|
|
 ويوم طليتـــي
|
ويوم طليتي
ويوم طليتي هالة نور تشيع البهره والدهشــه …
مدارات من حنان فياض يغازل الفرحه والرعشــه …
عزف وتر القصيد فينــي ..
صدح جوايّ صوت عصفور …
بيرشف من رحيق حرفك ..
واحتارت حروفي الخجلى في وصفك …
واتخيلك ……
على صورة ملاك طاهر مضمخ بالعطر ممهور ..
حمل كل السـجايا الناصعه شيلة فال وجانا يزور …
يوزع في هدايا العيد .. باقات فرحه تتنزل أنس وحبور …
حنان ما بيعرفوه الناس .. يضمد في قليب مكســور ..
وإبداع يعجز الإبداع …
منح زهر الربيع رونق وأهدى بهاء لغيد الحور ..
وشم صدق الحنايا العامره بالإحساس بأحلى شعور …
رسم للريم عيون نجلاء وأسس للجمال دستور …
نضم عقد القصايد الخالده في التاريخ بروح النور …
وهب للغيم سحابة طل .. وبدر الليل شعاع بللور …
نسج للنيل رداء من جود .. وطرز من ضفافه زهور …
وأهدى عيوني دمعة ريد … تكابر تكشف المســتور …
عزف وتر القصيد فيني …
صدح جوايّ صوت عصفور …
بينهل من رحيق حرفك …
واحتارت حروفي الخجلى في وصفك …
إدريس محمد إبراهيم
|
|
 
|
|
|
|
|
|
|
 Re: ويوم طليتـــي (Re: Muna Khugali)
|
Quote: إدريس ياجميل...
ناديت مـني الصـغيرة ...
تعالي شـوفي إدريس أخـونـا قلبه وكـلامه حـلوين كيف!
مـني |
كم سعيد أنا بمحبتكم جميعاً يا منى ... شكراً على المرور الجميل ... وكوني دائماً بألف خير ؛؛؛
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
واتخيلك ……
على صورة ملاك طاهر مضمخ بالعطر ممهور ..
حمل كل السـجايا الناصعه شيلة فال وجانا يزور …
يوزع في هدايا العيد .. باقات فرحه تتنزل أنس وحبور …
حنان ما بيعرفوه الناس .. يضمد في قليب مكســور ..
وإبداع يعجز الإبداع …
لك كل الحب .... فانت جميل ومبدع
| |
|
|
|
|
|
|
|
|
|
Re: ويوم طليتـــي (Re: تولوس)
|
| Quote: لك كل الحب .... فانت جميل ومبدع |
ولك كل الحب وأجمل المنى أخي تولوس ... شكراً للمرور والتشجيع الباهي ... دمت لي أبداً أخاً وصديقاً ....
مع خالص أمنياتي القلبية لك ولجميع من خولك ومن تحب .
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
| Quote: وأهدى عيوني دمعة ريد … تكابر تكشف المســتور … |
عمياء أنتي الا تري قلبي تجمع في عيوني؟!
ما أروع أن يتجمع القلب في العيون .. وينكشف المستور ..
(وكيف إحساس تحسو الناس يعيش مكتوم وما ظاهر)
وأنا عنك ما حدثتهم لكنهم لمحوك تغتسلين في أحداقي
يا زول أهدي عيونك أي حاجة .. وخلي البحصل يحصل ..
ما أجمل .. أن نردد مع شيخنا محجوب شريف
(جيتك عاشق أتعلم من الأيام ومن سأم الليالي البور) .. أو
وسلميلي على حبايب
في زوايا المغربية
قولي ليهم حبوا غنوا
الدنيا مازالت نديه
ويا إدريس .. العاشقون رفاق .. والمصري أحمد فؤاد نجم الذي قال فيه محجوب شريف:
طير يا حمام ودي السلام للشيخ فؤاد وأحمد إمام .. هو الذي يقول:
ما أحلى القصايد في الشدايد والغنا
ما أحلى الكلام الحب أوقات الشقا
| |
|
|
|
|
|
|
|
|
|
Re: ويوم طليتـــي (Re: Mohamed Abdelgaleel)
|
Quote: أنا عنك ما حدثتهم لكنهم لمحوك تغتسلين في أحداقي
يا زول أهدي عيونك أي حاجة .. وخلي البحصل يحصل .. |
والله يا محمد أنا بطبعي راجل بموت في العيون .. والله إنت كان شفت عيون الزوله دي ما بعرف الكان بيحصل ليك شنو ... حاجه كده خلقت فقط وبمواصفات خاصة جداً لإسعاد العبد لله ... الله يبتليك بعيون متلن يقللن نومك ويطولن سهادك ..في رحلة المعاناه الجميله ...
