|
|
|
 Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: عبير خيرى)
|
.
النعيمية :
أو (ملاح الروب الأحمر)
المقادير :
5 قطع بصل متوسطة الحجم
نصف كيلو لحمة مفرومة
1 كوب كبير ماء
4 أكواب لبن رايب
2 ملعقة كبيرة ويكة
ربع كيلو دكوة
3 ملاعق كبيرة صلصة
1 كوب صغير زيت
2 فص ثوم متوسطة الحجم
ملح
بهارات حسب الرغبة
طريقة التحضير :
يقطع البصل إلى شرائح رقيقة تقلى في كمية الزيت حتى تصفر مع التقليب المستمر ثم تضاف إليها اللحمة المفرومة والبهارات والثوم ثم تضاف إليها الصلصة وتقلب قليلاً ثم كوب الماء وتترك لمدة خمسة دقائق ، في هذه الأثناء تضاف الدكوة إلى اللبن الرايب وتحرك بالأصابع حتى تختلط مع البن الرايب وتضاف إلى المقادير الأخرى وتقلب جيداً يضاف الملح حسب الرغبة وماأن تبدأ بالغليان ترفع عن النار لثواني بسيطة تضاف فيها الويكة بالتدريج مع الفرك المستمر حتى تتماسك ثم تعاد للنار لخمسة دقائق فقط وتقدم مع الكسرة أو العصيدة حسب الرغبة .
ملحوظة : قد لا نحتاج لكمية الويكة وقد نحتاج لإضافة فيها هذا حسب الرغبة أيضاً .
بالهناء والشفاء
| |
 
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: حمزاوي)
|
العزيزة عبير ,
كل سنة و انت طيبة و تصومى و تفطرى على خير
و ان شاء الله دايما مجلسك و مطبخك عامر ,,,,,,,,
اها بنتاوق و نتصنط مرة مرة للحجوة السمحة و الاكلة الطاعمة,,,,,
ودى لك ,,
نادية السر
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: أحمد الشايقي)
|
.
الشايقي يا صديق
إزييييك ورمضان كريم وكل سنة وإنت بألف خير
الشيف زميلتي مختفية وما لامة فيها ، رمضان ما ظهرها
بعدين الأيام دي الجو عندنا مسخن بالنهار بتكون قاعدة ليها تحت ضل مزيرة
وعاملة فيها مهمة شديد وقافلة موبايلاتها
الله يمرقها بالسلامة
أمواج دي شني يا الشايقي إنت إتحنكشت ولحقت أمات .. أمواج ؟
وريني المحتاج تصاريح في البلد دي منو .. كل يوم قايمة لينا عمارات وفنادق ومطاعم وآخر موضة كباري .
جاياك تاني
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: عبير خيرى)
|
رمضان سعيد وبخيت عليك انت
وربنا أخليكم لينا
انا عندي فكرة ليها زمن ودلوقت عرفت انها في طريقها الى الظهور
وهي عمل برنامج لللأكلات السودانية وكده عليك تحضير ثلاثين حلقة من دلوقت ونحن جاهزين للتسجيل خلال الإجازة القادمة وخضري قلمك ز وتحياتي لكل من يسأل عنا ولك اجمل التحيات
ورمضان كريم وشكرا على هذه الوجبة الشهية
مودتي[/purple]
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: عبير خيرى)
|
رمضان كريم يا عبير خيرى
يالله ده هو البوست المفيد فى الوقت الصاح
كنت طوالى ناوى اجرب النعيمية لكن حكاية ربع كيلو دكوة دى
خلتنى اراجع نفسي والتلاجة واشوف فضل فى الدكوة قدر شنو
يا عبير ربع دى كتيرة كلها بتجى كيلو وحاجةمن السودان
عارفة انا قبل 3 شهور مشيت الامارات طول الوقت كايس لمطعم سودانى
عشان بس اكل نعيمية ياخى الزول المعاى لما اتخلع فينى،اصلو ما عارف
البلد دى شكلها كيف! نخلى ناذر الخليفة يجى يحكى ويقول
مافى حلويات وتكون ما بتحتاج فرن
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: Naji A.Moniem)
|
.
إزيك يا ناجي
Quote: يا عبير ربع دى كتيرة كلها بتجى كيلو وحاجةمن السودان
|
الكمية قابلة للتقسيم على 3 لو حبيت أعمل تلت الكمية بتكفيك إنت ومعاك شخصين تاني
| Quote: مافى حلويات وتكون ما بتحتاج فرن |
في يا ناجي وكتيرة خالص
ودي واحدة منها إسمها الودعة
المقادير:
2 ونصف كوب دقيق
كوب سمن دافيْ
كوب ونصف لبن دافيء
ملعقة صغيرة باكنج بودر
ربع ملعقة صغيرة ملح
زيت للتحمير
جوز هند أو فول مدروش أو أي مكسرات مسحونة للتزيين
شراب سكر للتسقية
الطريقة:
ينخل الدقيق والباكنج بودر والملح ثم يضاف لهم السمن الدافي ويفرك جيداً ثم تضاف كمية اللبن الدافيء تدريجياً حتى تتماسك العجينة وتكون قابلة للفرد .
تقطع إلى دوائر صغيرة وتفتح على ظهر مصفى كبير حتى تأخذ شكل تخريمات المصفى ثم تصنع على شكل ودعة تخلص كل الكمية وتقلى على الزيت حتى يحمر لونها . ترفع من على الزيت وتوضع في شراب السكر لمدة دقيقتان ثم توضع على طبق التقديم ويرش عليها جوز الهند أو الفول المدروش أو أي مكسرات في متناول اليد وبالهناء والشفاء .
