكم والله طاااعم مش زي ناس فلانة.... ولا القطيعة نخليها لي بعد العيد لوول فتكم بعافية وباجي المسا نكمل الونسة وما تنسوا تطلعوا صينية للسطوح بمناسبة العيد ما هدنة مع الاولاد بس الدنيا عيد زولة123
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم اخياتي يا احلى بوردابيات كل سنة وانتن طيباااااااااااااااااااااااااات والسنة الجاية على امانيكم يا رب سوميتا يا اخيتي اديني القدامة بتاعت الخبيز دي خلينا نرمرم حبة بعدين الملايات دي ما مشدودة كويس لييييييييييه كان جونا ضيوف هسي نسوي شنو ما كفاية رشيت ليكم الحوش انا لكن بسيطة علشان الدنيا عيد حاشدها ليكم تحياتي يا غاليات
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بت القبايل
حبيبتي أشتقت ليك
وينك يا غالية إن شاء الله ربي يوفقك و ترجعي لينا يا رب
و عدينا ليك و فترنا
BAKASH
ارجع و ربي يديك الفي مرادك
بنيات الأوضة
سلام عليكن مكان ما إنتن و شنو سكتنت كدي عيدنا و نزلنا الشغل و بقى مافي زمن للشمار؟
تسلمن لي حبيباتي
| |
|
|
|
|
|
|
Re: اوضتنا يا بنات....ممنوع دخول الرجالة (Re: الجندرية)
|
سنين ما دخلت الاوضة دى بريد اقعد فى البرندة جنب الشباك عشان الهوا
جنى وجن الكركار البعملوا ليه سرنية دى بكتم لى نفسى،
اظنو كمل هسة ما شامة الريحة
قلت اتونس معاكن شوية
ودايرة لى واحدة تمشطنى السودان قفل
لأنو قفل
لوووووووول
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
استسمحنا لكل من دخل بغير علم بالقرارات ..اجاويد يعنى .....لكن الجندرية مشكلتك في الطابور الخامس.. عرفتبهو... ناس فلانة القلبهم معا كم....وقدحتهم وحلتهم معانا.. ................. بعدبن لايغرنك ...حادثة خلع....دا اسمو تنفيث للجندر... ما برضو بنخاف عليهم عشان ما يطقو...بعض الحالات مسموح بها...
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم بنات اميييييييييييييييي كييييييييييييفنكن والله مش مشتاقة ليكم الهينة دي شوقي بحر عدييييييييييييييييييييييييييييييييل كده كدي دقيقة بس فنننننننننننننننننننننن دي الشنطة فنننننننننننننننننننن دا الكتاب فنننننننننننننننننننننن دا القلم بلا امتحانات بلا وجع قلب سجمكن انا خلصت امتحانات وجييييييييت للبري والله يا بنات شوقنا بحر جد كده وتعالن بجاي ادوني كل الشمار الفاتني والشمار الحالي والشمار الجاي سرييييييييع
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بت القبايل يا عسل الحمد الله على السلامة ونورتي اوضتك تاني لكن يا بت امي حاجاتك الفننتيها دي جاني منها قلم الرصاص طاير في عيني طبزها لي . غايتو مسامحاك فيها بس تان يما تسوي جنس ده و فنني بالراحة. انشاء الله الشغل كان تمام في الأمتحانات وربنا يسمعنا عنك الأخبار الكويسه دايما .
سلام مربع لكل بنات الأوضة
تحياتي
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم سولاراااااااا يا كضابة يا بت انتي مش قلتي جاية وينا جيتك مع البنيات؟؟؟؟؟؟؟؟ بعدين يا بت كييييييف دا كلامك انا ابو السباع زاتو بس ادينا عنواين الصحافة سريع كده بعدين انا قبيل ام درماني دا ما قريت ردودو ام درماني مالك يا وليدي؟؟؟؟؟؟؟ في شنو؟؟؟؟؟الداس ليك على طرف منو؟؟؟؟؟؟؟بعدين قلنا اوضة بنات يعني الله يدينا ويديك الله كريم يا وليدي تحياتي
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
اوضتنا العزيزة قلنا نجي نفتحك من العيد للعيد وينكم يا بناااات طبعا بت القبايل ونهى وبت االجزيرة وريل معيدات في السودان مع بوردابيات السودان وسايبيني بيهنا؟؟ يا خووووووووووووووووووووونة!