شكراً أستاذنا محمد على مرورك الجميل ودمت لي أخاً وصديقاً حبيباً ...
وارقد عافيه ؛؛؛
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: رسم للريم عيون نجلاء وأسس للجمال دستور …
نضم عقد القصايد الخالده في التاريخ بروح النور …
وهب للغيم سحابة طل .. وبدر الليل شعاع بللور …
نسج للنيل رداء من جود .. وطرز من ضفافه زهور …
وأهدى عيوني دمعة ريد … تكابر تكشف المســتور …
عزف وتر القصيد فيني …
صدح جوايّ صوت عصفور … |
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
| Quote: والله يا محمد أنا بطبعي راجل بموت في العيون .. والله إنت كان شفت عيون الزوله دي ما بعرف الكان بيحصل ليك شنو ... حاجه كده خلقت فقط وبمواصفات خاصة جداً لإسعاد العبد لله ... الله يبتليك بعيون متلن يقللن نومك ويطولن سهادك ..في رحلة المعاناه الجميله ... |
محـمـد عبـد الجليل صـاحـبك وبيحـبك...
بتـدعي عليه ليه?
مـني
| |
|
|
|
|
|
|
|
|
|
Re: ويوم طليتـــي (Re: Muna Khugali)
|
Quote: وصباحـك سـعيـد يشـبة طلتها عليـك...
مـني |
لو كنت تعرفين مدى سعادتي بطلتك الجميلة على بيوتاتي لما فارقتيها أبداً أختى الأثيرة / منى خوجلي ...
مع خالص الود والمنى ... يا منى ....
| |
|
|
|
|
|
|
|
|
|
Re: ويوم طليتـــي (Re: إسماعيل وراق)
|
Quote: إدريس رجل مسكون بالإبداع
لك الود أينما كنت ياجميل |
ولك كل الحب يا صديقي .. أدامك الله وهجاً يملأ أماسينا بالألق والضياء ..
شكراً لمرورك الباهي أخي إسماعيل ...
مع خالص الحب والتجلة ؛؛؛
| |
|
|
|
|
|
|
|
|
|
Re: ويوم طليتـــي (Re: ودقاسم)
|
Quote: إدريس
لك التحية وأنت تصدح فينا بهذا الجمال ...
وتعزف هذه المقطوعة المموسقة .. |
ود قاسم ...
ولك التحية والحب وأنت تضخ كل هذا التشجيع في شراييني ... كن كما أنت دائماً بكل خير أنت وجميع من حولك ومن تحب يا خال ...
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: عزف وتر القصيد فيني …
صدح جوايّ صوت عصفور …
بينهل من رحيق حرفك …
واحتارت حروفي الخجلى في وصفك …
|
الشئ للشئ مقاييس واشباه والقلب للقلب دليلا حين يلقاه
شكلو كدة حصل ووقعت فى الشرك
| |
|
|
|
|
|
|
|
|
|
Re: ويوم طليتـــي (Re: نجود حسن عبد الرحمن)
|
Quote: الشئ للشئ مقاييس واشباه والقلب للقلب دليلا حين يلقاه
شكلو كدة حصل ووقعت فى الشرك |
وأي شرك يا نجود .. وأي وقعه .. ولكن صدقيني أنه شرك جميل .. ووقعة ليست بالمهببه كما يقول إخوتنا المصريين .. وقعه تجعلني أدعو على كل من لم يقع .. بأن يقع .. فما أجمل شراك الحب خاصة إذا كانت من شخص يستاهل التعب وسهر الليالي .. وهذا البوح الصادق يا نجود ...
شكراً للمرور وكوني دائماً بألف خير ؛؛؛
مع خالص الود والتحية ؛؛؛
| |
|
|
|
|
|
|
|
|
|
Re: ويوم طليتـــي (Re: tmbis)
|
شكراً أيها الرائع دوماً تامبا ...
وأسف لكل ما سببته لك من قلق ... من دون أن أقصد ...
مع خالص الحب والتقدير والامتنان ،،،
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
وما لاقيتــك
أنا متأسف ما لاقيتك ...
ما لميت اشعاري وجيتك ...
إلا البقدر أقوله صراحه ...
