|
مساطيل اخر زمن
|
احد المساطيل الفقراء اشتري كمية من الدجاج والبيض واحتفل مع اسرته واستمتعوا بالاكل الذي حرموا منه في الماضي لغلاء الاسعار وبعد ان شبع رفع يديه بالدعاء وقال اللهم ادمها انفلونزا واحفظها من الزوال وعقبال انفلونزا الاسماك
|
|
|
|
|
|
|
|
Re: مساطيل اخر زمن (Re: Mutwali Malik)
|
اثنين مساطيل قاعدين جنب البحر والسيجارة قصبة فسال احدهم وكانت مولعة معاهو قل لي من صديقك اقول لك من انت فقال له من صديقك فرد عليه من انت
| |
|
|
|
|
|
|
Re: مساطيل اخر زمن (Re: Mutwali Malik)
|
قالوا مسطول سودانى قاعد مع مسطول مصرى قام قال ".. ليه:" تعرف .. الدنيا دى كلها مآسـى المسطول المصرى قال ليه: " ليه .. هو مقاسك " أد إيه ؟
| |
|
|
|
|
|
|
Re: مساطيل اخر زمن (Re: Mutwali Malik)
|
وينك..يا متولي
شوق الشوق والله..
وهاك دي
مسطول سمع في الراديو المذيع بيقول (مقتل مراسل الجزيرة في الفاو)
فقام طوالي قال(هو ده المرقو من مدني شنو)
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
كريم الواحد زي الراح الارشيف علي وزن البرميل شوق الشوق ليكم وللاشراق الفي عينيكم لناس حلتناالتحت الفوق الليهم الله وعيشةالسوق كما قال حميد مسطول قاعد جنب البحر والسيجارة قصبة جاء البوليس وقبض عليه وقال ليه انت ماعارف البنقو بقي ممنوع فرد ليهو انت عبود دا جنا ولا شنو
| |
|
|
|
|
|
|
Re: مساطيل اخر زمن (Re: Mutwali Malik)
|
سلامات وربنا يزيل السطله والبلاء عن البلاد
قالو مسطول سوداني لقى له سوداني تاني واقف في ميدان ابوجنزير قام المسطو سأل التاني :- الأخ من الصين؟ التاني ردّ:- لا والله انا سوداني المسطول بعد شويه كرر السؤال:- لأ يعني انت ما من الصين؟ التاني:- لا والله ياخي أنا ما من الصين المسطول مره تالته:-إنت متأكد إنك ما من الضين؟ التاني:- ياخي ايوه ياخ خلاص أنا من الصين فام المسطول قال ليه :- طيب ليه عيونك ماعاملات كده زي الصينيين؟
| |
|
|
|
|
|
|
Re: مساطيل اخر زمن (Re: كمال حسن)
|
متوكل
قالو فنان تشكيلي مسطول اصيب بحالة عمى بقي (عميان) فشلت كل محاولات علاجه في الداخل والخارج
الى ان تمكن احد الاطباء المساطيل من علاجه بعد جهد جهيد، فما كان من الفنان المسطول إلا أن
رسم لوحة فيها عين كبيرة يطل من داخلها الطبيب وأهداها له،
الطبيب إندهش من اللوحة وقال ليهو:
شكراً، الحمد لله ما كانت عملية بواسير!!!!!
| |
|
|
|
|
|
|
Re: مساطيل اخر زمن (Re: حيدر حسن ميرغني)
|
اللهم لاتدمها سطلة اخي سيف ناس كولمبيا بايك يغروك السلام كمال - حيدر شكرا علي المرور مسطول سالوا من من الانبياء كان يتكلم مع الحيوانات قال ليهم طرزان
| |
|
|
|
|
|
|
Re: مساطيل اخر زمن (Re: Mutwali Malik)
|
سلامات وتحيات الأخ سيف الدين جبريل
حلوه ,,, حلوه شديد الله يديم سرورك مثلما جعلتني اضحك لوحدي
خالد مسطول عراقي في ايام الحصار على العراق وصيف حرو يغلي فوق 50 درجة الحرارة وهو واقف على الخط السريع عاوز امشي بغداد ,, اشر واشر للسيارات مافي اي يزول وقف ليهو,, في نهاية الامر جات سيارة بتاعت منظمة كنسية وقفوا ليه ركب ,,, السيارة مكيفة ضربو الهواء البارد لحدي ما استرخى وبعدها قدمو له كوكاكولا وبعدها سندوتش وبعدها سيجارة,,, أول ما وصل بغداد قال للسائق بالله هنــــــــا ,,, وبعد ما نزل قال ليهم مع السلامة (( الله ينصركم على امة محمد ))
| |
|
|
|
|
|
|
Re: مساطيل اخر زمن (Re: Al-Shaygi)
|
الشايقي حاشاك من السطلة وانا فتحت البوست دا مخصوص عشان في ناس مفتكريني منهم مسطول دقش ليهو واحدة سمينة جدا في الشارع قالت ليهو ماشايفني قال ليها والله شايفك لكن وين ما متذكر
| |
|
|
|
|
|
|
Re: مساطيل اخر زمن (Re: Mutwali Malik)
|
جماعة عذابة وكانوا بتاعين سطلة جد عندهم زي 20 نكتة بحكوها يومي وبضحكوا فيها ضحك شديد وبالترديد الكتير قاموا حفظوها,, وعشان كده قالوا نقوم نرقمها,,1 2 3 .........20 يوم عزموهم حفلة وكان فيها اسر كتيرة زهجوا من الحفلة وقالوا ياخي ندور نكت,, بقي الواحد فيهم يقول 7 كلهم بضحكوا 8 قرقر قرقر المهم...في واحد نحل قاعد جنبهم قال يجرب حظوا...قام قال 17 مسكوا النحل دقو دق شديد..وقالوا ليها يا زول دي ما بحكوها قدام الاسر المحترمة
