|
هدية الى أهالى جلاس وخضر عطا المنان
|
بحلم انى فى تنقاسى شايلة القش جنب النيل وشايلة صفيحة الموية وقايتها طرحة مو منديل أرد الموية يوماتى كبيقها موقا بشنتيق واللقدابا مرشوشة وصحن ترمس وهين قنديل ومدينييى وكوز موية وما بنجوع لى يومين وسلام أهلى وكلام أهلى الحنين بالحيل
===== ست البنات .
|
|
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
Quote: بحلم انى فى تنقاسى شايلة القش جنب النيل وشايلة صفيحة الموية وقايتها طرحة مو منديل
|
الله عليك يا ست البنات
كم هي لوحة رائعة ومعبرة تكشف عن أصالة انسانة رغم مرارة الغربة وطول السنين لا تزال تختزن بداخلها تلك الصورة البدوية الخالدة في ذاكرة أهلنا بأرض الشمال .
وأنا أذ أحييك يا ست البنات أرجو أن تسمحي لي بأن أهديها بدوري الى عمنا الشايقي الأصيل مامان ود القبايل وكل أحبتي بورداب الرياض بالمملكة العربية السعودية خاصة الحلوين بجمعية القرير هناك فردا فردا وعلى رأسهم صديقي الشاعر الكبير محمد سعيد دفع الله .
وراجعلك أكيد.
والله يديك ألف عافية .
خضرعطاالمنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
حبابك أخى خضر ، وحبابو عمنا مامان ، وحباب جمعية القرير ، وعبرهم أرسل التحايا العطرات الى أهلى ناس جاهورى ، ورفات حبوباتى السرف والعبلون بأرض القرير الندية الرويانة أم خيرا بيترع وسواقيها البيئنن فجر . وجنائنها الخضراء ، وريحة دعاش النيل ، مع الدفيق ، ريحة اللبن المقنن فى المغارب وصوت البهم المفروز من أماته فحال عشاء البطان . وجرى الناس الدغيش لى تمر الهبوب . وزادهم قراصة تمر مخمرة ، وصحن قراصة بى سبروق . وراس سكر مصرور فى طرف طرقى وتوب . ولكم الود وسبايط بركاوى وقرفتنايتين . ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
لك التحية ست البنات بهذه اللوحة الناطقة الجميله وكم رائعة هذا الكلمات التي تدل علي اصالة انسانها نحن من جيل قطع المسافة من كريمه الي كوري بي بابور البحر عطارد زالزهرة وكربكان
ولك ان تتحيلي الجمال علي الضفتين ومغيب الشمس وشروقها التحية لكل اهل جلاس والباروماجاورهما وتنقاسي القرير وحزيمه ومقاشي منصوركتي وحسينارتي امبكول والبرصه موره والسدر وكل البلاد والاهل والتمر والدفيق والاشميق وما بقي من الجروف
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
وما أروعك أخى عبدالله ! -- التحية وسلام ناسنا الحميم وحقيقى مو نص نص ومو دسديس وقبضة جاوة أو كورشة كيدينداية أو دومتين وموية بيرنا الحلوى من الجر المغسل زين وشاى صاموتى ماب ينشال من توقلو وقرقوشتين وضحكة فاطرا طيب جميل وحنون وماك مندلى للبرسيم مع الجنون ? وحزمة قش ندية وخضرا محزمة بى عرق عرجون ونحاسا دقو صوتوا يرن يجيب الطاش وضمة يطيب المجنون وحليلكم انتو يا السمحين === وشكرا للمرور . ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
Quote: التحية وسلام ناسنا الحميم وحقيقى مو نص نص ومو دسديس وقبضة جاوة أو كورشة كيدينداية أو دومتين وموية بيرنا الحلوى من الجر المغسل زين وشاى صاموتى ماب ينشال من توقلو وقرقوشتين وضحكة فاطرا طيب جميل وحنون وماك مندلى للبرسيم مع الجنون ? وحزمة قش ندية وخضرا محزمة بى عرق عرجون ونحاسا دقو صوتوا يرن يجيب الطاش وضمة يطيب المجنون وحليلكم انتو يا السمحين
|
===
ست البنات
انتي آ... شقية قاعدة تجيبي الكلام السمح دا من وين ؟؟
لوحة جميلة خلاص .. ودي تعرفي يا ست البنات انتي وأخونا الجميل عبد الله دا ذكرتوني بمقطع من بيت شعر شهير عبر فيه شاعرو عن ان اللوحة كم احس بانها ناطقة حتى انه يقول : كادت تتقراها يداي بلمس .. أي كاد ان يمد يده ليمسها وهي لوحة شعرية !!!!!!.
شفتي الروعة دي كيف ؟؟
يديك الف عافيةيا ستنا كلنا.. زي مابقولو اهلك الشايقية.
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
الكلام الحنيين الصادق يدل على الأصالة والمعدن النقى ودلالة على الإرطبات بالأهل والأرض والنيل كلام زول عزيز زى عزة النخيل لك التحية أختى ست البنات لهذه الكلمات الرائعة واللوحة المعبرة
وعبرك اختى الفاضلة أحى الأخوين عبد الله والعزيز خضر عطا المنان مع خالص تحياتى عماد كرنديس
| |
|
|
|
|
|
|
Re: هدية الى أهالى جلاس وخضر عطا المنان (Re: عماد عثمان)
|
بحلم انى فى تنقاسى شايلة القش جنب النيل وشايلة صفيحة الموية وقايتها طرحة مو منديل أرد الموية يوماتى كبيقها موقا بشنتيق واللقدابا مرشوشة وصحن ترمس وهين قنديل ومدينييى وكوز موية وما بنجوع لى يومين وسلام أهلى وكلام أهلى الحنين بالحيل ******** يا ست البنات عليكى الله الكلام الزى ده قاعدة تطلعيوه من وين ده كلام ببكى ويخلينا نجعر الله يحفظك ويغطيك عماد كرندبس
| |
|
|
|
|
|
|
Re: تنقاسى السوق والزومة !!! (Re: ست البنات)
|
وليك يالزومة حبى العاش وماب يهمد ولى تنقاسى شوقا طال وحنين لأهلى تاج راسى Dear Sit elBanat, How can I forget? I was also hoping all the time that we meet, however meeting with my aunt and cousins was also good, and if you meet with my parents we will end up in knowing that we have a closer blood relationship, mu ya Khidir?. Two years ago I went to elzuma,but I am not telling about this visit in English, I have to write in Arabic and document it with photos, but meanwhile, let me say that I really miss one person, in Merawi, a strong, beautiful and full of tender a sixty years old lady. She sells tea and coffee in a small green beautiful rakuba on the Nile in Merawi. She chosed a spot just near the Ma'diyya where people cross to the other bank. She is an example to Sudanese strong women, who understand the value of work and the value of being economically independent,full of dignity and pride, she is a mother to a highly qualified sons, some of them work abroad, have money and tried their best to convince her to rest at home, but she said no, work is a value in itself. she offered me the most beautiful Jabana after those I had in Beja land, she told me about her life, she told me about the business liscence that she must renew every time to have this small spot in her own family land valid for selling tea and coffee. Um elHussein, I call her, invited me to collect dill (shamar) from the little farm of her family, and I did, and when I went back home, I was happy like a child with the green, perfumed bunch of dill in my hand, I told Habauba, I brought some dill,she laughed, I did not cut the dill properly, I removed it with its roots, Habauba cooked me the most tasty Mulah warag with the dill, Habauba calls me el benayya and never say Muna, I miss them all, I will come back to you with Arabic and I hope my Arabic will be good as Ustaz Gasim and Tahelsire wish, Take care, Muna!
| |
|
|
|
|
|
|
Re: تنقاسى السوق والزومة !!! (Re: ibnaof)
|
Quote: mu ya khidir ? muna
|
أيوا ..صحي يامنى يا بت عوض خوجلي
والصور الرسمتيها هنا وحكاية الشمار اللخدر وست الشاي ومروي .. دي حكاية حلوة شديد. شفتي الناس ديل طيبين كيف وحلوين كيف واصيلين كيف ؟؟؟
يديك أنتي وستنا دي العافية والصحة .
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا منى والله الحكاية سمحى تب وخاصى الشمار وملاح الورق !! يا حليلى منهن ! واكان بقى سبروق ياهو بس عز الطلب ، نان تانى بكتبلى حرف ! ما ببقى فى عوالم تانية ! خاصة لو معاهو بصيلة وفجلاية ! ==== ويا خدر نحن مقتولين بى شوق البلد والبلد !! === ويا ابنعوف أخوى ولحمى ودمى مرحبتين حبابك ، وانت عندك فوقى عشرين كيلو لحم !! وتنقاسى ناسها القبل 200 سنة تقريبا - 1-شامى 2-الحاردلو 3-كمبال 4-كرفس 5- كروم 6-سمعريت 7-شلوك 8-بحيرى 9-حدربى
10-كاشنة 11-حماد 12-بشير 13-الحرزاوى 14-أبو زيد 15-الناطق ==== أها انت جدك منو فى ديل ???? أنا ديل كلهم جدودى فحال ديل أبواتهم أخوان وكان نسيتلى زول ذكرنى ليهو ! وشكرا للمرور الملان كوريق ودفيق ! ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
أبكن يا دموع تنقاسي لو بيفيد بكاكن سافرة يا حليلوا الراسي دون أسباب جفاكن
آل شامي جدي عم أمي متزوج منهم وآل كرفس ( حبوبة أبوي زينت بنت كرفس)
آل قنيب آل بلول (أهل أمي ) آل رغيم آل مالك ( أهل أبوي ) مالك ( عوض مالك) آل الحاج ( ود الحاج) آل كدكي ( الشاعر كدكي) آل الدوش آل حمزة آل شمس آل غريبة ( صلاح غربية) آل حمودة آل شريف ( محمد شريف) آل الفاضل وهاك بريدي [email protected]
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
أبن عوف ود أهلى ، ٍسلامات جاياك أصبرلى. أولا بالتبادى ماشى اجيبلى موية من بير ود التركى أزقى بيهيماتى ، ولاعقبان مندلى أحش القش ،العبور جايى تقطع حبلها من الجوع ومنطوى وهافا يحنن ! وشايفى الواطه مكبسى باقيلى جايى هبوب ، هى ...! الحروم كوركلى لى ! ماشات لى تمر الهبوب !كدى الالبس طرقتى دى واكفرن ، يا بت زحى القيروانة من جنب الجر لا تكسرو، ولا تلعبى بالكوريق شى توسخى اللقدابة دى . وأرجع أصد لى دكان السرير أجيبلى راس سكر فحال الشاى رامينى . والملم عينيقريباتى من البقل والهبوب . يا ربى كشر السجم دا غار وين ? يبقى فى السحارة دى ، ولا البطان ما يبقو لعبوبو برة ! والبنيى ممجمجى ماشى اكوسلى بشنتيك أبخرها بيهو واجيب لى مسار الليل دوم أكحلها بيهو وبالبصل فحال ما تعما شى ولا عقبان بصدلك . ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
Sit albanat, You dream of al zeer, I went further, I have one in my flat, with kubaya almunium, I bought from Khartoum and carried it like a baby. I also have Gulla in my window, full of mistiqa and cold water, I also have a model of a man riding a donkey and beside him his young boy holding a stick in his hand, and on the back of the donkey two alimonium pots, do you know who is that? da sid alaban fi alkhartoum! Love, Muna
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
الأخت الفاضلة ست البنات
لك خالص التحايا والأشواق والله إنت ستنا كلنا ما البنات براهم والله هذا البوست بقى مرجع لشخصى الضعيف كل ماتجينى ساعت ضيق اروح فاتحوواليومين ديل ياست البنات البرد بالحيل زاد وإشتهيت لى صحن ترمس وهين قنديل وكباية شاى صاموتى عزيزتى ست البنات عليك الله كل مرة أدينا قبيضىمن لوحاتك الجميلة الرائعة ومتل الكلام ده عندك وحافضاه فى قلبك من يوم ماولدوك الحقيقة نحن اليومين ديل موجوجين وماتبخلى علينا بلوحاتك الجميلة وكلامك الطيب الحلو الأصيل فتك بعافية حين نلتقى أخيك /عماد
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
ست الكل اني ماني شايقي لكن اجمل ايام عمري قضيتها في فجة الشوايقة كورتي امبكول جلاس البار منصوركوتي قنتي العفاض الاراك اوسلي الباسه القرير مروي البركل كريمي مروي الزومة مقاشي واللوري تشيل منو غير بنات نوري تشيل منو لكي التحية والكلام البنئط عسل ولاهلنا الشوايقة مغقل الفنون وكل ماهو جميل التحية لكل مبدعيها والى الامام
| |
|
|
|
|
|
|
Re: هدية الى أهالى جلاس وخضر عطا المنان (Re: عماد عثمان)
|
عووووووووووووك يا ست البنات !!!!
