|
|
 Re: صورة وتأثير يازول – ندى امين – زولة 123 مثالا (Re: اساسي)
|
| Quote: لكن انت خاتي الكميرا تحت الطربيزة ولا شنو |
اساسى، سريع البديهة، ضحكتنى الله يضحكك دائما
الساحر، شكلم برىء وبتشبه الاطفال، صورتك اللى اتصورتها من تحت التربيزه الحقوق محفوظة لاساسى بتزكرنى مرافىء بتى
راوية، صور حلوه جدا، وخاصة اللى ماعجبتك
طبعا انا شفت راوية فى القاهره، جميلة وزياده على كده انيقة جدا، ياترى امريكا غيرت ده ياراويه، اهم حاجة الاناقة البسيطه
ولك المحبة
السنجك فى انتظار صورتك، الرسم المنزله مابعبر كثير عنك، ده احساسى
| |
 
|
|
|
|
|
|
|
 Re: صورة وتأثير يازول – ندى امين – زولة 123 مثالا (Re: alsngaq)
|
أخوي السنجك:
السلام والتحايا لك ولضيوفك الكرام ،،،
دون فرز وكامل قبيلة آدم وحواء بالبوست
عبرك أرسل سلام حار للأخ المبدع كوستا، الذي طال غيابه وزاد
شوقنا له بما كان يمتعنا به من كتابات نيرة لا تخلو من الإبداع
والذوق الرفيع ،، لا أسكت الله لك حساً أخي كوستا.
.. أخي كوستا أثار محاور متعددة .. محتاجة إنو الواحد يتناولها
بالتفصيل .. خاصة علاقة (الصورة الواقعية - الانسان) بالمكان ..
علاقة (الرائحة) .. بالمكان .. علاقة (الصوت) بالشكل المتخيل ..
وما يضفيه الوجدان من منكهات خاصة .. وعلاقة ذلك بالحالة المزاجية
وتأثير البيئة المحيطة على ذلك.
أامل أن يتناول الإخوة المتداخلون ما - أمكنهم ذلك - بالتفصيل حتى
نشعب موضوع الأخ/ السنجك - دون نسيان للمحور الأساس علاقة (الصورة)
المتخيلة في ذهنية المتلقي (بالكتابة) ...
أنا شخصياً سأعود الى ذلك متى ما وجدت سبيلا
Quote: : اعترف ان صورة الاخ العزيز ابو القنفد قد اختلفت اختلافآبينآ
عن ما وضعته له من تصور فى خيالى ... فقد خلته اسمرآ , طويلآ , رشيقآ |
أخي كوستا .. هذا يقودني مباشرة .. لعلاقة (الاسم - الكتابة) بالبيئة .. أحياناً
أو دعنا نسميها أثر اللونية التي يتناولها الكاتب في رسم الصورة المتخيلة عنه
لدى المتلقي .. يمكن من هذا الباب رسمت تلك الصورة عن (الكنفد) - وزعمك في موضعه
فهو أحياناً يتكلم لهجة موغلة في المحلية - برفقة صديقه جاموس الخلا الحكار - أحياناً
يمزج بين بيئة الغابة والصحراء - التي تستلزم قاطنوها - الطول الرشاقة - خفة الحركة السمرة (نتيجة الشمس الحارقة) .. وهكذا يمكن أن تقودنا الي كثير من التحليلات لنفس الصورة المنطبعة على الذهنية المتلقية.
| Quote: .. و " سفة " لا تفارق شفتيه .. |
لا أريد أن أقول أنك قد أصبت كبد الحقيقة .. ولكن بتحليلات مغايرة قد
يكون في المسألة وجهات نظر .. ربما نحنُ في انتظارها من المتداخلين.
حتى السفة غدت طابع ثقافي أكثر منه مزاجي .. وبرضو علاقة (السفة - المنبهات)
بالكتابة - وتخيل المتلقي للكاتب بأنه بتاع مزاج .. وبكتب بي مزاج .. أيضاً
يمكن استخلاص ذلك - برضو في إنتظار تحليلات المتداخلون.
لكم الشكر جميعاً ،،، وشكراً أخي السنجك لهذا البوست المبدع
في إنتظاركم .. حتماً سنعود بي مزااااج
شوية تخريمات داخل الموضوع:
الأخت إشراقة .. الآن صورتك بدأت تقترب كثيراً من كتاباتك
لأحظي - تأثير المنصة - المايك - الوقفة - التحدث للجمور المتلقي -
العقلانية في الطرح - حلالة مشاكل - تأخذ الأمور بروية .. وهكذا
يمكن الصورة دي تنسجم بوئام مع ما تطرحين ..
الله يديك العافية.
أستاذنا الغالي عادل ..
لا زلت أعتقد أو أزعم بأن صورتك بالبورد (أسفل اسمك) ..
فيها الكثير من الإيحاءات .. والإيماءات .. أحياناً كثيرة
تنسجم مع نوعية كتاباتك .. خاصة أوان الغضب (بالذات عندما
تنوي حرق أحدهم) .. أقرأ فيها (في الصورة) التحدي .. السطوة ..
الثقة - عدم الإكتراث بالمنتقدين - أحيانا ومضات ذكاء خفي (لا تريد
لأحد أن يطلع عليه) - وهكذا .. هذه الصورة قد تكون منطبقة مع نوعية
الكتابات التي تتناولها (سياسية - اجتماعية جادة) .. وقد تشي ببعض
أو جزء من الحياة الطبيعية .. وقد تكون مغايرة تماماً لعادل في الواقع
الحي ... الله يديك العافية أخي عادل (أوعك تقوم تزعل مني وتحرقني).
يا أخوي السنجك .. سامع تحت تحت إنو الصورة أم نضارات بتاعت أختنا
شيري حقاً وحقيقة .. والعهدة على المُشَمِر (صاحب الشمار).