إني كتير يا غاليه هويتك ...
***
أنا فتشتك في ضل نيمه ...
في حرايا تشهي الغيمه ...
في ونسات الناس السمحه ...
وفي براد الشاي تلقيمه .. .
***
لمن تضحكي اضحكي لينا ...
خلي الفرحة تهل وتجينا ...
بكره ميعاد الفرح الطوّل ..
يلقى صباحو ويرجع لينا...
***
بيكي بتبقى الدنيا وسيعه ...
دنيا جمال ومعاني بديعه ...
وتبقى قواعد اللعبه اتحسمت ...
انتي تقولي ونحنــا نطيعه ...
الواثق عبد الرحمن المحامي
الطــائف 09/04/2006م
شفتو الروعه !!!
| |
|
|
|
|
|
|
|
|
|
Re: ويوم طليتـــي (Re: Muna Khugali)
|
| Quote: وهـل هنـاك أقسـي مـن الوصـول المتأخـر لحياة من آصـبحنا نعشـق? |
نعم يا منى .. أن نصل في مواعيدنا تماماً ..ويطول انتظارنا.. ولكن وياللأسى ليس هناك ثمة من نعشق !!!..
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
| Quote: وهـل هنـاك أقسـي مـن الوصـول المتأخـر لحياة من آصـبحنا نعشـق? |
تـ الله انها من اقسى المواقف و اشدها آلما
الاخ إدريس محمد إبراهيم
شكرا على هذا منحنا هذا الجمال
Quote: واحتارت حروفي الخجلى في وصفك …
واتخيلك ……
على صورة ملاك طاهر مضمخ بالعطر ممهور ..
حمل كل السـجايا الناصعه شيلة فال وجانا يزور …
يوزع في هدايا العيد .. باقات فرحه تتنزل أنس وحبور …
حنان ما بيعرفوه الناس .. يضمد في قليب مكســور .. |
| |
|
|
|
|
|
|
|
|
|
Re: ويوم طليتـــي (Re: محمد الامين احمد)
|
إدريس محمد إبراهيم
اولا زعلانة منك جدا !!
ايوة زعلانة لانك ماكلمتنى بروعة البوست ده ياخ !!
ثانيا انا اعتبرت انى عندى الحق فى شعرك وشلتا القصيدة الرائعة دى لصفحتى من القاهرة .. سمح؟
وكن كما انت دائم الروعة ايها الشفيف
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: أنا فتشتك في ضل نيمه ...
في حرايا تشهي الغيمه ...
في ونسات الناس السمحه ...
وفي براد الشاي تلقيمه .. .
***
لمن تضحكي اضحكي لينا ...
خلي الفرحة تهل وتجينا ...
بكره ميعاد الفرح الطوّل ..
يلقى صباحو ويرجع لينا... |
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: وشم صدق الحنايا العامره بالإحساس بأحلى شعور …
رسم للريم عيون نجلاء وأسس للجمال دستور …
نضم عقد القصايد الخالده في التاريخ بروح النور …
وهب للغيم سحابة طل .. وبدر الليل شعاع بللور …
نسج للنيل رداء من جود .. وطرز من ضفافه زهور …
وأهدى عيوني دمعة ريد … تكابر تكشف المســتور … |
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: بيكي بتبقى الدنيا وسيعه ...
دنيا جمال ومعاني بديعه ...
وتبقى قواعد اللعبه اتحسمت ...
انتي تقولي ونحنــا نطيعه |
الاستاذ إدريس .. أخاف أكثر ما أخاف من الاشياء التي تحسم الأشياء .. غير أن معايير الشعراء والعشاق والمتصوفة تنتمى لواد آخر لا يعمل بقوانين وأعراف الناس العاديين .. حتى عندما يكون الوصل وتكون (الدنيا وسيعة) .. فـ(رنوهم لحرية تفيض حتى لا يحتاج أحد لطرق بابها .. وعند ذاك تنتفي كل أشكال الطاعة إلا (له) .. و (لقيتك في طشاشي دليل) وما على المدلول إلا إلتزام أدب الإتباع.
| |
|
|
|
|
|
|
|
|
|
Re: ويوم طليتـــي (Re: Mohamed Abdelgaleel)
|
| Quote: والله يا محمد أنا بطبعي راجل بموت في العيون .. والله إنت كان شفت عيون الزوله دي ما بعرف الكان بيحصل ليك شنو ... حاجه كده خلقت فقط وبمواصفات خاصة جداً لإسعاد العبد لله ... الله يبتليك بعيون متلن يقللن نومك ويطولن سهادك ..في رحلة المعاناه الجميله |
...