| |
|
|
|
|
|
|
Re: مساطيل اخر زمن (Re: عمر صالح عمر)
|
كريم 19 هاهاها انشاء الله تكون عجبتك تيتا شكرا علي الثعلب اقصد المرور والليل لسه طويل عمر ماوقعت لي مسطول نائم في الحوش امو بتصحي فيهو ياولدي قوم الشمس طلعت قال دخليهاواقفلي الباب يايمة
| |
|
|
|
|
|
|
Re: مساطيل اخر زمن (Re: السفير)
|
الأخ متولى.. بالمناسبة نكات المساطيل فى الصحف السودانية ما بقوا يقولوا عليهم مساطيل لكن بقوا يقولوا عليه (اصحاب العقل الخـصـب),وده طبعا تمشيا مع التوجه الحضارى... مسطول لبتاع التكسى اللى هو الآخر مسطول : اديك كم وتودينى وين ؟ بتاع التكس : ادفع البتدفعو وخليك واقف مكانك . (سواق التكسى المسطول لا علاقة له بالأخ سيف الدين جبريل).
| |
|
|
|
|
|
|
Re: مساطيل اخر زمن (Re: قلقو)
|
الأخ متولي تحياتي الحارة مشكور يا أخي على البوست خفيف الظل هاك دي: عندي قريبي اسمو أحمد مرة جاء في نص الليل سكران طينة قام دق الباب .. أمو سألتو : الفي الباب منو؟ قال ليها بزهج ده أنا عيسى بعد فتحت الباب والراجل دخل خطوتين أو تلاتة قام طاااااخ وقع أمو قامت كوركت : ووووب علي عيسى مات
| |
|
|
|
|
|
|
Re: مساطيل اخر زمن (Re: Nasruddin Al Basheer)
|
تحياتي السفير لسه عندنا المزيد قلقو ذوي العقول الخصبة دي حلوة منك نصرالدين من ما قرات النكتة وانا بضحك واصل اتنين مساطيل راكبين عربية في شارع النيل المهم السائق شاف شجرة مضروبة جير ابيض افتكرا شرطي المرور راح وقف لما عرفها ضحك وتحرك بعد مسافة المسطول الراكب معاهو قال ليهو التافه دا قطعك ايصال
| |
|
|
|
|
|
|
Re: مساطيل اخر زمن (Re: Mutwali Malik)
|
متولي...
هاك الشديدة دي....
اتنين بتاعين سطلة..قرروا ان يخلو البنقو ويقلبوا (شراب عرقي) جابوا ليهم قزازة من الصنف(ابو كديس) وقاعدين في الخلاء يطشموا جاءهم بوليس من العينة البتكلم (العربية الفصحة).. قال ليهو فالتذهبا معي الي قسم الشرطة.. وداهم القسم وقال للضابط..(بالغة العربية الفصحة) لقد وجدتهما (يتعارقان)(اي يشربا العرقي) قام واحد من المساطيل قال للتاني (الحمد الله الزول ده ما لقانا بنشرب كونياك)
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
Quote: (الحمد الله الزول ده ما لقانا بنشرب كونياك) |
بالغت في دي
أتنين مساطيل واحد طلع حقته وأخذ ليه سفة ماكنه. سأل صاحبة المسطول قائلاً: أيك سفه؟؟ رد المسطول: والله ما شفته
الشايقي _____________ فاوضني بلا زعل
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
Quote: وداهم القسم وقال للضابط..(بالغة العربية الفصحة) لقد وجدتهما (يتعارقان)(اي يشربا العرقي) قام واحد من المساطيل قال للتاني (الحمد الله الزول ده ما لقانا بنشرب كونياك) |
عبد الكريم
الله يجازيك قطعت مصارينى بالضحك
| |
|
|
|
|
|
|
Re: مساطيل اخر زمن (Re: على محمد على بشير)
|
واحد مسطول شايل لوح ثلج وتعبان بيفتش ليك فى اللوح من فوق لى تحت واحد سأله ما لك يا زول بتفتش فى التلج المسطول قال ليه لوح التلج دا بينقط وعاوز اشوفه مقدود من وين
| |
|
|
|
|
|
|
Re: مساطيل اخر زمن (Re: على محمد على بشير)
|
إتنين لقو ليهم بيضة في طريق القطر بقو يتغالطو واحد بيقول دي بيضة دجاجة والتاني بقول لأ بيضة حمامة ، جا واحد مسطول ماري بيهم سألوه دي بيضة شنو ؟ قاليهم لقيتوها وين ؟ قالو في سكة القطر ، شال البيضة عاين ليها كدة وشمّاها قاليهم دي عايزة ليها كلام ، دي بيضة قطر
| |
|
|
|
|
|
|
Re: مساطيل اخر زمن (Re: Saifeldin Gibreel)
|
كل الشباب سلام اخي محمد عمر سالم اسف علي عدم شكرك علي المداخلة وممكن تكون ردود رباطابية كريم يافردة انا لما طلعت من السودان لا في كاشف رقم ولا في رقم ذاتو الكاشف الوحيد كان الفنان لذلك تشابه علي الكاشف علي محمد علي بشير لك الشكر علي المرور والنكات سيف جبريل مافي داعي للفضايح وفي نكت بقوا يرسلوها بالماسنجر والمسج مسطول بلع نص حبة منومة نام بعين واحدة