وين أنتي مشيتي ؟؟؟؟.
حتى أخونا عماد ذاتو رجاك وفتر وبعدين قال اخير يمشي يشوف ليهو سفة وين ؟؟؟ في دكان السرير ..
لكن أنا المسيكين ما عندي حل غير أتفرجخ هنا في الواطة دي قدام بويتك المو خمج دا واقعد أرجاك لامن ترجعي انتي ..
والعافية ان شاء الله التكسيك من راسك لى كرعيك ..
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
سلامات أحبتي ست البنات، منى، خضر، عماد والفاتح أنا جيت يادوب مندلي البلد بي لوري عطايه من الخرتوم وكان لقيت لي (حريفا) حار كدي والله ياني القاعد معاكم ضمه، أصلي جاييكم أقوللكم انو أنا من الأركي (من جهة الوالد) والنافعاب وجلاس (من جهة الوالده) وشدة أسفي إني إندليت البلد في حياتي كلها مرتين في إجازة المدارس، ومغستي أكتر إنو وكتها كت دلفونا صغير، فكان إني قضيت كلتا الإجازتين في الأركي والنافعاب ولم أحظ بزيارة جلاس التي أشتاق ليوم تتحقق فيه أمنية أن أزورها برغم قصر تلكما الزيارتين، إلا أنهما تركتا في نفسي ما صمد داخلها لم تمحه مرور أزمنة طوال على ذلك (بس انا ما عجزت لسه) ومروري على أمكنة تبدأ شرقا من بلاد (الأفيال) أرض غاندي وتنتهي غربا ببلاد (الخواجات) وبين هذه وتلك فحدث ولا حرج، أقول برغم ذلك فإن أثر الشمالية علي نفسي كان لدرجة أنها أصبحت محفورة التفاصيل في داخلي، وأدلل على ذلك بعمل كتبته هنا في أرض الغربة أرد فيه على القصيدة التي تغنى بها الفنان المبدع عبد الرحيم أرقي عافي منك وراضي عنك سو رضايا ** مابيخيب الرضى والدتو يا جنايا فخلوني اللجي انوهط معاكم ونبدا نونس معاكم خاصه الليلي الدنيا قمره والونسه في القوز ما أحلاها
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
منى الظريفة السمحة وجميلة ، نان مالك ماب تختى صورتك فى البورد تنوريهو لينا بيها? يا يمة انتى مو الضو البيشلع وقميرتنا البتفج النجيمات العاجباهن نفسن وتقعد ! ودا ياهو البيوجعن ويقطع نفسن !!أكنهن الخاتات صيويراتن ديل اسمح منك ?? أصلى قريت كلامك عن سبب حجبك لصورتك من البورد ، نحنا بنوتنا زى الخيل تشابى زى ما قال اسماعين حسن ، نان باقيلك ودر حجابة فحال بنات الريف ? كضب والله فحالنا نحنا عيلى ماهو داير الناس من جم يشيلونا فى خشمن ! أصلو زولا فضيل وولد أصول . كدى الاصد لناس عماد وخدر وكمال ديل ! باقى حارسينى واتوهدب عليهون ! صباكم خير والعافية تبراكم وتخدر ضراعاتكم وتبرد حشا أماتكن، وجيدن جيتو يا السمحين . الشئ الوهدبنى منكم باقى البنيى مورودة وريقها التحت ما يبل الفوق ، أها شلناها جرينابا للحكيم قررلها بار وقال ضومه ما تفتر تشيل كرييعا تمرق فى الشمش فحال متهما بالمجمييج ! وجيت سويتلها تورمة كيسرى أبت ضمة ما تكجها فى خشيمها دا . أساعيتى قم عوسلى حريفن حاار وفرك حيبيبة السبروق الجابتها لى غناوة وأمها قبورة من حوض ود شلوك ، وقالن الويكى جابتها الروضة من حوض حنون ، وقالن الرجال متكاتلين بى تحت فحال ولدا هول الشاماب مشى بى فوق التندب الليل حوض برسيم المفنخاب ، وقام ود شيخ سغيير شافو وقالو اسع ان بقيت دا حوضا لى بوك بتكسر بى فوقو ?? باقى وليد الشاماب دا أهلو مزقليتنو خلاس وماب يرضو زولا يسعلو حتى انبقيت غلتان شنو داكا ! الوليد قام اتنفر فوق ود شيخ سغيير واضربو بى الخوسى فوق بطنو بجنا ليهو ، ويا يمة الخلوق انلملمو وجابو الكومر والظابطيى ، وخموهم كورجة للتومنه فى صنب . أم الوليد المطعون ياها ديكى متفرجخى فى الواطا وتشيل وتسوى فى الرماد فوق راسها ، وتسوى فى اليا وليدى الويحيد ، ياضلى وضراى ، يالخاتاك لى كوبرى وغتاى . والله تحنن الكافر ! يا يمه حسبى فى عجبى البوطان مرقو من ايدي اهلهم ! واشيى التانى الحمانى ما أرجاكم ، وانا فى ملاحى داك افرك فيو بلا اسمعلك الصايح فوق الحمارة يكورك قططع قلبى ! مرق قت اسعل المات منو ? بلا قالو مرتا هول ود ميلينى وقع فوقها الكبد ساعة البوب ديكى ، أتارى الناس ساعة مرقو لى تمر البوب داك ، هى يا يمة حيبيبتى الكبد واقع فوقها وهى تزغرد ومافى زولا سمعا ! البيوت مو خلا ! الأمى كلها مشت تكوس تمر الهبوب ! تمر القصوف يطير ! أسعيتى ما كانو نجدوا المريى الميسيكينى دى ? عيلى باقيلى اليوم ! حليلى منها ، الرحمة وسادتها ان شا الله . اللاقوم أكوس كسكسيبتى دى واسقى الحمارة فحال امشى للبيكى باقى البكان مو قريب ! كمان البوطان اليومين ديل خايفيين من عبد العيش ! والله طول الليل يهضربوا ويتخززوا فوق العناقريب !
الحريم اللخباتات ديل البارح جن ينجاضن ورممن قشوشن والشايلالها موية جضعت قيروانتها قالن شافن عبد العيش منطلق عريان وسط القنقر الليل الكروماب ،بقن ينزقلتن ويسوون فى الهوراط الليل حريم بلد فوق ! وقالن الصباح الولاد شافوهو جنب الجنابيى ماسكلو جدادى ياكل فيها وغسل ايديهو فى ساقت ناس ود أحمد ومشى طوالى مبارى سبيقة السرير لامن اندلى عند المشرع البيطلع لى درب الترك ونزل لامن وصل جنينة السماعرييت والبوطان مبارينو عيلى ما قربوا منو شى خايفيين ، جوا جاريين ينجاضوا حدسوا هلون ، والحرووم طلقن الخبر فى الحلى خلن الجهال قلبون مقطوع ! قدور ما قتلهم ضمة الله مافى شى كدى اسمو عبد العيش ، ديل أهل التمور والمنقة والقنقر بيقولوا كدى فحال يخوفوا الناس الليدون خفيفى وبيندلوا تحت يسرقوا شيت الناس التعبانيين فيهو ،وفحال الناس أهل ماهون دايرين ينشاكوا سبب منقاييى ولا تميرات ولا قنقر ، عمى عبدارحمان ود حماد الرحمة وسادتو كان قعد يقولنا صلة الرحم ماها هينى شى عند الله !والزول ماب يدفق موتو على الرهاب ! واخير يخووفوا البيسرقوا بى عبد العيش . لكن ماهون مصدقين فحال الجهال انزهللوا خلاس ، قليبون انقطع وا كيبيدى عليهن ووا شيريرى يا يمة . أها دحين الحيريف حار والسبروق دابى فركتو والشاى موقدى نارو فوق اللدايات ياها دى بهبب فيها ،تعالوافسراع أنا كبدى جايى يقع من الجوع . والله بكينالنا جنس بكى على المرا الماتت دى ! بنياتا يقطعن القلب . أها فى رجاكم لا تبردوا لى قيريريصتى شى !
ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
wa magasti ya sitelbanat khaiti,mani gadra ajreek fi kalamik elshaigi elsamih da! You know last year I was in el shamelia, and once my uncle decided to take me to visit my relatives in elzuma faug. He called Ibrahim his son to prepare the car, the car was a beautiful clean CARU, driven by a healthy white donkey, I was so excited about the whole thing but soon I started to feel bad, how can we, the four of us be driven by one donkey especially it was supposed to ascend the high hills, this must be very difficult for the poor thing! I seemed hesitant to ride, but my uncle AbdelHafiz wad Ali ordered me to board, and assisted me to do so. During the 20 minites journey or so, Ibrahim and Shamyya, my cousins were laughing because they thought I was scared and Ibrahim never stopped lashing the donkey, while I continued protesting, and the more I protested the more they laughed. Suddenly the Caru went down and I found the donkey underneath, I started crying I thought it died because of us, I saw the caru iron' bar going under the donkey's body, I felt I was a partner in that crime. My family started calming me down,asking me not to worry and assuring me it was alive, , it seems they were used to that kind of thing. I felt relaxed after my uncle and cousins helped the donkey to stand up again, I said to myself, al hamdulila now they know we were heavy and the poor animal cannot continue carrying us, we should walk the rest of the distant, guess what, my uncle told us to ride the caru again, and the poor animal continued to ascend
Take care, Muna,
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا حيليلك يا منى يالحينينى الطيبى ام قيليبن رهيف !
نان الحيمير دا فى الزومه ، ان كان فى البكنات بكان الناس الناشقين والناجعيين كنتى سويتيلك مناحه ليهو ???
والله شوف عينى ناقص يسووا القطيى فوق ضهر الميسيكيين !!!
بس عيلى ناسنا تراهن بيدوهوا قبيضة البرسيم وقيروانة المى !!!
لكن ان جيتى للحق الحميرات اللاتنا ديل ان لقنلهن طريقتن فكتن مننا وعارن ، حدهن المسعوليين فى منظمات حقوق
الحيوان !!
أ مانى معزبنهن جنس عزاب ! الله يسامح السودانيين (أهل الكارو والمزارعيين )!
ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
حباب منى ، الحريف سواتو مو قاسى يا أخيتى ! عيلى الجنات ديل مالون غابوا كدى ? لا يبقى حصلهن شئ يا يمه ? والله بالى بالحيل مشغول عليهون وقلبى يودى ويجيب !ويغزل كوتور ! الخدر مشى يقفز تمرات ود الجهينى من فجرا بودرى ، هو بافى قايماتلو رويشات اليومين ديل ، قال داير يمشى بلد فوق يقرا !! شوفتى يا بنية أمى المحن !!! نان يا ربى البيقرعلنا ويشوفلنا عيقييبنا دا منو ?? والله ياهو ! كمان فضللو مشى بلد فوق ! هو البيمشى هناك قعد يصد لى أهلو ? مو يغمتوا فى الخرابة اللاسمو الدفاع الشعبى دا ، ونبقى فى الاجاويد !! جدى عبد أرحمان الله يرحمو قال ( ابن ادم يدخل عليك بالضحك ويمرقنك منو الزغاريت !) واكان لى الوليد عماد ،يسعلنى الله الريق ما فكاهو ييى دى تورومتو مغتاها ليهو فوق الكبيق فحال النمل ما يتكبس فوقها ولى أساعيتى ما جا من خلوة ود شيخ الحيران . يااا منى ، شيحة مو مات !!! أب تعرفى شيحه الله يرحمو كان بيقعد فى سوق التلاتا من صباح ارحمان !!!?أمانى كيف كان طيب ! الناس دى كلها تريد نضمو ! عيلى يا بنوت أمى أبنا عوف بس البلد كلها مرقت تكوس فييو ومافى زولا لقالو اتر !!!
الجنا دا ما يبقى طشا ! والا لاقا عبد العيش البقولو دا وزهللو ?? أها أأمانى كيف كان طيب ! الناس دى كلها تريد نضمو !أمانى كيف كان طيب ! الناس دى كلها تريد نضمو !ا ماشى اعوم مع البنوت فى البحر ، امسكيلى حوقيتى دى لا تنماص منى فى المى فحال العوم قعد يطلق عيبى ! والبطان ديل ان بقو جوا صادين شى قوليلون أرجونى فى البيكيين دا ما يختوهو شبر لامن اجيهون أحررلهم القراصة دى . ولا عقبان بصدلك . ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
ya a hilailik enti ya khaiti, la takhafi alaihm she, telgeehum majadaeen fil anagreeb bad sahar amis!
you sit al banat, many people have disappeared between yesteray and today, it is Christmass habibti, most of people are celebrating it, and don't believe it when some of them show their ugly racism, they are also celebrating it!! I tried to see if I could type Arabic in my daughter's computer, but found it not connected, and she is away, I have to wait till she is back. When are you coming to London? haja Jara tamel laik algurasa el maha khamaj, wa haj Awad will tell you lots of stories about Sudan and shemalia, yella ta'ali, Muna
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
Quote: enti ya de, mas'ula min alkhair, wainu khayna Khidir muna?
|
أنا يي دا الجيتلكن راجع !!!
وان شاء الله يسعل منك الخير يا منى بت عمي عوض خوجلي ويابنية جارة الحنيني ..
وخسمتك بالنبي يا منى كان ما سويتيلك كمبترور بالعربي .. عشان أصلي انا مابعرف الكتابي اللت ناس برا دي !!!!..
زمان جدي ود حمد على الله يرحمو قال لي دي كتابة الناس المتفلهمين ومتقرضمين.. أوعك تسوي زيهن !!!!!!.
علي أنا ماعندي معاكن أي مفاهمة أسع ضمةضمة..
باقي مصاريني دي تكورك .. عشان من أمس راجي اللسمها ست البنات دي .. وقراصتها اللبت تمرق فسرع دي !!
خلاس أنا برجعلكن انتن والوليد عماد دا بعد أملا بطينة الشوم دي ..
وأناباقي خايف يقومو يشيلو حالي ويقولو كمان :
( أنت أصلك في بلد الترك ولدن مطيليق ) ,,
الله يرحمو عمي العظيم اسماعيل حسن .. لا يوم الليلي باقي بويتاتو واقفات في جلاس !!!.
عوووووووووووووك يا ست البنات مصارينا انهرن ضمة ضمة !!.
خليتكن في أمان الله .
خضر
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
منى اختى حبابك طمنتينى عليهم الله يطمنك . والله يخليلكم خالتى جارة الأحلى جارة ! ويخليلكم عمى عوض الراجل الطيب عمى بالحيل !!! ودعوتك مقبولة وقراصتكم مقبولة وان شاء الله جاياكم !!! وسلامى لى ناس بيتكم فردا فردا . وجربى الرابط دا أنا بكتب بيه العربى وبنقلو للمكان العاوزاهو فى المنبر وغيره ، وكتر خير الأخ رضا دلانا عليهو فى المنبر . www.lakii.com/vb/a وتحياتى وكل يوم والأسرة مسرورة وبخير ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
الأعزاء ست البنات/مني عوض خوجلي/خضر عطا المنان لكم الود والتحايا العطرة..والشكر لست البنات على اللوحات الرائعة المعبرة..خضر عطا المنان...تحياتي وحبي..أرجو موافاتي بعنوان بريدك الإلكتروني..منى خوجلي..تحياتي للوالد (من جار سابق بحي القنا مربع 7)..و...لي عودة
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
انت عارف يا نايل ون أنا عندى حساسية من الغبار ، والمنبر دا عجاجو لاوى بالشكل عشان كدى جيت لبدت بى جاى براى لكن ناس منى مرة مرة بيجو يونسونى دحين انت لملم أخياتك وخيانك ديل بى عندنا لا جاى وتعلوا فكوا الريق بالمرة معانا ، وكمان لا يفلقكم حجر ولا ساسويى من بكان الكتال دا شى ! وشكرا لى طلتك علينا . ست البنات
----- ويا الخدر جيدن جيت ! أميمتك تكوس فيك وتبكى من دغش الرحمان ! يا أخوى مو اعوج منك كلام القرايى الفى بلد فوق دى ? وان شاء الله قفزتا تميرات ود الجيهينى ليهو ? وأبقى صاد . عيلى انا والله غدبانى ومحزونى من الجو العام دا كلو ! ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
صدقت والله ياجماعه هوى معاكم سلام أنا صادى لى جلاس من البارح باقى ما رجع والجوع قطع مصارينى لا لا مانى قاعد معاكم أكلكم ده ما بنفع معايا انا ماشى لأخيتى ست البنات اتأخرت عليها الخدر سبقنى عليها وقالو كمال ولد عمى حسن جا من الأركى معاهو نايل ....
**********
كيف حالكم لعلكم بخير الحقونى فسراع بحرف قريرصى باقى مصارينى يكوركن من الجوع ماعندى معاكم مفاهمة ضمة علىّ بعد ما أملى أم درمان عليك الله يا أخيتى ست البنات أفقشيلى معاك بصيلى أعفولى أتأخرت عليكم أصلى رحت التمنة ضمنت وليد خالى موحمد الحسن البارح قفلوه فى التمنة عملو شكلة فى بكان العرقى باقى هو وليدن مسيخيت بشرب السم الهارى ورويسو قوى حجر ... خالو عبد الغفار فوق الخرتوم فتحلو كنتين فى حى القنا أبى جا صادى وليدن شقى ست البنات سرفيلى كباية الشاى ده جنى وجن الكبايى الناقصى بعد ما آخد لى تكية بأحكيلكم الحصلى ألبارح
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يااا عما يا حيليلك ان بقي جي صا بسويلك الحيرى الحا وفوقو البيصيلى المفكوشى ! تدفنى يا اخوى ان ما قعد فى الضليل دا لامن اعو القريريصى فسراع بمروقا ليك. --- نكتة - الشايقية بتنادى فى بنتها اسمها انتصار ( تقول ليه انتصا ) واحد قال ليها ليه ماب تتمى حرف الراء ? قالت ليهو اختصا.
ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
الأخت ست البنات الأخ خضر عطا المنان الأخوان والأخوات المشاركون
تحياتي لكم جميعا
لا أدري ما الذي شغلني عن الدخول لهذا البوست الفرائحي خاصة والناس في مشارق الأرض ومغاربها يحتفلون بأعياد الكريسماس ويستعدون لرأس السنة. أشكر أخونا خضر باهدائه البوست لعمكم مامان. ويسعدني أن أهديكم جميعا قصيدة قلبي ولهان لشاعرنا السر عثمان الطيب وهي من الأغنيات التي ظهرت في عام 1974م. مع التحية
مامان
قلبي ولهان السر عثمان الطيب | قلبى ولهان قلبى يا ناس قبلو عاد iiوحيدو راح ضهب تاه كتر الاه دار يموت بى iiريدو والعذاب طال هادى والحال لما كشكش قيدو لا مرق حام لا رقد نام جفنو طال iiتسهيدو دمعو سال كاب شوفو يا اصحاب منحوابكو iiوزيدو جيبولى اخبار واقرو اسرار فى عيون iiمريودو وصلو القول قولوا مكتول جيبوذكرو وعيدو كان هو بيحن ورو كيفن ده المصير بى iiايدو قلبى بالليل باقى بالحيل ده النواح iiبيجيدو صارع الهم مابى ينجم بيهو عالم iiسيدو كان مشى الدار للحبيب زار يبقى داك يوم iiعيدو تانى ينعم برضو يسلم من زمانو iiوكيدو عارفو فنان يرسل الحان يا حلاة iiتغريدو بالحنين ذاب غنى كم جاب كانغناهو iiيفيدو ترجم احساس جابو للناس زادو فى ترديدو غرد الكون كله مفتون باسمة ترقص iiغيدو فى التمر فوق تسمع القوق ده الدباس iiبنشيدو فى البلد طاف ما جفل خاف ما الخلوق iiبتريدو للصعيد داك خلى قوماك يلا ننظر صيدو نلقى كيف كيف حتى فى الصيف جارى خلفو وليدو قوس قزح بان للسحاب كان زى عقود فى iiجيدو والفرح زاد والغصن عاد حلوة نايرة iiورودو والبرق فر مرة كركر غيمنا رابطة رعودو والرزاز رش خدر القش تانى عاد iiفرهيدو 9/2/1974 |
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
قوتلك يا عما ود عيتمان انا كتبلك رد فى البيكيين دا يسعلنى الله مانى عارفى اللفحو منو ? باقيلى الشى الاسمو الهكر دا جاء بيهينى وخمشو ! كت جايى اقولك صح كيبيباية الشاى الناقصى مافى زولا بيدورها ! وين نزقنفا? هى الكيبيبايى التاهى ماب تعدل الرويس لامن الناقصى ? والله ياهو ! عيلى انا عندى البنورات والبراد الكبير داكا مابيحوجنا للشلهتا ! وكت كمان حكيتلك نكتة ، كدى الاعقبها ليك تانى -
نكتة - شايقية بتكورك لى بتها اسمها انتصار ( عيلى كانت بتكوركلها يا انتصا ) واحد من ناس فوق ما عرف نضمها جنسو شنو ، قالها هى بتك دحين مو سمها انتصار ? قالتلو ايى . قالها نان ليه بتقوليلها انتصا ? قالتلو اختصا !!! ---
واحد شايقى كبير فى السن ماب يقعلو غناء محمد الأمين ضمه ، سمعو يغنى ( قالوا متألم شوية ياخى بعد الشر عليك ) قام كورك لى بتو قالها يا فاطنى أسعيتى أكان بقيتى عيانى وقتلك كفارة ، ياكنى غنيت ???? --- يا عما أخوى ، القريريصى سويتا والميليح قضا ،ماك جايى تفك الريق ? ---- باقيلى عمك مامان كان بي جاى وكتبلو شى ، عيلى باقيلى انهكلر حتى هو ! انت الشى البورد دا مالو مزهلل من البارح كدى ?? الله يصرف المصيبه الاسما الهكر دى والله كيف كوت دايرى اشوف عمك مامان دا قالنا شنو ? بس تقول شنو مع المصايب دى ! الله يصرفها من فوقنا . عليك الله يا عمى مامان ما تجى صا تانى وتعقب كلامك الما سمعنا دا ! لا تتوهدب شى الله ياسع ايامك ادنا طله وصد لى جدولك ، باقى الموية كاسرى بي عندالجنابيى الفوق ! والخلق كلهن جو صادين من تحت ، وناس عباس وعمى كمبال مشو للبكى الفى صنب دا ، ومن هناك شايلين الدهسيرى قالوا جنايان للحاجاب كاسر ايدو ، كان بيقفزلو فى تمرة طويلى ووقع منها . ناس الروة وفاطنى اختى قالن شايلات البحر يعومن وكت عباس ماهو فى شى ! شوفت البنوت ديل ? اليرجنى عيلى احدسو ليهن فحال يكاتيلن زيين ، أمانى انا كيف غدبانى من سواتن دى ، بنوت ما عندهن حيا . يا عما أخوى نارى ولعت دحين اللرمى الحريف واملا الجر وامارن حوشى دا . ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا أخوانا .... الناس ديل راحو وين نعل مافى عوجة ست البنات ده ضمة ماشديدى مافى نويرة مولعة ولا اثر لكبيبية شاى إنشاءالله خير كدى نقوم نندلى بتحت امكن دايرلهم فزعه النسعل البطان ديل يمكن عارفين بكانه
عماد كرنديس
| |
|
|
|
|
|
|
Re: هدية الى أهالى جلاس وخضر عطا المنان (Re: عماد عثمان)
|
Dear Sitelbanat and all, Lakin gubal da, dear nileone I have a sad problem here my brother passing your greetings to Khalifa Awad Khojali, awalan mani daryane besmak el hagigi, tanyan, en gut awarihu surtak, mabagdre, Awad Khojali is blind, the effect of Mustapha's loss,can we forgive Omerel Bashir's crimes
Aha ya sitelbanat khyti, it has been two days now since we last communicated in this boad, I missed you, and became sure I am a slave to this board! Come back to you someother time, lakin gubal afoot, alili mahu eidna fi London, sidy yad de zayerna elail, elelit yaum albaraka, nadra min eyunak, erifti menu? Today we are having the NDA chairman, DUP leader AND chair of Khatmya sect in London. last week we had Hatim elsir, el SHAFI Khidir wa mahum Adil wad sidAhmed, ybaga da esbou elshaigya! Muna
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
الأخت ست البنات الأخ خضر عطا المنان الأخوان والأخوات المشاركون
تحياتي لكم جميعا
لا أدري ما الذي شغلني عن الدخول لهذا البوست الفرائحي خاصة والناس في مشارق الأرض ومغاربها يحتفلون بأعياد الكريسماس ويستعدون لرأس السنة. أشكر أخونا خضر باهدائه البوست لعمكم مامان. ويسعدني أن أهديكم جميعا قصيدة قلبي ولهان لشاعرنا السر عثمان الطيب وهي من الأغنيات التي ظهرت في عام 1974م. مع التحية
تسلم يا عمنا الأصيل ياعمادنا وسندنا في مهاوي الغربة.
لكن ياعمي مامان والله دير اشكيلك من اللسما ست البنات دي ..
كيف أنت بى هنا وما تكلمني ؟؟؟ .. هي عارفي أنا منتظرك لي زمن
بس عيلي دغيلي باقي بلحيل آ.....عمنا مامان ..
دحين عليك الله شوفلها صرفي !!!!!.
وشرفتنا كتير كتير .. ونشكرك كتير لى تلبيتك دعوتنا دي ..
وباكر مع الفجراوي قايمي ست البنات مندلي كريمي ..
دحين بعد باكر ضروري تجي علينا في الروكيبي حقتها
وعنقريبي الهبابي داك ونشرب عندها شايا المو خمج آ ......مامان ..
باقي اخونا عماد طوالي شايفو خرمان شاي !!!!!
الله يعينو !!!!! لكن بارك الله فيهاست البنات ماقعد
تقصر معاهو ابدا.
وشكرا على القصيدة يا عمي مامان ,, رائعة المبدع السر عثمان الطيب .
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
Quote: الأخت ست البنات الأخ خضر عطا المنان الأخوان والأخوات المشاركون
تحياتي لكم جميعا
لا أدري ما الذي شغلني عن الدخول لهذا البوست الفرائحي خاصة والناس في مشارق الأرض ومغاربها يحتفلون بأعياد الكريسماس ويستعدون لرأس السنة. أشكر أخونا خضر باهدائه البوست لعمكم مامان. ويسعدني أن أهديكم جميعا قصيدة قلبي ولهان لشاعرنا السر عثمان الطيب وهي من الأغنيات التي ظهرت في عام 1974م.
|
تسلم يا عمنا الأصيل ياعمادنا وسندنا في مهاوي الغربة.
لكن ياعمي مامان والله دير اشكيلك من اللسما ست البنات دي ..
كيف أنت بى هنا وما تكلمني ؟؟؟ .. هي عارفي أنا منتظرك لي زمن
بس عيلي دغيلي باقي بلحيل آ.....عمنا مامان ..
دحين عليك الله شوفلها صرفي !!!!!.
وشرفتنا كتير كتير .. ونشكرك كتير لى تلبيتك دعوتنا دي ..
وباكر مع الفجراوي قايمي ست البنات مندلي كريمي ..
دحين بعد باكر ضروري تجي علينا في الروكيبي حقتها
وعنقريبي الهبابي داك ونشرب عندها شايا المو خمج آ ......مامان ..
باقي اخونا عماد طوالي شايفو خرمان شاي !!!!!
الله يعينو !!!!! لكن بارك الله فيهاست البنات ماقعد
تقصر معاهو ابدا.
وشكرا على القصيدة يا عمي مامان ,, رائعة المبدع السر عثمان الطيب .
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
قال الاستاذ ابراهيم ابنعوف
الناس بى شوق نبيها من المالح فاتو غادى انت شوقك جابنى تنقاسى احج فيها اول تبادى
التحيه لاهل تنقاسى من الرويس حتى فتنه واخص بالتحايا الوالد عبد الحفيظ الحردلو الذى جاورته فى السكن سبعة اعوام والوالد محمد عثمان كرفس الذى علمنى كيف اخطو نحو الانسانيه والوالد عوض الحاج الذى كان جسر للتواصل بين اوسلى وتنقاسى
لك اتحايا ست البيات من جم
كمال اوسلى
| |
|
|
|
|
|
|
Re: هدية الى أهالى جلاس وخضر عطا المنان (Re: خضر عطا المنان)
|
Quote: قال الاستاذ ابراهيم ابنعوف
الناس بى شوق نبيها من المالح فاتو غادى انت شوقك جابنى تنقاسى احج فيها اول تبادى
التحيه لاهل تنقاسى من الرويس حتى فتنه واخص بالتحايا الوالد عبد الحفيظ الحردلو الذى جاورته فى السكن سبعة اعوام والوالد محمد عثمان كرفس الذى علمنى كيف اخطو نحو الانسانيه والوالد عوض الحاج الذى كان جسر للتواصل بين اوسلى وتنقاسى
لك اتحايا ست البيات من جم
كمال اوسلى
|
ست البنات لاحدهن :
ماشاالله ... وتبارك الله .. شايف الدارة كبرت تب !!!!
حتى ناس أوسلي كمان ييديلا جونا بى هنا ..
يا سلام ..
عليك الله شفتي أهلنا الشايقية ديل حنان كيف وحلوين كيف ؟؟؟؟؟.
تسلم يا كمال يا ود أوسلي الحبيبة.
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: عماد عثمان)
|
Quote: يا أخوانا .... الناس ديل راحو وين نعل مافى عوجة ست البنات ده ضمة ماشديدى مافى نويرة مولعة ولا اثر لكبيبية شاى إنشاءالله خير يا البطان هاى ما شوفتولى ست البنات شقيش قبلت ..
|
لفحت توبا ومرقت على الجيران ..
