|
Re: مسدار الخرطوم (Re: Shinteer)
|
آجنى والله في الكيبورد العربي لسانك طالق طلقة! آجنى شي بنجيبو وشي يجيبنا وهارب / وللفاضلابي فيهو لمبات وفيهو كهارب / ولتماضر مكان وأضواؤو حيه تسارب / ليك ياشناتر فرحتو وضام لي فيهو مآرب /والفقد العنيف
| |
|
|
|
|
|
|
Re: مسدار الخرطوم (Re: محمد بهنس)
|
يا بهنس .. لساني ختيـــــر أكان فكّيتو بَركب أعلى صنقور جِن وأطلّع زيتو كلْ زولاً شليق بكفي (هـ) وبشلّع بيتو أنا يا بهنس الـ عمّ القفارات ظيطو صنقِع كان تشيف
| |
|
|
|
|
|
|
Re: مسدار الخرطوم (Re: Shinteer)
|
من دار إسنكدنافيا دوبا الولوف فاضلابى قام بيهو البرد ملى بى دموعو كبابى غربه بحر الشمال أحر من قرص دابى حار بيهو الدليل وحار دلى بى أسبابى والفايكنغ رهيف
ويا بهنس تماضر كان بكت معزوره فى غربه تصفى الدم كما الماسوره تشتاق لى بلد تبيت حره وتقوم مأسوره والآسره ما تتار بس شله كلاب مسعوره بس بيجى الخريف يا وليد المبارك كيفنوا المهاجر يرجع كان ساستنا ذمتهم من المحيطات أوسع أبان كروشآ لى رزق الخلايق تبلع لا طارين سفر لا ود اللحد الببلع بس اللورى بيقيف شنتير شيخ العرب الفى الإغتراب يابانى بعد عزه بطانه أريت حال البلد بالياباك واليابانى دوبى وجرو نمك وشد مسدارآ ما بيغبانى جيب أهل العوض ونزار حسين من تانى المسدار لا يقيف
| |
|
|
|
|
|
|
Re: مسدار الخرطوم (Re: muntasir)
|
]ا منتصر حبابك وحباب الجابك..لكن عليك الله شناتر ده في اليابان!مع الناس القصار بتاعين الأورغنات والعربات أهه: لانسر متسوبيتشى ويامها ودايهاتسو / آجنى في بلاد)النو( وحدك غاتسو / ناس ميهوكو ياسوناري نتسي وناتسو / ساموراي تراك ولا ولا السمر ماك حاسو / غربتو من سقط ماف من يشمت عاطسو / طوكيو كيوتو فوجي وبالعودة يا صاحبي
| |
|
|
|
|
|
|
Re: الجرح ما بنضف الا ينبرط (Re: محمد بهنس)
|
انت يا بهنس ما مركز معاي وردي ده ما قلنا قبيل في الاول
وعليك الله قريب ده لاقيت بتاع حافلة فاتح وردي تلفونك كتبتو واكيد حا اضرب ليك
لاكنك مستجد موبايلات هاهاهاهاهاهاهاهاهاهاهاهاهاهاها
| |
|
|
|
|
|
|
شوق (Re: محمد بهنس)
|
[ فاضلابي وتماضر انتو وين ياخلي / الموج في حياتكم كان يوطي يعلي / المسدار بلاكم تاه وشايفو مولي / أنشن في المحبه وحاشا انو تجلي / أظهرو بالعزيف
| |
|
|
|
|
|
|
Re: مسدار الخرطوم (Re: محمد بهنس)
|
يا وجع الشعر والكلمه ما بتنقدري اقول يانفسي سوقي الروح امرقي واجري ديل صعبين خلاص وماسكين اللجام من بدري جابني الهمبريب من دون احس لا ادري
والنفس اللطيف
| |
|
|
|
|
|
|
Re: مسدار الخرطوم (Re: محمد بهنس)
|
حباب بهنس أخوي اليوم أغيب بطراني ما قاصد أغيب إلا الظروف جابراني ويا ود المبارك ما كفايا ضناني قلبت المواجع يا حليل سوداني أب قلبا نضيف
| |
|
|
|
|
|
|
Re: مسدار الخرطوم (Re: mohammed alfadla)
|
السودان حبيبنا وما بنفوتو برانا بس ياهو اللي كان ما فاضلا فيهو بكانة خالية من البيخنق صوتنا وإيه معنانا لو ما قلنا راينا وقلنا فيهو غنانا والكل كان شفيف
| |
|
|
|
|
|
|
Re: مسدار الخرطوم (Re: محمد بهنس)
|
خدرا وطويلة
فريع البان
جات تتنا كذا الدخان
تقول ما خالكا الله
تقول سوها الالمان
..... .....
