خيــيمة الحــردلو - العمارات

قيسان .. مكنة نيسان .. حبابك آ عايسي .. حمدلة بالشوفة .

سيف كلي .. آزول ها عليك أمان الله نتابعك نغرق ساي حرم .. الشي البتسوي فيه دا ختري خلاس .. لو في زول بيقدر عليك هو شيخنا شنتير وهو اليومين دي في بياته الشتوي .. الله يحلو بالسلامة .

ما بنقدر عليك لاكين هاك من البكائيات دي .. وتحية لنزار وشنتير ، دا مشهادهم ، وحقهم ملك

الليلة العيون من المنام لاجات
ونيران الصنوبر في الضلع واجات
علي متبور القديم الزند العاجات
صبح قلبي رغوة واتبع الموجات

الليل بوبا يا اب لكزي النعامات غزن
الناس نامت يا ابشنشون عيونا بعزن
أكان ننسى المواثيق الجبال ينهزن
نعمين ريدو في جوفي وعضاي مخزن

أعدي الليل أنوح والفؤاد مجروح
كل حشاي شقايق وجسمي صار مسروح
يحضر عقلي مرة ومرة مني يروح
وفوق راسي الحبايب يعاينو ليها الروح