|
|
 ممكن الواحد يفتح البوست و بعداك يخليهو و لا كيف؟
|
ههههههههههههههههه
بس داير اعرف يعنى الواحد ممكن يفتح البورد و يقوم يخليهو و يشتت
و لا يقعد يومى يحرسو و يشوف تتعليقاتو و ينضفو و يتمرو و كدا
لانى فتحت بوست و هسع انا متنافضو
اها العرف هنا بقول شنو؟
|
|
 
|
|
|
|
|
|
|
|
Re: ممكن الواحد يفتح البوست و بعداك يخليهو و لا كيف؟ (Re: ناذر محمد الخليفة)
|
الأخ العزيز أبوبكر علي
تحياتي و مرحب بيك في هذا الحوش الماهل
| Quote: انو تكون متل التكنك ماك داير البوست |
بالله يا أبوبكر لما تكتب كلام زى ال تحتو خط دة .. أعمل ترجمة على الشريط لأنو في ناس هنا من غير الناطقين بها ..
MITLALTAKANNAK MAK
تبدو الكلمة كماركة شاحنة وارد ألمانيا ..
تخريمة : تعرف يا أبو بكر .. في واحد جعلي متزوج محسية قريبتنا .. أها أيام العمرة إتلمو في بيتو كمية من الجعليين أهلو و كمية من المحس أهل الزوجة .. طبعا الصالون بقى خلطة من الدوبيت و اللغة النوبية للسما.
أها واحد من الجعليين قال كلمتك دي في نص كلامو : MITLALTAKANNAK MAK
واحد بلدياتنا مفتكر الكلمة ماركة مسجلات فقال ليهو : إشتريتو بي كم ؟
أرحب بك مرة ثانية ترحيبا حارا قبال يجوك هنا نوبي و أساسي و بقية المشاهير
دمت
| |
|
|
|
|
|
|
|
|
|
Re: ممكن الواحد يفتح البوست و بعداك يخليهو و لا كيف؟ (Re: ابو جهينة)
|
تسلم كتير يابوجهينة
بس انا كنت بتسائل عن الاعراف و التقاليد فى البورد
يعنى الواحد كان زهجوهو فى البوست يقوم يفلسع و يخليهو
و لا يركز و لسان حالو (ينبرش الطرورة و يثبت الصنديد)
اما العبارة العاملا زى الشاحنة الالمانية
مرة كنا بنلعب كورة فى واحد معانا كلامو قديم قال لى واحد تانى
(تك الكورة جاى متل التكنك شايتا)
زكرتنى قصة لشاب من الباوقة اللذيذ تفاحا, جا بورتسودان و قال داير يوريهم مهارات الكورة
فقال لشباب بورتسودان الماعندهم جمع بتاتا (ناس بورتسودان بقولو تلاتة سرير - عشرة راجل)
قال ليهم ود الباوقة (اوراك اطا كيف؟)
واحد قال يطرشنى زى الكلام دا ماسمعت
و العبارة تعنى (اوريك اطاها كيف) و فى رواية اخرى (اوريك ادوسا كيف)
| |
|
|
|
|
|
|
|
|
|
Re: ممكن الواحد يفتح البوست و بعداك يخليهو و لا كيف؟ (Re: Randa Hatim)
|
سلامات للجميع
ابوقصى ساعمل بنصيحتك
محمد اى سليمان حبابك الف
رندا حاتم سلامات - بس اصبرى لى انرجع البيت بجيه لك النضم تمام
دحين يارندا بتعرفى (الدمفريس)؟ ليهو علاقة بالاكل
يارندا الجر هو الزير و الجاو نوع من البلح
يعنى جرجاو زير من الجاوى
ههههههههههههههه غايتو البعرفا انو الجاو دا من الانواع للمفضلة للبتاع
و كمان يكون فى زير معناتا كلامى صاح
الجر يارندا برضو بخمرو فوقو الحلومر بعد ما يسمبسو
بتعرفى (السمباس)؟
| |
|
|
|
|
|
|
|
|
 Re: ممكن الواحد يفتح البوست و بعداك يخليهو و لا كيف؟ (Re: ابوبكر على)
|
الأخ الكريم أبوبكر سلامات,
نعم ممكن و هذا يحدث هنا بكثرة
وبعضهم تخصص فى هذا فبينماالناس
فى إنتظار ردوده و أجاباته فجأة
تجد بوست ثان و ثالث و رابع فى
أحيان كثيرة و الفكرة غير محددة!
هل يعد هذا نشاط زائد أم تشتيت
جهود و شغل الناس و المساحات بما
تريد أن تقول أم حب الجمهوروالنور!!!
على كل حال ذلك ممكنا و لكنه غير مفيد
ففى رايى المتواضع من الأفضل الاّ تتعدد
البوستات بالقدر الذى تحس فيه بأن البعض
يكتب فقط لكي يرى إسمه على الصفحة الأولى
بينما لا تحتوى كتاباته على أى مفيد من أى نوع.
*أرجوك ما تزيد عدد(البوستاتية) رجاء خاص يا عزيز
دمت .
| |
|
|
|
|
|
|
|
|
|
Re: ممكن الواحد يفتح البوست و بعداك يخليهو و لا كيف؟ (Re: أيمن الطيب)
|
Quote: تسلم كتير يابوجهينة
بس انا كنت بتسائل عن الاعراف و التقاليد فى البورد
يعنى الواحد كان زهجوهو فى البوست يقوم يفلسع و يخليهو
و لا يركز و لسان حالو (ينبرش الطرورة و يثبت الصنديد)
اما العبارة العاملا زى الشاحنة الالمانية
مرة كنا بنلعب كورة فى واحد معانا كلامو قديم قال لى واحد تانى
(تك الكورة جاى متل التكنك شايتا)
زكرتنى قصة لشاب من الباوقة اللذيذ تفاحا, جا بورتسودان و قال داير يوريهم مهارات الكورة
فقال لشباب بورتسودان الماعندهم جمع بتاتا (ناس بورتسودان بقولو تلاتة سرير - عشرة راجل)
قال ليهم ود الباوقة (اوراك اطا كيف؟)
واحد قال يطرشنى زى الكلام دا ماسمعت
و العبارة تعنى (اوريك اطاها كيف) و فى رواية اخرى (اوريك ادوسا كيف) |
عارف..بعد ما كتبت كلام كتير ردا علي تساؤلك ده..قمت قلت يازوله سيبك انتي..اسه يقولوا بتدي في نصائح وعامله فصل..وأنا ياأبوبكر زوله غلبانه وعلي قدري..
يالله الله معاك أعرف براك..بس حب الناس دي كلها قدر ماتقدر..واضحك..بس فلسعه لأ!
متل التكنك ماشي بي صحك
| |
|
|
|
|
|
|
| |
فيصل نوبي
محمد البشرى الخضر
Moawia Mohammed
ناذر محمد الخليفة
ابو جهينة
مجدي عبدالرحيم فضل
عبدالمنعم الرزوقي
على محمد على بشير
Mohamed E. Seliaman
Muna Khugali
أيمن الطيب
فيس بوك
تويتر
انستقرام
يوتيوب
بنتيريست