وما زلت وسأظل مغرماً بجمال العيون النجلاء ...
Quote: محـمـد عبـد الجليل صـاحـبك وبيحـبك...
بتـدعي عليه ليه?
مـني |
وسأظل أدعو عليه حتي يبتليه الله بما ابتلاني ونصبح في الهوا سوا يا منى ...
| |
|
|
|
|
|
|
|
|
 Re: ويوم طليتـــي (Re: Mohamed Abdelgaleel)
|
Quote: بيكي بتبقى الدنيا وسيعه ...
دنيا جمال ومعاني بديعه ...
وتبقى قواعد اللعبه اتحسمت ...
انتي تقولي ونحنــا نطيعه |
| Quote: الاستاذ إدريس .. أخاف أكثر ما أخاف من الاشياء التي تحسم الأشياء .. غير أن معايير الشعراء والعشاق والمتصوفة تنتمى لواد آخر لا يعمل بقوانين وأعراف الناس العاديين .. حتى عندما يكون الوصل وتكون (الدنيا وسيعة) .. فـ(رنوهم لحرية تفيض حتى لا يحتاج أحد لطرق بابها .. وعند ذاك تنتفي كل أشكال الطاعة إلا (له) .. و (لقيتك في طشاشي دليل) وما على المدلول إلا إلتزام أدب الإتباع. |
عزيزي محمد ...
قد تجبرك ظروف الحياة على طاعة من لا تحب .. فما أجملها وهي تجبرك على طاعة من تحب .. أن تفعل شيئاً بمحض ارادتك وانت تشتهيه .. وكما قال الفيتوري ..
" مملوكك لكني ...
سلطان العشاق .. "
أن تكون سلطانا وبمحض إرادتك ترضى وتحب بل وتقدس هذه الصيرورة الودودة للآخر الجميل ...
كن بألف خير دائماً يا صديقي ...
| |
|
|
|
|
|
|
|
|
|
Re: ويوم طليتـــي (Re: Muna Khugali)
|
Quote: عـازماك جـبنـة...
وماعنـدي جمال في ونسـة زي جمال ونسـة قعـدة الجـبنة ...
مـني |
سمح يا منى .. أهم حاجه تكون سكر قليل .. واتوصي بالجنزبيل .. ويا ريت لو كانت في بين طين .. سمح ؟
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
| Quote: سمح يا منى .. أهم حاجه تكون سكر قليل .. واتوصي بالجنزبيل .. ويا ريت لو كانت في بين طين .. سمح ؟ |
بيت طـين حـوشـه واسـع ..ورملته هـادية..
في طـرفـه نخـلة سـعفها يتمـايل في تصـوف
وتحتها زيـر مـويته تسبح ..
عناقريب في الحـوش ملاياتها فرحـانة أطـرافها...
وجـبتنا في وقايتهاتلمع...
وتيمانا في المبخر يبخـروا..
وفناجيل فـوق المستكـة مكـفية..
أزيـد بخـور اللبان?
ولا أزيـد البن في النـار?
| |
|
|
|
|
|
|
|
|
 Re: ويوم طليتـــي (Re: Muna Khugali)
|
ومـن البيحبـوا بيـوت الطـين وأنا بحبهم...
عـاطف عـمر....
ثـابت...
محمـد...
وماعارفـاك يا ممـد عبـد الجليل بتب بيوت الطـين ولا لآ..بس احسـاسي بيقـول آآآي..
عـازمـاكم جـبنة في البيت الموصـوف أعـلاه...
بس إدريس يقـولينـا مـن شـعره الجميل ده..ممكـن يا إدريس?
| |
|
|
|
|
|
|
|
|
|
Re: ويوم طليتـــي (Re: Muna Khugali)
|
Quote: ومـن البيحبـوا بيـوت الطـين وأنا بحبهم...
عـاطف عـمر....
ثـابت...
محمـد...
وماعارفـاك يا ممـد عبـد الجليل بتب بيوت الطـين ولا لآ..بس احسـاسي بيقـول آآآي..
عـازمـاكم جـبنة في البيت الموصـوف أعـلاه...