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
الاخ اساسي
والله بودنا نعيد معاكم لانو العيد عندكم ليه طعم تاني ربك يسهل بس
قلتي كنت خشبة في القديمة هاهاها لكن يااخ اذا كان البوفيه بتاع المدرسة
مافيه الا فول وموية فول بس وشاي سادة الما بخليني خشبة شنو
الاخ عادل عاطي
شكرا علي الاطراء الجميل ده طبعا انا بحب الشكر شديد عندي عرق جعليه ما تخليني
انفعل وانزل لي عشر صور هنا بالمناسبة ح احاول اعمل الصورة التانية في البروفايل
الاخت اشراقة
برئ دي عجبتني شديد والله لكن رجعت للصورة ما شفت فيها اي طفولة او براءة
انا ابوي قبل مدة قال لي لو ما عرست اسه تاني مافي واحده بتقبل بيك بالمناسبة
البراءة اكتر في صورتك الاسه دي وربنا يخلي ليك مرافئ ويحفظها وبوسيها لي
السنجك سالك فوق والظاهر ما شفتيهو انا بكررليك سؤاله تاني لانو الشمار كاتلني
زيهو الصورة دي وين وكنتي بتقولي في شنو ؟؟
الاخت راوية
الايام شابكاني انا والسنجك النيو لوك النيو لوك انا ما عارف النيو لوك ده وين ؟؟
لكن شكلي جاي مع النيولوك ولا القديم ؟
طبعا صورك اي واحدة احلي من التانية وانا دقست جبت صورتي بعدك مافي زول اشتغل بي
| |
|
|
|
|
|
|
|
|
 Re: صورة وتأثير يازول – ندى امين – زولة 123 مثالا (Re: اساسي)
|
Quote: يا زول وريني سيرفر بكري ده ما قادر يبلع ويهضم صورتي دي ولا الحاصل شنو ؟
ياخ ما سيرفر بكري براهو حتى ناس العرب سفن ما دايرين يختوها ..
البت دي كلاما صاح وانا قبيح لي الدرجة دي ؟
|
طبعاً اكتر زول وديع في الدنيا دي كلها تبلدي
وملامحه وديعه وصوته حنون بشكل غريب
والله لو كنت في البيت كنت سرقتها ليكم من الماسنجر ويندو ونزلتها
بالمناسبه دا ماغزل في بيناgeneration gab وكدا
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
السنجك:
_________
ياخ ده بوست طاعم جدآ وفي منتهى الظرافة ،وإستقطب ونسة حلوة ، فلك التحية ونعتذر عن عدم الخول فيه من قبل ، ما كنت شايفو.
إشراق:
________
ما كنت قايلك خاينه كده ، إكتشفتي ليك مكان ظريف ولبدتي فيهو ، طيب كان تكلمي أصحابك يجوا معاك هنا .
أساسي:
_________
أنت الزول الوحيد الذي خدعني ، عادة أستطيع رسم ملامح الكاتب من كتابتو وبتكون مطابقة لحد بعيد مع الملامح الحقيقية ، إلا أنت دقست فيك من كتابتك بدوت لي ظلامي كريه ، لكن لما قابلتك في حدائق القصر طوالي كنت مايل ليك ، يعني هضمتك ، أصلوا أنا عندي ملاحظة أبدآ ما خابت ، إنو السمان دائمآ ظريفين وفيهم شيء من الطفولة ، ولقيتك دبدوب وقلت الزول ده لازم يكون مخفي ظرافتو لأغراض التقية والظلامية ، أعدت قراءتك على ضوء المشاهدة ورأي في السمان المتضخمين فوجدت فيك ظرافة واضحة برغم مشاغباتك وظلاميتك
الما بجيب إسمو:
____________
ده زول جاط لي رأسي ، أولآ لأني شايفو من أيام الفرع ولم أهضم إتهامات العنف الموجهة له ،حتى صدمني بعنفه اللفظي وتجاوزه للحدود أحيانآ ، ومع ذلك ، قلت من حقه طرح وجهة نظره ورأيه وتوجيه خصوماته بالطريقة التي يحب ومن حق الآخرين تقييمه والتعاطي معه كما يرغبون ، بردات الفعل أم بالإهمال
حاولت أعيد قراءته من خلال الصورة والإبتسامة الحلوة ، فأكتشفت جمال فيه عندما كتب بوست جميل عن بنته والأبوة مما دفعني للتدلخل معه في البوست مرات عديدة وكنت بقول في سري ،طيب ده مازول كويس ! جادعنو ليه؟ وده كان السبب في أن أتحدث معه في التلفون وعلقت على صوته الوديع الذي لانسجم أبدآ مع حروبه وعنفه اللفظي الذي تجاوز الخطوط
وطبعآ ما تركني أتهنى كثيرآ بهذا الإنطباع ففي أول إختلاف معه شتمني شتيمة السنين ! بدأ لي محيرآ ومتعدد على النحو الذي أدركه فرده فجعله في صدارة شخصيات المؤلف الأسفيري الروائية-أتمنى ان يبعث هذا البوست من جديد فهو يستحق- وبالرغم من تداخله معي في البوست المعني ،علا كنت حذر جدآ أن أحتك به وانا أبو بنات يقوم يمشي يفتش في دفاتر الأولية ومراحل الشباب والإنفلاتات ويدخلنا في حيص بيص ، عشان كدهما بجيب إسمو تفاديآ للشرور ، غايتو دخلنا هنا نسبة للوداعة المؤقتة وربنا يستر.
قلت لأساسي أعلاه أن قراءتي للملامح من خلال الكتابة كانت دائمآ موفقة وقريبة من الحقيقة ، وذلك إنطبق على:
- دريمز : من كتابتها تخيلتها تفيض بالمشاعر وتتدفق وضوح ، وهكذا وجدتها
-ملكة سبأ: تخيلتها وديعة و ودودة ، وهكذا كانت وأكثر
-أم وضاح: من كتابتها تخيلتها ذات حضور قوي ، وعندما زارتنا في البيت برفقة زوجها الصديق/ عصام وابنها وضاح كانت أنظار الحضور وآذانهم مصوبة نحوها ، كان لها حضور طاغي
-مريم بت الحسين ، كما تخيلتها تمامآ وإمكن كونها جمهورية ساعدني في إكتشاف شخصيتها
-محمد قاسم : من كتابته حسيت انه صديقي وشقيقي ، ومن صوته أدركت تمامآ أنه أقرب واحد لي في البورد وعندما تبادلنا الرسائل تيقنت تمامآ من رأي
صورتي:
_________
________
وضعت الصورة التي ترون عشان أكف العين ،متفاديآ وضع الحقيقية حتى ما تجيب لينا الهواء والهوى ، ومع ذلك ما سلمت فالصورة دفعت بقارئة /زائرة مستديمة لبورد وغير عضوة ، أن تتصل بي بعد ما أخدت العنوان والتلفون من البروفايل وأردفت إتصالها بسيل رسا
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
السنجك:
_________
ياخ ده بوست طاعم جدآ وفي منتهى الظرافة ،وإستقطب ونسة حلوة ، فلك التحية ونعتذر عن عدم الخول فيه من قبل ، ما كنت شايفو.