وين روز وظبية وباقي العقد الفريد كل عام وانتم بخير والسنة الجاية نفتح الوضى نلقى الشفع بيتنططوا فيها
تحياتي وحبي وأشواقي زولة123
| |
|
|
|
|
|
|
Re: اوضتنا يا بنات....ممنوع دخول الرجالة (Re: zola123)
|
الحبيبة زولة123 وجميع الأخوات الأمورات بنات الأوضة... عيدكم سعيد انشاء الله ، وكل عيد وانتو أسعد وأسعد وأسعد ... وربنا يحقق ليكم كل الأماني والأحلام ... يااااا حليلكم طولنا منكم لظروف الشغل والإنشغال و السفر ....
تحياتي
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يا الصبيحات الهديات الرضيات،، صباح الفرح المعافي من كل المواجع،، عاد لايماني في بعادي الوكت ده كلو من لمتكن و ونستكن و قعدتكن و قهوتكن و في الحقيقه أنا بتكيف للتني الخفيف أب ريحة سكر ،، يا سكرات كل سنه و إنتن طيبات ، فرحانات، عديلات شايلات الحب حايمات،،، عيد الضحيه ما شفت ليهو شي ،،شغاله اليوم كلو و روحي مشحتفه علي شية جمر و شطة بي فول حاجات لونا برتقالي من كتر الدكوه ،،،و شية سلات كدي أكون مقلقله ليها في نص الوطه ،،،،أحي من الضحيه و برنامجا،،،،تجهيز قبال العيد و غسيل البترينات زي ما بنقول مع الأحتفاظ بحقوق الكلمه الأصليه،،،، أو كل سنه و إنتن طيبات شايلات الحب كيمان كيمان،،،وزعو للجيران و الحبان و الخيان و العاشقين و و و و و و كل الناس،، وررورووك يا حبيب كل سنه و إنت أجمل الأصدقاء المحببين،،
سوميتا
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم
يعني بالغتو عديل يا بنات امي انا قلت الاوضة قفلتنها بالطبلة والمفتاح اتاريكن قاعدات والله ما عارفة زاتو ابدا من وين شوقنا بحر وكمية وقلب محيطات وجد مشتاقة ليكم شديد والله اخباركن وخباراتكن وصحتكم عليك الله كل وحدة تدخل تدينا اخبارها وتطمنا على صحتها وهوزي ازيك اهو بت القبايل ظهرت ليك شفت مصباح علاء الدين دا كيف شبيك لبيك بت القبايل بين ايديك بس بالله امحي لينا الدمعة دي علشان الكحل ما يتجاط ما ناقصات بشتنة احنا تحياتي لاخواتييييييي القديمات كلهم وتحياتي للجيل الجديد يا قول زولة 123
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بت القبايل العزيزة هلال العيد كيفك يا زولة شنو تغيبي بالشهور وتجي وتمشي كده سكيتي مشتاقين وباقي الشوق نكمله في المسنجر
يا هوزي بت القبايل دي وناسة ولذيذة بس خليها ترجع تكتب في البورد وحتعرفيها براكي
تحياتي وشوقي لكل بنات الاوضة
زولة123
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
يابت القبايل شايف الشباب بيلفو ويدوروا حول الاوضة دى ....قلت امكن الكعبة قلبوها بجاي...نقوم نديها طوافية.... ....................... بالمناسبة الاوضة دي مادايرا ليها غفير.... ..................... بتكلم تلات لغات...وعاطل...وشهادات ودبلومات وكمان عندى ريكمنداشن لتر من زولة ونهى....واللواء الجندرية .............. كدى قولو خير
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