بس إدريس يقـولينـا مـن شـعره الجميل ده..ممكـن يا إدريس? |
يا سلام .. الظاهر القعده حتحلوّخالص مع الحلوين الدعيتهيهم ديل يا منى .. أنا عندي اقتراح نقوم نعزم معانا الأستاذ/ يوسف الموصلي .. جميل ونسمع الأغنيهالاستثناء "الأماني السندسيه" .. وتكون الجلسه في منتهي الشاعريه .. الله يا ناس مين بالله عنده الأغنيه الجميله دي ينزلها لينا هنا .. وله أول فنجان قهوه "محوّج" على قول أخوانا المصريين من إيد بت الخليفه الرائعه منى خوجلي ... ودقي يا مزيكه ... وكمان كلمت صديقي المبدع الذي دائماً ما يعطر سماواتنا هنا في الرياض وآخرها ليله الخميس في وداع الخال ود قاسم .. عمار السنوسي ...تعرفوا عمار قال شنو؟ .. لو الموصلي جاي .. أكيد لازم تعتبروني معاكم .. شفتوا الجمال .. مين زيّنا بالله ..
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
بوستكم حلو جدا بي ناسو وكمان كان عمار جايي
آها انا مقيل تب اصلو عمار ده فناان وابن آكارم وآبو النسب كمان
عمار آنا حاصل البوظبي يوم ٣٠٦ وادوحه يوم ٧٧ تعال في الدوخه لو ممكن عشان نخطط لشري؛ يشبه صوتك الجميل جدا
لآنك زول جميل
وان وبآذن الكريم اود لاميركا يوم ٣١٧
محبتي لكم جميعا
| |
|
|
|
|
|
|
|
|
|
Re: ويوم طليتـــي (Re: Muna Khugali)
|
Quote: بيت طـين حـوشـه واسـع ..ورملته هـادية..
في طـرفـه نخـلة سـعفها يتمـايل في تصـوف
وتحتها زيـر مـويته تسبح ..
عناقريب في الحـوش ملاياتها فرحـانة أطـرافها...
وجـبتنا في وقايتهاتلمع...
وتيمانا في المبخر يبخـروا..
وفناجيل فـوق المستكـة مكـفية..
أزيـد بخـور اللبان?
ولا أزيـد البن في النـار? |
يا منى وتقولي لي ما بتعرفي تكتبي شعر .. طيب ده شنو البتقولي فيهو ده يا بت الخليفه .. ده ما الشعر زااااااتو .. بس ناقص نجيب العود ونلحنوا ونغنيه - رغم أني آخر من بجيد الغناء من ولد آدم - وفي نفس بين الطين الموصوف ...
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
يوم طليتي
إدريس
منى
وجميع من رضوا من الغنيمة بالقهوة وبيوت الطين .. كيف حالكن أيها الاعزاء .. انا مش معاكم .. بيوت الطين المشتهنها دي .. انا ولدوني فيها وحاموت فيها وفيها أبعث حين يقوم الحساب .. والقهوة عاوزه زول متمهل وانا متململ .. بيوت الطين عايش فيها وفيني عايشه .. انا عاوز قصيدة (تقطع نفس خيل القصائد) .. وتخلي (الرواكيب الصغيرة تبقى أكبر من مدن .. ) .. كان قاطني بيوت الطين سعداء في غير هذا الزمن .. لكين في عصر العولمة أصبح حالن حال .. وخارج التاريخ يسكنون.. وارجوكم ما تشكروا لي الراكوبة وانتو عارفين نحنا في عز (المطر والحريق)
| |
|
|
|
|
|
|
|
|
|
Re: ويوم طليتـــي (Re: Mohamed Abdelgaleel)
|
Quote: يوم طليتي
إدريس
منى
وجميع من رضوا من الغنيمة بالقهوة وبيوت الطين .. كيف حالكن أيها الاعزاء .. انا مش معاكم .. بيوت الطين المشتهنها دي .. انا ولدوني فيها وحاموت فيها وفيها أبعث حين يقوم الحساب .. والقهوة عاوزه زول متمهل وانا متململ .. بيوت الطين عايش فيها وفيني عايشه .. انا عاوز قصيدة (تقطع نفس خيل القصائد) .. وتخلي (الرواكيب الصغيرة تبقى أكبر من مدن .. ) .. كان قاطني بيوت الطين سعداء في غير هذا الزمن .. لكين في عصر العولمة أصبح حالن حال .. وخارج التاريخ يسكنون.. وارجوكم ما تشكروا لي الراكوبة وانتو عارفين نحنا في عز (المطر والحريق) |
أخي وصديقي / محمد عبد الجليل ...