أنت ماك عارفا ست البنات ؟؟
بس ما تسمعلها بى زول جاهو وجع راس ساكت
تلفح توبا وتقوم !!!
باقي ناس الحلة كان ماشافوها هناك طوالي
يجو على بويتا دا ويشوفوها مالا ؟؟؟ .
مجاملي لامن تنسى نفسها مرات ..
ياعماد ياخوي ماعندك حل علي تلزم
الجابري دي وتصبر لامن ترجع ستهن لاحدهن..
سلملي عليها كتير.. وقوللها عمك مامان
يسعل عليك سعال الضهبان !!!!.
خضرعطا ا لمنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
سلام أهلوا مرحبتين حبابكم نعلكم طيبين ؟ والله الغيبة كانت مو بى رضاى عيلى الشيىء الخرابة الاسمو الهكر دا هو الدهدهنى منكم يسعلنى ربى ! دحين قالولى عمى مامان , وعماد , والخدر , والبينييى منى , وكل الحبان جوا هينى وانا يا حيليلى ما كت فى !! وا مغايسى المالقيتكون وما ريجيتونى !! اسعيتى باقيلكم يا جماعة الخير دا كلام ؟؟؟ نهارى كلو احرس فيكم , ونهارة مرق ولاقونى الناس البيختفوا البوطان ولخبتوا للزول نضمو ويشيلوا كلامو البيقولو يخفسوبو الارض وما يلقاهو سهمى تيبنى , واصد للبيت ما القاكم ضمة الله ! والقاكم كمان خاتينلى وصية تقولولى فيها انى دغيلى ؟؟؟ نان انا الدغالة بجيبها من وين يا ربى ؟؟؟ باقيلى ماكون قعد تعرفونى ضمة !! باقى حديسك يا الخدر اخوى كيف وجعنى !!! لامن ويرد وراسى دا بس جايى ينفرطق , والا اقولك كان جاييى يقع ضمة !! عيلى بارك الله فى بينية ناس كرفس دى الله ياسع ايامها دخلتنى لا داخول وسوتلى شاى , وشحدتلى سفة من حومد صالح ! باقى حوقتى انطلقت من عيبى ساعة وقع فى الدرب , بس الرمانى شنو مانى عارفا , يا اخوانى ماشى فى مشيى بلا الصبى الشاطر يشيلنى فوق ويلبخبى الدلجى , قت يا سيدى الحسن تنجدنى وتلحقنى , اكان القالك بت كرفس واقفى قبلى تنفض فيى وتكلتنى على الدراييى دى لامن وصل لاعن عينيقريبى ورقدتنى يا يمه تتبارك , ربى يعدلها عليها شيقيش ما تقبل . الليلى امانى انهجملى هجمتن ساعة الصايح جاء فاييت بى قدام الحلى ! مرق انشرفلو وانصنت بلا اسمعلك الحى الله والدايم الله امنى بت الدغور راحت فى حق الله ! لفح طرقتى وجريت لاعن المتره وبقيت اشيل فى الواطا هين هين واسوى فوق راسى وابكى , والحريم كسرن فوقى يقالدن فييى ويسون فى الوييوب ! يا اخوانا الشقاوة دى يسوولها شنو ؟ عيلى عمى عبدارحمان قالهن يا حريم انتن مجنونات بتتكبسن فى البينييى كدى ليه ما تدنها الهوا ! اسعيتى القالكن المرا الماتت دى سرها منو ؟ حيتين انفرقن من فوقى . وشويتين كدى اشوفلك عمى كمبال وعم ود كروم راكبين الحمير البيض ومعاهم عميتى كاكا ساوى كسكسيقتها فوق راسها من الشمش شايلين الدهسيرى للبكى . ودا باقى السبب التانى الوهدبنى منكم . وصديت رميت حريفى وفرك مليحى المو خمج واحرس وارجا فيكم بلا القالك عمى مامان رابط الحمارة وشايلو قرطاسه فى ايديتو يشعرلو فى شعر والخلوق منلمى فوقو ويسوكتوا يصفقوا , عدما قرالو شوييى هن يصفقوا , عيلى والله كلاما سمح بالحيل . كمان بس مارن حيويشى وقت الاخدلى ريقيدة لامن الجنات والبينيى منى يجو بلا اشوفلك الخلوق منكسرى على درب الترك ! كوركلهن عيلى ما سمعونى شى , قت اخير اقفورون , يا يمة وليدا هول ناس ود ادم مكاتلو واحد هول المفنخاب ومجبنو بالخوسى فى بيطينتو فرضاليى وبجنا زيين وخلا فى بيكيينو وفات ! قالوا متكاتلين فى البرسيم , فحال حمارة وليد ود ادم اكلت من حوض البرسيم الليل المفنخاب , وقالوا يا زول امسك حمارتكن دى , وداك يقولو ماب امسكا , ويلا انفدقوا !!! الليلى ما شفتوا محن بنيتن هول ود ميريمى هيى سوغوويرى تبيعلها فى مقات , قتلها يا بت المقاتايى دى حمرا ؟ قالتلى انتى جاييى تبيعيها ولا ساكت ؟ قتلها جاييى ابيعها ان بقيتى بتقطعيها فحال اشوفها انبقت سمحى ببيعها , قالت لى انا مقاتايتى ماب اقطعها تشيليها لى اهلك تقطعيها هنوك فى بيتك ! قتلها نان انبقت مو حمرا وحلوى ؟ قالت لى انشاالله تلقيلك فيها كديسى ! انا مالى ومالك بعد ما تبيعيها منى ؟؟؟ شوفتو محن البت دى يا حبايبى دحين ؟؟؟؟؟ يا اخوانى ميليحى دا بيبرد والقيريريصى كمان ما تجوا لاداخول تملوا خشومكن !!! ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
أها رجعتي أ.... المبيريكة ..
عمنا مامان الله يطول في عمرو جانا صاد
ونور البكان تاني ..
وكمان شايفلي ريحة قصيدي فايحة اصالة هنا
من ولدن هول عمنا حسن يقولو كمال ..
قطع شك بجيها راجع تب .
لكن أ......ست البنات :
انتي مسعولا من الخير جناين
من الكرانديس ديل يقولولو
عماد ود عثمان ضمة اختفى من البلد ..
دحين عارفاهو مشى وين ؟؟ .
اها.. أ.....ستهن في أمان الله .
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
العم مامان , التحية ووالله طلتك غالى شديد , وكيف فرح وقت شوفتك قاعد وانبسط! وكتر خيرك على التصحيح وبلاص ليهو اعتذارى ( ويبقى عمرو طويل !) والله يديه طولة العمر والصحة . ___ الأخ كمال التحية والقصيدة رهيبى وسمحى ضمه ضمه ! وفاتت الأصل يباقلى لاقدام ! وقلبت على المواجع !!! وشكرا للمشاركة الجميلة والطلة الظريفة . وكلنا ان شاء الله راجعين فى النهايى ! ست البنات
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
ست البنات لاحدّهن تسلمي يا الأميره وأشكر الله القصيده عجبتك، لكن الأصل يظل هو الأصل، وتظل تلمس في دواخلك كل أوتارها ويا خيتي ما كت قاصد أقلب عليك المواجع لكن لي مدّه والله القصيده دي داير لي ناس من البلد ينتقدوها لي، لأنو درجة إحساسهم بيها بتكون أعلى من الباقين، ما عنصريه لكين (للعامل اللغوي والبيئي والإجتماعي وعوامل أخرى!!!) ولقيت الفرصه دي قلت اختها بين ايديكم وقلبي مفتوح لكل نقد(بناءه وهدّامه هاهاهاها)
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا كمال يا خوى والله نحنا الهدام عيلى فى الدميرى فقطن ! لكن ان جيت للحق القصيدى _
جميلى وموزونى
وتلمس أوتارحساسة فى النفس اللوامى والمطمئنى كمان وما يعيبها عيلى زولآ حاسد وعاقا لكن قاطعى القول يسعلنى ربى وما ديللا أخوى وحات الله انت شاعر ونص وان بقى فى زويلآ قالك غير كدى يبقى مضر ساكت!!
=========== ومسعول من الخير البنييى والجنات وينون ؟ الحريف جاء يبرد والعبور جاييى تدفق حيبيبة الملييح وترانى قاعدى احاحى فى الطير والعبور دى الله يقلعها قطعت حبلها , واساعيتى راجى وليد حومد احمد ود على قرافى يجى يفتللى سلبة غليدى فحال ألجمها بيها فحال تانى ما تزازينى فى حيبيبة الملييح دا ! وقوتلك ان بيقت شف البوطان ديل قولهون فسراع تعالوا فحال أنا شايلى صنب ومن هناك شايلى أبدوم الحوشاب لى بت شيخ سغيير أسالما واباركلها الحجى . والحريم راجاتنى فحال قالن ماهن دايرات ينأخرن فحال نمشى ونصد قبال الهجيرى ما تقع والصنانة .
ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
سلام اهل الدار لعلكم طيبين اخيتى ست البنات والله ستنا كلنا ما البنات براهم يا جماعة كدى اسع ماتلومونى ساكت أصبرولى اشرحلكم سبب تأخيرى الحقينى أولاً تبادى بحرف قريريصى وأملى البراد هو بالشاهى ياجماعة لكن ما إتلومتو خلاص فسراع أكلتو عارفنى براى ما بدور الأكل الحمدالله ... ... باع .. باع ألحقينى بالشاهى والله الليلى يا ست البنات جايبلك هديى معايا لكن ضمى ما بتقدرى عليوه تمباك الخرتوم باعو لى معاهو جنا عطايى . اولاً بالتبادى كنت بايت بره الحلى فوق الأركى حضرتلى لعبة ... بنيتاً لتاج السر اخدوها وسولا لعبة والله العريس جائى من الخرتوم جناياً لى سعدية بنت ابو القاسم والله جنس طمبور والحور العين يتمائل بعد داك نمت مع حبوبتى ست النور بنت ابو سوار واسع جايكم خابى فسراع الخدر ده مستعجل فوق شنو النقوم اشوفو قبل على وين
عماد كرنديس
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
ست البنات {لي حدهن} _____________________ شفت البوست من أول ما نزل ، لكن ترددت في الدخول ،الجماعة يقولوا الجعلي ده الجابو وسطنا شنو ، وفكرت أمشي أتشلخ وأجي ، بس الليلة اللبن غلب ، أصلو أخوكم ساهمت في تربيته مع أمه الجعلية حاجة أسماء أم شلوخآ مطارق، أم أخرى شايقية من جلاس أسمها سيدة بت جمال الدين وقيع الله وبرضو شلوخها مطارق ! حتى مرات عديدة الواحد بيكون ماقادر يحدد أمو منو فيهن ، ونسبة للعلاقة المتميزة بين الحنينات أسمه وسيدة بت الجمال كما يحلو لأسمه مناداتها فتم تآخي جميل بيننا نحن أولاد اسماء وبين أولاد سيدة بت الجمال وأبوهم محمد الحسن وداعة الله ، فيصل قانوني وإداري فذ في سوداتل وحيدرمهندس ومدير الهواء السائل وأحمد طبيب في هولندا ونجاة مهندسة زراعية ومسئولة في البنك الزراعي وأنور ضابط شرطة متقاعد ويعمل في كندا وزين العابدين وده سمتو سيدة على عمها زين العابدين وقيع الله من أعيان السجانة ، وما شاء الله تبارك الله جميع أخواني من سيدة نجباء وشطار وأذكياء تخرجوا من الجامعات وتبؤا أعلى المناصب ، والقصة تعمقت فبعضنا رضع من هذه الأم وتلك وصارت هناك أخوة رضاع ، مش قت ليكم اللبن بيحن! كانت ايام سعدنا حينما تأتي {أمي} دار النعيم ،والدة أمي سيدة من البلدجايبه لينا معاها قراصة التمر والدفيق والدوم وهي رحمها الله وطيب ثراها كانت رائعة الجمال بيضاء طويلة لم تورث سيدة طولها الفاره. العلاقة تجاوزتنا نحن الجيران ووصلت لجميع الأهل من الطرفين ، عادي كنا نمشي مع ناس فيصل إلى السجانة حيث بيت جدهم زين العابدين وقيع الله ونمر على بيوت أعمامهم هناك ، وفيصل وحيدر واخوانهم نجدهم عند خالاتنا في المايقوما ، وفي مناسباتنا بيكون وجود فيصل أهم من وجودي ، أما الخال جعفر جمال الدين فقد كان عواد ماهر وإشتهر بأغنية يا مريا وورث أولاد أختو حب الفن من ناحية أخرى فجميعهم رسامين مجيدين ضلوا عن كلية الفنون الجميلة. حفظ الله لنا اسمه وسيدة أفضل واروع صديقات وأحن أمهات . عماد كرنديس _________________ والعلاقة مع الشايقية إمتدت وشملت آل مدني عن طريق العزيز عبدالرحيم محمد الحسن مدني وفعرفنا أولاد التهامي مدني ، الفريق عباس مدني ، اللواء الخير مدني وكمال مدني وتآخينا في حي واحد ، وعن طريق عبدالرحيم عرفنا عادل عبدالرحمن كرنديس وهو حا يحكي ليك عن تلك العلاقات التي نورت أيامنا ومازالت وصديقي العزيز رفيق أحلى الأيام عبدالروؤف ابراهيم جميل وجميع أهله الجميلاب
الزاكي : نايل ون: _____________ حي القنا مربع سبعة؟! تعال لي قدام مربع خمسة ، والقنا عاصمة الخرطوم الحضارية ،وعبرك التحية لذكرى الراحل العزيز بدرالدين حسن عباس ، بدر القنا ولرفيقه في الفن والغناء الجميل سيف الدين بشير . أظن مرة قلت ليك إنك من ناس الوطن وأظن برضو كنت حارس مرمى ، أو هو زاكي آخر ، ومن الدفعة محمد عبدالحليم المكي ويحي عبدالحليم الحسن والتاج بشير وابوالقاسم أخو حربي ، نحن من ناس الرعد لكن لعبنا في البرنس فريق اليسار والطلبة
خضر عطا المنان ________________ أيام حلوة يا أبو خضرة مازالت في البال ، لك التحية وعبرك لتلك الكوكبة النيرة من اولاد الديم في نهاية الستينات ، مش؟!
نسيت أقول ان حبوبتي أم أبوي شايقية من حلفاية الملوك ، خطفها جدي بركات وأسكنها العسال وكانت تترفع على نساء العسال بإعتبارهن أعرابيات ساكت وهي بت ملوك النيل وأخت البدر
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
وعووووك يا أب نعوف ، ومنى ، والخدر ، وعماد ، ونايل(1) ، وعمى مامان ، والآخرين !!!
أمـاني ياسـت البنـات خـيتي وخيـاني كلكم مافـاتتكم بركـة ود سـيدى عـلي مـاجـانا يـا دي وحـدثنا شـي يقولولو اتفاقية سـلام 88 وشتن فـي أسـمرا وشـتن فـي مصـر وشـتن مـع المرحـوم الشـيخ زايـد ونـهايتن بدكـتور قـرنق وشـتن تاني غالـبني أجـيب إسـمه بيجـبلي الحمي جـماعتن كـدي قامو يفـرفرو قال درين يسـألـوا أسـئلة ما في المصـلحة ردالهـم رد مـختسـر عـلي لكـين مـا سـكتو قالـهم المـوضـوع انتـهي أهـا سـكتوا ضـمه
I did a lot of effort to write these three lines, it took me more than half an hour, don't expect me in the near future to write in Arabic! I missed you all very much. Muna
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا منى مرحب ، جييدن جييتى يا يمه كييف مشتهاك الله يعلم ! وواااا حلالى منكن يالشوفتوا وليد سيدى ! يا يمه يلحقنى وينجدنى ! الرسول يا منى ما تجيبيلى من موية وضوهو شيوييى ، وتخرتيلك من الطين الاتوضا فوقو هو ، وترسيلى لى بيبابور البحر الجاييى بى كريمى ، وسوي فى طرد وختى الطرد فى مجوز واكتبى فوقو مترة الكروماب وساقة السماعريت ، وينجدنا وينجح وليدات المدارس عد ما يبقوا . وبركة الجيتينا يا خيتى ، أمانى كت كيف متوحدى . يا منى دحين ما شفتى اب نعوف شى ??? ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
أبو ساندرا تحياتي
أنا هو زاكي ديم القنا والوطن يا أبا ساندرا.....لطلما حملقت في وجهك إحساسا مني بأنني اعرف صاحب هذا الوجه ولكن....الذاكرة عفا عليها الزمن...أرجو أن نتواصل دائما...
والجميل الآن في الموضوع أن الأخ عادل عبد الرحمن كرنديس جاري في مربع 28 بالصحافة وأنا في مربع 27 ولطالما جلست مع العم عبد الرحمن كرنديس أمام منزلهم أبادله الود..أحمل اليه التحايا من الوالد عليه رحمة الله وأعود منه محملا باطيب المشاعر إلى الوالد ..إذ كان شارع منزلهم العامر هو قناة الوصل بيننا وبين الشارع الرئيسي..صباحا ومساءا ..هذا عدا عن كوننا جميعا أهل..و....عموما عادل من جيل قد لا يتذكرنا إذ غادرنا السودان منذ بداية الثمانينات....ومنى خوجلي أيضا قد لا تتذكرنا لصغر سنها آنذاك أيام الديوم الشرقية....تحياتي وودي لكم جميعا..ولكم الحب أكمله فعبركم تنسمت عبير أناس أعزاء وأيام غاليات..أسال الله أن نلتقي تحت الضوء في نهاية هذا النفق المظلم..أقال الله عثرات الوطن وهيأ له مخرجا وفرجا فريبا
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
أبو ساندرا تحياتي
أنا هو زاكي ديم القنا والوطن يا أبا ساندرا.....لطلما حملقت في وجهك إحساسا مني بأنني اعرف صاحب هذا الوجه ولكن....الذاكرة عفا عليها الزمن...أرجو أن نتواصل دائما...
والجميل الآن في الموضوع أن الأخ عادل عبد الرحمن كرنديس جاري في مربع 28 بالصحافة وأنا في مربع 27 ولطالما جلست مع العم عبد الرحمن كرنديس أمام منزلهم أبادله الود..أحمل اليه التحايا من الوالد عليه رحمة الله وأعود منه محملا باطيب المشاعر إلى الوالد ..إذ كان شارع منزلهم العامر هو قناة الوصل بيننا وبين الشارع الرئيسي..صباحا ومساءا ..هذا عدا عن كوننا جميعا أهل..و....عموما عادل من جيل قد لا يتذكرنا إذ غادرنا السودان منذ بداية الثمانينات....ومنى خوجلي أيضا قد لا تتذكرنا لصغر سنها آنذاك أيام الديوم الشرقية....تحياتي وودي لكم جميعا..ولكم الحب أكمله فعبركم تنسمت عبير أناس أعزاء وأيام غاليات..أسال الله أن نلتقي تحت الضوء في نهاية هذا النفق المظلم..أقال الله عثرات الوطن وهيأ له مخرجا وفرجا فريبا
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