وتم اعدام هذا الشاعر لاسباب متعلقه بالارث والثقافي للدخان في البلاد.!
تماضر , بهنس , محم , وليد
بوستيكم يبغر
| |
|
|
|
|
|
|
Re: مسدار الخرطوم (Re: Ibrahim Algrefwi)
|
ات هوي ياقرمبوز انت ماك نصيح / ألمان ايه بسوو البت جميله مليح؟ / بعدين البنات في كرري ماتن وأيح / دخيلي الله البنات اسلام يهود ومسيح / أهه الجنس اللطيف
| |
|
|
|
|
|
|
Re: مسدار الخرطوم (Re: محمد بهنس)
|
محمد ود علي الفاضلابي راجلا يضاهي / بلدين نحن نشهد ليهو بالأمواهي / كرمو جميل وناجع الا بس كان ساهي / شيطان يختفي لو قلت بسم الله / زول فنان حريف
| |
|
|
|
|
|
|
Re: مسدار الخرطوم (Re: محمد بهنس)
|
كان مابياكن اابى هدومى واجرى اطيش ما سكنى الشغل ووراهو كسب العيش اريت كان يبقى كسرة ..بفرة ودقيكا دريش واريت نرجع ونسلم من حكومت الديش
من رتبة عريف
| |
|
|
|
|
|
|
جاوبونا يا مهاجرين (Re: Tumadir)
|
هل البلد ليو سيد؟! ... ورونا كان عارفين؟! هل البعاد بيفيد ؟! ... عشان نطش فازين؟! هل خلا نمرا صيد ؟! او يوم قنص وزين ؟! هل لو شرتو بعيد ؟1 كل الحقوق حتبين ؟!
ظلم العباد حايقيف ؟!
| |
|
|
|
|
|
|
ونرجع تاني (Re: Ibrahim Algrefwi)
|
نرجع نحكي عن خرتوم.. نقول ونوصف نكاوي البره كية ريد .. قوي ومتعسف جمال خرتوم .. بكتب فيو اعبي واستف ولو القول بضايق زول .. انا المتاسف
حد ماتقول بقيف
| |
|
|
|
|
|
|
Re: ونرجع تاني (Re: وليد محمد المبارك)
|
لي بيت العرس او بيت سمايا مشينا نضرب في اللحوم او نلعب الكشتينا اماتنا الذنوبهم جت .. قطيعةً شينا الشفع شكل .. من غير حقد وضغينا
الكل قليبو نضيف
البنوت ازغردن .. وخمجو الدلوكا تطلب الشبال .. يآبن .. وما يدوكا ترجع منكسف .. يحلفْن ما يخلوكا تعيد الكره .. عاد سوى الدرب ساسوكا
شايل عصاية وسيف
العيد الصباح .. نادي المنادي .. وقال
" الله اكبر.. الله اكبر لا الله الا الله الله اكبر الله اكبر ولله الحمد"
لبسنا الجبه .. ربطنا العمه .. جدعنا الشال مشينا على الصلاة .. انا والوِلِّيد والخال دعانا العاافية من الله .. وستر الحال
والتوفيق حليف
دخلنا على البيوت .. ماشين تلاته تلاته ندخل نمرق.. ابره في ايد مره وخياته دعوات بالبنين .. الما عرست بسباته نتقالد ونتعازم فطور .. ونحرم تلاته
على العدو والحليف
| |
|
|
|
|
|
|
Re: ونرجع تاني (Re: وليد محمد المبارك)
|
شوف ود المبارك وانفتاحتو الزايدة قايل ما التقاليد.... زاتا ناقصة فايدة؟ امسك من لحوم تضرب(ها) فى كل عايدة واحسب كم "مرة" و"خدامة" كانت قايدة
والراجل نضيف
| |
|
|
|
|
|
|
Re: ونرجع تاني (Re: Tumadir)
|
تدخلو فى البيوت ماشين تلاتة تلاتة
وناس دارفور تشرد لى عشش فلاتة
الجاهل يجوع ماسكنو بالسكاتة
والمرضان يموت ..لا دمعه لا مخاتة
والعجب الخريف
| |
|
|
|
|
|
|
Re: ونرجع تاني (Re: Tumadir)
|
ما رديتي يا تماضر على السوالات ديل
هل البلد ليو سيد؟! ... ورونا كان عارفين؟! هل البعاد بيفيد ؟! ... عشان نطش فازين؟! هل خلا نمرا صيد ؟! او يوم قنص وزين ؟! هل لو شرتو بعيد ؟1 كل الحقوق حتبين ؟!