هناك أناس يا صديقي فرضت عليهم أصالتهم أن يتمسكوا بالثرى فتجاوزا الثريا .. وأنت بلا شك أحد هؤلاء الجميلين ... أي بناء شامخ لابد له من أساس متين .. ولا لتهاوى مع أول عاصفة ولما صمد أمام عوامل الزمن والتعريه .. يعجبني جداً الرجل الأصيل .. فمرحباً بك عضواً مؤسساً في بيت الطين مع قهوة أختنا الرائعة .. منى خوجلي .. وأنغام الموصلي وعمار .. وبعدين لو في وقت نقوم نقره الشــعر الببكي الزول ... يا بكاي ....
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
أخي إدريس المحترم
تحية وإحترام ،،،
هذه القصيدة وبحكم علاقتي الحميمة مع الأخ / الشاعر الواثق عبدالرحمن الذي أهداني كل من كلماته (زعلك سمح ، ونوارة نوارة، ووزنك دهب، ورقصة زولتنا،وشاتلني،وإلتماس) فأنني دائم الإتصال به وتقريباً بصفة يومية فإذا به يشعر بهذه الكلمات العذبة وأنا شخصياً متعلق بهذا الشاعر الشاب كثيراً وسأظهر جميع أعماله في سي دي قريباً بإذن الله مهما كلفني ذلك لعظمة الكلمات التي يؤلفها وحاجة الساحة الفنية لمثل هذه الكلمات خصوصاً بعد دنو مستوى الأغاني للحضيض، فهنا قصدت أنه من باب الحق الأدبي أن يذكر إسم قائل هذه الكلمات كما وأشكر الأخ / علاء الدين تمبس لإيضاح الشاعر والفنان معاً
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
ماتفهمني غلط يا أستاذي وأنا أعرفك منذ عام 1987م وأعرف أخلاقك ولكن هنالك لبس في الأمر وأنني أعرف أنك شاعر قدير ولا أشك في مقدرات المبدع البراري مع فائق إحترامي وتقديري
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
ادريس ...
عارف يوم طلت
اتكتفت دهشه ... وشفت الوحيح
جريح بفتش علي صوت عصفور في حس شافعة بتلعب بالصلصال
براءة اختراع لجرح قديم
جرح واحد وعمر نزيف ...
انا ضد فرحتك ومعاك في الصورة
بس عشان الصورة تطلع ملونة
تحميض ليلي وسهر انتظار
وفرحت ليك مجاملة ...
مع انو الساكن ... ساكن ولسه مكتف
أديني حبة هياج لو عندك
عشان اطلع حاجاتي الفضيحة
| |
|
|
|
|
|
|
|
|
|
Re: ويوم طليتـــي (Re: محمد أبوعاقلة الطريفي)
|
ادريس ...
Quote: عارف يوم طلت
اتكتفت دهشه ... وشفت الوحيح
جريح بفتش علي صوت عصفور في حس شافعة بتلعب بالصلصال
براءة اختراع لجرح قديم
جرح واحد وعمر نزيف ... |
محمد أبوعاقله الطريفي ... الزول الحلو ..
أزيك ...
ما أجمل الوحيح يا محمد عندما بنطلق من قلب محب .. الوحيح تعبير ومتنفس جميل لحالة خاصة جداً .. ماكنت لأجدد جراحك أخي محمد .. ولكني فقط أحاول أن أنكأها .. لتنزف إبداعاً يعبر عن الألم والحزن المسكون فينا ..
Quote: انا ضد فرحتك ومعاك في الصورة
بس عشان الصورة تطلع ملونة
تحميض ليلي وسهر انتظار
وفرحت ليك مجاملة ...
مع انو الساكن ... ساكن ولسه مكتف |
ما أجمل هذه المعاناة .. تحميض ليلي وسهر انتظار .. بعدها ينبهر الكل بجمال الصورة الملونة .. أنا أود أن تفرح دائماً أخي محمد .. فرحاً أصيلاً وليس مجاملة ... وسيظل الساكن ساكن ولسه مكتف...
Quote: أديني حبة هياج لو عندك
عشان اطلع حاجاتي الفضيحة |
إليك كل الأكتوبريات .. وهتافات الثورة الفرنسية .. وصراخ أطفال الحجارة المشتعلين بثورة الغضب .. فقط أرجوك طلّع الحاجات الفضيحه ... وانثرها تجرداً سافراً في وجه كل المستترين بالخوف .. المتدثرين بالحذر من المجهول .. كورك يا زول .. وأنا كلي آذان صاغية .. وافضح فينا الدواخل المنهزمة والمتكومة عمداً في ركن النسيان ...