| |
|
|
|
|
|
|
Re: مساطيل اخر زمن (Re: Mutwali Malik)
|
Quote: مسطول بلع نص حبة منومة نام بعين واحدة |
دي يا متولي نكتة(سبرانو) ولازم اديك انا(اوسكار) عليها... لا المسطول بتاعك ده (شفت) ياخي,,,
وهاك دي مسطول واقف جنب حلة(بتاعة نسوان كعبات) وكان فوق راس واحد من البيوت في(كلب وكلبة) (بعملوا كلام ما كويس)..وفجاءة وفع الكلب والكلبة في الارض..قام المسطول مشي دق ليهم الباب..وقال ليهم جيت اقول ليكم (اليافطة بتاعتكم وقعت)..ارفعوها!!!!!!11
| |
|
|
|
|
|
|
Re: مساطيل اخر زمن (Re: زول ساكت)
|
دي ارشحها نكتة البوست مسطول جاء ماري جنب المسجد وكان المغرب فقال يصلي المهم توضاء وبعد ما انتهي جاء واحد وقال ليهو تدفع عشرة الف حق الوضوء من موية وابريق فما كان من المسطول الا ان ظرت وقال كدا حبايب
| |
|
|
|
|
|
|
Re: مساطيل اخر زمن (Re: Mutwali Malik)
|
وين...يا فردة حليلك وحليل خليل زاتتتتتو
مسطول جنوبي عمل حادث حركة ودوه المستشفي لقي شلة من نسوان الحي بتاعهم قالوا سجمي يا جون كفارة.. قال ليهم (كفرالله العظيم)
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
كريم يافردة ياصاقعة وين خلي الفردة مسطول سائق تاكسي المهم يادوب ولع سيجارة الصباح يعني حسب قول ذوي العقول الخصبة لسه ما اصتبح جاتو مر1ة كبيرة ركبت معاهو المهم قرص السيجارة وختاه في الطفاية قال بسرعة يوصل الحاجة ويرجع لسيجارتو المهم سائق بسرعة والبال مع السيجارة فجاء قطعت الشارع غنماية ضربا ليك المراة الراكبة معاهو قال ليهو كتلتها فرد ليها لا لسه مولعة
| |
|
|
|
|
|
|
Re: مساطيل اخر زمن (Re: Mutwali Malik)
|
العزيز.. متولى مالك
ما مصدق انى لميت فيك..
أنا واحد ما أظنك تتخيلو!
غايتو الدنيا دى بقت صغره بشكل!
أعمل لى (مس كول)..أنا بتصل بيك..
ت:5685711-0974
كدى خليك على كده!
| |
|
|
|
|
|
|
Re: مساطيل اخر زمن (Re: Mutwali Malik)
|
مسطول قاعد مع ابوه المهم ابوه نادي اخو المسطول الصغير وقال جيب موية الولد عامل مصهين ماسامع المهم المسطول قال لابوه دا ولد قليل ادب ماعندو احترام عليك الله يا ابوي قوم اشرب وجيب لي معاك موية
| |
|
|
|
|
|
|
Re: مساطيل اخر زمن (Re: Mutwali Malik)
|
مسطول عازم اصحابو عشاء المهم جهز كل مستلزمات السطلة والجماعة شغالين لف واللذي منو المهم المسطول نسي يجيب لحمة العشاء فمشي مع صاحبو ونط عند جارو وسرق العتوت وعمل عشوة مدنكلة المهم صاحبو ضميرو صحا بعد الاكل وقال ليهو حرام عليك تسرق انت عارف يوم القيامة يجيبوك انت وانا والعتوت وصاحب العتوت فردالمسطول طيب المشكلة شنو ما يشيل عتوتو ويمشي
| |
|
|
|
|
|
|
Re: مساطيل اخر زمن (Re: Mutwali Malik)
|
اتنين مساطيل قاعدين يصقعوا جنب البحر ..وكل واحد مادي التاني ضهرو والواحد بجر نفس وبباصي السيجارة للتاني ..المهم القصة مدورة كده لحدي ما واحد منهم شاف بوليس جاي فقام اتخارج من حتتو بدون ما التاني يشعر بيهو البوليس طلع شفت وجاء قعد جنب المسطول بنفس طريقة(صاحبه) السطلجي بجر نفس وبباصيها للبوليس الذي كان بعاين للسيجارة وبرجعها ليهو المهم القصة جرت .. وفجاة التفت السطلجي وعاين في الاتجاه المفترض لصاحبو..فوجد الحتة قاعد فيها بوليس فقام افتكروا ده لسع صاحبوا فقال ليهو (ديشك اتقلبت بوليس ولا شنو)
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
الأخ متولي والحضور .. تحياتي ، في واحد بتاع تكسي مسطول سلطة تمام التمام .. وقفوه بتين .. قالوا ليه ياعمو نحنا ماشين العمارات . قال ليهم أمشو بس ما تتأخروا . مع التحية ، الأرباب
| |
|
|
|
|
|
|
Re: مساطيل اخر زمن (Re: Khalid Saeed)
|
متولى الظريف اللطيف.. وكت لميت فيك طيب أسمع دى من مسطول
من العباسيه : اتنين سكرانين شديد ماشين فى الشارع بتغالطو فى الشمش..واحد يقول دى الشمش.. التانى يقول ليودى القمره..