إشراق:
________
ما كنت قايلك خاينه كده ، إكتشفتي ليك مكان ظريف ولبدتي فيهو ، طيب كان تكلمي أصحابك يجوا معاك هنا .
أساسي:
_________
أنت الزول الوحيد الذي خدعني ، عادة أستطيع رسم ملامح الكاتب من كتابتو وبتكون مطابقة لحد بعيد مع الملامح الحقيقية ، إلا أنت دقست فيك من كتابتك بدوت لي ظلامي كريه ، لكن لما قابلتك في حدائق القصر طوالي كنت مايل ليك ، يعني هضمتك ، أصلوا أنا عندي ملاحظة أبدآ ما خابت ، إنو السمان دائمآ ظريفين وفيهم شيء من الطفولة ، ولقيتك دبدوب وقلت الزول ده لازم يكون مخفي ظرافتو لأغراض التقية والظلامية ، أعدت قراءتك على ضوء المشاهدة ورأي في السمان المتضخمين فوجدت فيك ظرافة واضحة برغم مشاغباتك وظلاميتك
الما بجيب إسمو:
____________
ده زول جاط لي رأسي ، أولآ لأني شايفو من أيام الفرع ولم أهضم إتهامات العنف الموجهة له ،حتى صدمني بعنفه اللفظي وتجاوزه للحدود أحيانآ ، ومع ذلك ، قلت من حقه طرح وجهة نظره ورأيه وتوجيه خصوماته بالطريقة التي يحب ومن حق الآخرين تقييمه والتعاطي معه كما يرغبون ، بردات الفعل أم بالإهمال
حاولت أعيد قراءته من خلال الصورة والإبتسامة الحلوة ، فأكتشفت جمال فيه عندما كتب بوست جميل عن بنته والأبوة مما دفعني للتدلخل معه في البوست مرات عديدة وكنت بقول في سري ،طيب ده مازول كويس ! جادعنو ليه؟ وده كان السبب في أن أتحدث معه في التلفون وعلقت على صوته الوديع الذي لانسجم أبدآ مع حروبه وعنفه اللفظي الذي تجاوز الخطوط
وطبعآ ما تركني أتهنى كثيرآ بهذا الإنطباع ففي أول إختلاف معه شتمني شتيمة السنين ! بدأ لي محيرآ ومتعدد على النحو الذي أدركه فرده فجعله في صدارة شخصيات المؤلف الأسفيري الروائية-أتمنى ان يبعث هذا البوست من جديد فهو يستحق- وبالرغم من تداخله معي في البوست المعني ،علا كنت حذر جدآ أن أحتك به وانا أبو بنات يقوم يمشي يفتش في دفاتر الأولية ومراحل الشباب والإنفلاتات ويدخلنا في حيص بيص ، عشان كدهما بجيب إسمو تفاديآ للشرور ، غايتو دخلنا هنا نسبة للوداعة المؤقتة وربنا يستر.
قلت لأساسي أعلاه أن قراءتي للملامح من خلال الكتابة كانت دائمآ موفقة وقريبة من الحقيقة ، وذلك إنطبق على:
- دريمز : من كتابتها تخيلتها تفيض بالمشاعر وتتدفق وضوح ، وهكذا وجدتها
-ملكة سبأ: تخيلتها وديعة و ودودة ، وهكذا كانت وأكثر
-أم وضاح: من كتابتها تخيلتها ذات حضور قوي ، وعندما زارتنا في البيت برفقة زوجها الصديق/ عصام وابنها وضاح كانت أنظار الحضور وآذانهم مصوبة نحوها ، كان لها حضور طاغي
-مريم بت الحسين ، كما تخيلتها تمامآ وإمكن كونها جمهورية ساعدني في إكتشاف شخصيتها
-محمد قاسم : من كتابته حسيت انه صديقي وشقيقي ، ومن صوته أدركت تمامآ أنه أقرب واحد لي في البورد وعندما تبادلنا الرسائل تيقنت تمامآ من رأي
صورتي:
_________
________
وضعت الصورة التي ترون عشان أكف العين ،متفاديآ وضع الحقيقية حتى ما تجيب لينا الهواء والهوى ، ومع ذلك ما سلمت فالصورة دفعت بقارئة /زائرة مستديمة لبورد وغير عضوة ، أن تتصل بي بعد ما أخدت العنوان والتلفون من البروفايل وأردفت إتصالها بسيل رسائل فوجئت برأي رشيق لها ومعرفة عميقة لكل كتابات وأعضاء البورد ولديها وجهة نظر في كل ما يكتب.
سألتها هل إتصلت بآخرين في البورد ، أجابت بلا ، وحينها سألتها طيب لماذا أخترتيني أنا ؟ قلت: عشان كتاباتك بتعجبني وفي واحد منهم لمس وتر حساس حيث الموضوع عايشته مع صديقة لي تنكر والدها لها ولأبوته {أطفال الخطأ الرومانسي} قالت لي هذا كان البداية ، ثم وجدت نفسي متورطة فيك ومتأملة دايمآ في صورتك التي تتبدى الرجولة الطاغية منها ، شنب ، ونظرة عميقة من عيون واسعة وجذابة وصريحة ! الليلة ! الغزل بدأ ، هكذا هتفت في سري!
اما بوردابية أخرى ، برضو ما حا أجيب اسمه ،خايف الهواء يقسمه ، أول ما قالوا ليها ده أبو ساندرا ، حتى قالت لي يا غشاش!
وأخرى قالت لي بيسحرووووك ، خيرآ فعلت لمن ما علقت صورتك هذه .
وبالطبع أمزجة الناس بتختلف ، أحداهن قالت لي الصورة أحسن من الحقيقة
المهندس وعاصم الحزين وأخرى يروني كده أحسن !