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
جاييك ... بهستيريا الرحيل ...
عاطفة بتتمدد من فعل الاحساس الحار والقليب اللسه طري ...
جوف بتوخي الحذر من حواف الحروف اللينة ...
بتنفس كلام برئتين جوه الدولاب ...
الصحيان لممارسة حياة تبدأ من شارع أسفلت وتنتهي بحيطان أسمنت ...
سخف بسوقني لمساحات بيضا وطباشير أسود
مدفون في رمله بعد طيران فاشل ...
وبتنفس نفس هواك ...
لحين اشعار آخر ...
زول صاحبك
| |
|
|
|
|
|
|
|
|
|
Re: ويوم طليتـــي (Re: محمد أبوعاقلة الطريفي)
|
Quote: جاييك ... بهستيريا الرحيل ...
عاطفة بتتمدد من فعل الاحساس الحار والقليب اللسه طري ...
جوف بتوخي الحذر من حواف الحروف اللينة ...
بتنفس كلام برئتين جوه الدولاب ...
الصحيان لممارسة حياة تبدأ من شارع أسفلت وتنتهي بحيطان أسمنت ...
سخف بسوقني لمساحات بيضا وطباشير أسود
مدفون في رمله بعد طيران فاشل ...
وبتنفس نفس هواك ...
لحين اشعار آخر ...
زول صاحبك |
هستريا الرحيل سوت فينا الهوايل ... ولا تتوخي الحذر يا صديقي .. خوض في الحواف اللينه .. واستمتع برائحة المطر والدعاش .. وتنفس بحريه .. وانثر فينا عبير الفرح الأصيل ...
وبالمناسبه أنت أخوي يا ود الطريفي .. ما زول صاحبي بس .. أخوي الذي اعتبره في نفس الوقت صديقي فأبوح له بكل ما أشعر به دون حرج ولا تردد.. وأفكر أمامه بصوت عال .. شفت يا زول يا سمح الدواخل ..
كن كما أنت دائماً ...
| |
|
|
|
|
|
|
|
|
|
Re: ويوم طليتـــي (Re: Mohamed Abdelgaleel)
|
إليكم جميعاً أحبتي أهدي هذه القصيدة الروعه والتي عبر بها شاعرنا وصديقي اللدود / الواثق عبد الرحمن عن موقف ما .. رويته له بالأمس القريب عما وقع بيني وبين من أحب .. ففاجأني الواثق بعد قليل بهذا النص .. الذي يعبر عما بدواخلي بطريقة ولا أروع .. فلكم جميعاً ولهاأهدي النص .. الذي سوف يرى النور قريباً بالصوت المبدع أبداً / الرشيد البراري .. ولن يتم تعديل أي كلمة فيها نزولاً على رغبة الزول الزعل مني .. رغماً عني ... و"رغماً عني" هذي إن شاء الله سيكون عنوان لنص أراه يداعبني الآن ...
"ما بيناتنــا ...
تشد أوتار اللوم نتحمل ...
برضو نغني معاك غنواتتنا ...
تقصر خطوة جيتك لينا ...
نجري نفرع ليك خطواتنا ...
وما بيناتنا ...
جينا عليك تسبقنا اللهفه ...
تهتّف مطر الشوق غيماتنا...
زادنا الإلفه وعشم العرفه ..
تقطر روعه وريد كلماتنا ...
وما بيناتنا ...
نقاسي وراك الهم يا قاسي ...
تسامر نجم الليل دمعاتنا ...
لو يرضيك يا غالي سهرنا ...
تحلى عشان عينيك سهراتنا ...
وما بيناتنا ...
برضو بنحلم بكره تجينا ...
تجينا معاك ملامح ذاتنا ...
بيكي مداين الفرحهتضوّي ...
وتشرق شمس الشوق بيناتنا ...
وما بيناتنا ... "
الواثق عبد الرحمن "أبوهبه"
الطائف - الأربعاء 28/06/2006م
شفتو الروعه ياجماعه .. عندما يتحرك إحساس شاعر بما يعتلج في قلب آخر .. ويترجمه بهذه الشفافيه ... الله عليك يا واثق .. والله عليك يا الفي بالي ... وما بيناتنا ...