ظلم العباد حايقيف ؟!
| |
|
|
|
|
|
|
Re: ونرجع تاني (Re: وليد محمد المبارك)
|
ها كلام ساكت تلقاك مشتاقا هسع لي حكيرة البنبر ونظيف الكمونيه بي عفتها وراجلك واخوانك راقدين يشربو في الشربوت
تلقيها وين دي؟؟؟؟؟ الا في المنام
غايتو منى انا في عيد الضحية الا اصور ليك صحن المراره واختو ليك هنا عشان تتمطقى
وكيييييييييييييييييييييييه
| |
|
|
|
|
|
|
Re: ونرجع تاني (Re: وليد محمد المبارك)
|
وليد دارفو؟!! .. انا الحالي.. قريب من حالو انا الزيو .. انا الشبهو .. انا الحاسيها احوالو دحين.. في ياتو دش وقناة .. سمعتيبا اخبارو شاربين منو نفس الكاس .. كضب.. غير ده لو قالو
ولحاف ناساً قطيف !!!!
| |
|
|
|
|
|
|
Re: ونرجع تاني (Re: وليد محمد المبارك)
|
Quote: هل البعاد بيفيد ؟! ... عشان نطش فازين؟!
|
وليد يا اخوي
البتسوا فوقو دا انا مابعرفو
لكن الاكيد عارفاهو البعاد مابفيد
واقعدوا قبلكم
اسجل اعجاب شديد بالبوست
وبكل المتداخلين
| |
|
|
|
|
|
|
Re: مسدار الخرطوم (Re: محمد بهنس)
|
ياود المبارك ما تكابر ساكت كم سنة مرت هسع وإنت قاعد ساكت شن سوت حكومة الشيخ وبعدو الظابط قاعدين وإنت في العيد والجلاليب رابط وعامل لي حريف
| |
|
|
|
|
|
|
Re: مسدار الخرطوم (Re: محمد بهنس)
|
وزي ما نحنا برة وإنت هسى تلومنا بعاين ليك وشايف فيك نفس هدومنا أمش دارفور ودافع إنت عن حرومنا أو أمسك لسانك و نوم تمام زي نومنا وما تصحي النزيف
| |
|
|
|
|
|
|
Re: مسدار الخرطوم (Re: mohammed alfadla)
|
آجنى والله لكن لقيتا فوقى....!!!!!والله صاح أنا ما زول هبرتجي..اتخيل كنت زعلان جدّّلااا حوووله!!!!!!!!!!!!!!!!!!!!!!!!!!!!!!!!!!!!!!!111يااخوانا هس الفاضلابي ضرب لي..........................زبعد سنتين سمعت صوتو..................شكرا بكري....شكرا أعضاء البورد فرحان انو سامع صوتك المهبوش زاتو / الفاضلابي سلطان البجو والفاتو / ولدا سكا غيمه وسكتو في خلجاتو / مرحب بيك ومرحب يا هو جنك زاتو / ياصاحبي الخريف
| |
|
|
|
|
|
|
Re: مسدار الخرطوم (Re: محمد بهنس)
|
يا بهنس حليلك ويا حليل لمتنا زمن الدنيا طاعمة والشعر غيمتنا دايما فيها سيرتك حتى في غربتنا والخرطوم حليلا البي حنان ضمتنا شتا وخريف وصيف
| |
|
|
|
|
|
|
Re: مسدار الخرطوم (Re: وليد محمد المبارك)
|
يا محمد بهنس وفاضلابي والناس الرائغين الهنا كدي افتحوا لي الباب مرسلاني ليكم تماضر...قالت اساعدكم في القطع اللخدر...وان ما فتحتو الباب بنط بي الحيطة...واقطع ...اقطع ...لامن ايدي تبقق...وفي النهاية البتدوني ليها بقبلا...باقي انا زولا محموووووووووووووووووووووووول...