أما رشيدة فهذه أكثر واحدة متكيفة من الصورة المعلقة ولم تقل لي { أحملها} ولمن قلت ليها عايز أغيرها وأضع صورة النهارده ، رفضت بإباء وشمم ، وحتى الآن لم أعرف السبب ، هل فعلآ عاجباها كده وما عايزه الناس يكتشفوا الحقيقة ، أو خايفة عليهم من الحقيقة ،أم لأنها توفر لها أمان داخلي ، أم هي خايفة أضع صورتي الحقيقة فيتلم عليا الضهب وحينها تاكل نيم !
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: أبو ساندرا)
|
ابو ساندرا سلامات :
Quote: الما بجيب إسمو:
____________
ده زول جاط لي رأسي ، أولآ لأني شايفو من أيام الفرع ولم أهضم إتهامات العنف الموجهة له ،حتى صدمني بعنفه اللفظي وتجاوزه للحدود أحيانآ ، ومع ذلك ، قلت من حقه طرح وجهة نظره ورأيه وتوجيه خصوماته بالطريقة التي يحب ومن حق الآخرين تقييمه والتعاطي معه كما يرغبون ، بردات الفعل أم بالإهمال
حاولت أعيد قراءته من خلال الصورة والإبتسامة الحلوة ، فأكتشفت جمال فيه عندما كتب بوست جميل عن بنته والأبوة مما دفعني للتدلخل معه في البوست مرات عديدة وكنت بقول في سري ،طيب ده مازول كويس ! جادعنو ليه؟ وده كان السبب في أن أتحدث معه في التلفون وعلقت على صوته الوديع الذي لانسجم أبدآ مع حروبه وعنفه اللفظي الذي تجاوز الخطوط
وطبعآ ما تركني أتهنى كثيرآ بهذا الإنطباع ففي أول إختلاف معه شتمني شتيمة السنين ! بدأ لي محيرآ ومتعدد على النحو الذي أدركه فرده فجعله في صدارة شخصيات المؤلف الأسفيري الروائية-أتمنى ان يبعث هذا البوست من جديد فهو يستحق- وبالرغم من تداخله معي في البوست المعني ،علا كنت حذر جدآ أن أحتك به وانا أبو بنات يقوم يمشي يفتش في دفاتر الأولية ومراحل الشباب والإنفلاتات ويدخلنا في حيص بيص ، عشان كدهما بجيب إسمو تفاديآ للشرور ، غايتو دخلنا هنا نسبة للوداعة المؤقتة وربنا يستر. |
يعني اسا الواحد يرد ليك يقول ليك شنو ؟
كل سنة وانت طيب والوطن بخير !!
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
| Quote: من اجمل ما قيل في الموضوع |
شكراً ليك يا عادل
و بعدين أكتر صورة من صورك الأربعة العاجباني هي صورة المفكر" المدنقر فيها رأسك" لأنها فيها نوع من العمق و التأمل.
سودانية 2000| Quote: اصلا كنت مشتاقة الي الندية ندوية |
و الله أنا مشتاقه ليكي أكتر و بالجد مفتقدين قلمك الرشيق العبارة و أتمنى ليكي عام سعيد و عمر مديد. وأبقى أظهري و ما تحرمينا من الطلة.
راوية
شفت كل صورك و عجبتني كلها أنا برضو زيك كل صورة لي شكلي مختلف كنت عاوزه أنزل هنا بعض منهم لكن للأسف ما عندي أي إمكانيات تقنية عشان أعمل الحكاية دي.
أساسي
أتمنى ليك عام عام سعيد و عمر مديد
| Quote: علي ضمانتي انا وافقي السنجك دا لو نزل صورته ما بتلقي فرصة فيهو تاني |
قايتو صورته الخاتيها في البروفايل دي ما مطمئنه أبدأ و الله يستر قايتو. يلا يا السنجك إحنا في إنتظار الصورة.
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
يا جماعة البورد ماشي من لذيذ الي الذ ..وبدت تطلع اعترافات خطيييرة وفي ناس بدت تتكسر في ناس وناس ناس وناس انناس ..
ندي الامين:
والله بختك لقيتي ليك عريس غايتو من اسسسسسسسسة انا حاجز بتك 
الاخ اساسي:
طبعا اتفاجأت بي كلام ابو ساندرا لمن قال " السمان دييل دايما ظريفين "
يعني انت طلعت اساسي قبل الكراسي ؟؟؟والله انا خاتيك زول طوييييل وعندك صلعة ونخرتك طويييييييييييييييييييييييييلة (راكب الفيل علي قول محمد نعيم سعد)..
عشان كده انا اثني علي الراي القال يكتبو الوزن مع الصورة عشان نحدد الوصف اكتر..
اقتراح صغيروني كده :
اتمني انو اي واحد خاتي صورة يوضح تاريخ الصورة وعمرو الحالي عشان نقدر نحدد هل عوامل التعرية اثرت فيهو (الناس العاملين فيها عنده شعر ديل) ولا الحال زي ما هو ..
صراحة انا اكتر صورة فاجأتني هي صورة المسافر في البورد شايفو شبااااااب وعمر الزهور لكن والله لمن شفتو في صور بورداب الامارات اداني احساس انو سمساري عربات كبييييييييير والنوع الجنو حليفة علي الطلاق ووحياة اولادي
راجين الكتير ويا اساسي كدي ورينا صورتك تاني باقي انا ما اسعفني الزمن اشوفا
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: عمر الفاروق شيخ الدين)
|
يا ابو ساندرا شكلي الظاهر ما راكب مع كتاباتي خضر حسين خليل قال برضو اول ما لاقاني انه دا ما الشكل بتاع اساسي نهائي قال مفروض اكون زول علي الاقل خمسين سنة واخلاقه في نخرته وبرضو بتزكر السنجك دا قال مفروض اكون زول اخدراني ونحيف وقصير ومعصب اها قلت لي الناس السمان دايما هاشين وباشين دي اظنها حقيقة علمية بس يا فردة انا ما عملت وصيتك ديك  الفي بوست بورداب الخرطوم طبعا نسيتها بس اخوك ركز عليها كويس
هاهاهاهاها طبعا من اكتر الناس الفرحت بلقائهم انت والانطباع الجيد دا يسرني جدا ما تخلينا نقوم نراجع اوزانا تاني عشان نكمل الظرافة
عمر الفاروق
انت قايل الاسم دا من عنده خلفية لووووووووووول
اساسي قبل الكراسي ما اساسي كيس نايلون
هاك فتش البوست دا وتاريخ الصور يوم 14/11/2004
بورداب زاروا جدة في العيد وصور
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: Rawia)
|
Quote: الاخت راوية :
والله لكن ماشاء الله استديو عديييل كده :
غايتو اذا سمحتي لي اعلق علي الصور حا اعلق وكان ما سمحتي لي برررررررضو بعلق :
الصورة الاولي:
اديتني احساس انك مزيعة في تلفزيون السودان وبتقدمي برنامج مشوار المساء..