العزيزة بت القبايل وزولة انا بت القبايل دي ما غريبة عني يعني شايفاها من زمان في البورد واعتقد سبق لنا الحديث مع بعض بس لاحظت في ميس سودان دي وين؟ قلنا ندي ليكم الاوضةهوا شوية يابت القبايل بس الرجال ديل جو يحوموا تسو ليهم شنو؟ ام درماني ده عاوز يبقى غفير بس بمواصفات خاصة شكله لووووول
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
هووووووووووي يا بنات ازيكن والله عاجباتني بالحيييييييييييييييل وعاجباني اوضتكن الحلوة الباردة ام هواياً يهبهب اها عاد اتضايرن لي وفضن لي فرقة معاكن والله مشتهية الونسة وطق الحنك بس الله يكافينا شر الرجال اتن يا بنات امي زمان بقولو الشمار دا حق النسوان لكن هسي وشوف عيني الشمار بقى من نصيب الرجال والله يكفينا شر الشمارات اها يا تماضر يا اختي بدور اقول ليكي .. عجبني السودان قفل بتاعك.. لكن يا اختي انا لي فترة السودان قافل لي في راسي دا وهسي عايزة افتحو وانقض المشاط لكن اسعليني ليه انا عايزة افتحو... عشان اقفلو تاني بس انا بخالفك في حكاية السرتية الفي الكركار دي وحاتك يا بت امي بريدها شديد والعجب كان سويتي ليها شوية مجموع والله دهنك ما يخلص اها يا اخواتي اقفلن الباب والله الليلة السماء شايل جنس تراب ومطرة .. سمع اضاني الرعدة تكركب برة وبصراحة يا بت القبايل القش والنظافة بتعمل لي وجع المخروقة وضهري بيتقص باقي يا ختي عندي الحساسية من الغبار واحسن شي تقفلن الاوضة دي عشان التراب ما تدخل واي راجل يجي حايم بي هنا نديهو على راسو بالمفراكة .. سجمي سجمي يا بنات امي الرجال ديل التراب ما بتلمهم شحدت ربي الليلة تقوم كتاحة شديدة عشان نشوفهم بيمشو وين اتي يا هوزي يا اختي موش قبل يومين كنتي شايلة ليكي كم طرقة كدا بتاعة حلو مر.. الرسول فيك تديني منها والله نفسي فيها .. مع اني ما بحب الحلو مر خصوصاً في رمضان لكن مرة مرة كدي بتهف لي كباية حلو مر باااااااااردة رررررب ررررب ترااااح كررررو ويييييييييو شوووووت اها سجمممممممممممممممنا التراب بدت تنزل والمطرة صبت اقفلن قوامكن
دررررررررر
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
ya shabaaaaaaab(actually ya chix):
راضيييييييين......يادرر وبت القبايل وزولة وهوزى راضيييين بي ضربة المفراكة بس مافي الراس...عارفين وين.. في يدى.... بس بعد ماتفركوا بيها النعيمية...واقوم كدا اضوقها ليكم.....واكيد حتطلع حلوة...مااليدين حلوة................. ....................... يااخى ذكرتونى امى ورمضان.الله يخليها لي يارب ............. اشد شي تضوق المويات والملحات قبل الافطار... ........................ اها لقيتونى غفير كيف ...كدا ولا كدي لتحت.... .................... اصبري يازولة: هو الداير منك روكمندشن منو...كدى قومى سرحى شعرك المنكش وقايم براهو دا...... لوووووووول shereeef
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
درر مرحب بيكي انا باحب الناس البيدخلوا تووش ويمسكوا طرف الونسة ويكملوا طبعا ناسات مش ناس يعني الاولاد ما انكاودد بالمناسبة انتي شيري قريبتك؟
امدرماني قال اقل منكش فاكره زي تفتك الداسيها بالطاقية انا شعري لو اتنكش الهوا بيرقدو شفت كيف بعدين ما دايرين زول يضوق