السلام عليكم هوي ست البنات لي حدّهن، إنشالله قراصتك الليلي كتيري، باقي معاي ضيفا من ناس (المقل)، جاني الليلي في الأركي وحلفت عليه النجي ناكلّنا لقمه من حرفك، ونقابل فد مره ناس عمنا مامان وناس خدر ومنى وعمادأصلو ضيفي (حميد) ده راجلا أديب بالحيل ومبدع من ناس المقل، انا كت وصفتلو بيتنا في ساقة حسن جم دومة (ود الكندري) جا لقى عندي المويه، وقفت بابوري، وخليت الخدار عطشان باقي هو زولا مو هين، وانا زاتي مشتهي لي لقمتين من سبروقك الطاعم، اها طلعنا لافوق علي البيوت، وغشينا حمارتو كان رابطه في مراح ود الفقير، وخاتلا ورتابة ومخدرلها بي شوية برسيم، خليتو يطلق في حمارتو ومشيت جبت الليلتي،سقيناهم من دروة بير ناس (سعيد وحمّده) وقتلو من دربنا ده لا عندكم، وجابني بي دربا قريب خلي اليوصفو ليكم (اصلو باقي أنا طير صعيد ساكت) ما بعرف المشاققات، المره الجايه تجوني بيهو، قبّال الوصف داير اقول لي عماد ((آآآلمطرطش تجي تبيت عند عمتي ست نور بت ابوسوار، وماتجيني في البيت، إلا أشوفك في الحفله، بي بنطلونك وسط الجلاليب، وعند الركزي لي السوط، بلعتك المتره، وضمّه مابانلك أتر، عفففففو آآآلعمده)) أها اللخليكم مع (حمّيد) ومشاققتو حمّيد :- سلام جاكم آآلحبان، والقرّاصه أنا مني ليها زمان وقم سرجت للخبّابه وأمنتو، خوف الوقعه بي البطّان باقي عقب كبرت خلاس، ومن الجوع تصيبني الدوشه والدوخان (تف) تفيت للسفه، ومضمضت الخشم بتفان ***** فوق لي السرج خلف كراع وختيت عليها التاني ومسكت الدرب التحت عشان أقرب من الفوقاني وإتفاديت عصارا لاوي الله معاي ما تغشاني هو مشوارا قريب مو بعيد خمسه دقايق وسبعه ثواني طب طبّيت في الراكوبه الفيها السعف مدّاني فوق بنبر تلات كرعين إتوهط ومن الوقعه ما همّاني وعارف مابقع وجنبي أبو الرجال (مامان)
أها السكي دي ياها دربي من زمان لي سوق التلاتا في تنقاسي، وكت من يوم الإتنين أمشي ضريح ولاد شيخنا في الأراك إتبرّك منو وابرّك جيب عراقيي، واقول كدي، من محلّي داك أغشى ولاد ود حمّاد في المقل،إن كان عندهن لوريا شايل السوق، وكان ما لقيت‘ فوق سرجي ده‘ أمشي بي فوق البخيت، وحزيمه وفي الزومه آخدلي غمده، وعند شق الصباح أطلّب الله، ويا البنطون الفي الكرو جاك زول، وقهوتي في سوق تنقاسي، مرّه من غير سكّر(بنجقلي) البنجقلي شرابو مر وياحلاة شربو مع التمر كمال :- والله الداهي اللسممو حميد ده ما قالّكم سوّى شنو وخلى شنو في دربو،أول شي كدي اليختلو لقيمي في بطينتو دي، وبعد داك اليحكيلكم إنتي آآست البنات لا حدهن، دحين قراصتك قمح صافي ولّلا فيها شوية مريق، باقي اللت المرّه الفاتت كان سوتلي الحيرقان، إلا لحقتو بي جغمة لبيني
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
نايل ون لك كل التحايا والود كل هذه المحطات أجدني أشترك معك فيها ديم القنا برغم أنني ولدت هناك ورحلنا عنه إلى الصحافه مربع 22 وعمري وقتها لم يتجاوز الخمس أعوام ثم أهلي أبناء كرنديس ، درس معي بالمتوسطه عوض كرنديس ولا أدعي إن قلت لك 95% من هذه الأسماء التي وردت هنا تربطني بهم صلة قرابة- بعدت أو قربت، ولا أفشي سرا إن قلت أنه - بحكم خروج مبكّر عن أرض الوطن- أحتاج لمن يزودني تفاصيل صلاة القربى هذه
قبل الله دعوتك..................جميعها
ولك ودّي
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
السلام عليكم كيفنكم لعلكم بخير والله الليلى الدار عامرى خلاص الله يدوم المحنة
كيف حالك ابوساندرا انشاءالله الوليدات طيبين والله يا نايل مشتاقين اخبار يا كمال انشاءالله اهلى كلهم طيبين البنيى منى كيفنك انشالله بطانك طيبين ويا منى ما لا كتابتك فى البكان البتكتبو فوقه لتابتن كتر متل كتابة الترك ما تسويها بالعربى الخدر اخوى لعلك زين والله يا جماعة ماتلومنى ساكت على التأخير .... ست البنوت اخيتى لعلك طيبى والله قراصتك كضاب من ياباها لكن جيت شاقى السوق لقيت جنى عبدالحفيض ضابحلو بهيمةً سمينى بعتى لى منو فخيدى والله ان شويتيها لينا ومعاها فقشة بصيلى وشطيطى النفك بيها الشىْ الفى روسنا دا والله البارح اتعطنى جنس عطنة... اسكتو خلوها ساكت والله ناقصة صعوت الخرتوم بس ***** كيف اخباركم ابو ساندرا ازى الحال انت وكت بتعرف خالتى سيدى بت جمال الدين وبطانه كيفن مابتخبرنى ما لاقيتنى ... انا ما لاقيتك فى بيت خدر جمال الدين فى الحاج يوسف ولعبنا كشتينى فى بيت كمال مدنى ومرة كمان فى بيت خالى يحيى موسى وعادل كرنديس ولد عمى لزم ولا كيف يا الزاكى نايل ناس الوطن ... طبعاً نحن ناس النيران وشلة فتاح الفولى ( بوكو ) وناس محمد عبدالحليم والمرحوم- عابدين عبد العظيم ... ودكان جون فوق سوق القنا وبهناك محجوب احمد البشير يا خدر يا اخوى ... الجماعة ديل ما بيعرفو اهلهم كان مشينا نحسب الشىْ ده ما عندو نهايى .. يا ست البنات ... الحقينا بالشاهى ويا نايل طبعا عمك عبد الرحمن ده عمى طوالى وهناك بقدام اعمامنا تاج السر وجعفر ودشيخنا كيفك كمال ودعمى حسن علىَ انا وقت جيت فوق الاركى كانو معايا جنياتاً كتار خلاص وبعدين كنا فوق اللعبة وبين وبيتك كنا شربانين صنقرنا فوق القوز القبلكم وقمنا بجالون وقلنا يمكن يكون عمى حسن صاحى يقوم يشم ريحة السم الهارى فوقنا عشان كدى بيتنا عند عمتك ست نور بت ابوسوار ... ست البنوت كلهن ما تدى اخيك سفة صعوت باقى صعوتى خلص .... اخوكم / عماد كرنديس
| |
|
|
|
|
|
|
Re: هدية الى أهالى جلاس وخضر عطا المنان (Re: عماد عثمان)
|
عوووووووووووووك .. وتاني عوووووووووووك
وين يا ستهن ؟؟؟؟ نعل ماعندك عوجي ؟؟؟؟؟
المهم شايف الحلقة اتوسعت .. والدارة كبرت بحليل ..
أها كمان جونا ناسن واحدين اظنهن شمو ريحة قريرصتك
فوق الصاج .. او كمان شمو ريحة سفة ودعماري الليل
أخوناعماد الكارب دا !!
عندنا ضيوف ومعاهم اخونا الفنان صديق أحمد بى جلالة قدرو ..
فسرع تعالي راجعي أ... ست البنات :
ديامي
ياسيكو
ديل كمان شرفونا بى غادي .. وبنيتك بت عمنا عوض خوجلي
وعوووووووك : ناس أبوساندرا والزاكي (نايل ون ) وعماد
وشاعرنا كمال حسن معاهو شافعو الحليو دا ..
قوامك تعالي ياستهن نحناهني كلنا قاعدين راجنك
على جمرن تهبو الريح ..
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
العزيز خضر ______________ طيب ، آ ... الغبيان ، فيصل ودسيدة بت الجمال هو ذاته حارس مرمانا الذي أولج زولكم المحترف القنبلجي في مرماه نصف دستة ، وأخوه الباشمهندس حيدر كان لأعب الوسط الفنان ، ولو بارى حيدر الكورة لكان أفضل لعب وسط في السودان تمرك بي وين يا سلباط ،ده حق أمي دار النعيم عبدالرحيم الجماعة أحالوه للصالح العام برتبة عقيد ، موجود في أبوآدم وبنتقابل عند كل زيارة ، ووالده العم الصديق الراحل محمد الحسن مدني ، ربطتني به علاقة وطيدة وكان شاهدي في عقد الزواج ، وناس الديم الأوفياء عزوني فيه وشالو معاي الفاتحة زي عبدالرحيم واحد الدنقلاوية الحريفة رشيدة كاوشتني وما أدت الشايقيات فرصة مع اني بحبهن وبعزهن
ست البنات ----------- شايقية بسحنة حبش ،،يا للجمال ،أستحق البازبورتي زي ما قال أبوخضرة لا بسبب حبوبتي الشايقية لكن بسبب علاقاتي الوطيدة مع كل بطون الشايقية ، وأسألي حميد يقول ليك وانا شلت منو الجنسية زمان
الزاكي /نايل ون __________ ياكا ذاتك ، ما تغيرت حاجة في مربع سبعة القدامي عرفت ناس فتاح بوكو وهم أصحاب عزاز جدآ ودفع الله وشروم وفي ذات المربع أقرباء لي ناس مصطفى الضقيل ،ومربع سبعة الوراني ناس ميرغني عبيدالله ، لكن أقوى علاقاتي كانت ومازالت في مربعات 8 ، ناس حوش حمد عبدالمنعم بكالداس وعزالدين حمزة ، وناس حسن عطالمنان والد الصديق عوض حسن وخال أولاد كوكو وناس إستاذ عبدالعزيز سكرتير إمتحانات السودان وشقيقة الصديق الصدوق ميرغني وإستاذ عثمان ، والعلاقات قديمة منذ ةايام ناس صلاح وراق وسلام حسن العطا ، شفت مذاكر كيف من الأصدقاء العم عبدالحليم العبيد ، لي معه حوار سياسي متصل كل من موقعه
عماد كرنديس : ____________ الآ رحم الله عابدين عبدالعظيم ، أول مرة أعرف ،قابلته قبل 3 سنوات تقريبآ ، وعابدين لعب دور متميز وسط الناشئين . أولاد بت مكوار أهل وحبايب وفجعت للرحيل المبكر لتماضر وأحر التعازي لكم أما أولاد ودشيخنا فربطتني صداقات مع عبدالسلام {صلاح} تاج السر الرقيق المهذب ومع أولاد شيخ جعفر ، اللواء عمر ، محمد ، ياسر ، معاوية يوم الكشتينة في بيت خضر جما الدين بخرته ولكن حضرت مناسبات عديدة عند الراحل العزيز خضر وعند الراحل الياس جمال الدين عادل { قون تيس} قابلته قبل سنتين في مكتبه في الخرطوم محامي تفتيحه أها بستاهل الزواج ولا ، لا
| |
|
|
|
|
|
|
Re: هدية الى أهالى جلاس وخضر عطا المنان (Re: أبو ساندرا)
|
احبائى
اختكم مزنوقة زنقة الحكومة مع قرنق عندى شغل كتير للتسليم للجامعة الله يقلعها قراية الكبر
الـزاكـي أخـوي
أنـا جـيت كـتير الديـم كـايسـة الجـيران وكمان أحـاول أسـتعـيد ذكـري جـميلة مـن طـفولة بعـيدة تصـدق فـي ناس شـفتهم السـنة الفـاتت مشـيت خبطت أبوابـهم سـلمت عليهم بالأحـضان وأنـا أسـمائهم ما عارفـاها
I feel there are some missing words in my Arabic writing, I wanted to say that I met with some of those I played with when I was less than five years old, but the majority of the neighbours I did not recognize, some of them were very young and others were very old, where did the majority of my generation go?? I promise to come back to you end of the day,
| |
|
|
|
|
|
|
Re: هدية الى أهالى جلاس وخضر عطا المنان (Re: shiry)
|
Quote: كل سنة وانت طيبة وجميع اهلي الشايقست الحنان
شيري
|
أها ...... حتى كمان ناس البت الحتة
اللسمها شيري دي كمان أ..ست البنات
يي دي الجات طلت علينا .. لكن يا ربي
هي شايقيي كمان ؟؟ وتكون من وين أ...ستهن ؟؟
شكرا آ.....شيري على طلتك البهية .