ياخى قلت ليك الشمش!التانى يقول القمره!لاقو واحد مسطول شديد
قالوليهو يااخونا بالله دى الشمش واللا القمر؟قال ليهم والله أناما
من الحته دى .
طالبه أخوها بسطل..لقت باقى سجاره شربت منها ونامت..قامت الصباح بدرى..بدل تلبس هدومها لبست هدوم المدرسه بتاعة أخوها!طبعا البنات
ضحكو عليها ضحك شديد..فرجعت البيت زعلانه قالت لى أمها أقول ليك يمه
تصحينى بدرى تصحى محمد أخوى!
واحدسطلنجى كبير..متعودينوم جنب الشباك..ويدخن سجاره عاديه قبل ما
ينوم ويطفيها ويرميها بالشباك.....يوم ساطل سطله قويه طفا السجاره
وخلاها قبلها وتلب هو!......ونواصل يا متولى..
مامون
| |
|
|
|
|
|
|
Re: مساطيل اخر زمن (Re: حيدر حسن ميرغني)
|
شكرا اخوي حيدر...علي هذه الهدية والديك شغلوا نضيق جد.. مرحب متوكل ولكما هذه النكته هدية صغيرونة كده
مسطول مصقوع صقعة رهيبة وبقي قدامو ما بقدر يشوف كويس قام خش كورة هلال مريخ مع اصحابو وبعد شوية شبكهم ..اسمعوا الجناح الرايت دلك منو؟ بقولوا ليهو ده قلة... وتاني بقول ليهم الباك داك منو؟ بقولوا ليهو ده مجدي مرجان.. طيب اللابس احمر وقاعد في النص..ده منو؟ بقولو ليهو ده جمال ابوعنجة كيغان... عاين ليهم كده وقال ليهم ياخي انا خشيت الكورة دي قبل كده...
| |
|
|
|
|
|
|
Re: مساطيل اخر زمن (Re: Mutwali Malik)
|
يامتولى ياخ قعدت اضحك زى المجنون والخواجات ديل بتفرجو علي والله قالو العب دا جنا.....هههههههه
دى بالذات مبالغة عديل
Quote: مسطول عازم اصحابو عشاء المهم جهز كل مستلزمات السطلة والجماعة شغالين لف واللذي منو المهم المسطول نسي يجيب لحمة العشاء فمشي مع صاحبو ونط عند جارو وسرق العتوت وعمل عشوة مدنكلة المهم صاحبو ضميرو صحا بعد الاكل وقال ليهو حرام عليك تسرق انت عارف يوم القيامة يجيبوك انت وانا والعتوت وصاحب العتوت فردالمسطول طيب المشكلة شنو ما يشيل عتوتو ويمشي |
| |
|
|
|
|
|
|
Re: مساطيل اخر زمن (Re: حسن الجيلى سعيد)
|
البوست دا ريحتو ضربت احسن نولع لينا بخور وند شكرا لجميع المتداخلين والمتصفحين قريبي ود الارباب ليك وحشة والله واصل وماتنقطع مامون احمد لك كل التحايا وانت تعطر رحاب هذا البوست ومحتاجين للعطر دا كريم يديك العافية علي قول ابكرونا حيدر لك الود وكتر من الديوك عشان القعدة تظبط حسن الجيلي انشاء الله تكون لسه مستمر في الشغل بعد الضحك دا واحد مسطول سطلة كرت مشي للدكتور المهم بعد الكشف الدكتور قال ليهو مصيبة كبيرة فقال ليهو شنو يادكتور الحاصل فقال ليهو عندك سرطان في المخ فرد المسطول غريبة السرطان خليهو المخ دا جاني من وين
| |
|
|
|
|
|
|
Re: مساطيل اخر زمن (Re: shazaly gafar)
|
اثنين مساطيل فرد شديد وشغاليين في المنطقة الصناعية ميكانكية سوي ابو واحد منهم مات...فقاموا هم ومعاهم اصحابهم شايليين الجنازة للمقابر فقام المسطول سال صاحبو المسطول التاني ..قال ليهو جنازة ابوك مالها تقيلة كده فرد له المسطول انت عارف ابوي ده بكون مات (معشك)
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
كريم الله يجازي محنك زي ماخلتيني اضحك براي مسطول اتقلب بيهم البص المهم اليدو اتقطعت العينو باظت المهم في واحد جسمو كل سليم بس شلاليفو اتقطعت وعمك راقد المسطول شافوا قام قال ليهو الناس في شنو وانت قاعد تضحك
| |
|
|
|
|
|
|
Re: مساطيل اخر زمن (Re: Mutwali Malik)
|
الأخ / متولي
لكل الحب والتحيه ...
