|
Re: هبة الله ... غزال في عيون كل الناس .. (Re: علاء الدين حيموره)
|
في أثناء تجولنا في السوق لاختيار ملابس العيد لهبة الله سمعت صوتا نسائيا يردد ياربي انا شفت الامورة دي وين قبل كده ؟؟؟؟ التفت عليها وسألتها هل انتي متأكدة انك شفت الزولة دي قبل كده ؟ قالت ايوا لكن بس ما متذكرة .. بعد دقائق صرخت دي هبة الله واخذتها وضمتها اليها وقبلتها بعد ان حمل مولودتها الصغيرة والدها .. وكعادة السودانيين انت منو يا شيخ ؟ وحصل التعارف واذا هو الاخ البوردابي ود حي العمدة الاخ وليد وزوجته الخلوقة ندى وصغيرتهما ايمان ( حفظها الله ) كانت هبة الله هي السبب في مكسب الصداقة الجميلة للاخ وليد 399 اتمنى ان تدوم اواصر المحبة والود شكرا كتير ليك يا هبة الله وانتي تضيفى لرصيد اصدقائي هذا الرقم .
| |
|
|
|
|
|
|
Re: هبة الله ... غزال في عيون كل الناس .. (Re: علاء الدين حيموره)
|
أم هبة الله وأبو هبة الله( طبعا الأم قبل الأب)
فلتضيفا إلى ذلك الرصيد رقما جديدا فقد شدني عنوان البوست لأن إبنتي أيضا إسمها "هبة الله" وهي بحق هبة من الله .فليحفظهن الخالق الوهاب الرزاق الذي لا يعجزه شئ في الأرض ولا في السماء.
فلتقر عيناكما بهبةالله
لكم عاطر التحايا
| |
|
|
|
|
|
|
Re: هبة الله ... غزال في عيون كل الناس .. (Re: مي أبوقصيصه)
|
الاستاذة / مي
الف والف تحية
شكرا جزيلا على دعواتك الصادقة وان شاء الله تسلمي من كل بلاء ويخلي ليكم هبة الله ..
وعقبال تطفوا الشمعة المية ..
نحن حا نطفي لهبة الله علاء الدين شمعتها الاولى في 30 / 11
سلااااااااااااااااااام من هبة الله وامها .
| |
|
|
|
|
|
|
Re: هبة الله ... غزال في عيون كل الناس .. (Re: علاء الدين حيموره)
|
الأخ العزيز علاء ود حيمورة ،
لك مودتي وتحياتي ،
ربنا يخلي ليك هبة الله ويحفظها ليك ، وتسعد بها دوماً ونحن معك نشاركك الفرحة بها , وعقبال تطفي الشمعة المية وهي في كامل صحتها وعافيتها .
وكنت أحسب أن أصغر بوردابية في الرياض هي آخر العنقود لديك (حتى إشعار آخر) ، ولم أكن أظنها أول العنقود بعد بطول إنتظار . ربنا يحفظها ليك ويغطيها دائماً وأبداً ، يا رب .
ومن وحي كلامك الحلو ، وبوحك الجميل خلال سطورك الرائعة والصادقة عن أمورتنا هبة الله ، والتي (خرتت) فعلاً عروستنا (هيومه) في ليلة عرسها ، من وحي حروفك تلك والتي تنبض بالحب والفرح ، أجدني مندفعاً لكي أنثر بعضاً من الورود على أميرتنا (هبة الله) وعلى لسانك ، بعد إذنك طبعاً :
الأمورة هبة الله : سمعت أباك يقول لك :
جاي ليك يا (هبة) غيمة .. تملأ ماعونك خريف .. يملأ عينيك ويفضِّـل .. يروي جواكا العطاشا ..
وهو يفتخر ، وكذا أمك ، وهما يدندنان :
يا هدى الناس الحيارى .. يا ندى الفجر الببلل .. نور عوينات الفقارى ..
ثم أردف والدك هامساً في أذنك: ابنتي العزيزة الغالية هبة الله ليتك تعلمين :
يا ما شايلك بيني حايم .. لا الليالي المخمليــة .. لا العمارات السوامـق .. لا الأسامي الأجنبيــة .. تمحى من عيني ملامحك ..
ثم اعترف لك وهو يكتب :
نحن مشينا الخطوة الأولى .. إنت معاي مشوارنا بيقصر .. بكرة بنحكي الشوق للذكرى .. نار الريد الغابت تظهر ..
و
الأطفال يا بنية بغنوا .. الأطفال يا (هبة الله) بغنوا .. الأفراح لا بد من ترجع .. الأحلام الدونك فاتت .. لو واصلنا صباحا بيطلع ..