الصورة التانية :
اديتني احساس انك مرا كبيييييرة عندها سبعة اولاد والفي النص قليل ادب ومدلللع وانتي بتحبيهو ومعجناهو وكمان زي الكنتي بتغني مع البلابل ..
الصورة التالتة :
ادتني احساس انها صورة مرسلنها لي مغترب في السعودية (عليك الله يا هناي شوف بت جيرانا دي سمحة كيف)
الصورة الرابعة :
اجمل صورة بي صراحة وبتديني احساس الزمن الجميل في بنات السودان زماااااان ناس فستان ماكس والافرو والحلق القدر الطشت داك وما بعيد تكوني لابسة خاتم الدولار داك ..
الصورة الخامسة :
شكلك حنكووووشة وساكنة في قاردن سيتي في الحفلات تجي متاخرة وتوقفي الحفلة علي كراع واحدة لكن بتقطعيهو ناشف مع اي زول بيجي يقول ليك لو سمحتي رقصة
الصورة الاخيرة :
تم الريد الفرهيد النديانة ..ناس البادية الحنااااان ..
بي النسبة للوزن ده والله يا راوية شي صعب خلاص والخوف يبقا لينا زي زلزال اندونسيا ده ويقرا اخر رقم في ريختر (9) ويقوووم كده ميزان الوزن يقرا اخر رقم ولا الخوف يطلع رسالة ويقول يا جماعة اطلعو واحد واحد :d
لك الود وعاطر التحايا وكل سنة وانت طيبة |
الاخ عمر الفاروق
اهلا بيك واتفضل علق على الصور براحتك
التعليق الاول مــــابطال مذيعه مذيعه مع اني ماشفت مذيعات السودان الزمن دا نحنا سبنا السودان من زمن ناس المرحومات بنات المغربي وكانن قمه في الابداع والاحترام كنت معجبه شديد بسهام المغربي وقراءتها لنشره الاخبار
اما اختي فكانت من اكتر المعجبات بليلى المغربي
نحنا طولنا شديد من السودان وهنا ماعندي ستلايت ولا قناه سودانيه كل البشوفه ياهو حاجات ناس سيمبتيكو وعمك تنقو وتمبوسي
الله يخليهم
التعليق التاني
بالغت شديد جني وجن الشفع الشليقين الفي النص دا بالتحديد عشان حركاتو دي دفعناهو لي حبوبته
التعليق التالت
مش كدا النبي المهم المغترب يكون مليان مادايرين شحتفه وقله قروش
التعليق الرابع شكرا ليك انا زاتي حبيت الصوره دي وبتذكر تعليق محمد سيد احمد لما جيت من المصوراتي ووريتها ليهم قال لي شكلك بت من جنوب افريقيا بس
لكن باقي التعليق ما صاح ياخ دي الايرا بتاعه مايكل جاكسون ولعلمك التسريحه دي اسمها مايكل جاكسون وماشايف الابيض واسود في اللبس ياحليل ايام بيلي جين وثريلر وجست بيت إت ياخ تابعنا مايكل جاكسون وامنا بيهو عديل
ومارفن قاي والملك مارلي
وبعد داك جا الراب صراحه انا مارّبيت لكن مشيت سوق روكسي في مصر الجديده وجبنا الجنازير والجلد الفيهو حديد زي بتاعين العصابه لاخوي الصغير وجينا البيت قصينا اكمام القمصان كلها والولد بقى اخر تمام وبتاع راب درجه اولى
الفتره البعدها تريسي شابمان والنيتف افريكان ميوسوك نكشنا الشعر وكدا يازول كنا مواكبين خلاس
التعليق الخامس
عارف انا اصلي ما بارتي بيرسون يمكن في حياتي مشيت حفلات بالعدد لكن الصوره احساسك بيها غريب بالمناسبه انا خجوله جدا وش كسوف  وكدا وهادئه هدؤ السنين
ياخ بالغت في تم الريد دي لكن عموما تسلم
تم الريد جميله
اما الوزن هو ما٩ريختر لكن ٦.٤ لووووووووول
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
السلام عليكم ورحمة الله وبركاته
زى ما قال الكثيرين البوست ده جميل وطاعم
وياراويه ممكن تختى الصور تانى انا ما لحقت أشوفها
أشكر الأخ الكريم مهاجر وأسأل الله تعالى آن يحبك كما أحببتنا واتمنى ان نلتقى جميعا فى ساعه خير
طبعا كثير من الناس كانو خاتين لى صوره عـكس صورتى ولما قابلتهم face 2 face
قالو لى ما كونا قايلينك كده
فى ناس قالو لى ما قايلينك بتضحكى وبتهظرى
فى ناس قالو كنا فاكرينك لابسه النقاب
وفى ناس قالو أبدو أصغر كثيرامن عمرى
وفى ناس قالو كنا فاكرينك بتدعى الحنكشه طلعتى حنكوشه صحى صحى
المهم ولأنى أعرف انو فى كتير من ناس الشمارات فى البورد مستعدين يدفعو اى شئ ويشوفو صورتى  فأنا قررت اعمل تجاره
تدفعو كم وأنزل صورتى
وفى امان الله
لا اله الا الله
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
خالص التحايا00
alsngaq
بوستك مميز بيك وبى ناسو والموضوع كمان00
عموما انا زلت صورتى قبل كده كنت لابس فيها طاقيو بو (يعنى راستا مان) واحده زميل فرده عمل لى احباط احباط قال الطاقية جمليه لكن   
جبناليكم صورتنا التانيه دى كيف 000
بعدين فى مقارنه بسيطه مع عادل وصورى 00
انو كل صور عادل فى كل فتره تحلف تقول ماهو نفس الحال بالنسبه لى مرات لمن انخلع اقول ده انا ولا زول تانى 00
على العموم واصلوا ولمن نفضى نجيكم 00
وتسلم كتير 00
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: مريم بنت الحسين)
|
| Quote: المهم ولأنى أعرف انو فى كتير من ناس الشمارات فى البورد مستعدين يدفعو اى شئ ويشوفو صورتى فأنا قررت اعمل تجاره |
انا شفتها غايتو
لكن بشجعك تنزليها لانها فعلا بتدي انطباع حقيقي واصدق
انا بالمناسبه دي ممكن اتاجر في صوره زميله البورد السابقه وهي بملابس الاحرام تؤدي في
مناسك الحج وكان عمرها اربعه سنوات
علي طلبك من عيوني ياعسل بس اوصل البيت
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
ام واصل.. حمدلله على السلامة...