مسطول اشترى ليهو حبة فياجرا وراح لمرتو قال ليها الليله يومك أسود ... ختاها فوق الطربيزة والمره قاعده تتجهز ... المهم صاحبنا غفا كده وعندهم ديك إبن حرام جه طاير وبلع ليك الحبه .. أهه اليومه ديك الحله ما نامت .. الديك ما خلى ليهو دجاجه لافه في الحله ... الصباح طلع صاحبنا وهو يغلي يفتش على الديك .. ومرقوا معاه ناس الحله قال ليهم بس أنا عايز اضبحوا وارتاح ... أخيراً وجدوه قرب شواية دجاج .. حالوا إمساكه لكنه هرب .. صاحب الشوايه قاليهم الديك ده من الصباح مجنني قدر ما اطردوا يلف ويجي تاني ... المسطول قال ليهو : ما راجي القاعدات يدخنن ديل ....
| |
|
|
|
|
|
|
Re: مساطيل اخر زمن (Re: إدريس محمد إبراهيم)
|
اخي ادريس محمد ابراهيم لك الود بقدر مااضحكتني هذاالصباح وديك باي حال عدت ياديك مسطول راكب بص والسطلة مولعة معاهو المهم في واحدة بتشاغل فيهو غمزت ليهو بعينا قام غمز ليها اشرت ليهو ينزل المحطة الجاية اشر ليها اوكي البت نزلت المحطة قام المسطول قعد في كرسيها
| |
|
|
|
|
|
|
Re: مساطيل اخر زمن (Re: Mutwali Malik)
|
العزيز / متولي مالك
تحياتي وتقديري ،،،
مسطول ماشي بيتم درع لي كديسه وختاها فوق كتفو .. أول ما دخل المنزل وجد زوجته أمامه، قال : شفتي البقره دي ؟ ... المره قالت ليهو سجم خشمي يا راجل دي كديسه .. قاليها مالك أنا قاعد أكلم الكديسه ....
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
متولي يا ولدنا ...
شكراً على هذا البوست الظريف ، دايماً بوستاتك ضحك وفرفشة ، الله يديك العافية ، ومنتظرينك بي هنا ..
يا كيكي ..
والله نكتك مبالغة ، كتلتني بالضحك .. يا زوول إنت كنت بتضربها والا شنو ؟؟
تحياتي
صلاح عبدالله
| |
|
|
|
|
|
|
Re: مساطيل اخر زمن (Re: Salah Abdulla)
|
Quote: .. يا زوول إنت كنت بتضربها والا شنو ؟؟
|
صلاح عبدالله..واحد كان ما بتاع سطلة سالوه.ز(يازوول انت كنت بتضربها ولا شنو؟؟)
قال والله انا كنت شنو..!!!!
| |
|
|
|
|
|
|
Re: مساطيل اخر زمن (Re: Mutwali Malik)
|
الحبيب متولي .. سمير الليل والشجن تحياتي
مسطول سألوه : الفرق بين زمان واسي شنو قال : زمان كان بجيبو الاكل يختوهو الناس يقولو بسم الله وياكلو ولمن ينتهوا بقولو الحمد لله .. لكن اسي ابقى لما يجيبو الاكل يقولو الحمد لله الاكل جابو ولمن ينتهو يقولو بسم الله ده متين كمل
| |
|
|
|
|
|
|
Re: مساطيل اخر زمن (Re: امير عوض الجمري)
|
متولي الفردة والحبان...سلامات
شنو يا متولي ما سمعنا رايك في (قول واحد).. وهاك المكسيكية دي..
قالوا في زول سطلجي شديد وبتكلم بصوت عالي خلاص لمن يسطل ودائما بجي البيت مسطول وبعمل جوطة وكورايك لمرتو.. وبشبكها ليك...(اها ادخنتي ولا لسع ..امشي السرير..ارفعي الكراع دي نزلي دي...)..وده كلوا بصوت عالي بسمع الحلة والجيران كلهم.. المهم...جارة المراة قالت ليها شنو راجلك ده عامل ليك فضايح في الحلة عليك الله المرة الجاية الراجل ده لمن يجي خليك مجهزة اي شي وامشي طوالي علي السرير..