| |
|
|
|
|
|
|
Re: مسدار الخرطوم (Re: المسافر)
|
Quote: متابعين مسداركم من يوم نغ نغ وجارف لمن صبح بحر تساب عم ه البلود متسارف طلوح بالقلوب بكى العيون دماعاء يوت متزارف سوى الوح وحيح خلى الفكر متصارف وفكرى دوام ضعيف يابهنس اخوى وقف!!! هاك منى ليك تطمينه ويافطلابى (اِت) عندى ليك تسخينه وبرضك ياتماضر الفى بناتنا رزينة قصدى (( ابُش)) شيطان شعركم فينا يدور مايقيف نعم السودان وطنا واسموا هو معنانا سودانيا ((صر)) السواد كحلانا سمرة وخضراء شرط الحياة الجامعانا ولدت للون حريف
|
مرحبا بالمتسدرين الجدد....خاصة نزار الذى تم لزه لكم بواسطة سيادتنا...
وهذا المسدار منقول..وصلنى على الايميل من زول جبان عامل فيها خجلان لو ما جه هنا وقال سمو حاقولو انا وعلى وعلى اعدائى
| |
|
|
|
|
|
|
Re: مسدار الخرطوم (Re: وليد محمد المبارك)
|
طنابير الفراق ضجت ..خربش هم.. زمن حالي اللون صورتي بي حسك ..اشيل تيراب ..لامالي اشف منك .. معاني الريد .. اذاكر باقي افعالي اعيش باقي العمر واجب .. والاقيك في السماء العالي
ضل الريد وريييف
| |
|
|
|
|
|
|
Re: مسدار الخرطوم (Re: محمد بهنس)
|
ازيك يا تماضر مشتاقين لكن انا خواف ؟؟؟؟ علييييييييييييييك الله البيسو فيهو بره في البورد ده ما بيخوف ديل عندهم شكل لااااااااا حولا خفت الجماعة يتاعدوا بيها بس تحياتي
| |
|
|
|
|
|
|
Re: مسدار الخرطوم (Re: محمد بهنس)
|
وليد يا حمار بتزعل من أخوك.. مني هسع إنت ما خجلان تقولي ياخي سامحني أنا الزعلان لأنك زي نسيت إني أخوك إن راضي وإن ماراضي طالعني لأنو بقيت سخيف
| |
|
|
|
|
|
|
Re: مسدار الخرطوم (Re: محمد بهنس)
|
سعيد جداً بطلتك محمد بهنس و حقيقة سمعت عنك كتير، من رجل جميل بقدرك جداً ، الاستاذ زهير المغربي، درسنا سوا في السودان و كان بيكتب عادة نصوص في البورد كتير منها كان نصوصك ، و كنت حقيقة بفتش ليها و لغاية هسي اتمنى اطلالتك دي تكون وعد بالشعر الجميل .... و التحية للاستاذ زهير المغربي و اتمناه و اسرتو بخير و لك جزيل الشعر
محمد
| |
|
|
|
|
|
|
Re: مسدار الخرطوم (Re: محمد بهنس)
|
اها... ازيكم كلكم...
رغم انو بهنس ده صاحبى ... ورغم انى متابع البوست ده من قولت (( تييت)) وكنت ما داير اخش فيهو الأ كمان لمن جابت استاذ زهير وكده انا لازم اخش...
ازيكم كلكم وكيفنكم...
ومشتاقين للناس الهنا فى السودان وللناس البرا..
لا حولاء شوق شديد ليكم!!!
اها يابهنس منى انا ليك اتلتل ليك استاذ زهير ده... اتلتلو لمن اجيبوا هنا ده ......
وماتخاف بجيبوا فى ونسه زى دى واحد!!!!!!!!
ولحدى الوكت داك ارقدوا عافية...