امشي على الموقع www.arab7.com اعملي upload للصورة... بديك عنوان للصوره.. انسخيه...
معاي لحدي حسي؟
تجي في الجزء بتاع الرد .. اضغطي على Image الزر الفوقاني ده التحت العنوان بتاع الرد.. شفتيه؟ واعملي paste للعنوان داك.. بتظهر ليك الصوره...
لو ما نفعت... تديني اول بي المسنجر.. ممكن ارفعها ليك قبل ما انوم...
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
سلام يا ناس
وآخيراًَ يا سنجك نزلت صورة ..
شكلي ح احفظ العنوان والرابط بتاعا زي جداول الضرب عشان ما انساها تاني لو احتجت ليها
اتمقلبوا ناس العرب 7 ومقلبوكم معاهم
كلها تلاتة ايام وامسحا .. استحملوها يا ابو الشباب
عادل يا ريت والله تكون رايق وهادي كدة
ويا زول اعتبرو اختلاف اذواق عشان ما تبور باقي صورك
أها يا راوية اخيرا نزلت الصورة
الكلام الحلو ده كلو فيني ؟
طيب البت القبيحة دي جلتني واقف لييه ؟
أسألي أساسي الوجيه ده .. لامن اتفقنا خلاص فجأة قالت باي باي لندن ..
ثم تانيا نو المنعك تتغزلي
شترتيها عديل بي اعلانات المبادئ القلتيهو ده ..
انا لاقي ؟ شوف بالله ؟؟ ..
مشكورة يا ستي ..
أبنوسي
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
طبعا البوست احلوا كتير والواحد ما قادر حتي يرد علي الناس؛ فحارد هنا بصورة تلغرافية سريعة ؛ وممعذرة لو فطيت زول في الرد في الرد ..
راوية شكرا علي الكلمات الطيبة وفي الحقيقة صوتي بيدهش الناس كلهم؛بيتوقعوا صوت جهوري وغليظ؛ وبيلقوا صوت لطيف وناعم - شكار نفسو ابليس - وانا ذاتي اول مرة اسمع صوتي في تسجيل كنت مندهش؛ لانو الزول بيسمع صوتو بشكل مغاير مما يسموعوا الناس؛ والطول وقف عندكم اظن وعشان كده جاء قصر معانا .
ندي امين حقيقة طرحك متقدم وليس مجاملة؛ اما الصورة المدنقر دي فوالله الناس المعجبين بيها قليلين؛ وفي الحقيقة ما في تفكير كتير اظن كان عندي وجع راس ولا وقعت مني حاجة كنت بفتش فيها؛ عشان كده يبدو انو الصورة الحالية حتقعد فترة؛ الا اذا نزلت صور اجدث او صورة لاماليا .
تبلدي طبعا زول رقيق وحساس وجنو وجن المشاكل؛وعامل فيها متبنيني مع انو انا مفروض اتبناهو بحكم العمر؛ وهاك يا نصائح وتقريع وفي الحقيقة دائما كان عندو حق؛ وصورتو كتير تعبر عن شخصيتو.
اها بعد نقبل علي الباقيين:
طبعا السنجك غريب وهو من الشخصيات المحيرة في البورد؛ في البداية قالوا السنجك والساحر شخصية واحدة؛ وبعد داك جات المناقرة مع د. ابكر ادم اسماعيل والاعتقد اثرت سلبيا علي صورة السنجك عند الكثيرين؛ وهو زول مهذب ووطني وبيعرف يفتح بوستات حلوة؛ علي كل حال مسالة دس صورتو دي وراها بيكون في مصيبة؛ عشان كده اتكيفت جدا لشرط ندى امين؛ واها يا السنجك مشوفك"سنجك" بالجد ولا اي كلام ساكت .
اساسي طبعا خليتني احوم بين البوستات افتش بي رجل كلب علي صورتك؛ يعني حتي في دي ضرورى من البياخة؛ ما كان ممكن تنزلا هنا طوالي؛ علي العمومصورة جميلة ووجيهة وعملت لي مفاجاة ايجابية .
بت الاحفاد عايزين نشوف صورتك والله مع انو الصورة المنزلاها لطيفة ودائما بتديني احساس بيك انك انسانة صغيرة وبريئة؛ اما قصة حنكوشة دي ما عارف؛ لكين ما دام انتي قلتي كدا والناس قالوا كدا حاغالطك ليه ؟
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
إنتي يا شروق نسيتي إنك لما رسلتيها لي بالإيميل قلتي لي إنك أخدتيها لمن كنتي في الثانوي
طيب معناها كلام راوية ما بين سنة 76-78 صاح
و بالله عليكي الله نزلي لينا الصورة القلتي كنتي شايله فيها الراديو
اللوووووول هو قالوا زمان القشرة كانت بالراديو و لا شنو
يا بت يا فنجرية
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
Quote: طيب البت القبيحة دي جلتني واقف لييه ؟
أسألي أساسي الوجيه ده .. لامن اتفقنا خلاص فجأة قالت باي باي لندن .. |
اول حاجه هى الخسرانه لكن نحنا مابنقول الكلام الكعب يمكن بكره المياه ترجع لمجاريها
وتقعد لينا كلمتنا
نديها فرصه تانيه
اما نصيحه منى ليك اساسي دا طلعوا خالس من الامور العاطفيه
بيخليك تدق الدلجه وتغنى ظلموه
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: Kostawi)
|
صورة عمك نتقو دي لخبطت الصورة الكنت مخزنها في دماغي.
صورة إشراقة بتاعة الساعة الكبيرة ديك أظرف صورة .. مسيكينة كده وبريئة.