اها المراة سمعت الكلام وجهزت تمام التمام ومشت السرير.. صاحبنا السطلجي جاء من بره وكان قافلة معاهو اليوم داك..شاف ليك المراة في السرير قام بصوتوا العالي داك (شنو شنو جننتونا كرهتونا الشغلة ذاتا..هو يومي انتو ما بتشبعوا)
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
الشئ الجاب صلاح عبدالله دا مو ساهل الظاهر الريحة ضربت وربنايستر من ناس النظام العام لكم التحايا جميعا كريم انت معانا ولا مع التانيين طيب نحن التانيين وكما غني الكابلي ياتانيين الوعد اهديتك حبي مسطول جاء يحضر الكورة في دار الرياضة بامدرمان وحسب السطلة بدل يقيف في صف الدار وقف في صف الدايات ويزحف ويزحف لمن وصل قريب للباب وقراء في السبورة السوداء التشبه سبورة الدار التطعيم ضد الجدري فقال عليكم الله ناس الاتحاد ديل ماجنو عديل حسه دي فرق شنو الجابوها لينا تلعب دي
| |
|
|
|
|
|
|
Re: مساطيل اخر زمن (Re: Mutwali Malik)
|
نكتة مسطولة جدا وصلتني عبر الموبايل من الفنان الاستاذ علي السقيد له الشكر مسطول سال قال ماهي العلاقة بين واحد واقع من الطابق العاشر وبين العسل فرد ليهو واحد مسطول كرت الاتنين راح يتلحسو
| |
|
|
|
|
|
|
Re: مساطيل اخر زمن (Re: Mutwali Malik)
|
كريم دي هدية ليك من بيت الكلاوي مسطول كهربجي مشي يصلح لمبات زبون المهم اول لمبة كشف عليها لقاه بايظة التانية بايظة كل اللمبات بايظة فقال للزبون اللمبات كلها بايظة فقال ليهو الزبون تفتكر السبب شنو فرد ليهو المسطول كيف مايبوظو والسلوك كلها عريانة
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
اثنين مساطيل مارين جنب الجامعة , شافو طالب هندسة شايل ليهو مسطرة طويلة جداً ( تي سكوير ) قام المسطول سأل التاني ( لا حولا دي مسطرة شنو الطويلة دي؟ ) رد التاني : أكيد دي يكون سيف الجامعة البيقولوه دا
| |
|
|
|
|
|
|
Re: مساطيل اخر زمن (Re: عبدالكريم الامين احمد)
|
مسطول راقد في المستشفي بين الموت والحياة بيوصي في اولادو المساطيل فقال ليهم اوصيكم بالغتاتة تكونوا غتيتن حتي مع اقرب الناس المهم اولادو وهم طالعين من الاوضة جرو منو وصلة التنفس
| |
|
|
|
|
|
|
Re: مساطيل اخر زمن (Re: Mutwali Malik)
|
صديقنا العزيز متولي جذبتنا إليكم رائحة الند الفائحة
مسطول مندمج وهو بحضر ليهو في فيلم أجنبي فيهو أحداث مثيرة وطول الفيلم المطرة شغالة بشدة – زوجتو جات داخلة الصالون قالت ليه: يا راجل قوم جيب لينا العشاء – رد عليها: ياولية ما تخلي المطرة دي تقيف !!
| |
|
|
|
|
|
|
Re: مساطيل اخر زمن (Re: Mutwali Malik)
|
يا متولي ازيك بالمناسبة دي حصلت بالجد في حلتنا في الامتداد كان في واحد اسمو الطيب هاشم(الله يرحمو) مرة كان بضرب ليهو في سيجارة بنقو قام البوليس جاء ماشي عليهو طوالي هو حفر ودفن في المحل القاعد فيها وجاء ماشي ليك علي العسكري راح العسكري دفرو كده ومشى الحتة الكان قاعد فيها وفتش لمن فتر ما لقى حاجة وقام قال للطيب عليك الله توريني السيجارة دي وديته وين ووالله ما اعمل ليك حاجة قال ليهو والله انا عملت دفنتها وغمتها في يدي وجيت عليك لمن دفرتني اخدت منها نفس طويييييل واهندي طفيته هنا .. العسكري ضحك وقال ليهو والله انا لي 25 سنة شغال في البوليس مافي زول غشاني زي الغشه دي .. الطيب قال ليهو وانا والله بشرب بنقو لي 25 سنة مافي بوليس قبضني
| |
|
|
|
|
|
|
Re: مساطيل اخر زمن (Re: امير عوض الجمري)
|
خليل الفردة الصاقعة لو كنت عارف الريحة بتجيبك انت وصديقوف كان ولعتها من زمان لكم كل الشكر علي المرور امير الجمري زولك طلع شفت مسطول راكب البص المهم الكمساري شال منو مائة جنيه ورجع ليهو باقي بتاع عشرة الف جنيه والظاهر لخبت بين الركاب بعد مسافة في راكب قال للكمساري ادينا باقي العشرة الف عندها اتذكر الكمساري ماحصل فمشي للمسطول وقال ليهو انت اديتني كم قال لي مائة جنية وانا رجعت ليك كم قال 9900 جنيه فقال طيب دي تجي كيف فقال لي المسطول انا عارف تذكرة بصكم بي كم
| |
|
|
|
|
|
|
Re: مساطيل اخر زمن (Re: tariq)
|
الأخ العزيز / متولي مالك ...