واناطائف.... ها ها ها ها (طبعاً دى القفله))
سفيان
| |
|
|
|
|
|
|
حبيبي الفاضلابي (Re: محمد بهنس)
|
"رجلان تحابا في الله"
انا واحد منهم يالفاضلابي نشوف التاني وين
اقول ليك سر
والله انا بريدك
يا بهنس شنو الطناش ده ما قلنا ليك اعزمنا ولا خلاص بقيت ما ظريف
| |
|
|
|
|
|
|
Re: حبيبي الفاضلابي (Re: وليد محمد المبارك)
|
العفو ياأخي ...بس أنا كان مأجراني ليك زكمه 4 يوم لي الليله ما عملت اخلاء.لكن بنشرب الشاي..انا بشرب و بالتوم كمان..بس أضرب لي..الجمعه المسا يكون ظريف.دا اذا أنا بقيت ماظريفاذا الجمعه المسا يكون ظريفواذا أنا ظريف اذا الجمعه المسا بكون ظريفأما اذا اتن قاصد انو انا ماظريف...بظردوفكوبرضو شنو....الجمعه المسا بكون ظريف
| |
|
|
|
|
|
|
وين يا تماضر (Re: محمد بهنس)
|
وكايسه ياتماضر في القمر بيت ناصيه / جيرانك نعم مربوعنا لا النافيه / بس لو نلقىحب لونلقىأيام كافيه / نتمنى الحياة ف...قطعة أرض في العافيه / والحظ الحليف
| |
|
|
|
|
|
|
Re: وين يا تماضر (Re: محمد بهنس)
|
شنو الماخالينى اطفش واسكن القمرة سكان الارض سووها متل الجمرة يات من كان رئيس عينيه صبحت حمرة ويات من كان جميل..بقه خردة داير عمرة
والعجب العفيف
| |
|
|
|
|
|
|
Re: وين يا تماضر (Re: Tumadir)
|
بمشى القمرة اسكن ما دايره لى ماهية قانون الطفو........ بيوصلنى دون عربية حبة بدل غدا.......وكبسولة بدل الشية واشرب من بحر .. امواجهم الصوتية
فترنا من الرغيف
| |
|
|
|
|
|
|
Re: وين يا تماضر (Re: Tumadir)
|
تنقهر الزهور يفضل رحيق الفاكره /B] تتجنح طيورلسماها تنظر شاكرة / في البا ل باقي مويه ولسه تسلم عاكرة /[ / B][B ما حلم الجميل من كل مافي الزاكره؟ / دمعات أو رفيف
| |
|
|
|
|
|
|
Re: وين يا تماضر (Re: محمد بهنس)
|
كتابييين للشعر .. ماليكم وماكنكم لو ما كتبتو .. بخنقكم .. وبدفنكم معجونين مويه حرف .. ولا الحرف عاجنكم ساكنين بيت شعر .. ولا الشعر ساكنكم
احساسكم كثييييييف
| |
|
|
|
|
|
|
Re: وين يا تماضر (Re: وليد محمد المبارك)
|
يا جماعة عجبني النشيد ده سمعتا اولاد الروضة بغنو قلتا ارفعو ليك تختو في مسداركم انشاء الله بالجمبه كده
مع خالص تحياتي للفاضلابي
ـــــــــــــــــــــــــــ يالقمره يالقمرة كبي السنسنه الحمره وشتتي نورك في الرملة ..... خلي محمد يحجينا وبالموسيقى يسلينا .... الموسيقى تقول سلامات ماما بتعمل في الشربات .... الموسيقى تقول باي باي ماما بتعمل فوق الشاي .... الشربات والشاي لي مين لي ناس نحنا المسافرين مسافرين ماشين على وين على السودان بلد الحلوين ..... السودان بلد الحلوين السودان بلد الحلوين
| |
|
|
|
|
|
|
Re: وين يا تماضر (Re: Tumadir)
|
للاطفال بجدع ربعيه وبي حنية عشاء كل يوم.. وغطا بطانية مشوار المدرسة ..بالعربية وفطور ساردين.. ما طعميه
وخور في الخريف
| |
|
|
|
|
|
|
Re: وين يا تماضر (Re: وليد محمد المبارك)
|
في البال باقي موية من جدولا سرساف يوم انهدل الجريد بان الأخضر السفاف فوق برش السعف انقسم النهار انصاف بين الرقراق زي وشم الطلح والشاف
وحي سواقي الريف
| |
|
|
|
|
|
|
Re: وين يا تماضر (Re: المسافر)
|
في البال باقي موية من جدولا نديان يوم انهدل الجريد حمل الرطب ألوان فوق برش السعف انقسم النهار كيمان بين الرقراق فوق صفحة لجينك بان