يا ندى أمين .. صورة السنجك بحوزتي .. وحأنزلها لو سمح لي .. لكن لو نزلتها صدقيني احتمال كبير كترة الزباين تبوظ السوق. الزول وجيه.
أساسي .. الغريبة صورتك اللخبطت الناس دي لم تختلف كثيراً عن الصورة اللي أصلاً كنت متخيلها ليك.
الزول الصورتو طلعت عكس ما كنت اتصور هو هشام شيخ الدين.
في زول عندو صور قرشو .. وقرجة؟
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: Ishraga Mustafa)
|
عاشقة الضفاف..
ما اجمل حرية الرهان..
كنتي اشبه بريشة في تيار..
الان ادركت ان حبك فنتازيا الالوان..الاسود..الازرق..خيارك..
كيف لي ان ارسم عالمك الثائر كيف لي ان امزجه بكل الوان التضاد..
ووين التوب أبو قجيجة..ولا الصورة دي منذ تفتح الحقب؟
ادركت اخيرا_من خلال الصورتين الحديثة والقديمة_ان علاقتك مع الزمن علاقة مطاردة..أوهكذا قراءتك طردا..
في الشتاء تتجمد الانهار..الصورة التانية/الحديثة..
خط الاستواء خانق..الصورة الاولي/القديمة..
سلملم..
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: tabaldy)
|
Quote: : حقو انزل صورة من الازمان الغابرة لمن كان وزني 50 كيلو وعمري 20 سنة ..
hmmmmmmmmm...
اوتكاست طبعا مريت بمرحلة كان عمري فيها 20 سنة؛ وكمان كان عمري 10 سنة و10 شهور كمان؛تتخيلي ؟
الي منتصف التسعينات كنت نحيفا جدا وبعدها ربما بسبب العمر وطبيعة الحياة المعاشة بدات في السمنة تدريجيا؛ وانبرشت بعد الزوواج والان وزني 74 كيلو مع طول 174 سم
سابحث عن صورة قديمة وانزلها في هذا البوست اللطيف
عادل |
العزيز عادل
ياخى إنت فهمتنى غلط خالص ما قصدته من هممممممم هو أنه فكرتك عجبتنى وقعت لى فى جرح لنفس الاسباب اللتى ذكرتها عن علاقةالزواج بالانبراش لوووووول
اما انت 174سم و 74 ك فلا تنطبق عليك مقايس الانبراش ..خصوصانحن ناس امريكا ديل عيارنا تقيل.
The topic is very nice, and with all these lovely pics, I'm not sure if I have to take the risk and put one of mine's here.
I really had many comments, but I suffered a lot with Bakri's new Arabic keyboard (we shouldn't have complained about the old one).
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
اشراقة مصطفى شنتير عادل عاطي قرجة مهاجر ح اقول شنو انتو ما صدقتو ندى امين طلبت فى كلام تاني بعد كلام ندى ويا شنتير اخوي ارتاح دي ندوية مش الصورة بس انا ذاتي بنزل و يا ندى انت اطلبي بس am here right for you يا شباب وشابات بجيكم راجع للردود تاني اكضب عليكم يعني لقيت طلب ندى قدامي مافي داعي ابرر انتو كلكم ذوق وفاهمين دي ندوية دي
(عدل بواسطة alsngaq on 01-07-2005, 10:18 PM)
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: عمر الفاروق شيخ الدين)
|
ده الكلام يا أبو السناجك. أها بالله عليك الله صورتك دي خليها
في البروفايل بتاعك وألعن البعاتي الهناك داك.
تعرف .. عندك صور تانية أجمل من دي .. لكن دي ذاتها ما ساهلة أبداً.
آوتكاست .. إنتي واحدة من الناس البتمنى أشوف صورتهم.
خلي الصفقات الثنائية دي وأتوكلي ونزلي ليك صورة ههنا يا أختاه.
تصبحون على خير.
يوروشْكو
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: Outcast)
|
العزيزة اوتكاست كيفك
طبعا قبل فترة كدا كنت مفتكرك رجل بالمناسبة
وحقيقة بعد ما عرفتك ومن خلال كتاباتك انت من
اكتر الناس العايز اشوفهم فى المنبر وياريت
وبمناسبة الجمع الجميل دا تنزلي صورتك ولو
ليوم واحد بس
وبعدين انا ح اراهن على صورتك ومتاكد انها
روووعة ويكفي انها صورتك بس
منتظرين يا اوت كاست
يلا اتوكلي
1
2
3
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
السلام عليكم ورحمة الله وبركاته
الأخت الحبيبه راويه
بعد ما طلبت منك الطلب أنزال صورك --تزكرت أننى غلطانه وكان يجب أن أطلب أرسالهم فى الأيميل--للأنو لو أى أحد أفتتن بك وأنتى ماشاء الله عليكى جميله فى كل الأحوال فأنا سأخذ الذنب--وأنا ماناقصه والله انا بحاجه لمن يخفف عنى ذنوبى--وتزكرت الأيه الكريمه عن غض البصر
قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ (30)
وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ (31)
سوره النور
تسلمى يا حبيبه ولو فى طريقه رسليهم لى على الأيميل---مودتى دوما
الأخ الكريم عادل عبد العاطى
تحيه طيبه
عارف ما انا القلتى على نفسى حنكوشه لكن الناس ما بترحم أعترف أنى مدلعه شويه ودمعتى قريبه لا ادرى ان كان هذا يسمى حنكوشه
اول ما سمعت معنى هذه الكلمه كان فى البورد وسألت عن معناها خالتى التى أتت لزيارتنا فقالت لى شفتى أنتى ده ياها زاتا الحنكوشه
بالنسبه لصوره البت فأنا ما أكبر منها كثير بس سنتين تلاته ونفس البراءه (شكار نفسو.....)
عن صورتى فما حأقدر أنزلها ليس لأنى حلوه شديد بس يمكن واحد يكون عندو عمى الالوان وينظر فيها أكثر من مره وأنا آخد الذنب لأنى نزلتها---فالنظره الأولى لك والثانيه عليك كما قال رسولنا صلى الله عليه وسلم--فعزرا لذلك--تحياتى وتقديرى
ندويه والسنجك نقول مبروك?