تحية ملفوفه بحرفنه شديده ...
وهذه قصة حقيقة حدثت في مدينة الثغر .. رواها لي أحد أبطالها ...
الجماعه قاعدين يسطلو جمب البحر .. شافوا عسكري جاي من بعيد .. واحد ابن حرام شال لفة البنقو وجرى مسافة طويله بجوار البحر ثم ألقاها بكل قوه في البحر .. وأتي وهو يتهادى في مشيته ...
سأله العسكري : ماذا رميت في البحر؟ ... - المسطول : باقي العشا ... - العسكري : طيب جاري مالك ؟ - المسطول : وانت مالك كابي لي بنزين ؟
| |
|
|
|
|
|
|
Re: مساطيل اخر زمن (Re: إدريس محمد إبراهيم)
|
اخي طارق لك الشكر علي عزرائيل اقصد علي النكتة ادريس لك خالص تحياتي مسطول جاو عقد عمل للسعودية استاذ لغة عربية المهم وفي اول حصة قال يشوف مستوي الاولاد كيف فطلب من طالب في الصف الاول تكوين جملة مفيدة ولسوء الحظ الطالب طلع من الاسرة الحاكمة ال سعود فقال للاستاذ طار الفيل فقال ليهو الاستاذ الاجابة صحيحة فوقف طالب وقال بس يااستاذ الفيل مابطير فرد ليهو الاستاذ قائلا ماهو يا يطير الفيل يا اطير انا
| |
|
|
|
|
|
|
Re: مساطيل اخر زمن (Re: Mutwali Malik)
|
مسطول راكب الحافلة والايام ديك في موضة حجز الكراسي باي حاجة شنطة جزمة المهم في واحد حجز الكرسي من الشباك بي ابريق ولمن ختا المسطول قام قال ليهو احم احم
| |
|
|
|
|
|
|
Re: مساطيل اخر زمن (Re: Mutwali Malik)
|
العزيز.. متولى
معليش طولناعليك شويه أخى الغالى.... وأنت تنقلنا بهذا
البوست الظريف الخفيف من متاهات الغربه وأحزانها المؤلمه
ولكن لاضير ياأخى.. فكأنك تحاول أن تغسلنا من هذه الهموم!
وكويس أنو بى لطف اللطيف, الحاجات كلها بقت لطيفه!
جماعه يامتولى قاعدين يسطلو جنب البحر..وجيعانين جوعه
شديده.. قام جا ديك ماشى..طبعا طوالى مسكو الديك وضبحوهو
ليك ونضفوهو من الريش وانتهو من الوليمه.. طبعا بعد شويه
جا سيد الديك بسأل من ديكو!ياأخواناماشفتو ليكم ديك ماشى
بى هنا؟ طبعا الجماعه سكتو ساى.. واحد مسطول سطله شديده
فكر كده..بعدين طوالى قال للراجل:مش الديك الأحمر ده؟طبعا
الراجل قال ليو آآى.. قال ليو ملص هسع ودخل يستحما.
أخى متولى.. معليش تكون حسيت بى نبرة حزن شويه فى صوتى..
عمتك( أم الحسن دفع الله ) والدة فدوى.. طريحة الفراش بسبب
جلطه دماغيه وهى الآن بألمستشفى....أنا فاتح بوست بعنوان:
6-6-2006 يوم ميلاد استثنائى فى صفحة( أبى الطيب )..أحتفى
فيه بهؤلاء البسطاء أهلنا الطيبين.. حبوبتك حجازيه الجزولى
وجدك المكافح( بابكر الحافظ ).. فلندعو لأم الحسن بألشفاء..