وحي النهر والقيف
| |
|
|
|
|
|
|
دارفور (Re: وليد محمد المبارك)
|
حي... قلبي انفطر ... دارفور مع اختلاف في الاتجاه.. معاد الدور ولا يهمك هي ما ساقية مصيرها تدور وترجي فوق ..ونهتف ليك.. في يوم محضور
والحرب تقيف
| |
|
|
|
|
|
|
عن ليل (Re: وليد محمد المبارك)
|
ختت في المخده رويسها ختيت ياني / ريحة الجير وشقشقه لا بعيد لا داني / طفنا الكون شجن ورجعنا نضحك تاني / حلمنا صباحنا رقص ليلنا بالألحان.. / مدينة الليل ياريف
| |
|
|
|
|
|
|
Re: عن ليل (Re: محمد بهنس)
|
نص الليل .. شمس في النيل مرقت مويتها تنقط شايله تقيل سوال: تسوي شنو؟رد: بكوس في شليل قمرا كان بكشف خلسه قال.. معاك دليل
الليل ما مخيف
| |
|
|
|
|
|
|
Re: عن ليل (Re: وليد محمد المبارك)
|
ليل في ضل سحاب والضل تقيل بالحيل / مرت أبو القدح فيهو الحمام ياهديل / ليها النيل بينشف والتراب بيكيل / لوالريح مافي أصلا شجري برضو بميل / ..بالصمت العنيف
| |
|
|
|
|
|
|
Re: عن ليل (Re: محمد بهنس)
|
وين يا وليد....أنا يا خوي بخش البورد حفيان عشان كدا ما في صوت...بخش شهوة شعر ومحبه لي مجتمع..مرة خشيت البورد بالرا
| |
|
|
|
|
|
|
Re: عن ليل (Re: محمد بهنس)
|
هاهاهاهاهاتاهاهاهاهاهاااااي هع هع عههعهعهع هع
را محل الشين
هي مع السلامة يازول بعد ده مرتي بطلقني
لي قدام
| |
|
|
|
|
|
|
Re: عن ليل (Re: munswor almophtah)
|
اكتبي عن شبال ومَحَنه انقشي في قلبي بالحِنه بِتَكتِب هُس ..اقطعو الطَنه اسمعو وجع القلم الانى
دماع الحروف
ذوب جليد اوسلو بي دِفِيه بِرجع .. والنيل مُشتَهِيه حاشا.. ما كذاب .. سَفِيه عمران مكاناً ..انت فيه
فادكس الولوف
قاعد مَرَبَع ..في البلد فنان.. ضَكران وود بلد ترسم تخربش .. وليك غرض ترجع حقوق .. الاتخرت
الناس تصفق ليك الوف
| |
|
|
|
|
|
|
Re: عن ليل (Re: وليد محمد المبارك)
|
اغريهاالسلام يا خلى وحياة دينك وحياة الودادالباقى بينى وببنك اجلس باحترام خلى الحواجز بينك واوعى يطير سهم من عينها اقلع عينك
اضاير ما تتلبج
| |
|
|
|
|
|
|
Re: عن ليل (Re: المسافر)
|
يا مسافر حليلك وحليل نجيمك ضوا وحليل بسمة شفاة لمن تبق تطوا مصارين القليب لامتين اجيبن عوا
يا كافى كفيا كافى
| |
|
|
|
|
|
|
Re: فوقق (Re: المسافر)
|
نحن سيادة مانا بيادة والقبل التمانية نحن اسيادة الجرح المغور نحن لية عيادة عن ساعة الكتال شرطا تجينا زيادة
بتهدد الحوت بالغرق
| |
|
|
|
|
|
|
Re: فوقق (Re: Tumadir)
|
يااخت الكرام شايفك مغردة طايرة وشايف دقشك الموشين حريفة وثائرة يا ام سارية هوشي الليلة قمرك عاليا ختى السمتة يامهيرة الخلوق الحائرة
| |
|
|
|
|
|
|
Re: فوقق (Re: munswor almophtah)
|
المسدار عندكم سوقوه بشويش غادي لي غبشا هناك تتسلي بي صوت رادي ادخلو في بيوتهم و مرة زوروا النادي تلقو البيت حزن والهم صبح فرّادي
بس همهم الخريف....
| |
|
|
|
|
|
|
Re: فوقق (Re: وليد محمد المبارك)
|
يا الوليد
الخروف ما بهمهم ساعنو من ضمن المراح بضحو لو كان الفقر عشعش قصادهم واستراح وهيلة الله يدّوها الفجر بي كل سرورهم وانشراح الا البدن ساجاهو حمي..بلا حقن...سهران ينين حتي الصباح
اها الصحة كييييييف
| |
|
|
|
|
|
|
|