نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
عليك يا دنيا السلام
|
شعر/ عزمى أحمد خليل يا سلام على السلام .............. لما يصبح جد سلام وما مجرد بس كلام ..............ولا صلح بعد الخصام ويا سلام على السلام السلام يوم يبقى شامل .............. وبيهو الكل ارتضى وفى الحكم الكل يشارك .............. وتبقى حرية قضا وكل شروط جايره ومهينه.............. بى اراتو يرفضها والتسامح هو البيسود .............. ويملأ ساحات الفضا نبقى نفتح صفحه بيضا .............. واللى كان يصبح مضى ويبقى ده ياهو السلام .............. ويا سلام على السلام السلام للشعب كلو .............. العانى ويلات الحرب ما اتفاق كرسى ومصالح .............. وما سلام فئه أو حزب وله تهميش للتجمع .............. وله تبخيس للغرب السلام لى كل واحد .............. للقريب والمغترب والسلام يوم يبقى صفقه .............. دابو عاد ما بس خرب والسلام ما انقسام .............. وما هو تثبيت للنظام ويا سلام على السلام السلام بالجد يكون .............. لما يصبح قول وحق ما سلام تشويش ومظهر .............. أو كلام بس فى الورق السلام لى كل مناضل .............. للظلم قاسى ومرق والسلام لى كل مواطن .............. أصلو لا خان لا سرق والسلام حق للجميع .............. ما سلام جبهه وقرنق السلام ما غصن أخضر .............. بيهو بيطير الحمام ويا سلام على السلام
السلام عزه وكرامه .............. وما سلام بترول وسلطه بى قلب مفتوح وجامد .............. وما سلام فار بيخشى قطه السلام ده طريقو بين .............. وأصلو ما دايرلو خرطه الا بس الهسه حاصل .............. هو حيله ولا خطه كل شريك يأخد نصيبو .............. وفى دماغ الشعب خبطه وديه يا ناس عاد كلام .............. ويا سلام على السلام السلام بى صورتو ديه .............. حل هزيل وبالجد خيانه حلفا ترحل لى مريدى .............. وتبقى واو أرض البطانه والشرق رامينو غادى .............. وفى السلام ما ليهو خانه والجنوب وين باقى ناسو .............. وقولو دارفور وين مكانه مين يقول بس الحقيقه .............. والله جد عالم جبانه والمهم قصر الكلام .............. سلطه بى اسم السلام ويا سلام على السلام السلام البيحكو عنو .............. فيهو بس اسم السلام فوقو يا ناس واصحو يلا .............. وخلو بس كتر الكلام ما البيخاصم هو النظام .............. والبيصالح هو النظام ينكتم صوت الحقيقه .............. وليهو بس حق الكلام وما مهم الشعب يقبل .............. وله ينعم بالسلام المهم السلطه تبقى .............. ويندفن رأس النعام عدوها يصبح هو الشريك .............. وللثروه يحصل اقتسام والرئاسه والوزاره .............. هم يا ناس الكلام وعليك يا دنيا السلام .............. ويا سلام على السلام وعليك يا بلدى السلام .............. وعليك يا وطنى السلام ويا سلام على السلام
واشنطن /28 اكتوبر 2003
|
|
|
|
|
|
|
العنوان |
الكاتب |
Date |
عليك يا دنيا السلام | عزمى أحمد خليل | 11-05-03, 05:16 AM |
Re: عليك يا دنيا السلام | kamalabas | 11-05-03, 05:27 AM |
Re: عليك يا دنيا السلام | بكرى ابوبكر | 11-05-03, 05:36 AM |
Re: عليك يا دنيا السلام | بكرى ابوبكر | 11-05-03, 06:09 AM |
Re: عليك يا دنيا السلام | Hozy | 11-05-03, 07:59 AM |
Re: عليك يا دنيا السلام | Ridhaa | 11-05-03, 08:08 AM |
Re: عليك يا دنيا السلام | raheemsudani | 11-05-03, 09:20 PM |
Re: عليك يا دنيا السلام | مهاجر | 11-05-03, 09:26 PM |
Re: عليك يا دنيا السلام | penguin | 11-06-03, 10:06 PM |
Re: عليك يا دنيا السلام | الجندرية | 11-05-03, 09:27 PM |
Re: عليك يا دنيا السلام | SAMIR IBRAHIM | 11-06-03, 10:59 PM |
Re: عليك يا دنيا السلام | SAMIR IBRAHIM | 11-06-03, 11:02 PM |
Re: عليك يا دنيا السلام | SAMIR IBRAHIM | 11-06-03, 11:04 PM |
Re: عليك يا دنيا السلام | الفاتح يسن | 11-07-03, 02:38 AM |
Re: عليك يا دنيا السلام | raheemsudani | 11-07-03, 06:01 PM |
|
|
|