| |
|
|
|
|
|
|
Re: مساطيل اخر زمن (Re: Mutwali Malik)
|
(1)
مسطول يوم عرسو ساطل سطله شديد، بعد الناس مشت دخل البيت جوه لقى العروس قاعدة، قال انا كنت عارف مع جوطتهم دى حينسو ليهم زول
(2)
عرسى الاسبوع الجاى و العقد فى الصيف، بس الحفلة بكره، لما اطلع من النفاس لازم تجو السماية، تعالو كلكم ما عزمنا الا انتو و اقشرو عشان المعازيم كتار جيبو عيالكم بس ممنوع اصطحاب الاطفال. (بايرة سطلت)
(3)
مسطول بيقول لصاحبو المسطول، امشى ليهو كان لقيتو سيبو، كان ما لقيتو جيبو و تعال، داك مشى و جه راجع قال ليهو: مشيت ما لقيتو، جبتو و انا جاى فى الطريق لاقنى سبتو و جيت (اتنين مساطيل دايرين يسرقو خروف جارهم)
(4)
اتنين مساطيل قاعدين مع بعض،فجأة واحد فيهم نط و جدع الفنلة، قال لصحابو معاك قلم شينى، قال ليهو ايوه، قال ليهو طيب اعمل لى 100 خط طول فى ظهرى، داك طوالى شخط ليهو ظهرو و قال ليهو تمام، قال ليهو يله اعمل لى 100 خط عرض كمان، داك طوالى شخط و قال ليهو تمام، قال ليهو يله رقم المربعات من 1 لـ 100 ، فعلا صاحبو عمل الحكاية دى و قال ليهو تمام، قال ليهو: اهه لسه حك لى المربع رقم 56
تحياتى للجميع
| |
|
|
|
|
|
|
Re: مساطيل اخر زمن (Re: محمد الامين احمد)
|
اقربائي مامون احمد وعثمان مالك لكم تحياتي علي المساهمات وياعثمان دي شكلها شديدة بي كم كرت اخي محمدالامين احمد جماعتك الظاهر كترو شوية في الصنف مسطول بتاع تاكسي المهم يادوب ولع سيجارة الصباح جاتو زبونة فقام قرصها وقال يوصلها بسرعة ويرجع للسيجارة المهم المراة شمت الريحة فسالتو دي شنو فقال ليها سيجارة قالت ليهو كدي اديني نفس المهم جرت الاول والتاني وسطلت تمام المهم صاحبك قال ليها ياحاجة شديدة قالت ليه الله يسلمك يا ولدي
| |
|
|
|
|
|
|
Re: مساطيل اخر زمن (Re: Mutwali Malik)
|
تمساح سطل سطلة كاربة وخت السيجارة في القيف ودخل البحر المهم جاء فار واخد نفسين من السيجارة ولمن طلع التمساح قال ليه دا شنو فرد الفار انت ضب مجنون ولا شنو
| |
|
|
|
|
|
|
Re: مساطيل اخر زمن (Re: Mutwali Malik)
|
في واحد عازب يبحث عن فتاة للزواج تجيد الانجليزية فقط لاعربي ولايحزنون أمه قالت ليهو وجدت
ليك إثنين سكرتيرة و معلمة ما بتكلمو الا انجليزي وعددت محاسن كل منهما، اخوه المسطول كان
بيسمع في الحوار ده من بعيد.. قال ليهو:
لو عرَست اي واحدة من ديل حاتقول الحقوني،
السكرتيرة حاتقول ليك hold on
والمعلمة repeat it 100 times
| |
|
|
|
|
|
|
Re: مساطيل اخر زمن (Re: Mutwali Malik)
|
فار مسطول سطلة كرت وخالف رجل فوق رجل المهم جاء فيل وقرب يعفصوا المهم الفار نط من مكانو وعاين للفيل وقال ليهو والله انحنا لو ما السطلي والسهر كان بقينا قدرك
| |
|
|
|
|
|
|
Re: مساطيل اخر زمن (Re: Mutwali Malik)
|
شباب تحايا و انسجام و اضحكتمونا جعل الله ايامكم كلها طيبه
مسطول بغسل فى وشو صاحبو بيقول ليهو عليك الله شوف وشك فى المرايه كيف , رد المسطول ياخ اصلو بنقو والا طين بحر
| |
|
|
|
|
|
|
Re: مساطيل اخر زمن (Re: Haitham El Galal)
|
مسطول واقف وبدق في عمود النور لمدة طويلة جاء ماري بيهو واحد مسطول اكتر منو وسالو الحاصل شنو فرد ليهو انا لي ساعة بدق للناس ديل ماعازين يفتحو فرد ليهو المسطول غريبة والنور بتاعهم مولع
| |
|
|
|
|
|
|
Re: مساطيل اخر زمن (Re: Mutwali Malik)
|
إتنيـــن مسـاطيــل لدرجة قف تأمــل....
مشو قعدو جم ست الشــاي .. الأول قال ليهو امشي اجيب سجارة و اجــــي...
في اللحظة دي التاني طلب شاي و بشرب فيهو ... لما المسطول الأول جـا...
(ركزوا هنا) المسطول التاني قال ليهو أديــك جبنــــة؟
المسطول الأول رد ليهو .. قال ليهو هو الجداد جاب الطــوب
المافهما يرفع يــدو..
هيثــم،،،
| |
|
|
|
|
|
|
Re: مساطيل اخر زمن (Re: Mutwali Malik)
|
واحد من قدامي أصحاب الخيال الخصب, زوجته هرشتو وقالت ليه يبطل السطلة. صاحبنا إلتزم وبطل الموضوع....... يوم المطر صبت والجو بقى جو رذيلة عدييييييل, أصحابه أصروا عليه يجامل .... وقد كان ,,,,, صاحبنا بعد القعدة راجع البيت إتزلق عشرين مرة في السكة ووصل البيت لقى الحكومة نايمة.... الصباح قامت تكورك فيه: أنت ياسجم الرماد رجعت تاني تتسطل؟ ياولية أنتي مجنونة ولا شنو؟ شوف ... انا من شفت راسك دا كله مجرح والمراية مليانة لصق عرفتك رجعت.... ( شوية توضيح: طبعا عمنا بالليل كان بيعمل في لصق للجروح بتاعة الزليق وكان بيستعين بالمراية لكن بدل ما يلصق في وشه بيلصق قصاد الجرحة في المراية ذاتها)
| |
|
|
|
|
|
|
|