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ديامي)
|
عمـاد ود أمـى إن كانلي مـراد كـتابتي كلها تـكـون بالعربـي القصـيت عـمري كلو اتعلـم فيه علي غلـبتني الكتـا به بيهو آها خـيي مابتلقـالي العـذر في الكتابي الغريبي دي لامن اتعلم ودعتك إنت وخـياني كلكـمفيمان الله وقـول لي خيتى السـمحة الوديعة المتـل الحـبوبات في حـنانا أنا بجـيها صاد
I apologise for the spelling mistakes, you have to bear with me, because I enjoy being with you wa ana miskeena lazim atalam Arabi
Muna
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
Quote: احبائى اختكم مزنوقة زنقة الحكومة مع قرنق عندى شغل كتير للتسليم للجامعة الله يقلعها قراية الكبر
I feel there are some missing words in my Arabic writing, I wanted to say that I met with some of those I played with when I was less than five years old, but the majority of the neighbours I did not recognize, some of them were very young and others were very old, where did the majority of my generation go?? I promise to come back to you end of the day,
|
أها..آ.....ست البنات وقعلك كلامي ؟؟؟
بتن لى عمنا عوض خوجلي يقولولا منى ياها تسوي في زي الخدمي دي
تكتبلنا في كلام الطير في الباقير دا !!! اسع اها دا يي شنو ؟؟
يقرو كيفن دا آ.... ست البنات ؟؟ .. يزعلني الله الشي رطاني عديل !!!.
الله يجازيهن ناس لنضن ديل ان كان يودو الزول للقرايةبعد يكبر !!!!.
عليك الله آ.....منى ان بقى ما عدلتي كتابتك دي زي الناس فشان نفهمها شويي !!.
السلام ليكن كلكن .. لامن اقابلكن ..
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: أبو ساندرا)
|
Quote: الدنقلاوية الحريفة رشيدة كاوشتني وما أدت الشايقيات فرصة مع اني بحبهن وبعزهن ..
|
والله دنقلاوية شديدي ولضيضي .. عفيت منك أ... رشيدي
وان شاء الله لاتفوتي لا تموتي .. ان كان قلعتيهو مننا
الزول دا عديل ... غايتو زي قوة عينكن انتن أ.. الدنقلاويات
انا ماشفتو تب !!!!.
أبو ساندار : وكتين الله مرقك من بناتنا ديل أوصيك أبقى عشرة
على رشيدي !!! وخلى طيارة العين دي !!!!.
هو أصلو بعد كدي تاني شايقية بتقبلبك مافي ضمة !!!.
سلام ولينا رجعة ليك ..
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا حيليلكون يا الحبان ، سلام وهرحبتين ، الله يغزركون سمحتولى بوكانى ! نايل (1) ----- حبابك ، تراكا لقيتلك أصحاب ومعارف فى لقدابتى دى ! لا تغيب شى . كمال حسن ------ حباب ناس الأركى والمقل والحجير كمان ، وحليل ناس الكرو وتنقاسى !! الرسول ان بقيت شايل سوق تنقاسى تانى كورك لى لاب نعوف ! ويا حليل حميد الجدع الطيب ! ديامى ----- يديك الخير ويعصر قيليبك بى حريفا حار ويعدلا عليك شقيش ما قبل ! ياسيكو ------- ووليدا مو زيك وشبه ويشيك ان شاء الله ينقص ، والله يطول عيميرك ويخليك لى ايميمتك المرا العديلى الطيبى !
عماد عثمان ---------- الشاى مرق ! عيلى عطين الروسين فى شنو ?? رسلك حوقة مع اب نعوف أول البارح ما جابا ليك ? الجنى دا يبقى مورود يا اخوانى !!!
الخدر ------ يا يابا تنبارك ! جبتالنا صديق احمد ? أها ادو الطنبور الينقرشلنا فييو شيوييى . انا ما مرق ضومة ! يانى دى حارساكون من الدوغوش !
أبو ساندرا --------- انت ساندرا يا مينو ? الشى دا اسمن كوتور !!! والجنسييى ان بقى اداك ياها حيميد ، بس ياها احسن شى !! عيلى عماد كان يقول لى حيميد يجى يحضر العنبلوك الضبحو دا ! فحال حيميد بيريد اللحم ! مرة قاللى ( انا بريد اللحم -- أكان ليقيتلى شيدارت لحم !!!)
منى ----- الحيكومة مو زانقا قون جرنق وححدو ! الحيكومة زانقا بوش كمان وقالهون اكتبوا القرطاسة دى فسراع قبال بزاقى دا ما ييبس ! والا اساعيتى اجيبلكون عبد العيش !!باقى هو مستعجل فحال شايل السوق يجيب الهنابيك اللات عيد الميلاد لى قونقوليسة الشى ام وشيا محنوف ديك ! ساويى سينيناتا المبشتنات ديل ومادى كشرا عيلى امبوعولو كدى !! دحين بجيبلها هنابيك شى ? والله ان بقيت انا عيللى اقددن ليها كللاهن واديها ياهن !
شيرى ---- سلام مربع ومدور ومخطط كمان ! والله كيف فرح بى رجعتك ! انتى شيلتى البلد لى حش التمر ?? بس كل يوم ارجينا فى البيكيين دا ، تاكليلك قريريصى حارة وتشربيلك شايا سمح مو خمج !
ديامى ----- يا اخوى عجلان مالك ? بس ما تقولنا سلام ? أفىء عليك يا خوى ! لكن برضو ماب نتلوم معاك وكت جييت لا عندنا على القسم ما تمرق من هينى قبال ما تاكل معانا ! وتشيل الدفيقات لى حبوبتك بت ود اب زيت ، وقولها العز البعناها منك سمحى ولبنا سمح !
----- ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
طـريقـة عـمل القـراصـة المـخـمـرة
نصـف كـيلو دقـيق معلقة كـبيرة اللات بيكنج بـودر كـباية زبـادي كـبيرة
تلاتة معالق كبيرة اللت شمار اخدر قوى وسمح متل الليلنا حق الزومة 10 معالق كبيييييرة اللت سكر
نص كباي سمن بلدى اصلى وما تنسي الملح والفلفل الاسود شى اها تقومى تلخبيتيهن كلهن سوا وتختى العجنة فى مكان دافى لمدة نص ساعة ( لا تختى السمن مع الخلتة) اها يا دى فى النص ساعة دى تكونى ولعتى الحطب تحت الصاج اها وقت يبقى حار وجاهز للعواسة تبدى تعوسى وطرقة القراصة لازم تكون حمرا فى وشيها وفى ضهرا اها تقومى يا دى قبال تنزلى الطرقة من النار تغرقيها بالسمن الكان فى الكبايى اولى اها وتسوى سواتك دى لامن عجينك يكمل
الرسول بعد اك تورينى عجبتك ولا ما عجبتك
منى بت جارة بت عاشة
| |
|
|
|
|
|
|
Re: هدية الى أهالى جلاس وخضر عطا المنان (Re: Muna Khugali)
|
Quote: الرسول بعد اك تورينى عجبتك ولا ما عجبتك
منى بت جارة بت عاشة
|
أخيتي منى : أنا غايتو ما بعرف ستهن دي
لكن أن كان لي أنا بس من دربي دا وعلى لنضن
وأرجيني بالقراصي السمحي الحلوة دي ..
دي ماها شيتن يتفات ضمة ..
يلا أنا في الدرب ..
خضرعطا المنان
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
يا بينية جارة خالتى تسلمى ، وقراصتك سمحى بالحيل ! ان شالله تكونى اديتى وليد سيدى الجاكون دا فكشى منها كيف سمحى ،والسيمينى البلدييى وريحتا حيلويى خلاس ،دى لقيتينها وين ? قعد تخوشن اللبن فى لوندون يا ربى ? ولا مشيتن بى بيقيراتكن لاهيناك ? ان شالله تكونن زارعاتنلكن حيويض برسيم كمان !! أها أخرتيلى دفيقات الاقروشن مع حبة الترمس السوتا لى العافى بت هلالة دى ! وسلميلى على امك وابوك واخياتك ، ولا باكر بصدلك . ست البنات .
| |
|
|
|
|
|
|
Re: هدية الى أهالى جلاس وخضر عطا المنان (Re: ست البنات)
|
ٍسلام عليكون ، وكل يوم وكل شهر تبقوا طيبين وتاميين ولاميين ! باقى نحنا السنة الجديدى جاتنا ليها يبقى ساعتين اتنين ! نحنا اصلنا فى خشم الدنيا وطرف الأخرة ! باقيلى ان جاء شى بس يجغمنا اول ناس !البلد النحنا فيها دى بعيدى خلاس !!! دابى رجع من وسط المدينة الخلوق كولهون كورجا محتفلين ، ويزغرتو ويكوركو الحريم والرجال والبطان ! الدينى مقلوبة ، عيلى مواصلات حبيبكون كل شى راقد ! والليلى حكمة الله كلها مجان بلا قيروش ! لا ملين لا عشرة ! فحال الزحمة والخلق كارات كارات فريد ويحيدن قدر يسوقلو عربييى مافى , كولهون فى المواصلات الراقدى دى !! الله يسويلنا جنس دا فى بلدنا بركة جدى شيخ منور اب شعفى ! أمانى جنس لوعوبن اسما النارييى ! بس يجضعولون شيء كدى فى السمى والنيران والشرار ينطلقن فوق التخا يغتن السمى ويلا يلهليبن .الدينى كلها تبقبق ! وشى اخدر وشى احمر وشى ماب اعرفو شنو داك .. يا يمة الناس جنو . غايتو ربى يجعلا سنتن سعيدى وبخيتى علينا وعليكم وعلى جميع الخلق . وصديت من لابرة دابى وكتبلكون القصيدى دى ... راجى ربى تعجبكون _
من جروف فتنى وقرافى من رويس تنقاسى جاييى شايلى مد اليل مشاعر وهين محبة وجوز وئام --- ودافنى فى القفة السماحة وحفنة الفرح المعبا للبطان -- وفوق عواتق أمة شايلة كوم هموم راجية السلام -- كل هم يوزن قبيلة كل قبيلة وراء قبيلة تسوى ثروة وناس أصيلة --- مابتعرف شن تسوى فى البلد الحالو مايل نصو الام ونصو أوجاع وكل ميلا فيه حاصل --- لا تلاميذ فى مدارس يلقو كراس أو دواية لا مريض فى المشفى راقد طابلو جرحو لا طبيب فد مرة جاهو ولا عرفو ---- لا بشاير فرحة طلت فى الشوارع والمصانع ---- بس عساكر فى عساكر لاب تفكر لاب تفاكر داقسة بس من غير فهم مانعة للناس قول بيغم زى جدادى وسيمبيريى وكاشى جنبها جوز رخم -----
ست البنات .
| |
|
|
|
|
|
|
|