لعمل الشراب : 2 كوب سكر + كوب ماء + ملعقة ليمون وذرة ملح تضاف مع بعضها وتوضع على النار لمدة 10 دقائق من الغليان نتركه ليدفأ قليلاً ثم نبدأ باستعماله .
قصرت معاك يا ناجي ؟
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: Naji A.Moniem)
|
الاخ ناجي عبد المنعم (حسب قرايتي)
يازول انا عندي ليك تحلية ساهلة وما فيها فرن
وبتاخد من زمنك زي عشرة دقايق بس..
اها نديك المقادير: بسكويت شاي يكون مستطيل عشان الرصة تطلع سمحة
وكباية كبيرة لبن مغلي,علبتين قشطة(ممكن واحدة لو خايف من الجلطات )
علبتين كريم كراميل ( من البقالة), وكيس بتاع كريم شانتي(دريم ويب)
اول شيء تجيب ليك ماعون يكون مستطيل وبتاع قزاز وما غريق..
ترص البسكويت بمزاااج عالي طبقتين تلاتة كده..وبعد داك تكب فيهو
الحليب المغلي وتوزعه بطريقة متساوية وتدخله الفريزر..
تجيب الخلاط وتكب باقي المقادير وتخلطها خلطا مبرحا ..
تجيب صينيتك الما خمج وتكب فيها الحاجات المخلوطة وتشيل ليك
بسكويتة واحدة تفتفتها بفوق البرنامج ده..وترجعها تاني الفريزر
اها بس لما تاكل ادعي لأختك..
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: othman mohmmadien)
|
عبير ونجود
بعد أذنكم اي زول يسأل من النعيمية بلقاني في طرفوا ...
Quote: وباللحم الجاف (الشرموط) كيف تتعمل النعيمية
|
النعيمية هي هي باللحمة الطازجة او الناشفة (الشرموط) ...
تخت زيت في الحلة تخليهو يقدح ..
تكب البصلة أكان ناشفة تتطفيها بالموية طوالي بعد تحمر شوية او اذا بصل عادي تحمروا لحدي ما يبقى اصفر ذي ما قالت عبير ( وتديهو خلطة بالخلاطة) ...
بعد ما طفيت البصلة بالموية بعد التحمير تكب الشرموط وراهم تخليه مدة (5) دقائق وتكب موية شوية قدر كباية شاي ...
تجي تكب الصلصلة والبهارات تزيد مقدار الموية تاني شوية برضو ممكن قدر 2 كباية كبيرة ...
ممكن الدكوة تكون اقل من ربع كيلو ... برضو تديها خلطة بالخلاطة وتكبها ..
تجيب الزبادي قدر رطل او رطل ونص وديهم برضو خلطة وتكبه
وطبعا طوالي يدك في التحريك ...
بعد دا جاء دور الويكة ثلاثة ملاعق
تخليه شوية 5 دقائق في النار
وتطفيها
ورمضان كريم
| |
|
|
|
|
|
|
|
|
|
Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: abuguta)
|
الاخت الحبيبة عبير خيري....
اول مرة عيني تقع علي البوست ده..لكن بعد ده تعبتوا
معاي(انتي ونجود وبت حيمورة الفنانة).. انا غايتوا امي
سافرت السودان وقالت عدوا لي..يعني ما معروف تجي متين
كان عاشرة رمضان ولا عاشرة العيد..عشان كده اي وصفة حتنزلوها
حاطبقها بحزافيرها..حزفورة حزفورة..وكان ما نفعت ياها فضيحتكم
البقت علي مستوي الاسافير..عشان كده بطلوا غتاتة وختوا
المقادير الصاح
| |
|
|
|
|
|
|
|
|
 Re: رمضان سعيد وبخيت .. مطبخ عبير ونجود للأكلات الشعبية وقصص وحجاوي (Re: رشا سالم)
|
سلامات يا حلوين وكل سنة سالمين وتامين
رمضان كريم والبحبو كلو كريم وتصومو وتفطرو علي خير
شكرا علي الوصفة الوحيدة لحدي اسع
انا كنت ناوية افتح بوست ذي دا لاني طفسة وبحب الاكل والمطبخ عموما موت
لكن كل يوم بكرة وبعدو وآآه سبقتوني
طيب انا حاكتب ليكم بعض الوصفات العربية ان شاء الكريم واساهم بيها معاكم لاني ما خبرة خالص في الاكلات السودانيةالعريقة
طلبي اسع طريقة ملاح الروب الابيض
وخستكم بكل عزيز عليكم طريقة قرقوش خميرة اللبن ولو امكن الرقاق برضو عشان السحور
هذا اولا وبعدين نواصل
| |
|
|
|
|
|
|
| |
عبير خيرى
Tragie Mustafa
فيصل محمد خليل
أحمد الشايقي
Ahmed Mohammed Osman
محمد سنى دفع الله
حسن الجيلى سعيد
شهاب الفاتح عثمان
انعام حيمورة
Tumadir
Waly Eldin Elfakey
النذير حجازي
Shams eldin Alsanosi
Naji A.Moniem
رشا سالم
hameem
عبد المطلب خضر عبد المطلب
Faisal Al Zubeir
othman mohmmadien
abuguta
ajaj
الزنجي
معتز القريش
هشام حامد العبيد
Adil Osman
فيس بوك
تويتر
انستقرام
يوتيوب
بنتيريست