الصوره ونزلها أظنـ بعد كده ما عندك كلام---ما تنسى تدعينا ولو ما دعيتينا
برضو حنعزم نفسنا --انتى مننا وفينا
تحياتى لكم جميعا
وفى امان الله
لا اله الا الله
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
عادل عبدالعاطي:
أهلآ بيك ، وبس تقول القلتو ده {كل سنة وأنت طيب والوطن بخير } ونبادلك التهاني والأمنيات الطيبة ،وممكن جدآ نتداخل معاك في بوستات الونسات ، ولكن البوستات الأخرى وخاصة السياسية ما عايز معاك خاصة بعد ردك في بوستي عن الحاج وراق ، وكفى الله المؤمنين شر القتال ، وحمانا من الإنصراف لمعارك تشغلنا عن همومنا الأساسية.
أساسي:
ياتو وصية؟ خلاص عايز تعمل صاحبي وتتبلى علينا ! وعلى كل حال تعال لي بتحت في الماسينجر
مريم بت الحسين:
ما قلنا غير الحسيناهو حقيقة وربنا يحفظك
راوية:
سايبين البيت كلو وساكنين في غرفة واحدة ، حلوة وملعوبة.
إشراق:
نان لمن إت بتحبي الونسة شديد كده ،ليشن ما عزمتي الوناس الأكبر { ولياتي}
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: أبو ساندرا)
|
| Quote: ياتو وصية؟ خلاص عايز تعمل صاحبي وتتبلى علينا ! وعلى كل حال تعال لي بتحت في الماسينجر |
يا حبيبنا ولا يهمك شكلي غلط في العنوان وبيني وبينك ابوي قال لي ما تصاحب ناس كبار
خلي اراسلهم في الماسنجر ..الماسنجر دا ما لنمور التاميل
الوصية يا سيدي في بوست سطوة البياض بالنسبة للحمية وكدا..
ومن ناحية تانية ما دأأأأئش (تدقش)
| |
|
|
|
|
|
|
|
|
 Re: صورة وتأثير يازول – ندى امين – زولة 123 مثالا (Re: علي محمد علي)
|
| Quote: عزيزي السنجك : كلامك جميل عن الربط الانطباعي بين الصورة والشخصية والذ يكتب؛ لكن رايك شنو في الناس الختوا صورة الصادق المهدي مكان صورتهم |
الاحباب السنجك و اهل البوست اللطيف
صباح الخير
ما دايرة انكد عليكم لاكين داير اسال الاخ دة-على محمد على-:
بما انو مافى زول خاتى صورة الامام الصادق المهدي غيرى فى البورد دة، فانتايا على محمد على بتقصد انى المعنية بسؤالك للسنجك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وواضح جدا انى معنية بالسؤال دة بما انو مافي انسان تانى من الاعضاء واضع صورة الصادق المهدى مكان صورتو،ما بتعتقد انتاانو موضوع الصور دة شى شخصي ما عام مطروح للنقاش؟؟؟اعتقد انو الناس تلتزم بالعام والحوار فيه،وعندما دخلنا البوستات الخاصة بك دخلنا لنقاش اشياء و رؤى عامة ما شخصية،انت حر فى انك تناقش انك خاتى صورة منو..لكن ما حر أبداً تناقش الاخرين ختوا صور منو طالما ما سمحوا ليك..
وانا ما سامحة ليك بي دة..
اريد ان اعرف:بياتو حق بتسال السنجك عن رايو فى الناس الواضعين صورة السيد الصادق.؟؟؟
ارجو انو يكون كلامي واضح
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
تحيّة للسنجك وكل المشاركات/ين
إشراقة أختى
قلتى لى الصور دى سنة كم ؟؟؟ مجرّد تساؤل والله !!
| Quote: صوره من تاريخ حميم تفتكروا الصوره دى سنة كم، لؤى ماداخل فى المنافسه |
غايتو انا دا حاقرين بى جنس حقارة ، خضر عطا المنّان ينزّل قصيدة يقول لؤى مايقول ، يوسف الموصلى ينزّل أغنية يقول لؤى مايقول ، أنور كينغ يعمل موقع جديد يقول لؤى مايقول .. طيّب انا المقعدنى معاكم/ن هنا شنو ؟؟؟
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: شريف درار شريف)
|
ياجماعة أنا بحب الدفارات واللواري عشان كده دائماً بجي متأخر ..
البوست الحلو دا كله فاتني ..
بس نقول شنو في حظنا الهباب ..
ياخي الشوارع دي ما تصلحوها ..
| Quote: الساحر يا حليل ايام الخرطوم القديمة |
ذكرتونا الخرطوم القديمة وأيام لها أيقاع ..
والمشي كداري لي إمتداد ناصر ..
بس ما براك يا أساسي ..
هسي يا أساسي تتطلعونا عجائز وتقول لي الصورة دي ما حقتك ..
أصلو اليومين ديل قائمات علينا حاجة إسمه السلبطة ..
أصلي أنا متسلبط لي في صورة زول ..
تاني بجيكم ..
| |
|
|
|
|
|
|
|
|
|
Re: صورة وتأثير يازول – ندى امين – زولة 123 مثالا (Re: alsngaq)
|
ندى
اها حددتوا معاد العرس ولا لسة؟
عايني, ما تشيلي هم فساتين الوصيفات
انا غايتوا حاختار الاحمر الماروني
ومستعده اعمل طقم مع ناس راوية ورجاء واشراقة وبت الاحفاد ومريومة
وممكن اتنازل ل بت الاحفاد ومريومة هم اليشيلوا الطرحة
بس البوكيه حقي , موافقة؟؟
د. معز
جكس شنو
هناي عبد العزيز ده برضوا ورانا هنا
راوية
انا ما شفت الصور نزليها تاني
وخلي ذنبك في رقبتي انا , مش كدة يا بوني؟
السنجك
انت فتحت ليك بوست البيقفلوا منوا ما عارفة
| |
|
|
|
|
|
|
| |
Ishraga Mustafa
اساسي
aboalkonfod
Rawia
أبو ساندرا
Abdel Aati
alsngaq
خال فاطمة
zola123
bint_alahfad
معتز تروتسكى
مريم بنت الحسين
Dr. Moiz Bakhiet
Dafi
Kostawi
Shinteer
Adrob wad Elkhatib
7abib_alkul
Outcast
garjah
lana mahdi
لؤى
شريف درار شريف
معتصم دفع الله
فيس بوك
تويتر
انستقرام
يوتيوب
بنتيريست