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
| Quote: يا سلام علي الواثق..قصـيـدته جميلة شـديـد وطـبعـا لناس زينـا ما عنـدها قـدرات شـعرية بأسـتغرب في درجـة الإحسـاس المتواجـدة بينـك وبين الواثق...أو بكـلمات تحاول شـرح أكـثر..شـرحـك لموقفك واحسـاسه هـو به.. |
سـلام ليك إدريس وللواثق ولزوارك...
مني
| |
|
|
|
|
|
|
|
|
|
Re: ويوم طليتـــي (Re: Muna Khugali)
|
Quote: برضو بنحلم بكره تجينا ...
تجينا معاك ملامح ذاتنا ...
بيكي مداين الفرحهتضوّي ...
وتشرق شمس الشوق بيناتنا ...
وما بيناتنا ... " |
كنت عاوز أسألك يا إدريس هل الشعراء أقوى مشاعر من غيرهم أم فقط بقدرتهم الخاصة على التعبير عنها .. يعني الناس الما بقدروا يعبروا مش برضوا حاجاتم الشعورية دي بتتراكم جواهم وتظل بكل عنفوانها كزناد لم يقدح.. يعني مرات فرك الايدي بكون قصيدة ضاقت بها مساحات الكلمات فتم التعبير عنها فركاً .. ومرات يتم التعبير بأن تعتريك حالة من الإرتباك والبلادة فيصبح التعلثم أقوى أشكال التعبير .. وحاجات كده كتيره زي الزين وكت يكورك (أنا مكتول في بيت العمدة) دي برضو مش واحدة من قصائد الطيب صالح غير مقفاة ولا موزونة لكن شحناتها تصنفها مع دقائق المعاني.
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
| Quote: ماتفهمني غلط يا أستاذي وأنا أعرفك منذ عام 1987م وأعرف أخلاقك ولكن هنالك لبس في الأمر وأنني أعرف أنك شاعر قدير ولا أشك في مقدرات المبدع البراري مع فائق إحترامي وتقديري |
ok ما حصل إلا الخير أخي وصديقي المبدع عزالدين .. ونحن دائماً في انتظار إبداعاتك الجديدة ...
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: أديني حبة هياج لو عندك
عشان اطلع حاجاتي الفضيحة |
| Quote: أهي دي الحبة يا الطريفي .. إدريس بلع ربع حبة بس .. شوفو بقى كيف؟ |
أخي محمد ..يمكن أنا أكون بلعت ربع حبه .. لكن ود الطريفي المجنون ده بلع الكرتونه كلها ..التقول عايز ينتحر ... وبرضو مع كده ما راضي يطلع حاجاتو الفضيحه ... التقول بتسفي ليك في حوض رمله ياخ ... عالم مخدرة أصلاً .. ولن يجدي ... فيها فتيلا...
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: ويوم طليتي هالة نور تشيع البهره والدهشــه …
مدارات من حنان فياض يغازل الفرحه والرعشــه …
عزف وتر القصيد فينــي ..
صدح جوايّ صوت عصفور …
بيرشف من رحيق حرفك ..
واحتارت حروفي الخجلى في وصفك … |
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
Quote: ويوم طليتي هالة نور تشيع البهره والدهشــه …
مدارات من حنان فياض يغازل الفرحه والرعشــه …
عزف وتر القصيد فينــي ..
صدح جوايّ صوت عصفور …
بيرشف من رحيق حرفك ..
واحتارت حروفي الخجلى في وصفك … |
| |
|
|
|
|
|
|
|
|
|
Re: ويوم طليتـــي (Re: إدريس محمد إبراهيم)
|
إدريس .. كنا منتظرنك تمشي الخرطوم .. المقرن .. وتجهش بالبكاء وتتدفق شعراً .. وينك .. لا أسكت الله لك صوتاً .. الرياض تنتظرك متبرجة .. والصالحية في ثوبها الجديد لتلتقيك ..
الموج .. أنجلو .. عزالدين .. ومسعودية .. وجميع الأخوان ناشدين من خبرك .. سلام لأرضنا التي
يحكى بها الأنهار يحكى من حليب
| |
|
|
|
|
|
|
| |
إدريس محمد إبراهيم
Muna Khugali
تولوس
Mohamed Abdelgaleel
ودقاسم
إسماعيل وراق
tmbis
محمد الامين احمد
Elmosley
عزالدين آدم علي
محمد أبوعاقلة الطريفي
فيس بوك
تويتر
انستقرام
يوتيوب
بنتيريست