تحياتي زولة123
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
بسم الله الرحمن الرحيم
يا بناااااااات قومو زحووو كدا لدرر دي شكلها كدا من ناسنا تب درر يا مرحبا والف مرحب بيك واتفضلي الونسة بلاك ما تبقى ونسة
زولة بالله الزول الزايع الجنو اكل دا شوفو ليهو حل انا من زمان قلت ليكم ختو ليهو صحن هنااااااااااااااااااااااااااااااااااااااااك الشي كل ما شما ريحة اكل جا جاري ام درماني ما دايريييين غفرا ولا اي شي اوضتنا كدي عاجبنا امشي الله يدينا ويديك الله كريم قال نعيمية قال ياخ كونو نفسكم ياخ بالمناسبة يا جماعة نهى وييين اشتقنا ليها عديل كدا وبالله الليلة الونسة حاتكون في شنو ادونا موضوع سريع علشان ناخد لينا ساعة ساعيتين ونسة كدي قبل ما نمشي ننوم تحياتي
| |
|
|
|
|
|
|
Re: اوضتنا يا بنات....ممنوع دخول الرجالة (Re: بت القبايل)
|
......................... \قال شنو ماديرين ادوك حق القفارة ....بالرغم من مؤهلاتك....احسن ما اديتونى ليها ...................... هو الدايره منو بعد الحصل والعرفناهو ... ................... هو الداير يحرس ليهو رجال منو ..... ..................... حكاياتى وما فيها انو: جارتنا صاحبة امى بت عمتها ولدت ...امى ضربت لي قالت اضرب ليهم من امريكا للسودان ابارك ...ياعالم المشكلة شنو....ياولد حسع دى اضرب ...ياناس انا مالي ومالم ....المهم خلونا في موضوعنا .. .............. كنت متكل قدام شجرة النيمة في حوش بكري ....اشوف ليك فلان داك الما بغبانى ....خالط....ولمن جاء ماشي قصادى عمل فيها ما شايف.....لكن اخوكم ما ...لايوق...الساعة الناديتو ليك باسموا ....ومشيت عليهو.....اخوكم دايما بتكل في الشوارع الرومانسية والما فيها ناس كتار ....المهم صاحبنا دا عامل فيها زكى....من حوش سودان نت وجاي بخلط في حوش بكري....ذكرنى ايام زمان .....اولاد ودنوباوى بنقبضهم ليك في العصريات خالطين في الملازمين والعكس .............. عاملين فيها شفوت...لكن علي منو....حلتنا زاتو خليناها ....عشان نقص للشباب برة الحلة....قلتو لي عاملين فيها سمارت ....وكده.... ................. المهم صاحبكم فت لي كل الحاصل .....والحاصل دا انو الجكس طلع كلو رجاااااال .....بت قضيم طلعت راجل واي بت ......طلعت رجل......... ................................ وبعد دا اصدرنا القانون .... اي بت في البورد دا تعتبر وتعامل كرجل يافع ....الي ان تثبت العكس .... ......................... اما عن اوضتكم دي ....طلعت اوضة عزابة سااااااكت... خلوها بدون غفير ..... ............. القشة ما بتجيها ....
وكلمة السر .... قال شنو قال ....بفكر في حيلة اجيكم داخل بيها بعد ما رفضتوا الغفارة....ولقيتها ....قلت اجيكم اقول ليكم ....القي عندكم شطة ....... ......................... لكن بعد طلعتو رجالة وعزابة.....الشطة ذاتها خليناها يعنى البوش دا مسيخ بدون شطة.. ................. وداعا...وداعا....وداعا نون النسوة... ومرحبا...بالواو الضكر
| |
|
|
|
|
|
|
|