إذن لتعلمي يا أمورة أنك ملكتي شغاف قلوبنا و :
إنتي ريدك فينا باقي في الحنايا .. وفي عيون أطفال بتكتب بالدوايا .. وفي المشاوير والحكاية .. وجوه ثابت في القلب .. يا السمحة ما غابت مدينة .. يا سمحة ما يموت الفريق .. ولا ينهش في غناوينا الحريق .. والوتر دايما بغني .. للقوافل الجاية من وجع الطريق .. السحاب برضو بيعود .. يجينا بي برق البشارة ..
وأخيراً يا (هبة الله ) يا عسل كتب والدك عنك في الصفحة قبل الأخيرة :
هبة الله :
سمحة وسمرية .. محبوبتي ، ولفتاتـا غزالا .. خُضْرة ومسقية .. وجنب النيل مشوله النالا .. بهواك يا بنية .. كتبتو قصيد ، وبقولا مقالا .. تتفتَّحي فيَّ .. معاني غناي ، تديـلا مجالا .. زهرة ومروية .. بشوق الأرض وعيون كحالا .. تريانة ندية .. بعرق الناس والناس في بالا .. يا خوفا عليَّ .. عقل وثبات ، ماها الولـوالا .. من فرحي البيَّ .. كتبت هذا البوست عنك يا فرحة وبهجة و هبة من الله لي ولأمك وأهلك ولكل البورداب .
ولأن أمك تملكتها الغيرة من حروف أبوك علاء النابضة بالحب لذا زاحمته هي أيضاً وقالت ليك :
هبة الله يا بنيتي الحبيبة :
الصباح الباهي لونك .. يا (هبة الله) يا فجر المشارق .. غابة الأبنوس عيونك .. شيَّدتي في جوَّاي صوامع للفرح .. وفتحتي في دنياي مسارح للمرح .. وبقيتي لي سكة وعيون .. أشوف بيها ناس حوش بكري .. وأكتب بيها عنك وفيك ..
وفي الصفحة الأخيرة وجدنا الفرصة لنكتب لك هذا البوح ونقول عنك :
حا تجي البت (هبة الله) .. حا تجي البت الحديقة .. شايلة أنسام في طريقها .. وشاتلة ألوان .. حا تجي البحدث بريقها .. ضجة الضوء في المكان .. حا تجي المن بدري جات .. من ضلامات السكات .. شايلة قمرين في عيونا .. وفاتحة ليلين لي جنونا .. ضاوية ساحات .. إنتمت لي فجر فات .. ترتقي لعصور جديدة .. حا تجي البت البنريدها .. ضاحكة منتصرة وعنيدة .. آملة مزدهرة وجديدة .. و ناقشة في (علاء) أغنيات ..
و .. ربنا يحفظها ليكم ولينا يا علاء .
مع مودتي للجميع،
( ليمو )
| |
|
|
|
|
|
|
Re: هبة الله ... غزال في عيون كل الناس .. (Re: abdulhalim altilib)
|
العزيز / ليمو
الف تحية وتحية على الكلام الجميل والمنظومة الرائعة في ابنتكم هبة الله ..
طبعا قرأتها المرة الاولى لوحدي وانتظرت هبة الله الى ان تصحى واخذتها بجانبي وبدأت اقرأ لها الكلام الجميل وهي تبتسم ابتسامة عريضة تعبيرا عن فرحتها بما قيل فيها ونظرت الى في نهاية الكلام وكأنما تود ان تشكرك .. قلت لها فهمت يا هبة الله سوف اشكره نيابة عنك ونيابة عن والدتك ..
شكرا باب ليمو وان شاء الله ربنا يرزق الابنة هيام بأمورة زي هبة الله ويسعدها هي وزوجها في حياة ترفل بالنعيم ..
ربنا ما يحرمنا منك .
شكرا ليك وحانكمل العام في 30 /11
| |
|
|
|
|
|
|
Re: هبة الله ... غزال في عيون كل الناس .. (Re: علاء الدين حيموره)
|
فرحت جدا اليوم هبة الله .. سر الفرح في الاتصال التلفوني من البروف أحمد القاسم .. لم يكن اتصالا عاديا .. فقد كان مثلث التلاقي .. فهو اخا للحيموراب بالرضاعة .. ووصديقالآل حسين عبد السيد عليه رحمة الله ( جد هبة الله من ناحية الام ) .
اذن فهو عم وخال هبة الله ..
شكرا اخونا احمد القاسم وربنا يخلي ليك بنياتك وامهم ..
| |
|
|
|
|
|
|
|